| ᠲᠠᠶᠢᠹᠤᠰᠧ ᠨᠤᠳᠤᠭ ᠲᠤ ᠤᠢ ᠮᠤᠳᠤ ᠴᠤᠬᠠᠭ ᠪᠤᠯᠬᠤᠷ ᠭᠤᠤᠯᠳᠠᠭᠤ ᠠᠷᠭᠠᠯ ᠬᠤᠮᠤᠯ ᠬᠦᠷᠵᠡᠩ ᠳ᠋ᠠᠭ ᠢᠶᠠᠷ | ᠲᠦᠯᠡᠰᠢ ᠪᠤᠯᠭᠠᠳᠠᠭ ᠃ ᠬᠤᠨᠢ ᠢᠮᠠᠭᠠᠨ ᠤ ᠬᠤᠭ ᠬᠤᠷᠭᠤᠯ ᠡᠳᠦᠷ ᠤᠨ ᠤᠳᠠᠭᠠᠨ ᠳᠤ ᠲᠠᠭᠰᠢᠷᠠᠵᠤ | ᠵᠤᠵᠠᠭᠠᠷᠠᠭᠰᠠᠨ ᠢ ᠬᠦᠷᠵᠡᠩ ᠬᠡᠵᠦ᠂ ᠨᠢᠮᠬᠡᠨ ᠰᠢᠭ ᠢ ᠨᠢ ᠳ᠋ᠠᠭ ᠬᠡᠨᠡ᠃ ᠬᠦᠷᠵᠡᠩ ᠢ ᠪᠤᠯ ᠬᠦᠷᠵᠡ ᠪᠠᠷ ᠤᠯᠠᠯᠠᠨ | ᠡᠰᠬᠡᠵᠦ ᠂ ᠳ᠋ᠠᠭ ᠢ ᠪᠤᠯ ᠬᠦᠷᠵᠡ ᠪᠤᠶᠤ ᠲᠡᠮᠦᠷ ᠰᠠᠪᠠᠷ ᠢᠶᠠᠷ ᠬᠠᠭᠤᠯᠵᠤ ᠠᠪᠤᠨᠠ᠃ ᠬᠦᠷᠵᠡᠩ ᠳ᠋ᠠᠭ ᠨᠢ ᠪᠦᠷ | ᠢᠯᠴᠢ ᠰᠠᠶᠢᠳᠠᠢ᠂ ᠨᠤᠴᠤᠬᠤ ᠳᠤ ᠲᠠᠭᠠᠭᠠᠴᠠ ᠲᠠᠢ᠂ ᠡᠪᠦᠯ ᠤᠨ ᠬᠦᠢᠳᠡᠨ ᠳᠤ ᠭᠡᠷᠡᠭᠯᠡᠬᠦ ᠰᠠᠶᠢᠨ ᠲᠦᠯᠡᠰᠢ ᠶᠤᠮ᠃ | ᠠᠷᠭᠠᠯ ᠪᠤᠯ ᠬᠠᠳᠠᠭᠰᠠᠨ ᠦᠬᠡᠷ ᠤᠨ ᠪᠠᠭᠠᠰᠤ ᠶᠢ ᠬᠡᠯᠡᠵᠦ ᠪᠤᠢ᠃ ᠵᠤᠨ ᠤ ᠠᠷᠭᠠᠯ ᠢ ᠰᠢᠷᠠ ᠠᠷᠭᠠᠯ ᠂ ᠡᠪᠦᠯ | ᠤᠨ ᠠᠷᠭᠠᠯ ᠢ ᠬᠠᠷᠠ ᠠᠷᠭᠠᠯ ᠬᠡᠵᠦ᠂ ᠵᠢᠯ ᠦᠨᠵᠢᠭᠰᠡᠨ ᠢ ᠨᠢ ᠬᠦᠭᠡ ᠠᠷᠭᠠᠯ ᠬᠡᠳᠡᠭ᠃ ᠲᠠᠶᠢᠹᠤᠰᠧ ᠤᠨ ᠬᠢᠨ | ᠠᠷᠭᠠᠯ ᠢᠶᠠᠨ ᠬᠦᠷᠵᠡᠩ ᠢᠶᠠᠷ ᠬᠠᠰᠢᠵᠤ ᠲᠠᠯᠠᠩᠨᠠᠭᠤᠯᠤᠨ ᠬᠤᠷᠢᠶᠠᠳᠠᠭ᠃ ᠡᠪᠦᠯ ᠤᠨ ᠴᠠᠭ ᠲᠤ ᠦᠬᠡᠷ ᠤᠨ | ᠬᠦᠯᠳᠡᠬᠦᠰᠦ ᠪᠠᠨ ᠡᠳᠦᠷ ᠪᠦᠷᠢ ᠠᠷᠤᠭ ᠰᠠᠭᠰᠤ ᠪᠠᠷ ᠵᠦᠬᠡᠬᠡᠨ ᠬᠤᠷᠤᠭᠠᠨ ᠠᠴᠠ ᠪᠠᠨ ᠭᠠᠷᠭᠠᠵᠤ᠂ ᠪᠠᠭᠠ ᠪᠠᠭᠠ | ᠪᠠᠷ ᠠᠰᠠᠬᠠᠵᠤ ᠤᠪᠤᠭᠠᠯᠠᠨᠠ ︵ᠤᠳᠤ ᠪᠤᠯ ᠪᠦᠷ ᠵᠢᠳᠬᠦᠬᠦᠷ ᠲᠡᠷᠭᠡ ᠪᠤᠶᠤ ᠴᠠᠬᠢᠯᠭᠠᠨ ᠬᠦᠳᠡᠯᠬᠦᠷᠢᠳᠦ ᠲᠡᠷᠭᠡ ᠪᠠᠷ | ᠵᠦᠬᠡᠬᠡᠬᠦ ᠪᠤᠯᠵᠠᠢ︶᠃ ᠬᠠᠪᠤᠷ ᠤᠷᠤᠵᠤ ᠲᠡᠭᠷᠢ ᠲᠤᠯᠠᠭᠠᠷᠠᠨ ᠴᠠᠰᠤ ᠬᠠᠶᠢᠯᠤᠭᠠᠳ ᠠᠰᠬᠠᠭᠰᠠᠨ ᠦᠬᠡᠷ ᠤᠨ | ᠪᠠᠭᠠᠰᠤ ᠬᠠᠳᠠᠪᠠᠯ ᠠᠷᠭᠠᠯ ᠬᠤᠷᠢᠶᠠᠬᠤ ᠠᠵᠢᠯ ᠡᠬᠢᠯᠡᠨᠡ᠃ ᠠᠷᠭᠠᠯ ᠬᠤᠷᠢᠶᠠᠬᠤ ᠳᠠᠭᠠᠨ ᠲᠡᠭᠰᠢ ᠦᠨᠳᠦᠷ ᠭᠠᠵᠠᠷ | ᠢ ᠰᠤᠩᠭᠤᠵᠤ ᠂ ᠤᠷᠢᠳᠠᠪᠠᠷ ᠬᠠᠰᠢᠶᠠᠨ ᠤ ᠰᠠᠭᠤᠷᠢ ᠲᠠᠯᠪᠢᠨᠠ᠃ ᠰᠠᠭᠤᠷᠢ ᠨᠢ ᠪᠤᠷᠤᠭᠠᠨ ᠤ ᠤᠰᠤᠨ ᠳᠤ | ᠨᠤᠷᠤᠵᠤ ᠤᠷᠤᠰᠤᠭᠠᠳ ᠬᠠᠰᠢᠶᠠ ᠨᠤᠷᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠵᠦ᠂ ᠬᠠᠰᠢᠶᠠᠨ ᠤ ᠰᠠᠭᠤᠷᠢ ᠶᠢ ᠤᠯᠠᠩᠬᠢ ᠳᠠᠭᠠᠨ | ᠴᠢᠯᠠᠭᠤ ᠪᠠᠷ ᠲᠠᠯᠪᠢᠳᠠᠭ᠃ ᠠᠷᠭᠠᠯ ᠤᠨ ᠬᠠᠰᠢᠶᠠ ᠨᠢ ᠤᠷᠳᠤ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ᠂ ᠲᠤᠭᠳᠠᠭᠰᠠᠨ ᠬᠡᠮᠵᠢᠶᠡ | ᠬᠡᠵᠦ ᠪᠠᠶᠢᠬᠤ ᠦᠬᠡᠢ᠂ ᠬᠤᠷᠢᠶᠠᠬᠤ ᠠᠷᠭᠠᠯ ᠤᠨ ᠢᠶᠠᠨ ᠪᠠᠶᠢᠳᠠᠯ ᠢ ᠦᠵᠡᠵᠦ ᠤᠷᠳᠤ ᠦᠷᠭᠡᠨ ᠦᠨᠳᠦᠷ ᠢ | ᠲᠤᠭᠳᠠᠭᠠᠨᠠ᠃ ᠬᠠᠰᠢᠶᠠᠨ ᠤ ᠬᠡᠮᠵᠢᠶᠡ ᠪᠠᠷ ᠴᠢᠯᠠᠭᠤᠨ ᠰᠠᠭᠤᠷᠢ ᠪᠠᠨ ᠲᠡᠭᠰᠢ ᠰᠠᠶᠢᠬᠠᠨ ᠵᠡᠷᠭᠡᠯᠡᠵᠦ ᠲᠠᠯᠪᠢᠭᠰᠠᠨ | ᠤ ᠲᠠᠷᠠᠭᠠ᠂ ᠲᠦᠷᠪᠡᠯᠵᠢᠯᠡᠵᠦ ᠡᠰᠭᠡᠭᠰᠡᠨ ᠬᠦᠷᠵᠡᠩ ᠢᠶᠠᠷ ᠢᠶᠠᠨ ᠲᠤᠷᠤᠭᠰᠢ ᠠᠴᠠ ᠲᠡᠭᠡᠭᠰᠢ ᠲᠠᠪᠬᠤᠷᠯᠠᠨ | ᠬᠠᠰᠢᠶᠠ ᠲᠠᠯᠪᠢᠨᠠ᠃ ᠡᠨᠡ ᠮᠡᠳᠦ ᠪᠠᠷ ᠬᠠᠰᠢᠶᠠ ᠪᠠᠨ ᠲᠠᠯᠪᠢᠬᠤ ᠶᠢᠨ ᠲᠠᠭᠠᠤ ᠠᠷᠭᠠᠯ ᠢᠶᠠᠷ ᠢᠶᠠᠨ ᠬᠠᠰᠢᠶᠠ ᠶᠢ | ᠲᠦᠬᠦᠷᠭᠡᠭᠰᠡᠭᠡᠷ ᠪᠠᠶᠢᠵᠤ᠂ ᠵᠤᠬᠢᠬᠤ ᠦᠨᠳᠦᠷ ᠤᠨ ᠬᠡᠮᠵᠢᠶᠡ ᠳᠤ ᠬᠦᠷᠪᠡᠯ ᠬᠠᠰᠢᠶᠠ ᠲᠠᠢ ᠠᠷᠭᠠᠯ ᠤᠨ ᠢᠶᠠᠨ | ᠤᠷᠤᠢ ᠶᠢ ᠪᠦᠮᠪᠦᠷᠭᠡᠨ ᠬᠡᠯᠪᠡᠷᠢ ᠲᠠᠢ ︵ ᠡᠮᠦᠨᠡ ᠬᠤᠶᠢᠨᠠ ᠠᠴᠠ ᠨᠢ ᠬᠠᠷᠠᠬᠤ ᠳᠤ ᠨᠤᠮᠤᠨ ᠬᠡᠯᠪᠡᠷᠢ ᠲᠠᠢ︶ | ᠪᠤᠯᠭᠠᠵᠤ ᠦᠵᠡᠮᠦᠷᠢ ᠲᠠᠢ ᠰᠠᠶᠢᠬᠠᠨ ᠬᠤᠷᠢᠶᠠᠵᠤ ᠲᠠᠭᠤᠰᠬᠠᠨᠠ᠃ ᠡᠬᠦᠨ ᠢ ︽ᠠᠷᠭᠠᠯ ᠨᠢᠷᠤᠭᠤᠯᠠᠬᠤ︾ ᠭᠡᠳᠡᠭ ︵ | ᠨᠢᠷᠤᠭᠤ ᠭᠠᠷᠭᠠᠵᠤ ᠪᠠᠶᠢᠨᠠ ᠭᠡᠰᠡᠨ ᠦᠬᠡ︶᠃ ᠠᠷᠭᠠᠯ ᠢᠶᠠᠨ ᠴᠡᠪᠡᠷ ᠴᠡᠮᠴᠡᠭᠡᠷ ᠬᠤᠷᠢᠶᠠᠵᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ | ᠂ ᠨᠤᠶᠢᠳᠠᠨ ᠦᠬᠡᠷ ᠤᠨ ᠪᠠᠭᠠᠰᠤ ᠶᠢ ᠤᠰᠤ ᠪᠠᠷ ᠰᠢᠩᠬᠡᠯᠡᠨ ᠵᠢᠭᠤᠷᠠᠵᠤ᠂ ᠲᠠᠯᠠᠩ ᠲᠠᠢ ᠠᠷᠭᠠᠯ ᠢᠶᠠᠨ | ᠭᠠᠳᠠᠨᠠ ᠠᠴᠠ ᠨᠢ ᠬᠦᠯᠡᠶᠢᠳᠡᠯᠡ ᠰᠠᠶᠢᠬᠠᠨ ᠰᠢᠪᠠᠵᠤ ᠲᠠᠯᠪᠢᠪᠠᠯ ᠂ ᠬᠤᠷᠢᠶᠠᠭᠰᠠᠨ ᠠᠷᠭᠠᠯ ᠨᠢ ᠪᠤᠷᠤᠭᠠᠨ ᠳᠤ | ᠨᠤᠷᠤᠬᠤ ᠦᠬᠡᠢ᠂ ᠰᠠᠯᠬᠢᠨ ᠳᠤ ᠬᠡᠶᠢᠰᠬᠦ ᠦᠬᠡᠢ ᠮᠦᠷᠳᠡᠭᠡᠨ ᠤᠯᠠᠮ ᠴᠡᠪᠡᠷ ᠰᠠᠶᠢᠬᠠᠨ ᠦᠵᠡᠭᠳᠡᠨᠡ ᠂ ᠶᠡᠷᠦᠨᠢ | ᠠᠵᠢᠯᠴᠢ ᠠᠶᠢᠯ ᠪᠤᠯ ᠠᠷᠭᠠᠯ ᠢᠶᠠᠷ ᠢᠶᠠᠨ ᠲᠠᠨᠢᠭᠳᠠᠳᠠᠭ ᠪᠢᠯᠡ᠃ |