| ᠮᠠᠯ ᠮᠢᠯᠢᠶᠠᠬᠤ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠡᠷᠳᠡᠨ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠵᠠᠩᠰᠢᠯ ᠪᠤᠯᠤᠨᠠ᠃ ᠵᠠᠷᠢᠮ | ᠮᠠᠯᠴᠢᠨ ᠡᠷᠦᠬᠡ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠮᠠᠯ ᠢᠶᠠᠨ ᠮᠢᠯᠢᠶᠠᠳᠠᠭ ᠴᠤ ᠪᠤᠢ᠃ ᠬᠦᠨᠪᠤᠯᠠᠭ ᠤᠨ ᠬᠢᠨ ᠴᠠᠭᠠᠨ ᠰᠠᠷᠠᠶᠢᠨ | ᠠᠷᠪᠠᠨ ᠲᠠᠪᠤᠨ ᠳᠤ ᠮᠠᠯ ᠮᠢᠯᠢᠶᠠᠨᠠ᠃ ᠠᠷᠪᠠᠨ ᠲᠠᠪᠤᠨ ᠢ ᠪᠠᠰᠠ ᠮᠠᠯ ᠤᠨ ᠴᠠᠭᠠᠨ ᠰᠠᠷᠠ ᠭᠡᠳᠡᠭ᠃ ᠡᠨᠡ | ᠡᠳᠦᠷ ᠬᠤᠳᠠ ᠬᠤᠷᠤᠭᠠ ᠪᠠᠨ ᠰᠠᠶᠢᠬᠠᠨ ᠴᠡᠪᠡᠷᠯᠡᠬᠦ ᠪᠦᠭᠡᠳ ᠠᠷᠴᠠ᠂ ᠰᠠᠩ ᠤᠨ ᠢᠳᠡᠭᠡ᠂ ᠬᠦᠵᠢ ᠵᠡᠷᠭᠡ ᠶᠢ | ᠪᠤᠶᠢᠪᠤᠷ ᠳᠤ ᠰᠢᠳᠠᠭᠠᠵᠤ ᠮᠠᠯ ᠤᠨ ᠬᠤᠷᠤᠭᠠ ᠬᠠᠰᠢᠶᠠ ᠶᠢ ᠠᠷᠢᠭᠤᠯᠠᠨᠠ᠃ ᠮᠠᠯ ᠤᠨ ᠮᠢᠯᠢᠶᠠᠳᠠᠰᠤ ᠬᠡᠮᠡᠨ ᠰᠢᠷᠠ | ᠴᠠᠭᠠᠨ ᠪᠤᠳᠠᠭᠠ ᠠᠭᠰᠢᠭᠠᠵᠤ ᠲᠠᠪᠠᠭᠯᠠᠭᠰᠠᠨ ᠤ ᠲᠠᠷᠠᠭᠠ᠂ ᠦᠷᠦᠮᠡ ᠬᠤᠷᠤᠳ ᠪᠠ ᠦᠵᠦᠮ ᠴᠢᠪᠠᠭᠠ ᠵᠡᠷᠭᠡ | ᠶᠢ ᠪᠤᠳᠠᠭᠠᠨ ᠲᠡᠭᠡᠷᠡ ᠪᠠᠨ ᠬᠠᠳᠬᠤᠵᠤ᠂ ᠪᠠᠰᠠ ᠭᠤᠤᠯ ᠳᠤᠨᠢ ᠬᠤᠩᠬᠤᠶᠢᠯᠠᠭᠠᠳ ᠰᠢᠷᠠ ᠲᠤᠰᠤ᠂ ᠪᠤᠷᠠᠮ ᠬᠢᠵᠦ | ᠲᠠᠯᠪᠢᠳᠠᠭ᠂ ᠡᠨᠡ ᠪᠤᠯ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠠᠮᠤ ᠪᠤᠳᠠᠭᠠ ᠰᠢᠭ᠋ ᠠᠷᠪᠢᠵᠢᠵᠤ᠂ ᠦᠷᠡ ᠵᠢᠮᠢᠰ ᠰᠢᠭ | ᠦᠷᠡᠵᠢᠭ ᠬᠡᠰᠡᠨ ᠪᠡᠯᠭᠡᠳᠡᠯ ᠤᠨ ᠤᠬᠠᠭᠠᠨ ᠲᠠᠢ ᠶᠤᠮ᠃ ᠮᠠᠯ ᠮᠢᠯᠢᠶᠠᠬᠤ ᠡᠳᠦᠷ ᠠᠳᠤᠭᠤ ᠲᠡᠮᠡᠭᠡ ᠶᠢ ᠪᠤᠯ ᠡᠳᠦᠷ | ᠨᠢ ᠴᠤᠭᠯᠠᠭᠤᠯᠵᠤ᠃ ᠠᠵᠢᠷᠭᠠ ᠬᠡᠬᠦᠦ᠂ ᠪᠤᠤᠷᠠ ᠢᠩᠬᠡ ᠠᠴᠠ ᠲᠦᠯᠦᠭᠡᠴᠢᠯᠡᠨ ᠮᠢᠯᠢᠶᠠᠨᠠ᠃ ᠦᠬᠡᠷ ᠬᠤᠨᠢ | ᠢᠮᠠᠭᠠ ᠶᠢ ᠪᠤᠯ ᠤᠷᠤᠢ ᠬᠤᠳᠠᠯᠠᠭᠰᠠᠨ ᠤ ᠲᠠᠷᠠᠭᠠ ᠮᠢᠯᠢᠶᠠᠵᠤ᠂ ᠮᠦᠨ ᠴᠤ ᠦᠷᠡ ᠶᠢᠨ ᠮᠠᠯ ᠪᠠ ᠰᠠᠳᠡᠷ ᠲᠠᠢ | ᠮᠠᠯ ᠠᠴᠠ ᠡᠬᠢᠯᠡᠵᠦ᠂ ᠮᠠᠩᠨᠠᠢ ᠲᠡᠭᠡᠷᠡ ᠨᠢ ᠪᠤᠶᠤ ᠡᠪᠡᠷ ᠲᠡᠭᠡᠷᠡ ᠨᠢ ᠲᠦᠷᠬᠢᠵᠦ ᠮᠢᠯᠢᠶᠠᠳᠠᠭ᠃ ᠮᠠᠯ ᠮᠢᠯᠢᠶᠠᠬᠤ ᠳᠤ | ᠪᠠᠰᠠ ︽ᠮᠢᠩᠭᠠᠨ ᠤ ᠮᠠᠩᠯᠠᠢ ᠳᠤ ᠶᠠᠪᠤ᠂ ᠲᠦᠮᠡᠨ ᠤ ᠲᠦᠷᠦᠬᠦᠨ ᠳᠤ ᠶᠠᠪᠤ ︾ ︽ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠮᠢᠨᠢ | ᠲᠠᠯᠠ ᠲᠦᠬᠦᠷᠡᠩ ᠪᠤᠯᠳᠤᠭᠠᠢ ︾ ︽ᠪᠠᠭᠤᠷᠠᠯ ᠦᠬᠡᠢ ᠪᠤᠮᠠ ᠬᠦᠷ᠂ ᠲᠦᠳᠡᠯ ᠦᠬᠡᠢ ᠲᠦᠮᠡ ᠬᠦᠷ︾ ︽ | ᠡᠪᠡᠰᠦᠨ ᠤ ᠰᠤᠷᠭᠤᠭ ᠢ ᠨᠢ ᠢᠳᠡ᠂ ᠤᠰᠤᠨ ᠤ ᠲᠤᠩᠭᠠᠯᠠᠭ ᠢ ᠨᠢ ᠤᠤᠭᠤ ︾ ᠬᠡᠬᠦ ᠮᠡᠳᠦ ᠪᠡᠯᠭᠡᠰᠢᠶᠡᠯᠳᠦ | ᠦᠬᠡ ᠬᠡᠯᠡᠬᠦ ᠪᠡ ᠢᠷᠦᠬᠡᠯ ᠤᠩᠰᠢᠳᠠᠭ᠃ ᠮᠠᠯ ᠤᠨ ᠮᠢᠯᠢᠶᠠᠯᠠᠭᠠ ᠳᠤ ᠫᠤᠤᠵᠢᠩ ᠲᠠᠯᠪᠢᠵᠤ ᠬᠡᠶᠢᠮᠦᠷᠢ ᠰᠡᠷᠬᠦᠭᠡᠬᠦ ᠪᠠ | ᠬᠤᠳᠠ ᠤᠰᠤᠨ ᠤ ᠭᠡᠦᠭᠡᠳ ᠢ ᠪᠤᠳᠠᠭᠠᠯᠠᠵᠤ ᠪᠠᠶᠠᠰᠬᠠᠨ᠂ ᠨᠠᠭᠠᠳᠴᠤ ᠲᠤᠭᠯᠠᠨ ᠬᠦᠷ ᠬᠦᠭᠵᠢᠶᠡᠨ ᠨᠡᠮᠡᠷᠢᠯᠡᠬᠦ ᠶᠢ | ᠡᠷᠬᠢᠮᠯᠡᠨᠡ᠃ ᠮᠠᠯ ᠢᠶᠠᠨ ᠮᠢᠯᠢᠶᠠᠵᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ᠂ ᠭᠡᠷ ᠬᠤᠳᠠᠯᠠᠭᠠᠷ ᠢᠶᠠᠨ ᠮᠢᠯᠢᠶᠠᠳᠠᠰᠤᠨ ᠤ ᠢᠳᠡᠭᠡᠨ | ᠠᠴᠠ ᠠᠮᠰᠠᠵᠤ᠂ ᠰᠢᠷᠡᠭᠡ ᠵᠠᠰᠠᠵᠤ ᠨᠠᠶᠢᠷᠯᠠᠨᠠ᠃ ᠡᠨᠡ ᠡᠳᠦᠷ ᠮᠠᠯ ᠠᠳᠤᠭᠤᠯᠤᠭᠴᠢ ᠶᠢ ᠴᠤ ᠵᠤᠴᠢᠯᠠᠨ | ᠪᠤᠳᠠᠭᠠᠯᠠᠬᠤ ᠵᠠᠩᠰᠢᠯ ᠲᠠᠢ᠃ |