| ᠠᠰᠤᠷᠤ ᠠᠶᠠᠯᠭᠤ ᠴᠠᠬᠠᠷ ᠨᠤᠳᠤᠭ ᠲᠤ ᠨᠡᠶᠢᠳᠡᠮ ᠲᠡᠯᠭᠡᠷᠡᠭᠰᠡᠨ ᠨᠢ ᠲᠠᠷᠤᠢ ᠮᠠᠨᠵᠤ ᠶᠢᠨ ᠰᠡᠭᠦᠯᠴᠢ ᠶᠢᠨ | ᠦᠶᠡ ᠶᠢᠨ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠡᠨᠡ ᠨᠢ ︽ ᠠᠰᠤᠷᠤ︾ ᠭᠡᠮᠡᠭᠦ ᠡᠨᠡᠭᠦ ᠮᠤᠩᠭᠤᠯ ᠤᠷᠳᠤᠨ ᠤ ᠭᠦᠭᠵᠢᠮ ᠤᠨ | ᠲᠤᠰ ᠪᠡᠶᠡ ᠨᠤᠭᠤᠷᠠᠰᠢ ᠦᠭᠡᠢ ᠠᠮᠢᠯᠠᠯ ᠤᠨ ᠭᠦᠴᠤᠨ ᠲᠠᠢ ᠠᠴᠠ ᠭᠠᠳᠠᠨᠠ᠂ ᠮᠠᠨᠵᠤ ᠶᠢᠨ ᠨᠤᠶᠠᠷᠬᠠᠯ ᠢᠯᠵᠠᠷᠠᠨ | ᠲᠤᠷᠦ᠋ᠢᠳᠠᠵᠤ᠂ ᠴᠠᠬᠠᠷ ᠠᠶᠢᠮᠠᠭ ᠲᠤ ᠶᠠᠪᠤᠭᠤᠯᠵᠤ ᠪᠠᠶᠢᠭᠰᠠᠨ ᠰᠤᠶᠤᠯ ᠤᠨ ᠪᠤᠳᠤᠯᠭᠠ ᠨᠢ ᠰᠤᠯᠠᠷᠠᠭᠰᠠᠨ ᠲᠠᠢ | ᠬᠤᠯᠪᠤᠭᠳᠠᠨᠠ᠃ ᠴᠠᠬᠠᠷ ᠤᠷᠤᠨ ᠤ ᠠᠯᠪᠠᠨ ᠵᠠᠩᠭᠢ ᠤᠳ᠂ ᠴᠢᠨᠠᠭᠰᠢᠯᠠᠪᠠᠯ ᠬᠠᠷᠠᠴᠤ ᠠᠷᠠᠳ ᠴᠤ ᠬᠤᠷᠢᠮ ᠨᠠᠶᠢᠷ | ᠲᠠᠭᠠᠨ ᠤᠷᠳᠤᠨ ᠤ ᠮᠠᠶ᠋ᠢᠭ ᠢᠶᠠᠷ ᠠᠰᠤᠷᠤ ᠪᠠᠨ ᠭᠦᠭᠵᠢᠮᠳᠡᠵᠤ᠂ ᠠᠰᠤᠷᠤ ᠭᠦᠭᠵᠢᠮ ᠤᠨ ᠠᠶᠠᠰ ᠢ | ᠲᠦᠭᠡᠮᠡᠯᠵᠢᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ︽ ᠠᠰᠤᠷᠤ ᠦᠭᠡᠢ ᠪᠤᠯ ᠨᠠᠶᠢᠷ ᠦᠭᠡᠢ᠂ ᠠᠷᠢᠭᠢ ᠦᠭᠡᠢ ᠪᠤᠯ ᠬᠤᠷᠢᠮ | ᠦᠭᠡᠢ︾ ᠬᠡᠮᠡᠨ᠂ ᠴᠠᠬᠠᠷᠴᠤᠳ ᠲᠡᠭᠡᠳᠤᠰ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ︽ ᠠᠰᠤᠷᠤ︾ ᠭᠦᠭᠵᠢᠮ ᠢᠶᠠᠨ | ᠲᠠᠭᠢᠯᠭᠠ ᠶᠢᠨ ᠲᠡᠭᠡᠳᠤ᠂ ᠨᠠᠶᠢᠷ ᠤᠨ ᠮᠠᠩᠯᠠᠢ ᠳᠤ ᠭᠦᠭᠵᠢᠮᠳᠡᠭᠰᠡᠭᠡᠷ ᠢᠷᠡᠭᠰᠡᠨ ᠨᠢ ᠲᠡᠤᠭᠡ ᠰᠤᠶᠤᠯ ᠤᠨ ᠡᠭᠦᠳᠡᠨ | ᠠᠴᠠ ᠠᠪᠴᠤ ᠭᠡᠯᠡᠪᠡᠯ ᠮᠤᠩᠭᠤᠯ ᠰᠤᠶᠤᠯ ᠢᠶᠠᠨ ᠭᠡᠭᠡᠵᠤ ᠤᠷᠭᠢᠯ ᠦᠭᠡᠢ ᠬᠠᠳᠠᠭᠠᠯᠠᠵᠤ ᠢᠷᠡᠭᠰᠡᠨ ᠮᠠᠭᠳᠠᠨ | ᠦᠨᠡᠯᠡᠭᠦᠰᠢᠳᠡᠢ ᠤᠴᠢᠷ ᠶᠤᠮ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠨᠠᠶᠢᠷ ᠪᠠᠶᠠᠷ ᠪᠤᠯᠬᠤ ᠳᠤ ᠠᠮᠪᠠᠰ ᠨᠤᠶᠠᠳ ᠵᠡᠷᠭᠡ | ᠲᠡᠰ ᠤᠨ ᠲᠠᠷᠠᠭᠠᠯᠠᠯ ᠢᠶᠠᠷ ᠮᠤᠷᠢᠯᠠᠨ ᠰᠠᠭᠠᠳᠠᠭᠰᠠᠨ ᠤ ᠲᠠᠷᠠᠭᠠ᠂ ᠭᠦᠭᠵᠢᠮᠴᠢᠳ ᠠᠴᠠ ᠦᠪᠡᠷ ᠤᠨ ᠬᠤᠰᠢᠭᠤ | ᠰᠦᠷᠦᠭ ᠤᠨ ᠠᠰᠤᠷᠤ ᠪᠠᠨ ᠭᠦᠭᠵᠢᠮᠳᠡᠨ ᠨᠠᠶᠢᠷ ᠢᠶᠠᠨ ᠡᠭᠢᠯᠡᠭᠦᠯᠳᠡᠭ ᠵᠢᠷᠤᠮ ᠲᠠᠢ ᠪᠦᠬᠡᠳ ᠠᠰᠤᠷᠤ | ᠭᠦᠭᠵᠢᠮᠳᠡᠭᠰᠡᠳ ᠢ ᠲᠡᠭᠡᠳᠤ ᠵᠡᠷᠭᠡ ᠶᠢᠨ ᠵᠤᠴᠢᠨ ᠢᠶᠠᠷ ᠭᠦᠨᠳᠤᠯᠡᠨ ᠦᠵᠡᠵᠤ ᠴᠡᠭᠡ ᠪᠠᠷᠢᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠵᠠᠢ | ᠃ | ᠲᠠᠶᠢᠹᠤᠰᠧ ᠨᠤᠳᠤᠭ ᠲᠤ ᠭᠦᠨᠳᠤᠳᠤ ᠵᠤᠴᠢᠨ ᠢᠶᠠᠨ ᠤᠬᠳᠤᠬᠤ᠂ ᠦᠪᠡᠳᠡᠭᠰᠢ ᠶᠡᠭᠡ ᠪᠠᠶᠠᠷ ᠤᠨ ᠶᠤᠰᠤᠯᠠᠯ | ᠪᠤᠶᠤ ᠬᠤᠷᠢᠮ ᠨᠠᠶᠢᠷ ᠵᠡᠷᠭᠡ ᠳᠤ ︽ᠠᠰᠤᠷᠤ︾ ᠠᠶᠠᠯᠭᠤ ᠶᠢ ᠭᠦᠭᠵᠢᠮᠳᠡᠭᠦ ᠨᠢ ᠨᠢᠭᠡᠨ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ | ᠦᠭᠡᠢ ᠵᠦᠢᠯ ᠪᠤᠯᠵᠤ ᠪᠠᠶᠢᠪᠠ᠃ ᠠᠷᠠᠳ ᠤᠨ ᠬᠦᠭᠵᠢᠮ ︽ᠲᠠᠶᠢᠹᠤᠰᠧ ᠠᠰᠤᠷᠤ︾ ᠪᠠ ᠠᠷᠠᠳ ᠤᠨ ᠲᠠᠭᠤᠤ ︽ | ᠲᠠᠶᠢᠹᠤᠰᠧ ᠬᠦᠷᠦ ᠳ᠋ᠠ︾ ᠪᠤᠯ ᠲᠦᠯᠦᠬᠡᠯᠡᠬᠦ ᠴᠢᠨᠠᠷᠳᠠᠢ ᠪᠦᠳᠦᠭᠡᠯ ᠪᠠᠶᠢᠵᠤ᠂ ᠡᠳᠦᠬᠡ ᠪᠤᠯᠳᠠᠯᠠ ᠠᠷᠠᠳ ᠤᠨ | ᠲᠤᠮᠳᠠ ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠶᠢᠨᠠ᠃ ᠲᠠᠶᠢᠹᠤᠰᠧᠴᠤᠳ ᠤᠤᠯ ᠠᠴᠠ ᠲᠠᠭᠤᠤ ᠬᠦᠭᠵᠢᠮ ᠳᠤ ᠲᠤᠷᠠ ᠪᠠᠬᠠ ᠲᠠᠢ᠂ | ᠠᠷᠠᠳ ᠤᠨ ᠲᠤᠮᠳᠠ ᠲᠠᠭᠤᠴᠢᠨ ᠪᠠ ᠬᠦᠭᠵᠢᠮᠴᠢᠨ ᠮᠠᠰᠢ ᠠᠷᠪᠢᠨ ᠪᠠᠶᠢᠳᠠᠭ᠃ ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ ᠲᠤᠮᠳᠠᠴᠢ | ᠪᠠᠷ ᠴᠤ ᠭᠡᠰᠡᠨ ᠠᠷᠠᠳ ᠤᠨ ᠲᠠᠭᠤᠴᠢᠨ ᠰᠤᠨᠤᠮᠨᠢᠮᠠ᠂ ᠶᠠᠳᠤᠭᠠᠴᠢᠨ ᠷᠠᠰᠢᠯᠾᠦ᠋ᠩᠷᠤᠪ᠂ ᠯᠢᠮᠪᠤᠴᠢᠨ ᠴᠤᠶᠢᠷᠤᠭ᠂ | ᠱᠠᠨᠵᠠᠴᠢᠨ ᠪᠠᠨᠽᠠᠷᠠᠭᠴᠠ ᠮᠡᠳᠦ ᠶᠢᠨ ᠰᠠᠶᠢᠨ ᠬᠦᠭᠵᠢᠮᠴᠢᠨ ᠲᠠᠭᠤᠴᠢᠨ ᠪᠠᠶᠢᠭᠰᠠᠨ ᠶᠤᠮ᠃ ᠷᠠᠰᠢᠯᠾᠦ᠋ᠩᠷᠤᠪ ᠤᠨ | ᠬᠤᠷᠢᠨ ᠲᠦᠷᠪᠡᠨ ᠲᠡᠪᠬᠡ ᠲᠠᠢ ᠮᠤᠩᠭᠤᠯ ᠶᠠᠳᠤᠭᠠ ᠨᠢ ᠤᠳᠤ ᠪᠤᠯᠳᠠᠯᠠ ᠦᠪᠦᠷ ᠮᠤᠩᠭᠤᠯ ᠤᠨ ᠮᠦᠽᠸᠢ ᠳᠤ | ᠬᠠᠳᠠᠭᠠᠯᠠᠭᠳᠠᠵᠤ ᠪᠤᠢ᠃ | ᠲᠠᠶᠢᠹᠤᠰᠧ ᠵᠡᠬᠦᠨ ᠭᠠᠷ ᠰᠦᠷᠦᠭ ᠤᠨ ᠬᠢᠨ ︽ᠲᠠᠶᠢᠹᠤᠰᠧ ᠠᠰᠤᠷᠤ︾ ᠪᠠᠨ ᠰᠦᠷᠦᠭ ᠤᠨ ᠢᠶᠠᠨ ᠨᠠᠶᠢᠷ | ᠨᠠᠭᠠᠳᠤᠮ᠂ ᠬᠤᠷᠢᠮ ᠪᠠᠶᠠᠷ᠂ ᠠᠮᠪᠠᠰ ᠨᠤᠶᠠᠳ ᠤᠨ ᠴᠤᠭᠯᠠᠭᠠᠨ ᠲᠡᠭᠡᠷᠡ ᠬᠦᠭᠵᠢᠮᠳᠡᠳᠡᠭ ᠪᠦᠬᠡᠳ ᠪᠤᠶᠠᠨᠳᠤ | ᠲᠦᠷᠪᠡᠨ ᠰᠠᠷᠠ ᠶᠢᠨ ᠠᠷᠪᠠᠨ ᠨᠢᠬᠡ ᠳᠤ ᠵᠡᠯᠡ ᠭᠠᠷᠭᠠᠨ ᠬᠡᠬᠦᠦ ᠪᠠᠷᠢᠵᠤ ᠴᠡᠭᠡ ᠢᠰᠭᠡᠵᠦ᠂ ᠤᠭ᠍ᠶᠤ ᠨᠤᠭᠤᠭᠠᠨ | ᠬᠡᠪᠢᠰ ᠰᠢᠭ ᠮᠠᠩᠨᠤᠭ ᠲᠠᠯᠠ ᠳᠠᠭᠠᠨ ᠴᠤᠭᠯᠠᠷᠠᠵᠠᠭᠠᠨ᠂ ᠰᠢᠬᠦᠰᠦ ᠭᠠᠷᠭᠠᠨ ᠴᠡᠭᠡ ᠤᠤᠭᠤᠵᠠᠭᠠᠵᠤ ᠨᠠᠶᠢᠷᠠᠯᠳᠤᠬᠤ | ︵ᠡᠬᠦᠨ ᠢ ᠠᠶᠢᠷᠠᠭᠯᠠᠨᠠ ᠬᠡᠳᠡᠭ︶ ᠦᠶᠡ ᠳᠡᠭᠡᠨ ᠬᠦᠭᠵᠢᠮᠳᠡᠵᠦ᠂ ᠰᠠᠶᠢᠨ ᠰᠠᠶᠢᠨᠬᠠᠨ ᠠᠵᠤ ᠠᠮᠢᠳᠤᠷᠠᠯ ᠢᠶᠠᠨ | ᠪᠡᠯᠭᠡᠳᠡᠳᠡᠭ᠃ ᠡᠬᠦᠨ ᠤ ᠬᠠᠮᠳᠤ ᠤᠯᠠᠮᠵᠢᠯᠠᠯᠳᠤ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠢ ᠲᠠᠭᠠᠯᠳᠤᠭᠤᠯᠤᠨ ᠬᠢᠵᠦ᠂ ᠡᠷᠡ | ᠶᠢᠨ ᠴᠢᠳᠠᠯ᠂ ᠠᠭᠳᠠ ᠶᠢᠨ ᠬᠦᠴᠦᠨ ᠢ ᠡᠨᠡ ᠬᠦ᠋ ᠠᠶᠠᠯᠭᠤᠨ ᠤ ᠲᠤᠮᠳᠠ ᠰᠢᠯᠭᠠᠷᠠᠭᠤᠯᠳᠠᠭ ᠪᠠᠶᠢᠪᠠ᠃ | ᠰᠢᠨᠡ ᠲᠤᠮᠳᠠᠳᠤ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠦᠨᠳᠦᠰᠦᠳᠡᠨ | ᠨᠦᠭᠦᠳ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠰᠤᠶᠤᠯ ᠴᠤ᠋ ᠰᠢᠨᠡ ᠬᠦᠭᠵᠢᠯᠳᠡ ᠲᠠᠢ ᠪᠤᠯᠪᠠ᠃1955 ᠤᠨ ᠳᠤ᠂ ᠦᠪᠦᠷ | ᠮᠤᠩᠭᠤᠯ ᠤᠨ ᠲᠠᠭᠤᠤ ᠪᠦᠵᠢᠭ ᠤᠨ ᠪᠦᠯᠬᠦᠮ ᠪᠡᠭᠡᠵᠢᠩ ᠳᠤ ᠲᠤᠭᠯᠠᠬᠤ ᠳᠤ ᠨᠡᠭᠡᠭᠡᠯᠳᠡ ᠶᠢᠨ ᠲᠤᠭᠯᠠᠯᠳᠠ ᠨᠢ | ᠠᠰᠤᠷᠤ ᠶᠢᠨ ᠲᠠᠭᠤᠤ ᠪᠦᠵᠢᠭ ᠬᠦᠭᠵᠢᠮ ᠪᠠᠶᠢᠵᠤ᠂ ᠡᠨᠡ ᠬᠦ᠋ ᠦᠨᠢ ᠡᠷᠳᠡᠨ ᠤ ᠬᠤᠷᠢᠮ ᠨᠠᠶᠢᠷ ᠤᠨ ᠬᠦᠭᠵᠢᠮ ᠢ | ᠠᠩᠬᠠ ᠤᠳᠠᠭᠠ ᠲᠠᠶᠢᠰᠠᠨ ᠳᠤ ᠲᠤᠭᠯᠠᠭᠠᠳ᠂ ᠨᠡᠶᠢᠰᠯᠡᠯ ᠤᠨ ᠦᠵᠡᠭᠴᠢᠳ ᠬᠢᠬᠡᠳ ᠨᠡᠶᠢᠬᠡᠮ ᠨᠡᠶᠢᠳᠡ ᠶᠢᠨ | ᠮᠠᠭᠳᠠᠭᠠᠯ ᠰᠠᠶᠢᠰᠢᠶᠠᠯ ᠢ ᠬᠦᠷᠳᠡᠭᠰᠡᠨ ᠪᠢᠯᠡ ᠃ | ᠠᠰᠤᠷᠤ ᠠᠶᠠᠯᠭᠤ ᠳᠡᠤᠭᠡ ᠶᠢᠨ ᠰᠢᠯᠳᠠᠭᠠᠨ᠂ ᠴᠠᠭ ᠲᠦᠷᠦ ᠶᠢᠨ ᠬᠤᠪᠢᠰᠤᠯ ᠠᠴᠠ ᠪᠤᠯᠵᠤ ᠨᠢᠭᠡ ᠦᠶᠡ | ᠭᠦᠮᠦᠰ ᠲᠤ ᠮᠠᠷᠳᠠᠭᠳᠠᠨ ᠭᠡᠭᠡᠭᠳᠡᠭᠦ ᠳᠤ ᠭᠦᠷᠦᠭᠰᠡᠨ ᠪᠤᠯᠪᠠᠴᠤ ᠨᠠᠮ ᠲᠦᠷᠦ ᠶᠢᠨ ᠰᠠᠶᠢᠨ ᠪᠠ ᠰᠤᠶᠤᠯ | ᠤᠷᠠᠯᠢᠭᠴᠢᠳ ᠤᠨ ᠵᠢᠳᠬᠦᠯ ᠢᠶᠠᠷ ᠠᠮᠢᠯᠠᠨ ᠰᠡᠷᠬᠦᠵᠦ᠂ ᠴᠡᠴᠡᠭᠯᠡᠨ ᠬᠦᠭᠵᠢᠵᠦ ᠪᠠᠶᠢᠨᠠ ᠃ 2008 ᠣᠨ ᠳᠤ | ᠲᠠᠶᠢᠹᠤᠰᠧ ᠬᠤᠰᠢᠭᠤ ᠨᠢ ︽ᠠᠰᠣᠷᠣ︾ ᠶᠢ ᠠᠶᠢᠮᠠᠬ ᠤᠨ ᠲᠠᠰ ᠤᠨ ᠪᠤᠳᠠᠰ ᠤᠨ ᠪᠤᠰᠣ ᠰᠣᠶᠣᠯ ᠤᠨ ᠥᠪ ᠲᠤ | ᠲᠡᠮᠳᠡᠭᠯᠡᠬᠦᠯᠵᠦ᠂ 2009 ᠣᠨ ᠳᠤ ᠣᠷᠣᠨ ᠤ ᠲᠠᠰ ᠤᠨ ᠪᠤᠳᠠᠰ ᠤᠨ ᠪᠤᠰᠣ ᠰᠣᠶᠣᠯ ᠤᠨ ᠥᠪ ᠳᠤ | ᠪᠦᠷᠢᠳᠭᠡᠬᠦᠯᠵᠡᠢ᠃ |