| ᠬᠦᠨᠪᠤᠯᠠᠭ ᠰᠤᠮᠤᠨ ᠤ ᠪᠤᠷᠤᠬᠤᠳᠠ ᠭᠠᠴᠠᠭᠠᠨ ᠤ ᠡᠮᠦᠨᠡᠬᠡᠨ 500 ᠮᠧᠲᠷ ᠤᠨ ᠵᠠᠶᠢᠳᠠᠢ ᠠᠭᠤᠯᠠᠨ ᠬᠤᠷᠮᠤᠢ | ᠳᠤ ᠪᠠᠶᠢᠷᠢᠯᠠᠨᠠ ᠃ ᠪᠤᠷᠤᠬᠤᠳᠠ ᠭᠠᠴᠠᠭᠠᠨ ᠤ ᠨᠡᠷᠡ ᠴᠤ ᠡᠨᠡᠬᠦ ᠡᠷᠳᠡᠨ ᠤ ᠬᠤᠳᠠ ᠠᠴᠠ ᠢᠷᠡᠯ ᠲᠠᠢ᠃ | ᠪᠤᠷᠤ ᠬᠤᠳᠠ ᠶᠢᠨ ᠪᠠᠭᠤᠷᠢ ᠨᠢ ᠤᠷᠳᠤ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢᠳᠡᠢ ᠂ ᠤᠷᠤᠭᠰᠢ ᠬᠤᠶᠢᠰᠢ 505 ᠮᠧᠲᠷ᠂ | ᠵᠡᠬᠦᠨᠰᠢ ᠪᠠᠷᠠᠭᠤᠨᠰᠢ 310 ᠮᠧᠲᠷ ᠂ ᠶᠡᠷᠦᠩᠬᠡᠢ ᠲᠠᠯᠠᠪᠠᠢ ᠨᠢ 158449.5 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠲᠷ᠃ | ᠡᠮᠦᠨᠡ ᠪᠠ ᠪᠠᠷᠠᠭᠤᠨ ᠲᠠᠯᠠ ᠳᠠᠭᠠᠨ ᠲᠤᠰᠪᠤᠷᠢ ᠨᠢᠬᠡ ᠡᠬᠦᠳᠡ ᠲᠠᠢ ᠪᠦᠬᠡᠳ ᠬᠤᠶᠠᠷ ᠡᠬᠦᠳᠡᠨ ᠤ ᠭᠠᠳᠠᠨᠠ | ᠲᠤᠰᠪᠤᠷᠢ ᠪᠠᠬᠢᠯᠡᠯᠳᠡ ︵瓮城︶ ᠲᠠᠢ᠃ ᠡᠮᠦᠨᠡ ᠡᠬᠦᠳᠡ ᠪᠠ ᠪᠠᠷᠠᠭᠤᠨ ᠡᠬᠦᠳᠡᠨ ᠤ ᠪᠠᠬᠢᠯᠡᠯᠳᠡ ᠶᠢᠨ | ᠲᠠᠯᠠᠪᠠᠢ ᠨᠢ ᠲᠤᠰᠪᠤᠷᠢ 722 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠪᠠ 1177.5 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠃ | ᠬᠤᠳᠠ ᠶᠢᠨ ᠡᠮᠦᠨᠡ ᠬᠡᠷᠡᠮ ᠠᠴᠠ ᠬᠤᠶᠢᠰᠢ 130 ᠮᠧᠲᠷ ᠤᠨ ᠵᠠᠢ ᠳᠤ ᠵᠡᠬᠦᠨᠰᠢ ᠪᠠᠷᠠᠭᠤᠰᠢ ᠴᠢᠭᠯᠡᠯ ᠲᠠᠢ | ᠰᠢᠪᠠᠷ ᠭᠡᠷᠡᠮ ᠪᠠᠶᠢᠵᠤ᠂ ᠬᠤᠳᠠ ᠶᠢ ᠡᠮᠦᠨᠡ ᠬᠤᠶᠢᠨᠡ ᠬᠤᠶᠠᠷ ᠭᠡᠰᠡᠭ ᠬᠤᠪᠢᠶᠠᠵᠠᠢ᠃ ᠬᠤᠳᠠ ᠶᠢᠨ ᠪᠠᠭᠤᠷᠢ | ᠶᠢ ᠠᠵᠢᠬᠯᠠᠬᠤ ᠳᠤ ᠲᠡᠭᠰᠢ ᠲᠡᠯᠬᠡᠬᠦᠦ ᠪᠠᠶᠢᠵᠤ᠂ ᠵᠡᠭᠡᠯᠢ ᠭᠤᠳᠤᠮᠵᠢ ᠪᠠ ᠭᠡᠷ ᠪᠠᠶᠢᠰᠢᠩ ᠤᠨ ᠤᠷᠤ ᠮᠦᠷ ᠢᠯᠡᠷᠭᠡᠢ | ᠮᠡᠳᠡᠭᠳᠡᠨ ᠂ ᠸᠠᠭᠠᠷ ᠰᠠᠪᠠ ᠂ ᠠᠶᠠᠭᠠ ᠱᠠᠭᠠᠵᠠᠩ ᠤᠨ ᠭᠡᠯᠳᠡᠷᠭᠡᠢ ᠵᠦᠩᠳᠡᠭᠡᠨ ᠬᠠᠷᠠᠭᠳᠠᠨᠠ᠃ ᠡᠳᠡᠭᠡᠷ ᠠᠴᠠ | ᠦᠵᠡᠬᠦ ᠳᠤ ᠪᠤᠷᠤ ᠬᠤᠳᠠ ᠨᠢ ᠬᠢᠯᠢ ᠶᠢᠨ ᠭᠡᠷᠡᠮ ᠲᠠᠭᠠᠤ ᠪᠠᠷᠢᠭᠰᠠᠨ ᠴᠡᠷᠢᠭ ᠰᠠᠭᠤᠳᠠᠭ ᠬᠤᠳᠠ ᠪᠤᠯᠬᠤ ᠨᠢ | ᠲᠤᠳᠤᠷᠬᠠᠢ ᠪᠠᠶᠢᠭᠠ᠃ ᠬᠤᠳᠠ ᠶᠢᠨ ᠪᠠᠭᠤᠷᠢ ᠶᠢᠨ ᠬᠦᠷᠢᠶᠡ ᠭᠡᠪᠴᠢᠶᠡ ᠪᠠ ᠭᠠᠵᠠᠷ ᠵᠦᠢ ᠶᠢᠨ ᠪᠠᠶᠢᠷᠢᠰᠢᠯ ᠵᠢᠴᠢ | ᠮᠠᠯᠳᠠᠵᠤ ᠭᠠᠷᠭᠠᠭᠰᠠᠨ ᠡᠳ᠋ ᠪᠤᠳᠠᠰ ᠵᠡᠷᠭᠡ ᠶᠢ ᠦᠨᠳᠦᠰᠦᠯᠡᠭᠡᠳ ᠬᠠᠭᠤᠴᠢ ᠰᠤᠳᠤᠯᠤᠭᠠᠴᠢᠳ ︽ᠲᠤᠰ ᠬᠤᠳᠠ | ᠶᠢᠨ ᠪᠠᠭᠤᠷᠢ ᠪᠤᠯ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠡᠷᠳᠡᠨ ᠤ ᠬᠤᠳᠠ᠂ ᠶᠤᠸᠠᠨ ᠤᠯᠤᠰ ᠤᠨ ᠭᠤᠪᠢ ᠶᠢᠨ | ᠬᠤᠶᠢᠨᠠᠬᠢ ᠮᠤᠩᠭᠤᠯ ᠳᠤ ᠨᠡᠪᠳᠡᠷᠡᠬᠦ ᠴᠢᠬᠤᠯᠠ ᠠᠷᠠᠯᠵᠢᠶᠠᠨ ᠤ ᠵᠠᠮ᠂ ᠠᠮᠤ ᠪᠤᠳᠠᠭᠠᠨ ᠤ ᠵᠦᠬᠡᠬᠡᠪᠦᠷᠢ ᠶᠢᠨ ᠵᠠᠪᠠᠯ | ᠦᠩᠬᠡᠷᠡᠬᠦ ᠨᠢᠬᠡᠨ ᠤᠷᠤᠨ ᠰᠠᠭᠤᠴᠠ ᠪᠠᠶᠢᠵᠤ᠂ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠲᠠᠯᠠᠪᠠᠷ ᠶᠤᠸᠠᠨ ᠤ ᠲᠡᠭᠡᠳᠦ ᠨᠡᠶᠢᠰᠯᠡᠯ | ᠢ ᠬᠠᠮᠠᠭᠠᠯᠠᠬᠤ ᠰᠢᠳᠠᠷ ᠴᠡᠷᠢᠭ ᠤᠨ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠵᠠᠢ᠃ ᠪᠠᠬᠢᠯᠡᠯᠳᠡ ᠬᠤᠳᠠ ᠶᠢᠨ ᠪᠦᠳᠦᠴᠡ ᠨᠢ ᠶᠤᠸᠠᠨ | ᠤ ᠲᠡᠭᠡᠳᠦ ᠨᠡᠶᠢᠰᠯᠡᠯ ᠤᠨ ᠪᠦᠳᠦᠴᠡ ᠲᠠᠢ ᠪᠦᠷᠢᠮᠦᠰᠦᠨ ᠠᠳᠠᠯᠢ ︾ ᠬᠡᠵᠦ ᠠᠩᠬᠠ ᠠᠯᠬᠤᠮ ᠮᠠᠭᠠᠳᠯᠠᠵᠠᠢ᠃ | ᠬᠤᠳᠠ ᠶᠢᠨ ᠬᠡᠷᠡᠮ ᠤᠨ ᠲᠤᠳᠤᠷᠠ ᠨᠢ ᠰᠢᠷᠤᠢ ᠪᠠᠷ ᠲᠠᠪᠳᠠᠭᠰᠠᠨ ᠭᠡᠷᠡᠮ ᠪᠠᠶᠢᠵᠤ᠂ ᠭᠠᠳᠠᠭᠤᠷ ᠨᠢ ᠬᠠᠪᠳᠠᠭᠠᠢ | ᠴᠢᠯᠠᠭᠤ ᠪᠠᠷ ᠪᠦᠷᠢᠵᠡᠢ᠃ ᠬᠤᠳᠠ ᠶᠢᠨ ᠡᠮᠦᠨᠡ ᠡᠬᠦᠳᠡᠨ ᠳᠤ ᠡᠷᠳᠡᠨ ᠤ ᠵᠠᠮ ᠤᠨ ᠤᠯᠠ ᠮᠦᠷ ᠮᠡᠳᠡᠭᠳᠡᠨᠡ᠃ | ᠪᠤᠷᠤᠬᠤᠳᠠ ᠭᠠᠴᠠᠭᠠᠨ ᠤ ᠨᠡᠷᠡ ᠪᠤᠯ ᠲᠠᠷᠤᠢ ᠡᠨᠡ ᠬᠦ᠋ ᠪᠤᠷᠤ ᠬᠤᠳᠠ ᠠᠴᠠ ᠢᠷᠡᠯ ᠲᠠᠢ ᠶᠤᠮ᠃ ᠪᠤᠷᠤᠬᠤᠳᠠ | ᠪᠤᠯ ᠤᠤᠯ ᠤᠨ ᠲᠠᠶᠢᠹᠤᠰᠧ ᠵᠡᠬᠦᠨ ᠭᠠᠷ ᠰᠦᠷᠦᠭ ᠤᠨ ᠠᠭᠳᠠᠨ ᠬᠤᠰᠢᠭᠤᠨ ᠤ ᠨᠤᠳᠤᠭ ᠪᠠᠶᠢᠵᠤ᠂ ᠮᠠᠨᠵᠤ ᠴᠢᠩ | ᠤᠨ ᠦᠶᠡ ᠳᠤ ᠠᠳᠡ ᠰᠠᠷᠠᠯ ᠵᠢᠰᠦᠮ ᠤᠨ ᠠᠭᠳᠠ ᠮᠠᠯᠵᠢᠵᠤ ᠪᠠᠶᠢᠵᠠᠢ᠃ ᠲᠡᠬᠡᠬᠦ ᠪᠠᠷ ᠢᠶᠠᠨ ᠬᠢᠳᠠᠳ ᠤᠳ ᠪᠠᠰᠠ | ︽ᠰᠠᠷᠠᠯ ᠠᠭᠳᠠ ᠶᠢᠨ ᠰᠦᠷᠦᠭ︾ ︵白马群） ᠬᠡᠵᠦ ᠲᠠᠭᠤᠳᠠᠳᠠᠭ᠃ |