| ᠮᠤᠩᠭᠤᠯᠴᠤᠳ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠠᠷᠪᠠᠨ ᠰᠠᠷᠠ ᠶᠢ ︽ᠵᠤᠯᠠ ᠰᠠᠷᠠ︾ ᠬᠡᠵᠦ᠂ ᠠᠷᠪᠠᠨ ᠰᠠᠷᠠ ᠶᠢᠨ | ᠬᠤᠷᠢᠨ ᠲᠠᠪᠤᠨ ᠢ ︽ᠵᠤᠯᠠ ᠶᠢᠨ ᠬᠤᠷᠢᠨ ᠲᠠᠪᠤᠨ︾ ᠭᠡᠳᠡᠭ᠃ ᠡᠨᠡ ᠡᠳᠦᠷ ᠢ ᠪᠤᠷᠬᠠᠨ ᠤ ᠱᠠᠰᠢᠨ ᠤ | ᠪᠤᠭᠳᠠ ᠡᠵᠡᠨ ᠽᠦᠩᠺᠠᠸᠠ ᠶᠢᠨ ᠮᠡᠨᠳᠦᠯᠡᠭᠰᠡᠨ ᠪᠠ ᠨᠦᠭᠴᠢᠭᠰᠡᠨ ᠡᠳᠦᠷ ᠬᠡᠮᠡᠨ ᠵᠤᠯᠠ ᠪᠠᠷᠢᠵᠤ ᠲᠠᠬᠢᠯ ᠡᠷᠬᠦᠳᠡᠭ | ᠵᠠᠩᠰᠢᠯ ᠲᠠᠢ ᠃ ᠠᠶᠢᠯ ᠪᠦᠷᠢ ᠶᠢᠦᠮᠠᠢ ᠶᠢᠨ ᠭᠤᠯᠢᠷ ᠢᠶᠠᠷ ᠵᠤᠯᠠ ᠪᠠᠷᠢᠵᠤ᠂ ᠬᠢᠯᠭᠠᠨᠠ ᠡᠪᠡᠰᠦ ᠶᠢ ᠬᠤᠷᠤᠭᠤ | ᠬᠢᠷᠢᠳᠡᠢ ᠠᠳᠠᠯᠢ ᠤᠷᠳᠤ ᠵᠡᠷᠭᠡᠴᠡᠬᠦᠯᠦᠨ ᠲᠠᠰᠤᠳᠠᠭᠠᠳ᠂ ᠰᠢᠨᠡ ᠬᠦᠪᠦᠩ ᠢᠶᠠᠷ ᠤᠷᠢᠶᠠᠵᠤ ᠭᠤᠤᠯ ᠬᠢᠵᠦ | ᠬᠠᠳᠬᠤᠨ ᠰᠢᠷᠠ ᠲᠤᠰᠤ ᠴᠢᠳᠬᠤᠨᠠ᠃ ᠵᠤᠯᠠ ᠶᠢᠨ ᠲᠤᠭᠠ ᠠᠳᠠᠯᠢ ᠦᠬᠡᠢ᠂ ᠤᠷᠢᠳᠤ ᠴᠠᠭ ᠲᠤ ᠤᠯᠠᠩᠬᠢ ᠨᠢ | ᠵᠠᠭᠤ ᠨᠠᠢᠮᠠᠨ ᠵᠤᠯᠠ ᠪᠠᠷᠢᠬᠤ ᠪᠤᠶᠤ ᠮᠢᠩᠭᠠᠨ ᠵᠤᠯᠠ ᠪᠠᠷᠢᠳᠠᠭ ᠴᠤ ᠪᠠᠶᠢᠵᠤ᠂ ᠶᠠᠮᠠᠷ ᠶᠠᠳᠠᠭᠤ ᠠᠶᠢᠯ ᠴᠤ ᠭᠡᠰᠡᠨ | ᠠᠳᠠᠭ ᠲᠠᠭᠠᠨ ᠶᠢᠰᠦᠨ ᠵᠤᠯᠠ ᠪᠠᠷᠢᠳᠠᠭ ᠪᠠᠶᠢᠪᠠ᠃ ᠪᠦᠷᠦᠢ ᠲᠠᠰᠤᠷᠠᠬᠤ ᠦᠶᠡ ᠳᠤ ᠭᠡᠷ ᠤᠨ ᠪᠦᠬᠦᠳᠡᠭᠡᠷ ᠴᠡᠪᠡᠷ | ᠲᠡᠭᠰᠢ ᠡᠮᠦᠰᠴᠦ᠂ ᠭᠠᠷ ᠢᠶᠠᠨ ᠤᠬᠢᠶᠠᠵᠤ ᠠᠷᠢᠭᠤᠯᠠᠭᠠᠳ ᠬᠦᠵᠢ ᠨᠤᠴᠤᠭᠠᠵᠤ᠂ ᠬᠦᠵᠢ ᠶᠢᠨ ᠭᠠᠯ ᠢᠶᠠᠷ ᠵᠤᠯᠠ | ᠪᠠᠨ ᠵᠦᠪ ᠲᠠᠯᠠ ᠠᠴᠠ ᠨᠢ ᠡᠬᠢᠯᠡᠵᠦ ᠠᠰᠠᠭᠠᠨ᠂ ᠪᠤᠷᠬᠠᠨ ᠳᠠᠭᠠᠨ ᠰᠦᠬᠦᠳᠴᠦ ᠭᠤᠷᠪᠠ ᠭᠤᠷᠪᠠ ᠮᠦᠷᠬᠦᠨᠡ᠃ | ᠡᠬᠦᠨ ᠤ ᠲᠠᠷᠠᠭᠠ ᠪᠠᠷ ᠮᠠᠨᠢ ᠮᠡᠭᠵᠢᠮ ᠤᠩᠰᠢᠳᠠᠭ᠃ ᠵᠢᠵᠢᠭ ᠭᠤᠯᠢᠷ ᠵᠤᠯᠠ ᠤᠳᠠᠯ ᠦᠬᠡᠢ ᠪᠦᠬᠦᠬᠦ ᠤᠴᠢᠷ | ᠠᠴᠠ ᠮᠦᠩᠬᠡ ᠵᠤᠯᠠ ᠬᠡᠮᠡᠨ ᠲᠤᠮᠤ ᠴᠦᠬᠦᠴᠡ ᠳᠤ ᠵᠤᠯᠠ ᠪᠠᠷᠢᠭᠠᠳ᠂ ᠡᠨᠡ ᠵᠤᠯᠠ ᠨᠢ ᠦᠷᠯᠦᠬᠡ ᠪᠤᠯᠳᠠᠯᠠ | ᠠᠰᠠᠵᠤ ᠪᠠᠶᠢᠳᠠᠭ᠃ ᠮᠠᠷᠭᠠᠰᠢ ᠨᠢ ᠭᠤᠯᠢᠷ ᠵᠤᠯᠠ ᠪᠠᠨ ᠬᠤᠷᠢᠶᠠᠵᠤ᠂ ᠭᠤᠤᠯ ᠢ ᠨᠢ ᠲᠡᠬᠦᠭᠡᠳ ᠭᠤᠯᠢᠷ ᠢ ᠨᠢ | ᠵᠢᠩᠨᠡᠵᠦ ᠢᠳᠡᠬᠦ ᠳᠤ ᠮᠠᠰᠢ ᠠᠮᠳᠠᠳᠠᠢ ᠪᠠᠶᠢᠳᠠᠭ ᠠᠵᠠᠢ᠃ ᠲᠠᠶᠢᠹᠤᠰᠧᠴᠤᠳ ᠵᠤᠯᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠳᠤ | ᠤᠯᠠᠭᠠᠨ ᠢᠳᠡᠭᠡ ᠠᠮᠰᠠᠬᠤ ᠶᠢ ᠴᠡᠭᠡᠷᠯᠡᠵᠦ᠂ ᠰᠢᠷᠠ ᠲᠤᠰᠤ ᠲᠠᠢ ᠰᠢᠷᠠ ᠪᠤᠳᠠᠭᠠ ︵ᠬᠤᠨᠤᠭ ᠪᠤᠳᠠᠭᠠ︶ ᠶᠢ | ᠠᠭᠰᠢᠭᠠᠵᠤ ᠪᠤᠷᠠᠮ ᠱᠠᠭᠠᠳᠠᠩ ᠲᠠᠢ ᠵᠢᠭᠤᠷᠠᠵᠤ ᠢᠳᠡᠬᠦ ᠪᠤᠶᠤ ᠰᠢᠷᠠ ᠪᠤᠳᠠᠭᠠ ᠪᠠᠨ ᠤᠭᠤᠷ ᠲᠤ ᠬᠢᠵᠦ ᠨᠦᠳᠦᠵᠦ | ᠲᠠᠯᠬᠠᠳᠠᠭᠰᠠᠨ ᠤ ᠲᠠᠷᠠᠭᠠ ᠂ ᠰᠦ ᠲᠠᠢ ᠴᠠᠢ ᠳᠠᠭᠠᠨ ᠬᠢᠵᠦ ᠴᠢᠨᠠᠭᠠᠳ ︽ᠭᠤᠯᠢᠷᠳᠠᠭᠰᠠᠨ ᠴᠠᠢ︾ ᠤᠤᠭᠤᠳᠠᠭ | ᠵᠠᠩᠰᠢᠯ ᠲᠠᠢ᠃ ᠡᠪᠦᠯ ᠤᠨ ᠢᠳᠡᠰᠢ ᠶᠢ ᠤᠯᠠᠩᠬᠢ ᠳᠠᠭᠠᠨ ᠪᠢᠯᠢᠭ ᠤᠨ ᠠᠷᠪᠠᠨ ᠰᠠᠷᠠ ᠶᠢᠨ ᠰᠢᠨᠡᠳ ᠪᠤᠶᠤ | ᠠᠷᠪᠠᠳ ᠢᠶᠠᠷ ᠵᠠᠷᠤᠭᠳᠠ ᠨᠢ ᠵᠤᠯᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠳᠤ ᠮᠠᠯ ᠠᠳᠤᠭᠤᠰᠤ ᠨᠢᠳᠤᠯᠵᠤ᠂ ᠨᠢᠬᠦᠯ ᠬᠢᠯᠢᠨᠴᠡ | ᠦᠢᠯᠡᠳᠬᠦ ᠦᠬᠡᠢ ᠬᠡᠰᠡᠨ ᠰᠠᠨᠠᠭᠠ ᠠᠵᠠᠢ᠃ |