| ᠬᠠᠨ ᠰᠤᠪᠤᠷᠭᠠ ᠪᠤᠯ ᠬᠦᠨᠪᠤᠯᠠᠭ ᠰᠤᠮᠤᠨ ᠤ ᠪᠠᠷᠠᠭᠤᠨ ᠬᠤᠶᠢᠭᠤᠷ ᠬᠦᠨᠳᠡᠯᠢᠰᠦᠨ ᠰᠡᠬᠦᠶᠢᠭᠰᠡᠨ ᠪᠡᠷᠭᠡ ᠶᠢᠨ | ᠠᠭᠤᠯᠠ ᠶᠢᠨ ᠬᠠᠮᠤᠭ ᠬᠤᠶᠢᠳᠤ ᠬᠠᠶᠢᠷᠬᠠᠨ ᠂ ᠵᠡᠬᠦᠨ ᠭᠠᠷ ᠲᠠᠶᠢᠹᠤᠰᠧ ᠤᠨ ᠦᠨᠳᠦᠷ ᠠᠭᠤᠯᠠ ᠶᠢᠨ ᠨᠢᠬᠡ᠂ | ᠬᠤᠶᠢᠳᠤ ᠵᠠᠬᠠ ᠶᠢ ᠰᠠᠬᠢᠭᠰᠠᠨ ᠬᠠᠨ ᠭᠠᠷᠤᠳᠢ ᠬᠦᠴᠦᠳᠡᠨ ᠨᠢ ᠪᠤᠯᠤᠨᠠ᠃ ᠲᠡᠷᠡ ᠨᠢ ᠠᠭᠤᠳᠠᠮ ᠲᠠᠯᠠ ᠶᠢᠨ | ᠲᠤᠮᠳᠠ ᠤᠭᠳᠠᠷᠭᠤᠢ ᠶᠢᠨ ᠮᠠᠨᠳᠠᠯ ᠲᠠᠢ ᠵᠠᠯᠭᠠᠨ ᠰᠦᠮᠪᠦᠷᠯᠡᠭᠡᠳ᠂ ᠲᠤᠯᠤᠭᠠᠢ ᠨᠢ ᠡᠬᠦᠯᠡᠨ ᠳᠤ ᠰᠢᠷᠭᠤᠨ | ᠲᠠᠯᠠᠪᠴᠢ ᠪᠠᠨ ᠲᠡᠯᠬᠡᠵᠦ ᠨᠢᠰᠦᠭᠡ ᠬᠠᠨ ᠭᠠᠷᠤᠳᠢ ᠦᠬᠡᠷᠡ ᠦᠬᠡᠢ ᠪᠠᠶᠢᠳᠠᠭ᠃ ᠴᠢᠭᠤᠯᠤᠯᠳᠤ ᠬᠠᠭᠠᠯᠭᠠ ᠶᠢᠨ | ᠠᠷᠤ ᠳᠠᠬᠢ ᠬᠠᠨ ᠠᠭᠤᠯᠠ ᠶᠢᠨ ᠲᠠᠪᠠᠭᠠᠨ ᠳᠤ ᠭᠠᠷᠤᠮᠠᠭᠴᠠ ᠬᠠᠨ ᠰᠤᠪᠤᠷᠭᠠ ᠶᠢᠨ ᠪᠠᠷᠠ ᠬᠠᠷᠠᠭᠳᠠᠨᠠ᠃ | ᠤᠷᠢᠳᠤ ᠶᠢᠨ ᠵᠢᠩᠴᠢᠳ ᠴᠢᠭᠤᠯᠤᠯᠳᠤ ᠬᠠᠭᠠᠯᠭᠠ ᠤᠷᠤᠭᠠᠳ ᠪᠤᠴᠠᠬᠤ ᠳᠠᠭᠠᠨ ᠲᠠᠶᠢᠹᠤᠰᠧ ᠶᠢᠨ ᠬᠠᠨ ᠰᠤᠪᠤᠷᠭᠠ | ᠬᠠᠷᠠᠭᠳᠠᠯᠠ᠂ ᠮᠤᠩᠭᠤᠯ ᠨᠤᠳᠤᠭ ᠤᠨ ᠪᠠᠷᠠ ᠦᠵᠡᠭᠳᠡᠪᠡ ᠬᠡᠵᠦ ᠨᠤᠳᠤᠭ ᠤᠰᠤ ᠪᠠᠨ ᠰᠠᠨᠠᠭᠰᠠᠨ ᠰᠡᠳᠬᠢᠯᠬᠡ ᠪᠠᠨ | ᠢᠯᠡᠳᠭᠡᠵᠦ ᠶᠠᠷᠢᠯᠴᠠᠳᠠᠭ ᠪᠠᠶᠢᠵᠠᠢ᠃ ᠡᠨᠡᠬᠦ ᠦᠨᠳᠦᠷ ᠬᠠᠨᠶᠢᠷᠬᠠᠨ ᠲᠡᠭᠡᠷᠡ ᠤᠳᠤ ᠴᠤ ᠭᠡᠳ ᠨᠢᠬᠡᠨ ᠰᠤᠪᠤᠷᠭᠠ | ᠶᠢᠨ ᠰᠠᠭᠤᠷᠢ ᠮᠡᠳᠡᠭᠳᠡᠳᠡᠭ᠃ ᠠᠷᠠᠳ ᠤᠨ ᠶᠠᠷᠢᠶᠠᠨ ᠳᠤ ᠡᠷᠳᠡ ᠤᠷᠢᠳᠤ ᠴᠠᠭ ᠲᠤ ᠡᠨᠡ ᠨᠤᠳᠤᠭ ᠲᠤ ᠨᠢᠬᠡᠨ | ᠪᠠᠭᠠᠳᠤᠷ ᠡᠷᠡ ᠭᠠᠷᠴᠤ᠂ ᠬᠦᠷᠦᠨ ᠲᠦᠷᠦ ᠳᠤ ᠭᠠᠪᠢᠶᠠ ᠵᠢᠳᠬᠦᠯ ᠲᠠᠢ ᠶᠠᠪᠤᠭᠰᠠᠨ ᠢᠶᠠᠷ ᠲᠡᠬᠦᠨ ᠢ ᠨᠦᠭᠴᠢᠭᠰᠡᠨ | ᠬᠤᠶᠢᠨᠠ ᠱᠠᠷᠢᠯ ᠢ ᠠᠳᠡ ᠤᠷᠤᠰᠢᠭᠤᠯᠵᠤ᠂ ᠡᠵᠡᠨ ᠬᠠᠭᠠᠨ ᠠᠴᠠ ᠵᠠᠷᠯᠢᠭ ᠪᠠᠭᠤᠯᠭᠠᠨ ᠰᠤᠪᠤᠷᠭᠠ ᠪᠤᠰᠬᠠᠵᠤ | ᠭᠠᠪᠢᠶᠠ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ ᠢᠩᠬᠢᠵᠦ ᠨᠡᠷᠡᠯᠡᠯᠡ ᠭᠡᠳᠡᠭ᠃ ᠪᠠᠰᠠ ᠪᠦᠷᠨᠡᠢ ᠴᠢᠩ ᠸᠠᠩ 1675 ᠤᠨ ᠳᠤ | ᠮᠠᠨᠵᠤ ᠬᠤᠷᠴᠢᠨ ᠳᠤ ᠲᠠᠷᠤᠭᠳᠠᠵᠤ ᠡᠨᠡ ᠨᠤᠳᠤᠭ ᠲᠤ ᠨᠠᠰᠤ ᠨᠦᠭᠴᠢᠬᠦ ᠳᠤ ᠨᠤᠳᠤᠭ ᠤᠨ ᠬᠦᠮᠦᠰ ᠱᠠᠷᠢᠯ ᠢ | ᠶᠠᠷᠨᠠᠢ ᠶᠢᠨ ᠤᠪᠤᠭᠠᠨ ᠳᠤ ᠤᠷᠤᠰᠢᠭᠤᠯᠵᠠᠢ ᠭᠡᠰᠡᠨ ᠨᠡᠷᠡ ᠪᠠᠷ ᠮᠠᠨᠵᠤ ᠠᠴᠠ ᠨᠢᠭᠤᠵᠤ ᠪᠠᠶᠢᠭᠠᠳ᠂ ᠦᠨᠡᠨᠳᠡᠭᠡᠨ | ᠪᠡᠷᠭᠡ ᠶᠢᠨ ᠠᠭᠤᠯᠠᠨ ᠤ ᠠᠷᠤ ᠳᠠᠬᠢ ᠱᠤᠪᠬᠤ ᠠᠭᠤᠯᠠᠨ ᠤ ᠡᠩᠬᠡᠷ ᠲᠤ ᠤᠷᠤᠰᠢᠭᠤᠯᠤᠨ᠂ ᠲᠡᠭᠡᠷᠡ ᠨᠢ ᠴᠠᠭᠠᠨ | ᠰᠤᠪᠤᠷᠭᠠ ᠪᠤᠰᠬᠠᠵᠤ ᠂ ᠲᠡᠬᠦᠨ ᠢᠶᠠᠨ ᠬᠠᠨ ᠰᠤᠪᠤᠷᠭᠠ ᠭᠡᠵᠦ ᠨᠡᠷᠡᠯᠡᠯᠡ ᠭᠡᠰᠡᠨ ᠤᠯᠠᠮᠵᠢᠯᠠᠯ ᠶᠠᠷᠢᠶᠠ ᠪᠤᠢ᠃ | ᠶᠠᠭᠤ ᠪᠤᠯᠤᠭᠰᠠᠨ ᠴᠤ ᠬᠠᠨ ᠰᠤᠪᠤᠷᠭᠠ ᠪᠤᠯ ᠮᠠᠰᠢ ᠶᠡᠭᠡ ᠪᠡᠷᠭᠡ ᠪᠠᠷᠳᠠᠭᠠ ᠲᠠᠢ ᠠᠭᠯᠠᠭ ᠠᠭᠤᠯᠠ ᠪᠠᠶᠢᠪᠠ ᠃ | ᠶᠡᠷᠦᠨᠢ ᠪᠦᠷᠨᠡᠢ ᠴᠢᠩ ᠸᠠᠩ ᠤᠨ ᠡᠴᠦᠰ ᠤᠨ ᠵᠠᠮ ᠮᠦᠷ ᠤᠨ ᠲᠤᠬᠠᠢ ᠮᠠᠨᠵᠤ ᠴᠢᠩ ᠤᠨ ᠪᠢᠴᠢᠭ ᠰᠤᠳᠤᠷ ᠪᠠ | ᠮᠤᠩᠭᠤᠯ ᠡᠷᠳᠡᠮᠳᠡᠳ ᠤᠨ ᠬᠡᠯᠡᠯᠬᠡ ᠬᠤᠭᠤᠷᠤᠨᠳᠤ ᠪᠠᠨ ᠵᠦᠷᠢᠶᠡ ᠶᠡᠭᠡ ᠲᠠᠢ ᠪᠠᠶᠢᠳᠠᠭ ᠰᠠᠨ᠃ ᠡᠷᠳᠡᠮᠳᠡᠳ ᠪᠠ | ᠰᠤᠨᠢᠷᠬᠠᠭᠴᠢᠳ ᠴᠢᠨᠠᠭᠰᠢᠳᠠ ᠰᠤᠳᠤᠯᠵᠤ ᠪᠤᠯᠬᠤ ᠪᠤᠶᠤ᠃ |