| ᠲᠠᠶᠢᠹᠤᠰᠧ ᠵᠡᠬᠦᠨ ᠭᠠᠷ ᠰᠦᠷᠦᠭ ᠤᠨ ᠬᠠᠩᠬᠢᠨ ᠤᠪᠤᠭ ᠤᠨ ᠬᠢᠨ ᠲᠤᠰ ᠰᠦᠷᠦᠭ ᠤᠨ ᠨᠤᠶᠠᠷᠬᠠᠬᠤ ᠪᠠᠶᠢᠷᠢ | ᠳᠤ ᠤᠳᠠᠭᠠᠨ ᠵᠢᠯ ᠪᠠᠶᠢᠵᠤ᠂ ᠨᠢᠬᠡ ᠭᠡᠷ ᠤᠭᠰᠠᠭᠠᠨ ᠠᠴᠠ ᠰᠡᠷᠡᠩᠳᠤᠩᠷᠤᠪ᠂ ᠰᠠᠮᠳᠠᠩᠯᠦ᠋ᠩᠷᠦᠪ᠂᠂᠂᠂ ᠵᠡᠷᠭᠡ | ᠲᠤᠯᠤᠭᠠᠨ ᠬᠦᠮᠦᠨ ᠠᠮᠪᠠᠨ ᠰᠠᠭᠤᠵᠤ ᠦᠩᠭᠡᠷᠡᠵᠡᠢ ᠃ ᠡᠳᠡᠨᠡᠶᠢᠬᠢᠨ ᠤ ᠰᠠᠭᠤᠵᠤ ᠪᠠᠶᠢᠬᠰᠠ ᠭᠡᠷ ᠬᠦᠷᠢᠶᠠ ᠶᠢ | ᠵᠡᠭᠦᠨ ᠭᠠᠷ ᠲᠠᠶᠢᠹᠤᠰᠧ ᠤᠨ ᠬᠢᠨ ︽ᠡᠮᠦᠨᠡ ᠬᠦᠷᠢᠶᠡ︾ ᠪᠤᠶᠤ ︽ᠰᠠ᠊ ᠠᠮᠪᠠᠨ ᠤ ᠬᠦᠷᠢᠶᠡ ︾ ᠭᠡᠵᠦ ᠬᠡᠳᠡᠭ᠃ | ᠬᠤᠷᠢᠳᠤᠭᠠᠷ ᠵᠠᠭᠤᠨ ᠳᠤ ᠲᠤᠰ ᠡᠷᠦᠬᠡ ᠶᠢᠨ ᠦᠷᠡ ᠬᠤᠶᠢᠴᠢᠰ ᠠᠴᠠ ᠪᠠᠰᠠ ᠲᠡᠯᠡᠬᠡᠢ ᠶᠢᠨ ᠮᠤᠩᠭᠤᠯ | ᠰᠤᠳᠤᠯᠤᠯ ᠤᠨ ᠲᠤᠮᠤ ᠡᠷᠳᠡᠮᠳᠡᠨ ᠬᠠᠩᠭᠢᠨ᠂ ᠭᠤᠮᠪᠤᠵᠠᠪ ᠂ ᠨᠡᠷᠡ ᠬᠦᠨᠳᠦᠳᠡᠢ ᠲᠠᠭᠤᠤ ᠬᠦᠭᠵᠢᠮ ᠤᠨ | ᠵᠤᠬᠢᠶᠠᠯᠴᠢ ᠮᠡᠷᠭᠡᠵᠢᠬᠦ ᠵᠡᠷᠭᠡ ᠡᠷᠳᠡᠮᠳᠠᠨ ᠮᠡᠷᠭᠡᠳ ᠴᠤᠯᠭᠤᠷᠠᠨ ᠭᠠᠷᠴᠤ ᠲᠡᠯᠡᠬᠡᠢ ᠨᠡᠶᠢᠳᠡ ᠳᠤ ᠮᠡᠳᠡᠷᠡᠭᠳᠡᠭᠰᠡᠨ | ᠪᠠᠶᠢᠨᠠ᠃ | ︽ᠡᠮᠦᠨᠡ ᠬᠦᠷᠢᠶᠡ︾ ᠨᠢ ᠡᠬᠢᠯᠡᠵᠦ ᠪᠠᠶᠢᠭᠤᠯᠤᠬᠳᠠᠬᠰᠠᠨ ᠠᠴᠠ ᠪᠠᠨ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠵᠢᠯ ᠢ | ᠦᠡᠭᠭᠡᠷᠡᠭᠡᠵᠦ᠂ ᠬᠤᠶᠠᠷ ᠶᠡᠭᠡ ᠬᠦᠷᠢᠶᠡ ᠬᠠᠰᠢᠶᠠ ᠲᠠᠢ ᠪᠤᠯᠵᠤ ᠪᠤᠵᠠᠭᠠᠶᠢᠷᠠᠭᠠᠳ᠂ ᠲᠠᠶᠢᠹᠤᠰᠧ ᠨᠤᠳᠤᠭ ᠲᠠᠭᠠᠨ | ᠬᠠᠮᠤᠭ ᠤᠨ ᠶᠡᠭᠡ ᠪᠠᠷᠢᠯᠭᠠ ᠨᠢ ᠪᠠᠶᠢᠵᠠᠢ᠃ ᠬᠠᠩᠬᠢᠨ ᠤᠪᠤᠭᠳᠤ ᠶᠢᠨ ᠲᠤᠷᠡᠰᠤᠮᠵᠢ ᠳᠤ ︽ ᠬᠦᠷᠢᠶᠡ ᠶᠢ ᠵᠡᠭᠦᠨ | ᠪᠠᠷᠠᠭᠤᠨ ᠬᠤᠶᠠᠷ ᠬᠤᠪᠢᠶᠠᠵᠤ᠂ ᠪᠠᠷᠠᠭᠤᠨ ᠬᠦᠷᠢᠶᠡ ᠢᠨᠦ ᠰᠦᠮᠡ ᠶᠢᠨ ᠬᠦᠷᠢᠶᠡ ᠂ ᠲᠡᠭᠦᠨ ᠤ ᠭᠤᠤᠯ ᠬᠠᠭᠠᠯᠭᠠ | ᠶᠢ ᠶᠡᠷᠦ ᠶᠢᠨ ᠴᠠᠭ ᠲᠤ ᠨᠡᠭᠡᠭᠡᠬᠦ ᠦᠭᠡᠢ᠂ ᠵᠡᠭᠦᠨ ᠬᠦᠷᠢᠶᠡ ᠢᠨᠦ ᠪᠢᠳᠡᠨ ᠤ ᠰᠠᠭᠤᠬᠤ ᠭᠡᠷ ᠬᠦᠷᠢᠶᠡ ᠪᠤᠯᠠᠢ᠃ | ᠵᠡᠭᠦᠨ ᠬᠦᠷᠢᠶᠡᠨ ᠤ ᠬᠠᠭᠠᠯᠭᠠ ᠠᠨᠤ ᠬᠦᠷᠢᠶᠡᠨ ᠤ ᠪᠠᠷᠠᠭᠤᠨ ᠡᠮᠦᠨᠡ ᠲᠠᠯᠠ ᠳᠤ ᠪᠠᠶᠢᠨᠠ᠃ ᠬᠠᠭᠠᠯᠠᠭᠠ ᠪᠠᠷ | ᠤᠷᠤᠵᠤ ᠵᠡᠭᠦᠨᠰᠢ ᠮᠤᠷᠤᠶᠢᠵᠤ ᠫᠢᠩ ᠮᠧᠨ ︵平门︶ ᠢᠶᠠᠷ ᠰᠠᠭᠤᠬᠤ ᠭᠡᠷ ᠬᠦᠷᠢᠶᠡᠨ ᠳᠡᠭᠡᠨ ᠤᠷᠤᠮᠤᠢ᠂ | ᠪᠠᠷᠠᠭᠤᠨᠰᠢ ᠮᠤᠰᠬᠢᠪᠠᠯ ᠨᠢᠭᠡᠨ ᠪᠠᠭᠠ ᠡᠭᠦᠳᠡ ᠪᠠᠶᠢᠵᠤ ᠲᠡᠭᠦᠨ ᠢᠶᠠᠷ ᠰᠦᠮᠡ ᠶᠢᠨ ᠬᠦᠷᠢᠶᠡᠨ ᠳᠤ ᠤᠷᠤᠮᠤᠢ᠃ | ᠰᠦᠮᠡ ᠶᠢᠨ ᠬᠦᠷᠢᠶᠡ ᠶᠢ ᠡᠮᠦᠨᠡ ᠬᠤᠶᠢᠨᠠ ᠬᠤᠶᠠᠷ ᠬᠤᠪᠢᠶᠠᠵᠤ ᠡᠮᠦᠨᠡ ᠬᠦᠷᠢᠶᠡᠨ ᠳᠤ ᠬᠤᠶᠠᠷ ᠬᠤᠩᠬᠤᠨ | ᠠᠰᠠᠷ ᠪᠤᠯᠤᠨ ᠬᠡᠩᠭᠡᠷᠭᠡ ᠶᠢᠨ ᠠᠰᠠᠷ ᠲᠠᠢ ᠂ ᠪᠠᠰᠠ ᠨᠢᠭᠡᠨ ᠬᠠᠶᠢᠯᠠᠰᠤᠨ ᠮᠤᠳᠤ ᠲᠠᠢ᠂ ᠲᠤᠳᠤᠬᠰᠢ ᠤᠷᠤᠬᠤ | ᠬᠦᠷᠢᠶᠡᠨ ᠤ ᠡᠭᠦᠳᠡ ᠤ ᠬᠤᠶᠠᠷ ᠲᠠᠯᠠ ᠳᠤ ᠬᠤᠶᠠᠷ ᠴᠢᠯᠠᠭᠤᠨ ᠠᠷᠰᠯᠠᠨ ᠲᠠᠢ᠂ ᠲᠤᠳᠤᠷᠠ ᠬᠦᠷᠢᠶᠡᠨ ᠳᠤ | ᠬᠤᠶᠢᠨᠠ ᠪᠠᠨ ᠲᠤᠭᠠᠩ ᠲᠠᠢ᠂ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠲᠠᠯᠠ ᠳᠤ ᠭᠤᠷᠪᠠ ᠭᠤᠷᠪᠠᠨ ᠲᠠᠰᠤᠯᠭᠠ ᠪᠠᠶᠢᠰᠢᠩ ᠲᠠᠢ᠂ | ᠲᠤᠭᠠᠩ ᠪᠠ ᠪᠠᠶᠢᠰᠢᠩ ᠤᠨ ᠡᠮᠦᠨᠡ ᠬᠠᠰᠢᠯᠭᠠ ᠪᠤᠯᠤᠨ ᠲᠡᠭᠳᠡᠷ ᠲᠠᠢ᠃ ᠲᠤᠭᠠᠩ ᠤᠨ ᠡᠭᠦᠳᠡᠨ ᠤ ᠬᠤᠶᠠᠷ | ᠲᠠᠯᠠ ᠳᠤ ᠬᠤᠶᠠᠷ ᠪᠦᠳᠦᠭᠦᠨ ᠬᠤᠷᠯᠤ ᠲᠠᠢ ᠃ ᠮᠠᠨ ᠤ ᠵᠡᠭᠦᠨ ᠬᠦᠷᠢᠶᠡᠨ ᠳᠤ ᠤᠷᠤᠮᠠᠬᠴᠠ ᠪᠠᠷᠠᠭᠤᠨ ᠲᠠᠯᠠ | ᠳᠤ ᠨᠢᠭᠡᠨ ᠲᠠᠰᠤᠯᠭᠠ ᠪᠠᠶᠢᠰᠢᠩ ᠠᠨᠤ ᠡᠭᠦᠳᠡᠨ ᠭᠡᠷ ᠪᠤᠯᠡᠢ᠂ ᠲᠤᠭᠤᠰᠬᠠᠨ ᠵᠠᠮ ᠢᠶᠠᠷ ᠶᠠᠪᠤᠵᠤ ᠬᠦᠷᠢᠶᠡᠨ ᠲᠦᠪ | ᠳᠤ ᠬᠦᠷᠤᠨᠡ᠂ ᠬᠦᠷᠢᠶᠡᠨ ᠤ ᠡᠮᠦᠨᠡ ᠲᠠᠯᠠ ᠳᠤ ᠮᠤᠩᠭᠤᠯ ᠭᠡᠷ ᠪᠠᠶᠢᠬᠰᠠᠨ ᠢᠶᠠᠨ ᠬᠤᠷᠢᠶᠠᠵᠤ ᠤᠷᠤᠨ ᠳᠤᠨᠢ | ᠤᠷᠳᠤ ᠲᠦᠷᠪᠡᠯᠵᠢᠨ ᠴᠡᠴᠡᠭᠯᠢᠭ ᠪᠤᠯᠭᠠᠵᠠᠢ᠃ ᠲᠡᠭᠦᠨ ᠤ ᠵᠡᠭᠦᠨ ᠪᠠᠷᠠᠭᠤᠨ ᠲᠠᠯᠠ ᠳᠤ ᠬᠤᠶᠠᠷ ᠬᠤᠶᠠᠷ | ᠬᠠᠶᠢᠯᠠᠰᠤᠨ ᠮᠤᠳᠤ ᠨᠡᠶᠢᠳᠡ ᠲᠦᠷᠪᠡᠨ ᠮᠤᠳᠤ ᠪᠠᠶᠢᠵᠠᠢ᠃ ᠬᠦᠷᠢᠶᠡᠨ ᠲᠤᠮᠳᠠ ᠪᠠᠨ ᠪᠠᠰᠠ ᠲᠦᠷᠪᠡᠨ ᠲᠤᠭᠤᠷᠢᠭ | ᠴᠡᠴᠡᠭᠯᠢᠭ ᠲᠠᠢ᠂ ᠬᠦᠷᠢᠶᠡᠨ ᠤ ᠬᠤᠶᠢᠳᠤ ᠲᠠᠯᠠ ᠳᠤ ᠨᠡᠶᠢᠳᠡ ᠲᠤᠯᠤᠭᠠᠨ ᠲᠠᠰᠤᠯᠭᠠ ᠪᠠᠶᠢᠰᠢᠩ ᠪᠠᠶᠢᠬᠰᠠᠨ᠂ | ᠲᠡᠭᠦᠨ ᠤ ᠭᠤᠤᠯ ᠭᠤᠷᠪᠠᠨ ᠲᠠᠰᠤᠯᠭᠠ ᠠᠨᠤ ᠵᠤᠴᠢᠳ ᠤᠨ ᠦᠷᠦᠭᠡ᠂ ᠬᠠᠵᠠᠭᠤ ᠳᠠᠬᠢ ᠬᠤᠶᠠᠷ ᠬᠤᠶᠠᠷ | ᠲᠠᠰᠤᠯᠭᠠ ᠭᠡᠷ ᠨᠢ ᠪᠢᠳᠡᠨ ᠤ ᠰᠠᠭᠤᠬᠤ ᠭᠡᠷ᠂ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠲᠠᠯᠠ ᠳᠤ ᠲᠠᠪᠤ ᠲᠠᠪᠤᠨ ᠲᠠᠰᠤᠯᠭᠠ | ᠪᠠᠶᠢᠰᠢᠩ ᠲᠠᠢ᠂ ᠵᠡᠭᠦᠨ ᠲᠠᠯᠠ ᠶᠢᠨ ᠲᠠᠪᠤᠨ ᠲᠠᠰᠤᠯᠭᠠ ᠪᠠᠶᠢᠰᠢᠩ ᠤᠨ ᠠᠷᠤ ᠲᠠᠯᠠ ᠳᠤ ᠪᠠᠰᠠ ᠲᠠᠪᠤᠨ ᠲᠠᠰᠤᠯᠭᠠ | ᠪᠠᠶᠢᠰᠢᠩ ᠲᠠᠢ᠂ ᠲᠡᠭᠦᠨ ᠤ ᠭᠤᠷᠪᠠᠨ ᠲᠠᠰᠤᠯᠭᠠ ᠨᠢ ᠬᠡᠷᠡᠭ ᠵᠦᠪᠳᠡᠯᠴᠡᠬᠦ ᠭᠡᠷ ᠂ ᠨᠦᠭᠦᠭᠡ ᠬᠤᠶᠠᠷ ᠲᠠᠰᠤᠯᠭᠠ | ᠠᠨᠤ ᠭᠤᠴᠤᠭ ᠨᠠᠷ ᠤᠨ ᠰᠠᠭᠤᠬᠤ ᠭᠡᠷ ᠪᠤᠯᠠᠢ᠃ ᠲᠡᠭᠦᠨ ᠤ ᠬᠤᠶᠢᠳᠦ ᠲᠠᠯᠠ ᠳᠤ ᠡᠪᠡᠰᠦ ᠬᠤᠷᠢᠶᠠᠬᠤ ᠪᠠᠭᠠ | ᠬᠦᠷᠢᠶᠡ᠂ ᠲᠡᠭᠦᠨ ᠤ ᠵᠡᠭᠦᠨ ᠬᠤᠶᠢᠳᠤ ᠪᠤᠯᠤᠩ ᠳᠤ ᠲᠡᠷᠭᠡᠨ ᠤ ᠬᠦᠮᠦᠷᠭᠡ ᠪᠠᠶᠢᠨᠠ᠃ ᠬᠦᠷᠢᠶᠡᠨ ᠤ | ᠪᠡᠷᠡᠭᠤᠨᠡᠮᠦᠨᠡ ᠲᠠᠯᠠ ᠶᠢᠨ ᠡᠭᠦᠳᠡᠨ ᠭᠡᠷ ᠪᠠ ᠪᠠᠷᠠᠭᠤᠨ ᠬᠤᠶᠢᠳᠤ ᠲᠠᠯᠠ ᠶᠢᠨ ᠠᠳᠤᠭᠤᠨ ᠬᠤᠷᠤᠭᠠᠨ ᠤ | ᠬᠤᠭᠤᠷᠤᠨᠳᠤ ᠨᠢᠭᠡᠨ ᠪᠠᠭᠠ ᠡᠭᠦᠳᠡ ᠢᠨᠦ ᠮᠠᠨ ᠤ ᠬᠦᠷᠢᠶᠡᠨ ᠤ ᠠᠷᠤ ᠡᠭᠦᠳᠡ ᠪᠤᠯᠠᠢ᠃ ᠦᠬᠡᠷ ᠤᠨ ᠬᠤᠷᠤᠭᠠ | ᠪᠤᠯ ᠰᠦᠮᠡ ᠶᠢᠨ ᠬᠦᠷᠢᠶᠡᠨ ᠤ ᠠᠷᠤ ᠲᠠᠯᠠ ᠳᠤ ᠪᠠᠶᠢᠨᠠ᠂ ᠪᠦᠬᠦᠯᠢ ᠬᠦᠷᠢᠶᠡ ᠲᠦᠷᠪᠡᠨ ᠦᠨᠴᠦᠭ ᠲᠤ ᠲᠦᠷᠪᠡᠨ | ᠫᠤᠤᠲ᠋ᠠᠢ ᠲᠠᠢ ᠪᠤᠯᠠᠢ ᠁︾ ᠭᠡᠵᠦ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ | ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠤ ᠲᠠᠷᠠᠭᠠᠬᠨ ᠬᠤᠰᠢᠭᠤ ᠵᠠᠰᠠᠭ ᠤᠨ ᠤᠷᠳᠤᠨ ᠠᠴᠠ ︽ᠡᠮᠦᠨᠡ ᠬᠦᠷᠢᠶᠡ︾ ᠶᠢ ᠠᠯᠪᠠᠨ | ᠶᠤᠰᠤᠭᠠᠷ ᠪᠠᠭᠤᠯᠭᠠᠨ ᠨᠤᠷᠠᠭᠠᠵᠤ᠂ ᠬᠡᠷᠡᠭᠯᠡᠵᠦ ᠪᠤᠯᠬᠤ ᠮᠤᠳᠤ ᠴᠢᠯᠠᠭᠤ᠂ ᠸᠠᠭᠠᠷ ᠲᠤᠭᠤᠰᠬᠠ ᠶᠢ ᠨᠢᠬᠡᠳᠦᠯ ᠤᠨ | ᠬᠤᠷᠰᠢᠶᠠ᠂ ᠰᠤᠷᠭᠠᠭᠤᠯᠢ ᠵᠡᠷᠭᠡ ᠪᠠᠷᠢᠯᠭᠠ ᠳᠤ ᠬᠡᠷᠡᠭᠯᠡᠵᠡᠢ᠃ ᠤᠳᠤ ︽ᠡᠮᠦᠨᠡ ᠬᠦᠷᠢᠶᠡᠨ︾ ᠤ ᠪᠠᠭᠤᠷᠢ ᠨᠢ | ᠵᠡᠬᠦᠨᠰᠢ ᠪᠠᠷᠠᠭᠤᠨᠰᠢ ᠤᠷᠳᠤ ᠪᠠᠷ ᠢᠶᠠᠨ 94 ᠮᠧᠲᠷ᠂ ᠡᠮᠦᠨᠡᠰᠢ ᠬᠤᠶᠢᠰᠢ ᠦᠷᠭᠡᠨ ᠢᠶᠠᠷ ᠢᠶᠠᠨ 56 ᠮᠧᠲᠷ᠂ | ᠨᠡᠶᠢᠳᠡ ᠲᠠᠯᠠᠪᠠᠢ ᠨᠢ 5624 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠬᠢᠷᠢᠳᠡᠢ ᠪᠠᠶᠢᠵᠤ᠂ ᠬᠦᠷᠢᠶᠡᠨ ᠤ ᠵᠡᠬᠦᠨ ᠡᠮᠦᠨᠡ | ᠪᠠᠷᠠᠭᠤᠨ ᠡᠮᠦᠨᠡ ᠪᠤᠯᠤᠩ ᠳᠤ ᠲᠤᠰᠪᠤᠷᠢ ᠳ᠋ᠢᠶᠠᠮᠧᠲᠷ ᠨᠢ 15 ᠮᠧᠲᠷ ᠂ ᠦᠨᠳᠦᠷ ᠨᠢ 1.5 ᠮᠧᠲᠷ ᠤᠨ | ᠫᠤᠤᠲ᠋ᠠᠢ ︵ᠬᠠᠷᠠᠭᠤᠯ ᠤᠨ ᠠᠰᠠᠷ︶ ᠶᠢᠨ ᠪᠠᠭᠤᠷᠢ ᠬᠠᠷᠠᠭᠳᠠᠨᠠ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ᠂ ᠬᠦᠷᠢᠶᠡᠨ ᠠᠴᠠ | ᠡᠮᠦᠨᠡ ᠵᠦᠭ ᠲᠤ 20 ᠮᠧᠲᠷ ᠤᠨ ᠵᠠᠶᠢᠳᠠᠢ ᠭᠠᠵᠠᠷ ᠲᠤ ᠪᠠᠶᠢᠭᠠ ᠦᠨᠳᠦᠷ ᠢᠶᠠᠷ ᠢᠶᠠᠨ 2.5 ᠮᠧᠲᠷ ᠤᠨ | ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢᠳᠡᠢ ᠴᠢᠯᠠᠭᠤᠨ ᠪᠠᠭᠠᠨᠠ ︵ᠮᠤᠷᠢᠨ ᠤᠶᠠᠭᠠ︶ ᠬᠢᠭᠡᠳ ᠬᠦᠷᠢᠶᠡᠨ ᠤ ᠲᠤᠳᠤᠷᠠ | ᠤᠷᠭᠤᠭᠰᠠᠨ 3 ᠲᠤᠮᠤ ᠬᠦᠭᠰᠢᠨ ᠬᠠᠶᠢᠯᠠᠰᠤ ᠨᠢ ᠬᠡᠳᠦᠨ ᠵᠠᠭᠤᠨ ᠵᠢᠯ ᠤᠨ ᠰᠠᠯᠬᠢᠨ ᠪᠤᠷᠤᠭᠠᠨ ᠢ ᠡᠯᠡᠭᠡᠵᠦ᠂ | ᠴᠤᠤᠳᠤ ᠨᠤᠳᠤᠭ ᠤᠨ ᠢᠶᠠᠨ ᠪᠠᠭᠤᠷᠢ ᠶᠢ ᠰᠠᠬᠢᠵᠤ ᠦᠨᠦ ᠳᠤ ᠬᠦᠷᠦᠭᠰᠡᠨ ᠪᠠᠶᠢᠭᠠ᠃ |