| ᠳ᠋ᠠᠯᠢᠶᠤᠤ ᠬᠡᠳᠡᠭ ᠨᠢ ᠵᠢᠵᠢᠭ ᠲᠦᠷᠪᠡᠯᠵᠢᠨ ᠬᠤᠯᠤᠰᠤ᠂ ᠮᠤᠳᠤ ᠪᠤᠶᠤ ᠶᠠᠰᠤᠨ ᠲᠡᠭᠡᠷᠡ ᠨᠦᠬᠡᠨ ᠤᠷᠤᠮ | ᠭᠠᠷᠭᠠᠵᠤ ᠬᠢᠭᠰᠡᠨ 64 ᠫᠠᠢ ᠪᠤᠯᠤᠨᠠ᠃ ᠲᠠᠪᠢᠳᠤ ᠶᠢᠨ ᠬᠤᠨᠵᠢᠶᠠ ᠨᠠᠭᠠᠳᠬᠤ᠂ ᠬᠤᠷᠢᠨ ᠲᠦᠷᠪᠡ ᠶᠢᠨ | ᠬᠤᠨᠵᠢᠶᠠ ᠨᠠᠭᠠᠳᠬᠤ᠂ ︽ᠭᠡᠷ ᠪᠠᠷᠢᠬᠤ︾᠂ ᠨᠦᠬᠡ ᠲᠠᠭᠠᠷᠠᠭᠤᠯᠬᠤ ᠮᠡᠳᠦ ᠪᠠᠷ ᠤᠯᠠᠨ ᠲᠤᠭᠳᠠᠭᠠᠯ ᠵᠢᠷᠤᠮ | ᠲᠠᠢ᠂ ᠤᠯᠠᠨ ᠱᠦᠬᠦᠯᠳᠡ ᠲᠠᠢ ᠨᠠᠭᠠᠳᠴᠤ ᠪᠤᠯᠤᠨᠠ᠃ ᠫᠠᠢ ᠨᠤᠭᠤᠳ ᠨᠢ ᠫᠠᠷᠴᠢᠨ ᠠᠷᠪᠠ᠂ ᠯᠠᠮᠠ ᠶᠢᠰᠦ᠂ | ᠴᠢᠪᠠᠭᠠᠨᠴᠠ ᠨᠠᠢᠮᠠ᠂ ᠬᠦᠷᠵᠡ ᠲᠤᠯᠤᠭᠠ᠂ ᠴᠡᠴᠡᠭ ᠵᠢᠷᠭᠤᠭᠠ᠂ ᠬᠠᠷᠠ ᠲᠠᠪᠤ᠂ ᠤᠶᠢᠮᠤᠰᠤ ︵ ᠲᠦᠷᠪᠡᠨ ᠨᠦᠬᠡ | ᠲᠠᠢ︶᠂ ᠰᠤᠬᠤᠷ ︵ ᠬᠤᠶᠠᠷ ᠨᠦᠬᠡ ᠲᠠᠢ︶ ᠬᠡᠮᠡᠬᠦ ᠮᠤᠩᠭᠤᠯ ᠨᠡᠷᠡᠶᠢᠳᠦᠯ ᠲᠠᠢ ᠪᠠᠶᠢᠳᠠᠭ᠃ ᠬᠠᠮᠤᠭ ᠶᠡᠭᠡ ᠫᠠᠢ | ᠨᠢ 12 ᠨᠦᠬᠡ ᠲᠠᠢ᠂ ᠲᠡᠬᠦᠨ ᠢ ︽ ᠳ᠋ᠠᠯᠢᠶᠤᠤ︾ ᠬᠡᠵᠦ᠂ 11 ᠨᠦᠬᠡ ᠲᠠᠢ ᠫᠠᠢ ᠶᠢ ᠨᠢ ︽ᠦᠯᠢᠶᠤᠤ︾ | ᠭᠡᠳᠡᠭ᠃ ᠡᠬᠦᠪᠡᠷ ᠰᠡᠳᠦᠪᠯᠡᠭᠡᠳ ᠬᠦᠮᠦᠰ ᠪᠠᠰᠠ ︽ ᠳ᠋ᠠᠯᠢᠶᠤᠤ ᠦᠯᠢᠶᠤᠤ ᠰᠢᠷᠡᠭᠡᠨ ᠤ ᠬᠤᠸᠠᠷ᠂ ᠳ᠋ᠠᠮᠪᠠ ᠶᠢᠨ | ᠬᠡᠦᠬᠡᠨ ᠬᠤᠳᠠᠨ ᠤ ᠬᠤᠸᠠᠷ︾ ᠭᠡᠮᠡᠬᠦ ᠨᠠᠭᠠᠳᠤᠮ ᠤᠨ ᠦᠬᠡ ᠵᠤᠬᠢᠶᠠᠭᠰᠠᠨ ᠪᠠᠶᠢᠳᠠᠭ᠃ | ︽ᠭᠡᠷ ᠪᠠᠷᠢᠬᠤ︾ ᠳᠤ ᠨᠠᠭᠠᠳᠬᠤ ᠬᠦᠮᠦᠨ ᠤ ᠪᠠᠨ ᠲᠤᠭᠠ ᠶᠢ ᠦᠵᠡᠵᠦ ᠪᠠᠶᠢᠭᠠᠳ 64 ᠫᠠᠢ ᠪᠠᠨ ᠠᠳᠠᠯᠢ | ᠬᠡᠮᠵᠢᠶᠡ ᠲᠠᠢ ᠤᠪᠤᠭᠠᠯᠠᠵᠤ ᠲᠤᠭᠤᠷᠢᠭᠯᠠᠨ ᠲᠠᠯᠪᠢᠨᠠ᠃ ᠵᠢᠱᠢᠶᠡᠯᠡᠪᠡᠯ ᠲᠦᠷᠪᠡᠨ ᠬᠦᠮᠦᠨ ᠨᠠᠭᠠᠳᠪᠠᠯ ᠂ ᠬᠦᠮᠦᠨ | ᠪᠦᠷᠢ ᠳᠤ ᠲᠡᠭᠰᠢ ᠨᠤᠭᠳᠠᠭᠤᠯᠬᠤ ᠭᠡᠵᠦ ᠲᠦᠷᠪᠡ ᠲᠦᠷᠪᠡ ᠪᠠᠷ 16 ᠤᠪᠤᠭᠠ ᠪᠤᠰᠬᠠᠨᠠ ᠃ ᠲᠠᠪᠤᠨ ᠬᠦᠮᠦᠨ | ᠨᠠᠭᠠᠳᠬᠤ ᠳᠤ 64 ᠫᠠᠢ ᠨᠢ ᠲᠡᠭᠰᠢ ᠨᠤᠭᠳᠠᠬᠤ ᠦᠬᠡᠢ ᠪᠤᠯᠬᠤᠷ ᠲᠦᠷᠪᠡᠨ ︽ᠤᠶᠢᠮᠤᠰᠤ︾ ᠪᠤᠶᠤ ᠲᠦᠷᠪᠡᠨ ︽ | ᠰᠠᠨᠳᠠᠯᠢ︾ ᠶᠢᠨ ᠠᠯᠢ ᠨᠢᠬᠡ ᠵᠦᠢᠯ ᠢ ᠭᠠᠷᠭᠠᠵᠤ ᠬᠠᠶᠠᠭᠠᠳ ᠂ 60 ᠫᠠᠢ ᠪᠠᠨ ᠲᠠᠪᠤᠨ ᠬᠦᠮᠦᠨ ᠳᠤ ᠲᠡᠭᠰᠢ | ᠨᠤᠭᠳᠠᠭᠤᠯᠵᠤ᠂ ᠲᠠᠪᠤ ᠲᠠᠪᠤ ᠪᠠᠷ 12 ᠤᠪᠤᠭᠠ ᠤᠪᠤᠭᠠᠯᠠᠨᠠ᠃ ︽ᠳ᠋ᠠᠯᠢᠶᠤᠤ︾ ᠪᠤᠯ ᠠᠷᠪᠠᠨ ᠬᠤᠶᠠᠷ | ᠨᠦᠬᠡ ᠲᠠᠢ ᠬᠠᠮᠤᠭ ᠶᠡᠭᠡ ᠫᠠᠢ᠂ ︽ᠰᠤᠬᠤᠷ︾ ᠪᠤᠯ ᠬᠤᠶᠠᠷᠬᠠᠨ ᠨᠦᠬᠡ ᠲᠠᠢ ᠬᠠᠮᠤᠭ ᠪᠠᠭᠠ ᠫᠠᠢ᠃ | ᠨᠠᠭᠠᠳᠬᠤ ᠠᠷᠭᠠ ᠨᠢ ᠬᠠᠮᠤᠭ ᠴᠦᠬᠡᠨ ᠳᠡᠭᠡᠨ ᠨᠢᠬᠡ ᠫᠠᠢ᠂ ᠬᠠᠮᠤᠭ ᠶᠡᠭᠡ ᠳᠡᠭᠡᠨ ᠲᠦᠷᠪᠡᠨ ᠫᠠᠢ ᠭᠠᠷᠴᠤ | ᠪᠤᠯᠤᠨᠠ᠂ ᠲᠡᠭᠡᠬᠦ ᠳᠡᠭᠡᠨ ᠬᠤᠶᠠᠷ ᠪᠤᠶᠤ ᠬᠤᠶᠠᠷ ᠠᠴᠠ ᠲᠡᠭᠡᠭᠰᠢ ᠫᠠᠢ ᠭᠠᠷᠬᠤ ᠳᠤ ᠵᠠᠪᠠᠯ ᠢᠵᠢᠯ ᠫᠠᠢ ᠭᠠᠷᠬᠤ | ᠭᠡᠷᠡᠭᠳᠡᠢ᠃ ᠵᠢᠱᠢᠶᠡᠯᠡᠪᠡᠯ᠂ ᠬᠤᠤᠰ ︽ᠤᠶᠢᠮᠤᠰᠤ︾᠂ ᠭᠤᠷᠪᠠᠨ ︽ᠰᠤᠬᠤᠷ︾᠂ ᠲᠦᠷᠪᠡᠨ ︽ | ᠬᠦᠷᠵᠡ ᠲᠤᠯᠤᠭᠠ︾᠂᠂᠂᠂᠂᠂ ᠬᠡᠬᠦ ᠮᠡᠳᠦ᠃ ᠲᠡᠭᠡᠭᠡᠳ ᠶᠡᠭᠡ ᠫᠠᠢ ᠨᠢ ᠪᠠᠭᠠ ᠫᠠᠢ ᠪᠠᠨ ᠲᠠᠷᠤᠵᠤ ︽ᠭᠡᠷ | ᠪᠠᠷᠢᠨᠠ︾᠃ ᠲᠡᠭᠡᠷᠡᠬᠢ ᠬᠦᠮᠦᠨ ᠨᠢ ᠬᠤᠶᠠᠷ᠂ ᠭᠤᠷᠪᠠ᠂ ᠲᠦᠷᠪᠡ ᠪᠠᠷ ᠢᠵᠢᠯ ᠫᠠᠢ ᠭᠠᠷᠬᠤ ᠦᠶᠡᠰ᠂ | ᠲᠠᠷᠠᠭᠠᠴᠢ ᠶᠢᠨ ᠬᠦᠮᠦᠰ ᠲᠤ ᠲᠡᠬᠦᠨ ᠢ ᠲᠠᠷᠤᠬᠤ ᠢᠵᠢᠯ ᠫᠠᠢ ᠪᠠᠶᠢᠪᠠᠯ ᠲᠠᠷᠤᠭᠠᠳ ︽ᠭᠡᠷ ᠪᠠᠷᠢᠨᠠ︾ ᠂ | ᠲᠠᠷᠤᠬᠤ ᠢᠵᠢᠯ ᠫᠠᠢ ᠪᠠᠶᠢᠬᠤ ᠦᠬᠡᠢ ᠪᠤᠯ ᠬᠠᠮᠤᠭ ᠮᠠᠭᠤ ᠫᠠᠢ ᠠᠴᠠ ᠪᠠᠨ ᠦᠭᠴᠦ ᠲᠠᠷᠤᠭᠤᠯᠤᠨᠠ᠃ ᠡᠶᠢᠮᠦ | ᠠᠴᠠ ᠲᠤᠰ ᠲᠤᠭᠯᠠᠭᠠᠮ ᠢ ᠨᠠᠭᠠᠳᠬᠤ ᠳᠤ ᠪᠠᠭᠠ ᠪᠤᠰᠤ ᠠᠷᠭᠠ ᠤᠬᠠᠭᠠᠨ ᠭᠡᠷᠡᠭᠰᠡᠨᠡ᠃ ᠵᠠᠷᠢᠮ ᠦᠶᠡᠰ ᠫᠠᠢ | ᠰᠠᠶᠢᠳᠠᠢ᠂ ︽ᠭᠡᠷ ᠪᠠᠷᠢᠬᠤ︾ ᠪᠠᠳᠤᠯᠠᠭᠠ ᠲᠠᠢ ᠬᠦᠮᠦᠰ ᠨᠢ ᠫᠠᠢ ᠮᠠᠭᠤᠳᠠᠢ ᠬᠦᠮᠦᠨ ᠢᠶᠠᠨ ᠬᠠᠪᠴᠢᠨ | ᠰᠢᠬᠠᠮᠳᠠᠭᠤᠯᠵᠤ᠂ ᠲᠠᠷᠤᠬᠤ ᠴᠠᠭ ᠲᠤᠨᠢ ᠲᠠᠷᠤᠵᠤ᠂ ᠲᠠᠷᠤᠭᠤᠯᠬᠤ ᠴᠠᠭ ᠲᠠᠭᠠᠨ ᠲᠠᠷᠤᠭᠤᠯᠤᠨ ᠪᠠᠶᠢᠵᠤ᠂ ᠨᠦᠬᠦᠬᠡ | ᠬᠦᠮᠦᠨ ᠢᠶᠠᠨ ︽ᠬᠡᠷ ᠪᠠᠷᠢᠬᠤ︾ ᠵᠠᠪᠰᠢᠶᠠᠨ ᠦᠬᠡᠢ ᠪᠤᠯᠭᠠᠨ ︽ᠬᠦᠳᠡᠭᠡ ᠬᠤᠨᠤᠭᠤᠯᠳᠠᠭ︾᠃ ︽ᠬᠦᠳᠡᠭᠡ | ᠬᠤᠨᠤᠭᠰᠠᠨ︾ ᠬᠦᠮᠦᠨ ᠳᠤ ᠴᠠᠭᠠᠰᠤᠨ ᠮᠠᠯᠠᠭᠠᠢ ᠡᠮᠦᠰᠭᠡᠵᠦ᠂ ᠰᠠᠭᠤᠯᠠᠭᠠ ᠰᠠᠪᠠ ᠵᠡᠬᠦᠯᠬᠡᠬᠦ ᠪᠤᠶᠤ ᠤᠯᠠᠨ ᠳᠤ | ᠠᠮᠤᠷ ᠡᠷᠢᠬᠦᠯᠵᠦ ᠵᠤᠪᠠᠭᠠᠨᠠ᠃ ᠤᠯᠠᠨ ᠬᠦᠮᠦᠨ ᠨᠠᠭᠠᠳᠪᠠᠯ ︽ᠬᠦᠳᠡᠭᠡ ᠬᠤᠨᠤᠬᠤ︾ ᠨᠢ ᠴᠤ ᠤᠯᠠᠨ ᠪᠤᠯᠵᠤ᠂ | ᠤᠯᠠᠮ ᠶᠡᠭᠡ ᠠᠳᠠᠭᠠ ᠲᠠᠢ ᠪᠠᠶᠢᠳᠠᠭ᠃ | ︽ᠨᠦᠬᠡ ᠲᠠᠭᠠᠷᠠᠭᠤᠯᠬᠤ︾ ᠨᠢ ︽ᠭᠡᠷ ᠪᠠᠷᠢᠬᠤ︾ ᠶᠢ ᠪᠤᠳᠤᠪᠠᠯ ᠨᠠᠭᠠᠳᠬᠤ ᠳᠤ ᠨᠡᠩ ᠠᠮᠠᠷᠬᠠᠨ᠂ ᠵᠢᠭᠠᠯ | ᠬᠡᠦᠭᠡᠳ ᠴᠤ ᠨᠠᠭᠠᠳᠴᠤ ᠴᠢᠳᠠᠨᠠ᠃ ᠲᠤᠬᠠᠶᠢᠯᠠᠪᠠᠯ᠂ 64 ᠫᠠᠢ ᠪᠠᠨ ᠠᠳᠠᠯᠢ ᠲᠡᠭᠰᠢ ᠬᠤᠪᠢᠶᠠᠵᠤ ᠠᠪᠤᠭᠠᠳ᠂ | ᠲᠡᠭᠡᠷᠡ ᠬᠦᠮᠦᠨ ᠨᠢ ᠨᠢᠬᠡ ᠫᠠᠢ ᠭᠠᠷᠪᠠᠯ ᠲᠠᠷᠠᠭᠠᠴᠢ ᠶᠢᠨ ᠬᠦᠮᠦᠨ ᠨᠢ ᠭᠠᠷᠤᠭᠰᠠᠨ ᠫᠠᠢ ᠶᠢᠨ ᠠᠯᠢ ᠨᠢᠬᠡ | ᠦᠵᠦᠬᠦᠷ ᠤᠨ ᠬᠢᠨᠢ ᠨᠦᠬᠡᠨ ᠤ ᠲᠤᠭᠠ ᠳᠤ ᠲᠠᠭᠠᠷᠠᠭᠤᠯᠤᠨ ᠦᠪᠡᠷ ᠤᠨ ᠫᠠᠢ ᠪᠠᠨ ᠵᠠᠯᠭᠠᠵᠤ ᠲᠠᠯᠪᠢᠨᠠ᠃ | ᠵᠢᠱᠢᠶᠡᠯᠡᠪᠡᠯ᠂ ︽ᠬᠦᠷᠵᠡ ᠲᠤᠯᠤᠭᠠ︾ ᠪᠠᠷ ᠠᠪᠴᠤ ᠬᠡᠯᠡᠬᠦ ᠳᠤ ᠵᠢᠷᠭᠤᠭᠠᠨ ᠨᠦᠬᠡ ᠲᠠᠢ ᠨᠢ ᠲᠠᠭᠠᠷᠠᠭᠤᠯᠵᠤ | ᠵᠠᠯᠭᠠᠭᠰᠠᠨ ᠴᠤ ᠪᠤᠯᠤᠨᠠ᠂ ᠨᠢᠬᠡ ᠨᠦᠬᠡ ᠲᠠᠢ ᠨᠢ ᠲᠠᠭᠠᠷᠠᠭᠤᠯᠵᠤ ᠵᠠᠯᠭᠠᠭᠰᠠᠨ ᠴᠤ ᠪᠤᠯᠳᠠᠭ᠃ ᠡᠨᠡ ᠮᠡᠳᠦ ᠪᠠᠷ | ᠡᠬᠡᠯᠵᠢᠯᠡᠨ ᠲᠠᠭᠠᠷᠠᠭᠤᠯᠵᠤ ᠵᠠᠯᠭᠠᠭᠠᠳ᠂ ᠬᠡᠨ ᠤᠷᠢᠳᠠᠪᠠᠷ ᠭᠠᠷ ᠲᠠᠬᠢ ᠫᠠᠢ ᠪᠠᠨ ᠵᠠᠯᠭᠠᠵᠤ ᠪᠠᠷᠠᠪᠠᠯ ᠱᠦᠬᠦᠭᠰᠡᠨ | ᠢᠶᠠᠷ ᠪᠤᠳᠤᠨᠠ᠃ |