| ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠠᠮᠢᠳᠤᠷᠠᠯ ᠤᠨ ᠠᠯᠢᠪᠠ ᠵᠠᠩ ᠲᠠᠳᠬᠠᠯ ᠦᠨᠳᠦᠰᠦᠨ ᠳᠡᠭᠡᠨ ᠠᠳᠠᠯᠢᠪᠳᠤᠷ | ᠪᠠᠶᠢᠳᠠᠭ ᠪᠤᠯᠪᠠᠴᠤ ᠡᠯᠡ ᠠᠶᠢᠮᠠᠭ ᠤᠭᠰᠠᠭᠠ᠂ ᠭᠠᠵᠠᠷ ᠤᠷᠤᠨ ᠤ ᠵᠠᠩ ᠲᠠᠳᠬᠠᠯ ᠨᠡᠯᠢᠶᠡᠳ ᠵᠦᠷᠢᠶᠡ ᠲᠠᠢ | ᠪᠠᠶᠢᠳᠠᠭ᠃ | ᠲᠠᠶᠢᠹᠤᠰᠧ ᠬᠤᠰᠢᠭᠤ ᠪᠤᠯ ᠤᠤᠯ ᠤᠨ ᠴᠠᠬᠠᠷ ᠤᠨ ᠬᠦᠪᠡᠭᠡᠳᠦ ᠰᠢᠷᠠ᠂ ᠬᠦᠯᠦ ᠴᠠᠭᠠᠨ᠂ ᠬᠦᠪᠡᠭᠡᠳᠦ | ᠴᠠᠭᠠᠨ᠂ ᠬᠦᠯᠦ ᠬᠦᠭᠡ ᠵᠡᠷᠭᠡ ᠵᠡᠬᠦᠨ ᠭᠠᠷ ᠤᠨ ᠲᠦᠷᠪᠡᠨ ᠬᠤᠰᠢᠭᠤ ᠠᠴᠠ ᠠᠶᠢᠯ ᠡᠷᠦᠬᠡ ᠲᠠᠳᠠᠵᠤ | ᠪᠠᠶᠢᠭᠤᠯᠤᠭᠰᠠᠨ ᠪᠤᠯᠬᠤᠷ ᠡᠯᠡ ᠬᠤᠰᠢᠭᠤᠳ ᠤᠨ ᠵᠠᠩ ᠦᠢᠯᠡ ᠶᠢᠨ ᠵᠦᠷᠢᠶᠡ ᠴᠤ ᠨᠡᠯᠢᠶᠡᠳ ᠤᠷᠤᠰᠢᠵᠤ ᠪᠠᠶᠢᠳᠠᠭ | ᠃ | ᠲᠡᠦᠬᠡᠨ ᠨᠦᠬᠦᠴᠡᠯ ᠠᠴᠠ ᠪᠤᠯᠵᠤ ᠦᠩᠭᠡᠷᠡᠭᠰᠡᠨ ᠤ ᠪᠠᠶᠠᠳ ᠨᠤᠶᠠᠳ ᠪᠤᠯᠤᠨ ᠬᠠᠷᠠᠴᠤ ᠠᠷᠠᠳ ᠤᠨ | ᠬᠤᠭᠤᠷᠤᠨᠳᠤ ᠴᠤ ᠡᠳᠦᠢ ᠲᠡᠳᠦᠢ ᠵᠦᠷᠢᠶᠡᠨ ᠲᠠᠢ ᠪᠠᠶᠢᠳᠠᠭ ᠪᠠᠶᠢᠵᠠᠢ᠃ ᠠᠳᠡ ᠪᠢᠳᠡ ᠦᠨᠳᠦᠰᠦᠳᠡᠨ ᠤ ᠪᠠᠨ | ᠲᠡᠦᠬᠡ ᠰᠤᠶᠤᠯ ᠢ ᠵᠠᠯᠭᠠᠮᠵᠢᠯᠠᠨ ᠰᠤᠳᠤᠯᠵᠤ᠂ ︽ᠰᠠᠶᠢᠨ ᠢ ᠨᠢ ᠠᠪᠴᠤ ᠰᠢᠭᠠᠷᠤ ᠶᠢ ᠨᠢ ᠭᠡᠭᠡᠬᠦ︾ ᠵᠠᠷᠴᠢᠮ ᠢ | ᠪᠠᠷᠢᠮᠳᠠᠯᠠᠨ᠂ ᠮᠠᠨ ᠤ ᠬᠤᠰᠢᠭᠤᠨ ᠤ ᠪᠠᠨ ᠦᠷᠭᠡᠨ ᠤᠯᠠᠨ ᠮᠠᠯᠴᠢᠨ ᠲᠦᠮᠡᠨ ᠤ ᠲᠤᠮᠳᠠ ᠨᠡᠶᠢᠳᠡᠮ | ᠭᠡᠷᠡᠭᠵᠢᠬᠦᠯᠦᠭᠳᠡᠨ ᠢᠷᠡᠭᠰᠡᠨ ᠰᠠᠶᠢᠨ ᠰᠠᠶᠢᠬᠠᠨ ᠵᠠᠩ ᠦᠢᠯᠡ ᠶᠢ ᠵᠠᠯᠭᠠᠮᠵᠢᠯᠠᠨ ᠤᠯᠠᠮᠵᠢᠯᠠᠬᠤ ᠪᠠᠷ ᠵᠤᠷᠢᠯᠭᠠ | ᠪᠤᠯᠭᠠᠵᠤ᠂ ᠦᠷᠭᠡᠨ ᠤᠯᠠᠨ ᠠᠬᠠᠮᠠᠳ ᠲᠤᠮᠤᠭᠠᠳᠠᠨ ᠨᠠᠷ ᠤᠨ ᠰᠠᠨᠠᠯ ᠵᠦᠪᠯᠡᠯᠬᠡ ᠶᠢ ᠬᠢᠴᠢᠶᠡᠩᠬᠦᠶᠢᠯᠡᠨ ᠰᠤᠨᠤᠰᠴᠤ᠂ | ᠲᠤᠰ ᠡᠮᠬᠢᠳᠭᠡᠯ ᠢ ᠨᠠᠶᠢᠷᠠᠭᠤᠯᠤᠨ ᠪᠢᠴᠢᠪᠡ᠃ | ᠬᠦᠦ ᠦᠰᠪᠡᠯ ᠪᠡᠷᠢ ᠪᠠᠭᠤᠯᠭᠠᠵᠤ᠂ ᠬᠡᠦᠬᠡᠨ ᠦᠰᠪᠡᠯ ᠬᠠᠷᠢ ᠳᠤ ᠪᠤᠭᠳᠤᠯᠬᠤ ᠨᠢ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ | ᠤ ᠡᠩ ᠤᠨ ᠵᠢᠮᠡ ᠶᠤᠰᠤ ᠪᠤᠯᠬᠤᠷ ᠮᠠᠨ ᠤ ᠨᠤᠳᠤᠭ ᠲᠤ ᠴᠤ ᠬᠦᠪᠡᠬᠦᠨ ᠠᠷᠪᠠᠨ ᠨᠠᠢᠮᠠ ᠂ ᠦᠬᠢᠨ ᠠᠷᠪᠠᠨ | ᠵᠢᠷᠭᠤᠭᠠᠨ ᠪᠦᠬᠦᠯᠢ ᠨᠠᠰᠤ ᠬᠦᠷᠪᠡᠯ ᠤᠷᠤᠭ ᠬᠤᠯᠪᠤᠵᠤ ᠪᠤᠯᠳᠠᠭ ᠪᠠᠶᠢᠵᠠᠢ᠃ ᠴᠢᠯᠦᠭᠡᠯᠡᠭᠳᠡᠬᠦ ᠠᠴᠠ ᠡᠮᠦᠨᠡ ︽ | ᠰᠠᠶᠢᠨ ᠲᠤᠷᠠ ᠶᠢᠨ ᠤᠷᠤᠭ︾ ᠭᠡᠵᠦ ᠬᠠᠤᠯᠢ ᠪᠠᠶᠢᠬᠤ ᠦᠬᠡᠢ ᠬᠠᠷᠢᠨ ᠠᠪᠤ ᠡᠵᠢ ᠨᠢ ᠶᠠᠮᠠᠷ ᠠᠶᠢᠯ ᠤᠨ ᠬᠡᠦᠬᠡᠨ ᠢ | ᠬᠦᠦ ᠳᠡᠭᠡᠨ ᠭᠤᠶᠤᠬᠤ᠂ ᠠᠯᠢ ᠠᠶᠢᠯ ᠤᠨ ᠬᠦᠦ ᠳᠤ ᠦᠬᠢᠨ ᠢᠶᠠᠨ ᠦᠭᠬᠦ ᠶᠢ ᠲᠤᠭᠳᠠᠭᠠᠳᠠᠭ ᠪᠠᠶᠢᠪᠠ᠃ | ᠦᠨᠦᠴᠢᠨ ᠦᠷᠦᠭᠡᠰᠦᠨ ᠭᠡᠦᠬᠡᠳ ᠢ ᠪᠤᠯ ᠠᠬᠠ ᠡᠬᠡᠴᠢ᠂ ᠲᠦᠷᠦᠯ ᠰᠠᠳᠤᠨ ᠨᠢ ᠪᠤᠶᠤ ᠠᠶᠢᠯ ᠤᠰᠤᠨ ᠤ ᠬᠢᠨᠢ | ᠠᠬᠠᠮᠠᠳ ᠲᠤᠮᠤᠭᠠᠳᠠᠨ ᠨᠠᠷ ᠶᠠᠷᠢᠯᠴᠠᠨ ᠲᠤᠭᠳᠠᠭᠠᠵᠤ ᠭᠡᠷᠯᠡᠬᠦᠯᠳᠡᠭ ᠴᠤ ᠪᠠᠶᠢᠵᠠᠢ᠃ ︽ᠦᠨᠳᠦᠷ ᠰᠠᠷᠠᠪᠴᠢᠨ | ᠠᠴᠠ ᠪᠡᠷᠢ ᠭᠤᠶᠤᠬᠤ ᠦᠬᠡᠢ᠂ ᠪᠤᠭᠤᠨᠢ ᠰᠠᠷᠠᠪᠴᠢᠨ ᠳᠤ ᠬᠡᠦᠬᠡᠨ ᠢᠶᠠᠨ ᠦᠭᠬᠦ ᠦᠬᠡᠢ᠂ ᠡᠬᠦᠳᠡ ᠡᠷᠦᠬᠡ | ᠲᠡᠩᠴᠡᠬᠦᠦ︾ ᠪᠠᠶᠢᠬᠤ ᠶᠢ ᠡᠷᠬᠢᠮᠯᠡᠳᠡᠭ ᠨᠢ ᠬᠡᠦᠭᠡᠳ ᠠᠴᠢᠷ ᠤᠨ ᠢᠶᠠᠨ ᠡᠷᠭᠡ ᠲᠡᠭᠰᠢ ᠵᠤᠯ ᠵᠢᠷᠭᠠᠯ ᠲᠠᠢ | ᠠᠮᠢᠳᠤᠷᠠᠬᠤ ᠶᠢ ᠪᠤᠳᠤᠯᠬᠢᠯᠠᠭᠰᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠰᠠᠨᠠᠭᠠ ᠪᠠᠶᠢᠭᠠ ᠶᠤᠮ᠃ ᠡᠬᠦᠨᠴᠡ ᠭᠠᠳᠠᠨᠠ ᠪᠠᠰᠠ ᠴᠢᠰᠤᠨ | ᠲᠦᠷᠦᠯ ᠤᠨ ᠬᠤᠭᠤᠷᠤᠨᠳᠤ ᠪᠠᠨ ᠬᠠᠷᠢᠯᠴᠠᠨ ᠬᠤᠷᠢᠮᠯᠠᠬᠤ ᠶᠢ ᠴᠡᠭᠡᠷᠯᠡᠵᠦ᠂ ᠨᠠᠰᠤ ᠵᠢᠯ ᠬᠤᠷᠠᠭ ᠪᠠᠶᠢᠬᠤ ᠶᠢ | ᠡᠷᠬᠢᠮᠯᠡᠳᠡᠭ ᠪᠠᠶᠢᠵᠠᠢ᠃ | ᠪᠡᠷᠢ ᠭᠤᠶᠤᠬᠤ ᠶᠠᠪᠤᠴᠠ ᠪᠤᠯ ᠶᠡᠷᠦᠨᠢ ᠬᠦᠦ ᠲᠠᠯᠠ ᠶᠢᠨ ᠬᠢᠨ ᠶᠠᠮᠠᠷ ᠠᠶᠢᠯ ᠤᠨ ᠬᠡᠦᠬᠡᠨ ᠢ ᠬᠦᠦ ᠳᠡᠭᠡᠨ | ᠭᠤᠶᠤᠬᠤ ᠪᠠᠷ ᠵᠢᠱᠢᠵᠦ ᠲᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠤᠷᠢᠳᠠᠪᠠᠷ ᠠᠶᠢᠯ ᠤᠰᠤᠨ ᠤ ᠪᠠᠨ ᠬᠦᠨᠳᠦᠳᠦ ᠲᠤᠮᠤᠭᠠᠳᠠᠨ᠂ | ᠡᠯᠢᠬᠡ ᠪᠦᠳᠦᠨ ︵ᠡᠷᠡᠭᠳᠡᠢ ᠡᠮᠡᠭᠳᠡᠢ ᠬᠤᠶᠠᠭᠤᠯᠠ ᠪᠠᠨ ᠪᠠᠶᠢᠭᠠ︶ ᠬᠦᠮᠦᠨ ᠢ ᠭᠤᠶᠤᠵᠤ ᠵᠠᠭᠤᠴᠢ ᠪᠤᠯᠭᠠᠨ᠂ | ᠦᠯᠵᠡᠢ ᠪᠡᠯᠭᠡ ᠲᠠᠢ ᠰᠠᠶᠢᠨ ᠡᠳᠦᠷ ᠢ ᠰᠤᠩᠭᠤᠵᠤ ᠬᠡᠦᠬᠡᠨ ᠤ ᠭᠡᠷ ᠲᠤ ᠤᠴᠢᠭᠤᠯᠤᠨ᠂ ᠰᠠᠨᠠᠭᠠ ᠪᠠᠨ ᠶᠤᠰᠤᠷᠬᠠᠭ | ᠰᠠᠶᠢᠬᠠᠨ ᠢᠶᠠᠷ ᠢᠯᠡᠳᠭᠡᠨᠡ᠃ ᠡᠬᠦᠨ ᠢ ᠵᠠᠷᠢᠮ ᠭᠠᠵᠠᠷ ᠨᠢ ᠪᠠᠰᠠ ︽ᠪᠡᠷᠢ ᠲᠤᠷᠠᠰᠬᠤ︾ ᠭᠡᠵᠦ ᠬᠡᠯᠡᠳᠡᠭ᠃ | ᠬᠡᠦᠬᠡᠨ ᠲᠠᠯᠠ ᠶᠢᠨ ᠬᠢᠨ ᠨᠢᠬᠡᠯᠡ ᠲᠡᠭᠡᠷᠡ ᠵᠦᠪᠰᠢᠶᠡᠷᠡᠬᠦ ᠡᠰᠡᠬᠦ ᠪᠠᠨ ᠢᠯᠡᠳᠭᠡᠳᠡᠭ ᠦᠬᠡᠢ᠂ ᠬᠠᠷᠢᠨ ︽ᠨᠠᠭᠠᠴᠤ | ᠨᠠᠷ ᠠᠴᠠ ᠨᠢ ᠠᠰᠠᠭᠤᠵᠤ ᠦᠵᠡᠶᠡ᠂ ᠠᠬᠠᠮᠠᠳ ᠲᠤᠮᠤᠭᠠᠳᠠᠨ ᠲᠠᠢ ᠪᠠᠨ ᠶᠠᠷᠢᠯᠴᠠᠵᠤ ᠪᠠᠶᠢᠭᠠᠳ ᠪᠤᠯᠤᠶᠠ︾ ᠭᠡᠬᠦ | ᠮᠡᠳᠦ ᠶᠢᠨ ᠰᠢᠯᠳᠠᠭ ᠬᠡᠯᠡᠵᠦ ᠶᠠᠪᠤᠭᠤᠯᠳᠠᠭ᠃ ᠡᠬᠦᠨ ᠠᠴᠠ ᠡᠬᠢᠯᠡᠨ ︽ᠬᠠᠳᠠᠭ ᠲᠠᠯᠪᠢᠬᠤ︾ ᠬᠦᠷᠳᠡᠯᠡ ᠵᠠᠭᠤᠴᠢ | ᠨᠢ ᠭᠡᠳᠦ ᠬᠡᠳᠦᠨ ᠤᠳᠠᠭᠠ ᠭᠡᠦᠬᠡᠨ ᠤ ᠭᠡᠷ ᠲᠤ ᠤᠴᠢᠵᠤ᠂ ᠬᠦᠦ ᠶᠢᠨ ᠲᠠᠯᠠ ᠶᠢ ᠲᠠᠨᠢᠯᠴᠠᠭᠤᠯᠬᠤ ᠪᠠ | ᠤᠶᠢᠯᠠᠭᠠᠯᠴᠠᠭᠤᠯᠳᠠᠭ᠃ ᠵᠠᠭᠤᠴᠢ ᠬᠦᠮᠦᠨ ︽ᠮᠤᠷᠢ ᠪᠠᠨ ᠡᠴᠡᠳᠡᠯᠡ ᠵᠠᠮ ᠭᠠᠷᠳᠠᠯᠠ ᠶᠠᠪᠤᠨᠠ︾ ᠭᠡᠳᠡᠭ ᠨᠢ | ᠨᠡᠯᠢᠶᠡᠳ ᠤᠯᠠᠨ ᠤᠳᠠᠭᠠ ᠶᠠᠪᠤᠯᠴᠠᠳᠠᠭ ᠢ ᠭᠡᠯᠡᠭᠰᠡᠨ ᠪᠠᠶᠢᠬᠠ᠃ | ᠬᠡᠦᠬᠡᠨ ᠤ ᠲᠠᠯᠠ ᠠᠴᠠ ᠬᠦᠦ ᠲᠠᠯᠠ ᠶᠢᠨ ᠭᠤᠶᠤᠴᠢᠯᠠᠯ ᠢ ᠵᠦᠪᠰᠢᠶᠡᠷᠡᠭᠰᠡᠨ ᠤ ᠲᠠᠷᠠᠭᠠ ︽ᠬᠠᠳᠠᠭ | ᠲᠠᠯᠪᠢᠬᠤ︾ ᠶᠠᠪᠤᠴᠠ ᠪᠠᠶᠢᠳᠠᠭ᠃ ︽ᠬᠠᠳᠠᠭ ᠲᠠᠯᠪᠢᠬᠤ︾ ᠪᠤᠯ ᠬᠦᠦ ᠲᠠᠯᠠ ᠶᠢᠨ ᠨᠢᠬᠡ ᠠᠬᠠᠮᠠᠳ ᠲᠤᠮᠤᠭᠠᠳᠠᠨ ᠂ | ᠵᠠᠭᠤᠴᠢ᠂ ᠬᠦᠦ ᠲᠠᠢ ᠪᠠᠨ ᠭᠤᠷᠪᠠᠭᠤᠯᠠ ᠬᠡᠦᠬᠡᠨ ᠤ ᠭᠡᠷ ᠲᠤ ᠬᠠᠳᠠᠭ᠂ ᠠᠷᠢᠭᠢ᠂ ᠰᠢᠬᠦᠰᠦ ᠵᠡᠷᠭᠡ ᠪᠡᠯᠡᠭ | ᠰᠠᠯᠳᠠ ᠠᠪᠴᠤ ᠤᠴᠢᠨ᠂ ᠪᠤᠷᠬᠠᠨ ᠳᠤᠨᠢ ᠵᠤᠯᠠ ᠬᠦᠵᠢ ᠬᠠᠳᠠᠭ ᠲᠠᠢ ᠡᠷᠬᠦᠨ᠂ ᠠᠬᠠᠮᠠᠳ ᠲᠤᠨᠢ ᠬᠠᠳᠠᠭ | ᠲᠠᠯᠪᠢᠨ ᠠᠷᠢᠬᠢ ᠪᠠᠷᠢᠵᠤ ᠵᠦᠢ ᠶᠤᠰᠤ ᠪᠠᠨ ᠬᠦᠢᠴᠡᠳᠭᠡᠬᠦ ᠶᠢ ᠬᠡᠯᠡᠨᠡ᠃ ᠡᠨᠡ ᠤᠳᠠᠭᠠ ᠬᠦᠦ ᠲᠠᠯᠠ ᠠᠴᠠ | ᠰᠤᠩᠭᠤᠨ ᠲᠤᠭᠳᠠᠭᠠᠭᠰᠠᠨ ᠡᠳᠦᠷ ᠰᠠᠷᠠ ᠪᠠᠨ ᠮᠡᠳᠡᠭᠳᠡᠵᠦ᠂ ᠪᠡᠷᠢ ᠲᠤᠰᠴᠤ ᠬᠦᠷᠭᠡᠬᠦ ᠬᠦᠮᠦᠨ ᠤ ᠲᠤᠭᠠ ᠵᠡᠷᠭᠡ | ᠪᠤᠳᠠᠳᠠᠢ ᠵᠦᠢᠯ ᠢᠶᠠᠨ ᠬᠡᠯᠡᠯᠴᠡᠨ ᠲᠤᠭᠳᠠᠳᠠᠭ ︵ᠶᠡᠷᠦᠨᠢ ᠬᠦᠦ ᠲᠠᠯᠠ ᠠᠴᠠ 5 — 7 ᠬᠦᠮᠦᠨ ᠪᠡᠷᠢ ᠲᠤᠰᠬᠤ | ᠪᠠᠷ ᠤᠴᠢᠵᠤ᠂ ᠬᠡᠦᠬᠡᠨ ᠲᠠᠯᠠ ᠠᠴᠠ 7 — 9 ᠬᠦᠮᠦᠨ ᠬᠡᠦᠬᠡᠨ ᠢᠶᠠᠨ ᠬᠦᠷᠭᠡᠳᠡᠭ᠃ ᠬᠤᠶᠠᠷ ᠲᠠᠯᠠ ᠶᠢᠨ | ᠬᠦᠮᠦᠨ ᠤ ᠲᠤᠭᠠ ᠨᠢ ᠲᠤᠰ ᠲᠤᠰ ᠦᠷᠦᠭᠡᠰᠦᠨ ᠲᠤᠭᠠ ᠪᠠᠶᠢᠵᠤ᠂ ᠬᠠᠮᠳᠤᠷᠠᠭᠠᠳ ᠬᠤᠤᠰ ᠲᠤᠭᠠ ᠪᠤᠯᠵᠤ | ᠬᠦᠷᠭᠡᠨ ᠤ ᠳᠤ ᠢᠷᠡᠳᠡᠭ ᠶᠤᠰᠤ ᠲᠠᠢ᠃ ᠪᠡᠷᠢ ᠲᠤᠰᠬᠤ ᠳᠤ ᠡᠮᠡᠭᠳᠡᠢ ᠬᠦᠮᠦᠨ ᠤᠴᠢᠳᠠᠭ ᠦᠬᠡᠢ᠃ ᠬᠡᠦᠬᠡᠨ | ᠬᠦᠷᠬᠡᠬᠦ ᠳᠤ ᠬᠤᠳᠠᠭᠠᠢ᠂ ᠪᠡᠷᠭᠡᠨ ᠵᠠᠪᠠᠯ ᠬᠦᠷᠭᠡᠬᠦ ᠭᠡᠷᠡᠭᠳᠡᠢ ᠪᠦᠬᠡᠳ ᠬᠡᠦᠬᠡᠨ ᠲᠡᠬᠦᠦᠨᠡᠷ ᠨᠢ ᠴᠤ ᠬᠦᠷᠭᠡᠳᠡᠭ ︶᠃ | ᠬᠠᠳᠠᠭ ᠲᠠᠯᠪᠢᠬᠤ ᠦᠶᠡᠰ᠂ ᠨᠤᠶᠠᠳ ᠪᠠᠶᠠᠳ ᠵᠤᠭᠤᠰ ᠮᠦᠩᠬᠦ ᠲᠠᠢ ᠬᠦᠮᠦᠰ ᠨᠢ ᠪᠠᠰᠠ ᠪᠤᠳᠠ ᠪᠤᠭ ᠮᠠᠯ | ᠲᠡᠷᠢᠬᠦᠳᠡᠢ ᠶᠢᠰᠦᠨ ᠶᠢᠰᠦ ᠶᠢᠨ ᠪᠡᠯᠡᠭ ᠰᠠᠯᠳᠠ ᠠᠪᠴᠤ ᠦᠭᠬᠦ ᠪᠠᠨ ᠬᠠᠷᠢᠯᠴᠠᠨ ᠶᠠᠷᠢᠯᠴᠠᠨ᠂ ᠦᠪᠡᠷᠰᠡᠳ ᠤᠨ | ᠢᠶᠠᠨ ᠡᠳ᠋ ᠬᠦᠷᠦᠩᠬᠡ ᠪᠠᠨ ᠭᠠᠶᠢᠬᠠᠭᠤᠯᠵᠤ ᠮᠦᠴᠡᠭᠡᠷᠭᠡᠳᠡᠭ ᠴᠤ ᠵᠦᠩᠳᠡᠭᠡᠨ ᠪᠠᠶᠢᠳᠠᠭ᠃ ᠬᠡᠪᠡᠴᠦ ᠡᠬᠡᠯ ᠠᠷᠠᠳ | ᠪᠤᠯ ᠬᠠᠷᠢᠨ ︽ᠠᠳᠤᠭᠤᠨ ᠤ ᠪᠠᠨ ᠬᠢᠷᠢ ᠪᠠᠷ ᠢᠰᠭᠡᠷᠴᠦ ᠬᠦᠨᠵᠢᠯᠡ ᠶᠢᠨ ᠢᠶᠠᠨ ᠬᠢᠷᠢ ᠪᠠᠷ ᠢᠰᠬᠦᠯᠦᠨᠡ︾ ᠬᠡᠵᠦ | ᠡᠳ᠋ ᠮᠦᠩᠬᠦ ᠶᠢᠨ ᠶᠡᠭᠡ ᠪᠠᠭᠠ ᠶᠢ ᠬᠦᠭᠡᠭᠡᠴᠡᠯᠳᠦᠳᠡᠭ ᠦᠬᠡᠢ ᠰᠠᠶᠢᠨ ᠰᠠᠶᠢᠬᠠᠨ ᠭᠡᠪ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ | ᠬᠤᠷᠢᠮ ᠤᠨ ᠡᠳᠦᠷ ᠢ ᠰᠤᠩᠭᠤᠬᠤ ᠳᠠᠭᠠᠨ ᠬᠦᠦ ᠲᠠᠯᠠ ᠠᠴᠠ ᠬᠦᠦ᠂ ᠬᠡᠦᠬᠡᠨ ᠬᠤᠶᠠᠷ ᠤᠨ ᠲᠦᠷᠦᠭᠰᠡᠨ | ᠤᠨ ᠰᠠᠷᠠ ᠡᠳᠦᠷ ᠵᠡᠷᠭᠡ ᠶᠢ ᠬᠡᠯᠡᠵᠦ ᠂ ᠯᠠᠮᠠ ᠬᠤᠸᠠᠷᠠᠭ ᠪᠤᠶᠤ ᠦᠵᠡᠭᠡᠴᠢ ᠬᠦᠮᠦᠨ ᠢᠶᠠᠷ ᠰᠠᠶᠢᠨ ᠡᠳᠦᠷ ᠢ | ᠰᠤᠩᠭᠤᠨ ᠲᠤᠭᠳᠠᠭᠠᠯᠭᠠᠳᠠᠭ᠃ ᠦᠵᠡᠭᠰᠡᠨ ᠬᠦᠮᠦᠨ ᠨᠢ ᠰᠠᠷᠠ ᠡᠳᠦᠷ ᠪᠤᠯᠤᠨ ᠭᠠᠷᠴᠤ ᠪᠤᠴᠠᠬᠤ ᠴᠠᠭ ᠵᠢᠴᠢ | ᠵᠦᠭ ᠴᠡᠭ ᠢ ᠨᠢ ᠨᠠᠷᠢᠨ ᠲᠤᠳᠤᠷᠬᠠᠢ ᠪᠢᠴᠢᠭᠯᠡᠵᠦ ᠦᠭᠳᠡᠭ᠃ | ᠬᠤᠷᠢᠮ ᠬᠢᠬᠦ ᠠᠴᠠ ᠡᠮᠦᠨᠡ ᠬᠦᠦ ᠲᠠᠯᠠ ᠨᠢ ᠬᠦᠦ ᠳᠡᠭᠡᠨ ᠰᠢᠨᠡ ᠬᠡᠷᠯᠡᠬᠦ ᠭᠡᠷ᠂ ᠪᠡᠷᠢ ᠶᠢᠨ ᠲᠤᠯᠤᠭᠠᠢ ᠶᠢᠨ | ᠵᠠᠰᠠᠯ᠂ ᠬᠦᠦ ᠶᠢᠨ ᠢᠶᠠᠨ ᠲᠡᠪᠡᠯ ᠬᠤᠪᠴᠠᠰᠤ᠂ ᠤᠨᠤᠭᠠᠷᠢ ᠮᠤᠷᠢ᠂ ᠡᠮᠡᠭᠡᠯ ᠬᠠᠵᠠᠭᠠᠷ ᠵᠡᠷᠭᠡ ᠡᠳᠡᠯᠡᠯ ᠬᠡᠷᠡᠭᠰᠡᠯ ᠢ | ᠬᠢᠷᠢ ᠭᠡᠮᠵᠢᠶᠡ ᠪᠠᠷ ᠢᠶᠠᠨ ᠴᠢᠳᠠᠬᠤᠶᠢᠴᠠ ᠰᠠᠶᠢᠬᠠᠨ ᠪᠡᠯᠡᠳᠭᠡᠬᠦ ᠪᠦᠬᠡᠳ ᠬᠡᠦᠬᠡᠨ ᠲᠠᠯᠠ ᠴᠤ ᠭᠡᠦᠬᠡᠨ ᠳᠡᠭᠡᠨ | ᠬᠤᠪᠴᠠᠰᠤ ᠵᠠᠰᠠᠯ ᠵᠡᠷᠭᠡ ᠶᠢ ᠰᠢᠨᠡ ᠪᠠᠷ ᠪᠡᠯᠡᠳᠭᠡᠳᠡᠭ᠃ | ᠬᠤᠷᠢᠮ ᠤᠨ ᠤᠷᠢᠯᠭᠠ ᠠᠶᠢᠯᠠᠳᠬᠠᠬᠤ ᠶᠢ ᠬᠤᠷᠢᠮ ᠬᠡᠯᠡᠬᠦ ᠭᠡᠳᠡᠭ᠃ ᠮᠤᠩᠭᠤᠯᠴᠤᠳ ᠶᠡᠷᠦᠨᠢ ᠤᠯᠠᠭᠠᠨ | ᠴᠠᠭᠠᠨ ᠤ ᠶᠠᠪᠤᠳᠠᠯ ᠢ ᠦᠪᠡᠷᠦᠨ ᠲᠦᠷᠦᠯ ᠰᠠᠳᠤᠨ᠂ ᠠᠶᠢᠯ ᠬᠤᠳᠠᠨ ᠤᠨ ᠬᠢᠨ ᠪᠤᠯᠤᠨ ᠦᠷᠬᠦᠯᠵᠢ ᠰᠠᠶᠢᠬᠠᠨ | ᠶᠠᠪᠤᠯᠴᠠᠳᠠᠭ ᠠᠬᠠ ᠲᠡᠬᠦᠦᠨᠡᠷ ᠲᠠᠭᠠᠨ ᠮᠡᠳᠡᠭᠳᠡᠵᠦ ᠵᠠᠯᠠᠳᠠᠭ ᠶᠤᠰᠤ ᠲᠠᠢ᠃ ᠬᠤᠷᠢᠮ ᠬᠡᠯᠡᠬᠦ ᠬᠦᠮᠦᠨ ᠨᠢ ᠬᠦᠬᠦᠷ | ᠬᠠᠳᠠᠭ ᠢᠶᠠᠨ ᠠᠪᠴᠤ ᠬᠡᠯᠡᠬᠦ ᠠᠶᠢᠯ ᠤᠨ ᠭᠡᠷ ᠲᠤᠨᠢ ᠤᠴᠢᠵᠤ᠂ ᠠᠬᠠᠮᠠᠳ ᠲᠤᠮᠤᠭᠠᠳᠠᠨ ᠢ ᠨᠢ ᠵᠠᠯᠠᠨ ᠰᠠᠭᠤᠯᠭᠠᠵᠤ | ᠪᠠᠶᠢᠭᠠᠳ ᠬᠦᠬᠦᠷ ᠪᠠᠷᠢᠨ ᠬᠤᠷᠢᠮ ᠤᠨ ᠴᠢᠮᠡᠭᠡ ᠶᠢ ᠴᠠᠭ ᠬᠤᠭᠤᠴᠠᠭᠠ ᠲᠠᠢ ᠨᠢ ᠨᠠᠷᠢᠨ ᠲᠤᠳᠤᠷᠬᠠᠢ ᠠᠶᠢᠯᠠᠳᠬᠠᠨ | ᠬᠡᠯᠡᠳᠡᠭ᠃ | ᠬᠠᠷᠢ ᠳᠤ ᠮᠤᠷᠳᠠᠬᠤ ᠬᠡᠦᠬᠡᠨ ᠢ ᠬᠡᠳᠦᠨ ᠡᠳᠦᠷ ᠤᠨ ᠡᠮᠦᠨᠡ ᠤᠶᠢᠷᠠ ᠲᠦᠷᠦᠯ ᠰᠠᠳᠤᠨ ᠤ ᠲᠠᠭᠠᠨ | ᠤᠴᠢᠭᠤᠯᠵᠤ ᠰᠠᠭᠤᠯᠭᠠᠳᠠᠭ᠃ ᠬᠤᠷᠢᠮ ᠤᠨ ᠡᠳᠦᠷ ᠨᠢ ᠬᠡᠦᠬᠡᠨ ᠤ ᠪᠠᠨ ᠲᠤᠯᠤᠭᠠᠢ ᠶᠢ ᠰᠢᠨᠡ ᠬᠦᠬᠡ ᠲᠤᠷᠭᠠᠨ | ᠠᠯᠴᠢᠭᠤᠷ ᠢᠶᠠᠷ ᠪᠦᠳᠡᠭᠡᠨᠡ ᠂ ᠡᠬᠦᠨ ᠢ ︽ᠭᠭᠢᠪᠯᠡᠬᠦ︾ ᠭᠡᠳᠡᠭ᠃ ᠬᠦᠷᠭᠡᠨ ᠮᠤᠷᠳᠠᠬᠤ ᠦᠶᠡᠰ᠂ ᠡᠪᠦᠭᠡ | ᠲᠡᠭᠡᠳᠦ ᠠᠴᠠ ᠤᠯᠠᠮᠵᠢᠯᠠᠭᠰᠠᠨ ᠮᠤᠩᠭᠤᠯ ᠡᠷᠡ ᠶᠢᠨ ᠵᠠᠩᠰᠢᠯ ᠶᠤᠰᠤ ᠪᠠᠷ ᠨᠤᠮ ᠰᠠᠭᠠᠳᠠᠭ ᠠᠭᠰᠠᠭᠤᠯᠵᠤ | ᠶᠠᠪᠤᠭᠤᠯᠤᠨᠠ᠃ ᠨᠤᠮ ᠰᠠᠭᠠᠳᠠᠭ ᠨᠢ ᠠᠳᠡ ᠡᠷᠡ ᠬᠦᠮᠦᠨ ᠤ ᠪᠡᠯᠬᠡ ᠲᠡᠮᠳᠡᠭ᠂ ᠵᠠᠰᠠᠯ ᠴᠢᠮᠡᠭ ᠪᠤᠯᠤᠭᠰᠠᠨ ᠪᠠᠶᠢᠬᠠ | ᠃ ᠬᠦᠷᠭᠡᠨ ᠨᠢ ᠬᠠᠳᠠᠮ ᠤᠨ ᠳᠠᠭᠠᠨ ᠬᠦᠷᠦᠭᠰᠡᠨ ᠤ ᠲᠠᠷᠠᠭᠠ ᠤᠷᠢᠳᠠᠪᠠᠷ ᠪᠤᠷᠬᠠᠨ ᠳᠤᠨᠢ ᠮᠦᠷᠬᠦᠵᠦ᠂ ᠲᠠᠬᠢᠨ | ᠬᠡᠷ ᠤᠨ ᠠᠬᠠᠮᠠᠳ ᠨᠠᠰᠤᠳᠠᠨ ᠳᠤᠨᠢ ᠦᠶᠡ ᠲᠠᠷᠠᠭᠠᠯᠠᠨ ᠠᠷᠢᠬᠢ ᠪᠠᠷᠢᠵᠤ ᠮᠦᠷᠬᠦᠨ ᠵᠤᠯᠭᠠᠨᠠ᠃ ᠡᠨᠡ ᠦᠶᠡᠰ | ᠵᠠᠷᠢᠮ ᠭᠠᠵᠠᠷ ᠨᠢ ᠪᠠᠰᠠ ᠱᠠᠭᠠ ᠮᠤᠯᠳᠤᠯᠬᠤ᠂ ᠬᠦᠵᠦᠬᠦᠦ ᠨᠤᠭᠤᠯᠬᠤ ᠮᠡᠳᠦ ᠪᠠᠷ ᠬᠦᠷᠭᠡᠨ ᠬᠦᠦ ᠶᠢᠨ ᠬᠦᠴᠦ | ᠴᠢᠳᠠᠯ ᠢ ᠲᠡᠩᠰᠡᠳᠡᠭ ᠵᠠᠩᠰᠢᠯ ᠪᠠᠶᠢᠳᠠᠭ᠃ ᠢᠩᠬᠢᠵᠦ ᠪᠠᠷᠠᠪᠠᠯ ᠬᠠᠳᠠᠮ ᠤᠨ ᠲᠠᠯᠠ ᠠᠴᠠ ᠬᠦᠷᠭᠡᠨ ᠳᠡᠭᠡᠨ ᠰᠢᠨᠡ | ᠲᠡᠪᠡᠯ ᠬᠤᠪᠴᠠᠰᠤ ᠡᠮᠦᠰᠭᠡᠨᠡ᠃ ᠡᠨᠡᠬᠦ ᠶᠠᠪᠤᠴᠠ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ ᠬᠠᠳᠠᠮ ᠤᠨ ᠲᠠᠯᠠ ᠠᠴᠠ ᠲᠦᠷᠦᠯ | ᠰᠠᠳᠤᠨ ᠤᠶᠢᠷᠠ ᠰᠠᠭᠠᠬᠠᠯᠳᠠ ᠶᠢᠨ ᠳᠠᠭᠠᠨ ᠤᠴᠢᠭᠤᠯᠤᠨ ᠠᠷᠢᠬᠢ ᠪᠠᠷᠢᠨ ᠮᠦᠷᠬᠦᠬᠦᠯᠵᠦ᠂ ᠲᠦᠷᠯ ᠰᠠᠳᠤᠨ ᠳᠠᠭᠠᠨ | ᠲᠠᠨᠢᠯᠴᠠᠭᠤᠯᠳᠠᠭ᠃ ᠢᠩᠬᠢᠵᠦ ᠪᠠᠷᠠᠪᠠᠯ ᠬᠡᠦᠬᠡᠨ ᠲᠠᠯᠠ ᠶᠢᠨ ᠶᠡᠭᠡ ᠬᠤᠷᠢᠮ ᠤᠨ ᠨᠠᠶᠢᠷ ᠡᠬᠢᠯᠡᠨᠡ᠃ | ᠬᠤᠷᠢᠮ ᠬᠢᠬᠦ ᠶᠠᠪᠤᠴᠠ ᠪᠤᠯ᠂ ᠬᠦᠷᠭᠡᠨ᠂ ᠪᠡᠷᠢ ᠶᠢᠨ ᠬᠤᠶᠠᠷ ᠲᠠᠯᠠ ᠶᠢᠨ ᠬᠢᠨ ᠲᠤᠰ ᠲᠤᠰ ᠪᠡᠷᠢ ᠲᠤᠰᠬᠤ | ᠲᠡᠷᠢᠬᠦᠨ ᠬᠤᠳᠠ᠂ ᠲᠡᠳ᠋ ᠬᠤᠳᠠ᠂ ᠬᠦᠦ ᠶᠢᠨ ᠲᠠᠯᠠ ᠠᠴᠠ ᠠᠬᠠᠯᠠᠬᠤ ᠲᠡᠬᠦᠦᠴᠢᠯᠡᠬᠦ ᠬᠦᠮᠦᠨ᠂ ᠬᠡᠦᠬᠡᠨ ᠤ | ᠲᠠᠯᠠ ᠶᠢᠨ ᠪᠡᠷᠢ ᠬᠦᠷᠭᠡᠬᠦ ᠬᠤᠳᠠᠭᠠᠢ᠂ ᠪᠡᠷᠭᠡᠨ ᠵᠡᠷᠭᠡ ᠬᠦᠮᠦᠰ ᠢ ᠰᠤᠩᠭᠤᠨ ᠲᠤᠬᠢᠷᠠᠭᠤᠯᠵᠤ᠂ ᠬᠤᠶᠠᠷ ᠲᠠᠯᠠ | ᠶᠢᠨ ᠬᠤᠳᠠ ᠶᠢ ᠨᠠᠶᠢᠷ ᠤᠨ ᠰᠢᠷᠡᠭᠡᠨ ᠤ ᠲᠡᠷᠢᠬᠦᠨ ᠰᠠᠭᠤᠳᠠᠯ ᠳᠤ ᠵᠠᠯᠠᠨ ᠰᠠᠭᠤᠯᠭᠠᠵᠤ᠂ ᠬᠤᠷᠢᠮ ᠤᠨ ᠶᠤᠰᠤᠯᠠᠯ ᠢ | ᠡᠷᠬᠢᠯᠡᠬᠦᠯᠳᠡᠭ᠃ ︽ᠬᠤᠷᠢᠮ ᠳᠤ ᠨᠤᠶᠠᠨ ᠦᠬᠡᠢ᠂ ᠬᠤᠳᠳᠤᠭ ᠲᠤ ᠵᠢᠭᠠᠰᠤ ᠦᠬᠡᠢ︾ ᠬᠡᠵᠦ᠂ ᠬᠤᠷᠢᠮ ᠤᠨ | ᠶᠤᠰᠤᠯᠠᠯ ᠳᠤ ᠵᠡᠷᠭᠡ ᠵᠢᠩᠰᠡ ᠶᠢ ᠲᠡᠮᠡᠢ ᠴᠢᠬᠤᠯᠠᠴᠢᠯᠠᠳᠠᠭ ᠦᠬᠡᠢ᠃ ᠬᠤᠷᠢᠮ ᠤᠨ ᠶᠤᠰᠤᠯᠠᠯ ᠳᠤ ᠤᠷᠤᠯᠴᠠᠭᠰᠠᠨ | ᠬᠤᠯᠠ ᠤᠶᠢᠷᠠ ᠶᠢᠨ ᠠᠬᠠ ᠲᠡᠬᠦᠦ ᠰᠠᠳᠤᠨ ᠲᠦᠷᠦᠯ ᠬᠡᠶᠢᠴᠢᠨ ᠵᠤᠴᠢᠳ ᠴᠤ ᠰᠢᠨᠡ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠦᠨ | ᠂ ᠲᠤᠯᠤᠭᠠᠢ ᠶᠢᠨ ᠵᠠᠰᠠᠯ ᠢᠶᠠᠨ ᠵᠡᠬᠦᠵᠦ᠂ ᠬᠤᠶᠠᠷ ᠬᠡᠦᠬᠡᠳ ᠤᠨ ᠦᠨᠢ ᠤᠳᠠᠭᠠᠨ ᠦᠯᠵᠡᠢ ᠵᠢᠷᠭᠠᠯ ᠲᠠᠢ ᠪᠤᠯᠬᠤ ᠶᠢ | ᠪᠡᠯᠭᠡᠯᠡᠵᠦ ᠬᠤᠷᠢᠮ ᠤᠨ ᠶᠤᠰᠤᠯᠠᠯ ᠢ ᠬᠦᠨᠳᠦᠳᠭᠡᠨ ᠦᠵᠡᠳᠡᠭ᠃ | ᠬᠦᠦ ᠶᠢᠨ ᠲᠠᠯᠠ ᠠᠴᠠ ᠬᠦᠦ ᠶᠢᠨ ᠢᠶᠠᠨ ᠢᠪᠡᠬᠡᠯ ᠵᠢᠯ ᠲᠠᠢ ᠡᠯᠢᠬᠡ ᠪᠦᠳᠦᠨ ᠠᠬᠠᠮᠠᠳ ᠲᠤᠮᠤᠭᠠᠳᠠᠨ ᠢ | ᠰᠤᠩᠭᠤᠵᠤ᠂ ᠮᠦᠷᠬᠦᠬᠦᠯᠬᠦ ᠡᠴᠢᠭᠡ ᠡᠬᠡ ᠪᠠᠷ ᠵᠠᠯᠠᠳᠠᠭ᠃ ᠮᠦᠷᠬᠦᠬᠦᠯᠦᠭᠰᠡᠨ ᠡᠴᠢᠬᠡ ᠨᠢ ᠰᠢᠨᠡ ᠪᠡᠷᠢ ᠶᠢ ᠬᠠᠳᠠᠮ | ᠤᠨ ᠢᠷᠡᠭᠰᠡᠨ ᠤ ᠲᠠᠷᠠᠭᠠ ᠪᠡᠷᠢ ᠶᠢ ᠤᠳᠤᠷᠢᠳᠴᠤ ᠭᠠᠯ ᠳᠤ ᠮᠦᠷᠬᠦᠬᠦᠯᠬᠦ᠂ ᠬᠠᠳᠠᠮ ᠡᠴᠢᠬᠡ ᠡᠬᠡ ᠠᠬᠠᠮᠠᠳ | ᠨᠠᠰᠤᠳᠠᠨ ᠳᠤᠨᠢ ᠠᠷᠢᠬᠢ ᠪᠠᠷᠢᠭᠤᠯᠵᠤ ᠮᠦᠷᠬᠦᠯᠬᠦᠯᠬᠦ ᠶᠤᠰᠤᠯᠠᠯ ᠢ ᠬᠦᠢᠴᠡᠳᠭᠡᠬᠦ ᠶᠢᠨ ᠬᠠᠮᠳᠤ᠂ ᠬᠡᠦᠬᠡᠨ ᠤ ᠦᠰᠦ | ᠶᠢ ᠵᠠᠭᠠᠳᠤᠰᠤᠯᠠᠨ ᠰᠠᠯᠭᠠᠵᠤ᠂ ᠰᠠᠨᠴᠢᠭ ᠰᠦᠢᠬᠡ ᠪᠤᠭᠤᠳᠠᠰᠤ ᠵᠡᠷᠭᠡ ᠲᠤᠯᠤᠭᠠᠢ ᠶᠢᠨ ᠵᠠᠰᠠᠯ ᠢ ᠵᠡᠬᠦᠯᠬᠡᠨ᠂᠂ | ᠬᠦᠮᠦᠨ ᠪᠤᠯᠤᠭᠰᠠᠨ ᠬᠦᠢᠴᠡᠳᠭᠡᠯ ᠢ ᠪᠦᠷᠢᠨ ᠪᠡᠶᠡᠯᠡᠬᠦᠯᠳᠡᠭ᠃ ᠡᠶᠢᠮᠦ ᠠᠴᠠ ᠮᠦᠷᠬᠦᠬᠦᠯᠦᠭᠰᠡᠨ ᠡᠴᠢᠬᠡ ᠡᠬᠡ ᠶᠢ | ︽ᠬᠠᠷᠠ ᠦᠰᠦ ᠶᠢ ᠨᠢ ᠬᠠᠭᠠᠯᠵᠤ᠂ ᠬᠠᠯᠠᠭᠤᠨ ᠭᠠᠯ ᠳᠤᠨᠢ ᠮᠦᠷᠬᠦᠬᠦᠯᠦᠭᠰᠡᠨ︾ ᠬᠡᠵᠦ᠂ ᠬᠤᠶᠠᠷ ᠭᠡᠷ ᠤᠨ | ᠡᠴᠢᠬᠡ ᠡᠬᠡ ᠲᠠᠢ ᠪᠠᠨ ᠠᠳᠠᠯᠢ ᠪᠠᠷ ᠦᠵᠡᠵᠦ ᠬᠦᠨᠳᠦᠳᠭᠡᠳᠡᠭ᠃ | ᠬᠤᠷᠢᠮ ᠤᠨ ᠰᠢᠷᠡᠭᠡ ᠡᠬᠢᠯᠡᠬᠦ ᠠᠴᠠ ᠡᠮᠦᠨᠡ ᠬᠤᠯᠠ ᠠᠴᠠ ᠮᠤᠷᠢ ᠤᠨᠤᠭᠠ ᠲᠠᠢ ᠬᠡᠦᠬᠡᠨ ᠲᠤᠰᠬᠤ ᠪᠠᠷ | ᠢᠷᠡᠭᠰᠡᠨ ᠭᠡᠶᠢᠴᠢᠨ ᠤ ᠵᠠᠮ ᠤᠨ ᠵᠦᠳᠡᠷᠡᠭᠡ ᠶᠢ ᠲᠠᠶᠢᠯᠬᠤ ᠬᠡᠮᠡᠨ ᠭᠤᠷᠪᠠᠨ ᠬᠡᠮ ᠠᠷᠢᠬᠢ ᠪᠠᠷᠢᠵᠤ ᠬᠤᠭᠤᠯᠠ | ᠢᠳᠡᠬᠦᠯᠦᠨᠡ᠃ ᠵᠢᠩᠬᠢᠨᠢ ᠨᠠᠶᠢᠷ ᠤᠨ ᠰᠢᠷᠡᠭᠡ ᠡᠬᠢᠯᠡᠮᠡᠭᠴᠡ ᠰᠢᠷᠡᠭᠡᠨ ᠤ ᠭᠤᠷᠪᠠᠨ ᠭᠡᠮ ᠠᠷᠢᠬᠢ ᠪᠠᠷᠢᠭᠰᠠᠨ ᠤ | ᠲᠠᠷᠠᠭᠠ ᠬᠡᠮ ᠤᠨ ᠲᠤᠭᠠ ᠶᠢ ᠶᠠᠷᠢᠯᠴᠠᠨ ᠲᠤᠭᠳᠠᠭᠠᠳᠠᠭ᠃ ᠡᠬᠦᠨ ᠳᠤ ᠬᠡᠦᠬᠡᠨ ᠲᠠᠯᠠ ᠶᠢᠨ ᠰᠢᠷᠡᠭᠡ ᠶᠢᠨ | ᠲᠠᠭᠠᠭᠠᠮᠠᠯ ᠠᠴᠠ ︽ᠠᠪᠤ ᠡᠵᠢ ᠶᠢᠨ ᠬᠢᠨᠢ ᠵᠤᠷᠢᠭᠰᠠᠨ ᠬᠡᠮ ᠠᠷᠪᠠᠨ ᠨᠠᠢᠮᠠ ︾ ᠭᠡᠬᠦ ᠮᠡᠳᠦ ᠪᠠᠷ ᠡᠯᠪᠡᠭ ᠰᠠᠶᠢᠬᠠᠨ | ᠬᠡᠯᠡᠬᠦ ᠳᠤ᠂ ᠬᠤᠶᠠᠷ ᠲᠠᠯᠠ ᠶᠢᠨ ᠬᠤᠳᠠ ᠨᠠᠷ ᠤᠴᠢᠷ ᠰᠢᠯᠳᠠᠭᠠᠨ ᠬᠡᠯᠡᠵᠦ ᠠᠯᠢ ᠪᠤᠯᠬᠤ ᠪᠠᠷ ᠴᠦᠬᠡᠨ ᠪᠤᠯᠭᠠᠳᠠᠭ᠃ | ᠬᠤᠵᠢᠮ ᠨᠢ ᠶᠡᠷᠦᠨᠢ ᠶᠢᠰᠦᠨ ᠬᠡᠮ ᠤᠨ ᠲᠤᠭᠠ ᠲᠡᠭᠡᠷᠡ ᠲᠤᠭᠳᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡᠬᠦ ᠶᠢᠰᠦᠨ ᠬᠡᠮ ᠢᠶᠠᠨ | ᠭᠤᠷᠪᠠ ᠭᠤᠷᠪᠠᠨ ᠬᠡᠮ ᠢᠶᠠᠷ ᠲᠡᠰ ᠪᠤᠯᠭᠠᠨ ᠶᠡᠬᠡᠰᠬᠡᠵᠦ᠂ ᠬᠠᠮᠤᠭ ᠤᠨ ᠰᠡᠬᠦᠯᠴᠢ ᠶᠢᠨ ᠬᠡᠮ ᠢ ᠮᠦᠩᠬᠦᠨ ︵ | ᠠᠶᠠᠭᠠ︶ ᠬᠡᠮ ᠢᠶᠠᠷ ᠪᠠᠷᠢᠳᠠᠭ᠃ ᠮᠦᠩᠬᠦᠨ ᠬᠡᠮ ᠪᠠᠷᠢᠬᠤ ᠳᠠᠭᠠᠨ ᠶᠡᠭᠡ ᠪᠠᠭᠠ ᠨᠢ ᠠᠳᠠᠯᠢ ᠦᠬᠡᠢ ᠭᠤᠷᠪᠠᠨ | ᠮᠦᠩᠬᠦᠨ ᠠᠶᠠᠭᠠ ᠶᠢ ᠲᠠᠪᠬᠤᠷᠯᠠᠨ ᠲᠠᠯᠪᠢᠵᠤ᠂ ᠲᠤᠰ ᠪᠦᠷᠢ ᠨᠢᠬᠡ ᠬᠡᠮ ᠪᠠᠷᠢᠨᠠ ᠭᠡᠳᠡᠭ᠃ ᠭᠡᠪᠡᠴᠦ ᠬᠠᠮᠤᠭ ᠤᠨ | ᠲᠤᠮᠤ ᠮᠦᠩᠬᠦᠨ ᠠᠶᠠᠭᠠ ᠨᠢ ᠪᠠᠷᠤᠭ ᠬᠠᠭᠠᠰ ᠵᠢᠩ ᠤᠷᠤᠬᠤ ᠲᠤᠯᠠ ᠰᠢᠷᠡᠭᠡᠨ ᠳᠤ ᠰᠠᠭᠤᠭᠰᠠᠨ ᠬᠦᠮᠦᠰ ᠮᠦᠨ | ᠶᠠᠷᠢᠯᠴᠠᠨ ᠲᠤᠮᠳᠠ ᠬᠡᠮ ᠢᠶᠠᠷ ᠨᠢᠬᠡ᠂ ᠪᠠᠭᠠ ᠬᠡᠮ ᠢᠶᠠᠷ ᠬᠤᠶᠠᠷ ᠭᠡᠬᠦ ᠮᠡᠳᠦᠴᠢᠯᠡᠨ ᠠᠷᠢᠬᠢᠨ ᠤ ᠬᠡᠮᠵᠢᠶᠡ ᠶᠢ | ᠪᠠᠭᠠᠰᠬᠠᠳᠠᠭ᠃ ᠬᠡᠮ ᠤᠨ ᠲᠤᠭᠠ ᠲᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠬᠦᠦ ᠲᠠᠯᠠ ᠴᠤ ᠠᠳᠠᠯᠢ ᠲᠤᠭᠠ ᠪᠠᠷ ᠪᠠᠷᠢᠳᠠᠭ᠂ | ᠭᠡᠪᠡᠴᠦ ᠠᠷᠢᠬᠢᠨ ᠤ ᠬᠡᠮᠵᠢᠶᠡ ᠶᠢ ᠬᠡᠦᠬᠡᠨ ᠤ ᠲᠠᠯᠠ ᠠᠴᠠ ᠪᠠᠭᠠ ᠰᠠᠭᠠ ᠢᠯᠡᠬᠦᠦ ᠪᠠᠶᠢᠵᠤ ᠪᠤᠯᠳᠠᠭ᠃ ᠰᠢᠷᠡᠭᠡᠨ ᠤ | ᠵᠠᠭᠤᠰᠢ ᠶᠢ ᠬᠠᠯᠠᠭᠤᠨ ᠰᠡᠷᠢᠬᠦᠨ ᠨᠤᠭᠤᠭᠠ ᠬᠤᠤᠰ ᠬᠤᠤᠰ ᠲᠤᠭᠠ ᠪᠠᠷ ᠤᠷᠤᠭᠤᠯᠬᠤ ᠠᠴᠠ ᠭᠠᠳᠠᠨᠠ ᠪᠦᠬᠦᠯᠢ | ᠰᠢᠬᠦᠰᠦ ᠪᠤᠶᠤ ᠤᠭᠤᠴᠠ ᠲᠠᠯᠪᠢᠳᠠᠭ ︵ᠤᠭᠤᠴᠠ ᠪᠠᠭᠤᠯᠭᠠᠬᠤ ᠶᠤᠰᠤᠨ᠂ ᠰᠢᠬᠦᠰᠦ ᠲᠠᠯᠪᠢᠬᠤ ᠮᠠᠭᠳᠠᠭᠠᠯ ᠵᠢᠴᠢ | ᠬᠤᠷᠢᠮ ᠤᠨ ᠢᠷᠦᠬᠡᠯ᠂ ᠡᠬᠦᠳᠡ ᠲᠠᠷᠤᠬᠤ᠂ ᠤᠤᠵᠢ ᠰᠦᠢᠬᠡ ᠶᠢᠨ ᠮᠠᠭᠳᠠᠭᠠᠯ᠂ ᠡᠭᠡ ᠶᠢᠨ ᠴᠠᠭᠠᠨ ᠰᠦ ᠶᠢᠨ | ᠠᠴᠢ ᠬᠠᠷᠢᠭᠤᠯᠬᠤ ᠂ ᠨᠠᠶᠢᠵᠠ ᠶᠢᠨ ᠠᠴᠢ ᠬᠠᠷᠢᠭᠤᠯᠬᠤ ᠵᠡᠷᠭᠡ ᠢᠷᠦᠬᠡᠯ ᠮᠠᠭᠳᠠᠭᠠᠯ ᠢ ᠲᠠᠷᠠᠭᠠᠴᠢ ᠶᠢᠨ ᠬᠡᠪᠯᠡᠯ | ᠤᠳ ᠲᠤ ᠲᠤᠰᠬᠠᠢ ᠰᠡᠳᠦᠪ ᠢᠶᠠᠷ ᠨᠠᠶᠢᠷᠠᠭᠤᠯᠤᠨ ᠨᠡᠶᠢᠳᠡᠯᠡᠬᠦ ᠪᠤᠯᠤᠨᠠ︶᠃ | ᠬᠡᠦᠬᠡᠨ ᠲᠠᠯᠠ ᠶᠢᠨ ᠨᠠᠶᠢᠷ ᠲᠡᠭᠡᠳᠦᠯᠡᠵᠦ ᠬᠡᠦᠬᠡᠨ ᠮᠤᠷᠳᠠᠬᠤ ᠦᠶᠡ ᠳᠤ ᠬᠦᠷᠢᠶᠡᠨ ᠤ ᠭᠠᠳᠠᠨᠠ ᠬᠦᠯᠢᠰ | ᠤᠨ ᠰᠢᠷᠡᠭᠡᠨ ᠲᠡᠭᠡᠷᠡ ᠬᠦᠵᠢ ᠠᠷᠴᠠ ᠰᠢᠳᠠᠭᠠᠵᠤ᠂ ᠰᠢᠬᠦᠰᠦ ᠪᠤᠶᠤ ᠲᠠᠬᠢᠯᠭᠠ ᠶᠢᠨ ᠢᠳᠡᠭᠡᠨ ᠲᠠᠯᠪᠢᠵᠤ | ᠮᠦᠷᠬᠦᠬᠦᠯᠦᠭᠰᠡᠨ ᠡᠴᠢᠬᠡ ᠡᠬᠡ ᠨᠢ ᠬᠦᠦ ᠬᠡᠦᠬᠡᠨ ᠢᠶᠠᠨ ᠲᠡᠭᠷᠢ ᠳᠤ ᠮᠦᠷᠬᠦᠬᠦᠯᠵᠦ᠂ ᠬᠦᠷᠭᠡᠨ ᠨᠢ ᠬᠡᠦᠬᠡᠨ ᠤ | ᠤᠨᠤᠭᠰᠠᠨ ᠮᠤᠷᠢ ᠶᠢ ᠴᠤᠯᠪᠤᠭᠤᠷ ᠠᠴᠠ ᠨᠢ ᠬᠦᠳᠦᠯᠦᠨ᠂ ᠰᠠᠩ ᠤᠨ ᠬᠦᠯᠢᠰ ᠤᠨ ᠰᠢᠷᠡᠭᠡ ᠶᠢ ᠨᠠᠷᠠᠨ ᠵᠦᠭ | ᠭᠤᠷᠪᠠ ᠡᠷᠬᠢᠳᠡᠭ᠂ ᠡᠬᠦᠨ ᠢ ︽ᠰᠠᠩ ᠡᠷᠬᠢᠬᠦᠯᠬᠦ︾ ᠬᠡᠳᠡᠭ᠃ ᠡᠷᠡ ᠡᠮᠡ ᠬᠤᠶᠠᠷ ᠤᠨ ᠰᠠᠭᠠᠳᠠᠭ ᠠᠭᠰᠠᠵᠤ | ᠰᠠᠩ ᠡᠷᠬᠢᠵᠦ ᠬᠤᠯᠪᠤᠭᠰᠠᠨ ᠶᠠᠪᠤᠳᠠᠯ ᠪᠤᠯ ᠤᠷᠤᠭ ᠪᠠᠷᠢᠯᠳᠤᠯᠭᠠ ᠶᠢᠨ ᠬᠠᠮᠤᠭ ᠤᠨ ᠵᠦᠢ ᠶᠤᠰᠤᠨ ᠤ ᠴᠢᠬᠤᠯᠠ | ᠶᠠᠪᠤᠳᠠᠯ ᠬᠡᠵᠦ ᠮᠠᠰᠢ ᠶᠡᠭᠡ ᠬᠦᠨᠳᠦᠳᠭᠡᠨ ᠡᠷᠬᠢᠮᠯᠡᠳᠡᠭ᠃ ᠡᠬᠦᠨ ᠢ ᠤᠳᠤ ᠶᠢᠨ ᠦᠬᠡ ᠪᠠᠷ ᠬᠡᠯᠡᠪᠡᠯ ᠲᠠᠷᠤᠢ ᠬᠠᠤᠯᠢ | ᠴᠠᠭᠠᠵᠠ ᠶᠢᠨ ᠬᠦᠴᠦᠨ ᠲᠠᠢ ᠪᠤᠯᠤᠭᠰᠠᠨ ᠶᠠᠪᠤᠳᠠᠯ ᠪᠤᠯᠤᠨᠠ᠃ | ᠰᠢᠨᠡ ᠪᠡᠷᠢ ᠬᠦᠷᠭᠡᠨ ᠤ ᠳᠡᠭᠡᠨ ᠢᠷᠡᠵᠦ ︽ᠭᠠᠯ ᠳᠤ ᠮᠦᠷᠬᠦᠬᠦᠯᠬᠦ︾ ︽ᠡᠬᠦᠳᠡ ᠲᠠᠷᠤᠬᠤ︾ ︵ | ᠲᠡᠭᠡᠷᠡ ᠨᠢᠬᠡᠨᠳᠡ ᠲᠤᠷᠠᠳᠴᠠᠢ︶ ᠵᠡᠷᠭᠡ ᠶᠤᠰᠤ ᠵᠦᠢ ᠶᠢ ᠬᠦᠢᠴᠡᠳᠭᠡᠭᠰᠡᠨ ᠤ ᠲᠠᠷᠠᠭᠠ᠂ ᠬᠦᠦ ᠲᠠᠯᠠ ᠶᠢᠨ | ᠬᠤᠷᠢᠮ ᠤᠨ ᠶᠡᠭᠡ ᠨᠠᠶᠢᠷ ᠡᠬᠢᠯᠡᠳᠡᠭ᠃ ᠬᠦᠦ ᠲᠠᠯᠠ ᠶᠢᠨ ᠨᠠᠶᠢᠷ ᠢ ᠬᠡᠦᠬᠡᠨ ᠲᠠᠯᠠ ᠶᠢᠨ ᠠᠴᠠ ᠲᠠᠪᠠᠭᠤ ᠪᠠᠶᠢᠯᠭᠠᠬᠤ | ᠪᠠᠷ ᠴᠢᠷᠮᠠᠶᠢᠳᠠᠭ᠃ ᠡᠨᠡᠬᠦ ᠰᠢᠷᠡᠭᠡᠨ ᠲᠡᠭᠡᠷᠡ ᠪᠠᠰᠠ ﹇ᠡᠬᠡ ᠶᠢᠨ ᠴᠠᠭᠠᠨ ᠰᠦ ᠶᠢᠨ ᠠᠴᠢ ᠶᠢ ᠬᠠᠷᠢᠭᠤᠯᠬᠤ︾ | ᠵᠡᠷᠭᠡ ᠶᠤᠰᠤ ᠵᠦᠢ ᠶᠢ ᠬᠦᠢᠴᠡᠳᠭᠡᠨᠡ᠃ | ᠬᠦᠦ ᠳᠡᠭᠡᠨ ᠪᠡᠷᠢ ᠪᠠᠭᠤᠯᠭᠠᠬᠤ ᠶᠠᠪᠤᠳᠠᠯ ᠪᠤᠯ ᠭᠠᠯ ᠭᠤᠯᠤᠮᠳᠠ ᠪᠠᠨ ᠵᠠᠯᠭᠠᠮᠵᠢᠯᠠᠭᠤᠯᠵᠤ ᠡᠬᠦᠳᠡ ᠡᠷᠦᠬᠡ | ᠪᠠᠨ ᠨᠡᠭᠡᠭᠡᠯᠬᠡᠨ᠂ ᠦᠨᠢ ᠡᠬᠦᠷᠢᠳᠡ ᠦᠷᠨᠢᠨ ᠲᠡᠯᠭᠡᠷᠡᠬᠦ ᠦᠢᠯᠡᠰ ᠢ ᠡᠬᠦᠳᠦᠨ ᠪᠦᠳᠦᠭᠡᠵᠦ ᠪᠠᠶᠢᠭᠠ ᠶᠠᠪᠤᠳᠠᠯ | ᠪᠤᠯᠬᠤᠷ ᠰᠢᠨᠡ ᠪᠡᠷᠢ ᠢᠷᠡᠭᠰᠡᠨ ᠤ ᠪᠠᠨ ᠮᠠᠷᠭᠠᠰᠢ ᠦᠷᠯᠦᠬᠡ ᠡᠷᠳᠡ ᠪᠤᠰᠴᠤ᠂ ᠴᠠᠭᠠᠨ ᠢᠳᠡᠭᠡ ᠪᠤᠤᠪᠤ | ᠪᠤᠭᠤᠷᠰᠤᠭ ᠲᠠᠪᠠᠭᠯᠠᠨ ᠪᠠᠷᠢᠵᠤ᠂ ᠡᠷᠦᠬᠡ ᠶᠢᠨ ᠤᠭᠤᠰᠤᠷ ᠢᠶᠠᠨ ᠲᠠᠳᠠᠵᠤ ᠡᠷᠦᠬᠡ ᠪᠠᠨ ᠰᠡᠬᠦᠳᠡᠭ᠃ ᠲᠡᠭᠡᠭᠡᠳ | ᠪᠠᠰᠠ ᠭᠠᠯ ᠢᠶᠠᠨ ᠨᠤᠴᠤᠭᠠᠵᠤ᠂ ᠴᠠᠢ ᠪᠠᠨ ᠴᠢᠨᠠᠭᠠᠳ ᠪᠤᠷᠬᠠᠨ ᠳᠠᠭᠠᠨ ᠲᠠᠬᠢᠯ ᠲᠠᠬᠢᠵᠤ᠂ ᠠᠪᠤ ᠡᠵᠢ ᠠᠬᠠᠮᠠᠳ | ᠲᠤᠮᠤᠭᠠᠳᠠᠨ ᠨᠠᠷ ᠲᠠᠭᠠᠨ ᠴᠠᠢ ᠠᠶᠠᠭᠠᠯᠠᠨ᠂ ᠲᠠᠪᠠᠭ ᠲᠠᠢ ᠪᠤᠤᠪᠤ ᠢᠳᠡᠭᠡ ᠪᠠᠨ ᠲᠠᠯᠪᠢᠳᠠᠭ᠃ ᠠᠪᠤ ᠡᠵᠢ ᠨᠢ | ᠲᠠᠪᠠᠭ ᠲᠦᠬᠦᠷᠡᠩ ᠪᠤᠤᠪᠤ ᠴᠠᠭᠠᠨ ᠢᠳᠡᠭᠡᠨ ᠢ ᠲᠤᠰᠤᠨ ᠠᠪᠴᠤ ᠠᠮᠰᠠᠭᠰᠠᠨ ᠤ ᠲᠠᠷᠠᠭᠠ᠂ ᠲᠠᠪᠠᠭ ᠲᠡᠭᠡᠷᠡ ᠨᠢ | ᠭᠡᠷ ᠤᠨ ᠢᠶᠠᠨ ᠲᠦᠯᠬᠢᠬᠦᠷ ᠢ ᠲᠠᠯᠪᠢᠵᠤ ᠪᠡᠷᠢ ᠳᠡᠭᠡᠨ ᠦᠭᠬᠦᠨᠡ᠂ ᠡᠨᠡ ᠨᠢ ᠭᠡᠷ ᠤᠨ ᠡᠵᠡᠨ ᠤ ᠡᠷᠭᠡ ᠮᠡᠳᠡᠯ ᠢᠶᠠᠨ | ᠦᠷᠡ ᠬᠡᠦᠭᠡᠳ ᠲᠡᠭᠡᠨ ᠤᠯᠠᠮᠵᠢᠯᠠᠵᠤ ᠪᠠᠶᠢᠭᠠ ᠭᠡᠷᠡᠭ ᠶᠤᠮ᠃ ᠡᠬᠦᠨᠴᠡ ᠭᠠᠳᠠᠨᠠ ᠠᠪᠤ ᠡᠵᠢ ᠠᠬᠠ ᠲᠡᠬᠦᠦ | ᠲᠦᠷᠦᠯ ᠰᠠᠳᠤᠨ ᠨᠢ ᠰᠢᠨᠡ ᠪᠡᠷᠢ ᠶᠢᠨ ᠴᠠᠢ ᠶᠢ ᠲᠤᠰᠴᠤ ᠠᠪᠤᠭᠠᠳ ᠬᠠᠷᠢᠭᠤ ᠪᠡᠯᠡᠭ ᠱᠠᠩᠨᠠᠨ ᠦᠭᠳᠡᠭ᠃ | ᠬᠤᠷᠢᠮ ᠬᠢᠭᠰᠡᠨ ᠤ ᠲᠠᠷᠠᠭᠠ ᠭᠤᠷᠪᠠᠨ ᠡᠳᠦᠷ ᠲᠤ ᠭᠡᠦᠬᠡᠨ ᠤ ᠭᠡᠷ ᠠᠴᠠ ᠬᠡᠦᠬᠡᠨ ᠢᠶᠠᠨ ᠡᠷᠬᠢᠬᠦ ᠪᠠᠷ | ᠡᠷᠬᠢᠯᠳᠡ ᠶᠢᠨ ᠪᠤᠤᠪᠤ ᠪᠤᠭᠤᠷᠰᠤᠭ ᠠᠪᠴᠤ ᠢᠷᠡᠳᠡᠭ᠃ ᠵᠠᠷᠢᠮ ᠦᠶᠡ ᠳᠤ ᠪᠠᠰᠠ ᠰᠢᠷᠡᠭᠡᠨ ᠲᠡᠭᠡᠷᠡ ᠪᠠᠨ ᠡᠷᠬᠢᠳᠡᠭ | ᠴᠤ ᠪᠤᠢ᠃ ᠢᠷᠡᠭᠰᠨᠡ ᠬᠦᠮᠦᠰ ᠨᠢ ᠬᠡᠦᠬᠡᠨ ᠤ ᠪᠠᠨ ᠲᠦᠷᠬᠦᠮ ᠳᠡᠭᠡᠨ ᠪᠤᠴᠠᠬᠤ ᠡᠳᠦᠷ ᠢ ᠰᠤᠨᠤᠰᠴᠤ ᠡᠳᠦᠷ | ᠲᠡᠭᠡᠨ ᠪᠤᠴᠠᠳᠠᠭ᠃ ︽ᠬᠤᠳᠠ ᠬᠦᠮᠦᠨ ᠬᠤᠷᠢᠮ ᠳᠤ ᠬᠤᠨᠤᠬᠤ ᠠᠴᠠ ᠬᠤᠳᠳᠤᠭ ᠲᠤ ᠬᠤᠨᠤᠬᠤ᠂ ᠡᠷᠬᠢᠯᠳᠡ ᠳᠤ | ᠬᠤᠨᠤᠬᠤ ᠠᠴᠠ ᠡᠷᠬᠢ ᠳᠤ ᠬᠤᠨᠤᠬᠤ︾ ᠬᠡᠵᠦ ᠵᠠᠪᠠᠯ ᠪᠤᠴᠠᠬᠤ ᠶᠤᠰᠤ ᠲᠠᠢ ᠪᠠᠶᠢᠳᠠᠭ᠃ ᠰᠢᠨᠡ ᠪᠡᠷᠢ ᠶᠢ ᠲᠠᠪᠤ | ᠪᠤᠶᠤ ᠲᠤᠯᠤᠭᠠᠨ ᠬᠤᠨᠤᠭᠰᠠᠨ ᠤ ᠲᠠᠷᠠᠭᠠ ᠨᠢ ᠬᠦᠷᠭᠡᠨ ᠤ ᠬᠠᠮᠳᠤ ᠭᠡᠳᠦ ᠬᠡᠳᠦᠨ ᠬᠦᠮᠦᠨ ᠢᠶᠠᠷ ᠬᠦᠷᠭᠡᠬᠦᠯᠵᠦ | ᠲᠦᠬᠦᠮ ᠳᠤᠨᠢ ᠬᠠᠷᠢᠭᠤᠯᠳᠠᠭ᠂ ᠡᠬᠦᠨ ᠢ ︽ᠡᠬᠦᠳᠡ ᠪᠠᠨ ᠡᠷᠬᠢᠬᠦ︾ ᠭᠡᠳᠡᠭ᠃ ᠡᠬᠦᠨ ᠳᠤ ᠲᠦᠷᠬᠦᠮ ᠤᠨ ᠡᠴᠢᠬᠡ | ᠡᠬᠡ ᠳᠤ ᠵᠤᠬᠢᠬᠤ ᠪᠡᠯᠡᠭ ᠰᠠᠯᠳᠠ ᠲᠠᠢ ᠶᠠᠪᠤᠭᠤᠯᠳᠠᠭ᠃ | ᠬᠡᠦᠬᠡᠨ ᠬᠦᠷᠭᠡᠨ ᠪᠤᠴᠠᠵᠤ ᠢᠷᠡᠭᠰᠡᠨ ᠤ ᠲᠠᠷᠠᠭᠠ ᠬᠡᠦᠬᠡᠨ ᠲᠠᠯᠠ ᠠᠴᠠ ᠬᠤᠶᠠᠷ ᠬᠡᠦᠭᠡᠳ ᠢᠶᠠᠨ ᠦᠪᠡᠷᠦᠨ | ᠬᠤᠯᠠ ᠶᠢᠨ ᠲᠦᠷᠦᠯ ᠰᠠᠳᠤᠨ ᠳᠠᠭᠠᠨ ᠤᠴᠢᠭᠤᠯᠤᠨ ᠲᠠᠨᠢᠭᠤᠯᠬᠤ ᠠᠵᠢᠯ ᠢ ᠬᠦᠢᠴᠡᠳᠭᠡᠳᠡᠭ, ᠶᠤ᠋᠃ ᠢᠩᠬᠢᠵᠦ | ᠪᠠᠷᠠᠪᠠᠯ ᠰᠢᠨᠡ ᠬᠤᠷᠢᠮ ᠤᠨ ᠵᠦᠢ ᠶᠤᠰᠤ ᠦᠨᠳᠦᠰᠦᠨ ᠳᠡᠭᠡᠨ ᠲᠠᠭᠤᠰᠳᠠᠭ ᠪᠠᠶᠢᠨᠠ᠃ | |