ᠮᠤᠩᠭᠤᠯ ᠠᠷᠠᠳ ᠤᠨ ᠲᠠᠭᠤᠤ ᠪᠤᠯ ᠮᠤᠩᠭᠤᠯ ᠠᠷᠠᠳ ᠤᠨ ᠠᠮᠠᠨ ᠵᠤᠬᠢᠶᠠᠯ ᠤᠨ ᠴᠢᠬᠤᠯᠠ ᠨᠢᠬᠡᠨ ᠲᠦᠷᠦᠯ᠃ | ᠦᠯᠢᠭᠡᠷ ᠲᠤᠤᠯᠢ᠂ ᠢᠷᠦᠬᠡᠯ ᠮᠠᠭᠳᠠᠭᠠᠯ᠂ ᠤᠨᠢᠰᠤᠭᠠ᠂ ᠬᠤᠯᠪᠤᠭᠠ᠂ ᠲᠠᠭᠠᠷᠢᠯᠴᠠᠭᠠ ᠵᠡᠷᠭᠡ ᠠᠮᠠᠨ ᠵᠤᠬᠢᠶᠠᠯ | ᠤᠨ ᠪᠤᠰᠤᠳ ᠲᠦᠷᠦᠯ ᠵᠦᠢᠯ ᠲᠠᠢ ᠠᠳᠠᠯᠢ ᠪᠠᠷ ᠠᠷᠠᠳ ᠤᠨ ᠲᠠᠭᠤᠤ ᠳᠤ ᠪᠠᠶᠠᠯᠢᠭ ᠰᠠᠶᠢᠬᠠᠨ ᠠᠭᠤᠯᠭᠠ᠂ ᠢᠷᠠᠭᠤ | ᠰᠠᠶᠢᠬᠠᠨ ᠬᠡᠯᠪᠡᠷᠢ ᠬᠠᠳᠠᠭᠠᠯᠭᠠᠳᠠᠵᠤ ᠪᠠᠶᠢᠬᠤ ᠶᠢᠨ ᠬᠠᠮᠳᠤ᠂ ᠦᠵᠡᠯ ᠰᠠᠨᠠᠭᠠ ᠪᠠ ᠰᠡᠳᠬᠢᠯᠬᠡ ᠶᠢᠨ ᠬᠠᠮᠤᠭ ᠤᠨ | ᠡᠷᠬᠢᠮ ᠵᠦᠢᠯᠡᠰ ᠲᠦᠪᠯᠡᠷᠡᠨ ᠰᠢᠩᠬᠡᠵᠦ ᠪᠠᠶᠢᠳᠠᠭ᠃ ᠲᠠᠶᠢᠹᠤᠰᠧ ᠠᠷᠠᠳ ᠤᠨ ᠲᠠᠭᠤᠤ ᠨᠢ ᠠᠷᠠᠳ ᠤᠨ ᠠᠮᠠᠨ | ᠵᠤᠬᠢᠶᠠᠯ ᠤᠨ ᠨᠢᠬᠡᠨ ᠲᠦᠷᠦᠯ ᠪᠤᠯᠤᠭᠰᠠᠨ ᠬᠤᠪᠢ ᠳᠤ᠂ ᠮᠤᠩᠭᠤᠯ ᠨᠤᠳᠤᠭ ᠤᠨ ᠦᠨᠦᠷ ᠠᠮᠳᠠ ᠠᠷᠭᠠ ᠦᠬᠡᠢ | ᠰᠠᠶᠢᠬᠠᠨ ᠰᠢᠩᠬᠡᠵᠦ᠂ ᠬᠠᠶᠢᠷᠠ ᠪᠠ ᠬᠤᠷᠤᠰᠤᠯ᠂ ᠪᠠᠶᠠᠰᠤᠯ ᠪᠠ ᠭᠤᠳᠤᠷᠠᠯ᠂ ᠰᠡᠳᠬᠢᠯᠬᠡ ᠶᠢᠨ ᠡᠯᠳᠡᠪ ᠦᠩᠬᠡ | ᠬᠠᠳᠠᠭᠠᠯᠠᠭᠳᠠᠨ᠂ ᠲᠤᠬᠠᠢ ᠶᠢᠨ ᠴᠠᠭ ᠦᠶᠡ ᠶᠢᠨ ᠠᠷᠠᠳ ᠲᠦᠮᠡᠨ ᠤ ᠠᠮᠢᠳᠤᠷᠠᠯ ᠲᠡᠮᠡᠴᠡᠯ᠂ ᠬᠦᠰᠡᠯ ᠮᠦᠷᠦᠭᠡᠳᠦᠯ | ᠢ ᠠᠬᠤᠶᠢᠴᠢ ᠪᠠᠷ ᠲᠤᠰᠬᠠᠭᠰᠠᠨ ᠪᠦᠬᠡᠳ ᠠᠯᠪᠠᠨ ᠴᠡᠷᠢᠭ ᠳᠤ ᠶᠠᠪᠤᠭᠠᠳ ᠠᠪᠤ ᠡᠵᠢ ᠠᠬᠠ ᠲᠡᠬᠦᠦ ᠰᠠᠳᠤᠨ ᠢᠶᠠᠨ | ᠰᠠᠨᠠᠭᠠᠯᠵᠠᠨ ᠮᠦᠷᠦᠭᠡᠳᠬᠦ᠂ ᠤᠤᠭᠤᠭᠰᠠᠨ ᠤᠰᠤ ᠤᠨᠠᠭᠰᠠᠨ ᠰᠢᠷᠤᠢ ᠪᠠᠨ ᠤᠶᠠᠩᠭᠠᠯᠠᠨ ᠮᠠᠭᠳᠠᠬᠤ᠂ ᠬᠠᠶᠢᠷᠠ | ᠶᠢᠨ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠭᠡᠵᠦ ᠬᠤᠩᠭᠤᠷ ᠠᠮᠠᠷᠠᠭ ᠢᠶᠠᠨ ᠲᠠᠭᠤᠯᠠᠬᠤ ᠮᠡᠳᠦ ᠶᠢᠨ ᠦᠷᠭᠡᠨ ᠠᠭᠤᠯᠭᠠ ᠶᠢ | ᠪᠠᠭᠳᠠᠭᠠᠵᠤ ᠪᠠᠶᠢᠳᠠᠭ᠃ ᠲᠠᠶᠢᠹᠤᠰᠧ ᠨᠤᠳᠤᠭ ᠤᠨ ᠲᠠᠭᠤᠤ ᠨᠢ ᠶᠡᠷᠦᠩᠬᠡᠢ ᠳᠡᠭᠡᠨ ᠤᠭᠵᠤᠮ ᠴᠤᠬᠢᠯᠭᠠ᠂ | ᠰᠤᠷᠭᠤᠭ ᠠᠶᠢᠵᠠᠮ ᠲᠠᠢ ᠴᠠᠬᠠᠷ ᠲᠠᠭᠤᠤ ᠶᠢᠨ ᠤᠨᠴᠠᠯᠢᠭ ᠰᠢᠨᠵᠢ ᠶᠢ ᠪᠦᠷᠢᠮᠦᠰᠦᠨ ᠬᠠᠳᠠᠭᠠᠯᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ | ᠦᠬᠡᠢ᠂ ᠪᠤᠰᠤᠳ ᠬᠤᠰᠢᠭᠤ ᠨᠤᠳᠤᠭ ᠤᠨ ᠤᠬᠢ ᠰᠢᠮᠡ ᠶᠢ ᠰᠢᠩᠭᠡᠭᠡᠵᠦ᠂ ᠨᠢᠬᠡ ᠲᠠᠭᠤᠤ ᠶᠢ ᠤᠷᠳᠤ ᠪᠤᠶᠤ | ᠪᠤᠭᠤᠨᠢ ᠪᠠᠷ ᠪᠦᠷ ᠲᠠᠭᠤᠯᠠᠵᠤ ᠪᠤᠯᠬᠤ ᠰᠡᠳᠬᠢᠯᠬᠡ ᠲᠡᠬᠦᠯᠳᠡᠷ᠂ ᠠᠶᠠᠯᠭᠤ ᠶᠢᠨ ᠲᠡᠯᠭᠡᠴᠡ ᠨᠢ ᠨᠡᠯᠢᠶᠡᠳ ᠦᠷᠭᠡᠨ᠂ | ᠦᠯᠢᠭᠡᠷᠳᠦ ᠲᠠᠭᠤᠤ ᠲᠠᠢ ᠤᠶᠢᠷᠠᠯᠴᠠᠭᠠ ᠵᠡᠷᠭᠡ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠮᠠᠰᠢ ᠲᠤᠳᠤ ᠬᠠᠷᠠᠭᠳᠠᠨᠠ᠃ ᠦᠨᠢ | ᠤᠷᠳᠤ ᠶᠢᠨ ᠲᠡᠦᠬᠡᠨ ᠶᠠᠪᠤᠴᠠ ᠳᠤ ᠲᠠᠶᠢᠹᠤᠰᠧᠴᠤᠳ ᠤᠨ ᠲᠤᠮᠳᠠ ᠮᠠᠰᠢ ᠤᠯᠠᠨ ᠠᠷᠠᠳ ᠤᠨ ᠲᠠᠭᠤᠤ | ᠵᠤᠬᠢᠶᠠᠭᠳᠠᠵᠤ ᠲᠡᠯᠭᠡᠷᠡᠭᠰᠡᠨ ᠪᠤᠯᠪᠠᠴᠤ᠂ ᠡᠷᠳᠡ ᠦᠶᠡ ᠳᠤ ᠡᠮᠬᠢᠳᠬᠡᠨ ᠬᠠᠳᠠᠭᠠᠯᠠᠭᠰᠠᠨ ᠦᠬᠡᠢ ᠪᠤᠯᠬᠤᠷ ᠤᠯᠠᠩᠬᠢ | ᠨᠢ ᠮᠠᠷᠳᠠᠭᠳᠠᠵᠤ᠂ ᠮᠡᠳᠡᠬᠦ ᠬᠦᠮᠦᠨ ᠬᠤᠪᠤᠷ ᠪᠤᠯᠵᠠᠢ᠃ ᠲᠠᠶᠢᠹᠤᠰᠧ ᠨᠤᠳᠤᠭ ᠤᠨ ᠠᠬᠠᠮᠠᠳ ᠤᠷᠠᠯᠢᠭᠴᠢᠳ ᠤᠨ | ᠡᠮᠬᠢᠳᠭᠡᠨ ᠴᠤᠭᠯᠠᠭᠤᠯᠤᠭᠰᠠᠨ ᠠᠷᠠᠳ ᠤᠨ ᠲᠠᠭᠤᠤ ᠳᠤ ︽ᠲᠠᠶᠢᠹᠤᠰᠧ ᠤᠨ ᠬᠦᠷᠦ ᠳ᠋ᠠ︾ ᠂ ︽ᠰᠡᠮᠡᠵᠡᠨ | ᠴᠠᠭᠠᠨ ᠡᠬᠦᠯᠡ︾ ᠂ ︽ᠲᠠᠴᠠᠨᠰᠤ ︾᠂ ︽ᠵᠢᠷᠤᠭᠠ ᠪᠤᠷᠤ︾ ᠂ ︽ᠭᠠᠩᠭᠠ ᠶᠢᠨ ᠯᠤᠷᠤᠢ︾ ᠂ ︽ᠮᠠᠯᠠᠭᠠᠢ | ᠶᠢᠨ ᠰᠦᠮᠡ︾ ᠵᠡᠷᠭᠡ ᠲᠠᠭᠤᠤ ᠨᠤᠭᠤᠳ ᠪᠠᠶᠢᠳᠠᠭ᠃ |