ᠲᠠᠶᠢᠹᠤᠰᠧ ᠵᠡᠬᠦᠨ ᠭᠠᠷ ᠰᠦᠷᠦᠭ ︵ᠬᠤᠰᠢᠭᠤ︶ ᠤᠨ ᠬᠠᠮᠤᠭ ᠰᠡᠬᠦᠯᠴᠢ ᠶᠢᠨ ᠠᠮᠪᠠᠨ ᠰᠡᠷᠡᠩᠨᠠᠮᠵᠢᠯ ᠨᠤᠳᠤᠭ | ᠤᠰᠤᠨ ᠤ ᠪᠠᠨ ᠬᠡᠶᠢᠮᠦᠷᠢ ᠰᠦᠯᠳᠡ ᠶᠢ ᠮᠠᠨᠳᠤᠭᠤᠯᠤᠨᠠ ᠬᠡᠮᠡᠨ ᠤᠪᠤᠭᠠ ᠪᠤᠩᠬᠤᠨ ᠢᠶᠠᠨ ᠰᠢᠨᠡᠳᠭᠡᠨ ᠵᠠᠰᠠᠵᠤ᠂ | ᠠᠭᠤᠯᠠ ᠤᠰᠤᠨ ᠤ ᠪᠠᠨ ᠨᠠᠪᠳᠠᠭ ᠰᠠᠪᠳᠠᠭ ᠢ ᠰᠡᠷᠬᠦᠬᠡᠨ ᠲᠠᠬᠢᠬᠤ ᠠᠵᠢᠯ ᠢ ᠶᠡᠬᠡᠪᠡᠷ ᠬᠢᠭᠰᠡᠨ ᠪᠠᠶᠢᠵᠠᠢ᠃ | ᠲᠡᠭᠡᠭᠡᠳ ᠲᠠᠷᠤᠭᠠ ᠨᠤᠶᠠᠳ᠂ ᠯᠠᠮᠠ ᠬᠤᠸᠠᠷᠠᠭ ᠂ ᠦᠵᠡᠬᠡᠴᠢ ᠰᠢᠨᠵᠢᠬᠡᠴᠢ ᠪᠠᠨ ᠲᠠᠭᠠᠭᠤᠯᠤᠨ᠂ ᠠᠭᠤᠯᠠ ᠤᠰᠤ | ᠶᠢ ᠰᠢᠨᠵᠢᠵᠦ ᠶᠠᠪᠤᠭᠰᠠᠭᠠᠷ ᠬᠠᠩᠭᠠᠢ ᠠᠭᠤᠯᠠ ᠶᠢᠨ ᠡᠩᠬᠡᠷ᠂ ᠬᠠᠰᠢᠶᠠᠳᠤ ᠨᠠᠭᠤᠷ ᠤᠨ ᠬᠦᠪᠡᠭᠡ᠂ ᠪᠠᠷᠠᠭᠤᠨ ᠪᠤᠯᠠᠭ | ᠤᠨ ᠰᠦᠪᠡᠭᠡᠨ ᠳᠤ ᠪᠠᠶᠢᠷᠢᠰᠢᠭᠰᠠᠨ ᠪᠢᠴᠢᠬᠠᠨ ᠴᠦᠮᠴᠦᠭᠡᠷ ᠠᠭᠤᠯᠠ ᠶᠢ ᠰᠤᠩᠭᠤᠵᠤ᠂ ᠬᠤᠰᠢᠭᠤ ᠨᠡᠶᠢᠳᠡ ᠶᠢᠨ | ᠭᠡᠦᠭᠡᠳ ᠤᠨ ᠤᠪᠤᠭᠠ ᠪᠤᠯᠭᠠᠵᠤ᠂ ᠪᠤᠮᠪᠠ ᠪᠦᠳᠦᠭᠡᠯᠬᠡᠨ ᠲᠠᠷᠤᠵᠤ ᠰᠦᠵᠢᠭᠯᠡᠨ ᠲᠠᠬᠢᠭᠰᠠᠨ ᠬᠡᠨᠡ ᠃ ᠲᠤᠬᠠᠢ | ᠶᠢᠨ ᠦᠶᠡᠰ ᠲᠠᠶᠢᠨ ᠲᠠᠵᠢᠨ ᠤ ᠲᠠᠯᠬᠢᠭᠳᠠᠯ᠂ ᠠᠮᠢᠳᠤᠷᠠᠯ ᠠᠬᠤᠢ ᠶᠢᠨ ᠬᠦᠴᠢᠷᠳᠡᠯ᠂ ᠡᠪᠡᠳᠴᠢᠨ ᠡᠮᠭᠡᠭ ᠤᠨ | ᠨᠡᠮᠡᠭᠳᠡᠯ ᠵᠡᠷᠭᠡ ᠠᠴᠠ ᠰᠢᠯᠳᠠᠭᠠᠯᠠᠵᠤ᠂ ᠮᠠᠯᠵᠢᠬᠤ ᠤᠷᠤᠨ ᠳᠤ ᠬᠡᠦᠭᠡᠳ ᠶᠡᠬᠡᠪᠡᠷ ᠴᠦᠭᠡᠷᠡᠭᠰᠡᠨ ᠪᠠᠶᠢᠵᠠᠢ᠃ | 1947 ᠤᠨ ᠳᠤ ᠬᠡᠦᠭᠡᠳ ᠤᠨ ᠤᠪᠤᠭᠠ ᠶᠢ ᠡᠬᠢᠯᠡᠨ ᠲᠠᠬᠢᠮᠠᠭᠴᠠ ᠭᠤᠴᠢ ᠬᠦᠷᠬᠦ ᠦᠬᠡᠢ ᠠᠶᠢᠯ ᠡᠷᠦᠬᠡ ᠲᠠᠢ | ᠬᠠᠰᠢᠶᠠᠳᠤ ᠨᠤᠳᠤᠭ ᠲᠤ ᠨᠢᠬᠡᠯᠡ ᠵᠢᠯ ᠳᠤ ᠠᠷᠪᠠᠨ ᠭᠡᠳᠦᠨ ᠬᠡᠦᠭᠡᠳ ᠲᠦᠷᠦᠭᠰᠡᠨ ᠶᠤᠮ ᠭᠡᠨᠡ᠃ ᠡᠬᠦᠨ ᠢ | ᠰᠤᠨᠤᠰᠤᠭᠰᠠᠨ ᠰᠡᠷᠡᠩᠨᠠᠮᠵᠢᠯ ᠠᠮᠪᠠᠨ ︽ᠲᠠᠶᠢᠹᠤᠰᠧ ᠵᠡᠬᠦᠨ ᠭᠠᠷ ᠤᠨ ᠭᠡᠦᠭᠡᠳ ᠤᠨ ᠤᠪᠤᠭᠠ ᠶᠢ ᠬᠠᠰᠢᠶᠠᠳᠤ ᠳᠤ | ᠰᠦᠭᠯᠡᠭᠰᠡᠨ ᠴᠢᠨᠢ ᠬᠡᠦᠭᠡᠳ ᠨᠢ ᠪᠦᠷ ᠬᠠᠰᠢᠶᠠᠳᠤ ᠳᠤ ᠲᠦᠷᠦᠴᠢᠭᠡᠭᠰᠡᠨ ᠶᠤᠮ ᠪᠤᠯᠪᠠᠤ︾ ᠭᠡᠵᠦ ᠪᠠᠶᠠᠷᠯᠠᠨ | ᠬᠦᠭᠰᠡᠯᠡ ᠬᠡᠵᠦ ᠨᠠᠰᠤᠳᠠᠶᠢᠴᠤᠳ ᠬᠠᠭᠤᠴᠢᠯᠠᠳᠠᠭ᠃ |