| ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠬᠡᠷᠬᠢᠨ ᠢᠳᠡᠭᠡᠨ ᠤᠮᠳᠠᠭᠠᠨ ᠢᠶᠠᠷ ᠪᠡᠶᠠ ᠪᠠᠨ ᠰᠤᠪᠢᠯᠠᠪᠠᠯ ᠵᠤᠬᠢᠬᠤ ᠪᠤᠢ︖ | — ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠ ᠶᠢᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ | ᠲᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠷᠠᠰᠢ ᠶᠢ ᠰᠤᠷᠪᠤᠯᠵᠢᠯᠠᠭᠠᠳ | ᠤᠷᠢᠬᠠᠠ ᠬᠠᠪᠤᠷ ᠰᠠᠭᠠᠳᠠᠵᠤ ᠡᠷᠬᠢᠬᠦ ᠲᠦᠷᠪᠡᠨ ᠤᠯᠠᠷᠢᠯ ᠤᠨ ᠵᠢᠮᠠ ᠪᠠᠷ ᠬᠠᠮᠤᠭ ᠠᠮᠢᠳᠠᠨ ᠠᠮᠢᠵᠢᠷᠠᠯ ᠤᠨ | ᠬᠦᠴᠤᠨ ᠢᠶᠠᠨ ᠰᠡᠷᠭᠦᠬᠡᠬᠦ ᠳᠤ ᠬᠦᠮᠦᠰ ᠤᠨ ᠪᠡᠶᠠ ᠳᠤ ᠴᠤ ᠵᠤᠬᠢᠬᠤ ᠬᠤᠪᠢᠷᠠᠯᠳᠠ ᠶᠢ ᠪᠤᠢ ᠪᠤᠯᠭᠠᠳᠠᠭ ᠪᠠᠶᠢᠨᠠ᠃ | ᠶᠡᠷᠤ ᠨᠢ ᠳᠡᠭᠡᠭᠡᠳ ᠨᠠᠰᠤᠳᠡᠶᠢᠴᠤᠳ ᠬᠠᠪᠤᠷ ᠡᠷᠳᠡ ᠪᠢᠳᠡᠬᠡᠢ ᠨᠢᠮᠬᠡᠯᠡ᠂ ᠨᠠᠮᠤᠷ ᠡᠷᠳᠡ ᠪᠢᠳᠡᠬᠡᠢ ᠵᠤᠵᠠᠭᠠᠯᠠ ᠬᠡᠬᠦ | ᠮᠡᠳᠤ ᠬᠡᠴᠢᠨᠡᠡ ᠤᠯᠠᠨ ᠵᠢᠯ ᠤᠨ ᠳᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠪᠠᠷ ᠢᠶᠠᠨ ᠳ᠋ᠦᠡᠭᠨᠡᠵᠤ ᠭᠠᠷᠭᠠᠬᠰᠠᠨ ᠶᠡᠷᠤᠳᠡ ᠶᠢᠨ ᠮᠡᠳᠡᠯᠬᠡ | ᠮᠡᠳᠡᠴᠡ ᠪᠠᠷ ᠢᠶᠠᠨ ᠤᠯᠠᠷᠢᠨ ᠬᠤᠪᠢᠰᠬᠤ ᠤᠯᠠᠷᠢᠯ ᠤᠨ ᠵᠢᠮᠠ ᠪᠠᠷ ᠪᠡᠶᠠ ᠶᠢᠨ ᠰᠤᠪᠢᠯᠠᠯᠳᠠ ᠪᠠᠨ ᠠᠩᠬᠠᠷᠬᠤ ᠶᠢ | ᠰᠠᠨᠠᠭᠤᠯᠵᠤ ᠢᠷᠡᠭᠰᠡᠨ ᠪᠠᠶᠢᠳᠠᠭ᠃ ᠰᠤᠷᠪᠤᠯᠵᠢᠯᠠᠬᠴᠢ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ | ᠬᠤᠷᠢᠶᠠᠨ ᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠷᠠᠰᠢ ᠶᠢᠨ ᠬᠠᠪᠤᠷ ᠴᠠᠭ ᠲᠤ ᠪᠡᠶᠠ ᠶᠢᠨ | ᠰᠤᠪᠢᠯᠠᠯᠳᠠ ᠶᠢᠨ ᠳᠠᠯᠠ ᠪᠠᠷ ᠶᠠᠭᠠᠬᠢᠵᠤ ᠠᠩᠬᠠᠷᠬᠤ ᠳᠤᠬᠠᠢ ᠰᠤᠷᠪᠤᠯᠵᠢᠯᠠᠬᠰᠠᠨ ᠰᠤᠷᠪᠤᠯᠵᠢᠯᠠᠭᠠ ᠪᠠᠨ | ᠬᠤᠪᠢᠶᠠᠯᠴᠠᠶᠠ᠃ | ᠡᠪᠤᠯ ᠤᠨ ᠬᠦᠢᠳᠡᠨ ᠤ ᠡᠷᠴᠢ ᠪᠠᠷ ᠬᠦᠷᠦᠵᠤ ᠴᠠᠷᠴᠠᠬᠰᠠᠨ ᠪᠠᠳᠭᠠᠨ ᠬᠠᠪᠤᠷ ᠤᠨ ᠳᠤᠯᠠᠭᠠᠨ ᠢᠷᠡᠬᠦ ᠪᠠᠷ ᠭᠡᠰᠴᠤ | ᠬᠠᠶᠢᠯᠦᠨ᠂ ᠪᠠᠳᠭᠠᠨ ᠡᠪᠡᠳᠴᠢᠨ ᠬᠦᠷᠬᠦ ᠪᠦᠭᠡᠳ ᠵᠠᠷᠢᠮ ᠰᠢᠩᠭᠡᠭᠡᠯᠳᠡ ᠶᠢᠨ ᠡᠪᠡᠳᠴᠢᠨ ᠬᠦᠳᠡᠯᠬᠦ ᠤᠴᠢᠷ ᠠᠷᠪᠢᠨ | ᠭᠠᠷᠤᠨᠠ᠃ ᠬᠦᠮᠦᠨ ᠤ ᠪᠡᠶᠠ ᠶᠢ ᠠᠷᠭᠠ ᠪᠢᠯᠢᠭ ᠳᠠᠪᠤᠨ ᠮᠠᠬᠠᠪᠤᠳ ᠤᠨ ᠳᠠᠯᠠ ᠪᠠᠷ ᠬᠤᠪᠢᠶᠠᠵᠤ᠂ ᠮᠤᠩᠭᠤᠯ | ᠡᠮᠨᠡᠯᠭᠡ ᠳᠤ ᠬᠡᠢ᠂ ᠰᠢᠷᠠ᠂ ᠪᠠᠳᠭᠠᠨ ᠭᠡᠵᠤ ᠳᠠᠷᠤᠢ ᠰᠢᠷᠠ ᠨᠢ ᠠᠷᠭᠠ᠂ ᠪᠠᠳᠭᠠᠨ ᠨᠢ ᠪᠢᠯᠢᠭ ᠪᠠᠶᠢᠵᠤ᠂ ᠬᠡᠢ ᠨᠢ | ᠬᠦᠢᠳᠡᠨ ᠳᠠᠯᠠ ᠶᠢ ᠵᠢᠭᠠᠵᠤ ᠪᠠᠶᠢᠳᠠᠭ᠃ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠳᠠᠬᠢ ᠪᠠᠳᠭᠠᠨ ᠬᠠᠶᠢᠯᠵᠤ ᠡᠪᠡᠳᠴᠢᠨ ᠪᠤᠯᠬᠤ | ᠭᠡᠳᠡᠭ ᠨᠢ ᠡᠶᠢᠮᠤ ᠤᠴᠢᠷ ᠢ ᠵᠢᠭᠠᠵᠤ ᠪᠠᠶᠢᠨᠠ ᠭᠡᠵᠥ ᠬᠠᠪᠤᠷ ᠴᠠᠭ ᠤᠨ ᠪᠡᠶᠠ ᠮᠠᠬᠠᠪᠤᠳ ᠤᠨ ᠬᠤᠪᠢᠷᠠᠯᠳᠠ ᠶᠢᠨ | ᠳᠤᠬᠠᠢ ᠷᠠᠰᠢ ᠡᠮᠴᠢ ᠢᠡᠭᠭᠢᠵᠤ ᠬᠡᠯᠡᠯᠠ᠃ | ᠷᠠᠰᠢ ᠡᠮᠴᠢ᠄ ︽ᠬᠠᠪᠤᠷ ᠴᠠᠭ ᠪᠤᠯᠪᠠᠯ ᠬᠦᠮᠦᠨ ᠤ ᠪᠡᠶᠠ ᠳᠠᠬᠢ ᠪᠠᠳᠭᠠᠨ ᠬᠡᠰᠴᠤ ᠬᠠᠶᠢᠯᠵᠤ᠂ ᠡᠪᠡᠳᠴᠢᠨ | ᠡᠬᠦᠰᠬᠦ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠳᠤ ᠭᠤᠤᠯᠳᠠᠭᠤ ᠢᠳᠡᠭᠡᠨ ᠤᠮᠳᠠᠭᠠᠨ ᠢᠶᠠᠨ ᠳᠤᠬᠢᠷᠠᠭᠤᠯᠬᠤ ᠬᠡᠷᠡᠭᠳᠡᠢ ᠪᠠᠶᠢᠳᠠᠬ᠃ | ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠳᠤ ᠢᠳᠡᠭᠡᠨ ᠢᠶᠠᠨ ᠳᠤᠬᠢᠷᠠᠭᠤᠯᠬᠤ ᠳᠤᠬᠠᠢ ᠶᠡᠷᠦᠩᠭᠡᠶᠢᠯᠡᠭᠡᠳ ᠬᠡᠯᠡᠪᠡᠯ ᠬᠠᠪᠤᠷ ᠤᠨ | ᠴᠠᠭ ᠲᠤ ᠬᠦᠡᠭᠭᠡᠨ ᠪᠦᠯᠢᠶᠡᠨ᠂ ᠵᠤᠨ ᠤ ᠴᠠᠭ ᠲᠤ ᠬᠦᠡᠭᠭᠡᠨ ᠰᠡᠷᠢᠬᠦᠨ ᠳᠤᠰᠤᠯᠢᠭ᠂ ᠨᠠᠮᠤᠷ ᠴᠠᠭ ᠲᠤ ᠠᠮᠳᠠᠯᠢᠭ | ᠡᠬᠡᠬᠦᠨ ᠭᠠᠰᠢᠭᠤᠨ ᠭᠡᠵᠤ ᠡᠪᠤᠯ ᠤᠨ ᠴᠠᠭ ᠲᠤ ᠠᠮᠳᠠᠯᠢᠭ ᠢᠰᠬᠦᠯᠡᠩ ᠳᠠᠪᠤᠰᠤᠯᠢᠭ ᠭᠡᠵᠤ ᠳᠤᠬᠢᠷᠠᠭᠤᠯᠵᠤ | ᠬᠡᠷᠡᠭᠯᠡᠳᠡᠭ︾ ᠭᠡᠯᠠ᠃ | ᠮᠤᠩᠭᠤᠯᠴᠤᠳ ᠶᠡᠷᠤ ᠨᠢ ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠳᠤ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠳᠤᠬᠢᠷᠠᠭᠤᠯᠵᠤ | ᠬᠡᠷᠡᠭᠯᠡᠬᠦ ᠶᠢ ᠤᠨᠴᠠ ᠠᠩᠬᠠᠷᠴᠤ ᠪᠠᠶᠢᠳᠠᠭ᠃ ᠳᠡᠬᠡᠬᠦ ᠳᠡᠭᠡᠨ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠵᠤᠬᠢᠰᠳᠡᠢ ᠳᠤᠬᠢᠷᠠᠭᠤᠯᠵᠤ | ᠬᠢᠴᠢᠶᠠᠨ ᠡᠳ᠋ᠯᠡᠪᠡᠰᠤ ᠬᠦᠮᠦᠨ ᠤ ᠪᠡᠶᠠ ᠶᠢᠨ ᠰᠢᠮᠠ ᠳᠡᠵᠢᠬᠡᠯ ᠬᠠᠨᠭ᠍ᠭᠠᠯᠳᠠᠳᠡᠢ ᠪᠠᠶᠢᠵᠤ᠂ ᠡᠷᠡᠬᠦᠯ ᠤᠷᠤᠰᠢᠭᠤᠯᠵᠤ | ᠠᠮᠢ ᠨᠠᠰᠤ ᠶᠢ ᠤᠷᠳᠤᠳᠬᠠᠵᠤ᠂ ᠢᠯᠡᠬᠦᠳᠡᠵᠤ ᠳᠤᠳᠠᠭᠤᠳᠠᠵᠤ ᠪᠤᠷᠤᠭᠤᠳᠠᠪᠠᠯ ᠡᠪᠡᠳᠴᠢᠨ ᠡᠬᠦᠰᠬᠦ ᠨᠦᠬᠦᠴᠡᠯ ᠢ | ᠪᠦᠷᠢᠯᠳᠤᠭᠦᠯᠳᠡᠭ ᠭᠡᠰᠡᠨ ᠦᠬᠡ ᠠᠷᠠᠳ ᠤᠨ ᠳᠤᠮᠳᠠ ᠶᠠᠷᠢᠬᠳᠠᠵᠤ ᠪᠠᠶᠢᠳᠠᠭ᠃ ᠡᠶᠢᠮᠤ ᠠᠴᠠ ᠢᠳᠡᠬᠡᠨ | ᠤᠮᠳᠠᠭᠠᠨ ᠢᠶᠠᠨ ᠵᠤᠬᠢᠴᠠᠭᠤᠯᠬᠤ ᠪᠤᠯ ᠡᠷᠡᠬᠦᠯ ᠮᠡᠨᠳᠤ ᠤᠷᠤᠰᠢᠬᠤ ᠶᠢᠨ ᠳᠤᠳᠠᠬᠳᠠᠵᠤ ᠪᠤᠯᠤᠰᠢ ᠦᠬᠡᠢ ᠨᠢᠭᠡ | ᠨᠦᠬᠦᠴᠡᠯ ᠪᠤᠯᠤᠨᠠ᠃ ᠶᠠᠷᠢᠶᠠᠨ ᠦᠬᠡᠢ ᠵᠠᠷᠢᠮ ᠢᠳᠡᠬᠡᠨ ᠤᠮᠳᠠᠭᠠᠨ ᠨᠢ ᠪᠠᠰᠠ ᠬᠦᠮᠦᠨ ᠤ ᠬᠤᠪᠢ ᠪᠡᠶᠠ ᠶᠢᠨ | ᠨᠦᠬᠦᠴᠡᠯ ᠠᠳᠠᠯᠢ ᠪᠤᠰᠤ ᠠᠴᠠ ᠪᠤᠯᠵᠤ ᠦᠯᠦ ᠵᠤᠬᠢᠴᠠᠯᠳᠤᠬᠤ ᠪᠠᠶᠢᠳᠠᠯ ᠢᠯᠡᠷᠡᠳᠡᠭ᠃ ᠡᠨᠡ ᠪᠤᠯ ᠳᠠᠷᠤᠢ ᠬᠦᠮᠦᠨ ᠤ | ᠪᠤᠳᠠᠭᠠᠯᠢ ᠪᠡᠶ ᠠ ᠲᠠᠢ ᠦᠯᠦ ᠵᠤᠬᠢᠴᠠᠯᠳᠤᠬᠤ ᠶᠢ ᠵᠢᠭᠠᠵᠤ ᠪᠠᠶᠢᠨᠠ᠃ ᠡᠨᠡ ᠦᠶᠠ ᠳᠤ ᠪᠢᠳᠡ ᠪᠤᠳᠠᠭᠠᠯᠢ ᠪᠡᠶᠠ ᠶᠢᠨ | ᠪᠠᠶᠢᠳᠠᠯ ᠢᠶᠠᠨ ᠦᠨᠳᠤᠰᠤᠯᠡᠵᠤ ᠬᠠᠷᠰᠢᠮᠠᠳᠠᠭᠠᠢ ᠢᠳᠡᠭᠡᠨ ᠤᠮᠳᠠᠭᠠᠨ ᠠᠴᠠ ᠪᠤᠯᠬᠤ ᠶᠢᠨ ᠳᠤᠳᠤᠷᠠ ᠵᠠᠶᠢᠯᠬᠤ᠂ ᠡᠳ᠋ᠯᠡᠬᠦ | ᠦᠬᠡᠢ ᠪᠠᠶᠢᠬᠤ ᠵᠡᠷᠬᠡ ᠪᠠᠷ ᠡᠪᠡᠳᠴᠢᠨ ᠡᠬᠦᠰᠬᠦ ᠪᠤᠯᠤᠯᠴᠠᠭᠠ ᠨᠦᠬᠦᠴᠡᠯ ᠢ ᠵᠠᠶᠢᠯᠠᠭᠤᠯᠵᠤ ᠪᠤᠯᠳᠠᠭ᠃ ᠤᠷᠴᠢᠯᠠᠩ | ᠶᠢᠷᠳᠢᠨᠴᠤ ᠶᠢᠨ ᠤᠷᠤᠰᠢᠨ ᠠᠮᠢᠳᠤᠷᠠᠬᠤ ᠶᠤᠰᠤᠨ ᠨᠢ ᠶᠠᠪᠤᠳᠠᠯ ᠮᠦᠷ ᠤᠨ ᠡᠬᠢᠯᠡᠯᠳᠡ ᠪᠤᠯᠳᠠᠭ ᠶᠤᠮ᠃ ᠡᠶᠢᠮᠤ | ᠤᠴᠢᠷ ᠠᠴᠠ ᠪᠢᠳᠡ ᠢᠳᠡᠭᠡᠨ ᠤᠮᠳᠠᠭᠠᠨ ᠢᠶᠠᠨ ᠡᠷᠡᠬᠦᠯ ᠡᠩᠭᠡ ᠡᠳ᠋ᠯᠡᠬᠦ ᠠᠴᠠ ᠡᠬᠢᠯᠡᠵᠤ ᠪᠡᠶᠠ ᠶᠢᠨ ᠡᠷᠡᠬᠦᠯ | ᠮᠡᠨᠳᠤ ᠪᠠᠨ ᠠᠩᠬᠠᠷᠤᠶᠠ᠃ ᠨᠡᠩ ᠴᠤ ᠬᠠᠪᠤᠷ ᠤᠨ ᠤᠯᠠᠷᠢᠯ ᠪᠤᠯ ᠬᠠᠮᠤᠭ ᠪᠤᠳᠠᠰ ᠠᠮᠢᠯᠠᠨ ᠳᠡᠯᠬᠡᠷᠡᠵᠤ᠂ ᠬᠦᠮᠦᠨ ᠤ | ᠪᠡᠶᠠ ᠶᠢᠨ ᠡᠯᠠ ᠳᠠᠯᠠ ᠶᠢᠨ ᠪᠠᠶᠢᠳᠠᠯ ᠬᠤᠪᠢᠷᠠᠯᠳᠠ ᠡᠬᠦᠰᠬᠦ ᠴᠠᠭ ᠪᠤᠯᠤᠨᠠ᠃ ᠡᠨᠡ ᠦᠶᠠ ᠳᠤ ᠪᠢᠳᠡ ᠢᠳᠡᠭᠡᠨ | ᠤᠮᠳᠠᠭᠠᠨ ᠢᠶᠠᠨ ᠵᠤᠬᠢᠴᠠᠭᠤᠯᠵᠤ ᠬᠠᠪᠤᠷ ᠴᠠᠭ ᠤᠨ ᠡᠪᠡᠳᠴᠢᠨ ᠡᠬᠦᠰᠬᠦ ᠠᠴᠠ ᠰᠡᠷᠭᠡᠶᠢᠯᠡᠵᠤ ᠶᠠᠪᠤᠶᠠ᠃ | ᠷᠠᠰᠢ ᠡᠮᠴᠢ᠄ ︽ᠢᠳᠡᠭᠡᠨ ᠤᠮᠳᠠᠭᠠᠨ ᠢᠯᠡᠭᠦᠳᠡᠭᠦ᠂ ᠳᠤᠳᠠᠭᠤᠳᠠᠬᠤ᠂ ᠪᠤᠷᠤᠭᠤᠳᠠᠬᠤ ᠠᠴᠠ ᠶᠠᠷᠦᠩᠭᠡᠢ ᠳᠡᠭᠡᠨ | ᠡᠪᠡᠳᠴᠢᠨ ᠡᠭᠦᠰᠭᠦ ᠰᠢᠯᠳᠠᠭᠠᠨ ᠭᠠᠷᠳᠠᠭ᠃ ᠡᠶᠢᠮᠤ ᠠᠴᠠ ᠬᠠᠪᠤᠷ ᠤᠨ ᠴᠠᠭ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠳᠠᠯᠠ ᠪᠠᠷ | ᠤᠨᠴᠠᠭᠠᠢ ᠬᠢᠴᠢᠶᠠᠵᠤ᠂ ᠦᠨᠤᠷ᠂ ᠠᠮᠳᠠ᠂ ᠴᠢᠨᠠᠷ ᠨᠢ ᠬᠤᠪᠢᠷᠠᠭᠰᠠᠨ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠢᠳᠡᠭᠦ ᠦᠭᠡᠢ | ᠪᠠᠶᠢᠬᠤ ᠭᠡᠷᠡᠭᠳᠡᠢ᠃ ᠳᠡᠷᠡᠴᠢᠯᠡᠨ ᠦᠯᠦ ᠵᠤᠬᠢᠴᠠᠯᠳᠤᠬᠤ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠬᠤᠯᠢᠵᠤ ᠢᠳᠡᠵᠤ ᠪᠤᠯᠬᠤ ᠦᠭᠡᠢ᠃ | ᠵᠢᠱᠢᠶᠠᠯᠠᠪᠠᠯ᠄ ᠵᠢᠭᠠᠰᠤᠨ ᠮᠢᠬᠠ ᠶᠢ ᠰᠦ ᠲᠠᠢ ᠨᠡᠶᠢᠯᠡᠭᠦᠯᠭᠦ᠂ ᠰᠤᠩᠭᠢᠨᠡ ᠶᠢ ᠪᠠᠯ ᠲᠠᠢ ᠬᠤᠯᠢᠵᠤ ᠢᠳᠡᠭᠦ᠂ ᠰᠦ ᠶᠢ | ᠭᠦᠢᠯᠡᠰᠤ ᠲᠠᠢ ᠬᠤᠯᠢᠵᠤ ᠭᠡᠷᠡᠭᠯᠡᠭᠦ᠂ ᠳᠠᠬᠢᠶᠠᠨ ᠦᠨᠳᠡᠭᠡ ᠶᠢ ᠵᠢᠭᠠᠰᠤᠨ ᠮᠢᠬᠠ ᠲᠠᠢ ᠬᠤᠯᠢᠵᠤ ᠢᠳᠡᠭᠦ᠂ | ᠪᠤᠷᠴᠠᠭ ᠤᠨ ᠵᠤᠳᠠᠩ ᠢ ᠳᠠᠷᠠᠭ ᠠᠶᠢᠷᠠᠭ ᠪᠠ ᠪᠤᠷᠠᠮ ᠲᠠᠢ ᠢᠳᠡᠭᠦ᠂ ᠳᠠᠬᠢᠶᠠᠨ ᠮᠢᠬᠠ ᠶᠢ ᠳᠠᠷᠠᠭ ᠲᠠᠢ ᠬᠤᠯᠢᠵᠤ | ᠢᠳᠡᠭᠦ᠂ ᠠᠷᠢᠬᠢ ᠳᠠᠷᠠᠰᠤ ᠶᠢ ᠴᠢᠴᠠᠷᠭᠠᠨᠠ ᠲᠠᠢ ᠬᠠᠮᠳᠤ ᠭᠡᠷᠡᠭᠯᠡᠵᠤ ᠪᠤᠯᠬᠤ ᠦᠭᠡᠢ᠃ ᠡᠰᠡᠭᠦᠯᠡ ᠳᠦᠷᠦᠭᠦᠦ | ᠢᠳᠡᠭᠰᠡᠨ ᠨᠢ ᠰᠢᠩᠭᠡᠭᠦ ᠠᠴᠠ ᠡᠮᠤᠨᠡ ᠳᠡᠭᠡᠷᠡ ᠳᠡᠭᠡᠷᠡ ᠠᠴᠠ ᠨᠢ ᠢᠳᠡᠭᠦ ᠵᠡᠷᠭᠡ ᠪᠤᠯ ᠢᠳᠡᠭᠡᠨ ᠤᠮᠳᠠᠭᠠᠨ ᠢ | ᠡᠳ᠋ᠯᠡᠬᠦ ᠶᠢᠨ ᠵᠢᠮᠠ ᠶᠤᠰᠥ ᠶᠢ ᠵᠦᠷᠢᠴᠡᠵᠥ ᠪᠠᠶᠢᠭᠠ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠡᠶᠢᠮᠤ ᠠᠴᠠ ᠬᠠᠪᠤᠷ ᠤᠨ ᠴᠠᠭ ᠢᠳᠡᠭᠡᠨ | ᠤᠮᠳᠠᠭᠠᠨ ᠤ ᠳᠠᠯᠠ ᠪᠠᠷ ᠰᠠᠶᠢᠬᠠᠨ ᠳᠤᠬᠢᠷᠠᠭᠤᠯᠵᠤ ᠢᠳᠡᠭᠦ ᠮᠠᠰᠢ ᠴᠢᠬᠤᠯᠠ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠬᠠᠪᠤᠷ ᠤᠨ | ᠴᠠᠭ ᠳᠠᠭᠠᠷᠠᠵᠤ ᠭᠦᠷᠦᠭᠦ ᠠᠴᠠ ᠬᠢᠴᠢᠶᠠᠵᠤ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠮᠦᠨ ᠴᠤ ᠳᠤᠬᠢᠷᠠᠭᠤᠯᠵᠤ ᠡᠮᠤᠰᠭᠦ ᠭᠡᠷᠡᠭᠳᠡᠢ | ᠶᠤᠮ︾ ᠭᠡᠵᠤ ᠵᠦᠪᠯᠡᠯᠡ᠃ | ︵ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠰᠤᠷᠪᠤᠯᠵᠢᠯᠠᠭᠴᠢ ᠵᠤᠯᠠ ︶ |