ᠬᠤᠰᠢᠭᠤ ᠴᠡᠷᠢᠭ ᠤᠨ ᠲᠠᠭᠤᠤ | ᠦᠳᠦᠳᠡᠢ ᠪᠢᠴᠢᠭ ᠨᠢ ᠦᠷᠳᠡᠭᠡ ᠲᠠᠮᠵᠢᠭᠠᠳ ᠢᠷᠡᠯᠡ ᠬᠦ᠋ | ᠦᠳᠦᠳᠡᠢ ᠪᠢᠴᠢᠭ ᠨᠢ ᠬᠦᠷᠦᠭᠡᠳ ᠢᠷᠡᠬᠦᠯᠡᠷ | ᠡᠳᠦᠷ ᠰᠦᠨᠢ ᠶᠢᠨ ᠪᠤᠳᠤᠯ ᠪᠤᠯᠤᠯᠠ ᠳ᠋ᠡ | ᠭᠠᠵᠠᠷ ᠤᠨ ᠬᠤᠯᠠ ᠠᠴᠠ ᠪᠢᠴᠢᠭ ᠢᠷᠡᠯᠡ ᠬᠦ᠋ | ᠭᠠᠵᠠᠷ ᠤᠨ ᠬᠤᠯᠠ ᠠᠴᠠ ᠬᠦᠷᠦᠭᠡᠳ ᠢᠷᠡᠬᠦᠯᠡᠷ | ᠬᠠᠪᠳᠠᠭᠠᠢ ᠴᠡᠭᠡᠵᠢ ᠮᠢᠨᠢ ᠬᠦᠳᠦᠶᠢᠯᠬᠡᠯᠡ ᠳ᠋ᠡ | ᠱᠠᠩᠳᠤ ᠲᠠᠪᠢ ᠠᠴᠠ ᠠᠭᠳᠠ ᠪᠠᠨ ᠢᠯᠭᠠᠯᠠ ᠬᠦ᠋ | ᠰᠢᠪᠠᠷᠳᠤ ᠶᠢᠨ ᠪᠠᠷᠠᠭᠤᠨ ᠬᠦᠳᠦᠯ ᠲᠡᠭᠡᠷᠡ | ᠰᠠᠨᠠᠭᠠ ᠵᠤᠪᠠᠵᠤ ᠬᠤᠴᠤᠷᠤᠯᠠ ᠳ᠋ᠡ | ᠡᠮᠦᠨᠡ ᠠᠭᠤᠯᠠᠨ ᠠᠴᠠ ᠠᠭᠳᠠ ᠪᠠᠨ ᠢᠯᠭᠠᠯᠠ ᠬᠦ᠋ | ᠦᠷᠳᠡᠭᠡ ᠶᠢᠨ ᠵᠡᠬᠦᠨ ᠬᠦᠳᠦᠯ ᠲᠡᠭᠡᠷᠡ | ᠡᠩᠰᠡᠷᠡᠵᠦ ᠵᠤᠪᠠᠵᠤ ᠬᠤᠴᠤᠷᠤᠯᠠ ᠳ᠋ᠡ | ᠭᠡᠵᠢᠬᠡ ᠪᠠᠨ ᠢᠯᠪᠢᠨ ᠭᠤᠩᠰᠤᠶᠢᠵᠤ ᠰᠠᠭᠤᠬᠤᠯᠠᠷ | ᠭᠡᠷ ᠲᠡᠭᠡᠨ ᠪᠠᠶᠢᠭᠠ ᠡᠵᠢ ᠮᠢᠨᠢ ᠰᠠᠨᠠᠭᠳᠠᠨᠠ | ᠭᠡᠷᠭᠡᠢ ᠪᠤᠯᠤᠨ ᠬᠦᠦ ᠮᠢᠨᠢ ᠰᠠᠨᠠᠭᠳᠠᠨᠠ | ᠮᠦᠩᠬᠦ ᠲᠠᠢ ᠲᠠᠪᠤᠨ ᠵᠠᠭᠤ ᠨᠢ | ᠮᠦᠩᠬᠦ ᠪᠠᠨ ᠦᠭᠬᠦᠬᠡᠳ ᠬᠤᠴᠤᠷᠤᠯᠠ ᠬᠦ᠋ | ᠮᠦᠩᠬᠦ ᠦᠬᠡᠢ ᠲᠠᠪᠤᠨ ᠵᠠᠭᠤ ᠨᠢ | ᠮᠦᠭᠳᠡᠨ ᠮᠠᠭᠺᠠᠯᠠ ᠳᠤ ᠮᠦᠷᠬᠦᠯᠡ ᠳ᠋ᠡ | ᠵᠤᠭᠤᠰ ᠲᠠᠢ ᠲᠠᠪᠤᠨ ᠵᠠᠭᠤ ᠨᠢ | ᠵᠤᠭᠤᠰ ᠢᠶᠠᠨ ᠦᠭᠬᠦᠭᠡᠳ ᠬᠤᠴᠤᠷᠤᠯᠠ ᠬᠦ᠋ | ᠵᠤᠭᠤᠰ ᠦᠬᠡᠢ ᠲᠠᠪᠤᠨ ᠵᠠᠭᠤ ᠨᠢ | ᠵᠤᠭᠰᠤᠵᠤ ᠪᠠᠶᠢᠭᠠᠳ ᠮᠦᠷᠬᠦᠯᠡ ᠳ᠋ᠡ | ᠮᠤᠷᠢ ᠲᠠᠢ ᠲᠠᠪᠤᠨ ᠵᠠᠭᠤ ᠨᠢ | ᠮᠤᠷᠢ ᠪᠠᠨ ᠤᠨᠤᠭᠠᠳ ᠭᠠᠷᠤᠯᠠ ᠬᠦ᠋ | ᠮᠤᠷᠢ ᠦᠬᠡᠢ ᠲᠠᠪᠤᠨ ᠵᠠᠭᠤ ᠨᠢ | ᠡᠮᠡᠬᠡᠯ ᠢᠶᠠᠨ ᠡᠬᠦᠷᠦᠭᠡᠳ ᠬᠤᠴᠤᠷᠤᠯᠠ ᠳ᠋ᠡ | ᠬᠠᠪᠢᠰᠤᠳᠠᠢ ᠠᠯᠪᠠᠨ ᠪᠢᠴᠢᠭ ᠨᠢ ᠬᠦ᠋ | ᠬᠠᠭᠠᠯᠭᠠ ᠲᠠᠮᠵᠢᠭᠠᠳ ᠢᠷᠡᠯᠡ ᠳ᠋ᠡ | ᠬᠠᠪᠤᠷ ᠤᠨ ᠲᠡᠷᠢᠬᠦᠨ ᠰᠠᠷᠠ ᠳᠤᠨᠢ ᠬᠦ᠋ | ᠴᠡᠷᠢᠭ ᠢᠶᠠᠨ ᠠᠪᠤᠭᠠᠳ ᠮᠤᠷᠳᠠᠯᠠ ᠳ᠋ᠡ | ᠰᠤᠳᠤ ᠪᠤᠯᠤᠭᠰᠠᠨ ᠪᠠᠭᠠᠴᠤᠳ ᠢ ᠨᠢ ᠬᠦ᠋ | ᠰᠤᠩᠭᠤᠵᠤ ᠠᠪᠤᠭᠠᠳ ᠮᠤᠷᠳᠠᠯᠠ ᠳ᠋ᠡ | ᠰᠤᠬᠤᠷ ᠪᠤᠯᠤᠨ ᠲᠤᠭᠤᠯᠠᠩ ᠨᠢ ᠬᠦ᠋ | ᠰᠤᠮᠤᠨ ᠳᠠᠭᠠᠨ ᠦᠯᠡᠳᠡᠭᠡᠳ ᠬᠤᠴᠤᠷᠤᠯᠠ ᠳ᠋ᠡ | ᠴᠡᠭᠡᠨ ᠶᠤ᠋ ᠬᠤᠨᠳᠠᠭᠠᠨ ᠳᠠᠭᠠᠨ ᠠᠷᠢᠬᠢ ᠬᠡᠮᠨᠡᠯᠡ | ᠴᠡᠷᠢᠭ ᠤᠨ ᠪᠢᠴᠢᠭ ᠬᠦᠷᠦᠭᠡᠳ ᠢᠷᠡᠬᠦᠯᠡᠷ | ᠴᠡᠭᠡᠵᠢᠨ ᠲᠡᠭᠡᠷᠡ ᠮᠢᠨᠢ ᠬᠦᠳᠦᠶᠢᠯᠬᠡᠯᠡ | ᠠᠯᠠᠭ ᠶᠤ᠋ ᠬᠤᠨᠳᠠᠭᠠᠨ ᠳᠠᠭᠠᠨ ᠠᠷᠢᠬᠢ ᠬᠡᠮᠨᠡᠯᠡ | ᠠᠯᠪᠠ ᠶᠢᠨ ᠪᠢᠴᠢᠭ ᠬᠦᠷᠦᠭᠡᠳ ᠢᠷᠡᠬᠦᠯᠡᠷ | ᠠᠶᠤᠤᠯᠢᠬᠠᠢ ᠲᠡᠭᠡᠷᠡ ᠮᠢᠨᠢ ᠬᠦᠳᠦᠶᠢᠯᠬᠡᠯᠡ | ᠵᠢᠯ ᠢᠶᠠᠷ ᠶᠠᠪᠤᠬᠤ ᠳᠤᠨᠢ ᠭᠤᠨᠢᠷᠬᠠᠭᠰᠠᠨ ᠦᠬᠡᠢ ᠳ᠋ᠡ | ᠵᠢᠨᠵᠸᠦ ᠬᠤᠳᠠ ᠶᠢᠨ ᠱᠧᠩ ᠭᠤᠸᠠᠨ ᠶᠢᠰᠦᠨ ᠲᠤᠯᠢ ᠳᠤᠨᠢ | ᠰᠡᠳᠬᠢᠯ ᠪᠠᠭ᠋ᠠᠨ ᠭᠤᠨᠢᠷᠠᠯᠠ ᠳ᠋ᠡ ᠬᠦ᠋ | ᠰᠠᠷᠠ ᠪᠠᠷ ᠶᠠᠪᠤᠬᠤ ᠳᠤᠨᠢ ᠭᠤᠨᠢᠷᠬᠠᠭᠰᠠᠨ ᠦᠬᠡᠢ ᠳ᠋ᠡ | ᠱᠠᠨᠠᠬᠠ ᠪᠤᠭᠤᠮᠳᠠ ᠶᠢᠨ ᠱᠧᠩ ᠭᠤᠸᠠᠨ ᠶᠢᠰᠦᠨ ᠲᠤᠯᠢ ᠳᠤᠨᠢ | ᠰᠡᠳᠬᠢᠯ ᠪᠠᠭ᠋ᠠᠨ ᠭᠤᠨᠢᠷᠠᠯᠠ ᠳ᠋ᠡ ᠬᠦ᠋ |