| ᠦᠷᠳᠡᠭᠡ ᠭᠡᠳᠡᠭ ᠪᠤᠯ ᠡᠷᠳᠡᠨ ᠤ ᠤᠷᠳᠤᠨ ᠤ ᠪᠢᠴᠢᠭ ᠴᠢᠮᠡᠭᠡ ᠬᠦᠷᠭᠡᠭᠴᠢ ᠶᠢᠨ ᠨᠠᠰᠢ ᠴᠠᠰᠢ ᠶᠠᠪᠤᠬᠤ | ᠳᠠᠭᠠᠨ ᠪᠤᠳᠠᠭᠠᠯᠠᠵᠤ ᠠᠮᠠᠷᠠᠨ᠂ ᠤᠨᠤᠭᠠ ᠰᠤᠯᠢᠬᠤ ᠭᠠᠵᠠᠷ ᠪᠤᠯᠤᠨᠠ᠃ ᠲᠡᠦᠬᠡᠨ ᠲᠡᠮᠳᠡᠭᠯᠡᠯ ᠠᠴᠠ ᠦᠵᠡᠪᠡᠯ | ᠲᠤᠮᠳᠠᠳᠤ ᠤᠯᠤᠰ ᠲᠤ ᠱᠠᠩ᠂ ᠵᠸᠦ ᠶᠢᠨ ᠦᠶᠡ ᠠᠴᠠ ᠡᠬᠢᠯᠡᠵᠦ ᠠᠯᠪᠠᠨ ᠤ ᠲᠠᠮᠵᠢᠭᠤᠯᠬᠤ ᠵᠤᠭᠰᠤᠯᠳᠠ ᠪᠤᠢ | ᠪᠤᠯᠵᠠᠢ᠃ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠳᠤ ᠦᠷᠳᠡᠭᠡ ᠶᠢ ᠵᠠᠮᠴᠢ ᠬᠡᠵᠦ ᠨᠡᠷᠡᠯᠡᠳᠡᠭ᠃ ᠬᠤᠵᠢᠮ ᠨᠢ ᠠᠭᠠᠵᠢᠮ | ᠢᠶᠠᠷ ᠦᠷᠳᠡᠭᠡ ᠬᠡᠬᠦ ᠪᠤᠯᠵᠠᠢ᠃ ᠴᠢᠩᠬᠢᠰ ᠬᠠᠭᠠᠨ ᠤ ᠦᠶᠡ ᠳᠤ ᠨᠢᠬᠡᠨᠳᠡ ᠴᠢᠮᠡᠭᠡ ᠲᠠᠮᠵᠢᠭᠤᠯᠬᠤ ᠦᠷᠳᠡᠭᠡ | ᠪᠠᠶᠢᠭᠰᠠᠨ᠃ ᠴᠠᠭᠠᠳᠠᠢ ᠬᠠᠭᠠᠨ ᠤ ᠦᠶᠡᠰ᠂ ᠱᠠᠨ ᠲᠠᠨ ᠵᠸᠦ ᠠᠴᠠ ᠡᠬᠢᠯᠡᠨ ᠾᠧ ᠰᠢ ᠬᠠᠪᠴᠢᠯ ᠢᠶᠠᠷ ᠲᠠᠮᠵᠢᠵᠤ | ᠂ ᠦᠪᠡᠷᠦᠨ ᠬᠠᠷᠢᠶᠠᠨ ᠤ ᠤᠯᠤᠰ ᠲᠠᠭᠠᠨ ᠬᠦᠷᠳᠡᠯᠡ ᠦᠷᠳᠡᠭᠡ ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠪᠠ᠃ ᠬᠤᠪᠢᠯᠠᠢ ᠬᠠᠭᠠᠨ ᠤ | ᠦᠶᠡᠰ ᠰᠢᠤᠳᠠᠨ ᠦᠷᠳᠡᠭᠡ ᠶᠢ ᠶᠡᠬᠡᠪᠡᠷ ᠪᠠᠶᠢᠭᠤᠯᠵᠤ᠂ ᠮᠤᠩᠭᠤᠯ ᠤᠨ ᠨᠡᠶᠢᠰᠯᠡᠯ ᠶᠢᠨ ᠶᠠᠨᠵᠢᠩ ︵ᠤᠳᠤ ᠶᠢᠨ | ᠪᠡᠭᠡᠵᠢᠩ︶ ᠳᠤ ᠨᠡᠬᠦᠯᠭᠡᠭᠰᠡᠨ ᠤ ᠲᠠᠷᠠᠭᠠ ᠬᠢᠳᠠᠳ ᠤᠨ ᠲᠠᠮᠵᠢᠭᠤᠯᠬᠤ ᠵᠤᠭᠰᠤᠯᠳᠠ ᠪᠤᠯᠤᠨ ᠮᠤᠩᠭᠤᠯ ᠤᠨ ᠵᠠᠮᠴᠢ | ᠶᠢᠨ ᠲᠦᠷᠢᠮ ᠢ ᠨᠢᠬᠡᠳᠭᠡᠨ ︽ᠵᠠᠮᠴᠢ ᠶᠢᠨ ᠲᠤᠭᠳᠠᠭᠠᠯ︾ ᠢ ᠨᠡᠶᠢᠳᠡᠯᠡᠵᠦ᠂ ᠨᠡᠶᠢᠰᠯᠡᠯ ᠢᠶᠠᠷ ᠲᠦᠪ ᠪᠤᠯᠭᠠᠭᠰᠠᠨ | ᠰᠢᠤᠳᠠᠨ ᠦᠷᠳᠡᠭᠡᠨ ᠤ ᠰᠢᠰᠲ᠋ᠧᠮ ᠢ ᠪᠠᠶᠢᠭᠤᠯᠵᠠᠢ᠃ ᠡᠬᠦᠨ ᠠᠴᠠ ᠬᠤᠶᠢᠰᠢ ᠦᠷᠳᠡᠭᠡ ᠨᠢ ᠰᠦᠨᠢ ᠶᠢᠨ ᠤᠳᠤᠨ | ᠮᠡᠳᠦ ᠲᠦᠭᠡᠵᠦ᠂ ᠦᠷᠳᠡᠭᠡᠨ ᠤ ᠠᠵᠢᠯ ᠡᠳᠦᠷ ᠰᠦᠨᠢ ᠦᠬᠡᠢ ᠶᠠᠪᠤᠭᠳᠠᠵᠤ᠂ ᠲᠦᠪ ᠪᠠ ᠤᠷᠤᠨ ᠨᠤᠳᠤᠭ᠂ | ᠤᠷᠤᠨ ᠨᠤᠳᠤᠭ ᠪᠠ ᠤᠷᠤᠨ ᠨᠤᠳᠤᠭ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠤᠯᠪᠤᠭᠠ ᠬᠠᠷᠢᠴᠠᠭᠠ ᠲᠦᠬᠦᠮ ᠲᠦᠳᠡ ᠪᠤᠯᠪᠠ᠃ | ᠮᠠᠨᠵᠤ ᠶᠢᠨ ᠦᠶᠡ ᠬᠦᠷᠦᠭᠡᠳ ᠨᠡᠩ ᠬᠦᠭᠵᠢᠵᠦ᠂ ᠴᠡᠷᠢᠭ ᠤᠨ ᠴᠢᠮᠡᠭᠡ ᠵᠠᠩᠬᠢ ᠶᠢᠨ ᠦᠷᠳᠡᠭᠡ᠂ ᠲᠤᠳᠤᠭᠠᠳᠤ | ᠬᠠᠷᠢᠯᠴᠠᠭᠠᠨ ᠤ ᠦᠷᠳᠡᠭᠡ᠂ ᠤᠷᠳᠤᠨ ᠤ ᠪᠤᠳᠠᠰ ᠢ ᠬᠦᠷᠭᠡᠬᠦ ᠦᠷᠳᠡᠭᠡ᠂ ᠭᠠᠳᠠᠭᠠᠳᠤ ᠬᠠᠷᠢᠴᠠᠭᠠᠨ ᠤ ᠦᠷᠳᠡᠭᠡ᠂ | ᠵᠠᠷᠯᠢᠭ ᠪᠢᠴᠢᠭ ᠲᠠᠮᠵᠢᠭᠤᠯᠬᠤ ᠦᠷᠳᠡᠭᠡ ᠵᠡᠷᠭᠡ ᠤᠯᠠᠨ ᠬᠤᠪᠢᠶᠠᠷᠢ ᠭᠠᠷᠴᠤ ᠬᠦᠭᠵᠢᠵᠡᠢ᠃ ᠦᠷᠳᠡᠭᠡᠨ ᠳᠤ | ᠲᠤᠰᠬᠠᠢ ᠠᠶᠢᠯ ᠡᠷᠦᠬᠡ ᠲᠤᠬᠢᠷᠠᠭᠤᠯᠵᠤ᠂ ᠲᠤᠰ ᠲᠤᠰ ᠤᠨ ᠠᠵᠢᠯ ᠤᠨ ᠬᠤᠪᠢᠶᠠᠷᠢ ᠲᠠᠢ ᠪᠠᠶᠢᠳᠠᠭ᠃ ᠲᠠᠶᠢᠹᠤᠰᠧ | ᠨᠤᠳᠤᠭ ᠤᠨ ᠡᠨᠡᠬᠦ ᠦᠷᠳᠡᠭᠡᠨ ᠤᠪᠤᠭᠠ ᠪᠤᠯ ᠲᠠᠷᠤᠢ ᠠᠯᠪᠠ ᠬᠦᠢᠴᠡᠳᠭᠡᠭᠴᠢ ᠮᠠᠯᠴᠢᠨ ᠡᠷᠦᠬᠡ ᠨᠢ ᠦᠷᠳᠡᠭᠡᠨ ᠤ | ᠠᠵᠢᠯ ᠦᠢᠯᠡᠰ ᠬᠢᠭᠡᠳ ᠠᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠠᠭᠤᠯᠠ ᠤᠰᠤᠨ ᠤ ᠰᠠᠪᠳᠠᠭ ᠰᠠᠬᠢᠭᠤᠯᠰᠤᠨ ᠳᠠᠭᠠᠨ | ᠲᠠᠭᠠᠳᠬᠠᠵᠤ ᠪᠤᠰᠬᠠᠭᠰᠠᠨ ᠤᠪᠤᠭᠠ ᠪᠤᠯᠤᠨᠠ᠃ |