| ᠬᠠᠨᠠ ᠶᠢᠨ ᠵᠢᠷᠤᠭ ︵ᠬᠠᠨᠵᠤᠨ ᠤ ᠵᠢᠷᠤᠭ ᠭᠡᠵᠦ ᠪᠠᠰᠠ ᠬᠡᠯᠡᠨᠡ︶ ᠪᠤᠯ ᠲᠤᠮᠳᠠᠳᠤ ᠤᠯᠤᠰ ᠤᠨ ᠤᠮᠠᠷᠠᠳᠤ | ᠤᠷᠤᠨ ᠢᠶᠠᠷ ᠲᠡᠯᠭᠡᠷᠡᠭᠰᠡᠨ᠂ ᠠᠷᠠᠳ ᠢᠷᠭᠡᠳ ᠤᠨ ᠭᠡᠷ ᠤᠨ ᠴᠢᠮᠡᠭᠯᠡᠯ ᠤᠨ ᠨᠢᠬᠡ ᠵᠦᠢᠯ ᠪᠤᠯᠤᠨᠠ᠃ ᠰᠦᠩ | ᠤᠯᠤᠰ ᠤᠨ ᠡᠬᠢᠨ ᠤ ᠦᠶᠡ ᠳᠤ ᠡᠬᠦᠰᠴᠦ᠂ ᠮᠢᠩ ᠤᠯᠤᠰ᠂ ᠴᠢᠩ ᠤᠯᠤᠰ ᠤᠨ ᠦᠶᠡ ᠬᠦᠷᠦᠭᠡᠳ ᠠᠭᠠᠵᠢᠮ | ᠢᠶᠠᠷ ᠬᠦᠭᠵᠢᠨ ᠲᠡᠯᠭᠡᠷᠡᠵᠡᠢ ᠃ ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ ᠨᠠᠶᠠ ᠶᠡᠷᠡᠭᠡᠳ ᠤᠨ ᠬᠦᠷᠳᠡᠯᠡ ᠱᠠᠨ ᠰᠢ᠂ ᠱᠠᠨᠰᠢ | ᠂ ᠾᠧᠪᠸᠢ᠂ ᠦᠪᠦᠷ ᠮᠤᠩᠭᠤᠯ ᠵᠡᠷᠭᠡ ᠭᠠᠵᠠᠷ ᠤᠷᠤᠨ ᠤ ᠲᠠᠷᠢᠶᠠᠴᠢᠨ ᠠᠶᠢᠯ ᠳᠤ ᠬᠠᠨᠠ ᠶᠢᠨ ᠵᠢᠷᠤᠭ ᠨᠡᠶᠢᠳᠡᠮ | ᠬᠠᠷᠠᠭᠳᠠᠵᠤ ᠪᠠᠶᠢᠳᠠᠭ ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ᠂ ᠲᠠᠷᠢᠶᠠᠯᠠᠬᠤ ᠤᠷᠤᠨ ᠤ ᠠᠶᠢᠯ ᠪᠤᠯᠭᠠᠨ ᠬᠠᠯᠠᠭᠤᠨ ᠬᠠᠨᠵᠤ | ᠲᠠᠢ ᠪᠦᠬᠡᠳ ᠬᠠᠨᠵᠤᠨ ᠤ ᠲᠡᠭᠡᠷᠡ ᠭᠡᠰᠡᠭ ᠲᠠᠬᠢ ᠭᠡᠷᠡᠮ ᠤᠨ ᠰᠢᠪᠠᠷ ᠰᠢᠷᠤᠢ ᠪᠠ ᠴᠠᠭᠠᠨ ᠴᠤᠬᠤᠢ ᠨᠢ ᠬᠠᠭᠤᠷᠠᠵᠤ | ᠤᠨᠠᠭᠠᠳ᠂ ᠲᠡᠪᠢᠰᠭᠡᠷ ᠬᠤᠮ᠂ ᠬᠤᠪᠴᠠᠰᠤ ᠬᠤᠨᠠᠷ ᠭᠭᠢᠷᠳᠦᠬᠦᠯᠳᠡᠭ ᠪᠠᠶᠢᠵᠠᠢ ᠃ ᠡᠶᠢᠮᠦ ᠪᠠᠶᠢᠳᠠᠯ ᠲᠤᠤᠷᠠ ᠵᠠᠷᠢᠮ | ᠬᠦᠮᠦᠰ ᠠᠷᠭᠠ ᠪᠤᠳᠤᠵᠤ᠂ ᠴᠠᠭᠠᠨ ᠴᠤᠬᠤᠢ ᠪᠠᠨ ᠰᠢᠩᠬᠡᠨ ᠴᠠᠪᠠᠤ ᠲᠠᠢ ᠬᠤᠯᠢᠨ᠂ ᠬᠠᠨᠵᠤᠨ ᠲᠡᠭᠡᠷᠡᠬᠢ ᠭᠡᠷᠡᠮ | ᠲᠡᠭᠡᠷᠡ ᠪᠠᠨ ᠰᠢᠪᠠᠵᠤ᠂ ᠬᠦᠪᠡᠭᠡ ᠵᠠᠬᠠ ᠪᠠᠷ ᠨᠢ ᠲᠦᠬᠦᠮᠬᠡᠨ ᠤᠭᠠᠯᠵᠠ ᠭᠡ ᠵᠢᠷᠤᠭᠠᠳ᠂ ᠭᠡᠷᠡᠮ ᠤᠨ ᠰᠢᠪᠠᠷ | ᠬᠠᠭᠤᠷᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠵᠦ ᠪᠠᠶᠢᠪᠠ᠃ ᠰᠡᠬᠦᠯᠡᠷ ᠨᠢ ᠠᠷᠠᠳ ᠤᠨ ᠲᠤᠮᠳᠠ ᠡᠶᠢᠮᠦ ᠠᠵᠢᠯ ᠲᠦᠷᠦᠯ | ᠡᠷᠬᠢᠯᠡᠳᠡᠭ ᠲᠤᠰᠬᠠᠢ ᠤᠷᠠᠯᠢᠭᠴᠢᠳ ᠭᠠᠷᠴᠤ ᠢᠷᠡᠭᠰᠡᠨ ᠢᠶᠠᠷ ᠬᠠᠨᠠ ᠶᠢᠨ ᠵᠢᠷᠤᠭ ᠨᠢ ᠤᠯᠠᠮ ᠬᠦᠭᠵᠢᠵᠦ᠂ | ᠮᠠᠯᠵᠢᠬᠤ ᠤᠷᠤᠨ ᠢᠶᠠᠷ ᠴᠤ ᠲᠡᠯᠭᠡᠷᠡᠵᠦ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠲᠠᠶᠢᠹᠤᠰᠧ ᠬᠤᠰᠢᠭᠤᠨ ᠳᠤ ᠬᠠᠨᠠ ᠶᠢᠨ ᠵᠢᠷᠤᠭ ᠶᠡᠬᠡᠪᠡᠷ ᠲᠡᠯᠭᠡᠷᠡᠭᠰᠡᠨ ᠴᠠᠭ ᠪᠤᠯ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠤ | ᠲᠠᠷᠠᠭᠠ ᠠᠴᠠ ᠦᠬᠡᠷᠡᠴᠢᠯᠡᠯᠳᠡ ᠨᠡᠬᠡᠬᠡᠯᠳᠡ ᠶᠢᠨ ᠡᠮᠦᠨᠡ ᠬᠦᠷᠳᠡᠯᠡᠬᠢ ᠦᠶᠡ ᠪᠤᠯᠤᠨᠠ᠃ ᠬᠠᠨᠠ ᠶᠢᠨ ᠵᠢᠷᠤᠭ ᠢ | ᠤᠯᠠᠩᠬᠢ ᠳᠠᠭᠠᠨ ᠬᠦᠳᠡᠭᠡ ᠶᠢᠨ ᠠᠶᠢᠯ ᠤᠳ ᠬᠠᠨᠵᠤ ᠲᠠᠢ ᠵᠠᠯᠭᠠᠵᠤ ᠪᠠᠶᠢᠭᠠ ᠭᠤᠷᠪᠠᠨ ᠲᠠᠯᠠ ᠶᠢᠨ ᠭᠡᠷᠡᠮ ᠬᠠᠨᠠ | ᠲᠡᠭᠡᠷᠡ ᠪᠠᠨ ᠵᠢᠷᠤᠭᠤᠯᠳᠠᠭ᠃ ᠡᠨᠡ ᠨᠢ ᠭᠡᠷ ᠦᠷᠦᠭᠡ ᠶᠢ ᠦᠩᠬᠡᠯᠡᠵᠦ ᠴᠢᠮᠡᠭᠯᠡᠬᠦ ᠠᠴᠠ ᠭᠠᠳᠠᠨᠠ ᠂ ᠬᠦᠨᠵᠢᠯᠡ | ᠲᠡᠪᠢᠰᠭᠡᠷ᠂ ᠬᠤᠪᠴᠠᠰᠤ ᠬᠤᠨᠠᠷ ᠢ ᠴᠤᠬᠤᠢ ᠭᠡᠷᠡᠮ ᠠᠴᠠ ᠬᠠᠮᠠᠭᠠᠯᠠᠬᠤ ᠦᠢᠯᠡᠳᠦᠯ ᠲᠠᠢ ᠃ | ᠬᠠᠨᠠ ᠶᠢᠨ ᠵᠢᠷᠤᠭ ᠵᠢᠷᠤᠬᠤ ᠳᠤ ᠤᠷᠢᠳᠠᠪᠠᠷ ᠬᠠᠶᠠᠭᠳᠠᠮᠠᠯ ᠴᠠᠭᠠᠰᠤ ᠶᠢ ᠰᠢᠪᠠᠷ ᠲᠠᠢ ᠬᠤᠯᠢᠨ ᠵᠢᠭᠤᠷᠠᠵᠤ | ︵ᠰᠡᠬᠦᠯ ᠤᠨ ᠦᠶᠡ ᠳᠤ ᠴᠠᠭᠠᠨ ᠴᠤᠬᠤᠢ᠂ ᠽᠧᠮᠧᠨ᠋ᠲ ᠪᠠᠷ ᠤᠷᠤᠯᠠᠪᠠ︶ ᠂ ᠭᠡᠷᠡᠮ ᠲᠡᠭᠡᠷᠡ ᠦᠨᠳᠦᠷ ᠢᠶᠠᠷ | ᠢᠶᠠᠨ 80 ᠰᠡᠨᠲ᠋ᠢᠮᠧᠲᠷ ᠤᠷᠴᠢᠮ ᠂ ᠤᠷᠳᠤ ᠪᠠᠷ ᠢᠶᠠᠨ ᠬᠠᠨᠵᠤ ᠯᠤᠭᠠ ᠵᠡᠷᠭᠡᠴᠡᠭᠰᠡᠨ ᠰᠢᠪᠠᠭᠠᠰᠤ ᠲᠠᠯᠪᠢᠨᠠ ᠃ | ᠰᠢᠪᠠᠭᠠᠰᠤ ᠬᠠᠳᠠᠭᠰᠠᠨ ᠤ ᠲᠠᠷᠠᠭᠠ ᠂ ᠲᠡᠬᠦᠨ ᠤ ᠲᠡᠭᠡᠷᠡ ᠨᠢ ᠵᠢᠷᠤᠭ ᠢᠶᠠᠨ ᠵᠢᠷᠤᠵᠤ᠂ ᠬᠠᠳᠠᠭᠰᠠᠨ ᠬᠤᠶᠢᠨᠠ | ᠲᠤᠰᠤ ᠲᠦᠷᠬᠢᠵᠦ ᠬᠢᠯᠳᠤᠭᠠᠨᠠᠭᠤᠯᠤᠨᠠ᠃ ᠵᠢᠷᠤᠭ ᠤᠨ ᠠᠭᠤᠯᠭᠠ ᠨᠢ ᠭᠤᠤᠯᠳᠠᠭᠤ ᠠᠮᠢᠳᠠᠨ ᠵᠢᠬᠦᠷᠳᠡᠨ᠂ ᠴᠡᠴᠡᠭ | ᠮᠤᠳᠤ᠂ ᠠᠭᠤᠯᠠ ᠤᠰᠤ ᠪᠤᠶᠤ ᠲᠡᠦᠬᠡᠨ ᠬᠦᠮᠦᠨ᠂ ᠦᠯᠢᠭᠡᠷ ᠲᠤᠮᠤᠭ ᠤᠨ ᠵᠢᠷᠤᠭ ᠲᠦᠷᠢ ᠪᠠᠶᠢᠳᠠᠭ ᠃ ᠤᠳᠤ | ᠬᠦᠳᠡᠭᠡ ᠲᠤᠰᠬᠤᠨ ᠳᠤ ᠴᠤ ᠬᠠᠨᠵᠤᠨ ᠲᠡᠭᠡᠷᠡ ᠪᠠᠨ ᠬᠠᠨᠠ ᠶᠢᠨ ᠵᠢᠷᠤᠭ ᠵᠢᠷᠤᠭᠤᠯᠬᠤ ᠠᠶᠢᠯ ᠡᠷᠦᠬᠡ ᠪᠠᠷᠤᠭ | ᠦᠬᠡᠢ ᠪᠤᠯᠤᠭᠰᠠᠨ ᠢᠶᠠᠷ ᠡᠨᠡᠬᠦ ᠤᠷᠠ ᠮᠡᠷᠭᠡᠵᠢᠯ ᠨᠢ ᠤᠯᠠᠮᠵᠢᠯᠠᠯ ᠲᠠᠰᠤᠷᠠᠬᠤ ᠰᠢᠬᠠᠵᠠᠢ᠃ | 2017 ᠤᠨ ᠳᠤ ᠲᠠᠶᠢᠹᠤᠰᠧ ᠬᠤᠰᠢᠭᠤ ᠬᠠᠨᠠ ᠶᠢᠨ ᠵᠢᠷᠤᠭ ᠢ ᠠᠶᠢᠮᠠᠭ ᠤᠨ ᠲᠡᠰ ᠤᠨ ᠪᠤᠳᠠᠰ ᠤᠨ | ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠲᠤ ᠪᠦᠷᠢᠳᠭᠡᠬᠦᠯᠵᠦ᠂ ᠮᠠ ᠱᠠᠩ ᠯᠢᠨ ᠠᠶᠢᠮᠠᠭ ᠤᠨ ᠲᠡᠰ ᠤᠨ ᠦᠪᠯᠡᠨ | ᠤᠯᠠᠮᠵᠢᠯᠠᠭᠴᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠤᠯᠠᠮᠵᠢᠯᠠᠭᠴᠢ ᠶᠢᠨ ᠲᠤᠪᠴᠢ ᠲᠠᠨᠢᠯᠴᠠᠭᠤᠯᠭᠠ᠄ ᠮᠠ ᠱᠠᠩ ᠯᠢᠨ ᠂ ᠡᠷᠡᠭᠳᠡᠢ᠂ ᠬᠢᠳᠠᠳ | ᠦᠨᠳᠦᠰᠦᠳᠡᠨ᠂ 1952 ᠤᠨ ᠳᠤ ᠲᠦᠷᠦᠪᠡ᠃ ᠲᠠᠶᠢᠹᠤᠰᠧ ᠬᠤᠰᠢᠭᠤᠨ ᠤ ᠬᠦᠮᠦᠨ᠃ ᠤᠷᠠ ᠠᠪᠢᠶᠠᠰ | ᠲᠠᠭᠠᠨ ᠲᠦᠰᠢᠭᠯᠡᠨ ᠵᠢᠷᠤᠭ ᠵᠢᠷᠤᠬᠤ ᠶᠢ ᠦᠪᠡᠷᠳᠡᠭᠡᠨ ᠰᠤᠷᠴᠠᠢ᠃ ᠵᠠᠯᠠᠭᠤ ᠳᠠᠭᠠᠨ ᠪᠤᠰᠤᠳ ᠢ ᠲᠠᠭᠤᠷᠢᠶᠠᠨ | ᠬᠠᠨᠠ ᠶᠢᠨ ᠵᠢᠷᠤᠭ ᠵᠢᠷᠤᠵᠤ ᠤᠷᠤᠯᠳᠤᠭᠰᠠᠭᠠᠷ ᠪᠠᠶᠢᠭᠠᠳ᠂ ᠡᠳᠦᠷ ᠤᠨ ᠤᠳᠠᠭᠠᠨ ᠳᠠᠭᠠᠨ ᠪᠤᠯᠪᠠᠰᠤᠷᠠᠵᠤ | ᠴᠠᠭᠠᠷᠠᠭᠰᠠᠨ ᠪᠠᠶᠢᠨᠠ᠃ ᠬᠠᠨᠠ ᠶᠢᠨ ᠵᠢᠷᠤᠭ ᠲᠡᠯᠭᠡᠷᠡᠵᠦ ᠪᠠᠶᠢᠭᠠ ᠦᠶᠡᠰ᠂ ᠲᠠᠶᠢᠹᠤᠰᠧ ᠬᠤᠰᠢᠭᠤ᠂ | ᠴᠢᠨᠠᠭᠰᠢᠯᠠᠪᠠᠯ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠬᠤᠰᠢᠭᠤ ᠰᠢᠶᠠᠨ ᠤ ᠬᠢᠳᠠᠳ ᠮᠤᠩᠭᠤᠯ ᠬᠡᠰᠡᠨ ᠦᠬᠡᠢ ᠬᠠᠨᠵᠤ ᠲᠠᠢ ᠠᠶᠢᠯ | ᠪᠤᠯᠭᠠᠨ ᠪᠠᠷᠤᠭ ᠬᠠᠨᠠ ᠶᠢᠨ ᠵᠢᠷᠤᠭ ᠵᠢᠷᠤᠭᠤᠯᠳᠠᠭ ᠪᠤᠯᠤᠭᠰᠠᠨ ᠢᠶᠠᠷ ᠮᠠ ᠱᠠᠩ ᠯᠢᠨ ᠱᠠᠪᠢ ᠲᠠᠢ ᠪᠠᠨ | ᠬᠤᠶᠠᠭᠤᠯᠠ ᠤᠨᠠᠭᠰᠠᠨ ᠮᠠᠯᠠᠭᠠᠢ ᠰᠢᠬᠦᠷᠬᠦ ᠵᠠᠪ ᠦᠬᠡᠢ ᠠᠶᠢᠯ ᠲᠠᠮᠵᠢᠨ ᠵᠠᠯᠠᠭᠳᠠᠵᠤ ᠪᠠᠶᠢᠵᠠᠢ᠃ ᠲᠡᠬᠦᠨ ᠤ | ᠵᠢᠷᠤᠭᠰᠠᠨ ᠵᠢᠷᠤᠭ ᠨᠢ ᠬᠦᠳᠡᠭᠡ ᠨᠤᠳᠤᠭ ᠤᠨ ᠦᠨᠦᠷ ᠠᠮᠳᠠ ᠲᠠᠢ᠂ ᠬᠦᠳᠡᠭᠡ ᠶᠢᠨ ᠠᠮᠢᠳᠤᠷᠠᠯ ᠲᠠᠢ | ᠤᠶᠢᠷᠠᠳᠤᠭᠰᠠᠨ᠂ ᠬᠦᠳᠡᠭᠡ ᠶᠢᠨ ᠠᠮᠢᠳᠤᠷᠠᠯ ᠢ ᠲᠤᠰᠬᠠᠭᠰᠠᠨ ᠪᠤᠯᠬᠤᠷ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤ ᠪᠠᠭ᠋ᠠᠷᠬᠠᠯ ᠢ | ᠲᠠᠳᠠᠭᠰᠠᠨ ᠪᠠᠶᠢᠳᠠᠭ ᠶᠤᠮ᠃ |