| ᠲᠠᠶᠢᠹᠤᠰᠧᠴᠤᠳ ᠬᠤᠨᠢ ᠢᠮᠠᠭᠠᠨ ᠤ ᠠᠷᠠᠰᠤ ᠶᠢ ᠡᠳ᠋ᠰᠢᠬᠦᠯᠵᠦ ᠪᠤᠯᠪᠠᠰᠤᠷᠠᠭᠤᠯᠤᠭᠠᠳ᠂ ᠠᠷᠠᠰᠤᠨ ᠤᠭᠴᠤᠷ | ᠂ ᠢᠮᠠᠭᠠᠨ ᠲᠠᠬᠤ᠂ ᠬᠤᠷᠠᠭᠠᠨ ᠮᠠᠯᠠᠭᠠᠢ᠂ ᠰᠠᠩᠰᠠᠨ ᠲᠡᠪᠡᠯ ᠮᠡᠳᠦ ᠶᠢᠨ ᠡᠪᠦᠯ ᠤᠨ ᠲᠡᠪᠡᠯ ᠬᠤᠪᠴᠠᠰᠤ ᠪᠤᠶᠤ | ᠲᠡᠪᠢᠰᠭᠡᠷ ᠬᠤᠮ ᠤᠨ ᠵᠦᠢᠯ ᠬᠢᠳᠡᠭ ᠪᠦᠬᠡᠳ ᠠᠷᠠᠰᠤ ᠪᠠᠨ ᠢᠯᠬᠢᠯᠡᠵᠦ ᠬᠠᠪᠤᠷ ᠨᠠᠮᠤᠷ ᠤᠨ ᠬᠤᠪᠴᠠᠰᠤ ᠬᠢᠬᠦ ᠴᠤ | ᠪᠠᠶᠢᠳᠠᠭ᠃ ᠡᠨᠡ ᠨᠢ ᠴᠦᠮ ᠠᠷᠠᠰᠤ ᠢᠳᠡᠭᠡᠯᠡᠬᠦ ᠪᠠ ᠠᠷᠠᠰᠤ ᠡᠯᠳᠡᠬᠦ ᠭᠠᠷ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠶᠠᠪᠤᠴᠠ ᠶᠢ | ᠲᠠᠮᠵᠢᠨᠠ᠃ | ᠠᠷᠠᠰᠤ ᠰᠤᠷ ᠢᠳᠡᠭᠡᠯᠡᠬᠦ — ᠬᠤᠨᠢ ᠢᠮᠠᠭᠠᠨ ᠤ ᠠᠷᠠᠰᠤ ᠢᠳᠡᠭᠡᠯᠡᠬᠦ ᠳᠤ ᠠᠷᠠᠰᠤ ᠪᠠᠨ ᠤᠰᠤᠨ ᠳᠤ | ᠬᠦᠢᠴᠡᠳ ᠲᠡᠪᠳᠦᠬᠡᠵᠦ ᠨᠤᠶᠢᠳᠠᠨ ᠪᠤᠯᠭᠠᠭᠰᠠᠨ ᠤ ᠲᠠᠷᠠᠭᠠ᠂ ᠠᠷᠠᠰᠤᠨ ᠤ ᠬᠦᠷᠦᠰᠦᠨ ᠳᠤ ᠲᠠᠭᠠᠭᠰᠠᠨ ᠮᠢᠬᠠ᠂ | ᠬᠠᠯᠢᠰᠤ ᠪᠠ ᠰᠢᠬᠦᠰᠦ ᠶᠢ ᠨᠢ ᠴᠡᠪᠡᠷᠬᠡᠨ ᠬᠤᠰᠤᠨ ᠠᠪᠴᠤ᠂ ᠠᠷᠠᠰᠤᠨ ᠳᠠᠬᠢ ᠰᠢᠩᠭᠡᠭ ᠪᠠᠭᠠᠰᠤ ᠶᠢ ᠬᠤᠵᠢᠷ ᠲᠠᠢ | ᠤᠰᠤ ᠪᠠᠷ ᠦᠰᠦ ᠶᠢ ᠨᠢ ᠪᠤᠳᠠᠷᠠᠳᠠᠯᠠ ᠤᠬᠢᠶᠠᠵᠤ ᠴᠡᠪᠡᠷᠯᠡᠨᠡ᠃ ᠲᠡᠭᠡᠭᠡᠳ ᠭᠠᠩ ᠰᠠᠪᠠᠨ ᠳᠤ ᠬᠢᠭᠰᠡᠨ ᠴᠠᠭᠠ | ᠲᠡᠭᠡᠷᠡ ᠪᠠᠨ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠲᠠᠪᠤᠰᠤ ᠱᠠᠤ ᠬᠢᠵᠦ ᠬᠤᠳᠬᠤᠭᠠᠳ ᠂ ᠤᠬᠢᠶᠠᠵᠤ ᠴᠡᠪᠡᠷᠯᠡᠭᠰᠡᠨ ᠠᠷᠠᠰᠤ | ᠪᠠᠨ ᠬᠢᠵᠦ ᠲᠠᠯᠪᠢᠨᠠ᠃ ᠡᠳᠦᠷ ᠪᠦᠷᠢ ᠴᠠᠭᠠ ᠪᠠᠨ ᠬᠤᠳᠬᠤᠨ ᠡᠷᠬᠢᠬᠦᠯᠵᠦ᠂ 6 —7 ᠡᠳᠦᠷ ᠪᠤᠯᠪᠠᠯ ᠢᠳᠡᠭᠡ | ᠤᠷᠤᠨᠠ᠃ ᠠᠷᠠᠰᠤᠨ ᠤ ᠴᠠᠭᠠ ᠶᠢ ᠰᠢᠪᠳᠤᠷᠴᠤ ᠬᠤᠰᠤᠬᠤ ᠦᠬᠡᠢ ᠪᠠᠷ ᠰᠠᠯᠬᠢᠨ ᠳᠤ ᠡᠯᠬᠦᠵᠦ ᠬᠠᠳᠠᠭᠠᠬᠤ ᠪᠤᠶᠤ | ᠬᠠᠪᠳᠠᠭᠠᠢ ᠶᠠᠭᠤᠮᠠᠨ ᠲᠡᠭᠡᠷᠡ ᠲᠡᠯᠬᠡᠵᠦ ᠬᠠᠳᠠᠭᠠᠨᠠ᠃ ᠪᠠᠰᠠ ᠠᠷᠠᠰᠤᠨ ᠳᠠᠭᠠᠨ ᠲᠠᠪᠤᠰᠤ ᠱᠠᠤ ᠲᠠᠢ ᠴᠠᠭᠠ | ᠲᠦᠷᠬᠢᠵᠦ᠂ ᠬᠤᠶᠠᠷ ᠬᠦᠷᠦᠰᠦ ᠶᠢ ᠬᠠᠪᠰᠤᠷᠤᠨ ᠡᠪᠬᠡᠵᠦ ᠢᠳᠡᠭᠡᠯᠡᠬᠦ ᠴᠤ ᠪᠤᠢ᠃ ᠢᠩᠬᠢᠵᠦ ᠢᠳᠡᠭᠡᠯᠡᠬᠦ ᠳᠤ | ᠡᠳᠦᠷ ᠪᠦᠷᠢ ᠰᠢᠨᠡ ᠴᠠᠭᠠ ᠨᠡᠮᠡᠨ ᠲᠦᠷᠬᠢᠵᠦ᠂ ᠰᠠᠶᠢᠳᠤᠷ ᠨᠤᠬᠤᠯᠠᠨ ᠵᠦᠬᠡᠯᠡᠷᠡᠬᠦᠯᠵᠦ 5 —6 ᠡᠳᠦᠷ ᠪᠤᠯᠤᠭᠠᠳ | ᠢᠳᠡᠭᠡ ᠤᠷᠤᠭᠰᠠᠨ ᠤ ᠲᠠᠷᠠᠭᠠ ᠲᠡᠯᠬᠡᠨ ᠬᠠᠳᠠᠭᠠᠵᠤ ᠠᠪᠤᠨᠠ᠃ ᠰᠤᠷ ᠢᠳᠡᠭᠡᠯᠡᠬᠦ ᠴᠤ ᠡᠬᠦᠨ ᠯᠦᠭᠡ ᠠᠳᠠᠯᠢ᠃ | ᠵᠤᠨ ᠤ ᠴᠠᠭ ᠲᠤ ᠵᠦᠰᠦᠭᠰᠡᠨ ᠰᠤᠷ ᠢᠶᠠᠨ ᠴᠢᠬᠢᠭ ᠲᠠᠢ ᠰᠢᠷᠤᠢ ᠳᠤ ᠪᠤᠯᠠᠵᠤ ᠵᠦᠭᠡᠯᠡᠷᠡᠳᠡᠯᠡ ᠴᠢᠬᠢᠭᠳᠦᠬᠦᠯᠦᠭᠰᠡᠨ | ᠤ ᠲᠠᠷᠠᠭᠠ᠂ ᠲᠤᠭᠤᠭᠠ ᠨᠡᠷᠡᠭᠡᠳ ᠭᠠᠷᠤᠭᠰᠠᠨ ᠰᠢᠩᠭᠡᠨ ᠴᠠᠭᠠ ᠲᠤᠳᠤᠷᠠ ᠪᠠᠭᠠ ᠲᠠᠪᠤᠰᠤ ᠱᠠᠤ ᠬᠢᠵᠦ᠂ ᠲᠤᠳᠤᠷᠠ | ᠨᠢ ᠴᠢᠬᠢᠭᠳᠦᠵᠦ ᠵᠦᠭᠡᠯᠡᠷᠡᠭᠰᠡᠨ ᠰᠤᠷ ᠢᠶᠠᠨ ᠬᠢᠭᠡᠳ ᠭᠡᠳᠦᠨ ᠡᠳᠦᠷ ᠲᠡᠪᠳᠦᠭᠡᠭᠡᠳ ᠢᠳᠡᠭᠡ ᠤᠷᠤᠭᠰᠠᠨ ᠬᠤᠶᠢᠨᠠ | ᠡᠯᠬᠦᠬᠦ ᠪᠤᠶᠤ ᠲᠡᠯᠬᠡᠵᠦ ᠬᠠᠳᠠᠭᠠᠨᠠ ᠃ ᠡᠬᠦᠨ ᠢ ︽ᠢᠳᠡᠭᠡᠯᠡᠭᠰᠡᠨ ᠰᠤᠷ︾ ᠬᠡᠨᠡ᠃ ᠪᠦᠳᠦᠬᠦᠨ ᠦᠬᠡᠷ ᠤᠨ | ᠠᠷᠠᠰᠤ ᠪᠠᠷ ᠪᠤᠯᠪᠠᠰᠤᠷᠠᠭᠤᠯᠵᠤ ᠭᠠᠷᠭᠠᠭᠰᠠᠨ ᠰᠤᠷ ᠨᠢ ᠪᠦᠬᠡᠯᠢᠭ ᠮᠦᠷᠳᠡᠭᠡᠨ ᠠᠷᠪᠢᠨ ᠭᠠᠷᠳᠠᠭ᠃ ᠦᠬᠡᠷ ᠤᠨ | ᠠᠷᠠᠰᠤ ᠶᠢ ᠤᠰᠤᠨ ᠳᠤ ᠰᠠᠶᠢᠳᠤᠷ ᠲᠡᠪᠳᠦᠬᠡᠵᠦ᠂ ᠮᠤᠳᠤᠨ ᠲᠡᠷᠭᠡᠨ ᠤ ᠲᠡᠩᠭᠡᠯᠢᠭ ᠮᠡᠳᠦ ᠶᠢᠨ ᠭᠠᠳᠠᠷᠭᠤ ᠨᠢ | ᠬᠦᠯᠢᠭᠡᠷ ᠪᠦᠬᠡᠷᠡᠩᠬᠡᠢ ᠮᠤᠳᠤᠨ ᠳᠤ ᠨᠦᠮᠦᠷᠢᠬᠦᠯᠵᠦ ᠪᠠᠶᠢᠭᠠᠳ ᠬᠤᠷᠴᠠ ᠢᠷ ᠲᠠᠢ ᠬᠢᠳᠤᠭᠠ ᠪᠠᠷ ᠦᠰᠦ | ᠬᠤᠶᠢᠬᠠ ᠶᠢ ᠨᠢ ᠨᠢᠮᠬᠡᠨ ᠬᠦᠷᠦᠰᠦ ᠲᠠᠢ ᠨᠢ ᠬᠠᠮᠳᠤ ᠬᠤᠰᠤᠵᠤ ᠠᠪᠤᠨᠠ᠃ ᠦᠰᠦ ᠶᠢ ᠨᠢ ᠬᠤᠰᠤᠭᠰᠠᠨ ᠠᠷᠠᠰᠤ | ᠪᠠᠨ ᠲᠤᠯᠤᠭᠠᠢ ᠲᠠᠯᠠ ᠠᠴᠠ ᠨᠢᠷᠤᠭᠤ ᠲᠠᠭᠠᠭᠤᠯᠤᠨ ᠰᠡᠬᠦᠯ ᠵᠦᠭ ᠨᠢ ᠵᠦᠰᠦᠵᠦ ᠠᠷᠠᠰᠤ ᠪᠠᠨ ᠬᠤᠶᠠᠷ ᠬᠠᠭᠠᠰ | ᠪᠤᠯᠭᠠᠨᠠ᠃ ᠬᠠᠭᠠᠰᠯᠠᠭᠰᠠᠨ ᠠᠷᠠᠰᠤ ᠪᠠᠨ ᠬᠤᠶᠠᠷ ᠬᠤᠷᠤᠭᠤ ᠦᠷᠭᠡᠨ ᠢᠶᠠᠷ ᠵᠤᠷᠪᠤᠰᠯᠠᠨ ᠵᠦᠰᠦᠨᠡ᠃ ᠡᠨᠡ ᠮᠡᠳᠦ | ᠪᠠᠷ ᠵᠦᠰᠦᠬᠦ ᠳᠤ᠂ ᠪᠦᠳᠦᠬᠦᠨ ᠦᠬᠡᠷ ᠤᠨ ᠠᠷᠠᠰᠤᠨ ᠠᠴᠠ ᠪᠠᠷᠤᠭ ᠲᠦᠴᠢ ᠲᠠᠪᠢᠨ ᠵᠤᠷᠪᠤᠰ ᠰᠤᠷ ᠭᠠᠷᠳᠠᠭ᠃ | ᠡᠬᠦᠨ ᠢ ︽ᠴᠤᠯᠭᠤᠢ ᠰᠤᠷ︾ ᠬᠡᠨᠡ᠃ ᠰᠤᠷ ᠢᠶᠠᠷ ᠨᠤᠭᠳᠤ ᠬᠠᠵᠠᠭᠠᠷ᠂ ᠴᠢᠳᠦᠷ ᠲᠤᠱᠠ᠂ ᠵᠢᠷᠢᠮ ᠭᠠᠨᠵᠤᠭᠠ᠂ | ᠬᠤᠳᠤᠷᠭᠠ ᠬᠦᠮᠦᠯᠳᠦᠷᠭᠡ ᠵᠡᠷᠭᠡ ᠮᠤᠷᠢᠨ ᠤ ᠡᠳ᠋ᠯᠡᠯ ᠭᠡᠷᠡᠭᠰᠡᠯ ᠦᠢᠯᠡᠳᠬᠦ ᠪᠠ ᠰᠤᠷ ᠲᠠᠳᠠᠯᠭᠠ ᠴᠤ ᠲᠠᠮᠤᠨᠠ᠃ | ᠡᠳ᠋ᠰᠢᠬᠦᠯᠦᠭᠰᠡᠨ ᠰᠤᠷ ᠢᠶᠠᠨ ᠦᠬᠡᠬᠦ ᠲᠤᠰᠤ ᠪᠠᠷ ᠲᠤᠰᠤᠯᠠᠵᠤ᠂ ᠬᠤᠷᠠ ᠪᠤᠷᠤᠭᠠᠨ ᠳᠤ ᠲᠡᠪᠳᠦᠨ ᠬᠠᠳᠠᠵᠤ | ᠠᠷᠵᠠᠶᠢᠬᠤ ᠠᠴᠠ ᠰᠡᠷᠭᠡᠶᠢᠯᠡᠨᠡ᠃ ᠲᠠᠶᠢᠹᠤᠰᠧᠴᠤᠳ ᠤᠨ ᠬᠢᠭᠰᠡᠨ ᠰᠤᠷ ᠡᠳ᠋ᠯᠡᠯ ᠨᠢ ᠴᠡᠪᠡᠷ ᠴᠡᠮᠴᠡᠭᠡᠷ᠂ ᠬᠦᠩᠬᠡᠨ | ᠵᠦᠬᠡᠯᠡᠨ᠂ ᠡᠳ᠋ᠯᠡᠬᠦ ᠳᠤ ᠮᠠᠰᠢ ᠠᠶᠠᠳᠠᠢ ᠪᠠᠶᠢᠳᠠᠭ᠃ |