ᠱᠠᠭᠠ ᠨᠢᠰᠠᠯᠬᠤ — ᠨᠠᠭᠠᠳᠤᠮ ᠳᠤ ᠤᠷᠤᠯᠴᠠᠭᠰᠠᠳ ᠠᠳᠠᠯᠢ ᠲᠤᠭᠠᠨ ᠤ ᠱᠠᠭᠠ ᠬᠤᠪᠢᠶᠠᠨ ᠠᠪᠴᠤ ᠬᠤᠪᠢ | ᠨᠡᠶᠢᠯᠡᠬᠦᠯᠦᠬᠡᠳ᠂ ᠡᠬᠢᠯᠡᠵᠦ ᠨᠢᠰᠠᠯᠬᠤ ᠬᠦᠮᠦᠨ ᠱᠠᠭᠠ ᠪᠠᠨ ᠤᠷᠬᠢᠨᠠ᠃ ᠱᠠᠭᠠ ᠤᠷᠬᠢᠬᠤ ᠳᠠᠭᠠᠨ ᠭᠡᠳᠦ ᠪᠦᠬᠡᠮ | ᠪᠤᠶᠤ ᠭᠡᠳᠦ ᠲᠠᠷᠬᠠᠢ ᠤᠷᠬᠢᠬᠤ ᠠᠴᠠ ᠬᠢᠴᠢᠶᠡᠨᠡ ᠂ ᠬᠠᠷᠢᠨ ᠲᠦᠭᠡᠯᠳᠡ ᠰᠠᠶᠢᠳᠠᠢ ᠪᠠᠭᠤᠪᠠᠯ ᠨᠢᠰᠠᠯᠬᠤ ᠳᠤ ᠬᠢᠯᠪᠡᠷ | ᠪᠠᠶᠢᠳᠠᠭ᠃ ᠤᠷᠬᠢᠭᠰᠠᠨ ᠱᠠᠭᠠ ᠶᠢᠨ ᠲᠤᠳᠤᠷᠠᠬᠢ ᠠᠳᠠᠯᠢ ᠬᠡᠯᠪᠡᠷᠢ ᠪᠠᠷ ᠪᠠᠭᠤᠭᠰᠠᠨ ᠱᠠᠭᠠ ᠶᠢ ᠬᠠᠷᠢᠯᠴᠠᠨ | ᠨᠢᠰᠠᠯᠵᠤ ᠤᠨᠤᠭᠠᠨᠠ᠃ ᠵᠢᠱᠢᠶᠡᠯᠡᠪᠡᠯ ᠮᠤᠷᠢ ᠶᠢ ᠮᠤᠷᠢ ᠪᠠᠷ᠂ ᠬᠤᠨᠢ ᠶᠢ ᠬᠤᠨᠢ ᠪᠠᠷ ᠨᠢᠰᠠᠯᠤᠨᠠ᠃ ᠡᠷᠡᠬᠡᠢ | ᠬᠤᠷᠤᠭᠤ᠂ ᠲᠤᠮᠳᠠ ᠬᠤᠷᠤᠭᠤ᠂ ᠲᠤᠯᠤᠪᠤᠷ ᠬᠤᠷᠤᠭᠤ ᠶᠢᠨ ᠠᠯᠢ ᠪᠠᠷ ᠨᠢ ᠨᠢᠰᠠᠯᠤᠭᠰᠠᠨ ᠴᠤ ᠪᠤᠯᠤᠨᠠ᠃ | ᠨᠢᠰᠠᠯᠵᠤ ᠤᠨᠤᠭᠠᠪᠠᠯ ᠲᠠᠷᠠᠭᠠ ᠪᠠᠷ ᠨᠢᠰᠠᠯᠬᠤ ᠳᠤ ᠠᠰᠢᠭᠳᠠᠢ ᠨᠢᠬᠡᠨ ᠢ ᠦᠯᠡᠳᠡᠭᠡᠵᠦ ᠨᠦᠬᠦᠬᠡ ᠶᠢ ᠨᠢ ᠠᠪᠤᠨᠠ᠃ | ᠤᠨᠤᠭᠠᠬᠤ ᠦᠬᠡᠢ ᠪᠤᠶᠤ ᠦᠭᠡᠷᠡ ᠱᠠᠭᠠ ᠶᠢ ᠬᠦᠨᠳᠡᠪᠡᠯ ᠡᠬᠡᠯᠵᠢ ᠪᠠᠨ ᠲᠠᠷᠠᠭᠠᠴᠢ ᠶᠢᠨ ᠬᠦᠮᠦᠨ ᠳᠤ ᠲᠤᠰᠢᠶᠠᠨᠠ᠃ | ᠲᠠᠷᠠᠭᠠᠴᠢ ᠶᠢᠨ ᠬᠦᠮᠦᠨ ᠨᠢ ᠦᠯᠡᠳᠡᠵᠦ ᠪᠠᠶᠢᠭᠠ ᠱᠠᠭᠠ ᠶᠢ ᠤᠷᠬᠢᠵᠤ᠂ ᠲᠡᠭᠡᠷᠡᠬᠢ ᠶᠤᠰᠤᠭᠠᠷ ᠡᠬᠡᠯᠵᠢᠯᠡᠨ | ᠨᠢᠰᠠᠯᠵᠤ᠂ ᠡᠴᠦᠰ ᠲᠤ ᠬᠠᠮᠤᠭ ᠤᠨ ᠤᠯᠠᠨ ᠱᠠᠭᠠ ᠤᠯᠤᠭᠰᠠᠨ ᠨᠢ ᠱᠦᠬᠦᠵᠦ᠂ ᠬᠤᠪᠢ ᠪᠠᠨ ᠠᠯᠳᠠᠭᠰᠠᠨ ᠨᠢ | ᠱᠦᠬᠦᠭᠳᠡᠨᠡ᠃ ᠭᠠᠭᠴᠠ ᠨᠢᠰᠠᠯᠤᠭᠠ ᠦᠯᠡᠳᠡᠭᠡᠳ ᠲᠤᠮᠳᠠ ᠨᠢ ᠦᠬᠡᠷᠡ ᠱᠠᠭᠠ ᠲᠡᠭᠡᠭᠯᠡᠵᠦ ᠪᠠᠶᠢᠪᠠᠯ ᠨᠢᠰᠠᠯᠬᠤ | ᠱᠠᠭᠠ ᠪᠠᠨ ︽ᠡᠬᠦᠷᠴᠦ︾ ᠪᠤᠯᠤᠨᠠ᠃ ︽ᠡᠬᠦᠷᠬᠦ︾ ᠭᠡᠳᠡᠭ ᠨᠢ ᠬᠤᠷᠤᠭᠤ ᠪᠠᠨ ᠲᠤᠯᠢᠶᠠᠨ ᠨᠤᠷᠭᠠᠵᠤ ᠪᠠᠶᠢᠭᠠᠳ | ᠱᠠᠭᠠ ᠪᠠᠨ ᠨᠠᠭᠠᠯᠳᠤᠭᠤᠯᠤᠨ ᠠᠪᠠᠴᠢᠵᠤ᠂ ᠨᠦᠬᠦᠬᠡ ᠱᠠᠭᠠ ᠲᠡᠭᠡᠷᠡ ᠴᠤᠬᠢᠬᠤ ᠶᠢ ᠬᠡᠯᠡᠨᠡ᠃ ᠴᠤᠬᠢᠬᠤ ᠳᠠᠭᠠᠨ | ᠦᠯᠡᠳᠡᠵᠦ ᠪᠠᠶᠢᠭᠠ ᠱᠠᠭᠠ ᠶᠢᠨ ᠬᠡᠯᠪᠡᠷᠢ ᠲᠠᠢ ᠠᠳᠠᠯᠢ ᠪᠤᠯᠭᠠᠬᠤ ᠪᠠᠷ ᠴᠢᠷᠮᠠᠶᠢᠳᠠᠭ᠃ ᠡᠬᠦᠷᠦᠭᠡᠳ ᠤᠨᠠᠭᠠᠪᠠᠯ | ᠨᠢᠰᠠᠯᠬᠤ ᠡᠷᠭᠡ ᠶᠢ ᠲᠠᠷᠠᠭᠠᠴᠢ ᠶᠢᠨ ᠬᠦᠮᠦᠨ ᠳᠤ ᠲᠤᠰᠢᠶᠠᠨᠠ᠃ ᠭᠤᠷᠪᠠ ᠲᠦᠷᠪᠡᠨ ᠱᠠᠭᠠ ᠦᠯᠡᠳᠡᠭᠡᠳ | ᠪᠠᠶᠢᠬᠤ ᠳᠤ ᠭᠡᠷᠪᠡ ᠪᠦᠬᠦᠳᠡ ᠢᠵᠢᠯ ᠬᠡᠯᠪᠡᠷᠢ ᠪᠠᠷ ᠪᠠᠭᠤᠪᠠᠯ᠂ ᠤᠯᠠᠨ ᠢᠶᠠᠷ ᠢᠶᠠᠨ ᠭᠠᠷ ᠤᠨ ᠬᠤᠷᠳᠤᠨ ᠢ | ᠰᠢᠯᠭᠠᠵᠤ ᠪᠤᠯᠢᠶᠠᠯᠴᠠᠨ ᠠᠪᠤᠨᠠ᠃ |