| ᠬᠠᠪᠤᠷ ᠮᠠᠯ ᠲᠦᠯᠯᠡᠬᠦ ᠦᠶᠡ ᠳᠤ ᠲᠠᠷᠭᠤ ᠬᠦᠴᠦ ᠪᠠᠷ ᠪᠠᠷᠤᠭᠳᠠᠢ ᠡᠬᠡ ᠮᠠᠯ ᠨᠢ ᠦᠷᠡ ᠲᠦᠯ ᠢᠶᠠᠨ ᠭᠤᠯᠤᠬᠤ | ᠶᠠᠪᠤᠳᠠᠯ ᠵᠦᠩᠳᠡᠭᠡᠨ ᠭᠠᠷᠳᠠᠭ᠃ ᠭᠤᠯᠤᠭᠰᠠᠨ ᠮᠠᠯ ᠨᠢ ᠦᠷᠡ ᠪᠠᠨ ᠬᠦᠬᠦᠬᠦᠯᠬᠦ ᠦᠬᠡᠢ ᠪᠦᠬᠡᠳ ᠮᠦᠷᠬᠦᠬᠦ᠂ | ᠲᠡᠶᠢᠷᠦᠬᠦ ᠵᠡᠷᠭᠡ ᠪᠠᠷ ᠠᠭᠠᠰᠢᠯᠠᠨᠠ᠃ ᠲᠠᠶᠢᠹᠤᠰᠧ ᠮᠤᠩᠭᠤᠯᠴᠤᠳ ᠲᠦᠯ ᠶᠢᠨ ᠭᠤᠯᠤᠭᠰᠠᠨ ᠮᠠᠯ ᠳᠤ | ᠭᠤᠤᠯᠳᠠᠭᠤ ᠰᠡᠳᠬᠢᠯ ᠢ ᠨᠢ ᠤᠶᠠᠷᠠᠭᠤᠯᠬᠤ ᠠᠷᠭᠠ ᠪᠠᠷ ᠲᠦᠯ ᠢ ᠨᠢ ᠠᠪᠤᠭᠤᠯᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠲᠠᠭᠤᠤ | ᠲᠠᠭᠤᠯᠠᠬᠤ᠂ ᠬᠤᠭᠤᠷ ᠬᠤᠭᠤᠷᠳᠠᠬᠤ᠂ ᠶᠠᠳᠤᠭᠠ ᠴᠢᠪᠬᠠᠳᠠᠬᠤ ᠮᠡᠳᠦ ᠠᠷᠭᠠ ᠶᠢ ᠭᠡᠷᠡᠭᠯᠡᠨᠡ᠃ | ᠬᠤᠨᠢᠨ ᠤ ᠭᠤᠯᠤᠩᠬᠠᠢ ᠶᠢ ᠠᠪᠤᠭᠤᠯᠬᠤ ᠳᠤ ᠭᠤᠯᠤᠭᠰᠠᠨ ᠬᠤᠷᠠᠭᠠ ᠲᠠᠢ ᠨᠢ ᠬᠠᠮᠳᠤ ᠬᠤᠷᠢᠵᠤ᠂ ᠤᠶᠠᠨ | ᠨᠠᠮᠤᠭᠤᠨ ᠲᠠᠭᠤ ᠪᠠᠷ ︽ᠲᠤᠶᠢᠭ ᠲᠤᠶᠢᠭ ᠲᠤᠶᠢᠭ᠂᠂᠂᠂᠂᠂︾ ᠬᠡᠵᠦ ᠲᠤᠶᠢᠭ ᠤᠨ ᠲᠠᠭᠤᠤ ᠲᠠᠭᠤᠯᠠᠨ᠂ ︽ | ᠲᠦᠦᠷ ᠲᠦᠦᠷ ᠲᠦᠦᠷ᠂᠂᠂᠂᠂᠂︾ ᠭᠡᠵᠦ ᠲᠠᠭᠤᠳᠠᠨ ᠠᠪᠤᠭᠤᠯᠳᠠᠭ᠂ ᠵᠠᠷᠢᠮ ᠳᠠᠭᠠᠨ ᠪᠠᠰᠠ ᠰᠢᠷᠦᠬᠦᠨ ᠠᠷᠭᠠ | ᠭᠡᠷᠡᠭᠯᠡᠵᠦ᠂ ᠨᠤᠬᠠᠢ ᠮᠤᠤᠷ ᠢᠶᠠᠷ ᠠᠶᠤᠯᠭᠠᠬᠤ ᠪᠤᠶᠤ ᠬᠦᠯ ᠢ ᠨᠢ ᠲᠤᠱᠠᠭᠠᠳ ᠮᠤᠳᠤ ᠲᠠᠰᠢᠭᠤᠷ ᠢᠶᠠᠷ ᠠᠶᠤᠯᠭᠠᠬᠤ | ᠠᠷᠭᠠ ᠠᠪᠤᠨᠠ᠃ ᠵᠠᠷᠢᠮ ᠳᠠᠭᠠᠨ ᠬᠤᠷᠠᠭᠠ ᠨᠢ ᠦᠬᠦᠭᠰᠡᠨ ᠬᠤᠨᠢᠨ ᠳᠤ ᠦᠭᠡᠷᠡ ᠬᠤᠷᠠᠭᠠ ᠶᠢ ᠠᠪᠤᠭᠤᠯᠬᠤ | ᠶᠠᠪᠤᠳᠠᠯ ᠲᠤᠬᠢᠶᠠᠯᠳᠤᠨᠠ᠃ ᠡᠨᠡ ᠦᠶᠡᠰ ᠳᠤ ᠠᠪᠤᠭᠤᠯᠬᠤ ᠬᠤᠷᠠᠭᠠᠨ ᠤ ᠪᠡᠶᠡ ᠲᠡᠭᠡᠷᠡ ᠦᠬᠦᠭᠰᠡᠨ ᠬᠤᠷᠠᠭᠠᠨ | ᠤ ᠠᠷᠠᠰᠤ ᠶᠢ ᠨᠦᠮᠦᠷᠭᠡᠬᠦ ᠪᠤᠶᠤ ᠰᠦ᠂ ᠲᠠᠪᠤᠰᠤ ᠲᠠᠢ ᠤᠰᠤ᠂ ᠬᠤᠵᠢᠷ ᠱᠤᠤ ᠲᠦᠷᠬᠢᠵᠦ ᠲᠤᠯᠢᠶᠠᠯᠭᠠᠬᠤ ᠪᠤᠶᠤ | ᠵᠤᠩᠭᠠᠭ ᠢ ᠨᠢ ᠲᠦᠷᠬᠢᠨ ᠦᠨᠦᠷᠳᠦᠬᠦᠯᠵᠦ᠂ ᠦᠪᠡᠷ ᠠᠴᠠ ᠨᠢ ᠲᠦᠷᠦᠭᠰᠨᠨ ᠲᠦᠷᠦᠭᠳᠡᠯ ᠤᠷᠤᠭᠤᠯᠵᠤ | ᠠᠪᠤᠭᠤᠯᠳᠠᠭ᠃ | ᠢᠮᠠᠭᠠ ᠶᠢ ᠮᠦᠨ ᠬᠦ᠋ ᠵᠦᠬᠡᠯᠡᠨ ᠨᠠᠮᠤᠭᠤᠨ ᠲᠠᠭᠤ ᠪᠠᠷ ︽ᠴᠡᠭᠡᠭ ᠴᠡᠭᠡᠭ ᠴᠡᠭᠡᠭ᠂᠂᠂᠂᠂᠂᠂︾ ᠭᠡᠵᠦ | ᠴᠡᠭᠡᠭ ᠤᠨ ᠲᠠᠭᠤᠤ ᠲᠠᠭᠤᠯᠠᠨ ᠠᠪᠤᠭᠤᠯᠤᠨᠠ᠃ | ᠦᠨᠢᠶᠡ ᠶᠢ ᠪᠤᠯ ᠲᠤᠭᠤᠯ ᠲᠠᠢ ᠨᠢ ᠬᠠᠮᠳᠤ ᠬᠤᠷᠢᠵᠤ ᠪᠠᠶᠢᠭᠠᠳ ︽ ᠦ ᠦ ᠦ᠂᠂᠂᠂᠂᠂︾ ᠬᠡᠵᠦ | ᠦᠦᠪᠯᠡᠨ ᠲᠠᠭᠤᠯᠠᠵᠤ ᠠᠪᠤᠭᠤᠯᠬᠤ ᠪᠤᠶᠤ ᠨᠤᠬᠠᠢ ᠶᠢ ᠭᠠᠰᠠᠯᠤᠭᠤᠯᠤᠨ ᠲᠠᠭᠤ ᠭᠠᠷᠭᠠᠵᠤ ᠠᠶᠤᠯᠭᠠᠨ | ᠠᠪᠤᠭᠤᠯᠤᠨᠠ᠃ ᠪᠠᠰᠠ ᠦᠨᠢᠶᠡᠨ ᠤ ᠰᠠᠪᠠᠨ ᠳᠤ ᠲᠠᠪᠤᠰᠠᠩ ᠴᠢᠬᠢᠵᠦ ᠦᠯᠢᠶᠡᠨ ᠲᠤᠮᠤᠷᠠᠭᠤᠯᠤᠭᠠᠳ᠂ ᠲᠤᠭᠤᠯ | ᠢ ᠨᠢ ᠲᠠᠳᠠᠵᠤ ᠪᠠᠶᠢᠬᠤ ᠮᠠᠶ᠋ᠢᠭᠳᠠᠢ ᠭᠠᠷ ᠢᠶᠠᠨ ᠤᠷᠤᠭᠤᠯᠤᠨ ᠠᠭᠠᠵᠢᠮ ᠢᠶᠠᠷ ᠲᠠᠳᠠᠵᠤ ᠭᠠᠷᠭᠠᠮᠠᠭᠴᠠ ᠲᠤᠭᠤᠯ | ᠢ ᠨᠢ ᠦᠨᠦᠷᠳᠦᠬᠦᠯᠵᠦ ᠠᠪᠤᠭᠤᠯᠳᠠᠭ᠃ ᠡᠨᠡ ᠠᠷᠭᠠ ᠨᠢ ᠡᠪ ᠬᠠᠪᠤ ᠪᠠᠷ ᠪᠠᠷᠤᠭᠳᠠᠢ ᠪᠤᠯᠪᠠᠴᠤ ᠦᠷᠡ | ᠪᠦᠳᠦᠮᠵᠢ ᠪᠠᠷ ᠲᠤᠩ ᠰᠠᠶᠢᠨ ᠪᠠᠶᠢᠵᠤ᠂ ᠭᠤᠯᠤᠭᠰᠠᠨ ᠦᠨᠢᠶᠡ ᠪᠤᠰᠴᠤ ᠢᠷᠡᠮᠡᠭᠴᠡ ᠲᠤᠭᠤᠯ ᠢᠶᠠᠨ ᠡᠷᠢᠵᠦ | ᠦᠨᠦᠷᠯᠡᠨ ᠲᠤᠯᠢᠶᠠᠭᠠᠳ ᠡᠬᠢᠯᠡᠳᠡᠭ᠃ ᠬᠠᠵᠠᠭᠤ ᠬᠠᠪᠢ ᠳᠤᠨᠢ ᠮᠤᠤᠷ ᠨᠤᠬᠠᠢ ᠪᠠᠶᠢᠯᠭᠠᠪᠠᠯ ᠲᠤᠭᠤᠯ ᠢᠶᠠᠨ | ᠬᠠᠷᠠᠮᠨᠠᠵᠤ ᠬᠠᠮᠠᠭᠠᠯᠠᠭᠠᠳ ᠠᠪᠬᠤ ᠨᠢ ᠤᠯᠠᠮ ᠲᠦᠷᠭᠡᠨ ᠪᠤᠯᠳᠠᠭ᠃ | ᠠᠳᠤᠭᠤ ᠪᠤᠯ ᠶᠡᠷᠦᠳᠡᠭᠡᠨ ᠠᠶᠢᠯ ᠬᠤᠳᠠ ᠶᠢᠨ ᠲᠡᠷᠭᠡᠳᠡ ᠪᠠᠶᠢᠳᠠᠭ ᠦᠬᠡᠢ᠂ ᠬᠦᠳᠡᠭᠡ ᠭᠡᠭᠡᠷᠡ | ᠪᠡᠯᠴᠢᠭᠡᠷᠯᠡᠳᠡᠭ ᠪᠤᠯᠬᠤᠷ ᠭᠤᠯᠤᠬᠤ ᠨᠢ ᠴᠦᠬᠡᠨ᠃ ᠬᠠᠶᠠ ᠨᠢᠬᠡ ᠭᠤᠯᠤᠭᠰᠠᠨ ᠭᠡᠬᠦᠦ ᠶᠢ ᠮᠦᠨ ᠬᠦ᠋ ᠲᠠᠭᠤᠤ | ᠬᠦᠭᠵᠢᠮ ᠰᠤᠨᠤᠰᠬᠠᠬᠤ ᠪᠤᠶᠤ ᠤᠶᠠᠵᠤ ᠴᠢᠳᠦᠷᠯᠡᠨ ᠬᠦᠬᠦᠬᠦᠯᠬᠦ᠂ ᠡᠰᠡᠬᠦᠯᠡ ᠡᠬᠡ ᠶᠢ ᠨᠢ ᠤᠨᠤᠵᠤ ᠲᠠᠪᠬᠢᠭᠠᠳ | ᠰᠠᠶᠢᠨ ᠬᠦᠯᠦᠷᠡᠬᠦᠯᠪᠡᠯ ᠤᠨᠠᠭᠠ ᠪᠠᠨ ᠠᠪᠴᠢᠬᠠᠳᠠᠭ᠃ | ᠢᠩᠬᠡ ᠭᠤᠯᠤᠬᠤ ᠳᠤ ᠮᠤᠷᠢᠨ ᠬᠤᠭᠤᠷ᠂ ᠶᠠᠳᠤᠭᠠ ᠶᠢᠨ ᠡᠭᠡᠰᠢᠭ ᠢ ᠰᠤᠨᠤᠰᠬᠠᠪᠠᠯ᠂ ᠤᠶᠠᠷᠠᠨ ᠬᠠᠶᠢᠯᠠᠵᠤ | ᠨᠢᠯᠪᠤᠰᠤ ᠪᠠᠨ ᠠᠰᠠᠬᠠᠷᠠᠭᠤᠯᠤᠨ᠂ ᠭᠤᠯᠤᠭᠰᠠᠨ ᠪᠤᠳᠤᠭᠤ ᠪᠠᠨ ᠬᠦᠬᠦᠬᠦᠯᠵᠦ ᠠᠪᠳᠠᠭ᠃ ᠡᠨᠡ ᠪᠤᠯ ᠰᠦ ᠬᠠᠶᠢᠷᠠ | ᠪᠠᠷ ᠢᠪᠢᠯᠳᠡᠭ ᠶᠤᠰᠤᠨ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠭᠠ ᠶᠤᠮ᠃ | ᠲᠠᠶᠢᠹᠤᠰᠧ ᠨᠤᠳᠤᠭ ᠲᠤ ᠤᠶᠠᠷᠠᠭᠤᠨ ᠡᠭᠡᠰᠢᠭᠯᠡᠩᠳᠦ ᠲᠠᠭᠤᠤ ᠬᠤᠭᠤᠷ ᠢᠶᠠᠷ ᠢᠶᠠᠨ ᠭᠤᠯᠤᠩᠬᠠᠢ ᠮᠠᠯ ᠢ | ᠤᠶᠠᠰᠬᠠᠨ ᠠᠪᠤᠭᠤᠯᠳᠠᠭ ᠠᠷᠠᠳ ᠤᠨ ᠲᠠᠭᠤᠴᠢᠨ ᠰᠤᠨᠤᠮᠨᠢᠮᠠ᠂ ᠶᠠᠳᠤᠭᠠᠴᠢᠨ ᠷᠠᠰᠢᠯᠾᠦ᠋ᠩᠷᠤᠪ᠂ ᠯᠢᠮᠪᠤᠴᠢᠨ | ᠴᠤᠶᠢᠷᠤᠭ᠂ ᠱᠠᠨᠵᠠᠴᠢᠨ ᠪᠠᠨᠽᠠᠷᠠᠭᠴᠠ ᠵᠡᠷᠭᠡ ᠰᠠᠶᠢᠨ ᠬᠦᠭᠵᠢᠮᠴᠢᠨ ᠲᠠᠭᠤᠴᠢᠨ ᠤᠯᠠᠨ ᠪᠠᠶᠢᠵᠠᠢ᠃ ᠲᠡᠳᠡ | ᠭᠤᠯᠤᠭᠰᠠᠨ ᠮᠠᠯ ᠢ ᠵᠠᠷᠢᠮ ᠳᠠᠭᠠᠨ ᠨᠢᠬᠡᠯᠡ ᠲᠠᠭᠤᠤ ᠲᠠᠭᠤᠯᠠᠬᠤ ᠪᠤᠶᠤ ᠨᠢᠬᠡᠯᠡ ᠠᠶᠠ ᠬᠦᠭᠵᠢᠮᠳᠡᠭᠡᠳ ᠲᠤᠤᠷᠠ | ᠨᠢ ᠠᠪᠤᠭᠤᠯᠵᠤ᠂ ᠬᠠᠶᠠ ᠨᠢᠬᠡ ︽ᠬᠠᠳᠠᠭᠤ ᠰᠡᠳᠬᠢᠯ ᠲᠠᠢ︾ ᠵᠦᠷᠢᠬᠦᠳᠡ ᠮᠠᠯ ᠲᠤᠬᠢᠶᠠᠯᠳᠤᠬᠤ ᠳᠤ ᠲᠠᠭᠤᠤ | ᠬᠤᠭᠤᠷ ᠨᠡᠶᠢᠯᠡᠬᠦᠯᠵᠦ ᠪᠠᠶᠢᠭᠠᠳ ᠲᠦᠳᠡᠯ ᠦᠬᠡᠢ ᠠᠪᠤᠭᠤᠯᠴᠢᠬᠠᠳᠠᠭ ᠪᠠᠶᠢᠪᠠ᠃ ᠤᠳᠤ ᠴᠤ ᠭᠡᠳ ᠬᠦᠨᠪᠤᠯᠠᠭ | ᠰᠤᠮᠤᠨ ᠳᠤ ᠭᠤᠯᠤᠩᠬᠠᠢ ᠮᠠᠯ ᠢ ᠲᠠᠭᠤᠤ ᠲᠠᠭᠤᠯᠠᠵᠤ ᠠᠪᠤᠭᠤᠯᠳᠠᠭ ᠮᠠᠯᠴᠢᠳ ᠵᠦᠩᠳᠡᠭᠡᠨ ᠪᠤᠢ᠃ |