︽ᠠᠰᠤᠷᠤ︾ ᠬᠡᠰᠡᠨ ᠦᠬᠡ ᠶᠢᠨ ᠡᠬᠢ ᠢᠷᠡᠯᠳᠡ ᠬᠤᠯᠠ᠂ ᠠᠭᠤᠯᠭᠠ ᠤᠳᠬᠠ ᠬᠦᠨ ᠂ ᠵᠦᠪᠬᠡᠨ ᠤᠳᠤ | ᠶᠢᠨ ᠠᠮᠠᠨ ᠬᠡᠯᠡᠯᠬᠡ ᠪᠤᠶᠤ ᠲᠤᠯᠢ ᠪᠢᠴᠢᠭ ᠠᠴᠠ ᠪᠠᠳᠤᠳᠠᠢ ᠨᠤᠳᠠᠯᠠᠯᠳᠠ ᠦᠭᠬᠦ ᠳᠤ ᠬᠦᠴᠢᠷ᠃ ᠤᠩᠰᠢᠯᠭᠠ ᠪᠠ | ᠪᠢᠴᠢᠯᠭᠡ ᠶᠢᠨ ᠲᠠᠰᠢᠶᠠ ᠠᠴᠠ ᠪᠤᠯᠵᠤ᠂ ᠤᠳᠬᠠ ᠦᠬᠡᠷᠡᠳᠦᠨ ᠠᠭᠤᠯᠭᠠ ᠬᠤᠪᠢᠷᠠᠭᠠᠳ᠂ ᠬᠦᠷᠢᠶᠡ ᠭᠡᠪᠴᠢᠶᠡ ᠨᠢ | ᠢᠪᠴᠤᠤᠷᠠᠵᠤ᠂ ᠤᠤᠯ ᠰᠢᠨᠵᠢ ᠲᠡᠮᠳᠡᠭ ᠨᠢ ᠪᠠᠯᠠᠷᠠᠬᠤ ᠰᠢᠬᠠᠭᠰᠠᠨ ᠪᠠᠶᠢᠨᠠ᠃ | ︽ᠠᠰᠤᠷᠤ︾ ᠠᠶᠠᠯᠭᠤ ᠨᠢ ᠪᠠᠶᠠᠷ ᠴᠡᠩᠭᠡᠯᠳᠤ ᠴᠤᠭᠢᠯᠭᠠ ᠲᠠᠢ᠂ ᠢᠷᠠᠭᠤ ᠭᠤᠶᠤᠬᠠᠨ ᠠᠶᠢᠵᠠᠮ ᠲᠠᠢ᠂ ᠡᠭᠢ | ᠠᠳᠠᠭ ᠤᠨ ᠵᠠᠯᠭᠠᠯᠳᠠ ᠨᠢ ᠡᠪ ᠬᠠᠪᠤᠯᠢᠭ᠂ ᠭᠦᠭᠵᠢᠮᠳᠡᠭᠦ ᠳᠤ ᠤᠷᠤᠰᠤᠮᠠ ᠰᠠᠶᠢᠬᠠᠨ᠂ ᠰᠤᠨᠤᠰᠤᠭᠴᠢᠳ ᠲᠤ | ᠪᠠᠶᠠᠷ ᠴᠡᠩᠭᠡᠯ ᠪᠢᠯᠬᠠᠭᠰᠠᠨ ᠭᠤᠸᠠ ᠰᠡᠳᠭᠢᠯᠭᠡ ᠶᠢᠨ ᠭᠦᠷᠳᠡᠭᠡᠯ ᠪᠤᠯᠳᠠᠭ ᠶᠤᠮ᠃ ᠠᠰᠤᠷᠤ ᠶᠢ ᠶᠡᠷᠦ ᠨᠢ ᠮᠤᠩᠭᠤᠯ | ᠦᠨᠳᠦᠰᠦᠳᠡᠨ ᠤ ᠬᠦᠪᠴᠢᠳᠦ ᠬᠦᠭᠵᠢᠮᠳᠡᠬᠦᠷ᠂ ᠴᠢᠪᠬᠠᠳᠠᠨ ᠲᠤᠪᠰᠢᠬᠤ ᠬᠦᠭᠵᠢᠮᠳᠡᠬᠦᠷ ᠪᠠ ᠦᠯᠢᠶᠡᠬᠦᠷ | ᠬᠦᠭᠵᠢᠮᠳᠡᠬᠦᠷ ᠢᠶᠠᠷ ᠨᠡᠶᠢᠯᠡᠬᠦᠯᠦᠨ ᠬᠦᠭᠵᠢᠮᠳᠡᠨᠡ᠃ ᠲᠡᠬᠡᠬᠦ ᠳᠡᠭᠡᠨ᠂ ᠭᠤᠤᠯᠳᠠᠭᠤ ᠮᠤᠷᠢᠨ ᠬᠤᠭᠤᠷ᠂ ᠬᠤᠭᠤᠷ᠂ | ᠶᠠᠳᠤᠭᠠ᠂ ᠱᠠᠨᠵᠠ᠂ ᠬᠤᠪᠢᠰ᠂ ᠯᠢᠩᠪᠤ᠂ ᠱᠤᠳᠤᠷᠭᠤ ᠵᠡᠷᠭᠡ ᠪᠠᠷ ᠬᠦᠭᠵᠢᠮᠳᠡᠨᠡ᠃ ︽ᠠᠰᠤᠷᠤ︾ ᠠᠶᠠᠯᠭᠤ | ᠶᠢ ᠠᠱᠢᠳᠠᠢ ᠰᠠᠶᠢᠬᠠᠨ ᠬᠦᠭᠵᠢᠮᠳᠡᠳᠡᠭ ᠠᠬᠠᠮᠠᠳ ᠦᠶᠡ ᠶᠢᠨ ᠤᠷᠠᠯᠢᠭᠴᠢᠳ ᠲᠤ᠄ ᠪᠠᠯᠭᠠᠨ ︵ᠮᠤᠷᠢᠨ ᠬᠤᠭᠤᠷ︶ | ᠂ ᠮᠠᠰᠢᠪᠠᠳᠤ ︵ᠮᠤᠷᠢᠨ ᠬᠤᠭᠤᠷ︶᠂ ᠠᠬᠸᠠᠩᠰᠢᠷᠤᠪ ︵ᠮᠤᠷᠢᠨ ᠬᠤᠭᠤᠷ︶᠂ ᠭᠤᠮᠪᠤᠳᠤᠷᠵᠢ ︵ᠶᠠᠳᠤᠭᠠ︶᠂ | ᠵᠠᠮᠰᠤ ︵ᠶᠠᠳᠤᠭᠠ︶᠂ ᠪᠠᠪᠤᠤᠳᠤᠷᠵᠢ ︵ᠬᠤᠭᠤᠷ︶᠂ ᠭᠤ᠂ ᠴᠡᠩᠭᠡᠯᠳᠦ ︵ᠬᠤᠪᠢᠰ︶᠂ ᠳ᠋᠊᠂ ᠰᠠᠮᠪᠤᠤ ︵ | ᠱᠤᠳᠤᠷᠭᠤ︶᠂ ᠲᠡᠮᠦᠷᠴᠢᠳᠦᠷ ︵ᠱᠤᠳᠤᠷᠭᠤ︶᠂ ᠰᠠᠷᠠᠨᠬᠡᠷᠡᠯ ︵ᠯᠢᠮᠪᠤ︶᠂ ᠬᠠ᠊᠂ ᠰᠠᠩᠵᠠᠢ ︵ᠯᠢᠮᠪᠤ︶᠂ | ᠵᠠᠮᠢᠶᠠᠨᠰᠦ᠋ᠷᠦᠩ ︵ᠱᠤᠳᠤᠷᠭᠤ︶᠂᠂᠂ ᠂᠂ ᠨᠡᠷ ᠲᠤᠷᠠᠳᠤᠭᠳᠠᠬᠤ ᠶᠤᠰᠤᠳᠠᠢ᠃ | ︽ᠠᠰᠤᠷᠤ︾ ᠭᠡᠰᠡᠨ ᠡᠨᠡᠬᠦ ᠢᠵᠢ ᠠᠶᠠᠯᠭᠤ ᠬᠦᠭᠵᠢᠮ ᠲᠠᠢ ᠪᠦᠷᠢᠮᠦᠰᠦᠨ ᠵᠤᠬᠢᠴᠠᠯᠳᠤᠵᠤ᠂ ᠤᠳᠬᠠ | ᠠᠭᠤᠯᠭᠠ ᠪᠠᠷ ᠢᠵᠢᠯᠢᠰᠢᠨ ᠤᠶᠠᠩᠭᠠᠷᠠᠭᠰᠠᠨ ᠲᠠᠭᠤᠤ ᠨᠤᠭᠤᠳ ᠮᠠᠰᠢ ᠤᠯᠠᠨ ᠪᠠᠶᠢᠳᠠᠭ᠃ ᠮᠤᠩᠭᠤᠯᠴᠤᠳ ᠤᠨ | ᠡᠷᠳᠡᠨ ᠳᠡᠭᠡᠨ ᠲᠠᠭᠤᠯᠠᠵᠤ ᠪᠠᠶᠢᠭᠰᠠᠨ ︽ᠴᠢᠩᠬᠢᠰ ᠬᠠᠭᠠᠨ ᠤ ᠠᠯᠳᠠᠨ ᠰᠤᠷᠭᠠᠯ︾ ᠂ ︽ᠮᠤᠩᠭᠤᠯ ᠤᠨ ᠢᠵᠠᠭᠤᠷ | ᠲᠠᠭᠤᠯᠠᠯ︾ ᠵᠡᠷᠭᠡ ᠲᠠᠭᠤᠤ ᠳᠤ ᠴᠦᠮ ︽ᠠᠰᠤᠷᠤ︾ ᠭᠡᠰᠡᠨ ᠦᠬᠡ ᠪᠠᠶᠢᠳᠠᠭ᠃ ᠰᠢᠯᠢ ᠶᠢᠨ ᠭᠤᠤᠯ ᠨᠤᠳᠤᠭ | ᠢᠶᠠᠷ ᠤᠯᠠᠮᠵᠢᠯᠠᠭᠳᠠᠨ ᠲᠠᠭᠤᠯᠠᠭᠳᠠᠵᠤ ᠪᠠᠶᠢᠭᠠ ︽ᠠᠰᠤᠷᠤ ᠶᠢᠨ ᠦᠨᠳᠦᠷ︾ ᠬᠡᠮᠡᠬᠦ ᠲᠠᠭᠤᠤ ᠳᠤ ︽ᠠᠰᠤᠷᠤ ᠶᠢᠨ | ᠦᠨᠳᠦᠷ ᠵᠠᠶᠠᠭᠠ ᠲᠠᠢ᠂ ᠠᠮᠤᠷᠯᠢᠩᠭᠤᠢ ᠪᠠᠶᠠᠰᠬᠤᠯᠠᠩ ᠴᠢᠷᠠᠢ ᠲᠠᠢ᠂ ᠠᠭᠠᠮᠵᠢᠬᠠᠨ ᠰᠦᠩᠨᠡᠨ ᠰᠠᠭᠤᠵᠤ ᠨᠠᠶᠢᠷᠯᠠᠶᠠ᠂ | ᠂᠂᠂᠂︾ ᠬᠡᠵᠦ ᠬᠦᠭᠵᠢᠮᠳᠡᠨ ᠲᠠᠭᠤᠯᠠᠬᠤ ᠳᠤ ᠮᠤᠩᠭᠤᠯ ᠤᠯᠤᠰ ᠲᠤ ᠪᠠᠰᠠ ︽ ᠠᠰᠤᠷᠤ ᠶᠢᠨ ᠦᠨᠳᠦᠷ ᠶᠡᠭᠡ | ᠵᠠᠶᠠᠭᠠ ᠲᠠᠢ᠂ ᠠᠷᠢᠭᠤᠬᠠᠨ ᠠᠮᠤᠷᠯᠢᠩᠭᠤᠢ ᠰᠡᠳᠬᠢᠯ ᠲᠠᠢ᠂ ᠠᠯᠢᠪᠠ ᠪᠠᠶᠠᠰᠬᠤᠯᠠᠩ ᠲᠠᠢ ᠴᠢᠷᠠᠢ ᠶᠢ ᠨᠢ | ᠦᠵᠡᠭᠡᠳ᠂ ᠤᠴᠢᠷ ᠲᠠᠢ ᠬᠦᠦᠷᠨᠢᠩᠬᠡᠨ ᠰᠠᠭᠤᠵᠤ ᠨᠠᠶᠢᠷᠯᠠᠶᠠ᠂᠂᠂ ᠂᠂᠂︾ ᠬᠡᠵᠦ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ | ᠬᠡᠯᠪᠡᠷᠢ ᠪᠠᠷ ᠲᠠᠭᠤᠯᠠᠳᠠᠭ᠃ ᠭᠡᠬᠦ ᠳᠡᠭᠡᠨ ᠡᠨᠡ ᠲᠠᠭᠤᠤ ᠨᠢ ︽ᠡᠷᠬᠢᠮ ᠲᠦᠷᠦ︾᠂ ︽ᠡᠷᠳᠡᠨ ᠤ ᠰᠠᠶᠢᠬᠠᠨ︾᠂ | ︽ᠲᠦᠮᠡᠨ ᠤ ᠡᠬᠢ︾᠂ ︽ᠬᠤᠭᠤᠷ ᠤᠨ ᠮᠠᠩᠯᠠᠢ︾ ᠵᠡᠷᠭᠡ ᠲᠠᠭᠤᠤ ᠨᠤᠭᠤᠳ ᠲᠠᠢ ᠠᠳᠠᠯᠢ ᠪᠠᠷ ᠪᠦᠷ ᠲᠦᠷᠦ | ᠶᠤᠰᠤᠯᠠᠯ ᠤᠨ ᠬᠦᠨᠳᠦᠳᠭᠡᠯ ᠲᠠᠭᠤᠤ ᠳᠤ ᠪᠠᠶᠢᠳᠠᠭ ᠲᠤᠯᠠ ᠡᠩ ᠤᠨ ᠲᠠᠯᠠᠪᠤᠷ ᠲᠤ ᠲᠠᠭᠤᠯᠠᠳᠠᠭ ᠦᠬᠡᠢ᠃ ᠲᠡᠭᠡᠬᠦ | ᠮᠦᠷᠳᠡᠭᠡᠨ ᠲᠠᠭᠤᠯᠠᠬᠤ ᠮᠡᠷᠭᠡᠵᠢᠯ ᠤᠨ ᠱᠠᠭᠠᠷᠳᠠᠯᠭᠠ ᠴᠤ ᠦᠨᠳᠦᠷ ᠪᠤᠯᠬᠤᠷ᠂ ᠡᠩ ᠤᠨ ᠲᠠᠭᠤᠴᠢᠳ ᠲᠠᠭᠤᠯᠠᠬᠤ | ᠳᠤ ᠬᠦᠴᠢᠷᠳᠡᠢ᠂ ᠲᠦᠪ ᠡᠷᠬᠢᠮᠰᠦᠭ᠂ ᠠᠶᠠᠰ ᠤᠨ ᠬᠤᠪᠢᠷᠠᠯᠳᠠ ᠶᠡᠭᠡ᠂ ᠴᠠᠷᠠᠭᠠ ᠦᠷᠭᠡᠨ᠂ ᠴᠤᠬᠤᠮ ᠴᠤ | ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠮᠠᠩᠯᠠᠢ ᠬᠡᠵᠦ ᠪᠤᠯᠤᠮᠠᠷ᠃ | ᠤᠷᠳᠤᠰ ᠨᠤᠳᠤᠭ ᠲᠤ ᠡᠷᠳᠡ ᠲᠡᠭᠡᠳᠦ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠨᠠᠶᠢᠷ ᠬᠤᠷᠢᠮ ᠲᠡᠭᠡᠷᠡ ᠲᠠᠭᠤᠯᠠᠳᠠᠭ | ᠲᠦᠪ ᠶᠤᠰᠤᠷᠬᠠᠭ ᠠᠭᠤᠯᠭᠠ ᠪᠦᠬᠦᠢ ᠤᠷᠳᠤ ᠠᠶᠠᠰ ᠲᠠᠢ ︽ᠬᠦᠷᠦ︾ ᠲᠠᠭᠤᠤ ᠬᠡᠵᠦ ᠨᠡᠯᠢᠶᠡᠳ ᠤᠯᠠᠨ ᠪᠠᠶᠢᠳᠠᠭ | ᠃ ᠡᠬᠦᠨ ᠤ ᠲᠤᠳᠤᠷᠠ ︽ᠲᠦᠷᠦ ᠶᠢᠨ ᠶᠡᠭᠡ ᠠᠰᠤᠷᠤ︾᠂ ︽ᠲᠦᠪ ᠤᠨ ᠶᠡᠭᠡ ᠠᠰᠤᠷᠤ︾ ᠭᠡᠬᠦ ᠲᠠᠭᠤᠤ ᠶᠢᠨ | ᠦᠬᠡ ᠨᠢ ︽ᠲᠦᠷᠦ ᠶᠢᠨ ᠶᠡᠭᠡ ᠠᠰᠤᠷᠤ ᠨᠢ ᠲᠡᠦᠬᠡ ᠲᠤᠤᠯᠢ ᠲᠠᠢ ᠠᠳᠠᠯᠢᠬᠠᠨ᠂ ᠲᠦᠷᠦ ᠶᠢᠨ ᠲᠦᠷᠪᠡᠨ ᠨᠤᠶᠠᠳ | ᠨᠢ ᠦᠯᠡᠮᠵᠢ ᠪᠠᠳᠤ ᠪᠤᠯᠳᠤᠭᠠᠢ᠂᠂᠂᠂︾ ᠭᠡᠳᠡᠭ᠃ ᠡᠳᠡᠭᠡᠷ ᠲᠠᠭᠤᠤ ᠨᠢ ᠡᠨᠡ ᠮᠡᠳᠦ ᠪᠠᠷ ᠮᠤᠩᠭᠤᠯ ᠨᠤᠳᠤᠭ | ᠲᠤ ᠠᠳᠠᠯᠢ ᠪᠤᠰᠤ ᠶᠢᠨ ᠬᠦᠭ ᠠᠶᠠᠰ ᠢᠶᠠᠷ ᠲᠠᠭᠤᠯᠠᠭᠳᠠᠳᠠᠭ ᠪᠤᠯᠪᠠᠴᠤ ᠦᠨᠡᠨᠳᠡᠭᠡᠨ ᠪᠦᠷ ᠯᠡ ᠲᠦᠷᠦ ᠶᠤᠰᠤᠨ | ᠤ ᠬᠦᠨᠳᠦᠳᠭᠡᠯ ᠲᠠᠭᠤᠤ᠂ ᠲᠠᠬᠢᠯᠭᠠ ᠲᠠᠶᠢᠯᠭᠠ᠂ ᠬᠤᠷᠢᠮ ᠨᠠᠶᠢᠷ ᠤᠨ ᠲᠡᠷᠢᠬᠦᠨ ᠪᠠᠶᠢᠷᠢ ᠶᠢᠨ ᠲᠠᠭᠤᠤ ᠬᠦᠭᠵᠢᠮ | ᠳᠤ ᠮᠠᠩᠯᠠᠢ ᠪᠤᠯᠤᠭᠰᠠᠨ ︽ᠠᠰᠤᠷᠤ︾ ᠮᠦᠨ ᠪᠠᠶᠢᠭᠠ ᠶᠤᠮ᠃ ᠲᠤᠬᠠᠶᠢᠯᠠᠪᠠᠯ᠂ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ | ᠬᠡᠯᠪᠡᠷᠢ ᠪᠤᠶᠤ ᠪᠤᠭᠤᠨᠢ ᠲᠠᠭᠤᠤ ᠶᠢᠨ ᠬᠡᠯᠪᠡᠷᠢ᠂ ᠬᠦᠭᠵᠢᠮᠳᠡᠨ ᠲᠠᠭᠤᠯᠠᠳᠠᠭ ᠬᠡᠯᠪᠡᠷᠢ ᠪᠤᠶᠤ ᠠᠠᠶᠠᠯᠭᠤ ᠬᠦᠭᠵᠢᠮ | ᠤᠨ ᠬᠡᠯᠪᠡᠷᠢ ᠶᠢᠨ ᠠᠯᠢ ᠨᠢ ᠴᠤ ᠪᠤᠯᠤᠭ᠂ ᠪᠦᠷ ᠯᠡ ᠨᠠᠷᠢᠨ ᠨᠢᠬᠳᠠ ᠬᠠᠷᠢᠴᠠᠭᠠ ᠲᠠᠢ᠂ ᠤᠳᠤᠮ ᠤᠭᠰᠠᠭᠠ ᠨᠢᠬᠡ᠂ | ᠨᠠᠮᠠᠭᠠ ᠰᠠᠯᠠᠭᠠ ᠤᠯᠠᠨ ᠲᠠᠢ᠂ ᠬᠡᠯᠪᠡᠷᠢ ᠵᠦᠢᠯ ᠨᠢ ᠠᠷᠪᠢᠨ ᠴᠤ ᠤᠳᠬᠠ ᠠᠭᠤᠯᠭᠠ ᠨᠢ ᠠᠳᠠᠯᠢ ᠨᠢᠬᠡᠨ | ᠴᠤᠭᠴᠠᠰ ᠪᠠᠶᠢᠯᠠ ᠭᠡᠳᠡᠭ ᠨᠢ ᠮᠠᠰᠢ ᠲᠤᠳᠤᠷᠬᠠᠢ ᠪᠠᠶᠢᠨᠠ᠃ | ︽ᠬᠦᠭᠵᠢᠮ — ᠲᠠᠭᠤᠤ — ᠬᠦᠭᠵᠢᠮ︾ ᠤᠨ ᠬᠡᠯᠪᠡᠷᠢ ᠪᠤᠯ ︽ᠠᠰᠤᠷᠤ︾ ᠶᠢᠨ ᠪᠦᠷᠢᠨ ᠴᠤᠭᠴᠠ | ᠪᠤᠯᠤᠨᠠ ᠭᠡᠰᠡᠨ ᠡᠷᠳᠡᠮᠳᠡᠳ ᠤᠨ ᠨᠤᠳᠠᠯᠠᠯᠳᠠ ᠨᠢ ᠲᠡᠦᠬᠡ ᠶᠢᠨ ᠡᠰᠢ ᠪᠠᠷᠢᠮᠳᠠ ᠲᠠᠢ ᠶᠤᠮ᠃ ᠵᠡᠬᠦᠨ ᠦᠵᠦᠮᠦᠴᠢᠨ | ᠬᠤᠰᠢᠭᠤᠨ ᠤ ᠨᠡᠷᠡᠳᠦ ᠬᠦᠭᠵᠢᠮᠴᠢᠨ ᠲᠤ᠋᠂ ᠰᠠᠩᠵᠠᠢ ᠭᠤᠸᠠᠢ ︽ᠠᠰᠤᠷᠤ ᠠᠶᠠᠯᠭᠤ ᠶᠢᠨ ᠲᠤᠮᠳᠠ ᠵᠢᠬᠢᠷᠢᠭᠯᠡᠨ | ᠲᠠᠭᠤᠯᠠᠳᠠᠭ ᠲᠠᠭᠤᠤ ᠨᠢ ︿ ᠡᠷᠳᠡ ᠶᠢᠨ ᠴᠠᠭᠠᠨ ᠪᠤᠶᠠᠨ﹀᠂ ︿ᠲᠦᠷᠦ ᠶᠢᠨ ᠲᠤᠪᠴᠢ﹀᠂ ︿ᠴᠠᠬᠠᠷ ᠲᠦᠷᠦ ᠶᠢᠨ | ᠲᠤᠪᠴᠢ﹀᠂ ︿ᠡᠩᠬᠡ ᠲᠦᠷᠪᠡᠨ ᠴᠠᠭ﹀᠂᠂᠂᠂᠂᠂ ᠵᠡᠷᠭᠡ ᠪᠠᠶᠢᠳᠠᠭ︾ ᠬᠡᠵᠦ ᠲᠡᠮᠳᠡᠭᠯᠡᠵᠡᠢ᠃ ᠴᠠᠬᠠᠷ ᠨᠤᠳᠤᠭ | ᠲᠤ ᠪᠠᠰᠠ ︽ᠠᠰᠤᠷᠤ︾ ᠠᠶᠠᠯᠭᠤ ᠶᠢᠨ ᠲᠤᠮᠳᠠ ︽ ᠠᠰᠤᠷᠤ ᠶᠢᠨ ᠦᠨᠳᠦᠷ︾ ᠭᠡᠰᠡᠨ ᠲᠠᠭᠤᠤ ᠶᠢ ᠬᠦᠭᠵᠢᠮᠳᠡ | ᠲᠠᠭᠤᠯᠠᠬᠤ ᠪᠤᠶᠤ ᠵᠢᠬᠢᠷᠢᠭᠯᠡᠨ ᠲᠠᠭᠤᠯᠠᠳᠠᠭ ᠶᠤᠰᠤ ᠭᠤᠷᠢᠮ ᠲᠠᠢ᠂ ᠤᠨᠴᠠᠭᠠᠶᠢᠯᠠᠨ ᠬᠦᠭᠵᠢᠮ ᠤᠨ ᠠᠪᠤᠷᠭᠤ ᠹᠦ᠊᠂ | ᠮᠡᠷᠭᠡᠵᠢᠬᠦ ᠪᠠᠭᠰᠢ ᠪᠤᠯᠤᠨ ᠲᠠᠷᠬᠠᠨ ᠲᠠᠭᠤᠴᠢᠨ ᠯᠾᠠᠵᠠᠪ ᠭᠤᠸᠠᠢ ᠶᠢᠨ ᠶᠠᠷᠢᠯᠴᠠᠭᠠᠨ ᠤ ᠲᠡᠮᠳᠡᠭᠯᠡᠯ ᠳᠤ ︽ ︿ | ᠢᠯᠠᠭᠤᠭᠰᠠᠨ﹀ ᠬᠡᠮᠡᠬᠦ ᠦᠬᠡ ᠦᠬᠡᠢ ᠲᠠᠭᠤᠤ ᠨᠢ ︿ᠠᠰᠤᠷᠤ﹀ ᠠᠶᠠᠯᠭᠤ ᠶᠢᠨ ᠲᠤᠮᠳᠠ ︿ᠠᠰᠤᠷᠤ ᠶᠢᠨ ᠦᠨᠳᠦᠷ﹀ | ᠭᠡᠰᠡᠨ ᠲᠠᠭᠤᠤ ᠶᠢ ᠬᠦᠭᠵᠢᠮᠳᠡ ᠲᠠᠭᠤᠯᠠᠬᠤ ᠪᠤᠶᠤ ᠵᠢᠬᠢᠷᠢᠭᠯᠡᠨ ᠲᠠᠭᠤᠯᠠᠳᠠᠭ︾ ᠬᠡᠵᠦ ᠨᠤᠳᠠᠯᠠᠭᠰᠠᠨ ᠪᠠᠶᠢᠪᠠ᠃ ︽ | ᠢᠯᠠᠭᠤᠭᠰᠠᠨ︾ ᠭᠡᠳᠡᠭ ᠨᠢ ᠲᠠᠶᠢᠰᠤᠨ ᠢᠶᠠᠨ ᠲᠠᠷᠤᠵᠤ ᠢᠯᠠᠯᠳᠠ ᠪᠠᠨ ᠤᠯᠤᠭᠰᠠᠨ᠂ ᠬᠠᠨᠳᠤᠭᠰᠠᠨ ᠵᠦᠭ ᠳᠤ | ᠬᠠᠷᠭᠤᠬᠤ ᠲᠠᠶᠢᠰᠤᠨ ᠦᠬᠡᠢ ᠭᠡᠰᠡᠨ ᠤᠳᠬᠠ ᠪᠦᠬᠦᠢ ᠢᠯᠠᠯᠳᠠ ᠶᠢᠨ ᠲᠠᠭᠤᠤ ᠪᠤᠯᠤᠨᠠ᠃ ᠲᠡᠶᠢᠮᠦ ᠠᠴᠠ ᠡᠨᠡ | ᠬᠦ᠋ ᠲᠠᠭᠤᠤ ᠪᠤᠯ ᠲᠦᠷᠦ ᠶᠢᠨ ᠶᠡᠭᠡ ᠲᠠᠬᠢᠯᠭᠠ ᠲᠠᠶᠢᠯᠭᠠ ᠳᠤ ᠲᠠᠭᠤᠯᠠᠳᠠᠭ ᠲᠦᠪ ᠶᠡᠬᠡᠮᠰᠦᠭ ᠲᠠᠭᠤᠤ ᠪᠤᠯᠬᠤ ᠨᠢ | ᠢᠯᠡᠷᠭᠡᠢ᠃ ᠡᠨᠡ ᠨᠢ ᠴᠢᠪ ᠬᠡᠮᠡᠨ ᠮᠤᠩᠭᠤᠯ ᠤᠨ ᠡᠷᠳᠡᠨ ᠤ ︽ᠪᠠᠭᠠᠳᠤᠳ ᠤᠨ ᠮᠠᠭᠳᠠᠭᠠᠯ︾ ᠲᠠᠭᠤᠤ ᠲᠠᠢ | ᠤᠳᠬᠠ ᠠᠭᠤᠯᠭᠠ ᠪᠦᠷᠢᠮᠦᠰᠦᠨ ᠠᠳᠠᠯᠢ᠃ ᠡᠬᠦᠨ ᠲᠠᠢ ᠵᠤᠬᠢᠴᠠᠯᠳᠤᠨ ᠡᠬᠦᠰᠦᠭᠰᠡᠨ ︽ᠠᠰᠤᠷᠤ︾ ᠠᠶᠠᠯᠭᠤ ᠨᠢ | ᠴᠤ ᠵᠠᠰᠠᠭ ᠲᠦᠷᠦ ᠶᠢᠨ ᠰᠦᠷ ᠵᠢᠪᠬᠤᠭᠠᠳᠤ ᠨᠠᠶᠢᠷ ᠬᠤᠷᠢᠮ ᠤᠨ ᠬᠦᠭ ᠠᠶᠠᠯᠭᠤ ᠪᠠᠶᠢᠭᠰᠠᠨ ᠨᠢ ᠭᠠᠷᠴᠠᠭᠠ ᠦᠬᠡᠢ | ᠃ ︽ᠢᠯᠠᠭᠤᠭᠰᠠᠨ︾ ᠪᠤᠯ ᠦᠬᠡ ᠰᠢᠯᠦᠭ ᠬᠡᠵᠦ ᠦᠬᠡᠢ᠂ ᠵᠦᠪᠬᠡᠨ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠰᠢᠷᠤᠩᠬᠠᠢ | ᠡᠬᠡᠰᠢᠭ ᠢᠶᠠᠷ ᠪᠦᠬᠦᠶᠢᠯᠡ ᠲᠠᠭᠤᠤ ᠬᠦᠭᠵᠢᠮ ᠤᠨ ᠤᠷᠬᠢᠯ ᠡᠷᠬᠦᠯᠳᠡ ᠶᠢ ᠭᠠᠷᠭᠠᠳᠠᠭ ᠢᠳᠡ ᠲᠡᠬᠦᠯᠳᠡᠷ᠂ | ᠢᠷᠠᠭᠤ ᠭᠤᠴᠤ ᠤᠷᠳᠤ ᠶᠢᠨ ᠲᠠᠭᠤᠤ ᠪᠤᠯᠤᠨᠠ᠃ 1934 ᠤᠨ ᠳᠤ ᠮᠠᠨ ᠤ ᠤᠷᠤᠨ ᠢᠶᠠᠷ ᠠᠶᠠᠯᠠᠵᠤ ᠶᠠᠪᠤᠭᠰᠠᠨ | ᠳ᠋ᠠᠨᠮᠠᠷᠺ ᠤᠨ ᠵᠢᠭᠤᠯᠴᠢᠨ ᠬᠠᠰᠯᠤᠨᠳ᠋ ᠤᠨ ᠰᠢᠩᠬᠡᠬᠡᠨ ᠦᠯᠡᠳᠡᠭᠡᠭᠰᠡᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠮᠠᠲ᠋ᠧᠷᠢᠶᠠᠯ ᠳᠤ | ᠲᠧᠮᠳᠢᠨ ᠭᠤᠸᠠᠢ ᠶᠢᠨ ︽ᠠᠰᠤᠷᠤ︾ ᠶᠢᠨ ᠲᠤᠮᠳᠠ ᠲᠠᠭᠤᠯᠠᠭᠰᠠᠨ ︽ᠢᠯᠠᠭᠤᠭᠰᠠᠨ︾ ᠭᠡᠮᠡᠬᠦ ᠦᠬᠡ ᠦᠬᠡᠢ | ᠲᠠᠭᠤᠤ ᠨᠢ ᠮᠠᠨ ᠳᠤ ᠤᠯᠳᠠᠭᠰᠠᠨ ᠬᠤᠪᠤᠷ ᠡᠷᠳᠡᠨᠢ ᠶᠤᠮ᠃ | ᠦᠩᠭᠡᠷᠡᠭᠰᠡᠨ ᠳᠤ ᠡᠷᠳᠡᠮᠳᠡᠳ ᠦᠬᠡ ᠦᠬᠡᠢ ᠲᠠᠭᠤᠤ ᠶᠢᠨ ᠬᠡᠯᠪᠡᠷᠢ ᠶᠢ ᠵᠦᠪᠬᠡᠨ ᠦᠷᠦᠨᠡᠳᠠᠬᠢᠨ ᠳᠤ ᠯᠠ | ᠪᠠᠶᠢᠳᠠᠭ ᠲᠠᠭᠤᠤ ᠬᠦᠭᠵᠢᠮ ᠤᠨ ᠦᠨᠳᠦᠷᠯᠢᠭ ᠲᠦᠪᠰᠢᠨ ᠤ ᠢᠯᠡᠳᠭᠡᠮᠵᠢ ᠬᠡᠵᠦ ᠦᠵᠡᠳᠡᠭ᠃ ᠬᠡᠳᠡᠯᠡ ᠲᠡᠯᠡᠬᠡᠢ | ᠳ᠋ᠠᠬᠢᠨ ᠤ ᠲᠠᠭᠤᠤ ᠬᠦᠭᠵᠢᠮ ᠤᠨ ᠦᠨᠳᠦᠷ ᠲᠦᠪᠰᠢᠨ ᠲᠠᠢ ᠵᠡᠷᠭᠡᠴᠡᠨ ᠭᠡᠳᠦᠶᠢᠳᠬᠦ ᠰᠤᠩᠭᠤᠳᠠᠭ ᠤᠷᠠᠯᠢᠭ ᠤᠨ | ᠬᠡᠯᠪᠡᠷᠢ ᠨᠢ ᠮᠠᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠲᠠᠭᠤᠤ ᠬᠦᠭᠵᠢᠮ ᠳᠤ ᠪᠠᠰᠠ ᠪᠠᠶᠢᠳᠠᠭ ᠮᠦᠷᠳᠡᠭᠡᠨ ᠦᠷᠦᠨᠡᠳᠠᠬᠢᠨ | ᠤ᠂ ᠴᠢᠨᠠᠭᠰᠢᠯᠠᠪᠠᠯ ᠲᠡᠯᠡᠬᠡᠢ ᠶᠢᠨ ᠠᠯᠢ ᠴᠤ ᠦᠨᠳᠦᠰᠦᠳᠡᠨ ᠶᠠᠰᠤᠳᠠᠨ ᠤ ᠰᠤᠳᠤᠨ ᠤᠷᠠᠯᠢᠭ ᠠᠴᠠ ᠪᠠᠰᠠ | ᠨᠡᠶᠢᠳᠡᠯᠢᠭ ᠲᠤᠪᠤᠶᠢᠮᠠ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠵᠠᠢ᠃ ᠡᠶᠢᠮᠦᠷᠬᠦ ᠬᠡᠪ ᠵᠢᠱᠢᠶᠡ ᠮᠤᠩᠭᠤᠯ ᠲᠠᠭᠤᠤ ᠳᠤ ᠵᠦᠪᠬᠡᠨ ︽ | ᠢᠯᠠᠭᠤᠭᠰᠠᠨ︾ ᠬᠡᠰᠡᠨ ᠳᠤ ᠲᠠᠭᠤᠤ ᠳᠤ ᠯᠠ ᠪᠢᠰᠢ᠂ ᠡᠬᠦᠨ ᠠᠴᠠ ᠭᠠᠳᠠᠨᠠ᠂ ︽ᠲᠦᠷᠢᠯᠬᠡ ᠲᠠᠭᠤᠤ︾᠂ ︽ | ᠤᠤᠬᠠᠢ ᠶᠢᠨ ᠲᠠᠭᠤᠤ︾᠂ ︽ᠪᠦᠬᠡ ᠶᠢᠨ ᠤᠷᠠᠢ︾ ᠵᠡᠷᠭᠡ ᠪᠠᠶᠢᠳᠠᠭ ᠪᠦᠬᠡᠳ ᠤᠯᠠᠨ ᠲᠠᠭᠤᠴᠢᠳ ᠬᠠᠮ ᠨᠠᠶᠢᠷᠠᠯ | ᠤᠨ ᠭᠡᠯᠪᠡᠷᠢ ᠪᠦᠬᠦᠢ ᠦᠬᠡ ᠦᠬᠡᠢ ᠪᠤᠶᠤ ᠳ᠋ᠠᠩ ᠭᠠᠭᠴᠠ ᠨᠢᠬᠡᠯᠡ ᠦᠬᠡ ᠪᠠᠷ ᠲᠠᠬᠢᠨ ᠲᠠᠪᠳᠠᠨ ᠲᠠᠭᠤᠯᠠᠳᠠᠭ | ᠲᠠᠭᠤᠤ ᠨᠤᠭᠤᠳ ᠵᠦᠩᠳᠡᠭᠡᠨ ᠬᠠᠷᠠᠭᠳᠠᠳᠠᠭ᠃ ︽ᠪᠦᠬᠡ ᠶᠢᠨ ᠤᠷᠠᠢ︾ ᠪᠤᠯ ︽ᠪᠦᠬᠡ ᠶᠢ ᠪᠠᠨ︾ ᠬᠡᠬᠦ | ᠨᠢᠬᠡᠯᠡ ᠦᠬᠡ ᠪᠠᠷ ᠠᠶᠠᠯᠭᠤ ᠡᠬᠢᠯᠡᠭᠡᠳ᠂ ᠭᠤᠴᠤ ᠰᠠᠶᠢᠬᠠᠨ ᠡᠬᠡᠰᠢᠭ ᠨᠤᠭᠤᠯᠤᠭᠠ ᠪᠠᠷ ᠠᠶᠠᠰ ᠢᠶᠠᠨ ᠲᠡᠯᠡᠨ | ᠦᠷᠭᠡᠳᠭᠡᠵᠦ᠂ ᠰᠡᠳᠬᠢᠯ ᠬᠦᠪᠴᠢᠳᠡᠭᠰᠡᠨ ᠤᠷᠬᠢᠯ ᠡᠭᠡᠰᠢᠭ ᠲᠤ ᠬᠦᠷᠭᠡᠨ᠂ ᠮᠠᠭᠰᠢᠨ ᠲᠡᠪᠢᠬᠦ ᠬᠦᠴᠦᠳᠦ ᠪᠦᠬᠡ | ᠶᠢᠨ ᠢᠶᠠᠨ ᠬᠡᠶᠢᠮᠦᠷᠢ ᠰᠦᠯᠳᠡ ᠶᠢ ᠰᠡᠷᠬᠦᠬᠡᠨ ᠲᠠᠯᠠᠯᠤᠭᠰᠠᠨ ᠤᠷᠳᠤ ᠶᠢᠨ ᠲᠠᠭᠤᠤ ᠪᠤᠯᠤᠨᠠ᠃ ︽ᠲᠦᠷᠢᠯᠬᠡ | ᠲᠠᠭᠤᠤ︾ ᠭᠡᠳᠡᠭ ᠨᠢ ᠭᠤᠤᠯᠯᠠᠨ ᠲᠠᠭᠤᠯᠠᠭᠴᠢ ᠶᠢᠨ ᠲᠠᠭᠤᠯᠠᠵᠤ ᠪᠠᠶᠢᠭᠠ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠲᠡᠬᠦᠰᠭᠡᠯ | ᠤᠨ ᠭᠡᠰᠡᠭ ᠲᠤ ᠤᠯᠠᠨ ᠬᠦᠮᠦᠰ ᠬᠠᠮ ᠨᠠᠶᠢᠷᠠᠯ ᠤᠨ ᠬᠡᠯᠪᠡᠷᠢ ᠪᠠᠷ ᠲᠠᠭᠤᠯᠠᠳᠠᠭ ᠲᠠᠭᠤᠤ ᠶᠢ ᠬᠡᠯᠡᠨᠡ᠃ ︽ | ᠲᠦᠷᠢᠯᠬᠡ︾ ᠳᠤ ᠦᠬᠡ ᠰᠢᠯᠦᠭ ᠦᠬᠡᠢ᠂ ᠵᠦᠪᠬᠡᠨ ︽ᠠᠶᠠᠬᠠᠨ᠂ ᠵᠤᠬᠠᠢ᠂᠂᠂᠂᠂᠂ ᠠᠶᠠᠬᠠᠨᠠ ᠪᠠᠶᠢᠳᠤᠤ ᠰᠠᠢ | ᠂᠂᠂᠂︾ ᠬᠡᠬᠦ ᠮᠡᠳᠦ ᠪᠤᠳᠠᠳᠤ ᠤᠳᠬᠠ ᠦᠬᠡᠢ ᠵᠢᠬᠢᠷᠢᠭ ᠦᠬᠡ ᠤᠷᠤᠭᠤᠯᠤᠨ ᠲᠦᠷᠢᠳᠡᠭ ᠪᠠᠶᠢᠨᠠ᠃ ︽ᠨᠠᠷᠠᠨ | ᠤ ᠤᠤᠬᠠᠢ︾᠂ ︽ᠰᠤᠷ ᠤᠨ ᠤᠤᠬᠠᠢ︾ ᠬᠡᠬᠦ ᠮᠡᠳᠦ ᠤᠯᠠᠨ ᠲᠦᠷᠦᠯ ᠤᠨ ︽ᠤᠤᠬᠠᠢ ᠶᠢᠨ ᠲᠠᠭᠤᠤ︾ ᠴᠤ | ᠠᠳᠠᠯᠢᠬᠠᠨ᠂ ᠵᠦᠪᠬᠡᠨ ︽ᠨᠠᠷᠠ ᠨᠢ ᠭᠠᠷᠪᠠᠢ ︾᠂ ︽ᠰᠤᠷ ᠨᠢ ᠤᠨᠤᠪᠠᠢ︾ ᠭᠡᠰᠡᠨ ᠨᠢᠬᠡᠯᠡ ᠦᠬᠡ ᠠᠴᠠ | ᠠᠶᠠᠯᠭᠤ ᠴᠤᠤᠷᠢᠶᠠᠯᠠᠨ ᠬᠦᠭ ᠦᠨᠳᠦᠷᠵᠢᠵᠦ᠂ ᠲᠤᠷᠭᠠᠨ ᠨᠤᠭᠤᠯᠤᠭᠠ᠂ ᠤᠶᠠᠩᠭᠠᠳᠤ ᠠᠶᠢᠵᠠᠮ ᠢᠶᠠᠷ ᠤᠷᠳᠤ ᠶᠢᠨ | ᠲᠠᠭᠤᠤ ᠨᠢ ᠰᠢᠷᠤᠩᠬᠠᠶᠢᠯᠠᠵᠤ᠂ ᠬᠠᠮᠳᠤ ᠤᠯᠠᠨ ᠢᠶᠠᠷ ᠢᠶᠠᠨ ᠵᠤᠷᠢᠭ ᠨᠢᠬᠡᠳᠭᠡᠨ ᠬᠦᠴᠦᠨ ᠬᠠᠮᠳᠤᠷᠠᠵᠤ᠂ ᠰᠠᠨᠠᠭᠰᠠᠨ | ᠦᠢᠯᠡᠰ ᠢᠶᠠᠨ ᠰᠠᠨᠠᠭᠠᠴᠢᠯᠠᠨ ᠪᠦᠳᠦᠭᠡᠬᠦ ᠶᠢ ᠤᠷᠠᠶᠢᠯᠠᠨ ᠤᠤᠬᠠᠶᠢᠯᠠᠳᠠᠭ ᠤᠴᠢᠷ ᠲᠠᠢ᠃ ᠴᠤᠭᠤᠷ ᠲᠠᠭᠤᠤ ᠨᠢ ︽ | ᠵᠧ᠂᠂᠂᠂︾ ᠬᠡᠮᠡᠬᠦ ᠲᠤᠭᠳᠠᠭᠰᠠᠨ ᠦᠬᠡ ᠠᠶᠠᠯᠭᠤ ᠪᠠᠷ ᠲᠠᠭᠤᠤ ᠪᠠᠨ ᠡᠬᠢᠯᠡᠳᠡᠭ ᠶᠤᠰᠤ ᠭᠤᠷᠢᠮ ᠲᠠᠢ᠃ ᠡᠨᠡᠬᠦ | ᠤᠯᠠᠮᠵᠢᠯᠠᠯ ᠢᠶᠠᠷ ︽ᠠᠰᠤᠷᠤ︾ ᠠᠶᠠᠯᠭᠤ ᠴᠤ ᠡᠮᠦᠨᠡ ᠪᠠᠨ ᠤᠳᠤᠷᠢᠳᠬᠠᠯ ᠠᠶᠠᠰ ᠲᠠᠢ ᠪᠠᠶᠢᠳᠠᠭ ᠪᠦᠬᠡᠳ | ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠭᠡᠰᠡᠭᠯᠡᠯ ᠢᠶᠠᠷ ᠡᠬᠢᠯᠡᠯᠳᠡ ᠪᠤᠯᠭᠠᠵᠤ ᠠᠶᠠᠯᠭᠤ ᠪᠠᠨ ᠬᠦᠭᠵᠢᠮᠳᠡᠳᠡᠭ᠃ ᠵᠢᠱᠢᠶᠡᠯᠡᠪᠡᠯ ︽ | ᠪᠠᠪᠤᠷ ᠠᠰᠤᠷᠤ︾᠂ ︽ᠬᠦᠯᠦ ᠴᠠᠭᠠᠨ ᠠᠰᠤᠷᠤ︾᠂ ︽ᠴᠠᠬᠠᠷ ᠲᠦᠷᠦ ᠶᠢᠨ ᠲᠤᠪᠴᠢ︾ ᠵᠡᠷᠭᠡ ᠠᠶᠠᠯᠭᠤ ᠶᠢᠨ | ᠡᠬᠢᠯᠡᠯᠳᠡ ᠳᠤ ᠪᠦᠷ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠤᠳᠤᠷᠢᠳᠤᠮᠵᠢ ᠭᠡᠰᠡᠭ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠮᠤᠩᠭᠤᠯ | ᠦᠨᠳᠦᠰᠦᠳᠡᠨ ᠤ ᠤᠯᠠᠮᠵᠢᠯᠠᠯᠳᠤ ᠲᠠᠭᠤᠤ ᠬᠦᠭᠵᠢᠮ ᠤᠨ ᠤᠨᠴᠠᠯᠢᠭ ᠭᠡᠯᠪᠡᠷᠢ ᠲᠠᠢ ᠪᠠᠨ ᠪᠦᠷᠢᠮᠦᠰᠦᠨ | ᠵᠤᠬᠢᠴᠠᠯᠳᠤᠵᠤ ᠪᠠᠶᠢᠭᠠ ᠶᠤᠮ᠃ | ︽ᠠᠰᠤᠷᠤ︾ ᠠᠶᠠᠯᠭᠤ ᠶᠢᠨ ᠲᠤᠳᠤᠷᠠ ᠲᠠᠭᠤᠤ ᠵᠢᠬᠢᠷᠢᠭᠯᠡᠨ ᠲᠠᠭᠤᠯᠠᠳᠠᠭ ᠪᠦᠷᠢᠨ ᠴᠤᠭᠴᠠᠳᠤ ᠭᠡᠯᠪᠡᠷᠢ ᠨᠢ | ᠵᠦᠪᠬᠡᠨ ᠰᠢᠯᠢ ᠶᠢᠨ ᠭᠤᠤᠯ ᠳᠤ ᠯᠠ ᠪᠤᠰᠤ᠂ ᠯᠢᠶᠤᠤᠨᠢᠩ ᠮᠤᠵᠢ ᠶᠢᠨ ᠹᠦᠰᠢᠨ ᠤ ᠮᠤᠩᠭᠤᠯᠵᠢᠨ ᠨᠤᠳᠤᠭ ᠲᠤ | ᠴᠤ ︽ ᠬᠠᠮᠳᠤ ᠪᠠᠷ ᠵᠢᠷᠭᠠᠶᠠ︾᠂ ︽ᠲᠡᠭᠷᠢ ᠶᠢᠨ ᠮᠠᠨᠤᠤ︾ ᠵᠡᠷᠭᠡ ᠲᠠᠭᠤᠤ ᠶᠢ ᠲᠦᠷᠦ ᠶᠤᠰᠤᠯᠠᠯ ᠤᠨ ᠲᠡᠭᠡᠳᠦ | ᠲᠠᠭᠤᠤ ᠬᠡᠮᠡᠨ ᠵᠢᠬᠢᠷᠢᠭᠯᠡᠨ ᠲᠠᠭᠤᠯᠠᠳᠠᠭ ᠪᠠᠶᠢᠨᠠ᠃ ᠲᠡᠷᠡᠴᠢᠯᠡᠨ ᠰᠢᠨᠵᠢᠶᠠᠩ ᠤᠨ ᠮᠤᠩᠭᠤᠯᠴᠤᠳ᠂ ᠶᠦᠨᠨᠡᠨ ᠤ | ᠮᠤᠩᠭᠤᠯᠴᠤᠳ ᠪᠤᠯᠤᠨ ᠲᠡᠯᠡᠬᠡᠢ ᠶᠢᠨ ᠤᠯᠠᠨ ᠤᠯᠤᠰ ᠤᠷᠤᠨ ᠳᠤ ᠰᠠᠭᠤᠷᠢᠰᠢᠨ ᠰᠠᠭᠤᠭᠠ ᠮᠤᠩᠭᠤᠯᠴᠤᠳ ᠤᠨ | ᠲᠤᠳᠤᠷᠠ ᠲᠠᠭᠤᠯᠠᠬᠤ ᠶᠢᠨ ᠲᠠᠭᠠᠤ ᠬᠦᠭᠵᠢᠮᠳᠡᠵᠦ᠂ ᠬᠦᠭᠵᠢᠮᠳᠡᠬᠦ ᠶᠢᠨ ᠲᠠᠭᠠᠤ ᠲᠠᠭᠤᠯᠠᠳᠠᠭ ᠤᠨᠴᠠᠯᠢᠭ ᠬᠡᠯᠪᠡᠷᠢ | ᠲᠠᠢ ᠤᠭ ᠭᠡᠪ ᠢᠶᠠᠷ ᠢᠶᠠᠨ ᠤᠯᠠᠮᠵᠢᠯᠠᠭᠳᠠᠨ ᠬᠠᠳᠠᠭᠠᠯᠠᠭᠳᠠᠭᠰᠠᠭᠠᠷ ᠢᠷᠡᠵᠡᠢ᠃ | ᠮᠤᠩᠭᠤᠯᠴᠤᠳ ᠤᠨ ᠤᠷᠳᠤᠨ ᠤ ᠲᠠᠭᠤᠤ ᠪᠦᠵᠢᠭ ᠬᠦᠭᠵᠢᠮ — ᠠᠰᠤᠷᠤ ᠤᠷᠠᠯᠢᠭ ᠨᠢ ᠠᠳᠠᠯᠢ ᠪᠤᠰᠤ | ᠦᠨᠳᠦᠰᠦᠳᠡᠨ ᠨᠦᠭᠦᠳ ᠤᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠡᠯᠧᠮᠧᠨ᠋ᠲ ᠤᠳ ᠢ ᠰᠢᠩᠬᠡᠬᠡᠨ ᠠᠪᠴᠤ᠂ ᠦᠷᠭᠡᠨ | ᠲᠡᠯᠭᠡᠷᠡᠩᠬᠦᠢ ᠪᠠᠭᠳᠠᠭᠠᠮᠵᠢᠳᠤ ᠰᠢᠨᠵᠢ ᠪᠠ ᠦᠨᠳᠦᠰᠦᠳᠡᠨ ᠤ ᠦᠪᠡᠷᠮᠢᠴᠡ ᠰᠢᠨᠵᠢ ᠲᠠᠢ ᠪᠤᠯᠤᠭᠰᠠᠨ ᠲᠤᠯᠠ ᠮᠤᠩᠭᠤᠯ | ᠰᠤᠶᠤᠯ ᠤᠨ ᠨᠡᠭᠡᠭᠡᠯᠳᠡ ᠲᠠᠢ᠂ ᠪᠠᠭᠳᠠᠭᠠᠮᠵᠢ ᠲᠠᠢ ᠤᠨᠴᠠᠯᠢᠭ ᠢ ᠬᠠᠷᠠᠭᠤᠯᠤᠭᠰᠠᠨ ᠮᠦᠷᠳᠡᠭᠡᠨ ᠲᠤᠮᠳᠠᠳᠤ ᠶᠢᠨ | ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠤᠨ ᠦᠪᠡᠷᠮᠢᠴᠡ ᠷᠢᠳᠢ ᠰᠢᠳᠢ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠶᠤᠮ᠃ |