ᠬᠦᠯ ᠨᠢᠴᠦᠬᠦᠨ ᠡᠮᠴᠢ ᠪᠠᠨ ᠮᠠᠭᠳᠠᠶᠠ | ᠷᠠᠰᠢᠨᠤᠷᠫᠢᠯ ᠵᠤᠬᠢᠶᠠᠵᠤ ᠬᠡᠯᠡᠪᠡ | | ᠬᠦᠷᠡᠩ ᠽᠠᠨᠳᠠᠨ ᠬᠤᠭᠤᠷ ᠤᠨ ᠢᠶᠠᠨ | ᠬᠦᠭ ᠢ ᠨᠢ ᠲᠠᠭᠠᠷᠠᠭᠤᠯᠵᠤ ᠲᠠᠳᠠᠶᠠ | ᠬᠦᠳᠡᠭᠡ ᠨᠤᠳᠤᠭ ᠲᠠᠭᠠᠨ ᠠᠯᠳᠠᠷᠰᠢᠭᠰᠠᠨ | ᠬᠦᠯ ᠨᠢᠴᠦᠬᠦᠨ ᠡᠮᠴᠢ ᠪᠠᠨ ᠮᠠᠭᠳᠠᠶᠠ᠃ | ᠠᠭᠤᠤ ᠲᠡᠷᠢᠬᠦᠯᠡᠭᠴᠢ ᠶᠢᠨ ᠰᠤᠷᠭᠠᠯ ᠢᠶᠠᠷ | ᠠᠶᠤᠤᠯᠢᠬᠠᠢ ᠴᠡᠭᠡᠵᠢ ᠪᠠᠨ ᠵᠡᠪᠰᠡᠭᠯᠡᠵᠡᠢ | ᠠᠴᠢᠳᠤ ᠨᠠᠮ ᠤᠨ ᠵᠢᠭᠠᠪᠤᠷᠢ ᠪᠠᠷ | ᠠᠵᠢᠯ ᠦᠢᠯᠡᠰ ᠢᠶᠠᠨ ᠵᠢᠯᠤᠭᠤᠳᠤᠭᠤᠯᠵᠠᠢ᠃ | ᠪᠧᠲ᠋ᠢᠶᠦ᠋ᠨ ᠡᠮᠴᠢ ᠠᠴᠠ ᠰᠤᠷᠤᠯᠴᠠᠭᠠᠳ | ᠪᠠᠭᠠᠳᠤᠷ ᠵᠤᠷᠢᠭ ᠢᠶᠠᠨ ᠬᠦᠪᠴᠢᠯᠡᠵᠡᠢ | ᠪᠡᠷᠭᠡᠰᠢᠶᠡᠯ ᠲᠦᠪᠡᠭ ᠢ ᠢᠯᠠᠭᠠᠳ | ᠪᠠᠭ᠋ᠠᠷᠤᠮᠠ ᠦᠢᠯᠡᠰ ᠢ ᠪᠦᠳᠦᠭᠡᠵᠡᠢ | ᠬᠦᠳᠡᠭᠡ ᠰᠠᠭᠤᠷᠢᠰᠢᠯ ᠤᠳᠤᠷ ᠢᠶᠠᠷ | ᠬᠦᠨᠵᠡᠭᠡᠶᠢᠷᠡᠵᠦ ᠶᠠᠪᠤᠳᠠᠭ ᠡᠮᠴᠢ ᠶᠤᠮ | ᠬᠤᠯᠠ ᠤᠶᠢᠷᠠ ᠭᠡᠵᠦ ᠢᠯᠭᠠᠯ ᠦᠬᠡᠢ | ᠬᠦᠷᠴᠦ ᠦᠢᠯᠡᠴᠢᠯᠡᠳᠡᠭ ᠡᠮᠴᠢ ᠶᠤᠮ | ᠡᠯᠢᠬᠡ ᠵᠢᠷᠦᠬᠡᠨ ᠤ ᠬᠠᠶᠢᠷᠠ ᠪᠠᠨ | ᠠᠷᠠᠳ ᠲᠠᠭᠠᠨ ᠶᠡᠬᠦᠯᠡᠭᠰᠡᠨ ᠡᠮᠴᠢ ᠶᠤᠮ | ᠡᠷᠡᠬᠦᠯ ᠬᠠᠮᠠᠭᠠᠯᠠᠯ ᠤᠨ ᠠᠵᠢᠯ ᠲᠡᠭᠡᠷᠡ | ᠠᠯᠢᠪᠠ ᠪᠠᠨ ᠵᠤᠷᠢᠭᠤᠯᠤᠭᠰᠠᠨ ᠡᠮᠴᠢ ᠶᠤᠮ᠃ | ᠦᠪᠡᠷ ᠤᠨ ᠬᠦᠴᠦ ᠪᠠᠷ ᠢᠶᠠᠨ ᠲᠡᠭᠵᠢᠷᠡᠵᠦ | ᠡᠪᠡᠰᠦᠨ ᠡᠮ ᠲᠡᠬᠦᠳᠡᠭ ᠶᠤᠮ | ᠡᠪᠡᠳᠴᠢᠨ ᠵᠠᠰᠠᠵᠤ ᠦᠭᠴᠢᠭᠡᠭᠡᠳ | ᠦᠨᠡ ᠬᠠᠩᠰᠢ ᠪᠤᠳᠤᠳᠠᠭ ᠦᠬᠡᠢ ᠶᠤᠮ᠃ | ᠦᠢᠯᠡᠳᠪᠦᠷᠢᠯᠡᠯ ᠬᠦᠳᠡᠯᠮᠦᠷᠢ ᠶᠢᠨ ᠹᠠᠷᠤᠨᠲ ᠳᠤ | ᠦᠵᠦᠬᠦᠷᠯᠡᠵᠦ ᠮᠠᠩᠯᠠᠶᠢᠯᠠᠵᠤ ᠶᠠᠪᠤᠳᠠᠭ ᠶᠤᠮ | ᠡᠪᠡᠳᠴᠢᠨ ᠪᠦᠬᠦᠨ ᠢ ᠡᠳᠡᠭᠡᠷᠡᠬᠦᠯᠦᠭᠡᠳ | ᠡᠷᠳᠡᠮ ᠴᠢᠳᠠᠯ ᠢᠶᠠᠷ ᠢᠶᠠᠨ ᠠᠯᠳᠠᠷᠰᠢᠭᠰᠠᠨ ᠶᠤᠮ᠃ | ᠰᠤᠶᠤᠯ ᠤᠨ ᠬᠤᠷᠠ ᠪᠠᠷ ᠤᠮᠳᠠᠯᠠᠭᠰᠠᠨ | ᠰᠤᠳᠤᠨ ᠰᠠᠶᠢᠨ ᠤᠳᠠᠴᠢ ᠶᠤᠮ | ᠰᠢᠨᠡ ᠴᠠᠭ ᠡᠷᠡᠨ ᠤ ᠪᠠᠨ | ᠰᠢᠯᠢᠳᠡᠭ ᠨᠢᠬᠡᠨ ᠴᠢᠳᠠᠪᠤᠷᠢᠳᠠᠨ ᠶᠤᠮ᠃ | ᠬᠦᠯ ᠨᠢᠴᠦᠬᠦᠨ ᠡᠮᠴᠢ ᠪᠠᠨ | ᠬᠦᠳᠡᠭᠡ ᠶᠢᠨ ᠮᠠᠯᠴᠢᠳ ᠨᠢ ᠬᠠᠶᠢᠷᠠᠯᠠᠨᠠ | ᠬᠦᠭᠯᠡᠭᠰᠡᠨ ᠬᠤᠭᠤᠷ ᠢᠶᠠᠨ ᠲᠠᠳᠠᠭᠠᠳ | ᠬᠦᠩᠬᠢᠨᠡᠳᠡᠯᠡ ᠮᠠᠭᠳᠠᠨ ᠲᠠᠭᠤᠯᠠᠶᠠ᠃ |