| ᠮᠤᠩᠭᠤᠯ ᠪᠤᠤᠵᠠ ᠪᠠᠩᠰᠢ ᠪᠤᠯ ᠭᠤᠯᠢᠷ ᠢᠶᠠᠷ ᠮᠢᠬᠠ ᠶᠢ ᠪᠤᠭᠤᠭᠰᠠᠨ ᠪᠢᠳᠡᠬᠦᠦ ᠢᠳᠡᠭᠡᠨ ᠪᠤᠯᠤᠨᠠ᠃ | ᠪᠤᠤᠵᠠ ᠬᠢᠬᠦ ᠳᠤ ᠤᠷᠢᠳᠠᠪᠠᠷ ᠮᠢᠬᠠ ᠪᠠᠨ ᠵᠢᠵᠢᠭᠯᠡᠨ ᠭᠡᠷᠴᠢᠵᠦ ᠲᠠᠪᠳᠠᠭᠠᠳ᠂ ᠲᠠᠪᠤᠰᠤ ᠨᠤᠭᠤᠭᠠ ᠪᠠᠨ ᠬᠢᠵᠦ | ᠨᠠᠶᠢᠷᠠᠭᠤᠯᠤᠨᠠ᠃ ᠭᠤᠯᠢᠷ ᠢᠶᠠᠨ ᠪᠦᠯᠢᠶᠡᠨ ᠤᠰᠤᠨ ᠳᠤ ᠵᠢᠭᠤᠷᠠᠵᠤ ᠨᠤᠬᠤᠭᠠᠳ ᠰᠠᠶᠢᠨ ᠨᠡᠶᠢᠴᠡᠬᠦᠯᠦᠭᠰᠡᠨ ᠤ | ᠲᠠᠷᠠᠭᠠ᠂ ᠪᠠᠭᠠ ᠪᠠᠭᠠ ᠪᠠᠷ ᠲᠠᠰᠤᠳᠠᠨ ᠪᠦᠮᠪᠦᠬᠡᠯᠡᠵᠦ᠂ ᠪᠦᠮᠪᠦᠬᠡᠯᠡᠭᠰᠡᠨ ᠭᠤᠯᠢᠷ ᠢᠶᠠᠨ ᠠᠮᠪᠠᠨ ᠲᠡᠭᠡᠷᠡ ᠪᠠᠨ | ᠲᠠᠯᠪᠢᠵᠤ ᠲᠤᠭᠤᠷᠢᠭᠯᠠᠨ ᠬᠠᠪᠳᠠᠭᠠᠶᠢᠯᠠᠭᠠᠳ ︵ᠡᠬᠦᠨ ᠢ ᠭᠤᠯᠢᠷ ᠭᠠᠯᠢᠬᠤ ᠭᠡᠳᠡᠭ︶᠂ ᠲᠤᠳᠤᠷᠠ ᠨᠢ ᠮᠢᠬᠠ ᠪᠠᠨ | ᠬᠢᠵᠦ ᠴᠢᠮᠬᠢᠨ ᠪᠤᠭᠤᠭᠠᠳ ᠵᠢᠩᠨᠡᠵᠦ ᠢᠳᠡᠨᠡ᠃ ᠪᠤᠤᠵᠠ ᠶᠢ ᠪᠠᠷᠢᠭᠰᠠᠨ ᠬᠡᠯᠪᠡᠷᠢ ᠲᠦᠷᠰᠦ ᠪᠠᠷ ᠨᠢ ᠨᠠᠷᠠᠨ | ᠪᠤᠤᠵᠠ᠂ ᠰᠠᠷᠠᠨ ᠪᠤᠤᠵᠠ᠂ ᠬᠤᠨᠢᠨ ᠪᠤᠤᠵᠠ ᠬᠡᠬᠦ ᠮᠡᠳᠦ ᠪᠠᠷ ᠨᠡᠷᠡᠯᠡᠨᠡ᠃ ᠪᠠᠩᠰᠢ ᠪᠠᠷᠢᠬᠤ ᠠᠷᠭᠠ ᠨᠢ ᠪᠤᠤᠵᠠ | ᠬᠢᠬᠦ ᠲᠠᠢ ᠠᠳᠠᠯᠢ᠂ ᠵᠦᠪᠬᠡᠨ ᠬᠡᠮᠵᠢᠶᠡ ᠨᠢ ᠪᠤᠤᠵᠠ ᠠᠴᠠ ᠪᠠᠭᠠ ᠪᠠᠶᠢᠳᠠᠭ᠃ ᠪᠠᠩᠰᠢ ᠶᠢ ᠵᠢᠵᠢᠭᠯᠡᠨ ᠭᠡᠷᠴᠢᠭᠰᠡᠨ | ᠮᠢᠬᠠ ᠲᠠᠢ ᠱᠦᠯᠦᠨ ᠳᠤ ᠴᠢᠨᠠᠵᠤ ᠢᠳᠡᠨᠡ᠃ | ᠲᠠᠶᠢᠹᠤᠰᠧ ᠮᠤᠩᠭᠤᠯᠴᠤᠳ ᠪᠠᠰᠠ ᠰᠢᠷᠠ ᠲᠤᠰᠤᠨ ᠤ ᠤᠷᠢᠶᠠᠮᠠᠭ ᠬᠢᠵᠦ ᠢᠳᠡᠳᠡᠭ᠃ ᠡᠨᠡ ᠨᠢ ᠮᠤᠩᠭᠤᠯ | ᠬᠦᠮᠦᠨ ᠤ ᠯᠠ ᠬᠢᠵᠦ ᠴᠢᠳᠠᠳᠠᠭ ᠬᠤᠭᠤᠯᠠ ᠶᠤᠮ᠃ ᠭᠤᠯᠢᠷ ᠢᠶᠠᠨ ᠪᠦᠯᠢᠶᠡᠨ ᠤᠰᠤᠨ ᠳᠤ ᠵᠢᠭᠤᠷᠠᠵᠤ | ᠨᠢᠮᠭᠡᠯᠡᠬᠡᠳ᠂ ᠲᠤᠳᠤᠷᠠ ᠨᠢ ᠰᠢᠷᠠ ᠲᠤᠰᠤ ᠬᠢᠵᠦ ᠤᠷᠢᠶᠠᠨ᠂ ᠵᠢᠩᠨᠡᠵᠦ ᠪᠤᠯᠭᠤᠨᠠ᠃ ᠪᠠᠰᠠ ᠦᠬᠡᠬᠦ | ᠬᠠᠪᠴᠢᠭᠤᠯᠵᠤ ᠤᠷᠢᠶᠠᠳᠠᠭ ᠴᠤ ᠪᠤᠢ᠂ ᠡᠬᠦᠨ ᠢ ᠦᠬᠡᠬᠦᠨ ᠤ ᠤᠷᠢᠶᠠᠮᠠᠭ ᠭᠡᠳᠡᠭ᠃ | ᠬᠠᠭᠠᠷᠢᠭᠰᠠᠨ ᠪᠤᠤᠪᠤ ᠶᠢ ᠲᠠᠶᠢᠹᠤᠰᠧ ᠳᠤ ᠪᠠᠰᠠ ᠰᠢᠶᠠᠨᠰᠠ ᠬᠡᠳᠡᠭ᠃ ᠬᠢᠬᠦ ᠠᠷᠭᠠ ᠨᠢ᠂ ᠰᠢᠷᠠ ᠤᠰᠤ | ᠪᠠᠷ ᠭᠤᠯᠢᠷ ᠢᠶᠠᠨ ᠵᠢᠭᠤᠷᠠᠵᠤ᠂ ᠲᠤᠳᠤᠷᠠ ᠨᠢ ᠰᠢᠷᠠ ᠲᠤᠰᠤ᠂ ᠵᠦᠬᠡᠬᠡᠢ ᠪᠠᠨ ᠬᠤᠯᠢᠭᠠᠳ᠂ ᠱᠦᠯᠦᠨ ᠲᠤᠰᠤ | ᠪᠤᠶᠤ ᠬᠤᠮᠠ ᠶᠢᠨ ᠲᠤᠰᠤᠨ ᠳᠤ ᠬᠠᠭᠠᠷᠢᠵᠤ ᠭᠠᠷᠭᠠᠨᠠ᠃ ᠬᠠᠭᠠᠷᠢᠭᠰᠠᠨ ᠪᠤᠤᠪᠤ ᠶᠢ ᠶᠢ ᠲᠤᠭᠤᠷᠢᠭ᠂ | ᠤᠷᠢᠶᠠᠮᠠᠭ᠂ ᠰᠦᠯᠵᠢᠮᠡᠯ ᠬᠡᠬᠦ ᠮᠡᠳᠦ ᠤᠯᠠᠨ ᠶᠠᠩᠵᠤ ᠪᠠᠷ ᠬᠢᠵᠦ ᠪᠤᠯᠳᠠᠭ ᠃ | ᠡᠬᠦᠨ ᠠᠴᠠ ᠭᠠᠳᠠᠨᠠ᠂ ᠲᠠᠶᠢᠹᠤᠰᠧ ᠮᠤᠩᠭᠤᠯᠴᠤᠳ ᠪᠠᠰᠠ ᠬᠠᠯᠠᠭᠤᠨ ᠲᠤᠭᠤᠭᠠ ᠂ ᠭᠤᠯᠢᠷ ᠬᠤᠭᠤᠯᠠ | ︵ᠮᠢᠶᠠᠨᠲ᠋ᠢᠶᠤᠤᠷ︶᠂ ᠱᠦᠯᠦ ᠲᠠᠢ ᠪᠤᠳᠠᠭᠠ ᠵᠡᠷᠭᠡ ᠬᠤᠭᠤᠯᠠ ᠪᠤᠳᠠᠭᠠ ᠶᠢ ᠬᠢᠵᠦ ᠢᠳᠡᠨᠡ᠃ ᠬᠠᠭᠤᠷᠠᠢ | ᠪᠤᠳᠠᠭᠠ ︵ᠬᠠᠭᠤᠷᠤᠭᠰᠠᠨ ᠠᠮᠤ︶ ᠶᠢ ᠰᠢᠷᠠ ᠲᠤᠰᠤ᠂ ᠦᠷᠦᠮᠡ ᠬᠤᠷᠤᠳ ᠲᠠᠢ ᠴᠠᠢ ᠳᠠᠭᠠᠨ ᠬᠢᠵᠦ ᠤᠤᠭᠤᠨ | ᠂ ᠬᠤᠨᠤᠭ ᠪᠤᠳᠠᠭᠠ ︵ᠨᠠᠷᠢᠮᠤ ᠶᠢᠨ ᠪᠤᠳᠠᠭᠠ᠂ ᠪᠠᠰᠠ ᠰᠢᠷᠠ ᠪᠤᠳᠠᠭᠠ ᠭᠡᠳᠡᠭ︶ ᠶᠢ ᠪᠤᠯ ᠰᠢᠩᠬᠡᠨ ᠪᠤᠳᠠᠭᠠ | ᠴᠢᠨᠠᠬᠤ᠂ ᠠᠭᠰᠠᠭᠠᠵᠤ ᠢᠳᠡᠬᠦ ᠪᠤᠶᠤ ᠪᠤᠳᠠᠭᠠ ᠤᠷᠬᠢᠭᠰᠠᠨ ᠴᠠᠢ ᠴᠢᠨᠠᠵᠤ ᠤᠤᠭᠤᠳᠠᠭ᠃ | ᠲᠠᠶᠢᠹᠤᠰᠧ ᠨᠤᠳᠤᠭ ᠤᠨ ᠬᠢᠳᠠᠳ ᠬᠤᠭᠤᠯᠠᠨ ᠤ ᠲᠦᠷᠦᠯ ᠳᠤ ᠳᠤ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠤᠨ ᠬᠤᠭᠤᠯᠠ | ᠨᠢ ᠬᠤᠯᠠ ᠤᠶᠢᠷᠠ ᠳᠤ ᠠᠯᠳᠠᠷᠰᠢᠭᠰᠠᠨ ᠪᠠᠶᠢᠳᠠᠭ᠃ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠢᠶᠠᠷ ᠬᠢᠭᠰᠡᠨ ᠬᠤᠭᠤᠯᠠ ᠨᠢ ᠠᠮᠳᠠ | ᠰᠠᠶᠢᠳᠠᠢ᠂ ᠰᠢᠮᠡ ᠲᠡᠵᠢᠬᠡᠯ ᠶᠡᠭᠡ ᠪᠦᠬᠡᠳ ᠬᠢᠬᠦ ᠠᠷᠭᠠ ᠮᠡᠷᠭᠡᠵᠢᠯ ᠨᠢ ᠪᠤᠰᠤᠳ ᠭᠤᠯᠢᠷ ᠤᠨ ᠢᠳᠡᠭᠡᠨ ᠠᠴᠠ | ᠤᠨᠴᠠᠯᠢᠭᠳᠠᠵᠤ᠂ ᠬᠢᠳᠠᠳ ᠤᠨ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠰᠤᠶᠤᠯ ᠤᠨ ᠴᠢᠬᠤᠯᠠ ᠨᠢᠬᠡ ᠪᠦᠷᠢᠯᠳᠦᠬᠦᠨ ᠭᠡᠰᠡᠭ | ᠪᠤᠯᠬᠤ ᠶᠤᠮ᠃ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠢᠶᠠᠷ ᠠᠯᠠᠭᠠᠳᠠᠭᠤᠷ᠂ ᠲᠤᠭᠤᠷᠴᠤᠭ᠂ ᠬᠤᠷᠤᠭᠤᠪᠴᠢ ︵ᠤᠷᠢᠶᠠᠮᠠᠭ︶᠂ | ᠪᠠᠩᠰᠢ᠂ ᠪᠤᠤᠪᠤ ᠵᠡᠷᠭᠡ ᠤᠯᠠᠨ ᠶᠠᠩᠵᠤ ᠶᠢᠨ ᠬᠤᠭᠤᠯᠠ ᠬᠢᠵᠦ᠂ ᠵᠢᠩᠨᠡᠵᠦ ᠪᠤᠯᠭᠤᠭᠠᠳ ᠮᠢᠬᠠ ᠨᠤᠭᠤᠭᠠ | ᠮᠦᠬᠦᠨ ᠱᠦᠯᠦ ᠲᠠᠢ ᠢᠳᠡᠬᠦ᠂ ᠮᠢᠬᠠ ᠨᠤᠭᠤᠭᠠ ᠲᠠᠢ ᠬᠤᠯᠢᠵᠤ ᠬᠠᠭᠤᠷᠬᠤ ᠪᠤᠶᠤ ᠰᠡᠷᠢᠬᠦᠨ ᠵᠠᠭᠤᠰᠢ ᠬᠢᠵᠦ | ᠢᠳᠡᠵᠦ ᠪᠦᠷ ᠪᠤᠯᠤᠨᠠ᠃ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠤᠨ ᠬᠤᠷᠤᠭᠤᠪᠴᠢ ︵ᠤᠷᠢᠶᠠᠮᠠᠭ᠂ ᠬᠢᠳᠠᠳ ᠢᠶᠠᠷ ᠸᠧ ᠸᠧ | ᠭᠡᠳᠡᠭ︶ ᠪᠤᠯ ᠡᠬᠦᠨ ᠤ ᠤᠨ ᠲᠤᠳᠤᠷᠠᠬᠢ ᠨᠡᠯᠢᠶᠡᠳ ᠤᠨᠴᠠᠯᠢᠭ ᠲᠠᠢ ᠨᠢᠬᠡ ᠵᠦᠢᠯ ᠤᠨ ᠬᠤᠭᠤᠯᠠ᠃ 2010 | ᠤᠨ ᠳᠤ ᠲᠠᠶᠢᠹᠤᠰᠧ ᠬᠤᠰᠢᠭᠤ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠤᠨ ᠬᠤᠭᠤᠯᠠ ᠬᠢᠬᠦ ᠮᠡᠷᠭᠡᠵᠢᠯ ᠢ ᠠᠶᠢᠮᠠᠭ ᠤᠨ ᠲᠡᠰ ᠤᠨ | ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠲᠤ ᠪᠦᠷᠢᠳᠭᠡᠬᠦᠯᠵᠡᠢ᠃ |