| ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠪᠤᠯ ᠶᠢᠦᠮᠠᠢ ᠶᠢ ᠡᠳ᠋ᠰᠢᠬᠦᠯᠦᠨ ᠲᠠᠯᠬᠠᠳᠠᠵᠤ ᠬᠢᠭᠰᠡᠨ ᠰᠢᠮᠡ ᠲᠡᠵᠢᠬᠡᠯ ᠲᠠᠢ ᠭᠤᠯᠢᠷ ᠤᠨ | ᠲᠦᠷᠦᠯ ᠪᠤᠯᠤᠨᠠ᠃ ᠲᠠᠶᠢᠹᠤᠰᠧ ᠨᠤᠳᠤᠭ ᠲᠤ ︽ᠲᠠᠪᠠᠭᠠᠨ ᠠᠷᠤ ᠶᠢᠨ ᠭᠤᠷᠪᠠᠨ ᠡᠷᠳᠡᠨᠢ — ᠲᠦᠮᠦᠰᠦ᠂ ᠶᠢᠦᠮᠠᠢ | ᠶᠢᠨ ᠭᠤᠯᠢᠷ᠂ ᠠᠷᠠᠰᠤᠨ ᠲᠠᠬᠤ︾ ᠭᠡᠵᠦ ᠠᠮᠠᠨ ᠶᠠᠷᠢᠶᠠ ᠲᠡᠯᠭᠡᠷᠡᠭᠰᠡᠨ ᠪᠦᠬᠡᠳ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠨᠢ | ᠡᠳᠡᠭᠡᠷ ᠤᠨ ᠲᠤᠳᠤᠷᠠ ᠪᠠᠨ ᠲᠦᠯᠦᠭᠡᠯᠡᠭᠴᠢ ᠴᠢᠨᠠᠷᠳᠠᠢ ᠨᠢᠬᠡ ᠨᠢ ᠪᠤᠯᠵᠤ᠂ ᠲᠠᠶᠢᠹᠤᠰᠧᠴᠤᠳ ᠤᠨ ᠠᠵᠤ | ᠠᠮᠢᠳᠤᠷᠠᠯ ᠳᠤ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠬᠡᠢ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠪᠠᠶᠢᠳᠠᠭ᠃ | ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠢᠶᠠᠷ ᠬᠢᠭᠰᠡᠨ ᠬᠤᠭᠤᠯᠠ ᠨᠢ ᠠᠮᠳᠠ ᠰᠠᠶᠢᠳᠠᠢ᠂ ᠰᠢᠮᠡ ᠲᠡᠵᠢᠬᠡᠯ ᠶᠡᠭᠡ ᠪᠦᠬᠡᠳ ᠬᠢᠬᠦ | ᠠᠷᠭᠠ ᠮᠡᠷᠭᠡᠵᠢᠯ ᠨᠢ ᠪᠤᠰᠤᠳ ᠭᠤᠯᠢᠷ ᠤᠨ ᠢᠳᠡᠭᠡᠨ ᠠᠴᠠ ᠤᠨᠴᠠᠯᠢᠭᠳᠠᠵᠤ᠂ ᠬᠢᠳᠠᠳ ᠤᠨ ᠢᠳᠡᠭᠡᠨ ᠤᠮᠳᠠᠭᠠᠨ | ᠤ ᠰᠤᠶᠤᠯ ᠤᠨ ᠴᠢᠬᠤᠯᠠ ᠨᠢᠬᠡ ᠪᠦᠷᠢᠯᠳᠦᠬᠦᠨ ᠭᠡᠰᠡᠭ ᠪᠤᠯᠬᠤ ᠶᠤᠮ᠃ ᠤᠯᠠᠮᠵᠢᠯᠠᠯ ᠶᠠᠷᠢᠶᠠᠨ ᠳᠤ᠂ ᠮᠠᠨᠵᠤ ᠶᠢᠨ | ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠭᠠᠯᠳᠠᠨ ᠪᠤᠱᠤᠭᠳᠤ ᠶᠢ ᠲᠠᠶᠢᠯᠠᠷᠠ ᠮᠤᠷᠳᠠᠬᠤ ᠵᠠᠮ ᠵᠠᠭᠤᠷᠠ ᠬᠦᠢ ᠬᠤᠸᠠ ᠬᠤᠳᠠᠨ ᠳᠤ | ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠢᠳᠡᠵᠦ ᠦᠵᠡᠭᠡᠳ ᠮᠠᠰᠢ ᠦᠨᠳᠦᠷ ᠦᠨᠡᠯᠡᠭᠰᠡᠨ ᠭᠡᠨᠡ᠃ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ ᠦᠶᠡ | ᠳᠤ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠨᠢ ᠬᠠᠭᠠᠨ ᠳᠤ ᠡᠷᠬᠦᠬᠦ ᠡᠷᠬᠦᠴᠡ ᠪᠠᠷᠢᠴᠠ ᠶᠢᠨ ᠵᠦᠢᠯ ᠪᠤᠯᠵᠤ᠂ ᠪᠡᠭᠡᠵᠢᠩ ᠬᠤᠳᠠᠨᠠ | ᠬᠦᠷᠭᠡᠭᠳᠡᠵᠦ ᠪᠠᠶᠢᠵᠠᠢ᠃ | ᠲᠠᠷᠢᠮᠠᠯ ᠶᠢᠤᠮᠠᠢ ᠶᠢ ᠬᠠᠳᠤᠵᠤ ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠴᠠ ᠶᠢᠤᠮᠠᠢ ᠶᠢᠨ ᠭᠤᠯᠢᠷ ᠤᠨ ᠬᠤᠭᠤᠯᠠ ᠶᠢ ᠬᠢᠵᠦ | ᠢᠳᠡᠳᠡᠯᠡ ᠭᠤᠷᠪᠠᠨ ᠤᠳᠠᠭᠠᠨ ᠤ ︽ᠪᠤᠯᠭᠤᠬᠤ︾ ᠶᠠᠪᠤᠴᠠ ᠶᠢ ᠦᠩᠭᠡᠷᠡᠬᠦᠯᠳᠡᠭ᠃ ᠲᠤᠬᠠᠶᠢᠯᠠᠪᠠᠯ᠂ ᠶᠢᠦᠮᠠᠢ | ᠪᠠᠨ ᠬᠠᠳᠤᠵᠤ ᠦᠷᠡ ᠶᠢ ᠨᠢ ᠠᠪᠤᠭᠰᠠᠨ ᠤ ᠲᠠᠷᠠᠭᠠ ᠲᠤᠮᠤ ᠲᠡᠮᠦᠷ ᠲᠤᠭᠤᠭᠠᠨ ᠳᠤ ᠬᠢᠵᠦ ᠬᠠᠭᠤᠷᠤᠨᠠ᠃ | ᠬᠦᠷᠵᠡ ᠬᠤᠰᠤᠭᠤᠷ ᠢᠶᠠᠷ ᠬᠤᠳᠬᠤᠵᠤ ᠡᠷᠬᠢᠬᠦᠯᠦᠭᠰᠡᠭᠡᠷ ᠪᠠᠶᠢᠵᠤ᠂ ᠶᠢᠦᠮᠠᠢ ᠶᠢᠨ ᠦᠷᠡ ᠨᠢ ᠰᠢᠷᠠᠯᠠᠭᠠᠳ᠂ | ᠠᠩᠬᠢᠯᠤᠮᠠ ᠰᠠᠶᠢᠬᠠᠨ ᠦᠨᠦᠷ ᠭᠠᠷᠪᠠᠯ ᠪᠤᠯᠤᠭᠰᠠᠨ ᠳᠤ ᠲᠤᠭᠠᠴᠠᠭᠳᠠᠨᠠ᠃ ᠬᠠᠭᠤᠷᠴᠤ ᠪᠤᠯᠭᠤᠭᠰᠠᠨ ᠶᠢᠦᠮᠠᠢ ᠶᠢᠨ | ᠦᠷᠡ ᠪᠠᠨ ᠲᠠᠯᠬᠠᠳᠠᠵᠤ ᠨᠤᠨᠳᠠᠭᠯᠠᠪᠠᠯ ᠲᠠᠷᠤᠢ ᠲᠦᠬᠦᠭᠡᠢ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠪᠤᠯᠴᠢᠬᠠᠨᠠ᠃ ᠲᠦᠬᠦᠭᠡᠢ | ᠭᠤᠯᠢᠷ ᠢᠶᠠᠨ ᠵᠢᠭᠤᠷᠠᠬᠤ ᠳᠤ ᠴᠠᠭᠠᠨ ᠭᠤᠯᠢᠷ ᠲᠠᠢ ᠠᠳᠠᠯᠢ ᠬᠦᠢᠳᠡᠨ ᠪᠦᠯᠢᠶᠡᠨ ᠤᠰᠤ ᠬᠢᠬᠦ ᠪᠢᠰᠢ᠂ ᠬᠠᠷᠢᠨ | ᠪᠤᠴᠠᠯᠤᠭᠰᠠᠨ ᠤᠰᠤ ᠬᠢᠳᠡᠭ ᠃ ᠢᠩᠬᠢᠬᠦᠯᠡᠷ ᠭᠤᠯᠢᠷ ᠢ ᠪᠠᠰᠠ ᠨᠢᠬᠡ ᠤᠳᠠᠭᠠ ᠪᠤᠯᠭᠤᠭᠰᠠᠨ ᠲᠠᠢ ᠲᠡᠩᠴᠡᠨᠡ᠃ | ᠵᠢᠭᠤᠷᠠᠭᠰᠠᠨ ᠭᠤᠯᠢᠷ ᠢᠶᠠᠷ ᠢᠶᠠᠨ ᠡᠯᠳᠡᠪ ᠵᠦᠢᠯ ᠤᠨ ᠬᠤᠭᠤᠯᠠ ᠬᠢᠭᠰᠡᠨ ᠤ ᠲᠠᠷᠠᠭᠠ᠂ ᠵᠢᠩᠨᠡᠬᠦᠷ ᠲᠡᠭᠡᠷᠡ | ᠲᠠᠯᠪᠢᠵᠤ ᠪᠤᠯᠭᠤᠭᠠᠳ᠂ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠲᠤ ᠯᠠ ᠪᠠᠶᠢᠳᠠᠭ ᠤᠨᠴᠠ ᠦᠨᠦᠷ ᠭᠠᠷᠤᠭᠰᠠᠨ ᠤ ᠲᠠᠷᠠᠭᠠ ᠰᠠᠶ᠋ᠢ | ᠭᠠᠷᠭᠠᠵᠤ ᠢᠳᠡᠨᠡ᠃ | ᠲᠠᠶᠢᠹᠤᠰᠧ ᠨᠤᠳᠤᠭ ᠤᠨ ᠮᠢᠬᠠᠨ ᠱᠦᠯᠦ᠂ ᠮᠦᠬᠦᠨ ᠱᠦᠯᠦ᠂ ᠲᠦᠮᠦᠰᠦᠨ ᠱᠦᠯᠦ ᠲᠠᠢ ᠶᠢᠦᠮᠠᠢ ᠶᠢᠨ | ᠭᠤᠯᠢᠷ ᠤᠨ ᠬᠤᠭᠤᠯᠠ ᠨᠢ ᠬᠤᠯᠠ ᠤᠶᠢᠷᠠ ᠳᠤ ᠠᠯᠳᠠᠷᠰᠢᠵᠤ᠂ ᠡᠨᠡ ᠨᠤᠳᠤᠭ ᠤᠨ ᠢᠳᠡᠭᠡᠨ ᠤᠮᠳᠠᠭᠠᠨ ᠤ | ᠨᠡᠷᠡᠳᠦ ᠲᠡᠮᠳᠡᠭ ᠪᠤᠯᠤᠭᠠᠳ᠂ ᠠᠳᠡ ᠢᠷᠡᠭᠰᠡᠨ ᠬᠦᠮᠦᠨ ᠪᠤᠯᠭᠠᠨ ᠶᠠᠭᠤᠨ ᠤ ᠤᠷᠢᠳ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠤᠨ | ᠬᠤᠭᠤᠯᠠ ᠶᠢ ᠨᠢ ᠡᠷᠢᠵᠦ ᠠᠮᠳᠠᠷᠬᠠᠨ ᠵᠤᠭᠤᠭᠯᠠᠳᠠᠭ ᠪᠤᠯᠵᠠᠢ᠃ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠢᠶᠠᠷ ᠠᠯᠠᠭᠠᠳᠠᠭᠤᠷ᠂ | ᠲᠤᠭᠤᠷᠴᠤᠭ᠂ ᠬᠤᠷᠤᠭᠤᠪᠴᠢ ︵ᠤᠷᠢᠶᠠᠮᠠᠭ︶᠂ ᠪᠠᠩᠰᠢ᠂ ᠪᠤᠤᠪᠤ ᠵᠡᠷᠭᠡ ᠤᠯᠠᠨ ᠶᠠᠩᠵᠤ ᠶᠢᠨ ᠬᠤᠭᠤᠯᠠ | ᠬᠢᠵᠦ᠂ ᠵᠢᠩᠨᠡᠵᠦ ᠪᠤᠯᠭᠤᠭᠠᠳ ᠮᠢᠬᠠ ᠨᠤᠭᠤᠭᠠ ᠮᠦᠬᠦᠨ ᠱᠦᠯᠦ ᠲᠠᠢ ᠢᠳᠡᠬᠦ᠂ ᠮᠢᠬᠠ ᠨᠤᠭᠤᠭᠠ ᠲᠠᠢ | ᠬᠤᠯᠢᠵᠤ ᠬᠠᠭᠤᠷᠬᠤ ᠪᠤᠶᠤ ᠰᠡᠷᠢᠬᠦᠨ ᠵᠠᠭᠤᠰᠢ ᠬᠢᠵᠦ ᠢᠳᠡᠵᠦ ᠪᠦᠷ ᠪᠤᠯᠤᠨᠠ᠃ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠤᠨ | ᠬᠤᠷᠤᠭᠤᠪᠴᠢ ︵ᠤᠷᠢᠶᠠᠮᠠᠭ᠂ ᠬᠢᠳᠠᠳ ᠢᠶᠠᠷ ᠸᠧ ᠸᠧ ᠭᠡᠳᠡᠭ︶ ᠪᠤᠯ ᠡᠬᠦᠨ ᠤ ᠤᠨ ᠲᠤᠳᠤᠷᠠᠬᠢ ᠨᠡᠯᠢᠶᠡᠳ | ᠤᠨᠴᠠᠯᠢᠭ ᠲᠠᠢ ᠨᠢᠬᠡ ᠵᠦᠢᠯ ᠤᠨ ᠬᠤᠭᠤᠯᠠ᠃ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠤᠨ ᠬᠤᠷᠤᠭᠤᠪᠴᠢ ᠬᠢᠬᠦ ᠠᠷᠭᠠ ᠨᠢ᠄ | ᠵᠢᠭᠤᠷᠠᠭᠰᠠᠨ ᠭᠤᠯᠢᠷ ᠠᠴᠠ ᠨᠢᠬᠡ ᠭᠡᠰᠡᠭ ᠢ ᠲᠠᠰᠤᠳᠠᠨ ᠠᠪᠴᠤ᠂ ᠠᠯᠠᠭᠠᠨ ᠴᠢᠨᠡᠭᠡᠨ ᠴᠢᠯᠠᠭᠤᠯᠢᠭ ᠬᠠᠪᠳᠠᠰᠤ | ᠲᠡᠭᠡᠷᠡ ᠲᠠᠯᠪᠢᠭᠠᠳ ᠭᠠᠷ ᠤᠨ ᠠᠯᠠᠭᠠ ᠪᠠᠷ ᠦᠩᠬᠦᠷᠢᠬᠦᠯᠦᠨ ᠨᠢᠮᠬᠡᠯᠡᠨᠡ᠃ ᠨᠢᠮᠬᠡᠯᠡᠭᠰᠡᠨ ᠭᠤᠯᠢᠷ ᠢᠶᠠᠨ ᠡᠷᠡᠬᠡᠢ | ᠬᠤᠷᠤᠭᠤᠨ ᠳᠠᠭᠠᠨ ᠤᠷᠢᠶᠠᠵᠤ ᠲᠦᠩᠰᠡ ᠬᠡᠯᠪᠡᠷᠢ ᠲᠠᠢ ᠪᠤᠯᠭᠠᠭᠠᠳ᠂ ᠪᠤᠰᠤᠭᠠ ᠪᠠᠷ ᠨᠢ ᠵᠢᠩᠨᠡᠬᠦᠷ ᠲᠡᠭᠡᠷᠡ ᠪᠠᠨ | ᠲᠠᠯᠪᠢᠵᠤ ᠪᠤᠯᠭᠤᠨᠠ᠃ ᠤᠯᠠᠨ ᠬᠤᠷᠤᠭᠤᠪᠴᠢ ᠶᠢ ᠵᠢᠩᠨᠡᠬᠦᠷ ᠲᠡᠭᠡᠷᠡ ᠶᠠᠭᠰᠢᠷᠠᠭᠤᠯᠵᠤ ᠲᠠᠯᠪᠢᠬᠤ ᠳᠤ ᠶᠠᠭ | ᠪᠠᠯᠳᠤ ᠵᠦᠬᠡᠢ ᠶᠢᠨ ᠡᠬᠦᠷ ᠮᠡᠳᠦ ᠬᠠᠷᠠᠭᠳᠠᠳᠠᠭ᠃ | 2010 ᠤᠨ ᠳᠤ ᠲᠠᠶᠢᠹᠤᠰᠧ ᠬᠤᠰᠢᠭᠤ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠤᠨ ᠬᠤᠭᠤᠯᠠ ᠬᠢᠬᠦ ᠮᠡᠷᠭᠡᠵᠢᠯ ᠢ ᠠᠶᠢᠮᠠᠭ ᠤᠨ | ᠲᠡᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠲᠤ ᠪᠦᠷᠢᠳᠭᠡᠬᠦᠯᠵᠦ᠂ ᠯᠦᠸᠧ ᠰᠢᠦ ᠶᠢᠩ ᠠᠶᠢᠮᠠᠭ ᠤᠨ | ᠲᠡᠰ ᠤᠨ ᠦᠪᠯᠡᠨ ᠤᠯᠠᠮᠵᠢᠯᠠᠭᠴᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠤᠯᠠᠮᠵᠢᠯᠠᠭᠴᠢ ᠶᠢᠨ ᠲᠤᠪᠴᠢ ᠲᠠᠨᠢᠯᠴᠠᠭᠤᠯᠭᠠ᠄ ᠯᠦᠸᠧ ᠰᠢᠦ ᠶᠢᠩ ᠂ ᠡᠮᠡᠭᠳᠡᠢ ᠂ ᠬᠢᠳᠠᠳ | ᠦᠨᠳᠦᠰᠦᠳᠡᠨ᠂ 1958 ᠤᠨ ᠳᠤ ᠲᠦᠷᠦᠪᠡ᠃ ᠲᠠᠶᠢᠹᠤᠰᠧ ᠬᠤᠰᠢᠭᠤᠨ ᠤ ᠬᠦᠮᠦᠨ᠃ ᠲᠠᠷᠢᠶᠠᠯᠠᠬᠤ ᠤᠷᠤᠨ | ᠳᠤ ᠲᠦᠷᠦᠵᠦ ᠦᠰᠦᠭᠰᠡᠨ ᠪᠤᠯᠬᠤᠷ᠂ ᠪᠠᠭᠠ ᠳᠠᠭᠠᠨ ᠡᠮᠡᠭᠡ ᠪᠤᠯᠤᠨ ᠡᠵᠢ ᠶᠢᠨ ᠢᠶᠠᠨ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠤᠨ | ᠬᠤᠭᠤᠯᠠ ᠬᠢᠬᠦ ᠮᠡᠷᠭᠡᠵᠢᠯ ᠢ ᠰᠤᠷᠤᠭᠠᠳ᠂ ᠲᠦᠴᠢᠭᠡᠳ ᠵᠢᠯ ᠤᠨ ᠠᠮᠢᠳᠤᠷᠠᠯ ᠦᠢᠯᠡᠳᠦᠯᠬᠡ ᠶᠢᠨ ᠲᠤᠮᠳᠠ ᠪᠠᠨ | ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠢᠶᠠᠷ ᠤᠯᠠᠨ ᠵᠦᠢᠯ ᠤᠨ ᠬᠤᠭᠤᠯᠠ ᠬᠤᠰᠢ ᠬᠢᠬᠦ ᠠᠷᠭᠠ ᠮᠡᠷᠭᠡᠵᠢᠯ ᠢ ᠨᠡᠪᠳᠡᠷᠭᠡᠢ ᠡᠵᠡᠮᠰᠢᠵᠦ᠂ | ᠡᠨᠡᠬᠦ ᠮᠡᠷᠭᠡᠵᠢᠯ ᠢ ᠡᠵᠡᠮᠰᠢᠭᠰᠡᠨ ᠴᠦᠬᠡᠨ ᠬᠡᠳᠦᠨ ᠲᠠᠷᠢᠶᠠᠴᠢᠨ ᠦᠪᠯᠡᠭᠴᠢ ᠶᠢᠨ ᠲᠤᠳᠤᠷᠠᠬᠢ ᠲᠦᠯᠦᠭᠡᠯᠡᠭᠴᠢ | ᠨᠢ ᠪᠤᠯᠵᠠᠢ᠃ |