ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠦᠷ ᠤᠨ ᠴᠤᠯᠮᠤᠨ ᠢ ᠤᠭᠳᠤᠨ ᠪᠤᠰᠴᠤ ᠴᠠᠢ ᠴᠦ᠋ ᠪᠠᠨ ᠴᠢᠨᠠᠨ᠂ ᠬᠦᠮᠦᠨ ᠪᠤᠯᠭᠠᠨ | ᠰᠢᠨᠡ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠴᠦ ᠭᠤᠶᠤᠯᠠᠨᠠ᠃ ᠶᠢᠰᠦ ᠪᠤᠶᠤ ᠨᠠᠶᠠᠨ ᠨᠢᠬᠡᠨ ᠰᠢᠷᠭᠡᠭ ᠲᠡᠷᠡᠰᠦᠨ ᠳᠤ ᠬᠦᠪᠦᠩ | ᠢᠶᠠᠷ ᠪᠠᠮᠪᠠᠷ ᠤᠷᠢᠶᠠᠵᠤ ᠲᠡᠭᠡᠷᠡ ᠨᠢ ᠰᠢᠷᠠ ᠲᠤᠰᠤ ᠴᠢᠳᠬᠤᠨ ᠲᠡᠭᠷᠢ ᠶᠢᠨ ᠵᠤᠯᠠ ᠬᠢᠳᠡᠭ᠃ ᠬᠡᠷ ᠤᠨ ᠡᠵᠡᠨ | ᠠᠴᠠ ᠵᠤᠯᠠ ᠪᠠᠨ ᠠᠰᠠᠭᠠᠭᠰᠠᠨ ᠤ ᠲᠠᠷᠠᠭᠠ᠂ ᠪᠦᠬᠦᠳᠡᠭᠡᠷ ᠰᠦᠬᠦᠳᠴᠦ ᠲᠡᠭᠷᠢ ᠳᠡᠭᠡᠨ ᠮᠦᠷᠬᠦᠵᠦ᠂ ᠲᠠᠭᠢᠯᠭᠠ | ᠂ ᠢᠳᠡᠭᠡᠨ ᠤ ᠲᠡᠭᠡᠵᠢ᠂ ᠠᠷᠢᠬᠢ ᠰᠠᠴᠤᠯᠢ ᠪᠠᠨ ᠵᠦᠭ ᠵᠦᠭ ᠳᠤ ᠡᠷᠬᠦᠵᠦ ᠫᠤᠤᠵᠢᠩ ᠲᠠᠯᠪᠢᠨ ᠪᠠᠶᠠᠰᠤᠯᠴᠠᠨᠠ᠃ | ᠲᠡᠭᠷᠢ ᠳᠤ ᠮᠦᠷᠬᠦᠵᠦ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ᠂ ᠭᠡᠷ ᠲᠡᠭᠡᠨ ᠤᠷᠤᠵᠤ ᠬᠠᠷᠢᠯᠴᠠᠨ ᠰᠢᠨᠡᠯᠡᠭᠡᠳ ᠴᠠᠢ ᠪᠠᠨ | ᠠᠶᠠᠭᠠᠯᠠᠨᠠ᠃ ᠨᠠᠰᠤᠳᠠᠨ ᠢᠶᠠᠨ ᠬᠤᠶᠢᠮᠤᠷ ᠲᠤ ᠵᠠᠯᠠᠨ ᠰᠠᠭᠤᠯᠭᠠᠵᠤ᠂ ᠭᠠᠷ ᠲᠠᠬᠢ ᠬᠠᠳᠠᠭ ᠢᠶᠠᠨ | ᠨᠠᠰᠤᠳᠠᠶᠢᠴᠤᠳ ᠤᠨ ᠪᠠᠷᠢᠭᠰᠠᠨ ᠬᠠᠳᠠᠭ ᠲᠡᠭᠡᠷᠡ ᠬᠤᠶᠠᠷ ᠭᠠᠷ ᠢᠶᠠᠷ ᠵᠦᠷᠢᠬᠦᠯᠡᠰᠬᠢᠨ ᠲᠠᠯᠪᠢᠭᠠᠳ ᠮᠦᠷᠬᠦᠵᠦ ︽ | ᠠᠪᠤ ᠡᠵᠢ ᠰᠠᠶᠢᠨ ᠰᠢᠨᠡᠯᠡᠪᠡᠦ︖ ︾ ᠬᠡᠬᠦᠴᠢᠯᠡᠨ ᠮᠡᠨᠳᠦᠯᠡᠵᠦ ᠵᠤᠯᠭᠠᠨᠠ᠃ ᠲᠡᠭᠡᠷᠡ ᠦᠶᠡ ᠶᠢᠨ ᠬᠢᠨ ︽ᠰᠠᠶᠢᠨ | ᠰᠢᠨᠡᠯᠡᠯᠡ᠂ ᠤᠷᠳᠤ ᠨᠠᠰᠤᠯᠠᠵᠤ ᠤᠳᠠᠭᠠᠨ ᠵᠢᠷᠭᠠ᠂ ᠨᠠᠷᠠ ᠰᠢᠭ᠋ ᠮᠠᠨᠳᠠ᠂ ᠨᠠᠪᠴᠢ ᠰᠢᠭ᠋ ᠲᠡᠯᠭᠡᠷ︾ ᠭᠡᠬᠦ ᠮᠡᠳᠦ ᠪᠠᠷ | ᠢᠷᠦᠭᠡᠳᠡᠭ᠃ ᠡᠨᠡ ᠮᠡᠳᠦ ᠪᠠᠷ ᠡᠪᠦᠭᠡ ᠡᠮᠡᠭᠡ᠂ ᠠᠪᠤ ᠡᠵᠢ ᠬᠡᠵᠦ ᠲᠠᠷᠠᠭᠠᠯᠠᠨ ᠵᠤᠯᠭᠠᠭᠰᠠᠨ ᠤ ᠲᠠᠷᠠᠭᠠ ᠠᠬᠠ | ᠲᠡᠬᠦᠦ ᠨᠠᠷ ᠴᠤ ᠬᠠᠷᠢᠯᠴᠠᠨ ᠨᠠᠰᠤ ᠲᠠᠷᠠᠭᠠᠯᠠᠨ ᠵᠤᠯᠭᠠᠬᠤ ᠪᠦᠭᠡᠳ ᠠᠬᠠᠰ ᠵᠠᠬᠠᠰ ᠢᠶᠠᠨ ︽ᠮᠤᠷᠢᠯᠠᠵᠤ ᠰᠠᠭᠠᠳᠠ︾ | ᠭᠡᠮᠡᠨ ᠰᠠᠭᠤᠯᠭᠠᠵᠤ ᠵᠤᠯᠭᠠᠳᠠᠭ ᠪᠠᠶᠢᠨᠠ᠃ ᠵᠤᠯᠭᠠᠵᠤ ᠪᠠᠷᠠᠪᠠᠯ ᠨᠠᠰᠤᠳᠠᠨ ᠨᠢ ᠭᠡᠦᠭᠡᠳ ᠳᠡᠭᠡᠨ ᠰᠢᠨᠡ ᠶᠢᠨ ᠰᠦ | ᠠᠮᠰᠠᠭᠤᠯᠤᠨᠠ᠃ ᠰᠦ ᠶᠢ ᠬᠤᠶᠠᠷ ᠭᠠᠷ ᠢᠶᠠᠷ ᠲᠤᠰᠤᠨ ᠠᠪᠴᠤ ᠠᠮᠰᠠᠭᠠᠳ ᠪᠤᠴᠠᠭᠠᠬᠤ ᠶᠤᠰᠤ ᠲᠠᠢ᠂ ᠲᠠᠷᠠᠭᠠ | ᠨᠢ ᠨᠠᠰᠤᠳᠠᠳ ᠲᠠᠭᠠᠨ ᠠᠷᠢᠬᠢ ᠪᠠᠷᠢᠵᠤ ᠮᠦᠷᠬᠦᠨᠡ᠃ ᠬᠡᠷ ᠤᠨ ᠵᠤᠯᠭᠠᠯᠳᠠ ᠲᠠᠭᠤᠰᠪᠠᠯ ᠠᠶᠢᠯ ᠬᠤᠳᠠᠨ ᠳᠠᠭᠠᠨ | ᠲᠤᠭᠤᠷᠢᠵᠤ ᠵᠤᠯᠭᠠᠯᠳᠠ ᠬᠢᠨᠡ᠃ ᠠᠶᠢᠯ ᠲᠤᠭᠤᠷᠢᠬᠤ ᠳᠠᠭᠠᠨ ᠬᠠᠳᠠᠭ ᠬᠦᠬᠦᠷ ᠢᠶᠠᠨ ᠠᠪᠴᠤ᠂ ᠭᠤᠶᠤᠯᠠᠯ ᠤᠨ | ᠬᠤᠪᠴᠠᠰᠤ ᠪᠠᠨ ᠡᠮᠦᠰᠬᠦ ᠪᠦᠭᠡᠳ ︽ᠪᠤᠷᠬᠠᠨ ᠳᠤᠨᠢ ᠮᠦᠷᠬᠦᠵᠦ᠂ ᠪᠤᠭᠤᠷᠤᠯ ᠳᠤᠨᠢ ᠵᠤᠯᠭᠠᠬᠤ ︾ ᠬᠡᠵᠦ | ᠤᠷᠢᠳᠠᠪᠠᠷ ᠵᠠᠪᠠᠯ ᠨᠠᠰᠤᠳᠠᠢ ᠲᠤᠮᠤᠭᠠᠳᠠᠢ ᠬᠦᠮᠦᠰ ᠲᠠᠢ ᠵᠤᠯᠭᠠᠨᠠ᠃ ᠠᠶᠢᠯ ᠤᠨ ᠭᠠᠳᠠᠨᠠ ᠤᠴᠢᠪᠠᠯ ᠡᠷᠭᠡᠪᠰᠢ | ᠤᠭᠳᠤᠨ ᠭᠠᠷᠴᠤ᠂ ︽ᠰᠠᠶᠢᠨ ᠰᠢᠨᠡᠯᠡᠪᠡᠦ︾ ᠬᠡᠮᠡᠨ ᠬᠠᠷᠢᠯᠴᠠᠨ ᠮᠡᠨᠳᠦ ᠮᠡᠳᠡᠯᠴᠡᠵᠦ᠂ ᠡᠵᠡᠨ ᠵᠤᠴᠢᠨ ᠬᠠᠷᠢᠯᠴᠠᠨ | ︽ᠲᠠ ᠪᠠᠭᠤ᠂ ᠲᠠ ᠪᠠᠭᠤ︾ ᠭᠡᠵᠦ ᠨᠠᠶᠢᠷ ᠲᠠᠯᠪᠢᠯᠴᠠᠨ ᠭᠡᠷ ᠳᠤ ᠤᠷᠤᠳᠠᠭ᠂ ᠨᠠᠰᠤᠳᠠᠢ ᠲᠤᠮᠤᠭᠠᠳᠠᠢ ᠬᠦᠮᠦᠰ ᠢ | ᠰᠠᠭᠤᠯᠭᠠᠵᠤ ᠪᠠᠶᠢᠭᠠᠳ ᠬᠠᠳᠠᠭ ᠪᠠᠷᠢᠵᠤ ᠰᠢᠨᠡᠯᠡᠨᠡ᠃ ᠠᠬᠠᠰ ᠵᠠᠬᠠᠰ ᠤᠨ ᠲᠠᠷᠠᠭᠠᠯᠠᠯ ᠢᠶᠠᠷ ᠰᠠᠭᠤᠵᠤ᠂ | ᠠᠶᠠᠭᠠᠯᠠᠭᠰᠠᠨ ᠴᠠᠢ ᠴᠠᠭᠠᠨ ᠢᠳᠡᠭᠡᠨ ᠠᠴᠠ ᠠᠮᠰᠠᠵᠤ᠂ ︽ᠰᠢᠨᠡ ᠵᠢᠯ ᠰᠠᠶᠢᠬᠠᠨ ᠪᠤᠯᠤᠯᠠ ︾ ᠬᠡᠬᠦ ᠮᠡᠳᠦ ᠪᠡᠯᠭᠡ | ᠲᠠᠢ ᠦᠬᠡᠰ ᠦᠬᠦᠯᠡᠯᠴᠡᠨ᠂ ᠰᠢᠨᠡ ᠶᠢᠨ ᠭᠤᠷᠪᠠᠨ ᠭᠡᠮ ᠪᠠᠷᠢᠵᠤ ᠶᠤᠰᠤ ᠬᠦᠢᠴᠡᠳᠭᠡᠨᠡ᠃ ᠠᠷᠢᠬᠢ ᠪᠠᠷᠢᠬᠤ | ᠳᠤ ᠡᠷᠭᠡᠪᠰᠢ ᠲᠤᠪᠴᠢ ᠪᠠᠨ ᠲᠤᠪᠴᠢᠯᠠᠵᠤ᠂ ᠬᠠᠨᠴᠤᠢ ᠪᠠᠨ ᠪᠠᠭᠤᠯᠭᠠᠨ᠂ ᠮᠠᠯᠠᠭᠠᠢ ᠵᠡᠬᠦᠬᠦ ᠬᠡᠷᠡᠭᠳᠡᠢ᠃ ᠲᠤᠭᠤᠷᠢᠬᠤ | ᠳᠠᠭᠠᠨ ᠠᠶᠢᠯ ᠬᠡᠬᠡᠬᠦ ᠶᠢ ᠴᠡᠭᠡᠷᠯᠡᠵᠦ᠂ ︽ ᠰᠢᠪᠠᠭᠠᠰᠤ ᠲᠠᠢ ᠭᠡᠷ ᠳᠤ ᠴᠤ ᠤᠷᠤᠵᠤ᠂ ᠱᠠᠯᠳᠠᠩ ᠬᠦᠮᠦᠨ ᠲᠠᠢ | ᠴᠤ ᠠᠭᠤᠯᠵᠠᠨᠠ︾ ᠭᠡᠳᠡᠭ᠃ ᠠᠶᠢᠯ ᠲᠤᠭᠤᠷᠢᠵᠤ ᠰᠢᠨᠡᠯᠡᠬᠦ ᠳᠤ ᠬᠡᠦᠭᠡᠳ ᠲᠤ ᠰᠢᠨᠡ ᠶᠢᠨ ᠪᠤᠤᠪᠤ ᠦᠭᠳᠡᠭ᠂ | ᠠᠶᠢᠯ ᠤᠨ ᠦᠭᠬᠦᠭᠰᠡᠨ ᠪᠤᠤᠪᠤ ᠶᠢ ᠶᠠᠮᠠᠷ ᠴᠤ ᠭᠤᠯᠤᠯ ᠦᠬᠡᠢ ᠠᠪᠴᠤ ᠪᠠᠶᠢᠬᠤ ᠶᠤᠰᠤᠳᠠᠢ᠃ ᠰᠢᠨᠡ ᠶᠢᠨ | ᠨᠢᠭᠡᠨ ᠤ ᠵᠤᠴᠢᠨ ᠠᠶᠢᠯ ᠳᠤ ᠬᠤᠨᠤᠳᠠᠭ ᠦᠬᠡᠢ᠃ ᠬᠤᠳᠠ ᠤᠰᠤᠨ ᠳᠠᠭᠠᠨ ᠰᠢᠨᠡᠯᠡᠭᠰᠡᠨ ᠤ ᠲᠠᠷᠠᠭᠠ᠂ ᠲᠦᠷᠦᠯ | ᠰᠠᠳᠤᠨ᠂ ᠨᠠᠶᠢᠵᠠ ᠨᠦᠬᠦᠳ ᠲᠠᠢ ᠪᠠᠨ ᠰᠢᠨᠡᠯᠡᠬᠦ ᠪᠠᠷ ᠬᠤᠯᠠ ᠶᠢᠨ ᠵᠤᠯᠭᠠᠯᠳᠠ ᠳᠤ ᠮᠤᠷᠳᠠᠳᠠᠭ᠃ ᠬᠡᠬᠦ ᠲᠠᠭᠠᠨ | ᠰᠢᠨᠡ ᠶᠢᠨ ᠪᠡᠯᠡᠭ ᠬᠡᠵᠦ ᠠᠷᠢᠬᠢ᠂ ᠪᠤᠤᠪᠤ ᠂ ᠴᠠᠭᠠᠨ ᠢᠳᠡᠭᠡ ᠭᠠᠨᠵᠤᠭᠠᠯᠠᠵᠤ ᠶᠠᠪᠤᠨᠠ᠃ ᠠᠷᠪᠠᠨ ᠲᠠᠪᠤᠨ | ᠠᠴᠠ ᠡᠮᠦᠨᠡ ᠰᠢᠨᠡ ᠶᠢᠨ ᠴᠠᠭᠠᠨ ᠢᠳᠡᠭᠡ ᠶᠢ ᠬᠤᠷᠢᠶᠠᠬᠤ ᠦᠬᠡᠢ ᠬᠡᠪ ᠢᠶᠠᠷ ᠪᠠᠶᠢᠯᠭᠠᠨᠠ᠂ ᠵᠤᠴᠢᠳ ᠴᠤ | ᠪᠤᠯᠬᠤ ᠶᠢᠨ ᠲᠤᠳᠤᠷᠠ ᠠᠷᠪᠠᠨ ᠲᠠᠪᠤᠨ ᠠᠴᠠ ᠡᠮᠦᠨᠡ ᠠᠶᠢᠯᠴᠢᠯᠠᠵᠤ ᠲᠤᠭᠤᠷᠢᠳᠠᠭ ᠨᠠᠷᠪᠠᠨ ᠲᠠᠪᠤᠨ ᠦᠩᠭᠡᠷᠡᠪᠡᠯ | ᠰᠢᠨᠡ ᠬᠠᠭᠤᠴᠢᠷᠠᠵᠤ ᠭᠡᠪ ᠤᠨ ᠪᠠᠶᠢᠳᠠᠯ ᠳᠠᠭᠠᠨ ᠤᠷᠤᠨᠠ᠃ |