| ᠲᠤᠰ ᠤᠪᠤᠭᠠ ᠬᠦᠨᠪᠤᠯᠠᠭ ᠰᠤᠮᠤᠨ ᠤ ᠪᠦᠬᠦᠳᠡ ᠶᠢᠨ ᠤᠪᠤᠭᠠ ᠭᠠᠴᠠᠭᠠᠨ ᠤ ᠬᠤᠶᠢᠳᠤ ᠠᠭᠤᠯᠠᠨ ᠲᠡᠭᠡᠷᠡ | ᠰᠦᠨᠳᠡᠷᠯᠡᠨ ᠬᠠᠷᠠᠭᠳᠠᠨᠠ᠃ ᠴᠢᠩ ᠤᠯᠤᠰ ᠤᠨ ᠦᠶᠡ ᠳᠤ ᠶᠡᠭᠡ ᠵᠤᠤ ᠠᠶᠢᠮᠠᠭ ︵ᠤᠳᠤᠬᠢ ᠤᠷᠳᠤᠰ ᠬᠤᠳᠠ︶ | ᠤᠨ ᠲᠤᠬᠤᠢ ᠵᠤᠤ ᠶᠢᠨ ᠬᠡᠬᠡᠨ ᠬᠢᠭᠡᠳ ᠮᠠᠯᠠᠭᠠᠢ ᠶᠢᠨ ᠰᠦᠮᠡ ᠠᠴᠠ ᠡᠷᠳᠡᠮ ᠲᠠᠢ ᠯᠠᠮᠠ ᠨᠠᠷ ᠢ ᠵᠠᠯᠠᠵᠤ᠂ ᠨᠤᠮ | ᠰᠤᠳᠤᠷ ᠤᠩᠰᠢᠭᠤᠯᠤᠨ ᠪᠤᠰᠬᠠᠯᠠ ᠭᠡᠳᠡᠭ᠃ ᠪᠦᠬᠦᠳᠡ ᠶᠢᠨ ᠤᠪᠤᠭᠠ ᠪᠤᠯ ᠲᠠᠶᠢᠹᠤᠰᠧ ᠵᠡᠬᠦᠨ ᠭᠠᠷ ᠰᠦᠷᠦᠭ | ᠤᠨ ᠬᠦᠪᠡᠭᠡᠳᠦ ᠴᠠᠭᠠᠨ ᠤ ᠠᠶᠢᠯ ᠠᠶᠢᠮᠠᠭ ᠤᠨ ᠬᠢᠨ ᠤ ᠲᠠᠬᠢᠳᠠᠭ ᠤᠪᠤᠭᠠ ᠪᠤᠯᠤᠨᠠ᠃ ᠦᠨᠦ ᠵᠢᠷᠠᠨ ᠤᠰᠤ᠂ | ᠪᠦᠬᠦᠳᠡ ᠶᠢᠨ ᠤᠪᠤᠭᠠ᠂ ᠪᠤᠷᠤᠬᠤᠳᠠ᠂ ᠱᠢᠪᠠᠷᠳᠤ ᠵᠡᠷᠭᠡ ᠭᠠᠴᠠᠭᠠᠨ ᠤ ᠮᠠᠯᠴᠢᠳ ᠲᠠᠬᠢᠵᠤ ᠪᠤᠢ᠃ ᠲᠤᠰ | ᠤᠪᠤᠭᠠ ᠨᠢ 145 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠭᠠᠵᠠᠷ ᠡᠵᠡᠯᠡᠵᠦ᠂ ᠭᠤᠤᠯ ᠤᠪᠤᠭᠠ ᠨᠢ ᠴᠢᠯᠠᠭᠤ ᠪᠠᠷ | ᠵᠡᠷᠭᠡᠯᠡᠭᠰᠡᠨ ᠭᠤᠷᠪᠠᠨ ᠲᠠᠪᠬᠤᠷ ᠲᠤᠭᠤᠷᠢᠭ ᠭᠡᠯᠪᠡᠷᠢᠳᠦ ᠲᠠᠪᠴᠠᠩ ᠲᠠᠢ᠂ ᠲᠠᠪᠴᠠᠩ ᠤᠨ ᠳ᠋ᠢᠶᠠᠮᠧᠲᠷ ᠨᠢ | ᠲᠤᠰᠪᠤᠷᠢ 7.3 ᠮᠧᠲᠷ᠂ 4.3 ᠮᠧᠲᠷ᠂ 1.3 ᠮᠧᠲᠷ ᠂ ᠦᠨᠳᠦᠷ ᠨᠢ ᠲᠤᠰᠪᠤᠷᠢ 1 ᠮᠧᠲᠷ᠃ ᠲᠡᠭᠡᠳᠦ | ᠲᠠᠪᠴᠠᠩ ᠤᠨ ᠲᠦᠪ ᠲᠤᠮᠳᠠ ᠨᠢ 2 ᠮᠧᠲᠷ ᠤᠷᠳᠤ ᠮᠤᠳᠤᠨ ᠴᠢᠭᠠᠩ ︵ᠲᠤᠭ ᠤᠨ ᠡᠰᠢ︶ ᠪᠤᠰᠬᠠᠵᠤ᠂ | ᠭᠠᠳᠠᠭᠤᠷ ᠨᠢ ᠠᠳᠠᠯᠢ ᠬᠡᠮᠵᠢᠶᠡᠨ ᠤ 12 ᠵᠢᠵᠢᠭ ᠴᠢᠯᠠᠭᠤᠨ ᠤᠪᠤᠭᠠ ᠪᠠᠷ ᠬᠦᠷᠢᠶᠡᠯᠡᠭᠰᠡᠨ ᠪᠠᠶᠢᠳᠠᠭ᠃ ᠲᠤᠰ | ᠤᠪᠤᠭᠠ ᠶᠢ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ ᠲᠠᠬᠢᠵᠤ᠂ | ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠶᠠᠪᠤᠭᠳᠠᠭᠤᠯᠤᠨ ᠤᠪᠤᠭᠠᠨ ᠰᠠᠬᠢᠭᠤᠰᠤ ᠪᠠᠨ ᠪᠠᠶᠠᠰᠬᠠᠳᠠᠭ᠃ ᠤᠶᠢᠷᠠ ᠶᠢᠨ ᠵᠢᠯ | ᠳᠤ ᠤᠪᠤᠭᠠᠨ ᠰᠤᠶᠤᠯ ᠤᠨ ᠡᠷᠳᠡᠮᠳᠡᠳ ᠤᠨ ᠪᠦᠷᠢᠳᠭᠡᠨ ᠲᠡᠮᠳᠡᠭᠯᠡᠭᠰᠡᠨ ᠪᠦᠬᠦ ᠦᠪᠦᠷ ᠮᠤᠩᠭᠤᠯ ᠤᠷᠤᠨ ᠳᠠᠬᠢ | 3747 ᠰᠠᠭᠤᠷᠢ ᠤᠪᠤᠭᠠᠨ ᠤ ᠲᠤᠳᠤᠷᠠᠬᠢ 72 ᠰᠠᠭᠤᠷᠢ ᠨᠡᠷᠡᠳᠦ ᠤᠪᠤᠭᠠᠨ ᠳᠤ ᠲᠠᠶᠢᠹᠤᠰᠧ ᠬᠤᠰᠢᠭᠤᠨ ᠠᠴᠠ | ᠪᠦᠬᠦᠳᠡ ᠶᠢᠨ ᠤᠪᠤᠭᠠ ᠰᠢᠯᠢᠭᠳᠡᠨ ᠤᠷᠤᠭᠰᠠᠨ ᠶᠤᠮ᠃ |