ᠪᠢᠳᠡᠬᠦᠯᠡᠬᠦ ᠪᠠ ᠰᠢᠨᠡᠯᠡᠬᠦ ᠪᠤᠯ ᠬᠤᠨᠤᠭ ᠤᠨ ᠬᠤᠭᠤᠷᠤᠨᠳᠤ ᠵᠠᠯᠭᠠᠯᠳᠤᠭᠰᠠᠨ᠂ ᠬᠠᠭᠤᠴᠢᠨ ᠵᠢᠯ ᠢᠶᠠᠨ ᠦᠳᠡᠨ | ᠮᠤᠷᠳᠠᠭᠤᠯᠵᠤ᠂ ᠰᠢᠨᠡ ᠵᠢᠯ ᠢᠶᠠᠨ ᠪᠠᠶᠠᠷᠯᠠᠨ ᠤᠭᠳᠤᠵᠤ᠂ ᠨᠠᠰᠤ ᠨᠡᠮᠡᠭᠰᠡᠨ ᠪᠠᠶᠠᠷ ᠢᠶᠠᠨ ᠪᠡᠯᠭᠡᠯᠡᠬᠦ ᠬᠠᠮ ᠪᠠᠶᠠᠷ | ᠨᠠᠶᠢᠷ ᠪᠤᠯᠤᠨᠠ᠃ ︽ ᠭᠠᠯ ᠲᠠᠬᠢᠬᠤ ᠶᠢᠨ ᠬᠤᠷᠢᠨ ᠭᠤᠷᠪᠠᠨ︾ ᠠᠴᠠ ᠪᠢᠳᠡᠭᠦᠨ ᠬᠦᠷᠳᠡᠯᠡᠬᠢ ᠲᠤᠯᠤᠭᠠᠨ | ᠡᠳᠦᠷ ᠪᠤᠯ ᠰᠢᠨᠡ ᠶᠢᠨ ᠪᠡᠯᠡᠳᠭᠡᠯ ᠤᠨ ᠶᠠᠭᠠᠷᠠᠤ ᠬᠤᠭᠤᠴᠠᠭᠠ ᠃ ᠪᠤᠤᠪᠤ ᠪᠤᠭᠤᠷᠰᠤᠭ ᠬᠠᠭᠠᠷᠢᠬᠤ᠂ ᠰᠢᠨᠡ | ᠶᠢᠨ ᠱᠦᠯᠦᠨ ᠤ ᠶᠠᠭᠤᠮᠠ ᠪᠡᠯᠡᠳᠭᠡᠬᠦ᠂ ᠪᠡᠯᠡᠭ ᠰᠡᠯᠳᠡ ᠲᠦᠬᠦᠭᠡᠷᠬᠦ᠂ ᠪᠠᠩᠰᠢ ᠪᠤᠤᠽᠢ ᠪᠠᠷᠢᠬᠤ ᠵᠡᠷᠭᠡ ᠠᠵᠢᠯ ᠳᠤ | ᠶᠠᠭᠠᠷᠠᠨᠠ᠃ ᠠᠶᠢᠯ ᠪᠦᠷᠢ ᠭᠡᠳᠦᠨ ᠵᠠᠭᠤ ᠠᠴᠠ ᠬᠡᠳᠦᠨ ᠮᠢᠩᠭᠠᠭᠠᠳ ᠪᠠᠩᠰᠢ ᠪᠠᠷᠢᠵᠤ ᠬᠦᠯᠳᠡᠭᠡᠬᠦ ᠪᠦᠭᠡᠳ ᠪᠠᠩᠰᠢ | ᠲᠤᠳᠤᠷᠠ ᠪᠠᠨ ᠠᠷᠢᠭᠤᠳᠬᠠᠵᠤ ᠴᠡᠪᠡᠷᠯᠡᠭᠰᠡᠨ ᠵᠢᠵᠢᠭ ᠮᠦᠩᠬᠦᠨ ᠵᠤᠭᠤᠰ᠂ ᠭᠠᠤᠯᠢᠨ ᠵᠤᠭᠤᠰ᠂ ᠵᠠᠷᠢᠮ ᠳᠤᠨᠢ | ᠴᠠᠭᠠᠨ ᠤᠳᠠᠰᠤ ᠬᠢᠵᠦ ᠪᠤᠭᠤᠳᠠᠭ᠃ ᠵᠤᠭᠤᠰ ᠲᠠᠢ ᠪᠠᠩᠰᠢ ᠤᠯᠵᠤ ᠢᠳᠡᠭᠰᠡᠨ ᠬᠦᠮᠦᠨ ᠢ ᠤᠯᠵᠠ ᠤᠯᠤᠨᠠ ᠭᠡᠬᠦ | ᠪᠠ ᠤᠳᠠᠰᠤ ᠲᠠᠢ ᠪᠠᠩᠰᠢ ᠲᠠᠭᠠᠷᠠᠭᠰᠠᠨ ᠬᠦᠮᠦᠨ ᠢ ᠤᠷᠳᠤ ᠨᠠᠰᠤᠯᠠᠨᠠ ᠬᠡᠮᠡᠨ ᠪᠡᠯᠭᠡᠰᠢᠶᠡᠳᠡᠭ᠃ ᠪᠢᠳᠡᠭᠦᠨ ᠠᠴᠠ | ᠡᠮᠦᠨᠡ ᠬᠠᠭᠤᠴᠢᠨ ᠵᠢᠯ ᠳᠡᠭᠡᠨ ᠬᠡᠦᠭᠡᠨ ᠢᠶᠠᠨ ᠡᠷᠬᠢᠨᠡ᠃ ᠬᠡᠦᠭᠡᠨ ᠡᠷᠬᠢᠬᠦ ᠳᠤ ᠭᠤᠤᠯᠳᠠᠭᠤ ᠪᠤᠯᠭᠤᠭᠰᠠᠨ | ᠬᠤᠨᠢᠨ ᠤ ᠮᠢᠬᠠ ᠪᠤᠶᠤ ᠴᠠᠭᠠᠨ ᠢᠳᠡᠭᠡ ᠂ ᠪᠤᠤᠪᠤ ᠪᠤᠭᠤᠷᠰᠤᠭ ᠭᠡᠷᠡᠭᠯᠡᠨᠡ᠃ ᠪᠢᠳᠡᠬᠦᠨ ᠤ ᠡᠳᠦᠷ ᠪᠤᠯᠬᠤ ᠳᠤ | ᠬᠡᠷ ᠲᠡᠷᠭᠡ᠂ ᠡᠬᠦᠳᠡ ᠬᠠᠭᠠᠯᠭᠠ᠂ ᠬᠦᠷᠢᠶᠡ ᠬᠠᠰᠢᠶᠠ ᠪᠠᠨ ᠬᠢᠯᠠ ᠪᠠᠭᠤᠳᠠᠯᠠ ᠴᠡᠪᠡᠷᠯᠡᠵᠦ᠂ ᠮᠤᠷᠢ ᠤᠨᠤᠭᠠᠨ ᠤ | ᠪᠠᠨ ᠲᠠᠯ ᠢ ᠨᠢ ᠵᠠᠰᠠᠨ᠂ ᠡᠮᠡᠬᠡᠯ ᠬᠠᠵᠠᠭᠠᠷ᠂ ᠡᠮᠦᠰᠬᠦ ᠲᠡᠪᠡᠯ᠂ ᠪᠦᠰᠡ᠂ ᠮᠠᠯᠠᠭᠠᠢ᠂ ᠭᠤᠳᠤᠯ᠂ ᠡᠮᠡᠭᠳᠡᠶᠢᠴᠤᠳ | ᠤᠨ ᠵᠡᠬᠦᠬᠦ ᠵᠠᠰᠠᠯ ᠵᠢᠮᠰᠡᠭ ᠢᠶᠠᠨ ᠪᠡᠯᠡᠳᠭᠡᠵᠦ ᠂ ᠵᠦᠯᠬᠦᠵᠦ ᠠᠷᠴᠢᠬᠤ᠂ ᠦᠰᠦ ᠲᠤᠯᠤᠭᠠᠢ ᠪᠠᠨ ᠤᠬᠢᠶᠠᠬᠤ᠂ | ᠴᠠᠭᠠᠨ ᠢᠳᠡᠭᠡ ᠵᠠᠰᠠᠬᠤ᠂ ᠤᠯᠪᠤᠭ ᠰᠢᠷᠳᠡᠭ ᠲᠡᠪᠢᠰᠬᠦ᠂ ᠬᠤᠤᠰ ᠤᠶᠠᠩᠭᠠ ᠨᠠᠭᠠᠬᠤ᠂ ᠲᠡᠭᠷᠢ ᠶᠢᠨ ᠵᠤᠯᠠ | ᠤᠷᠢᠶᠠᠬᠤ᠂ ᠮᠦᠷ ᠤᠨ ᠵᠦᠭ ᠦᠵᠡᠬᠦᠯᠬᠦ ᠵᠡᠷᠭᠡ ᠠᠵᠢᠯ ᠤᠳ ᠢ ᠠᠮᠵᠢᠨ ᠬᠦᠢᠴᠡᠳᠭᠡᠬᠦ ᠪᠠ ᠪᠤᠷᠬᠠᠨ ᠢᠶᠠᠨ | ᠠᠷᠴᠢᠵᠤ ᠵᠦᠯᠬᠦᠨ᠂ ᠲᠠᠬᠢᠯ ᠴᠦᠬᠦᠴᠡ ᠶᠢ ᠠᠷᠢᠭᠤᠳᠬᠠᠵᠤ᠂ ᠨᠢᠨᠳᠡᠷ ᠬᠠᠳᠠᠭ ᠡᠯᠬᠦᠨ᠂ ᠤᠰᠤᠨ ᠲᠠᠬᠢᠯ ᠲᠠᠬᠢᠨᠠ | ᠃ ᠪᠠᠰᠠ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠲᠡᠭᠷᠢ ᠳᠤ ᠮᠦᠷᠬᠦᠬᠦ ᠶᠡᠨᠳᠡᠷ ᠢ ᠪᠡᠯᠡᠳᠭᠡᠨᠡ᠃ ᠲᠤᠬᠠᠶᠢᠯᠠᠪᠠᠯ ᠬᠦᠷ ᠴᠠᠰᠤ ᠶᠢ | ᠲᠤᠭᠤᠷᠢᠭᠯᠠᠨ ᠡᠰᠬᠡᠵᠦ ᠲᠤᠤᠷᠠ ᠠᠴᠠ ᠲᠡᠭᠡᠭᠰᠢ ᠪᠠᠨ ᠶᠢᠰᠦᠨ ᠲᠠᠪᠬᠤᠷ ᠰᠤᠪᠤᠷᠭᠠᠯᠠᠨ ᠪᠤᠰᠬᠠᠭᠠᠳ᠂ 108 | ᠰᠢᠷᠭᠡᠭ ᠴᠡᠪᠡᠷ ᠲᠡᠷᠡᠰᠦ ᠶᠢ ᠲᠤᠰᠪᠤᠷᠢ ᠲᠤᠷᠳᠤᠮ ᠰᠢᠨᠡ ᠬᠦᠪᠦᠩ ᠢᠶᠠᠷ ᠤᠷᠢᠶᠠᠵᠤ ᠪᠠᠭᠯᠠᠭᠠᠳ ᠰᠢᠷᠠ ᠲᠤᠰᠤ | ᠴᠢᠳᠬᠤᠨ ᠴᠠᠷᠴᠠᠭᠠᠵᠤ᠂ ᠶᠡᠨᠳᠡᠷ ᠲᠡᠭᠡᠷᠡ ᠪᠠᠨ ᠬᠠᠳᠬᠤᠬᠤ ᠪᠠᠷ ᠪᠡᠯᠡᠳᠭᠡᠵᠦ ᠲᠠᠯᠪᠢᠨᠠ᠃ ᠪᠢᠳᠡᠬᠦᠨ ᠳᠤ | ᠪᠢᠳᠡᠬᠦᠦ ᠡᠳᠦᠷ ᠭᠡᠮᠡᠨ ᠭᠠᠳᠠᠭᠰᠢ ᠶᠠᠭᠤᠮᠠ ᠭᠠᠷᠭᠠᠬᠤ ᠦᠬᠡᠢ᠂ ᠮᠦᠨᠴᠦ ᠠᠶᠢᠯ ᠠᠴᠠ ᠵᠢᠬᠡᠯᠡᠵᠦ ᠬᠡᠷᠡᠭᠯᠡᠭᠰᠡᠨ | ᠶᠠᠭᠤᠮᠠ ᠭᠡᠦᠮᠡ ᠶᠢ ᠪᠢᠳᠡᠬᠦᠨ ᠠᠴᠠ ᠡᠮᠦᠨᠡ ᠵᠠᠪᠠᠯ ᠪᠤᠴᠠᠭᠠᠨᠠ᠃ ᠭᠠᠷ ᠮᠠᠯ ᠢ ᠪᠢᠳᠡᠬᠦᠨ ᠳᠤ ᠡᠷᠳᠡ | ᠬᠤᠳᠠᠯᠠᠭᠤᠯᠳᠠᠭ ᠪᠦᠭᠡᠳ ᠭᠡᠷᠡᠭᠡ ᠭᠠᠳᠠᠨᠠ ᠪᠤᠶᠤ ᠠᠶᠢᠯ ᠳᠤ ᠬᠤᠨᠤᠭᠤᠯᠬᠤ ᠦᠬᠡᠢ᠃ ᠬᠡᠦᠭᠡᠳ ᠨᠤᠮ ᠪᠢᠴᠢᠭ | ᠢᠶᠠᠨ ᠤᠯᠠᠭᠠᠨ ᠴᠠᠭᠠᠰᠤ ᠪᠤᠶᠤ ᠤᠯᠠᠭᠠᠨ ᠪᠦᠰ ᠢᠶᠠᠷ ᠪᠠᠭᠯᠠᠵᠤ ᠪᠢᠳᠡᠬᠦᠯᠡᠬᠦ ᠪᠠ ᠡᠮᠡᠭᠳᠡᠶᠢᠴᠤᠳ ᠵᠡᠬᠦᠦ ᠤᠳᠠᠰᠤ | ᠪᠠᠨ ᠭᠠᠷ ᠲᠠᠭᠠᠷᠴᠤᠭ ᠲᠠᠭᠠᠨ ᠪᠠᠭᠯᠠᠵᠤ ᠪᠢᠳᠡᠬᠦᠯᠡᠳᠡᠭ᠃ ᠦᠳᠡ ᠶᠢᠨ ᠬᠤᠶᠢᠨᠠ ᠪᠢᠳᠡᠬᠦᠨ ᠤ ᠮᠢᠬᠠ ᠪᠠᠨ | ᠴᠢᠨᠠᠵᠤ ᠢᠳᠡᠭᠡ ᠪᠤᠳᠠᠭᠠ ᠪᠠᠨ ᠪᠡᠯᠡᠳᠭᠡᠨᠡ᠃ ᠪᠢᠳᠡᠬᠦᠨ ᠤ ᠢᠳᠡᠭᠡ ᠪᠦᠬᠦᠨ ᠤ ᠲᠡᠭᠡᠵᠢ ᠠᠴᠠ ᠴᠡᠪᠡᠷᠭᠡᠨ ᠬᠤᠶᠠᠷ | ᠰᠠᠪᠠᠨ ᠳᠤ ᠠᠪᠴᠤ᠂ ᠲᠤᠰᠪᠤᠷᠢ ᠪᠢᠳᠡᠬᠦᠨ ᠪᠠ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠲᠡᠭᠷᠢ ᠳᠤ ᠡᠷᠬᠦᠬᠦ ᠳᠤ ᠪᠡᠯᠡᠳᠭᠡᠨᠡ᠃ | ᠤᠳᠤ ᠭᠠᠷᠬᠤ ᠶᠢᠨ ᠬᠢᠷᠢ ᠲᠡᠭᠷᠢ ᠳᠤ ᠵᠤᠯᠠ ᠪᠠᠨ ᠡᠷᠬᠦᠭᠡᠳ ᠂ ᠫᠤᠤᠵᠢᠩ ᠲᠠᠯᠪᠢᠵᠤ ᠢᠳᠡᠭᠡᠨ ᠤ ᠲᠡᠭᠡᠵᠢ ᠪᠠᠨ | ᠡᠷᠬᠦᠨ ᠮᠦᠷᠬᠦᠵᠦ᠂ ᠡᠬᠦᠨ ᠤ ᠵᠡᠷᠭᠡᠴᠡᠭᠡ ᠪᠠᠷ ᠭᠠᠯ ᠤᠨ ᠪᠤᠷᠬᠠᠨ ᠳᠠᠭᠠᠨ ᠲᠠᠬᠢᠭᠠᠳ ᠪᠢᠳᠡᠬᠦᠨ ᠤ ᠬᠤᠭᠤᠯᠠ ᠪᠠᠨ | ᠢᠳᠡᠨᠡ᠃ ᠬᠤᠭᠤᠯᠠᠨ ᠠᠴᠠ ᠡᠮᠦᠨᠡ ᠦᠶᠡ ᠲᠠᠷᠠᠭᠠᠯᠠᠨ ᠰᠠᠭᠤᠵᠠᠭᠠᠵᠤ᠂ ᠪᠡᠷᠢᠶᠠᠳ ᠴᠠᠢ ᠠᠶᠠᠭᠠᠯᠠᠵᠤ ᠴᠠᠭᠠᠨ | ᠢᠳᠡᠭᠡ ᠲᠠᠯᠪᠢᠨᠠ᠃ ᠴᠠᠢ ᠤᠤᠭᠤᠵᠤ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠭᠰᠠᠨ ᠤ ᠲᠠᠷᠠᠭᠠ᠂ ᠪᠢᠳᠡᠬᠦᠨ ᠤ ᠬᠤᠭᠤᠯᠠ ᠪᠠᠨ | ᠭᠠᠷᠭᠠᠵᠤ᠂ ᠲᠤᠤᠷᠠ ᠦᠶᠡ ᠶᠢᠨ ᠬᠦᠮᠦᠰ ᠪᠤᠰᠴᠤ᠂ ᠲᠡᠪᠡᠯ ᠮᠠᠯᠠᠭᠠᠢ ᠪᠠᠨ ᠵᠠᠰᠠᠭᠠᠳ ᠨᠠᠰᠤᠳᠠᠶᠢᠴᠤᠳ ᠲᠠᠭᠠᠨ | ᠠᠷᠢᠬᠢ ᠪᠠᠷᠢᠨᠠ᠃ ᠪᠢᠳᠡᠬᠦᠨ ᠤ ᠰᠦᠨᠢ ᠯᠾᠠᠮᠤ ᠪᠤᠷᠬᠠᠨ ᠶᠢᠷᠳᠢᠨᠴᠦ ᠶᠢ ᠪᠦᠳᠦᠨ ᠨᠢᠭᠡ ᠡᠷᠬᠢᠵᠦ ᠠᠶᠢᠯ ᠬᠡᠭᠡᠯ | ᠦᠬᠡᠢ ᠱᠠᠬᠠᠶᠢᠵᠤ ᠦᠵᠡᠳᠡᠭ ᠬᠡᠮᠡᠨ ᠬᠡᠯᠡᠯᠴᠡᠳᠡᠭ ᠲᠤᠯᠠ ᠪᠢᠳᠡᠬᠦᠨ ᠤ ᠪᠠᠩᠰᠢ ᠠᠴᠠ ᠯᠾᠠᠮᠤ ᠪᠤᠷᠬᠠᠨ ᠤ | ᠢᠳᠡᠭᠡᠨ ᠪᠤᠯᠭᠠᠵᠤ ᠴᠤᠩᠬᠤᠨᠲ᠋ᠡᠭᠡᠷᠡ ᠪᠠᠨ ᠭᠤᠷᠪᠠ ᠶᠢ ᠲᠠᠯᠪᠢᠳᠠᠭ ᠃ ᠪᠢᠳᠡᠬᠦᠨ ᠳᠤ ᠵᠠᠪᠠᠯ ᠪᠢᠳᠡᠬᠦᠦ | ᠬᠤᠭᠤᠯᠠ ᠢᠳᠡᠬᠦ ᠪᠦᠭᠡᠳ ︽ᠲᠤᠯᠤᠭᠠᠨ ᠲᠤᠭᠤᠭᠠ ᠲᠠᠯᠪᠢᠵᠤ ᠪᠢᠳᠡᠬᠦᠷᠡᠳᠡᠯᠡ ᠪᠠᠨ ᠢᠳᠡᠨᠡ︾ ᠬᠡᠳᠡᠭ᠃ | ᠪᠢᠳᠡᠬᠦᠨ ᠤ ᠰᠦᠨᠢ ᠪᠠᠷᠤᠭ ᠤᠨᠳᠠᠬᠤ ᠦᠬᠡᠢ ᠦᠩᠬᠡᠷᠡᠭᠡᠳᠡᠭ ᠪᠦᠭᠡᠳ ᠳ᠋ᠧᠩ ᠵᠤᠯᠠ ᠠᠰᠠᠭᠠᠵᠤ ᠭᠡᠷᠡᠯ ᠭᠡᠭᠡ ᠲᠠᠢ | ᠬᠤᠨᠤᠳᠠᠭ ᠶᠤᠮ᠃ |