| ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠨ ᠳᠤ ᠬᠠᠮᠤᠭ ᠭᠤᠤᠯ ᠪᠤᠯᠵᠤ ᠪᠠᠶᠢᠭᠰᠠᠨ ᠲᠠᠬᠢᠯᠭᠠ | ᠨᠢ ᠲᠠᠷᠤᠢ ᠲᠡᠭᠷᠢ ᠲᠠᠬᠢᠬᠤ ᠶᠤᠰᠤᠨ ᠪᠤᠯᠬᠤ ᠶᠤᠮ᠃ ᠡᠬᠦᠨ ᠤ ᠲᠤᠬᠠᠢ ︽ᠮᠤᠩᠭᠤᠯ — ᠲᠠᠲ᠋ᠠᠷ ᠤᠨ ᠪᠦᠷᠢᠨ | ᠲᠡᠮᠳᠡᠭᠯᠡᠯ︾ ᠳᠤ ᠮᠤᠩᠭᠤᠯᠴᠤᠳ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠬᠡᠨ ᠳᠤ ᠵᠠᠪᠠᠯ ᠲᠡᠭᠷᠢ ᠲᠠᠬᠢᠳᠠᠭ ᠬᠡᠮᠡᠨ | ᠲᠡᠮᠳᠡᠭᠯᠡᠵᠦ ᠪᠤᠢ᠃ ᠲᠠᠶᠢᠹᠤᠰᠧ ᠮᠤᠩᠭᠤᠯᠴᠤᠳ ᠤᠨ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠬᠡᠨ ᠳᠤ ᠲᠡᠭᠷᠢ ᠲᠠᠬᠢᠬᠤ | ᠵᠠᠩᠰᠢᠯ ᠦᠨᠦ ᠪᠤᠯᠳᠠᠯᠠ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠪᠢᠯᠡ᠃ | ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠲᠡᠭᠷᠢ ᠳᠤ ᠮᠦᠷᠬᠦᠬᠦ ᠶᠡᠨᠳᠡᠷ ᠢ ᠪᠢᠳᠡᠬᠦᠨ ᠤ ᠡᠳᠦᠷ ᠪᠡᠯᠡᠳᠭᠡᠨᠡ᠃ ᠲᠤᠬᠠᠶᠢᠯᠠᠪᠠᠯ | ᠭᠡᠷ ᠠᠴᠠ ᠡᠮᠦᠨᠡ ᠵᠦᠭ ᠲᠤ ᠬᠦᠷ ᠴᠠᠰᠤ ᠶᠢ ᠲᠤᠭᠤᠷᠢᠭᠯᠠᠨ ᠡᠰᠬᠡᠵᠦ᠂ ᠲᠤᠤᠷᠠ ᠠᠴᠠ ᠲᠡᠭᠡᠭᠰᠢ ᠪᠠᠨ ᠶᠢᠰᠦᠨ | ᠲᠠᠪᠬᠤᠷ ᠰᠤᠪᠤᠷᠭᠠᠯᠠᠨ ᠪᠤᠰᠬᠠᠭᠠᠳ᠂ ᠵᠠᠭᠤ ᠨᠠᠢᠮᠠᠨ ᠰᠢᠷᠭᠡᠭ ᠲᠡᠷᠡᠰᠦᠨ ᠳᠤ ᠬᠦᠪᠦᠩ ᠢᠶᠠᠷ ᠪᠠᠮᠪᠠᠷ ᠤᠷᠢᠶᠠᠨ᠂ | ᠲᠡᠭᠡᠷᠡ ᠨᠢ ᠰᠢᠷᠠ ᠲᠤᠰᠤ ᠴᠢᠳᠬᠤᠨ ᠴᠠᠷᠴᠠᠭᠠᠵᠤ᠂ ᠡᠬᠦᠨ ᠢᠶᠠᠨ ᠲᠡᠭᠷᠢ ᠶᠢᠨ ᠵᠤᠯᠠ ᠬᠡᠮᠡᠨ ᠶᠡᠨᠳᠡᠷ ᠲᠡᠭᠡᠷᠡ ᠪᠠᠨ | ᠬᠠᠳᠬᠤᠬᠤ ᠪᠠᠷ ᠪᠡᠯᠡᠳᠭᠡᠵᠦ ᠲᠠᠯᠪᠢᠨᠠ᠃ ᠴᠠᠭᠠᠨ ᠰᠠᠷᠠ ᠶᠢᠨ ᠪᠠᠩᠰᠢ ᠪᠤᠤᠰᠠ ᠪᠠᠨ ᠪᠠᠷᠢᠬᠤ ᠦᠶᠡᠰ ᠪᠠᠰᠠ | ᠲᠡᠭᠷᠢ ᠳᠤ ᠡᠷᠬᠦᠬᠦ ᠪᠠᠩᠰᠢ ᠬᠡᠮᠡᠨ ᠱᠦᠯᠦᠨ ᠤ ᠪᠠᠩᠰᠢ ᠠᠴᠠ ᠤᠨᠳᠤᠤ ᠭᠤᠷᠪᠠᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠪᠠᠩᠰᠢ ᠭᠤᠷᠪᠠ | ᠶᠢ ᠪᠠᠷᠢᠵᠤ ᠬᠦᠯᠳᠡᠭᠡᠳᠡᠭ᠃ | ᠰᠢᠨᠡ ᠶᠢᠨ ᠨᠢᠬᠡᠨ ᠤ ᠦᠷ ᠢᠶᠠᠷ ᠂ ᠨᠢᠭᠤᠷ ᠭᠠᠷ ᠢᠶᠠᠨ ᠤᠬᠢᠶᠠᠵᠤ ᠠᠷᠴᠢᠭᠠᠳ᠂ ᠰᠢᠨᠡ ᠲᠡᠪᠡᠯ | ᠬᠤᠪᠴᠠᠰᠤ ᠪᠠᠨ ᠡᠮᠦᠰᠦᠭᠰᠡᠨ ᠤ ᠲᠠᠷᠠᠭᠠ ᠵᠤᠯᠠ ᠡᠷᠬᠦᠵᠦ ᠲᠡᠭᠷᠢ ᠳᠤ ᠮᠦᠷᠬᠦᠨᠡ᠃ ᠲᠡᠭᠷᠢ ᠳᠤ ᠮᠦᠷᠬᠦᠬᠦ ᠳᠡᠭᠡᠨ | ᠶᠡᠨᠳᠡᠷ ᠤᠨ ᠡᠮᠦᠨᠡ ᠤᠯᠪᠤᠭ ᠭᠡᠪᠢᠰ ᠪᠤᠶᠤ ᠢᠰᠡᠭᠡᠢ ᠲᠡᠪᠢᠰᠴᠦ ᠰᠢᠷᠡᠭᠡ ᠲᠠᠯᠪᠢᠭᠠᠳ᠂ ᠲᠡᠭᠡᠷᠡ ᠨᠢ ᠲᠠᠬᠢᠯᠭᠠ | ᠲᠠᠪᠠᠭ ᠢᠶᠠᠨ ᠦᠷᠦᠵᠦ᠂ ᠪᠢᠳᠡᠬᠦᠨ ᠤ ᠡᠳᠦᠷ ᠪᠡᠯᠡᠳᠭᠡᠭᠰᠡᠨ ᠵᠤᠯᠠ ᠬᠦᠵᠢ ᠪᠠᠨ ᠶᠡᠨᠳᠡᠷ ᠲᠡᠭᠡᠷᠡ ᠬᠠᠳᠬᠤᠵᠤ | ᠠᠰᠠᠭᠠᠭᠠᠳ᠂ ᠡᠷᠬᠦᠴᠡ ᠰᠠᠴᠤᠯᠢ ᠪᠠᠨ ᠡᠷᠬᠦᠭᠰᠡᠨ ᠤ ᠲᠠᠷᠠᠭᠠ ᠂ ᠭᠡᠷ ᠤᠨ ᠡᠵᠡᠨ ᠭᠤᠤᠯᠯᠠᠨ ᠪᠦᠬᠦᠳᠡᠭᠡᠷ | ᠰᠦᠬᠦᠳᠴᠦ ᠭᠤᠷᠪᠠᠨ ᠭᠤᠷᠪᠠ ᠶᠢᠰᠦ ᠮᠦᠷᠬᠦᠭᠡᠳ᠂ ᠲᠠᠬᠢᠯᠭᠠ ᠶᠢᠨ ᠵᠦᠢᠯ᠂ ᠢᠳᠡᠭᠡᠨ ᠤ ᠲᠡᠭᠡᠵᠢ᠂ ᠠᠷᠢᠬᠢ | ᠰᠠᠴᠤᠯᠢ ᠪᠠᠨ ᠵᠦᠭ ᠵᠦᠭ ᠲᠤ ᠡᠷᠬᠦᠵᠦ᠂ ᠫᠤᠤᠵᠢᠩ ᠲᠠᠯᠪᠢᠵᠤ ᠪᠠᠶᠠᠰᠤᠯᠴᠠᠨᠠ᠃ ᠲᠠᠷᠠᠭᠠ ᠨᠢ ᠭᠡᠷ ᠤᠨ ᠡᠵᠡᠨ | ᠬᠡᠶᠢᠮᠦᠷᠢ ᠪᠠᠨ ᠬᠡᠶᠢᠰᠭᠡᠨᠡ᠃ ᠬᠡᠶᠢᠮᠦᠷᠢ ᠶᠢ ᠮᠠᠮᠠ ᠬᠦᠮᠦᠨ ᠢᠶᠠᠷ ᠠᠳᠢᠰᠯᠠᠭᠤᠯᠵᠤ ᠠᠮᠢᠯᠠᠭᠤᠯᠳᠠᠭ᠃ ᠬᠡᠶᠢᠮᠦᠷᠢ | ᠶᠢᠨ ᠴᠢᠭᠠᠩ ᠬᠡᠵᠦ ᠭᠡᠷ ᠤᠨ ᠪᠠᠷᠠᠭᠤᠨ ᠡᠮᠦᠨᠡ ᠪᠠᠨ ᠦᠨᠳᠦᠷ ᠮᠤᠳᠤ ᠪᠤᠰᠬᠠᠭᠰᠠᠨ ᠪᠠᠶᠢᠳᠠᠭ᠃ ᠬᠡᠶᠢᠮᠦᠷᠢ ᠭᠡᠳᠡᠭ | ᠪᠤᠯ ᠭᠤᠤᠯ ᠳᠠᠭᠠᠨ ᠵᠢᠬᠦᠷ ᠲᠠᠢ ᠮᠤᠷᠢ᠂ ᠲᠦᠷᠪᠡᠨ ᠦᠨᠴᠦᠭ ᠲᠤᠨᠢ ᠯᠤᠤ᠂ ᠭᠠᠷᠤᠢ᠂ ᠪᠠᠷᠰ᠂ ᠠᠷᠰᠯᠠᠨ ᠲᠦᠷᠪᠡᠨ | ᠬᠦᠴᠦᠳᠡᠨ ᠵᠢᠷᠤᠵᠤ᠂ ᠵᠠᠪᠰᠠᠷ ᠲᠤᠨᠢ ᠲᠦᠪᠡᠳ ᠨᠤᠮ ᠤᠨ ᠯᠠᠨᠽᠠ ᠦᠰᠦᠭ ᠲᠠᠢ ᠲᠠᠷᠨᠢ ᠪᠢᠴᠢᠭᠰᠡᠨ ᠠᠮᠠ | ᠲᠦᠷᠪᠡᠯᠵᠢᠨ ᠪᠦᠰ ᠢ ᠬᠦᠪᠡᠭᠡᠯᠡᠵᠦ᠂ ᠭᠤᠷᠪᠠᠨ ᠬᠡᠯᠡ ᠪᠠᠷᠢᠵᠤ ᠤᠶᠤᠭᠰᠠᠨ ᠡᠯᠬᠦᠵᠦ ᠮᠠᠨᠳᠤᠭᠤᠯᠬᠤ ᠭᠡᠷᠡᠭᠰᠡᠯ | ᠪᠤᠯᠤᠨᠠ᠃ ᠬᠡᠯᠪᠡᠷᠢ ᠲᠦᠷᠰᠦ ᠨᠢ ᠦᠨᠳᠦᠰᠦᠨ ᠳᠡᠭᠡᠨ ᠠᠳᠠᠯᠢ᠂ ᠦᠩᠬᠡ ᠨᠢ ᠠᠳᠠᠯᠢ ᠦᠬᠡᠢ ᠪᠠᠶᠢᠳᠠᠭ᠃ | ᠬᠤᠯᠤᠭᠠᠨᠠ᠂ ᠯᠤᠤ᠂ ᠪᠡᠴᠢ ᠵᠢᠯᠳᠡᠨ ᠤ ᠭᠡᠶᠢᠮᠦᠷᠢ ᠨᠢ ᠬᠦᠬᠡ ᠲᠡᠪᠢᠰᠭᠡᠷ᠂ ᠰᠢᠷᠠ ᠬᠦᠪᠡᠭᠡ᠂ ᠴᠠᠭᠠᠨ ᠬᠡᠯᠡ ᠲᠠᠢ ᠃ | ᠪᠠᠷᠰ᠂ ᠮᠤᠷᠢ᠂ ᠨᠤᠬᠠᠢ ᠵᠢᠯᠳᠡᠨ ᠤ ᠭᠡᠶᠢᠮᠦᠷᠢ ᠨᠢ ᠰᠢᠷᠠ ᠲᠡᠪᠢᠰᠭᠡᠷ᠂ ᠨᠤᠭᠤᠭᠠᠨ ᠬᠦᠪᠡᠭᠡ᠂ ᠤᠯᠠᠭᠠᠨ ᠬᠡᠯᠡ | ᠲᠠᠢ ᠃ ᠲᠠᠬᠢᠶᠠ᠂ ᠦᠬᠡᠷ᠂ ᠮᠤᠭᠠᠢ ᠵᠢᠯᠳᠡᠨ ᠤ ᠭᠡᠶᠢᠮᠦᠷᠢ ᠨᠢ ᠴᠠᠭᠠᠨ ᠲᠡᠪᠢᠰᠭᠡᠷ᠂ ᠤᠯᠠᠭᠠᠨ ᠬᠦᠪᠡᠭᠡ᠂ | ᠰᠢᠷᠠ ᠬᠡᠯᠡ ᠲᠠᠢ ᠃ ᠲᠠᠤᠯᠠᠢ᠂ ᠬᠤᠨᠢ᠂ ᠭᠠᠭ᠋ᠠᠢ ᠵᠢᠯᠳᠡᠨ ᠤ ᠭᠡᠶᠢᠮᠦᠷᠢ ᠨᠢ ᠨᠤᠭᠤᠭᠠᠨ ᠲᠡᠪᠢᠰᠭᠡᠷ᠂ ᠴᠠᠭᠠᠨ | ᠬᠦᠪᠡᠭᠡ᠂ ᠬᠦᠭᠡ ᠬᠡᠯᠡ ᠲᠠᠢ ᠪᠠᠶᠢᠳᠠᠭ ᠃ ᠵᠦᠭᠡᠷ ᠴᠠᠭᠠᠨ ᠪᠦᠰ ᠲᠡᠭᠡᠷᠡ ᠭᠡᠪᠯᠡᠭᠰᠡᠨ ᠬᠡᠶᠢᠮᠦᠷᠢ ᠶᠢ ᠡᠰᠢ ᠪᠠᠷ | ᠨᠢ ᠭᠡᠷ ᠤᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠪᠦᠰᠡᠯᠡᠬᠦᠷ ᠲᠤ ᠬᠠᠪᠴᠢᠭᠤᠯᠤᠭᠰᠠᠨ ᠴᠤ ᠪᠠᠶᠢᠳᠠᠭ᠃ ᠬᠦᠮᠦᠨ ᠪᠦᠷᠢ ᠶᠢᠨ | ᠯᠦᠩᠳᠡ ᠪᠠᠭᠤᠬᠤ ︵ᠬᠡᠶᠢᠮᠦᠷᠢ ᠪᠠᠭᠤᠬᠤ︶ ᠡᠳᠦᠷ ᠠᠳᠠᠯᠢ ᠦᠬᠡᠢ ᠪᠦᠬᠡᠳ ᠲᠡᠷᠡ ᠨᠢ ᠲᠤᠰ ᠬᠦᠮᠦᠨ ᠤ ᠵᠢᠯ᠂ | ᠮᠠᠬᠠᠪᠤᠳ᠂ ᠮᠡᠩᠬᠡ᠂ ᠰᠠᠭᠤᠳᠠᠯ ᠵᠡᠷᠭᠡ ᠪᠠᠷ ᠲᠤᠭᠳᠠᠭᠠᠭᠳᠠᠨᠠ᠃ ᠯᠦᠩᠳᠡ ᠡᠳᠦᠷ ᠬᠡᠶᠢᠮᠦᠷᠢ ᠪᠠᠨ ᠲᠠᠬᠢᠬᠤ ᠪᠠ | ᠵᠢᠯ ᠲᠤᠵᠢ ᠭᠡᠶᠢᠰᠭᠡᠬᠦ ᠴᠤ ᠪᠤᠢ᠃ ᠬᠡᠶᠢᠮᠦᠷᠢ ᠪᠠᠨ ᠲᠠᠬᠢᠬᠤ ᠳᠤ ᠬᠡᠶᠢᠮᠦᠷᠢ ᠶᠢᠨ ᠰᠠᠩ ᠲᠠᠯᠪᠢᠭᠤᠯᠤᠨᠠ᠃ ᠴᠠᠭᠠᠨ | ᠰᠠᠷᠠ ᠳᠠᠭᠠᠨ ᠪᠤᠯ ᠡᠷᠭᠡᠪᠰᠢ ᠰᠢᠨᠡᠳᠭᠡᠨ ᠰᠡᠷᠬᠦᠬᠡᠵᠦ ᠬᠡᠶᠢᠰᠭᠡᠳᠡᠭ᠃ |