| ᠲᠠᠶᠢᠹᠤᠰᠧᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠤᠷᠤᠨ ᠰᠠᠭᠤᠴᠠ ᠨᠢ ᠮᠤᠩᠭᠤᠯ ᠭᠡᠷ ᠪᠠᠶᠢᠪᠠ᠃ ᠭᠡᠷ ᠤᠨ ᠪᠦᠬᠦ | ᠴᠤᠭᠴᠠ ᠨᠢ ᠭᠡᠷ ᠤᠨ ᠮᠤᠳᠤ᠂ ᠭᠡᠷ ᠤᠨ ᠪᠦᠷᠢᠶᠡᠰᠦ᠂ ᠤᠭᠤᠰᠤᠷ ᠪᠦᠰᠡᠯᠡᠬᠦᠷ ᠢᠶᠠᠷ ᠪᠦᠷᠢᠳᠦᠨᠡ᠃ ᠭᠡᠷ ᠪᠠᠷᠢᠬᠤ᠂ | ᠭᠡᠷ ᠢ ᠡᠵᠡᠩᠨᠡᠬᠦ᠂ ᠭᠡᠷ ᠲᠤ ᠬᠤᠯᠪᠤᠭᠳᠠᠬᠤ ᠭᠡᠪ ᠵᠠᠩᠰᠢᠯ ᠨᠢ ᠲᠠᠶᠠᠭᠠᠷ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯ ᠵᠠᠩᠰᠢᠯ | ᠯᠤᠭᠠ ᠦᠨᠳᠦᠰᠦᠨ ᠳᠡᠭᠡᠨ ᠠᠳᠠᠯᠢ᠃ ᠭᠡᠷ ᠤᠨ ᠶᠡᠭᠡ ᠪᠠᠭᠠ ᠶᠢ ᠬᠠᠨᠠ ᠶᠢᠨ ᠲᠤᠭᠠ ᠪᠠᠷ ᠬᠡᠯᠡᠯᠴᠡᠨᠡ᠃ | ᠬᠠᠮᠤᠭ ᠤᠨ ᠪᠠᠭᠠ ᠨᠢ ᠲᠦᠷᠪᠡᠨ ᠬᠠᠨᠠ ᠲᠠᠢ ᠭᠡᠷ ᠪᠤᠯᠤᠨᠠ ᠃ ᠦᠩᠭᠡᠷᠡᠭᠰᠡᠨ ᠳᠤ ᠡᠬᠡᠯ ᠮᠠᠯᠴᠢᠳ ᠤᠨ ᠤᠯᠠᠩᠬᠢ | ᠨᠢ ᠲᠠᠪᠤᠨ ᠬᠠᠨᠠ ᠲᠠᠢ ᠭᠡᠷ ᠲᠤ ᠰᠠᠭᠤᠵᠤ᠂ ᠨᠤᠶᠠᠳ ᠪᠠᠶᠠᠳ ᠪᠤᠯ ᠵᠢᠷᠭᠤᠭᠠᠨ ᠬᠠᠨᠠ ᠲᠠᠢ᠂ ᠬᠤᠶᠠᠷ | ᠲᠤᠯᠭᠠᠭᠤᠷᠢ ᠲᠠᠢ ᠪᠤᠶᠤ ᠠᠷᠪᠠᠨ ᠬᠠᠨᠠ ᠲᠠᠢ᠂ ᠲᠦᠷᠪᠡᠨ ᠲᠤᠯᠭᠠᠭᠤᠷᠢ ᠲᠠᠢ ᠭᠡᠷ ᠲᠤ ᠰᠠᠭᠤᠵᠤ ᠪᠠᠶᠢᠵᠠᠢ᠃ | ᠤᠳᠤ ᠪᠤᠯ ᠲᠠᠪᠤ ᠵᠢᠷᠭᠤᠭᠠᠨ ᠬᠠᠨᠠ ᠲᠠᠢ ᠭᠡᠷ ᠨᠡᠯᠢᠶᠡᠳ ᠨᠡᠶᠢᠳᠡᠮ ᠬᠡᠷᠡᠭᠯᠡᠭᠳᠡᠵᠤ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ᠂ | ᠨᠠᠢᠮᠠ ᠠᠴᠠ ᠠᠷᠪᠠᠨ ᠬᠤᠶᠠᠷ ᠬᠠᠨᠠ ᠲᠠᠢ ᠮᠤᠩᠭᠤᠯ ᠭᠡᠷ ᠪᠠᠰᠠ ᠤᠯᠠᠰᠢᠷᠠᠵᠠᠢ ᠃ | ᠮᠤᠩᠭᠤᠯ ᠭᠡᠷ ᠪᠠᠷᠢᠬᠤ ᠠᠯᠬᠤᠮ ᠶᠠᠪᠤᠴᠠ — ᠮᠤᠩᠭᠤᠯ ᠭᠡᠷ ᠪᠤᠯ ᠭᠠᠵᠡᠷ ᠤᠨ ᠭᠦᠷᠤᠰᠤ ᠶᠢ ᠡᠪᠳᠡᠬᠦ | ᠦᠭᠡᠢ᠂ ᠪᠠᠶᠢᠭᠠᠯᠢ ᠤᠷᠴᠢᠨ ᠢ ᠪᠤᠬᠢᠷᠲᠤᠭᠤᠯᠬᠤ ᠦᠭᠡᠢ᠂ ᠪᠠᠷᠢᠵᠤ ᠪᠠᠶᠢᠭᠤᠯᠬᠤ ᠪᠠ ᠪᠠᠭᠤᠯᠠᠭᠠᠵᠤ ᠡᠪᠬᠡᠭᠦ ᠳᠤ | ᠲᠦᠭᠦᠮ᠂ ᠲᠡᠭᠡᠭᠡᠵᠦ ᠠᠴᠢᠬᠤ ᠳᠤ ᠭᠦᠩᠭᠡᠨ ᠠᠪᠰᠠᠷᠬᠠᠨ ᠪᠠᠶᠢᠲᠠᠭ ᠂ ᠨᠡᠬᠦᠳᠡᠯ ᠮᠠᠯᠵᠢᠯ ᠳᠤ ᠮᠠᠰᠢ | ᠵᠤᠬᠢᠴᠠᠭᠰᠠᠨ ᠤᠷᠤᠨ ᠰᠠᠭᠤᠴᠨ ᠮᠦᠨ᠃ ᠮᠤᠩᠭᠤᠯᠴᠤᠳ ᠨᠤᠳᠤᠭ ᠪᠠᠭᠤᠬᠤ ᠳᠠᠭᠠᠨ ᠲᠦᠷᠪᠡᠨ ᠤᠯᠠᠷᠢᠯ ᠤᠨ | ᠪᠠᠶᠢᠳᠠᠯ ᠳᠤ ᠵᠤᠬᠢᠴᠠᠭᠤᠯᠵᠤ᠂ ᠪᠡᠯᠴᠢᠭᠡᠷ ᠤᠰᠤᠨ ᠤ ᠬᠦᠷᠦᠯᠴᠡᠭᠡ ᠶᠢ ᠬᠠᠷᠠᠵᠤ ᠪᠠᠭᠤᠳᠠᠭ᠃ ᠵᠤᠨ ᠨᠠᠮᠤᠷ ᠪᠤᠯ | ᠲᠡᠨᠵᠢᠯᠢᠭ ᠰᠡᠷᠢᠬᠦᠨ ᠭᠠᠵᠠᠷ᠂ ᠡᠪᠦᠯ ᠬᠠᠪᠤᠷ ᠪᠤᠯ ᠨᠦᠮᠦᠷᠯᠢᠭ ᠲᠤᠯᠠᠭᠠᠨ ᠭᠠᠵᠠᠷ ᠢ ᠰᠤᠩᠭᠤᠨᠠ᠃ ᠲᠡᠭᠡᠬᠦ ᠳᠡᠭᠡᠨ | ᠲᠦᠰᠢᠯᠬᠡ ᠵᠢᠬᠢᠯᠭᠡ ᠶᠢ ᠪᠡᠯᠬᠡᠰᠢᠶᠡᠨ ᠰᠢᠨᠵᠢᠬᠦ ᠪᠦᠬᠡᠳ ᠦᠯᠵᠡᠢ ᠪᠤᠰᠤ ᠶᠠᠪᠤᠳᠠᠯ ᠭᠠᠷᠤᠭᠰᠠᠨ ᠭᠠᠵᠠᠷ ᠲᠤ | ᠪᠠᠭᠤᠳᠠᠭ ᠦᠬᠡᠢ᠃ ᠪᠠᠭᠤᠴᠠ ᠪᠠᠨ ᠰᠤᠩᠭᠤᠬᠤ ᠳᠠᠭᠠᠨ ᠲᠡᠭᠰᠢ ᠰᠠᠶᠢᠬᠠᠨ ᠭᠠᠵᠠᠷ ᠢ ᠰᠤᠩᠭᠤᠨᠠ᠃ ᠪᠠᠭᠤᠶᠠ | ᠭᠡᠵᠦ ᠰᠢᠢᠳᠦᠭᠰᠡᠨ ᠭᠠᠵᠠᠷ ᠨᠢ ᠦ ᠰᠡᠪ ᠲᠠᠢ ᠰᠢᠭ ᠪᠠᠶᠢᠪᠠᠯ ᠦ ᠰᠡᠪ ᠢ ᠨᠢ ᠲᠡᠭᠰᠢᠯᠡᠵᠦ ᠭᠡᠷ ᠢᠶᠠᠨ ᠪᠠᠷᠢᠨᠠ᠃ | ᠡᠪᠦᠯ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠭᠡᠷ ᠢ ᠭᠡᠪᠳᠡᠭᠡ ᠰᠢᠭ ᠪᠠᠷᠢᠪᠠᠯ ᠰᠠᠯᠬᠢ ᠰᠢᠭᠤᠷᠭᠠᠨ ᠳᠤ ᠲᠡᠯᠡᠰᠦᠭᠳᠡᠬᠦ ᠨᠢ ᠪᠠᠭᠠ | ᠪᠠᠶᠢᠳᠠᠭ᠃ ᠵᠤᠨ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠪᠤᠰᠤᠭᠠ ᠪᠠᠷᠢᠪᠠᠯ ᠪᠤᠷᠤᠭᠠᠨ ᠬᠤᠷᠠ ᠳᠤ ᠭᠤᠭᠤᠵᠢᠬᠤ ᠦᠬᠡᠢ ᠃ | ᠭᠡᠷ ᠢ ᠠᠯᠢ ᠬᠢᠷᠢ ᠵᠠᠶᠢᠳᠠᠢ ᠪᠠᠷᠢᠬᠤ ᠪᠠᠨ ᠵᠢᠱᠢᠵᠦ ᠲᠤᠭᠳᠠᠭᠠᠭᠰᠠᠨ ᠤ ᠲᠠᠷᠠᠭᠠ᠂ ᠲᠤᠯᠭᠠ ᠲᠠᠯᠪᠢᠬᠤ ᠤᠷᠤᠨ ᠳᠤ | ᠮᠤᠳᠤ ᠪᠤᠰᠬᠠᠨ ᠪᠠᠷᠢᠵᠤ᠂ ᠲᠡᠬᠦᠨ ᠳᠡᠭᠡᠨ ᠲᠡᠭᠡᠰᠦ ᠶᠢ ᠭᠤᠭᠴᠤᠭᠠᠯᠠᠨ ᠤᠶᠠᠵᠤ᠂ ᠭᠤᠯᠤᠮᠳᠠ ᠬᠠᠨᠠ ᠶᠢᠨ ᠵᠠᠢ ᠶᠢᠨ | ᠬᠡᠮᠵᠢᠶᠡ ᠪᠠᠷ ᠲᠡᠭᠡᠰᠦᠨ ᠳᠡᠭᠡᠨ ᠭᠠᠳᠠᠰᠤ ᠤᠶᠠᠭᠠᠳ᠂ ᠲᠡᠬᠦᠪᠡᠷ ᠢᠶᠠᠨ ᠭᠤᠷᠳᠢᠭᠯᠠᠨ ᠵᠢᠷᠤᠵᠤ ᠤᠷᠤᠮ | ᠭᠠᠷᠭᠠᠭᠠᠳ ᠂ ᠡᠨᠡ ᠤᠷᠤᠮ ᠢᠶᠠᠨ ᠲᠠᠭᠠᠵᠤ ᠬᠠᠨᠠ ᠪᠠᠨ ᠪᠤᠰᠬᠠᠪᠠᠯ ᠮᠤᠩᠭᠤᠯ ᠭᠡᠷ ᠨᠢ ᠲᠦᠬᠦᠷᠢᠭ ᠰᠠᠶᠢᠬᠠᠨ | ᠪᠤᠯᠳᠠᠭ᠃ | ᠲᠠᠶᠢᠹᠤᠰᠧ ᠨᠤᠳᠤᠭ ᠤᠨ ᠭᠡᠷ ᠨᠢ ᠠᠰ ᠡᠮᠦᠨᠡ ᠵᠦᠭ ᠲᠤ ᠬᠠᠷᠠᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠵᠡᠬᠦᠨ ᠡᠮᠦᠨᠡᠰᠢ | ᠯᠤᠤ ᠵᠦᠭ ᠢ ᠬᠠᠷᠠᠭᠰᠠᠨ ᠪᠠᠶᠢᠳᠠᠭ᠃ ᠡᠬᠦᠨ ᠢᠶᠠᠨ ᠮᠦᠨ ᠡᠮᠦᠨᠡ ᠵᠦᠭ ᠪᠤᠶᠤ ᠨᠠᠷᠠᠨ ᠵᠦᠭ ᠭᠡᠨᠡ᠃ ᠡᠬᠦᠳᠡ | ᠪᠤᠰᠬᠠᠬᠤ ᠵᠦᠭ ᠢᠶᠠᠨ ᠲᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ᠂ ᠡᠬᠦᠳᠡ ᠪᠠᠨ ᠲᠡᠷᠡ ᠤᠷᠤᠨ ᠳᠤᠨᠢ ᠡᠮᠦᠨᠡᠰᠢ ᠬᠠᠨᠳᠤᠭᠤᠯᠤᠨ | ᠭᠡᠪᠳᠡᠬᠦᠯᠵᠦ ᠡᠬᠦᠳᠡᠨ ᠤ ᠵᠠᠢ ᠶᠢ ᠦᠯᠡᠳᠡᠭᠡᠭᠡᠳ᠂ ᠡᠬᠦᠳᠡᠨ ᠤ ᠪᠠᠷᠠᠭᠤᠨ ᠲᠠᠯᠠ ᠠᠴᠠ ᠡᠬᠢᠯᠡᠵᠦ ᠬᠠᠨᠠ ᠪᠠᠨ | ᠪᠤᠰᠬᠠᠨ᠂ ᠬᠠᠨᠠ ᠶᠢᠨ ᠠᠮᠠ ᠶᠢ ᠠᠮᠠᠳᠠᠭᠤᠯᠤᠨ ᠲᠤᠬᠢᠷᠠᠭᠤᠯᠵᠤ᠂ ᠲᠤᠯᠤᠭᠠᠢ ᠲᠠᠯᠠ ᠠᠴᠠ ᠡᠬᠢᠯᠡᠨ ᠪᠤᠭᠤᠨᠠ᠃ | ᠡᠨᠡ ᠮᠡᠳᠦ ᠪᠠᠷ ᠵᠦᠪ ᠲᠤᠭᠤᠷᠢᠭᠤᠯᠵᠤ ᠬᠠᠨᠠ ᠪᠠᠨ ᠪᠤᠭᠤᠭᠠᠳ᠂ ᠡᠬᠦᠳᠡᠨ ᠤ ᠵᠡᠬᠦᠨ ᠲᠠᠯᠠ ᠶᠢᠨ ᠬᠠᠨᠠ ᠶᠢ | ᠪᠤᠰᠬᠠᠭᠰᠠᠨ ᠤ ᠲᠠᠷᠠᠭᠠ ᠡᠬᠦᠳᠡ ᠪᠠᠨ ᠪᠤᠰᠬᠠᠨ ᠬᠤᠶᠠᠷ ᠲᠠᠯᠠ ᠶᠢᠨ ᠬᠠᠨᠠ ᠶᠢ ᠡᠬᠦᠳᠡ ᠲᠠᠢ ᠬᠤᠯᠪᠤᠵᠤ | ᠪᠤᠭᠤᠨᠠ᠃ ᠬᠠᠨᠠ ᠪᠠᠨ ᠪᠤᠰᠬᠠᠬᠤ ᠠᠴᠠ ᠡᠮᠦᠨᠡ ᠱᠠᠯᠠ ᠮᠤᠳᠤ ᠬᠢᠭᠡᠳ ᠲᠤᠭᠤᠨᠤ ᠶᠢ ᠭᠤᠯᠤᠮᠳᠠ ᠶᠢᠨ ᠤᠷᠤ | ᠳᠤ ᠤᠷᠤᠭᠤᠯᠵᠤ ᠲᠠᠯᠪᠢᠳᠠᠭ᠃ ᠬᠠᠨᠠ ᠪᠠᠨ ᠬᠦᠷᠢᠶᠡᠯᠡᠭᠰᠡᠨ ᠤ ᠲᠠᠷᠠᠭᠠ᠂ ᠲᠤᠳᠤᠭᠤ ᠶᠢᠨ ᠭᠤᠤᠯ ᠢ ᠬᠤᠶᠢᠳᠤ | ᠲᠠᠯᠠ ᠶᠢᠨ ᠬᠠᠨᠠ ᠶᠢᠨ ᠭᠤᠤᠯ ᠲᠠᠢ ᠡᠭᠴᠡᠯᠡᠬᠦᠯᠵᠦ᠂ ᠲᠤᠳᠤᠭᠤ ᠶᠢᠨ ᠦᠨᠳᠦᠷ ᠢ ᠬᠠᠨᠠ ᠶᠢᠨ ᠦᠨᠳᠦᠷ ᠲᠠᠢ | ᠲᠡᠩᠴᠡᠬᠦᠯᠦᠨ᠂ ᠲᠠᠯᠠ ᠲᠠᠯᠠ ᠠᠴᠠ ᠨᠢ ᠰᠢᠨᠵᠢᠵᠦ ᠪᠠᠶᠢᠭᠠᠳ ᠬᠠᠨᠠ ᠶᠢᠨ ᠲᠤᠯᠤᠭᠠᠢ ᠶᠢᠨ ᠦ ᠶᠢ ᠭᠠᠷᠭᠠᠵᠤ | ᠲᠡᠩ ᠰᠠᠴᠠᠭᠤ ᠪᠦᠬᠡᠳ ᠲᠦᠪ ᠲᠦᠬᠦᠷᠢᠭ ᠪᠤᠯᠭᠠᠨ ᠲᠡᠭᠰᠢᠯᠡᠭᠡᠳ᠂ ᠡᠬᠦᠳᠡᠨ ᠤ ᠪᠠᠷᠠᠭᠤᠨ ᠬᠠᠴᠠᠪᠴᠢ ᠶᠢᠨ ᠨᠦᠬᠡᠨ | ︵ᠪᠤᠶᠤ ᠭᠠᠷᠠᠬᠠ︶ ᠠᠴᠠ ᠬᠠᠨᠠ ᠶᠢᠨ ᠪᠦᠰᠡᠯᠡᠬᠦᠷ ︵ᠲᠤᠳᠤᠷ ᠪᠦᠰᠡᠯᠡᠬᠦᠷ︶ ᠢᠶᠠᠨ ᠵᠠᠩᠬᠢᠳᠴᠤ ᠠᠪᠤᠭᠠᠳ | ᠬᠠᠨᠠ ᠶᠢᠨ ᠴᠡᠭᠡᠵᠢ ᠪᠠᠷ ᠤᠷᠢᠶᠠᠯᠭᠠᠨ ᠠᠪᠠᠴᠢᠵᠤ᠂ ᠡᠬᠦᠳᠡᠨ ᠤ ᠵᠡᠬᠦᠨ ᠬᠠᠴᠠᠪᠴᠢ ᠶᠢᠨ ᠨᠦᠬᠡᠨ ᠳᠤ ᠰᠤᠯᠠᠬᠠᠨ | ᠵᠠᠩᠬᠢᠳᠤᠨᠠ᠃ ᠲᠠᠷᠠᠭᠠ ᠨᠢ ᠲᠤᠭᠤᠨᠤ ᠪᠠᠨ ᠪᠤᠰᠠᠬᠠᠨᠠ᠃ ᠲᠠᠶᠢᠹᠤᠰᠧ ᠨᠤᠳᠤᠭ ᠲᠤ ᠭᠤᠤᠯᠳᠠᠭᠤ ᠬᠡᠯᠬᠢᠶᠡ | ᠲᠤᠭᠤᠨᠤ ᠪᠠ ᠬᠠᠳᠬᠤᠭᠤᠷ ᠲᠤᠭᠤᠨᠤ ᠶᠢ ᠭᠡᠷᠡᠭᠯᠡᠵᠦ ᠪᠠᠶᠢᠪᠠ᠃ ᠬᠡᠯᠬᠢᠶᠡ ᠲᠤᠭᠤᠨᠤ ᠶᠢ ᠪᠤᠰᠬᠠᠬᠤ ᠳᠤ᠂ ᠤᠨᠢ ᠶᠢ | ᠪᠠᠭᠯᠠᠵᠤ ᠲᠡᠭᠡᠭᠰᠢ ᠡᠷᠬᠦᠭᠡᠳ᠂ ᠲᠦᠷᠪᠡᠨ ᠲᠠᠯᠠ ᠶᠢ ᠭᠤᠤᠯᠯᠠᠭᠰᠠᠨ ᠲᠦᠷᠪᠡᠨ ᠤᠨᠢ ᠶᠢᠨ ᠭᠤᠷᠪᠠ ᠶᠢ ᠨᠢ | ᠰᠡᠭᠡᠯᠳᠦᠷᠭᠡ ᠪᠠᠷ ᠪᠠᠷᠠᠭᠤᠨ᠂ ᠬᠤᠶᠢᠨᠠ᠂ ᠵᠡᠬᠦᠨ ᠬᠠᠨᠠ ᠶᠢᠨ ᠲᠤᠯᠤᠭᠠᠢ ᠶᠢᠨ ᠲᠤᠮᠳᠠ᠂ ᠡᠮᠦᠨᠡ ᠲᠠᠯᠠ ᠶᠢᠨ ᠬᠢᠨᠢ | ᠲᠤᠳᠤᠭᠤ ᠶᠢᠨ ᠬᠤᠨᠳᠤᠭ ᠲᠤ ᠡᠯᠬᠦᠭᠡᠳ᠂ ᠲᠤᠭᠤᠨᠤ ᠶᠢᠨ ᠬᠡᠴᠡ ᠶᠢ ᠡᠬᠦᠳᠡᠨ ᠤ ᠭᠤᠤᠯ ᠲᠠᠢ ᠰᠠᠶᠢᠳᠤᠷ | ᠡᠭᠴᠡᠯᠡᠵᠦ ᠲᠠᠭᠠᠷᠠᠭᠤᠯᠤᠭᠠᠳ ᠪᠤᠰᠤᠳ ᠤᠨᠢ ᠨᠤᠭᠤᠳ ᠢ ᠡᠯᠬᠦᠨᠡ᠃ ᠤᠨᠢ ᠶᠢ ᠬᠠᠨᠠ ᠶᠢᠨ ᠲᠤᠳᠤᠷᠠ ᠲᠠᠯᠠ | ᠶᠢᠨ ᠲᠤᠯᠤᠭᠠᠢ ᠳᠤ ᠡᠯᠬᠦᠪᠡᠯ᠂ ᠬᠠᠨᠠ ᠶᠢᠨ ᠦᠳᠡᠭᠡᠷᠢ ᠰᠤᠨᠤᠵᠤ ᠲᠠᠰᠤᠷᠠᠬᠤ ᠦᠬᠡᠢ ᠪᠦᠬᠡᠳ ᠰᠠᠭᠤᠳᠠᠯ ᠰᠠᠶᠢᠳᠠᠢ | ᠪᠤᠯᠳᠠᠭ᠃ ᠬᠠᠳᠬᠤᠭᠤᠷ ᠲᠤᠭᠤᠨᠤ ᠶᠢ ᠪᠤᠯ ᠲᠡᠭᠡᠭᠰᠢ ᠡᠷᠬᠦᠵᠦ ᠪᠠᠶᠢᠭᠠᠳ᠂ ᠲᠦᠷᠪᠡᠨ ᠲᠠᠯᠠ ᠠᠴᠠ ᠨᠢ ᠲᠦᠷᠪᠡᠨ | ᠤᠨᠢ ᠬᠠᠳᠬᠤᠵᠤ ᠪᠠᠶᠢᠭᠠᠳ ᠮᠦᠨ ᠲᠡᠭᠡᠷᠡᠬᠢ ᠶᠤᠰᠤ ᠪᠠᠷ ᠪᠤᠰᠠᠬᠠᠨᠠ ᠃ ᠰᠢᠨᠵᠢᠵᠦ ᠦᠵᠡᠭᠡᠳ ᠦ ᠦᠬᠡᠢ | ᠪᠠᠶᠢᠪᠠᠯ᠂ ᠬᠠᠨᠠ ᠶᠢᠨ ᠪᠦᠰᠡᠯᠡᠬᠦᠷ ᠢᠶᠠᠨ ᠴᠢᠩᠭᠠᠯᠠᠵᠤ᠂ ᠲᠤᠳᠤᠷᠠ ᠲᠠᠯᠠ ᠶᠢᠨ ᠲᠦᠷᠪᠡᠨ ᠲᠠᠷᠤᠭᠤᠯᠭᠠ ᠶᠢ | ᠲᠠᠳᠠᠵᠤ ᠲᠠᠷᠤᠭᠠᠳ ᠭᠡᠷ ᠢᠶᠠᠨ ᠪᠦᠷᠢᠨᠡ᠃ ᠤᠷᠢᠳᠠᠪᠠᠷ ᠲᠤᠭᠤᠷᠭᠠ ᠶᠢ ᠡᠬᠦᠳᠡᠨ ᠤ ᠬᠤᠶᠠᠷ ᠲᠠᠯᠠ ᠠᠴᠠ | ᠡᠬᠢᠯᠡᠨ ᠨᠦᠮᠦᠷᠭᠡᠵᠦ᠂ ᠬᠠᠮᠤᠭ ᠰᠡᠬᠦᠯ ᠳᠤᠨᠢ ᠪᠠᠷᠠᠭᠤᠨ ᠬᠤᠶᠢᠳᠤ ᠲᠠᠯᠠ ᠶᠢᠨ ᠲᠤᠭᠤᠷᠭᠠ ᠶᠢ ᠨᠦᠮᠦᠷᠭᠡᠨᠡ᠃ | ᠢᠩᠬᠢᠪᠡᠯ ᠲᠤᠭᠤᠷᠭᠠ ᠶᠢᠨ ᠠᠮᠠ ᠨᠢ ᠰᠠᠯᠬᠢᠨ ᠤᠷᠤᠭᠤ ᠲᠠᠯᠠ ᠵᠦᠭ ᠲᠡᠭᠡᠨ ᠲᠠᠷᠤᠭᠳᠠᠵᠤ ᠰᠠᠯᠬᠢ ᠰᠡᠶᠢᠬᠡᠬᠦ | ᠦᠬᠡᠢ ᠪᠤᠯᠤᠨᠠ᠃ ᠲᠤᠭᠤᠷᠭᠠ ᠪᠠᠨ ᠨᠦᠮᠦᠷᠭᠡᠭᠡᠳ ᠲᠤᠭᠤᠷᠭᠠ ᠶᠢᠨ ᠭᠤᠳᠤᠷᠤᠤᠯ ᠨᠤᠭᠤᠳ ᠢ ᠰᠤᠯᠪᠢᠴᠢᠨ | ᠤᠶᠠᠵᠤ᠂ ᠰᠡᠶ᠋ᠢᠭ ᠨᠦᠭᠦᠳ ᠢ ᠬᠠᠨᠠ ᠶᠢᠨ ᠰᠢᠬᠢᠷᠠ ᠠᠴᠠ ᠪᠠᠬᠢᠯᠡᠵᠦ ᠤᠶᠠᠨᠠ᠃ ᠲᠤᠭᠤᠷᠭᠠ ᠶᠢ ᠡᠪᠦᠯ ᠴᠠᠭ ᠪᠤᠯ | ᠭᠠᠵᠠᠷ ᠰᠢᠬᠦᠷᠡᠬᠦᠯᠦᠨ ᠪᠦᠷᠢᠵᠦ ᠰᠠᠯᠬᠢ ᠵᠢᠪᠠᠷ ᠢ ᠬᠠᠯᠬᠠᠯᠠᠨ᠂ ᠵᠤᠨ ᠤ ᠴᠠᠭ ᠲᠤ ᠪᠤᠯ ᠭᠠᠵᠠᠷ ᠠᠴᠠ ᠵᠠᠶᠢᠳᠠᠢ | ᠲᠡᠭᠡᠷᠡ ᠰᠢᠭ ᠨᠦᠮᠦᠷᠭᠡᠳᠡᠭ᠃ ᠲᠤᠭᠤᠷᠭᠠ ᠶᠢ ᠨᠦᠮᠦᠷᠭᠡᠬᠦ ᠲᠠᠢ ᠪᠠᠨ ᠵᠡᠷᠭᠡ ᠲᠡᠭᠡᠳᠦ ᠲᠠᠯᠠ ᠶᠢᠨ ᠪᠦᠰᠡᠯᠡᠬᠦᠷ ᠢ | ᠮᠦᠨ ᠬᠦ᠋ ᠡᠬᠦᠳᠡᠨ ᠤ ᠪᠠᠷᠠᠭᠤᠨ ᠲᠠᠯᠠ ᠠᠴᠠ ᠤᠷᠢᠶᠠᠨ ᠲᠠᠳᠠᠵᠤ ᠲᠤᠭᠤᠷᠭᠠ ᠪᠠᠨ ᠲᠤᠭᠳᠠᠭᠠᠨᠠ᠃ ᠲᠤᠭᠤᠷᠭᠠ | ᠶᠢᠨ ᠬᠡᠮ ᠰᠠᠶᠢᠬᠠᠨ ᠵᠤᠬᠢᠴᠠᠪᠠᠯ ᠲᠤᠮᠳᠠ ᠲᠤᠤᠷᠠᠳᠤ ᠪᠦᠰᠡᠯᠡᠬᠦᠷ ᠢ ᠪᠠᠰᠠ ᠲᠠᠳᠠᠨᠠ᠃ ᠲᠡᠭᠡᠭᠰᠡᠨ ᠤ ᠲᠠᠷᠠᠭᠠ ᠨᠢ | ᠭᠡᠷ ᠢᠶᠠᠨ ᠲᠡᠭᠡᠪᠦᠷᠯᠡᠨᠡ᠃ ᠤᠷᠢᠳᠠᠪᠠᠷ ᠡᠮᠦᠨᠡ ᠲᠠᠯᠠ ᠶᠢᠨ ᠲᠡᠭᠡᠪᠦᠷ ᠢ ᠨᠦᠮᠦᠷᠭᠡᠵᠦ᠂ ᠬᠤᠶᠢᠳᠤ ᠲᠠᠯᠠ ᠶᠢᠨ | ᠲᠡᠭᠡᠪᠦᠷ ᠢ ᠡᠮᠦᠨᠡ ᠲᠠᠯᠠ ᠶᠢᠨ ᠲᠡᠭᠡᠪᠦᠷ ᠤᠨ ᠠᠮᠠ ᠶᠢ ᠲᠠᠷᠤᠭᠤᠯᠵᠤ ᠨᠦᠮᠦᠷᠭᠡᠨᠡ᠃ ᠲᠡᠭᠡᠪᠦᠷ ᠲᠠᠯᠪᠢᠬᠤ ᠳᠠᠭᠠᠨ | ᠲᠡᠭᠡᠪᠦᠷ ᠤᠨ ᠬᠤᠭᠤᠯᠠᠢ ᠶᠢ ᠲᠤᠭᠤᠨᠤ ᠶᠢᠨ ᠢᠷᠮᠡᠭ ᠲᠠᠢ ᠶᠠᠪ ᠴᠠᠪ ᠲᠠᠭᠠᠷᠠᠭᠤᠯᠵᠤ᠂ ᠲᠡᠭᠡᠭᠰᠢ ᠪᠠᠨ ᠲᠤᠭᠤᠨᠤ ᠶᠢ | ᠦᠩᠬᠡᠶᠢᠯᠬᠡᠬᠦ ᠦᠬᠡᠢ ᠪᠦᠬᠡᠳ ᠲᠤᠷᠤᠭᠰᠢ ᠰᠢᠪᠳᠤᠷᠴᠤ ᠲᠤᠭᠤᠨᠤ ᠶᠢᠨ ᠬᠤᠷᠤᠭᠤ ᠢᠯᠡ ᠭᠠᠷᠬᠤ ᠦᠬᠡᠢ ᠪᠠᠶᠢᠬᠤ | ᠶᠢ ᠬᠢᠴᠢᠶᠡᠨᠡ᠃ ᠡᠪᠦᠯ ᠴᠠᠭ ᠲᠤ ᠲᠠᠪᠬᠤᠷ ᠪᠦᠷᠢᠶᠡᠰᠦ ᠲᠠᠢ ᠪᠠᠶᠢᠳᠠᠭ ᠪᠦᠭᠡᠳ ᠲᠡᠭᠡᠪᠦᠷ ᠤᠨ ᠵᠠᠪᠰᠠᠷ ᠪᠠᠰᠠ | ᠴᠠᠪᠤᠭ ᠬᠠᠪᠴᠢᠭᠤᠯᠵᠤ ᠲᠤᠯᠠᠭᠠᠯᠠᠳᠠᠭ ᠲᠤᠯᠠ ᠲᠤᠳᠤᠷᠠ ᠲᠡᠭᠡᠪᠦᠷ ᠢ ᠲᠤᠭᠤᠷᠭᠠ ᠠᠴᠠ ᠤᠷᠢᠳ ᠨᠦᠮᠦᠷᠭᠡᠳᠡᠭ | ᠪᠠᠶᠢᠨᠠ᠃ ᠲᠡᠭᠡᠪᠦᠷ ᠢᠶᠠᠨ ᠲᠠᠯᠪᠢᠵᠤ ᠪᠠᠷᠠᠪᠠᠯ ᠲᠤᠳᠤᠭᠤᠪᠴᠢ ᠪᠠᠨ ᠬᠠᠪᠴᠢᠭᠤᠯᠤᠭᠠᠳ ᠤᠭᠤᠰᠤᠷ ᠪᠦᠴᠡ ᠪᠠᠨ | ᠴᠢᠩᠭᠠᠯᠠᠨᠠ᠃ ᠲᠤᠭᠤᠷᠭᠠᠨ ᠤ ᠭᠤᠷᠪᠠᠨ ᠪᠦᠰᠡᠯᠡᠬᠦᠷ ᠢᠶᠠᠨ ᠴᠢᠩᠭᠠᠯᠠᠵᠤ᠂ ᠲᠡᠬᠡᠪᠦᠷ ᠤᠨ ᠤᠭᠤᠰᠤᠷ ᠢ ᠲᠠᠷᠤᠨᠠ᠃ | ᠬᠤᠶᠢᠳᠤ ᠲᠡᠭᠡᠪᠦᠷ ᠤᠨ ᠬᠦᠯ ᠤᠨ ᠬᠤᠶᠠᠷ ᠲᠠᠷᠤᠭᠤᠯᠭᠠ ᠶᠢ ᠰᠢᠭᠤᠳ ᠵᠢᠰᠢᠬᠦᠦ ᠲᠠᠳᠠᠵᠤ᠂ ᠬᠠᠨᠠ ᠶᠢᠨ | ᠰᠢᠬᠢᠷᠡ ᠠᠴᠠ ᠪᠠᠬᠢᠯᠡᠭᠡᠳ᠂ ᠬᠤᠭᠤᠯᠠᠢ ᠶᠢᠨ ᠨᠢᠬᠡ ᠤᠭᠤᠰᠤᠷ᠂ ᠰᠤᠮᠤ ᠶᠢᠨ ᠬᠤᠶᠠᠷ ᠤᠭᠤᠰᠤᠷ ᠢ ᠵᠡᠬᠦᠨ ᠲᠠᠯᠠ | ᠶᠢᠨ ᠬᠢ ᠶᠢ ᠪᠠᠷᠠᠭᠤᠨ ᠡᠮᠦᠨᠡᠰᠢ᠂ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠬᠢ ᠶᠢ ᠵᠡᠬᠦᠨ ᠡᠮᠦᠨᠡᠰᠢ ᠵᠦᠷᠢᠬᠦᠯᠡᠨ ᠲᠠᠳᠠᠵᠤ ᠬᠠᠨᠠ | ᠶᠢᠨ ᠰᠢᠬᠢᠷᠡ ᠳᠤ ᠤᠶᠠᠭᠠᠳ᠂ ᠦᠵᠦᠬᠦᠷ ᠢ ᠨᠢ ᠲᠡᠭᠡᠭᠰᠢ ᠠᠪᠴᠢᠷᠠᠵᠤ ᠲᠤᠤᠷᠠᠳᠤ ᠪᠦᠰᠡᠯᠡᠬᠦᠷ ᠲᠤ ᠵᠠᠩᠬᠢᠳᠤᠨᠠ᠃ | ᠢᠩᠬᠢᠬᠦ ᠳᠤ ᠲᠤᠭᠤᠨᠤ ᠲᠤᠳᠤᠭᠤ ᠶᠢᠨ ᠲᠤᠮᠳᠠ ᠦᠯᠵᠡᠢ ᠵᠠᠩᠬᠢᠶᠠ ᠬᠡᠯᠪᠡᠷᠢ ᠭᠠᠷᠳᠠᠭ ᠪᠠᠶᠢᠨᠠ᠃ ᠠᠷᠤ ᠶᠢᠨ | ᠲᠠᠷᠤᠭᠤᠯᠭᠠ ᠴᠤ ᠮᠦᠨ ᠡᠨᠡ ᠠᠳᠠᠯᠢ ᠲᠠᠷᠤᠭᠳᠠᠨᠠ᠃ ᠬᠠᠮᠤᠭ ᠰᠡᠬᠦᠯ ᠳᠤᠨᠢ ᠡᠷᠦᠬᠡ ᠪᠠᠨ ᠲᠠᠯᠪᠢᠨᠠ᠃ ᠡᠷᠦᠬᠡ | ᠪᠤᠯ ᠲᠤᠭᠤᠨᠤ ᠶᠢ ᠪᠦᠳᠡᠭᠡᠬᠦ ᠠᠮᠠ ᠲᠦᠷᠪᠡᠯᠵᠢᠨ ᠢᠰᠡᠭᠡᠢ ᠶᠤᠮ᠃ ᠡᠷᠦᠬᠡ ᠶᠢᠨ ᠲᠦᠷᠪᠡᠨ ᠲᠠᠯᠠ ᠶᠢ ᠬᠢᠯᠭᠠᠰᠤᠨ | ᠲᠡᠭᠡᠰᠦ ᠪᠠᠷ ᠵᠡᠭᠡᠭᠯᠡᠵᠦ ᠬᠤᠮᠤᠶᠢᠯᠭᠠᠨ ᠤᠶᠤᠭᠰᠠᠨ ᠪᠠᠶᠢᠳᠠᠭ ᠲᠤᠯᠠ ᠪᠦᠳᠡᠭᠡᠬᠦ ᠳᠤ ᠬᠦᠮᠦᠷᠭᠡᠨ ᠪᠤᠯᠤᠨᠠ᠃ | ᠡᠷᠦᠬᠡ ᠶᠢ ᠭᠡᠷ ᠤᠨ ᠮᠠᠩᠯᠠᠢ ᠬᠡᠮᠡᠨ ᠶᠡᠬᠡᠳᠡ ᠬᠦᠨᠳᠦᠳᠭᠡᠵᠦ᠂ ᠪᠠᠭᠤᠯᠭᠠᠬᠤ ᠳᠠᠭᠠᠨ ᠬᠦᠮᠦᠨ ᠤ ᠬᠦᠯ ᠠᠴᠠ ᠵᠠᠶᠢᠰ | ᠲᠠᠯᠪᠢᠵᠤ᠂ ᠨᠡᠬᠦᠬᠦ ᠳᠡᠭᠡᠨ ᠬᠤᠰᠢᠭᠤᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠡᠪᠭᠡᠭᠡᠳ᠂ ᠲᠦᠷᠦᠬᠦᠦ ᠲᠡᠷᠭᠡᠨ ᠤ ᠪᠠᠨ ᠲᠡᠭᠡᠷᠡ ᠲᠠᠯᠠ | ᠳᠤ ᠲᠡᠭᠡᠭᠡᠵᠦ ᠶᠠᠪᠤᠨᠠ᠃ ᠲᠡᠭᠡᠬᠦᠷ ᠨᠢ ᠠᠯᠬᠤᠵᠤ ᠬᠢᠰᠬᠢᠳᠡᠭ ᠦᠬᠡᠢ᠃ ᠡᠷᠦᠬᠡ ᠶᠢ ᠲᠠᠯᠪᠢᠬᠤ ᠳᠠᠭᠠᠨ ᠡᠷᠦᠬᠡ | ᠶᠢᠨ ᠨᠤᠭᠤᠯᠤᠭᠠᠰᠤ ᠶᠢ ᠲᠤᠭᠤᠨᠤ ᠶᠢᠨ ᠭᠡᠴᠡ ᠲᠠᠢ ᠵᠡᠷᠭᠡᠴᠡᠬᠦᠯᠵᠦ᠂ ᠲᠦᠷᠪᠡᠨ ᠦᠨᠴᠦᠭ ᠢ ᠨᠢ ᠲᠦᠷᠪᠡᠨ ᠵᠦᠭ | ᠲᠤ ᠠᠰᠯᠠᠭᠤᠯᠤᠨ᠂ ᠵᠡᠬᠦᠨ᠂ ᠪᠠᠷᠠᠭᠤᠨ᠂ ᠬᠤᠶᠢᠨᠠᠬᠢ ᠭᠤᠷᠪᠠᠨ ᠦᠨᠴᠦᠭ ᠤᠨ ᠤᠭᠤᠰᠤᠷ ᠢ ᠮᠦᠨ ᠲᠡᠷᠡ ᠴᠢᠭ | ᠲᠤᠨᠢ ᠲᠠᠳᠠᠵᠤ᠂ ᠪᠦᠰᠡᠯᠡᠬᠦᠷ ᠲᠤ ᠰᠤᠯᠪᠢᠴᠠᠭᠤᠯᠤᠨ ᠬᠠᠪᠴᠢᠭᠤᠯᠤᠭᠠᠳ᠂ ᠬᠠᠨᠠ ᠶᠢᠨ ᠰᠢᠬᠢᠷᠡ ᠠᠴᠠ ᠪᠠᠬᠢᠯᠡᠨ | ᠤᠶᠠᠭᠰᠠᠨ ᠤ ᠲᠠᠷᠠᠭᠠ ᠦᠵᠦᠬᠦᠷ ᠢ ᠨᠢ ᠪᠤᠴᠠᠭᠠᠨ ᠠᠪᠴᠢᠷᠠᠵᠤ᠂ ᠲᠤᠮᠳᠠ ᠪᠦᠰᠡᠯᠡᠬᠦᠷ ᠲᠤ ᠡᠷᠪᠡᠬᠡᠢ ᠬᠡᠯᠪᠡᠷᠢ | ᠭᠠᠷᠭᠠᠨ ᠵᠠᠩᠬᠢᠳᠤᠨᠠ᠃ ᠡᠮᠦᠨᠡ ᠲᠠᠯᠠ ᠶᠢᠨ ᠤᠭᠤᠰᠤᠷ ᠢ ᠡᠷᠦᠬᠡ ᠰᠡᠬᠦᠭᠡᠰᠦᠳᠡᠢ ᠦᠶᠡᠰ ᠬᠤᠶᠢᠰᠢ ᠲᠠᠳᠠᠵᠤ᠂ | ᠲᠤᠮᠳᠠ ᠪᠦᠰᠡᠯᠡᠬᠦᠷ ᠠᠴᠠ ᠬᠦᠪᠦᠷᠭᠡᠢ ᠵᠠᠩᠬᠢᠳᠴᠤ ᠲᠠᠯᠪᠢᠬᠤ ᠪᠠ ᠡᠷᠦᠬᠡ ᠪᠦᠳᠡᠭᠡᠬᠦ ᠦᠶᠡ ᠳᠤ ᠡᠬᠦᠳᠡᠨ ᠤ ᠵᠡᠬᠦᠨ | ᠲᠠᠯᠠ ᠳᠤ ᠲᠤᠮᠳᠠ ᠪᠦᠰᠡᠯᠡᠬᠦᠷ ᠠᠴᠠ ᠬᠦᠪᠦᠷᠭᠡᠢ ᠵᠠᠩᠬᠢᠳᠤᠨᠠ᠃ ᠡᠷᠦᠬᠡ ᠲᠠᠳᠠᠬᠤ ᠪᠠ ᠪᠦᠳᠡᠬᠡᠬᠦ ᠳᠤ ᠨᠠᠷᠠᠨ ᠵᠦᠭ | ᠢᠶᠠᠷ ᠶᠠᠭ ᠨᠢᠬᠡ ᠪᠦᠳᠦᠨ ᠡᠷᠬᠢᠬᠦᠯᠵᠦ ᠲᠠᠳᠠᠨᠠ᠃ ᠭᠡᠷ ᠢᠶᠠᠨ ᠪᠠᠷᠢᠵᠤ ᠪᠠᠷᠠᠪᠠᠯ ᠲᠤᠯᠭᠠ ᠪᠠᠨ ᠲᠤᠯᠤᠨᠠ᠃ | ᠴᠢᠬᠳᠠᠭᠠ ᠶᠢ ᠲᠤᠷᠤᠭᠰᠢ ᠡᠭᠴᠡ ᠤᠨᠵᠢᠭᠤᠯᠤᠨ᠂ ᠲᠤᠭᠤᠨᠤ ᠶᠢᠨ ᠭᠤᠤᠯ ᠴᠡᠭ ᠢᠶᠠᠷ ᠭᠤᠯᠤᠮᠳᠠ ᠶᠢᠨ ᠴᠡᠭ ᠢ | ᠲᠤᠭᠳᠠᠭᠠᠵᠤ ᠪᠤᠯᠳᠠᠭ᠃ ᠲᠠᠶᠢᠹᠤᠰᠧᠴᠤᠳ ᠤᠨ ᠤᠯᠠᠩᠬᠢ ᠨᠢ ᠲᠦᠷᠪᠡᠨ ᠬᠦᠯ ᠲᠦᠷᠪᠡᠨ ᠬᠠᠰᠠᠭ ᠲᠠᠢ ᠰᠢᠷᠡᠮᠦᠨ | ᠲᠤᠯᠭᠠ ᠭᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠲᠤᠯᠭᠠ ᠶᠢᠨ ᠲᠦᠷᠪᠡᠨ ᠬᠦᠯ ᠨᠢ ᠪᠠᠷᠠᠭᠤᠨ ᠡᠮᠦᠨᠡ᠂ ᠪᠠᠷᠠᠭᠤᠨ | ᠬᠤᠶᠢᠨᠠ᠂ ᠵᠡᠬᠦᠨ ᠬᠤᠶᠢᠨᠠ᠂ ᠵᠡᠬᠦᠨ ᠡᠮᠦᠨᠡ ᠵᠦᠭ ᠲᠤ ᠬᠠᠨᠳᠤᠵᠤ᠂ ᠤᠴᠤᠭ ᠢ ᠡᠷᠭᠡᠪᠰᠢ ᠲᠡᠭᠰᠢ ᠪᠠᠶᠢᠯᠭᠠᠨᠠ᠃ | ᠲᠤᠯᠭᠠ ᠬᠠᠵᠠᠶᠢᠪᠠᠯ ᠭᠤᠯᠤᠮᠳᠠ ᠬᠠᠵᠠᠶᠢᠭᠰᠠᠨ ᠶᠠᠪᠤᠳᠠᠯ ᠬᠡᠮᠡᠨ ᠬᠠᠵᠠᠶᠢᠬᠤ ᠶᠢ ᠴᠡᠭᠡᠷᠯᠡᠨᠡ ᠂ ᠢᠯᠠᠩᠭᠤᠶᠠ | ᠡᠬᠦᠳᠡᠨ ᠵᠦᠭ ᠬᠠᠵᠠᠶᠢᠬᠤ ᠶᠢ ᠤᠨᠴᠠ ᠴᠡᠭᠡᠷᠯᠡᠨᠡ ᠃ ᠲᠤᠯᠭᠠ ᠪᠠᠨ ᠲᠠᠯᠪᠢᠪᠠᠯ ᠲᠤᠯᠭᠠ ᠶᠢᠨ ᠬᠦᠷᠢᠶᠡ ᠶᠢ | ᠰᠠᠭᠤᠯᠭᠠᠭᠠᠳ ᠲᠡᠪᠢᠰᠭᠡᠷ ᠰᠢᠷᠢᠳᠡᠭ ᠢᠶᠠᠨ ᠲᠡᠪᠢᠰᠦᠨᠡ᠃ ᠡᠪᠤᠯ ᠤᠨ ᠴᠠᠭ ᠲᠤ ᠭᠡᠷ ᠲᠤᠳᠤᠷᠠ ᠪᠠᠰᠠ ᠲᠠᠯᠲᠠ | ᠬᠠᠩᠵᠤ ᠪᠠᠷᠢᠵᠤ ᠲᠤᠯᠠᠭᠠᠯᠠᠵᠤ ᠪᠤᠯᠳᠠᠭ᠃ ᠰᠢᠷᠢᠳᠡᠭ ᠢ ᠮᠦᠨ ᠬᠦ᠋ ᠡᠬᠦᠳᠡ ᠠᠳᠠᠯᠢ ᠭᠤᠶᠤ ᠰᠠᠶᠢᠬᠠᠨ ᠬᠡ | ᠭᠠᠷᠭᠠᠵᠤ ᠰᠢᠷᠢᠵᠦ ᠬᠢᠨᠡ᠃ ᠲᠤᠮᠤ ᠭᠡᠷ ᠲᠤ ᠨᠠᠢᠮᠠᠨ ᠰᠢᠷᠳᠡᠭ ᠲᠡᠪᠢᠰᠳᠡᠭ᠃ ᠡᠨᠡ ᠨᠢ ᠲᠦᠷᠪᠡᠨ ᠲᠦᠷᠪᠡᠯᠵᠢᠨ᠂ | ᠲᠦᠷᠪᠡᠨ ᠬᠤᠰᠢᠭᠤᠯᠵᠢᠨ ᠰᠢᠷᠢᠳᠡᠭ ᠪᠤᠯᠤᠨᠠ᠃ ᠤᠷᠢᠳᠠᠪᠠᠷ ᠭᠤᠤᠯ ᠤᠨ ᠰᠢᠷᠢᠳᠡᠭ ᠢᠶᠠᠨ ᠲᠡᠪᠢᠰᠴᠦ᠂ ᠲᠠᠷᠠᠭᠠ | ᠨᠢ ᠵᠡᠬᠦᠨ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠬᠢᠭᠡᠳ ᠱᠠᠯᠠ ᠶᠢᠨ ᠰᠢᠷᠢᠳᠡᠭ ᠢᠶᠠᠨ ᠲᠡᠪᠢᠰᠦᠭᠡᠳ᠂ ᠲᠡᠳᠡᠭᠡᠷ ᠤᠨ ᠵᠠᠪᠰᠠᠷ ᠲᠤ | ᠬᠤᠰᠢᠭᠤᠯᠵᠢᠨ ᠰᠢᠷᠢᠳᠡᠭ ᠢᠶᠠᠨ ᠰᠢᠭᠰᠢᠭᠯᠡᠵᠦ ᠲᠡᠪᠢᠰᠦᠨᠡ᠃ ᠱᠠᠯᠠ ᠶᠢᠨ ᠮᠤᠳᠤ ᠲᠠᠢ ᠭᠡᠷ ᠲᠤ ᠱᠠᠯᠠ ᠶᠢᠨ | ᠰᠢᠷᠢᠳᠡᠭ ᠲᠡᠪᠢᠰᠬᠦ ᠦᠬᠡᠢ᠃ ᠪᠠᠭᠠ ᠭᠡᠷ ᠲᠤ ᠪᠤᠯ ᠲᠤᠭᠤᠷᠢᠭᠤᠯᠭᠠ ᠭᠡᠮᠡᠬᠦ ᠲᠦᠷᠪᠡᠨ ᠰᠢᠷᠢᠳᠡᠭ ᠲᠡᠪᠢᠰᠦᠨᠡ᠃ | ᠲᠤᠭᠤᠷᠢᠭᠤᠯᠭᠠ ᠪᠤᠯ ᠲᠤᠭᠤᠷᠢᠭ ᠢ ᠲᠦᠷᠪᠡ ᠬᠤᠪᠢᠶᠠᠵᠤ ᠭᠤᠯᠤᠮᠳᠠ ᠶᠢᠨ ᠭᠡᠰᠡᠭ ᠢ ᠡᠰᠬᠡᠵᠦ ᠠᠪᠤᠭᠰᠠᠨ ᠮᠠᠶ᠋ᠢᠭ | ᠤᠨ ᠲᠡᠪᠢᠰᠭᠡᠷ ᠶᠤᠮ᠃ ᠲᠦᠷᠪᠡᠨ ᠲᠠᠯᠠ ᠳᠤ ᠲᠤᠰ ᠪᠦᠷᠢ ᠨᠢᠬᠡ ᠶᠢ ᠲᠡᠪᠢᠰᠬᠦ ᠳᠤ ᠠᠮᠠ ᠨᠢ ᠶᠠᠭ ᠲᠦᠷᠪᠡᠨ | ᠦᠨᠴᠦᠭ ᠲᠡᠭᠡᠨ ᠨᠡᠶᠢᠯᠡᠨᠡ᠃ ᠱᠠᠯᠠ ᠲᠠᠢ ᠭᠡᠷ ᠲᠤ ᠡᠬᠦᠳᠡᠨ ᠲᠠᠯᠠ ᠶᠢᠨ ᠲᠡᠪᠢᠰᠭᠡᠷ ᠲᠡᠪᠢᠰᠬᠦ ᠦᠬᠡᠢ᠃ | ᠰᠢᠷᠢᠳᠡᠭ ᠢ ᠡᠷᠭᠡᠪᠰᠢ ᠵᠦᠪ ᠲᠠᠯᠠ ᠪᠠᠷ ᠨᠢ ᠲᠡᠪᠢᠰᠦᠨᠡ᠃ ᠴᠢᠨᠡᠭᠡᠯᠢᠭ ᠠᠶᠢᠯ ᠪᠤᠯ ᠰᠢᠷᠢᠳᠡᠭ ᠲᠡᠭᠡᠷᠡ ᠪᠠᠨ | ᠤᠯᠪᠤᠭ ᠪᠤᠶᠤ ᠭᠡᠪᠢᠰ ᠵᠤᠵᠠᠭᠠᠯᠠᠵᠤ ᠭᠤᠶᠤᠯᠠᠭᠰᠠᠨ ᠪᠠᠶᠢᠳᠠᠭ᠃ ᠰᠡᠬᠦᠯᠳᠡᠵᠦ ᠢᠷᠡᠭᠡᠳ ᠠᠵᠤ ᠠᠮᠢᠳᠤᠷᠠᠯ ᠤᠨ | ᠰᠢᠯᠳᠠᠭᠠᠨ ᠠᠴᠠ ᠪᠤᠯᠤᠭᠠᠳ᠂ ᠰᠢᠷᠢᠳᠡᠭ ᠤᠨ ᠤᠷᠤᠨ ᠳᠤ ᠢᠰᠡᠭᠡᠢ ᠲᠡᠪᠢᠰᠬᠦ ᠪᠤᠯᠤᠭᠰᠠᠨ ᠪᠠ ᠶᠠᠳᠠᠭᠤ ᠠᠶᠢᠯ ᠨᠢ | ᠰᠢᠷᠠ ᠢᠰᠡᠭᠡᠢ᠂ ᠲᠤᠷᠤᠰᠬᠠ ᠲᠡᠪᠢᠰᠦᠭᠰᠡᠨ ᠴᠤ ᠪᠠᠶᠢᠵᠤ᠂ ᠡᠰᠡᠬᠦᠯᠡ ᠱᠠᠯᠠ ᠶᠢ ᠪᠦᠷ ᠲᠡᠪᠢᠰᠭᠡᠷᠯᠡᠬᠦ ᠦᠬᠡᠢ | ᠬᠠᠯᠴᠠᠭᠠᠢ ᠤᠷᠬᠢᠳᠠᠭ ᠪᠤᠯᠵᠠᠢ᠃ ᠭᠡᠷ ᠲᠤ ᠬᠤᠶᠢᠮᠤᠷ ᠠᠴᠠ ᠪᠠᠷᠠᠭᠤᠨ ᠲᠠᠯᠠ ᠲᠡᠰᠢ ᠡᠷᠡᠭᠳᠡᠢ ᠬᠦᠮᠦᠨ ᠤ ᠭᠡᠷᠡᠭᠰᠡᠯ | ᠂ ᠵᠡᠬᠦᠨ ᠲᠠᠯᠠ ᠲᠡᠰᠢ ᠡᠮᠡᠭᠳᠡᠢ ᠬᠦᠮᠦᠨ ᠤ ᠭᠡᠷᠡᠭᠰᠡᠯ ᠢ ᠲᠠᠯᠪᠢᠨᠠ᠃ ᠡᠨᠡ ᠨᠢ ᠬᠡᠷ ᠪᠦᠯᠢ ᠶᠢᠨ ᠠᠵᠢᠯ ᠤᠨ | ᠬᠤᠪᠢᠶᠠᠷᠢ ᠠᠴᠠ ᠪᠤᠯᠤᠭᠰᠠᠨ ᠭᠡᠳᠡᠭ᠃ ᠮᠦᠨ ᠡᠨᠡ ᠵᠢᠷᠤᠮ ᠢ ᠮᠦᠷᠳᠡᠵᠦ᠂ ᠬᠤᠶᠢᠮᠤᠷ ᠲᠤ ᠤᠷᠤ ᠶᠢᠨ ᠰᠢᠷᠡᠭᠡ | ᠪᠠᠨ ᠲᠠᠯᠪᠢᠭᠠᠳ ᠲᠡᠭᠡᠷᠡ ᠨᠢ ᠤᠷᠤ ᠲᠡᠪᠢᠰᠭᠡᠷ᠂ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠬᠤᠷᠢᠶᠠᠳᠠᠭ᠃ ᠬᠡᠬᠦ ᠳᠡᠭᠡᠨ ᠵᠠᠭᠠᠮᠠ | ᠵᠠᠬᠠ ᠶᠢ ᠪᠠᠷᠠᠭᠤᠨᠰᠢ ᠬᠠᠨᠳᠤᠭᠤᠯᠵᠤ ᠬᠤᠷᠢᠶᠠᠨᠠ᠃ ᠲᠠᠶᠢᠹᠤᠰᠧᠴᠤᠳ ᠰᠠᠭᠤᠷᠢᠰᠢᠨ ᠨᠤᠳᠤᠭᠯᠠᠭᠰᠠᠨ ᠠᠴᠠ | ᠬᠤᠶᠢᠰᠢ ᠤᠷᠤ ᠶᠢᠨ ᠰᠢᠷᠡᠭᠡ ᠪᠤᠶᠤ ᠶᠡᠭᠡ ᠤᠷᠤᠨ ᠲᠠᠢ ᠠᠶᠢᠯ ᠤᠯᠠᠨ ᠪᠤᠯᠵᠠᠢ᠃ ᠪᠠᠷᠠᠭᠤᠨ ᠬᠤᠶᠢᠳᠤ ᠲᠠᠯᠠ ᠪᠤᠯ | ᠪᠤᠷᠬᠠᠨ ᠤ ᠤᠷᠤ ᠪᠤᠯᠤᠨᠠ᠃ ᠠᠳᠡ ᠪᠤᠷᠬᠠᠨ ᠤ ᠠᠪᠳᠠᠷᠠ ᠪᠤᠶᠤ ᠰᠢᠷᠡᠭᠡ᠂ ᠲᠡᠬᠦᠨ ᠤ ᠲᠡᠭᠡᠷᠡ ᠬᠦᠩᠭᠠᠷᠸᠠ᠂ | ᠲᠠᠯᠠᠯᠭᠠ ᠶᠢᠨ ᠰᠠᠭᠤᠯᠠᠭᠠ᠂ ᠨᠤᠮ ᠰᠤᠳᠤᠷ ᠵᠡᠷᠭᠡ ᠶᠢ ᠲᠠᠯᠪᠢᠨᠠ᠃ ᠭᠡᠷ ᠤᠨ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠠᠪᠳᠠᠷᠠ ᠳᠤ | ᠭᠡᠷ ᠤᠨ ᠡᠵᠡᠨ ᠤ ᠭᠡᠷᠡᠭᠯᠡᠬᠦ ᠵᠤᠳᠤᠭ ᠱᠤᠳᠠᠭ᠂ ᠱᠠᠭᠠ ᠰᠢᠳᠠᠷᠠ᠂ ᠪᠢᠴᠢᠭ ᠤᠨ ᠭᠡᠷᠡᠭᠰᠡᠯ ᠢ ᠬᠢᠬᠦ ᠪᠦᠬᠡᠳ ᠫᠤᠤ | ᠰᠤᠮᠤ᠂ ᠢᠯᠳᠦ ᠰᠡᠯᠡᠮᠡ ᠮᠡᠳᠦ ᠶᠢᠨ ᠵᠡᠷ ᠵᠡᠪᠰᠡᠭ ᠤᠨ ᠵᠦᠢᠯ ᠪᠠᠶᠢᠪᠠᠯ ᠲᠡᠬᠦᠨ ᠤ ᠲᠡᠭᠡᠷᠡ ᠢᠷ ᠦᠵᠦᠬᠦᠷ ᠢ ᠨᠢ | ᠭᠠᠳᠠᠭᠰᠢ ᠬᠠᠨᠳᠤᠭᠤᠯᠤᠨ ᠬᠠᠨᠠ ᠶᠢᠨ ᠲᠤᠯᠤᠭᠠᠢ ᠠᠴᠠ ᠡᠯᠬᠦᠨᠡ᠃ ᠲᠡᠬᠦᠨ ᠠᠴᠠ ᠲᠤᠷᠤᠭᠰᠢ ᠠᠶᠢᠷᠠᠭ ᠤᠨ ᠭᠠᠩ | ᠢ ᠲᠠᠯᠪᠢᠵᠤ᠂ ᠪᠠᠷᠠᠭᠤᠨ ᠡᠮᠦᠨᠡ ᠦᠨᠴᠦᠭ ᠲᠤ ᠡᠮᠡᠬᠡᠯ ᠬᠠᠵᠠᠭᠠᠷ ᠨᠤᠭᠳᠤ ᠴᠢᠳᠦᠷ ᠵᠡᠷᠭᠡ ᠮᠤᠷᠢᠨ ᠤ ᠡᠳ᠋ᠯᠡᠯ ᠢ | ᠲᠠᠯᠪᠢᠨᠠ᠃ ᠵᠠᠷᠢᠮ ᠠᠶᠢᠯ ᠠᠴᠠ ᠱᠤᠩ ᠪᠤᠰᠬᠠᠵᠤ᠂ ᠡᠮᠡᠬᠡᠯ ᠢ ᠤᠨᠤᠭᠤᠯᠵᠤ ᠲᠠᠯᠪᠢᠬᠤ ᠪᠠ ᠵᠠᠷᠢᠮ ᠠᠶᠢᠯ ᠨᠢ | ᠬᠠᠨᠠ ᠶᠢᠨ ᠲᠤᠯᠤᠭᠠᠢ ᠠᠴᠠ ᠭᠤᠬᠠ ᠲᠠᠢ ᠰᠤᠷ ᠲᠠᠳᠠᠵᠤ᠂ ᠲᠡᠬᠦᠨ ᠳᠡᠭᠡᠨ ᠤᠨᠤᠭᠤᠯᠵᠤ ᠡᠯᠬᠦᠬᠦ ᠴᠤ ᠪᠤᠢ᠃ | ᠭᠡᠬᠦ ᠳᠡᠭᠡᠨ ᠵᠠᠪᠠᠯ ᠡᠮᠦᠨᠡ ᠪᠦᠬᠦᠷᠭᠡ ᠶᠢ ᠡᠮᠦᠨᠡᠰᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠬᠤ ᠪᠦᠬᠡᠳ ᠬᠦᠰᠡᠷ ᠲᠠᠯᠪᠢᠪᠠᠯ ᠡᠮᠦᠨᠡ | ᠪᠦᠬᠦᠷᠭᠡ ᠶᠢ ᠲᠡᠭᠡᠭᠰᠢ ᠨᠢ᠂ ᠰᠠᠭᠤᠳᠠᠯ ᠢ ᠬᠤᠶᠢᠳᠤ ᠵᠦᠭ ᠲᠤ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠨᠠ᠃ ᠬᠠᠵᠠᠭᠠᠷ ᠨᠤᠭᠳᠤ᠂ | ᠴᠢᠳᠤᠷ ᠲᠤᠱᠠ᠂ ᠮᠤᠷᠢᠨ ᠤ ᠬᠤᠰᠤᠭᠤᠷ ᠵᠡᠷᠭᠡ ᠶᠢ ᠪᠠᠷᠠᠭᠤᠨ ᠬᠠᠭᠠᠯᠭᠠᠨ ᠤ ᠠᠷᠤ ᠶᠢᠨ ᠬᠠᠨᠠ ᠶᠢᠨ ᠲᠤᠯᠤᠭᠠᠢ | ᠳᠤ ᠪᠤᠶᠤ ᠬᠠᠨᠠ ᠶᠢᠨ ᠲᠤᠯᠤᠭᠠᠢ ᠠᠴᠠ ᠲᠡᠬᠦᠵᠢᠯᠡᠭᠰᠡᠨ ᠮᠠᠬᠢᠷ ᠮᠤᠳᠤᠨ ᠡᠯᠬᠦᠬᠦᠷ ᠲᠤ ᠲᠤᠯᠤᠭᠠᠢ ᠶᠢ ᠨᠢ ᠲᠡᠭᠡᠭᠰᠢ᠂ | ᠬᠠᠮᠠᠷ ᠢ ᠨᠢ ᠭᠤᠯᠤᠮᠳᠠ ᠵᠦᠭ ᠬᠠᠨᠳᠤᠭᠤᠯᠤᠨ ᠡᠯᠬᠦᠨᠡ᠃ ᠵᠡᠬᠦᠨ ᠬᠤᠶᠢᠨᠠᠬᠢ ᠠᠪᠳᠠᠷᠠ ᠳᠤ ᠡᠵᠡᠭᠳᠡᠢ ᠶᠢᠨ | ᠲᠦᠷᠪᠡᠨ ᠴᠠᠭ ᠤᠨ ᠬᠤᠪᠴᠠᠰᠤ ᠭᠤᠶᠤᠯ᠂ ᠵᠠᠰᠠᠯ ᠵᠢᠮᠰᠡᠭ᠂ ᠦᠢᠯᠡ ᠤᠳᠠᠰᠤᠨ ᠤ ᠵᠦᠢᠯ ᠢ ᠬᠢᠨᠡ᠃ ᠲᠡᠬᠦᠨ | ᠠᠴᠠ ᠲᠤᠷᠤᠭᠰᠢ᠂ ᠵᠡᠬᠦᠨ ᠡᠮᠦᠨᠡ ᠵᠦᠭ ᠤᠨ ᠬᠠᠭᠠᠰ ᠢ ᠡᠵᠡᠯᠡᠬᠦᠯᠵᠦ ᠡᠷᠬᠢᠬᠦᠯ ︵ᠡᠷᠬᠢᠨᠡᠭ︶ ᠲᠠᠯᠪᠢᠳᠠᠭ᠃ | ᠡᠷᠬᠢᠬᠦᠯ ᠤᠨ ᠲᠤᠤᠷᠠᠳᠤ ᠲᠠᠰᠤᠯᠪᠤᠷᠢ ᠳᠤ ᠲᠤᠭᠤᠭᠠ᠂ ᠰᠠᠭᠤᠯᠠᠭᠠ᠂ ᠬᠦᠨᠦᠭ᠂ ᠤᠭᠤᠷ ᠰᠦᠭᠡ ᠵᠡᠷᠭᠡ ᠶᠢ | ᠲᠠᠯᠪᠢᠵᠤ᠂ ᠲᠤᠮᠳᠠ ᠲᠠᠰᠤᠯᠪᠤᠷᠢ ᠳᠤ ᠸᠠᠭᠠᠷ ᠫᠧᠩᠰᠡ᠂ ᠰᠦ ᠰᠠᠭᠠᠯᠢ᠂ ᠲᠠᠪᠤᠷᠡ ᠲᠤᠮᠪᠤ ᠵᠡᠷᠭᠡ ᠶᠢ ᠲᠠᠯᠪᠢᠬᠤ | ᠪᠦᠬᠡᠳ ᠲᠡᠭᠡᠷᠡ ᠲᠡᠭᠳᠡᠷ ᠲᠤ ᠠᠶᠠᠭᠠ ᠰᠢᠨᠠᠭᠠ᠂ ᠲᠡᠪᠰᠢ ᠲᠠᠪᠠᠭ᠂ ᠬᠤᠰᠤᠭᠤᠷ ᠱᠦᠬᠦᠷ᠂ ᠵᠤᠤᠯᠢ ᠱᠦᠬᠦᠯᠳᠡ | ᠵᠡᠷᠭᠡ ᠭᠡᠷᠡᠭᠰᠡᠯ ᠢ ᠲᠠᠯᠪᠢᠳᠠᠭ᠃ ᠭᠡᠷᠪᠡ ᠰᠢᠨᠠᠭᠠ᠂ ᠬᠤᠰᠤᠭᠤᠷ᠂ ᠵᠤᠤᠯᠢ ᠵᠡᠷᠭᠡ ᠶᠢ ᠡᠯᠬᠦᠬᠦ ᠳᠤ ᠬᠦᠷᠪᠡᠯ᠂ ᠨᠢᠭᠤᠷ | ᠢ ᠨᠢ ᠭᠤᠯᠤᠮᠳᠠ ᠵᠦᠭ ᠬᠠᠨᠳᠤᠭᠤᠯᠵᠤ ᠡᠯᠬᠦᠨᠡ᠃ ᠰᠠᠪᠬᠠ ᠶᠢ ᠬᠤᠪᠳᠤ ᠭᠡᠮᠡᠬᠦ ᠵᠢᠭᠠᠬᠠᠨ ᠮᠤᠳᠤᠨ ᠰᠠᠪᠠᠨ ᠳᠤ | ᠬᠢᠵᠦ ᠬᠠᠨᠠ ᠶᠢᠨ ᠲᠤᠯᠤᠭᠠᠢ ᠠᠴᠠ ᠡᠯᠬᠦᠳᠡᠭ᠃ ᠵᠡᠬᠦᠨ ᠡᠮᠦᠨᠡ ᠬᠤᠷᠮᠤᠢ ᠳᠤ ᠤᠰᠤᠨ ᠤ ᠰᠠᠭᠤᠯᠠᠭᠠ᠂ ᠠᠷᠭᠠᠯ | ᠤᠨ ᠬᠠᠶᠢᠷᠴᠠᠭ᠂ ᠭᠠᠯ ᠤᠨ ᠬᠠᠶᠢᠴᠢ ᠰᠢᠯᠡᠭᠡᠪᠦᠷ᠂ ᠦᠨᠡᠰᠦᠨ ᠤ ᠤᠳᠬᠤᠭᠤᠷ᠂ ᠨᠤᠬᠠᠷ ᠶᠢᠨ ᠴᠠᠷᠠ ᠵᠡᠷᠭᠡ | ᠵᠦᠢᠯᠡᠰ ᠢ ᠲᠠᠯᠪᠢᠬᠤ ᠪᠦᠭᠡᠳ ᠵᠤᠨ ᠤ ᠴᠠᠭ ᠲᠤ ᠪᠠᠰᠠ ᠰᠢᠪᠠᠷ ᠵᠤᠤᠬᠠ ᠪᠠᠷᠢᠵᠤ ᠲᠤᠭᠤᠭᠠᠯᠠᠳᠠᠭ ᠶᠤᠮ᠃ ᠲᠦᠯ | ᠤᠨ ᠦᠶᠡ ᠳᠤ ᠭᠡᠷ ᠤᠨ ᠵᠡᠬᠦᠨ ᠡᠮᠦᠨᠡ᠂ ᠪᠠᠷᠠᠭᠤᠨ ᠡᠮᠦᠨᠡ ᠬᠤᠶᠠᠷ ᠬᠤᠷᠮᠤᠢ ᠶᠢ ᠵᠠᠶᠢᠴᠢᠯᠠᠵᠤ᠂ ᠨᠢᠯᠬᠠ ᠲᠤᠭᠤᠯ | ᠬᠤᠷᠠᠭᠠ ᠪᠠᠨ ᠤᠶᠠᠵᠤ ᠬᠠᠰᠢᠳᠠᠭ ᠪᠠᠶᠢᠪᠠ᠃ ᠲᠠᠶᠢᠹᠤᠰᠧ ᠨᠤᠳᠤᠭ ᠲᠤ ᠲᠦᠬᠦᠷᠡᠩ ᠪᠠᠷᠠᠭᠠ ᠲᠠᠢ ᠭᠡᠷ ᠭᠡᠳᠡᠭ ᠨᠢ | ᠲᠦᠷᠪᠡᠨ ᠱᠦᠬᠦᠢ ︵ᠬᠤᠷᠭᠤ︶ ᠪᠠ ᠬᠤᠶᠠᠷ ᠭᠤᠯᠳᠤ ᠲᠠᠯᠪᠢᠭᠰᠠᠨ ᠭᠡᠷ ᠢ ᠬᠡᠯᠡᠨᠡ᠃ ᠡᠰᠡᠬᠦᠯᠡ ᠲᠦᠷᠪᠡᠨ | ᠱᠦᠬᠦᠢ ᠶᠢ ᠪᠠᠷᠠᠭᠤᠨ ᠡᠮᠦᠨᠡ᠂ ᠪᠠᠷᠠᠭᠤᠨ ᠬᠤᠶᠢᠨᠠ᠂ ᠵᠡᠬᠦᠨ ᠬᠤᠶᠢᠨᠠ᠂ ᠵᠡᠬᠦᠨ ᠡᠮᠦᠨᠡ ᠪᠠᠨ ᠨᠢᠭᠤᠷᠯᠠᠭᠤᠯᠤᠨ | ᠲᠠᠯᠪᠢᠭᠰᠠᠨ ᠪᠤᠯ ᠮᠦᠨ ᠪᠠᠷᠠᠭᠠ ᠰᠠᠶᠢᠳᠠᠢ ᠳᠤ ᠲᠤᠭᠠᠴᠠᠭᠳᠠᠨᠠ᠃ |