ᠴᠠᠴᠠᠷ ᠮᠠᠶᠢᠬᠠᠨ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠡᠷᠳᠡ ᠲᠡᠭᠡᠳᠦ ᠠᠴᠠ ᠪᠠᠨ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ | ᠤᠷᠤᠨ ᠰᠠᠭᠤᠴᠠ ᠪᠠᠶᠢᠵᠤ᠂ ᠮᠤᠩᠭᠤᠯ ᠭᠡᠷ ᠠᠴᠠ ᠨᠡᠩ ᠡᠷᠳᠡ᠂ ᠭᠡᠷᠡᠭᠴᠡᠭᠡ ᠪᠠᠷ ᠨᠡᠩ ᠦᠷᠭᠡᠨ᠂ ᠭᠡᠯᠪᠡᠷᠢ ᠮᠠᠶ᠋ᠢᠭ | ᠨᠢ ᠨᠡᠩ ᠤᠯᠠᠨ ᠵᠡᠷᠭᠡ ᠤᠨᠴᠠᠯᠢᠭ ᠲᠠᠢ ᠪᠢᠯᠡ ᠃ ᠴᠠᠴᠠᠷ ᠮᠠᠶᠢᠬᠠᠨ ᠨᠢ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠡᠬᠦᠰᠦᠯ | ᠲᠡᠦᠬᠡ᠂ ᠮᠠᠨᠳᠤᠯ ᠬᠦᠭᠵᠢᠯ ᠤᠨ ᠪᠠᠭᠠᠳᠤᠷᠯᠢᠭ ᠲᠤᠤᠯᠢ ᠬᠢᠭᠡᠳ ᠮᠤᠩᠭᠤᠯ ᠬᠦᠮᠦᠨ ᠤ ᠰᠦᠰᠦ ᠵᠤᠷᠢᠭ᠂ ᠰᠡᠴᠡᠨ | ᠤᠬᠠᠭᠠᠨ᠂ ᠵᠠᠩ ᠴᠢᠨᠠᠷ ᠲᠠᠢ ᠨᠢᠬᠳᠠ ᠬᠤᠯᠪᠤᠭᠳᠠᠳᠠᠭ᠃ ᠴᠠᠴᠠᠷ ᠮᠠᠶᠢᠬᠠᠨ ᠢ ᠭᠡᠮᠵᠢᠶᠡ᠂ ᠬᠡᠯᠪᠡᠷᠢ᠂ | ᠬᠡᠷᠡᠭᠴᠡᠭᠡ᠂ ᠤᠨᠴᠠᠯᠢᠭ ᠢ ᠨᠢ ᠦᠨᠳᠦᠰᠦᠯᠡᠵᠦ ᠪᠠᠶᠢᠭᠠᠳ ᠲᠠᠭᠳᠤ᠂ ᠴᠠᠴᠠᠷ᠂ ᠮᠠᠶᠢᠬᠠᠨ᠂ ᠵᠤᠳᠤᠭᠠᠷ ᠬᠡᠵᠦ | ᠶᠡᠷᠦᠩᠬᠡᠢ ᠳᠡᠭᠡᠨ ᠲᠦᠷᠪᠡ ᠠᠩᠬᠢᠯᠠᠨᠠ᠃ | ᠴᠠᠴᠠᠷ ᠪᠤᠯ ᠮᠤᠩᠭᠤᠯ ᠤᠨ ᠬᠠᠭᠠᠳ ᠨᠤᠶᠠᠳ᠂ ᠲᠦᠰᠢᠮᠡᠳ ᠰᠠᠶᠢᠳ᠂ ᠬᠡᠷᠬᠢᠮᠳᠡᠨ ᠯᠠᠮᠠ᠂ ᠡᠷᠬᠢᠮ | ᠢᠵᠠᠭᠤᠷᠳᠠᠨ ᠨᠡᠷ ᠬᠤᠷᠠᠨ ᠴᠤᠭᠯᠠᠷᠠᠵᠤ᠂ ᠴᠡᠷᠢᠭ ᠵᠠᠰᠠᠭ ᠤᠨ ᠵᠦᠪᠳᠡᠯᠴᠡᠭᠡ ᠬᠢᠬᠦ᠂ ᠬᠤᠷᠠᠯ ᠬᠤᠷᠠᠬᠤ᠂ ᠬᠤᠷᠢᠮ | ᠨᠠᠶᠢᠷ ᠬᠢᠬᠦ ᠪᠤᠶᠤ ᠲᠠᠬᠢᠯᠭᠠ ᠲᠠᠶᠢᠯᠭᠠ ᠬᠢᠳᠡᠭ ᠭᠠᠵᠠᠷ ᠪᠤᠯᠤᠨᠠ᠃ ᠬᠡᠳᠦᠶᠢᠪᠡᠷ ᠬᠠᠭᠠᠨ ᠤᠷᠳᠤᠨ ᠤ ᠠᠰᠠᠷ | ᠲᠠᠭᠳᠤ ᠪᠤᠰᠤ ᠪᠤᠯᠪᠠᠴᠤ᠂ ᠡᠷᠬᠢᠮᠰᠦᠭ ᠰᠦᠷᠯᠢᠭ᠂ ᠬᠡᠬᠡᠨᠴᠢᠷ ᠭᠤᠶᠤᠮᠰᠤᠭ᠂ ᠯᠤᠤ ᠭᠠᠷᠤᠳᠢ ᠤᠷᠢᠶᠠᠭᠰᠠᠨ | ᠠᠯᠳᠠᠨ ᠲᠤᠯᠭᠠᠭᠤᠷᠢ᠂ ᠡᠷᠳᠡᠨᠢ ᠶᠢᠨ ᠨᠠᠢᠮᠠᠨ ᠲᠠᠬᠢᠯ᠂ ᠦᠯᠵᠡᠢ ᠪᠡᠯᠭᠡᠳᠦ ᠬᠡᠢ ᠮᠤᠷᠢ ᠰᠦᠯᠳᠡ ᠶᠢᠨ ᠤᠷᠠᠯᠠᠯ ᠲᠠᠢ᠂ | ᠡᠴᠢᠬᠡ ᠲᠡᠭᠷᠢ᠂ ᠡᠭᠡ ᠭᠠᠵᠠᠷ ᠤᠨ ᠠᠯᠢ ᠤᠯᠠᠨ ᠲᠠᠶᠢᠯᠭᠠ᠂ ᠲᠡᠯᠡᠬᠡᠢ ᠶᠢ ᠪᠠᠶᠢᠯᠳᠤᠨ ᠲᠠᠭᠠᠭᠤᠯᠤᠭᠴᠢ ᠴᠡᠷᠢᠭ | ᠲᠠᠶᠢᠨ ᠤ ᠴᠢᠬᠤᠯᠠ ᠵᠦᠪᠳᠡᠯᠴᠡᠭᠡ᠂ ᠮᠤᠩᠭᠤᠯ ᠤᠷᠳᠤᠨ ᠤ ᠲᠠᠭᠤᠤ ᠬᠦᠭᠵᠢᠮ ᠤᠨ ᠬᠤᠷᠢᠮ ᠨᠠᠶᠢᠷ ᠴᠦᠮ ᠢᠶᠠᠷ | ᠠᠳᠡ ᠶᠠᠪᠤᠭᠳᠠᠭᠰᠠᠨ ᠲᠡᠦᠬᠡ ᠶᠢᠨ ᠲᠡᠮᠳᠡᠭᠯᠡᠯ ᠲᠠᠢ᠃ ᠤᠮᠠᠷᠠᠳᠤ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡᠰ᠂ ᠡᠵᠡᠨ ᠬᠠᠭᠠᠨ | ᠤ ᠲᠤᠷᠭᠠᠨ ᠴᠡᠷᠢᠭ ᠪᠤᠯᠬᠤ ᠴᠠᠬᠠᠷ ᠲᠦᠮᠡᠨ ᠡᠨᠡᠬᠦ ᠲᠡᠦᠬᠡᠳᠦ ᠪᠠᠷᠢᠯᠭᠠ ᠶᠢᠨ ᠤᠷᠠᠯᠠᠯ ᠢ ᠦᠪᠯᠡᠨ ᠦᠯᠡᠳᠡᠭᠡᠭᠰᠡᠨ ᠤ | ᠤᠴᠢᠷ ᠨᠡᠯᠢᠶᠡᠳ ᠰᠡᠬᠦᠯ ᠤᠨ ᠦᠶᠡ ᠪᠤᠯᠳᠠᠯᠠ ᠴᠠᠬᠠᠷ ᠨᠤᠳᠤᠭ ᠲᠤ ᠴᠠᠴᠠᠷ ᠢ ᠡᠳ᠋ᠯᠡᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ | ᠶᠤᠮ᠃ | ᠴᠠᠴᠠᠷ ᠢ ᠤᠯᠠᠩᠬᠢ ᠳᠠᠭᠠᠨ ᠴᠠᠭᠠᠨ ᠪᠦᠰ ᠢᠶᠠᠷ ᠬᠢᠳᠡᠭ ᠨᠢ ᠪᠠᠶᠢᠭᠠᠯᠢ ᠤᠷᠴᠢᠨ ᠳᠤ ᠵᠤᠬᠢᠴᠠᠭᠤᠯᠵᠤ᠂ | ᠬᠦᠮᠦᠰ ᠲᠤ ᠴᠡᠪᠡᠷ ᠲᠤᠩᠭᠠᠯᠠᠭ ᠰᠡᠳᠬᠢᠭᠳᠡᠯ ᠢ ᠲᠦᠷᠦᠭᠳᠡᠬᠦᠯᠬᠦ ᠪᠠ ᠨᠠᠷᠠᠨ ᠤ ᠭᠡᠷᠡᠯ ᠢ ᠤᠶᠢᠯᠠᠭᠠᠵᠤ᠂ ᠴᠠᠴᠠᠷ ᠤᠨ | ᠲᠤᠳᠤᠷᠠᠬᠢ ᠪᠦᠭᠴᠢᠮᠡ ᠬᠠᠯᠠᠭᠤᠨ ᠢ ᠰᠡᠷᠭᠡᠶᠢᠯᠡᠬᠦ ᠵᠡᠷᠭᠡ ᠲᠠᠯᠠ ᠪᠠᠷ ᠪᠤᠳᠤᠯᠬᠢᠯᠠᠭᠰᠠᠨ ᠪᠠᠶᠢᠨᠠ᠃ ᠴᠠᠴᠠᠷ ᠤᠨ | ᠲᠡᠭᠡᠪᠦᠷ ᠤᠨ ᠨᠢᠭᠤᠷ ᠲᠠᠯᠠ ᠶᠢᠨ ᠵᠢᠷᠤᠭ ᠢ ᠭᠡᠷᠡᠭᠯᠡᠭᠡᠨ ᠳᠡᠭᠡᠨ ᠲᠤᠬᠢᠷᠠᠭᠤᠯᠵᠤ ᠵᠢᠷᠤᠵᠤ ᠲᠦᠯᠦᠪᠯᠡᠳᠡᠭ᠃ | ᠲᠠᠶᠢᠹᠤᠰᠧ ᠨᠤᠳᠤᠭ ᠨᠢ ᠠᠳᠤᠭᠤ ᠮᠠᠯᠵᠢᠳᠠᠭ ᠤᠨᠴᠠᠯᠢᠭ ᠲᠠᠭᠠᠨ ᠲᠤᠬᠢᠷᠠᠭᠤᠯᠤᠨ᠂ ᠴᠠᠴᠠᠷ ᠤᠨ ᠲᠡᠭᠡᠪᠦᠷ ᠤᠨ | ᠨᠢᠭᠤᠷ ᠲᠠᠯᠠ ᠳᠤ ᠡᠬᠦᠯᠡ ᠬᠦᠯᠦᠭᠯᠡᠭᠰᠡᠨ ᠬᠤᠶᠠᠷ ᠮᠤᠷᠢ ᠶᠢ ᠦᠬᠡᠳᠡ ᠦᠬᠡᠳᠡ ᠨᠢ ᠬᠠᠨᠳᠤᠭᠤᠯᠤᠨ ᠵᠢᠷᠤᠵᠤ᠂ | ᠵᠠᠪᠰᠠᠷ ᠲᠤᠨᠢ ᠦᠯᠵᠡᠢ ᠵᠠᠩᠬᠢᠶᠠ ᠲᠤᠬᠢᠷᠠᠭᠤᠯᠤᠨ᠂ ᠲᠦᠷᠪᠡᠨ ᠦᠨᠴᠦᠭ ᠲᠤᠨᠢ ᠭᠡ ᠤᠭᠠᠯᠵᠠ ᠤᠶᠤᠳᠠᠭ᠃ | ᠬᠠᠪᠢᠷᠭᠠ ᠲᠠᠯᠠ ᠶᠢᠨ ᠲᠡᠭᠡᠪᠦᠷ ᠲᠤ ᠭᠤᠷᠪᠠᠯᠵᠢᠨ ᠪᠠᠶᠢᠷᠢᠰᠢᠯ ᠢᠶᠠᠷ ᠭᠤᠷᠪᠠᠨ ᠭᠡ ᠤᠭᠠᠯᠵᠠ ᠤᠶᠤᠵᠤ᠂ ᠠᠷᠤ | ᠲᠠᠯᠠ ᠶᠢᠨ ᠲᠡᠭᠡᠪᠦᠷ ᠲᠤ ᠲᠠᠪᠤᠨ ᠬᠡ ᠤᠭᠠᠯᠵᠠ ᠤᠶᠤᠳᠠᠭ᠃ ᠮᠤᠷᠢ ᠪᠠ ᠤᠭᠠᠯᠵᠠ ᠶᠢ ᠪᠦᠷ ᠬᠦᠭᠡ ᠪᠦᠰ ᠢᠶᠠᠷ | ᠤᠷᠠᠯᠠᠨᠠ᠃ ᠰᠠᠬᠢᠭᠤᠰᠤ ᠰᠢᠳᠦᠬᠡᠨ ᠤ ᠲᠠᠬᠢᠯᠭᠠ ᠳᠤ ᠭᠡᠷᠡᠭᠯᠡᠬᠦ ᠴᠠᠴᠠᠷ ᠤᠨ ᠲᠡᠭᠡᠪᠦᠷ ᠲᠤ ᠪᠤᠯ ᠪᠤᠳᠢ | ᠬᠦᠷᠦᠭᠡᠰᠦ ᠵᠢᠷᠤᠵᠤ ᠤᠶᠤᠨᠠ᠃ ᠴᠠᠴᠠᠷ ᠤᠨ ᠲᠡᠭᠡᠪᠦᠷ ᠤᠨ ᠬᠠᠪᠢᠰᠤᠨ ᠤ ᠨᠢᠷᠤᠭᠤ ᠤᠭᠯᠠᠬᠤ ᠪᠠ ᠵᠢᠵᠢᠭ | ᠲᠤᠯᠭᠠᠭᠤᠷᠢ ᠶᠢ ᠲᠤᠯᠬᠤ ᠤᠬᠯᠠᠭᠤᠷ ᠢ ᠲᠤᠳᠤᠷᠠ ᠭᠠᠳᠠᠨᠠ ᠠᠴᠠ ᠨᠢ ᠪᠤᠯᠢᠭᠠᠷᠢ ᠪᠠᠷ ᠲᠠᠪᠬᠤᠷᠯᠠᠨ ᠤᠶᠤᠵᠤ | ᠪᠠᠬᠢᠯᠡᠭᠰᠡᠨ ᠪᠠᠶᠢᠳᠠᠭ᠃ | ᠶᠡᠭᠡ ᠴᠠᠴᠠᠷ ᠨᠢ 20 ᠲᠤᠬᠤᠢ ᠦᠷᠭᠡᠨ᠂ ᠲᠦᠴᠢᠨ ᠲᠤᠬᠤᠢ ᠤᠷᠳᠤ᠂ ᠭᠤᠤᠯ ᠨᠢᠷᠤᠭᠤ ᠨᠢ 20 ᠲᠤᠬᠤᠢ᠂ | ᠨᠢᠷᠤᠭᠤᠨ ᠤ ᠬᠤᠶᠠᠷ ᠲᠤᠯᠭᠠᠭᠤᠷᠢ ᠨᠢ 11 ᠲᠤᠬᠤᠢ᠂ ᠲᠡᠭᠡᠪᠦᠷ ᠨᠢ ᠤᠷᠤᠢ ᠠᠴᠠ ᠪᠠᠨ ᠬᠤᠷᠮᠤᠢ ᠬᠦᠷᠳᠡᠯᠡ | 12 ᠲᠤᠬᠤᠢ᠂ ᠲᠤᠭᠤᠷᠭᠠ ᠶᠢᠨ ᠦᠷᠭᠡᠨ ᠨᠢ 5 ᠲᠤᠬᠤᠢ᠂ ᠲᠤᠭᠤᠷᠭᠠ ᠶᠢ ᠡᠯᠬᠦᠵᠦ ᠲᠡᠭᠡᠪᠦᠷ ᠤᠨ ᠬᠤᠷᠮᠤᠢ ᠶᠢ | ᠲᠤᠯᠬᠤ 5 ᠲᠤᠬᠤᠢ ᠤᠷᠳᠤ ᠬᠤᠷᠢᠨ ᠲᠦᠷᠪᠡᠨ ᠲᠤᠯᠭᠠᠭᠤᠷᠢ ᠲᠠᠢ᠃ ᠡᠨᠡ ᠬᠦ᠋ ᠲᠤᠯᠭᠠᠭᠤᠷᠢ ᠶᠢᠨ ᠲᠡᠭᠡᠳᠦ | ᠦᠵᠦᠬᠦᠷ ᠲᠤ ᠲᠡᠮᠦᠷ ᠤᠬᠯᠠᠭᠤᠷ ᠲᠠᠢ᠂ ᠲᠤᠤᠷᠠᠳᠤ ᠦᠵᠦᠬᠦᠷ ᠲᠤ ᠲᠡᠮᠦᠷ ᠬᠠᠳᠬᠤᠭᠤᠷ ᠲᠠᠢ᠂ ᠰᠠᠯᠠᠭᠠ | ᠦᠵᠦᠬᠦᠷ ᠲᠠᠢ ᠤᠭᠯᠠᠭᠤᠷ ᠪᠠ ᠭᠠᠭᠴᠠ ᠦᠵᠦᠬᠦᠷ ᠲᠠᠢ ᠤᠭᠯᠠᠭᠤᠷ ᠲᠤᠰᠪᠤᠷᠢ ᠠᠷᠪᠠᠨ ᠬᠤᠶᠠᠷ᠂ ᠭᠠᠭᠴᠠ | ᠦᠵᠦᠬᠦᠷ ᠲᠠᠢ ᠤᠭᠯᠠᠭᠤᠷ ᠤᠨ ᠨᠦᠬᠡ ᠠᠴᠠ ᠤᠭᠤᠰᠤᠷᠯᠠᠨ ᠲᠠᠳᠠᠬᠤ ᠪᠦᠴᠡ ︵ᠲᠡᠭᠡᠰᠦ︶ ᠠᠷᠪᠠᠨ ᠬᠤᠶᠠᠷ᠂ | ᠭᠤᠤᠯ ᠨᠢᠷᠤᠭᠤᠨ ᠠᠴᠠ ᠲᠦᠷᠪᠡᠨ ᠵᠦᠭ ᠲᠤ ᠲᠠᠳᠠᠬᠤ ᠤᠷᠳᠤ ᠪᠦᠳᠦᠬᠦᠨ ᠤᠭᠤᠰᠤᠷ ︵ᠲᠠᠳᠠᠯᠭᠠ︶ ᠬᠤᠶᠠᠷ᠂ | ᠲᠡᠭᠡᠪᠦᠷ ᠤᠨ ᠲᠦᠷᠪᠡᠨ ᠦᠨᠴᠦᠭ ᠢ ᠲᠠᠳᠠᠬᠤ ᠲᠡᠭᠡᠪᠦᠷ ᠤᠨ ᠬᠠᠪᠢᠰᠤ ᠶᠢᠨ ᠠᠭᠤᠯᠵᠠᠷ ᠢᠶᠠᠷ ᠪᠦᠭᠳᠦᠷᠴᠦ | ᠤᠶᠤᠭᠰᠠᠨ ᠤᠭᠤᠰᠤᠷ ᠬᠤᠶᠠᠷ᠂ ᠲᠡᠭᠡᠪᠦᠷ ᠢ ᠰᠤᠨᠳᠠᠯᠠᠭᠤᠯᠤᠨ ᠪᠦᠰ ᠤᠨ ᠡᠩ ᠢᠶᠠᠷ ᠬᠠᠪᠴᠢᠶᠠᠷᠢᠯᠠᠨ ᠤᠶᠤᠭᠰᠠᠨ | ᠤᠭᠤᠰᠤᠷ ᠲᠦᠷᠪᠡ ︵ᠲᠦᠷᠪᠡᠨ ᠦᠵᠦᠬᠦᠷ ᠢ ᠭᠠᠳᠠᠰᠤᠯᠠᠨᠠ︶᠂ ᠲᠤᠮᠤ ᠭᠠᠳᠠᠰᠤ ᠨᠠᠢᠮᠠ᠂ ᠵᠢᠵᠢᠭ ᠰᠢᠭ | ᠭᠠᠳᠠᠰᠤ ᠬᠤᠷᠢᠨ ᠲᠦᠷᠪᠡ ᠪᠠᠶᠢᠳᠠᠭ᠃ | ᠲᠠᠶᠢᠹᠤᠰᠧ ᠬᠤᠰᠢᠭᠤ 2015 ᠤᠨ ᠳᠤ ᠴᠠᠴᠠᠷ ᠤᠷᠠᠯᠠᠬᠤ ᠮᠡᠷᠭᠡᠵᠢᠯ ᠢ ᠠᠶᠢᠮᠠᠭ ᠤᠨ ᠲᠡᠰ ᠤᠨ | ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠲᠤ ᠪᠦᠷᠢᠳᠭᠡᠬᠦᠯᠵᠦ᠂ ᠴᠤᠭᠬᠡᠷᠡᠯ ᠠᠶᠢᠮᠠᠭ ᠤᠨ ᠲᠡᠰ ᠤᠨ ᠦᠪᠯᠡᠨ | ᠤᠯᠠᠮᠵᠢᠯᠠᠭᠴᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠤᠯᠠᠮᠵᠢᠯᠠᠭᠴᠢ ᠶᠢᠨ ᠲᠤᠪᠴᠢ ᠲᠠᠨᠢᠯᠴᠠᠭᠤᠯᠭᠠ ᠄ ᠴᠤᠬᠭᠡᠷᠡᠯ ᠂ ᠡᠷᠡᠭᠳᠡᠢ ᠂ ᠮᠤᠩᠭᠤᠯ | ᠦᠨᠳᠦᠰᠦᠳᠡᠨ᠂ 1986 ᠤᠨ ᠳᠤ ᠲᠦᠷᠦᠪᠡ᠃ ᠲᠠᠶᠢᠹᠤᠰᠧ ᠬᠤᠰᠢᠭᠤᠨ ᠤ ᠬᠦᠨᠪᠤᠯᠠᠭ ᠰᠤᠮᠤ ᠶᠢᠨ ᠬᠦᠮᠦᠨ᠃ | ᠴᠤᠬᠭᠡᠷᠡᠯ ᠤᠨ ᠡᠪᠦᠭᠡ ᠨᠢ ᠨᠠᠮᠠᠬᠠᠢ ᠨᠠᠰᠤᠳᠠᠨ ᠲᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠤ ᠡᠬᠢᠨ ᠳᠤ ᠲᠤᠬᠠᠢ ᠶᠢᠨ | ᠦᠶᠡ ᠶᠢᠨ ᠬᠦᠨᠪᠤᠯᠠᠭ ᠰᠤᠮᠤᠨ ᠤ ᠨᠠᠮ ᠵᠠᠰᠠᠭ ᠤᠨ ᠨᠠᠶᠢᠳᠠᠯᠭᠠ ᠶᠢ ᠬᠦᠯᠢᠶᠡᠨ᠂ ᠡᠷᠳᠡ ᠦᠶᠡ ᠳᠤ ᠲᠠᠶᠢᠹᠤᠰᠧ | ᠨᠤᠳᠤᠭ ᠲᠤ ᠭᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠴᠠᠴᠠᠷ ᠢ ᠤᠤᠯ ᠭᠡᠪ ᠢᠶᠠᠷ ᠨᠢ ᠰᠡᠷᠬᠦᠬᠡᠨ ᠤᠶᠤᠵᠤ᠂ 1982 ᠤᠨ ᠳᠤ | ᠰᠢᠯᠢ ᠶᠢᠨ ᠬᠤᠳᠠ ᠳᠤ ᠪᠤᠯᠤᠭᠰᠠᠨ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠠᠷᠠᠳ ᠤᠨ ᠶᠡᠭᠡ ᠨᠠᠶᠢᠷ ᠲᠡᠭᠡᠷᠡ ᠡᠨᠡᠬᠦ | ᠲᠤᠮᠤ ᠴᠠᠴᠠᠷ ᠨᠢ ᠬᠦᠮᠦᠰ ᠤᠨ ᠠᠩᠬᠠᠷᠤᠯ ᠪᠠᠭ᠋ᠠᠷᠬᠠᠯ ᠢ ᠶᠡᠬᠡᠪᠡᠷ ᠲᠠᠳᠠᠭᠰᠠᠨ ᠪᠠᠶᠢᠵᠠᠢ᠃ ᠲᠡᠬᠦᠨ ᠠᠴᠠ ᠡᠬᠢᠯᠡᠭᠡᠳ | ︽ᠲᠠᠶᠢᠹᠤᠰᠧ ᠴᠠᠴᠠᠷ︾ ᠨᠢ ᠲᠠᠶᠠᠭᠠᠷ ᠲᠤ ᠠᠯᠳᠠᠷᠰᠢᠭᠰᠠᠨ ᠪᠦᠬᠡᠳ ᠡᠨᠡᠬᠦ ᠴᠠᠴᠠᠷ ᠤᠨ ᠭᠡᠯᠪᠡᠷᠢ ᠮᠠᠶ᠋ᠢᠭ ᠢᠶᠠᠷ | ᠮᠠᠨ ᠤ ᠠᠶᠢᠮᠠᠭ ᠤᠨ ᠲᠤᠳᠤᠷᠠ ᠭᠠᠳᠠᠨᠠ ᠮᠠᠰᠢ ᠤᠯᠠᠨ ᠴᠠᠴᠠᠷ ᠢ ᠦᠢᠯᠡᠳᠴᠦ ᠬᠢᠭᠰᠡᠨ ᠪᠠᠶᠢᠨᠠ ᠃ ᠡᠪᠦᠭᠡ ᠠᠪᠤ | ᠶᠢᠨ ᠢᠶᠠᠨ ᠤᠷᠠᠨ ᠦᠢᠯᠡ ᠶᠢ ᠤᠳᠤᠮᠯᠠᠨ ᠲᠠᠭᠤᠷᠢᠶᠠᠭᠰᠠᠨ ᠴᠤᠭᠬᠡᠷᠡᠯ ᠬᠠᠷᠠ ᠪᠠᠭᠠ ᠠᠴᠠ ᠪᠠᠨ ᠤᠷᠠᠨ ᠵᠢᠷᠤᠭ | ᠲᠤ ᠠᠪᠢᠶᠠᠰ ᠪᠠᠭ᠋ᠠᠳᠠᠢ ᠪᠠᠶᠢᠵᠤ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠂ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ᠂ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ | ᠠᠯᠢᠨ ᠱᠠᠳᠤᠨ ᠳᠤᠨᠢ ᠪᠠᠶᠢᠬᠤ ᠳᠠᠭᠠᠨ ᠴᠤ ᠰᠤᠷᠭᠠᠭᠤᠯᠢ ᠶᠢᠨ ᠢᠶᠠᠨ ᠵᠢᠷᠤᠭ ᠪᠢᠴᠢᠯᠭᠡ ᠶᠢᠨ ᠮᠦᠷᠦᠶᠢᠴᠡᠭᠡᠨ ᠳᠤ | ᠤᠷᠤᠶᠢᠯᠠᠵᠤ᠂ ᠱᠠᠩ ᠲᠤᠰᠴᠤ ᠶᠠᠪᠤᠳᠠᠭ ᠪᠠᠶᠢᠵᠠᠢ᠃ 2002 ᠤᠨ ᠳᠤ ᠰᠤᠷᠭᠠᠭᠤᠯᠢ ᠲᠡᠬᠦᠰᠦᠭᠡᠳ ᠦᠪᠡᠷᠦᠨ | ᠭᠡᠰᠡᠨ ᠦᠢᠯᠡᠰ ᠢᠶᠠᠨ ᠵᠤᠷᠢᠵᠤ ᠭᠠᠷ ᠤᠷᠠᠯᠠᠯ ᠢᠶᠠᠨ ᠤᠷᠤᠯᠳᠤᠵᠤ ᠡᠬᠢᠯᠡᠭᠰᠡᠨ ᠠᠴᠠ ᠠᠪᠤᠭᠠᠳ ᠲᠡᠷᠡᠪᠡᠷ ᠴᠠᠴᠠᠷ | ᠮᠠᠶᠢᠬᠠᠨ ᠵᠢᠷᠤᠵᠤ ᠲᠦᠯᠦᠪᠯᠡᠬᠦ᠂ ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠲᠤᠭᠯᠠᠯᠳᠠ ᠶᠢᠨ ᠭᠡᠷᠡᠭᠰᠡᠯ ᠢ ᠲᠦᠰᠦᠪᠯᠡᠨ ᠦᠢᠯᠡᠳᠬᠦ᠂ | ᠺᠢᠨᠤ᠋ ᠲᠧᠯᠸᠢᠰ ᠲᠤ ᠤᠷᠠᠨ ᠵᠢᠷᠤᠭ ᠤᠨ ᠲᠤᠰᠠᠯᠠᠭᠴᠢ ᠪᠠᠷ ᠠᠵᠢᠯᠯᠠᠬᠤ ᠵᠡᠷᠭᠡ ᠡᠯᠳᠡᠪ ᠠᠵᠢᠯ ᠢ ᠬᠢᠵᠦ᠂ | ᠰᠤᠷᠤᠭᠰᠠᠨ ᠮᠡᠷᠭᠡᠵᠢᠯ ᠢᠶᠠᠷ ᠢᠶᠠᠨ ᠦᠢᠯᠡᠰ ᠪᠦᠳᠦᠭᠡᠵᠤ ᠶᠠᠪᠤᠭᠰᠠᠨ ᠪᠠᠶᠢᠯᠠ᠃ ᠴᠤᠭᠭᠡᠷᠡᠯ ᠤᠨ ᠤᠷᠠᠯᠠᠵᠤ | ᠬᠢᠭᠰᠡᠨ ᠮᠤᠩᠭᠤᠯ ᠴᠠᠴᠠᠷ ᠵᠢᠴᠢ ᠬᠤᠷᠤᠳ ᠤᠨ ᠭᠡᠪ᠂ ᠮᠢᠬᠠᠨ ᠤ ᠫᠢᠯᠠ᠂ ᠰᠡᠶᠢᠯᠦᠮᠡᠯ ᠡᠮᠡᠭᠡᠯ ᠵᠡᠷᠭᠡ ᠤᠷᠠᠨ | ᠪᠦᠳᠦᠭᠡᠯ ᠨᠢ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠠᠴᠠ ᠪᠠᠨ ᠭᠠᠳᠠᠨᠠ ᠪᠠᠰᠠ ᠬᠦᠬᠡᠬᠤᠳᠠ᠂ ᠤᠷᠳᠤᠰ ᠵᠢᠴᠢ | ᠪᠡᠬᠡᠵᠢᠩ ᠂ ᠾᠧᠪᠸᠢ ᠵᠡᠷᠭᠡ ᠭᠠᠵᠠᠷ ᠤᠷᠤᠨ ᠤ ᠵᠤᠭᠠᠴᠠᠯ ᠤᠨ ᠭᠠᠵᠠᠷ᠂ ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠲᠠᠯᠠᠪᠠᠢ ᠪᠠᠷ | ᠵᠦᠩᠳᠡᠭᠡᠨ ᠬᠠᠷᠠᠭᠳᠠᠬᠤ ᠪᠤᠯᠵᠠᠢ᠃ |