ᠬᠦᠨᠪᠤᠯᠠᠭ ᠤᠨ ᠲᠤᠮᠳᠠ ᠬᠠᠪᠢ ᠪᠠᠷ ᠪᠠᠶᠢᠷᠢᠰᠢᠨᠠ᠃ ᠬᠤᠷᠠ ᠪᠤᠷᠤᠭᠠᠨ ᠲᠡᠩᠴᠡᠭᠰᠡᠨ ᠪᠠᠶᠠᠨ ᠲᠠᠷᠭᠤᠨ ᠨᠠᠮᠤᠷ | ᠠᠯᠤᠰ ᠠᠴᠠ ᠪᠠᠷᠠᠯᠠᠬᠤ ᠳᠤ ᠴᠡᠩᠭᠡᠷᠯᠡᠨ ᠬᠠᠷᠠᠭᠳᠠᠬᠤ ᠨᠠᠭᠤᠷ ᠤᠨ ᠤᠰᠤᠨ ᠳᠤ ᠵᠦᠢᠯ ᠤᠨ ᠰᠢᠪᠠᠭᠤᠳ | ᠭᠠᠩᠭᠠᠨᠠᠯᠳᠤᠨ᠂ ᠨᠠᠭᠤᠷ ᠤᠨ ᠪᠠᠷᠠᠭᠤᠨ ᠵᠠᠬᠠ ᠪᠠᠷ ᠡᠮᠦᠨᠡᠰᠢ ᠬᠤᠶᠢᠰᠢ ᠦᠷᠬᠦᠯᠵᠢᠯᠡᠭᠰᠡᠨ ᠲᠡᠷᠡᠰᠦᠨ ᠲᠠᠯᠠᠢ | ᠰᠠᠯᠬᠢᠨ ᠤ ᠠᠶᠠᠰ ᠢᠶᠠᠷ ᠨᠠᠶᠢᠭᠤᠬᠤ ᠨᠢ ᠶᠠᠭ ᠯᠠ ᠬᠦᠪᠡᠭᠡ ᠬᠢᠵᠠᠭᠠᠷ ᠦᠬᠡᠢ ᠰᠢᠷᠠ ᠲᠤᠷᠳᠤᠩ ᠲᠡᠯᠭᠡᠴᠢᠬᠡᠬᠡᠳ | ᠲᠠᠪᠢᠵᠦ ᠪᠠᠶᠢᠬᠤ ᠰᠢᠭ᠋ ᠭᠤᠶᠤᠬᠠᠨ ᠬᠠᠷᠠᠭᠳᠠᠳᠠᠭ᠃ ᠬᠤᠷᠠ ᠪᠤᠷᠤᠭᠠᠨ ᠡᠯᠪᠡᠭ ᠵᠢᠯ ᠨᠠᠭᠤᠷ ᠤᠰᠤ ᠪᠠᠷ | ᠲᠦᠬᠦᠷᠴᠦ᠂ ᠨᠠᠭᠤᠷ ᠤᠨ ᠬᠦᠪᠡᠭᠡ ᠪᠤᠯᠤᠨ ᠨᠠᠭᠤᠷ ᠲᠤᠮᠳᠠᠬᠢ ᠶᠡᠭᠡ ᠪᠠᠭᠠ ᠲᠠᠩ ᠲᠡᠭᠡᠷᠡ ᠤᠯᠠᠭᠠᠨ ᠦᠩᠬᠡ ᠲᠠᠢ | ᠭᠡᠷᠡᠰᠦ ᠲᠦᠬᠦᠷᠳᠡᠯᠡ ᠤᠷᠭᠤᠭᠠᠳ ᠴᠡᠩᠬᠡᠷ ᠤᠰᠤ᠂ ᠤᠯᠠᠭᠠᠨ ᠭᠡᠷᠡᠰᠦ᠂ ᠠᠯᠳᠠᠨ ᠰᠢᠷᠭᠠᠯ ᠲᠡᠷᠡᠰᠦ ᠨᠠᠭᠤᠷ ᠢ | ᠴᠢᠮᠡᠭᠯᠡᠵᠦ᠂ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠭᠤᠸᠠ ᠰᠠᠶᠢᠬᠠᠨ ᠢ ᠬᠦᠮᠦᠰ ᠲᠤ ᠭᠠᠶᠢᠬᠠᠭᠤᠯᠤᠨᠠ᠃ ᠢᠩᠬᠢᠬᠡᠳ ᠯᠠ ᠨᠠᠭᠤᠷ | ᠤᠨ ᠴᠢᠮᠡᠭ ᠪᠤᠯᠤᠭᠰᠠᠨ ᠤᠯᠠᠭᠠᠨ ᠭᠡᠷᠡᠰᠦ ᠨᠢ ︽ᠤᠯᠠᠭᠠᠨᠨᠠᠭᠤᠷ︾ ᠭᠡᠳᠡᠭ ᠰᠠᠶᠢᠬᠠᠨ ᠨᠡᠷᠡ ᠶᠢ ᠡᠨᠡ ᠶᠢᠷᠳᠢᠨᠴᠦ | ᠳᠤ ᠠᠪᠴᠢᠷᠠᠵᠠᠢ᠃ ᠤᠯᠠᠭᠠᠨᠨᠠᠭᠤᠷ ᠪᠤᠯ ᠬᠤᠶᠢᠨᠠ ᠠᠴᠠ ᠪᠠᠨ ᠤᠷᠤᠭᠰᠢ ᠰᠤᠨᠤᠯᠵᠠᠵᠤ ᠲᠠᠬᠢᠭᠠᠳ ᠪᠠᠷᠠᠭᠤᠨᠰᠢ | ᠲᠠᠬᠢᠷᠯᠠᠭᠰᠠᠨ ᠲᠤᠮᠤ ᠨᠠᠭᠤᠷ ᠪᠤᠯᠤᠨᠠ᠃ ᠤᠤᠯ ᠳᠠᠭᠠᠨ ᠪᠤᠮᠪᠠᠨ ᠭᠤᠤᠯ ᠨᠢ ᠪᠤᠤᠴᠠᠩ᠂ ᠪᠤᠮᠪᠠᠨ᠂ ᠪᠤᠷᠤᠬᠤᠳᠠ᠂ | ᠫᠤᠤᠲ᠋ᠠᠶᠢᠶ᠋ᠢᠩᠽᠢ ᠶᠢ ᠲᠠᠭᠠᠷᠢᠵᠤ ᠤᠯᠠᠭᠠᠨᠨᠠᠭᠤᠷ ᠲᠤ ᠴᠢᠳᠬᠤᠳᠠᠭ ᠪᠠᠶᠢᠵᠠᠢ᠃ ᠨᠠᠭᠤᠷ ᠤᠨ ᠵᠡᠬᠦᠨ ᠬᠤᠶᠢᠳᠤ ᠲᠠᠯᠠ | ᠳᠤ ᠰᠦᠵᠢ ᠶᠢᠨ ᠤᠪᠤᠭᠠ ᠪᠤᠢ᠃ ᠲᠡᠬᠦᠨ ᠤ ᠪᠠᠷᠠᠭᠤᠨ ᠰᠤᠭᠤ ᠪᠠᠷ ᠨᠠᠮᠤᠭᠤᠨ ᠲᠦᠯᠬᠡᠨ ᠰᠦᠵᠢ ᠶᠢᠨ ᠭᠤᠤᠯ | ᠰᠦᠵᠢ ᠶᠢᠨ ᠬᠦᠨᠳᠡᠢ ᠶᠢᠨ ᠲᠤᠮᠳᠠᠭᠤᠷ ᠠᠨᠢᠷ ᠴᠢᠮᠡᠭᠡ ᠦᠬᠡᠶᠢᠬᠡᠨ ᠤᠯᠠᠭᠠᠨᠨᠠᠭᠤᠷ ᠲᠤ ᠴᠢᠳᠬᠤᠨᠠ᠃ | ᠤᠯᠠᠭᠠᠨᠨᠠᠭᠤᠷ ᠠᠴᠠ ᠲᠠᠪᠤᠰᠤ ᠭᠠᠷᠤᠨᠠ᠃ ᠵᠤᠵᠠᠭᠠᠨ ᠳᠠᠭᠠᠨ ᠲᠠᠪᠤᠨ ᠬᠤᠷᠤᠭᠤ ᠂ ᠬᠠᠮᠤᠭ ᠨᠢᠮᠬᠡᠨ ᠳᠡᠭᠡᠨ | ᠴᠤ ᠬᠤᠶᠠᠷ ᠬᠤᠷᠤᠭᠤ ᠬᠢᠷᠢ ᠪᠠᠶᠢᠳᠠᠭ᠃ ᠦᠩᠬᠡ ᠠᠮᠳᠠ ᠨᠢ ᠡᠵᠢ ᠨᠠᠭᠤᠷ ᠤᠨ ᠲᠠᠪᠤᠰᠤ ᠯᠤᠭᠠ ᠲᠡᠮᠡᠢ ᠵᠦᠷᠢᠶᠡ | ᠦᠬᠡᠢ᠃ | ᠤᠯᠠᠭᠠᠨᠨᠠᠭᠤᠷ ᠤᠨ ᠪᠠᠷᠠᠭᠤᠨ ᠲᠠᠯᠠ ᠳᠠᠬᠢ ᠤᠷᠤᠭᠰᠢ ᠬᠤᠶᠢᠰᠢ ᠦᠷᠬᠦᠯᠵᠢᠯᠡᠭᠰᠡᠨ ᠠᠭᠤᠯᠠ ᠬᠠᠶᠢᠷᠬᠠᠳ ᠢ | ᠪᠡᠷᠭᠡ ᠶᠢᠨ ᠠᠭᠤᠯᠠ ᠨᠢᠷᠤᠭᠤᠣᠳ ᠭᠡᠳᠡᠭ᠃ ᠡᠮᠦᠨᠡ ᠠᠴᠠ ᠬᠤᠶᠢᠰᠢ ᠪᠠᠨ ᠤᠯᠠᠭᠠᠨ ᠬᠦᠳᠦᠯ᠂ ᠡᠬᠡᠯᠢᠳᠦ᠂ | ᠬᠠᠷᠠ ᠨᠤᠬᠠᠢ ᠶᠢᠨ ᠬᠤᠰᠢᠭᠤ ᠬᠠᠷᠠᠭᠳᠠᠨᠠ᠃ ᠤᠰᠤᠨ ᠤ ᠤᠷᠤᠰᠬᠠᠯ ᠳᠤ ᠢᠳᠡᠭᠳᠡᠨ ᠭᠠᠷᠤᠭᠰᠠᠨ ᠭᠤᠤ ᠶᠢᠨ | ᠰᠢᠷᠤᠢ ᠨᠢ ᠤᠯᠠᠭᠠᠨ ᠨᠠᠩᠬᠢ ᠲᠤᠯᠠ ᠡᠨᠡ ᠬᠦᠳᠦᠯ ᠢ ᠤᠯᠠᠭᠠᠨ ᠬᠦᠳᠦᠯ ᠬᠡᠵᠦ ᠨᠡᠷᠡᠯᠡᠵᠡᠢ᠃ ᠬᠦᠳᠦᠯ ᠤᠨ | ᠬᠤᠶᠢᠳᠤᠬᠢ ᠵᠡᠬᠦᠨᠰᠢ ᠬᠠᠷᠠᠭᠰᠠᠨ ᠠᠭᠤᠯᠠᠨ ᠠᠮᠠ ᠨᠢ ᠴᠠᠰᠤ ᠰᠢᠭᠤᠷᠭᠠᠨ ᠲᠠᠢ ᠡᠪᠦᠯ ᠤᠨ ᠬᠦᠢᠳᠡᠨ ᠳᠤ ᠴᠤ | ᠨᠦᠮᠦᠷᠢ ᠲᠠᠢ ᠲᠤᠯᠠᠭᠠᠨ ᠪᠤᠯᠬᠤᠷ ᠡᠭᠡᠯᠢᠳᠦ ᠬᠡᠮᠡᠨ ᠨᠡᠷᠡᠶᠢᠳᠴᠤ ᠬᠡᠨᠡ᠃ ᠡᠬᠡᠯᠢᠳᠦ ᠠᠴᠠ ᠵᠡᠬᠦᠨ ᠬᠤᠶᠢᠰᠢ | ᠬᠠᠷᠠᠭᠳᠠᠬᠤ ᠦᠷᠬᠦᠯᠵᠢᠯᠡᠭᠰᠡᠨ ᠠᠭᠤᠯᠠ ᠨᠢᠷᠤᠭᠤᠳ ᠨᠢ ᠲᠠᠷᠠᠭᠠᠯᠠᠨ ᠬᠠᠷᠠ ᠨᠤᠬᠠᠢ ᠶᠢᠨ ᠬᠤᠰᠢᠭᠤ᠂ ᠶᠡᠭᠡ | ᠡᠪᠡᠰᠦᠳᠡᠢ᠂ ᠶᠡᠭᠡ ᠡᠪᠦᠯᠵᠢᠶᠡ᠂ ᠴᠠᠭᠠᠨ ᠴᠢᠯᠠᠭᠤᠳᠤ᠂ ᠲᠡᠷᠡᠰᠦᠳᠦ ᠡᠩᠬᠡᠷ ᠪᠤᠯᠤᠨᠠ᠃ ᠡᠳᠡᠭᠡᠷ ᠠᠭᠤᠯᠠ | ᠨᠢᠷᠤᠭᠤᠳ ᠢ ᠬᠠᠮᠳᠤᠷᠠᠭᠤᠯᠤᠨ ᠨᠤᠳᠤᠭ ᠢᠶᠠᠨ ᠰᠠᠬᠢᠭᠰᠠᠨ ᠬᠠᠷᠠ ᠨᠤᠬᠠᠢ ᠭᠡᠳᠡᠭ᠃ ᠬᠠᠷᠠ ᠨᠤᠬᠠᠢ ᠡᠮᠦᠨᠡᠰᠢ | ᠬᠠᠨᠳᠤᠨ ᠬᠤᠶᠠᠷ ᠬᠦᠯ ᠢᠶᠠᠨ ᠤᠷᠤᠭᠰᠢ ᠵᠢᠬᠢᠵᠦ᠂ ᠡᠷᠡᠦ ᠪᠠᠨ ᠲᠡᠷᠡᠯᠡᠨ ᠬᠡᠪᠳᠡᠵᠦ᠂ ᠰᠡᠷᠭᠡᠭ ᠨᠢᠳᠦ ᠰᠤᠷᠭᠤᠭ | ᠰᠤᠨᠤᠷ ᠲᠠᠭᠠᠨ ᠲᠦᠰᠢᠭᠯᠡᠨ ᠨᠤᠳᠤᠭ ᠤᠨ ᠢᠶᠠᠨ ᠠᠮᠤᠷ ᠲᠠᠶᠢᠪᠤᠩ ᠢ ᠬᠠᠷᠠᠵᠤ ᠬᠠᠮᠠᠭᠠᠯᠠᠨᠠ᠃ ᠡᠶᠢᠮᠦ ᠠᠴᠠ | ᠠᠭᠤᠯᠠ ᠶᠢᠨ ᠡᠮᠦᠨᠡ ᠬᠤᠰᠢᠭᠤ ᠶᠢ ᠬᠠᠷᠠ ᠨᠤᠬᠠᠢ ᠶᠢᠨ ᠬᠤᠰᠢᠭᠤ ᠭᠡᠳᠡᠭ᠃ |