| ᠲᠠᠶᠢᠹᠤᠰᠧ ᠤᠨ ᠵᠠᠷᠢᠮ ᠭᠠᠴᠠᠭᠠ ᠨᠢ ᠪᠤᠯᠠᠭ ᠲᠠᠬᠢᠳᠠᠭ ᠵᠠᠩᠰᠢᠯ ᠲᠠᠢ᠃ ᠪᠤᠯᠠᠭ ᠲᠠᠬᠢᠬᠤ ᠨᠢ ᠮᠦᠨ ᠴᠤ | ᠪᠤᠷᠤᠭᠠᠨ ᠬᠤᠷᠠ ᠬᠦᠰᠡᠵᠦ᠂ ᠨᠠᠭᠤᠷ ᠪᠤᠯᠠᠭ ᠲᠠᠭᠠᠨ ᠲᠠᠭᠠᠳᠬᠠᠵᠤ ᠪᠠᠶᠢᠭᠠ ᠤᠬᠠᠭᠠᠨ ᠲᠠᠢ᠃ ᠪᠤᠯᠠᠭ ᠲᠠᠬᠢᠬᠤ | ᠠᠵᠢᠯᠯᠠᠭᠠ ᠶᠢ ᠮᠦᠨ ᠤᠪᠤᠭᠠ ᠲᠠᠬᠢᠬᠤ ᠦᠶᠡ ᠳᠤ ᠶᠠᠪᠤᠭᠳᠠᠭᠤᠯᠳᠠᠭ᠃ ᠵᠠᠷᠢᠮ ᠨᠢ ᠤᠪᠤᠭᠠᠨ ᠲᠠᠬᠢᠯᠭᠠ ᠲᠠᠢ | ᠪᠠᠨ ᠨᠢᠬᠡ ᠡᠳᠦᠷ ᠲᠤ ᠶᠠᠪᠤᠭᠳᠠᠭᠤᠯᠵᠤ᠂ ᠵᠠᠷᠢᠮ ᠨᠢ ᠲᠤᠰᠬᠠᠢ ᠲᠤᠭᠳᠠᠭᠰᠠᠨ ᠡᠳᠦᠷ ᠲᠡᠭᠡᠨ ᠶᠠᠪᠤᠭᠳᠠᠭᠤᠯᠤᠨᠠ᠃ | ᠬᠦᠨᠪᠤᠯᠠᠭ ᠰᠤᠮᠤᠨ ᠤ ᠭᠡᠷᠡᠯᠳᠦ ᠭᠠᠴᠠᠭᠠᠨ ᠳᠤ ᠨᠢᠬᠡ ᠤᠷᠭᠢᠯᠤᠭᠠ ᠪᠤᠯᠠᠭ ᠲᠠᠢ᠃ ᠡᠷᠳᠡᠨ ᠳᠡᠭᠡᠨ ᠪᠤᠯᠠᠭ ᠤᠨ | ᠤᠰᠤ ᠨᠢ ᠬᠠᠮᠤᠭ ᠦᠨᠳᠦᠷ ᠲᠡᠭᠡᠨ ᠬᠤᠶᠠᠷ ᠬᠤᠤᠰ ᠠᠯᠳᠠ ᠬᠢᠷᠢᠳᠡᠢ ᠤᠷᠬᠢᠯᠤᠨ᠂ ᠡᠪᠦᠯ ᠪᠤᠯᠬᠤ ᠳᠤ ᠪᠤᠯᠠᠭ ᠤᠨ | ᠰᠦᠪᠡ ᠬᠦᠯᠳᠡᠭᠡᠳ ᠮᠦᠰᠦᠨ ᠤᠪᠤᠭᠠ ᠪᠤᠯᠳᠠᠭ ᠪᠠᠶᠢᠪᠠ᠃ ᠪᠤᠯᠠᠭ ᠲᠤᠨᠢ ᠨᠢᠬᠡ ᠬᠦᠷᠵᠡᠨ ᠲᠤᠯᠤᠭᠠᠢ ᠶᠢᠨ | ᠴᠢᠨᠡᠬᠡᠨ ᠲᠤᠮᠤ ᠮᠡᠯᠡᠬᠡᠢ ᠪᠠᠶᠢᠵᠤ᠂ ᠮᠠᠯᠴᠢᠳ ᠲᠡᠬᠦᠨ ᠢ ᠪᠤᠯᠠᠭ ᠤᠨ ᠡᠵᠡᠨ ᠭᠡᠳᠡᠭ᠃ ᠵᠤᠨ ᠤ ᠤᠷᠤᠢ ᠲᠤᠮᠤ | ᠮᠡᠯᠡᠬᠡᠢ ᠬᠦᠩᠬᠢᠨᠡᠮᠡ ᠲᠠᠭᠤᠨ ᠢᠶᠠᠷ ᠭᠤᠸᠠᠭᠯᠠᠬᠤ ᠳᠤ ᠪᠢᠴᠢᠬᠠᠨ ᠮᠡᠯᠡᠬᠡᠢ ᠤᠳ ᠨᠢ ᠬᠠᠩᠬᠢᠨᠠᠮᠠ ᠲᠠᠭᠤᠨ ᠢᠶᠠᠷ | ᠭᠤᠸᠠᠭᠯᠠᠭᠠᠳ᠂ ᠮᠡᠯᠡᠬᠡᠢ ᠶᠢᠨ ᠲᠠᠭᠤᠨ ᠤ ᠨᠠᠶᠢᠷᠠᠯ ᠪᠤᠯᠳᠠᠭ ᠭᠡᠨᠡ᠃ ᠭᠡᠷᠡᠯᠳᠦ ᠭᠠᠴᠠᠭᠠᠨ ᠤ ᠬᠢᠨ ᠪᠢᠯᠢᠭ ᠤᠨ | ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠤ ᠡᠳᠦᠷ ᠪᠤᠯᠠᠭ ᠢᠶᠠᠨ ᠲᠠᠬᠢᠳᠠᠭ ᠵᠠᠩᠰᠢᠯ ᠲᠠᠢ᠃ | ᠪᠤᠯᠠᠭ ᠲᠠᠬᠢᠬᠤ ᠶᠠᠪᠤᠴᠠ ᠦᠢᠯᠡ ᠨᠢ ᠤᠪᠤᠭᠠ ᠲᠠᠬᠢᠬᠤ ᠲᠠᠢ ᠦᠨᠳᠦᠰᠦᠨ ᠳᠡᠭᠡᠨ ᠠᠳᠠᠯᠢ᠃ ᠨᠠᠷᠠᠨ | ᠠᠴᠠ ᠡᠮᠦᠨᠡ ᠪᠤᠯᠠᠭ ᠲᠡᠭᠡᠷᠡ ᠪᠠᠨ ᠬᠦᠷᠴᠦ᠂ ᠲᠠᠬᠢᠯᠭᠠ ᠶᠢᠨ ᠵᠦᠢᠯ ᠢᠶᠠᠨ ᠡᠷᠬᠦᠭᠡᠳ᠂ ᠰᠠᠩ ᠲᠠᠯᠪᠢᠨ | ᠨᠤᠮ ᠤᠩᠰᠢᠵᠤ᠂ ᠪᠦᠬᠦᠳᠡᠭᠡᠷ ᠪᠤᠯᠠᠭ ᠲᠠᠭᠠᠨ ᠬᠠᠨᠳᠤᠵᠤ ᠬᠤᠷᠮᠤᠢ ᠲᠡᠪᠢᠰᠦᠨ ᠮᠦᠷᠬᠦᠳᠡᠭ᠃ ᠮᠦᠷᠬᠦᠯ | ᠲᠡᠬᠦᠰᠦᠭᠡᠳ ᠪᠤᠯᠠᠭ ᠢᠶᠠᠨ ᠨᠠᠷᠠᠨ ᠵᠦᠪ ᠭᠤᠷᠪᠠ ᠡᠷᠬᠢᠵᠦ᠂ ᠪᠤᠯᠠᠭ ᠲᠠᠭᠠᠨ ᠰᠠᠴᠤᠯᠢ ᠡᠷᠬᠦᠵᠦ | ᠬᠤᠷᠤᠶᠢᠯᠠᠵᠠᠭᠠᠨᠠ᠃ ᠪᠤᠯᠠᠭ ᠢ ᠶᠡᠷᠦᠳᠡᠭᠡᠨ ᠴᠠᠭᠠᠨ ᠢᠶᠠᠷ ᠲᠠᠬᠢᠳᠠᠭ ᠂ ᠤᠯᠠᠭᠠᠨ ᠢᠳᠡᠭᠡᠨ ᠤᠷᠤᠭᠤᠯᠬᠤ ᠦᠬᠡᠢ᠃ | |