| ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ ᠢ ᠶᠠᠭᠠᠬᠢᠵᠤ ᠰᠡᠷᠭᠡᠶᠢᠯᠡᠵᠤ ᠵᠠᠰᠠᠬᠤ ᠪᠤᠢ | — ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠤᠯᠠᠮᠵᠢᠯᠠᠯᠳᠤ | ᠵᠠᠰᠠᠯ ᠤᠨ ᠨᠢᠭᠡᠳᠦᠭᠡᠷ ᠰᠠᠯᠠᠭᠠᠨ ᠤ ᠭᠤᠤᠯᠯᠠᠬᠴᠢ ᠡᠮᠴᠢ ᠵᠢᠯᠢᠨᠪᠠᠶᠠᠷ ᠢ ᠰᠤᠷᠪᠤᠯᠵᠢᠯᠠᠭᠠᠳ | ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠰᠤᠷᠪᠤᠯᠵᠢᠯᠠᠭᠴᠢ ᠲᠤᠩᠭᠠᠯᠠᠭ | ᠤᠳᠤ ᠮᠠᠨ ᠤ ᠤᠷᠴᠢᠨ ᠳᠤ ᠬᠡᠤᠬᠡᠳ ᠠᠴᠠ ᠡᠬᠢᠯᠡᠵᠤ ᠦᠳᠡᠯᠦᠬᠡ ᠪᠤᠭᠤᠷᠤᠯᠴᠤᠳ ᠲᠤ ᠬᠦᠷᠳᠡᠯᠠ 90% ᠶᠢᠨ | ᠬᠦᠮᠦᠰ ᠨᠢ ᠪᠦᠷ ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ ᠲᠠᠢ ᠪᠠᠶᠢᠬᠤ ᠪᠤᠯᠤᠯᠠ᠃ ᠦᠨᠤᠳᠤᠷ ᠠᠳᠡ ᠰᠢᠯᠢ ᠶᠢᠨ ᠭᠤᠤᠯ | ᠠᠶᠢᠮᠠᠭ ᠤᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠤᠯᠠᠮᠵᠢᠯᠠᠯᠳᠤ ᠵᠠᠰᠠᠯ ᠤᠨ ᠨᠢᠭᠡᠳᠤᠭᠡᠷ ᠰᠠᠯᠠᠭᠠᠨ ᠤ ᠭᠤᠤᠯᠯᠠᠬᠴᠢ | ᠡᠮᠴᠢ ᠵᠢᠯᠢᠨᠪᠠᠶᠠᠷ ᠤᠨ ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ ᠤ ᠳᠤᠬᠠᠢ ᠳᠠᠶᠢᠯᠪᠦᠷᠢᠯᠠᠯ ᠪᠠ ᠳᠡᠬᠦᠨ ᠢ ᠶᠠᠭᠠᠬᠢᠵᠤ ᠰᠡᠷᠭᠡᠶᠢᠯᠡᠵᠤ | ᠵᠠᠰᠠᠬᠤ ᠳᠤᠬᠠᠢ ᠶᠠᠷᠢᠯᠴᠠᠭᠠ ᠶᠢ ᠬᠤᠪᠢᠶᠠᠯᠴᠠᠶᠠ᠃ | ᠰᠤᠷᠪᠦᠯᠵᠢᠯᠠᠬᠴᠢ᠄ ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠪᠢᠳᠡᠨ ᠤ ᠡᠳᠤᠷ ᠳᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠ | ᠤᠯᠠᠨ ᠳᠤᠬᠢᠶᠠᠯᠳᠤᠳᠠᠭ ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ ᠤ ᠳᠤᠬᠠᠢ ᠳᠠ ᠳᠠᠶᠢᠯᠪᠦᠷᠢᠯᠠᠵᠤ ᠦᠭᠭᠦᠨᠠ ᠤᠤ︖ | ᠵᠢᠯᠢᠨᠪᠠᠶᠠᠷ ᠡᠮᠴᠢ᠄ ᠵᠠ ᠪᠦᠬᠦᠳᠡᠭᠡᠷ ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠬᠦᠵᠦᠬᠦᠨ ᠤ ᠬᠤᠶᠠᠩ ᠰᠢᠷᠠ ᠡᠪᠡᠳᠴᠢᠨ ᠠᠴᠠ | ᠡᠬᠢᠯᠡᠵᠤ ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ ᠭᠡᠭᠰᠡᠭᠡᠷ ᠬᠦᠮᠦᠰ ᠪᠠᠷᠤᠬ ᠪᠦᠷ ᠮᠡᠳᠡᠵᠤ ᠪᠠᠶᠢᠬᠠ᠂ ᠬᠡᠬᠦ ᠳᠤ ᠬᠦᠵᠤᠬᠦᠨ ᠤ | ᠡᠪᠡᠳᠴᠢᠨ ᠤ ᠬᠡᠯᠪᠡᠷᠢ ᠤᠯᠠᠨ ᠲᠦᠷᠦᠯ ᠪᠠᠶᠢᠳᠠᠭ᠃ ᠬᠦᠵᠦᠬᠦᠨ ᠤ ᠪᠦᠳᠤᠴᠡ ᠳᠤᠩ ᠪᠤᠳᠤᠯᠢᠶᠠᠨᠳᠡᠢ᠂ ᠳᠡᠷᠡ ᠨᠢ | ᠨᠤᠭᠤᠰᠤ᠂ ᠰᠤᠳᠠᠯ᠂ ᠪᠤᠯᠴᠢᠩ ᠮᠡᠳᠡᠷᠡᠯ ᠭᠡᠳ ᠤᠯᠠᠨ ᠠᠷᠪᠢᠨ ᠪᠦᠷᠢᠯᠳᠤᠬᠦᠨ ᠲᠠᠢ ᠪᠠᠶᠢᠳᠠᠬ ᠠᠴᠠ ᠬᠦᠮᠦᠨ ᠤ | ᠪᠡᠶᠠ ᠶᠢᠨ ᠡᠯᠠ ᠡᠷᠭᠡᠳᠡᠨ ᠤ ᠳᠠᠮᠵᠢᠭᠤᠯᠭᠠ ᠶᠢᠨ ᠨᠢᠭᠡᠨ ᠭᠤᠤᠯ ᠰᠢᠰᠲ᠋ᠧᠮ ᠪᠤᠯᠳᠠᠬ᠃ ᠳᠡᠬᠡᠬᠦ ᠪᠠᠷ ᠬᠦᠵᠦᠬᠦᠨ ᠤ | ᠦᠶᠠ ᠬᠡᠮᠳᠤᠬᠦ ᠳᠡᠷᠡᠴᠢᠯᠡᠨ ᠬᠦᠵᠦᠬᠦᠨ ᠳᠤ ᠬᠤᠶᠠᠩ ᠰᠢᠷᠠ ᠤᠰᠤ ᠴᠤᠬᠯᠠᠷᠠᠬᠤ ᠵᠡᠷᠭᠡ ᠶᠠᠩᠵᠤ ᠪᠦᠷᠢ ᠶᠢᠨ | ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ᠢᠯᠡᠷᠡᠵᠤ ᠤᠳᠠᠪᠠᠯ ᠳᠡᠷᠡ ᠨᠢ ᠪᠤᠰᠤᠳ ᠡᠷᠭᠡᠳᠡᠨ ᠢ ᠴᠤ ᠨᠦᠯᠦᠬᠡᠯᠡᠵᠤ ᠡᠪᠡᠳᠴᠢᠨ | ᠪᠤᠯᠭᠠᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠭᠡᠳᠡᠭ ᠪᠤᠯᠬᠤᠷ ᠬᠦᠮᠦᠨ ᠪᠦᠬᠦᠳᠡ ᠡᠬᠦᠨ ᠤ ᠳᠤᠬᠠᠢ ᠠᠩᠬᠠᠷᠴᠤ ᠰᠡᠷᠭᠡᠶᠢᠯᠡᠵᠤ | ᠬᠠᠮᠠᠭᠠᠯᠠᠪᠠᠯ ᠳᠠᠭᠠᠷᠠᠨᠠ ᠭᠡᠵᠤ ᠦᠵᠡᠵᠤ ᠪᠠᠶᠢᠨᠠ᠃ | ᠰᠤᠷᠪᠦᠯᠵᠢᠯᠠᠬᠴᠢ᠄ ᠬᠦᠵᠤᠬᠦᠨ ᠤ ᠡᠪᠡᠳᠴᠢᠨ ᠢ ᠢᠯᠡᠷᠡᠯ ᠢᠶᠠᠷ ᠨᠢ ᠶᠠᠭᠠᠬᠢᠵᠤ ᠬᠤᠪᠢᠶᠠᠳᠠᠬ ᠪᠤᠢ︖ | ᠵᠢᠯᠢᠨᠪᠠᠶᠠᠷ ᠡᠮᠴᠢ᠄ ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ ᠬᠡᠪᠡᠯ ᠤᠯᠠᠨ ᠲᠦᠷᠦᠯ ᠪᠠᠶᠢᠨᠠ᠃ ᠠᠳᠡ ᠪᠢ ᠤᠯᠠᠨ | ᠳᠤᠬᠢᠶᠠᠯᠳᠤᠳᠠᠬ ᠠᠩᠬᠠᠷᠬᠤ ᠴᠢᠬᠤᠯᠠᠳᠡᠢ ᠬᠡᠳᠤᠨ ᠵᠦᠢᠯ ᠤᠨ ᠪᠠᠶᠢᠳᠠᠯ ᠢ ᠳᠠᠨᠢᠯᠴᠠᠭᠤᠯᠤᠶᠠ᠃ ᠨᠢᠭᠡ ᠳᠤ | ᠮᠡᠳᠡᠷᠡᠯ ᠤᠨ ᠤᠬ ᠢ ᠨᠦᠯᠦᠭᠡᠯᠡᠭᠰᠡᠨ ᠰᠢᠨᠵᠢ ᠲᠠᠢ ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ᠂ ᠡᠨᠡ ᠪᠠᠶᠢᠳᠠᠯ ᠳᠤ ᠬᠦᠵᠦᠬᠦᠤ | ᠬᠦᠰᠢᠵᠤ ᠡᠪᠡᠳᠬᠦ ᠰᠢᠨᠵᠢ ᠢᠯᠡᠷᠡᠨᠠ᠂ ᠡᠬᠦᠨ ᠤ ᠳᠠᠭᠠᠤ ᠳᠤ ᠮᠦᠷᠤ ᠳᠠᠯᠤ ᠬᠦᠰᠢᠵᠤ᠂ ᠭᠠᠷ ᠮᠢᠨᠴᠤᠭᠦᠷᠡᠨᠠ᠂ | ᠬᠠᠮᠤᠬ ᠳᠤᠳᠤᠷᠬᠠᠢ ᠨᠢᠬᠡ ᠢᠯᠡᠷᠡᠯ ᠪᠤᠯ ᠭᠠᠷ ᠮᠢᠨᠴᠤᠭᠦᠷᠡᠨᠠ᠃ ᠬᠤᠶᠠᠷ ᠲᠤ ᠨᠤᠭᠤᠰᠤ ᠶᠢ ᠨᠦᠯᠦᠬᠡᠯᠡᠭᠰᠡᠨ | ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ᠂ ᠡᠨᠡ ᠨᠢ ᠪᠤᠯ ᠮᠢᠨᠤ ᠦᠵᠡᠬᠦ ᠪᠠᠷ ᠬᠠᠮᠤᠬ ᠬᠦᠨᠳᠤ ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ ᠭᠡᠵᠤ | ᠦᠵᠡᠵᠤ ᠪᠠᠶᠢᠨᠠ᠃ ᠡᠨᠡ ᠪᠠᠶᠢᠳᠠᠯ ᠳᠤ ᠪᠤᠯ ᠭᠠᠷ ᠬᠦᠯ ᠵᠡᠷᠭᠡ ᠪᠠᠷ ᠮᠢᠨᠴᠤᠭᠦᠷᠡᠵᠤ ᠬᠦᠴᠤ ᠦᠬᠡᠢ ᠪᠤᠯᠵᠤ᠂ | ᠬᠦᠨᠳᠤᠷᠡᠪᠡᠯ ᠳᠠᠮᠪᠠᠷᠠᠬᠤ᠂ ᠬᠦᠯ ᠢᠶᠠᠨ ᠬᠦᠳᠡᠯᠬᠡᠵᠤ ᠳᠡᠶᠢᠯᠬᠦ ᠦᠬᠡᠢ ᠪᠤᠯᠬᠤ᠂ ᠪᠠᠰᠠ ᠠᠮᠠᠷᠬᠠᠨ ᠪᠦᠳᠤᠷᠢᠬᠦ᠂ | ᠬᠦᠪᠤᠡᠭ ᠳᠡᠭᠡᠷᠠ ᠠᠯᠬᠤᠵᠤ ᠪᠠᠶᠢᠬᠤ ᠮᠡᠳᠤ ᠬᠡᠬᠦ ᠵᠡᠷᠬᠡ ᠪᠠᠶᠢᠳᠠᠯ ᠰᠢᠨᠵᠢ ᠢᠯᠡᠷᠡᠵᠤ ᠴᠢᠨᠠᠬᠰᠢᠯᠠᠨ ᠪᠠᠰᠠ ᠦᠳᠬᠡᠨ | ᠰᠢᠩᠭᠡᠨ ᠮᠦᠷ ᠢ ᠨᠦᠯᠦᠬᠡᠯᠡᠬᠦ ᠪᠤᠯᠤᠨᠠ᠃ ᠭᠤᠷᠪᠠ ᠳᠤ ᠰᠤᠯᠪᠢᠭᠤ ᠮᠡᠳᠡᠷᠡᠯ ᠢ ᠨᠦᠯᠦᠬᠡᠯᠡᠬᠦ᠂ ᠡᠨᠡ ᠨᠢ ᠪᠢᠳᠡᠨ ᠤ | ᠡᠳᠤᠷ ᠳᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠳᠤ ᠬᠠᠮᠤᠬ ᠠᠷᠪᠢᠨ ᠳᠤᠬᠢᠶᠠᠯᠳᠤᠳᠠᠬ ᠬᠡᠯᠪᠡᠷᠢ ᠪᠤᠯᠤᠨᠠ᠂ ᠡᠨᠡ ᠪᠠᠶᠢᠳᠠᠯ ᠳᠤ ᠪᠤᠯ | ᠳᠤᠯᠤᠭᠠᠢ ᠡᠪᠡᠳᠬᠦ᠂ ᠨᠢᠳᠤ ᠪᠦᠷᠳᠤᠯᠵᠡᠬᠦ ᠶᠢᠨ ᠬᠠᠮᠳᠤ ᠪᠠᠰᠠ ᠬᠤᠳᠤᠭᠤᠳᠤ ᠬᠡᠳᠡᠰᠤᠨ ᠤ ᠰᠢᠩᠭᠡᠭᠡᠯᠳᠡ ᠶᠢ | ᠨᠦᠯᠦᠬᠡᠯᠡᠵᠤ ᠰᠢᠩᠭᠡᠭᠡᠯᠳᠡ ᠮᠠᠭᠤᠳᠠᠬᠤ ᠵᠡᠷᠭᠡ ᠪᠠᠶᠢᠳᠠᠯ ᠢᠯᠡᠷᠡᠳᠡᠭ᠃ ᠡᠬᠦᠨ ᠤ ᠳᠠᠭᠠᠤ ᠳᠤ ᠪᠠᠰᠠ ᠵᠢᠷᠤᠬᠡ | ᠴᠡᠴᠡᠷᠡᠬᠦ᠂ ᠨᠦᠢᠷ ᠬᠤᠯᠵᠢᠬᠤ ᠵᠡᠷᠭᠡ ᠪᠤᠰᠤᠳ ᠡᠷᠭᠡᠳᠡᠨ ᠢ ᠨᠦᠯᠦᠬᠡᠯᠡᠬᠦ ᠪᠠᠶᠢᠳᠠᠯ ᠳᠠᠭᠠᠯᠳᠤᠳᠠᠬ᠃ ᠪᠠᠰᠠ ᠨᠢᠭᠡ ᠨᠢ | ᠬᠦᠵᠦᠬᠦᠨ ᠤ ᠰᠤᠳᠠᠯ ᠢ ᠨᠦᠯᠦᠬᠡᠯᠡᠭᠰᠡᠨ ᠬᠡᠯᠪᠡᠷᠢ᠂ ᠡᠨᠡ ᠪᠠᠶᠢᠳᠠᠯ ᠳᠤ ᠳᠠᠯᠠ ᠳᠤᠯᠤᠭᠠᠢ ᠡᠪᠡᠳᠬᠦ᠂ ᠬᠦᠵᠦᠬᠦᠨ ᠤ | ᠮᠤᠷᠦ᠋ᠢᠯᠳᠠ ᠬᠤᠪᠢᠷᠠᠬᠤ ᠰᠢᠨᠵᠢ ᠳᠡᠮᠳᠡᠭ ᠢᠯᠡᠷᠡᠳᠡᠭ ᠪᠠᠶᠢᠨᠠ᠃ | ᠰᠤᠷᠪᠦᠯᠵᠢᠯᠠᠭᠴᠢ᠄ ᠳᠡᠭᠡᠪᠡᠯ ᠡᠳᠡᠭᠡᠷ ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ ᠨᠢ ᠶᠠᠮᠠᠷ ᠪᠠᠶᠢᠳᠠᠯ ᠳᠤᠤᠷᠠ ᠠᠮᠠᠷᠬᠠᠨ | ᠡᠭᠦᠰᠳᠡᠭ ᠪᠤᠢ︖ | ᠵᠢᠯᠢᠨᠪᠠᠶᠠᠷ ᠡᠮᠴᠢ᠄ ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ ᠤ ᠡᠬᠦᠰᠤᠯᠳᠡ ᠬᠦᠮᠦᠰ ᠤᠨ ᠡᠳᠤᠷ ᠳᠤᠳᠤᠮ ᠤᠨ ᠦᠢᠯᠡ | ᠠᠵᠢᠯᠯᠠᠭᠠᠨ ᠤ ᠪᠠᠷᠢᠮᠳᠠᠯᠠᠯ᠂ ᠠᠮᠢᠳᠤᠷᠠᠯ ᠤᠨ ᠬᠡᠯᠪᠡᠷᠢ ᠮᠠᠶ᠋ᠢᠬ ᠵᠢᠴᠢ ᠳᠠᠳᠬᠠᠯ ᠲᠠᠢ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠳᠠᠬ᠃ | ᠳᠠᠷᠤᠢ ᠬᠠᠮᠤᠬ ᠲᠦᠷᠦᠬᠦᠨ ᠳᠤ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠪᠦᠬᠦ᠋ᠢᠵᠤ ᠠᠵᠢᠯ ᠬᠢᠬᠦ ᠬᠦᠮᠦᠰ ᠲᠤ ᠤᠯᠠᠨ | ᠳᠤᠬᠢᠶᠠᠯᠳᠤᠳᠠᠭ᠃ ᠪᠦᠬᠦ᠋ᠢᠬᠦ ᠦᠶᠠ ᠳᠤ ᠬᠦᠵᠦᠬᠦᠨ ᠤ ᠪᠤᠯᠴᠢᠩ ᠳᠤ ᠳᠠᠷᠤᠯᠳᠠ ᠦᠭᠴᠤ ᠤᠷᠳᠤ ᠬᠤᠭᠤᠴᠠᠭᠠ | ᠪᠤᠯᠤᠬᠰᠠᠨ ᠠᠴᠠ ᠪᠤᠯᠴᠢᠩ ᠰᠤᠯᠠᠷᠠᠵᠤ᠂ ᠬᠦᠴᠤ ᠦᠬᠡᠢ ᠪᠤᠯᠵᠤ ᠬᠤᠪᠢᠷᠠᠳᠠᠬ ᠠᠴᠠ ᠬᠦᠵᠤᠬᠦᠨ ᠤ ᠡᠯᠠ ᠵᠦᠢᠯ ᠤᠨ | ᠡᠪᠡᠳᠴᠢᠨ ᠢ ᠪᠤᠢ ᠪᠤᠯᠭᠠᠳᠠᠬ᠂ ᠪᠠᠰᠠ ᠨᠢᠭᠡ ᠨᠢ ᠤᠨᠳᠠᠬᠤ ᠦᠶᠠ ᠳᠤ ᠳᠡᠷᠡ ᠪᠠᠨ ᠬᠡᠳᠤ ᠦᠨᠳᠤᠷ ᠪᠠᠶᠢᠯᠭᠠᠵᠤ | ᠬᠦᠵᠤᠬᠦᠨ ᠤ ᠮᠤᠷᠦ᠋ᠢᠯᠳᠠ ᠂ ᠬᠡᠯᠪᠡᠷᠢ ᠶᠢ ᠨᠦᠯᠦᠬᠡᠯᠡᠳᠡᠭ᠂ ᠡᠬᠦᠨ ᠤ ᠳᠠᠭᠠᠤ ᠳᠤ ᠪᠠᠰᠠ ᠬᠠᠭᠠᠰ ᠬᠡᠪᠳᠡᠬᠦ ᠵᠡᠷᠭᠡ ᠨᠢ | ᠪᠦᠷ ᠯᠡ ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ ᠢ ᠡᠬᠦᠰᠬᠡᠬᠦ ᠠᠶᠤᠯ ᠲᠠᠢ ᠪᠠᠶᠢᠳᠠᠬ᠃ ᠳᠠᠷᠤᠢ ᠵᠦᠪ ᠰᠠᠭᠤᠵᠤ ᠬᠡᠪᠳᠡᠬᠦ | ᠪᠠᠶᠢᠷᠢᠰᠢᠯ ᠨᠢ ᠬᠦᠵᠦᠬᠦᠨ ᠦᠶᠠ ᠳᠡᠷᠡᠴᠢᠯᠡᠨ ᠬᠦᠵᠤᠬᠦᠨ ᠤ ᠨᠤᠭᠤᠰᠤ ᠮᠡᠳᠡᠷᠡᠯ ᠤᠨ ᠡᠷᠡᠬᠦᠯ ᠰᠠᠷᠠᠭᠤᠯ ᠪᠠᠶᠢᠬᠤ | ᠡᠰᠡᠬᠦ ᠶᠢ ᠰᠢᠭᠤᠳ ᠨᠦᠯᠦᠭᠡᠯᠡᠳᠡᠭ ᠪᠠᠶᠢᠨᠠ᠃ ᠳᠠᠷᠤᠢ ᠪᠢᠳᠡ ᠬᠦᠵᠦᠬᠦᠨ ᠤ ᠡᠯᠠ ᠵᠦᠶ᠋ᠯ ᠤᠨ ᠡᠪᠡᠳᠴᠢᠨ ᠠᠴᠠ | ᠰᠡᠷᠭᠡᠶᠢᠯᠡᠶᠠ ᠭᠡᠪᠡᠯ ᠶᠡᠷᠤ ᠶᠢᠨ ᠴᠠᠬ ᠤᠨ ᠰᠠᠭᠤᠵᠤ ᠬᠡᠪᠳᠡᠬᠦ᠂ ᠠᠵᠢᠯᠯᠠᠬᠤ ᠪᠠᠶᠢᠷᠢᠰᠢᠯ ᠢᠶᠠᠨ ᠵᠦᠪ ᠳᠤᠳᠤᠷᠬᠠᠢ | ᠪᠠᠶᠢᠯᠭᠠᠵᠤ ᠪᠠᠷᠢᠮᠳᠠᠯᠠᠬᠤ ᠮᠠᠰᠢ ᠴᠢᠬᠤᠯᠠ ᠪᠠᠶᠢᠳᠠᠬ᠃ ᠨᠢᠭᠡ ᠯᠡ ᠬᠡᠪ ᠤᠨ ᠪᠠᠶᠢᠳᠠᠯ ᠢᠶᠠᠷ ᠤᠷᠳᠤ ᠬᠤᠭᠤᠴᠠᠭᠠ | ᠰᠠᠭᠤᠬᠤ ᠨᠢ ᠨᠢᠭᠡ ᠯᠡ ᠡᠷᠭᠡᠳᠡᠨ ᠳᠤ ᠢᠯᠡᠬᠦᠤ ᠳᠠᠷᠤᠯᠳᠠ ᠦᠭᠳᠡᠭ ᠠᠴᠠ ᠪᠤᠯᠵᠤ ᠪᠢᠳᠡ ᠬᠡᠪᠳᠡᠵᠤ ᠠᠮᠠᠷᠠᠬᠤ ᠠᠴᠠ | ᠡᠬᠢᠯᠡᠵᠤ ᠠᠩᠬᠠᠷᠪᠠᠯ ᠵᠤᠬᠢᠨᠠ᠃ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠪᠦᠬᠦ᠋ᠢᠵᠤ ᠭᠠᠷ ᠤᠳᠠᠰᠤ ᠦᠵᠡᠬᠦ᠂ ᠺᠤᠮᠫᠢᠦ᠋ᠲᠧᠷ | ᠳᠡᠭᠡᠷᠠ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠨᠢᠬᠡ ᠯᠡ ᠬᠦᠭ ᠢᠶᠠᠷ ᠠᠵᠢᠯᠯᠠᠬᠤ ᠵᠡᠷᠭᠡ ᠨᠢ ᠪᠦᠷ ᠯᠡ ᠬᠦᠵᠦᠬᠦᠨ ᠤ | ᠡᠪᠡᠳᠴᠢᠨ ᠢ ᠡᠭᠦᠰᠬᠡᠬᠦ ᠠᠶᠤᠯ ᠲᠠᠢ ᠪᠠᠶᠢᠳᠠᠬ᠃ | ᠰᠤᠷᠪᠦᠯᠵᠢᠯᠠᠬᠴᠢ᠄ ᠳᠡᠭᠡᠪᠡᠯ ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ ᠢ ᠶᠠᠭᠠᠬᠢᠵᠤ ᠡᠮᠴᠢᠯᠡᠵᠤ ᠵᠠᠰᠠᠪᠠᠯ ᠵᠤᠬᠢᠬᠤ ᠪᠤᠢ︖ | ᠵᠢᠯᠢᠨᠪᠠᠶᠠᠷ ᠡᠮᠴᠢ᠄ ᠤᠳᠤᠬᠢ ᠡᠮᠨᠡᠯᠬᠡ ᠶᠢᠨ ᠮᠡᠷᠭᠡᠵᠢᠯ ᠬᠦᠭᠵᠢᠭᠰᠡᠨ ᠴᠠᠭ ᠦᠶᠡ ᠳᠤ ᠬᠦᠵᠦᠬᠦᠨ ᠡᠪᠡᠳᠴᠢᠨ ᠢ | ᠵᠠᠰᠠᠬᠤ ᠠᠷᠭᠠ ᠤᠯᠠᠨ ᠪᠠᠶᠢᠳᠠᠬ᠃ ᠬᠡᠬᠦ ᠳᠤ ᠳᠤᠤᠷ ᠠ ᠪᠢ ᠦᠪᠡᠷ ᠤᠨ ᠳᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠪᠠᠨ | ᠦᠨᠳᠤᠰᠤᠯᠡᠵᠤ ᠬᠡᠳᠤᠨ ᠠᠷᠭᠠ ᠶᠢᠨ ᠳᠤᠬᠠᠢ ᠳᠠᠶᠢᠯᠪᠦᠷᠢᠯᠠᠵᠤ ᠦᠭᠭᠦᠶᠠ᠃ ᠬᠠᠮᠤᠬ ᠳᠡᠷᠢᠬᠦᠨ ᠳᠤ ᠮᠡᠰᠡ ᠵᠠᠰᠠᠯ ᠤᠨ | ᠠᠷᠭᠠ᠂ ᠮᠡᠰᠡ ᠵᠠᠰᠠᠯ ᠤᠨ ᠠᠷᠭᠠ ᠶᠢ ᠪᠤᠯ ᠶᠡᠭᠡ ᠬᠦᠨᠳᠤ ᠪᠠᠶᠢᠳᠠᠯ ᠳᠤ ᠬᠡᠷᠡᠭᠯᠡᠨᠠ᠂ ᠳᠠᠷᠤᠢ ᠨᠤᠭᠤᠰᠤ ᠪᠠᠨ | ᠨᠦᠯᠦᠬᠡᠯᠡᠵᠤ᠂ ᠨᠡᠩ ᠴᠢᠨᠠᠬᠰᠢᠯᠠᠨ ᠪᠤᠰᠤᠳ ᠡᠷᠭᠡᠳᠡᠨ ᠢᠶᠠᠨ ᠨᠦᠯᠤᠭᠡᠯᠡᠭᠰᠡᠨ ᠪᠠᠶᠢᠳᠠᠯ ᠳᠤᠤᠷᠠ ᠪᠢᠳᠡ ᠮᠡᠰᠡ | ᠵᠠᠰᠠᠯ ᠤᠨ ᠠᠷᠭᠠ ᠶᠢ ᠬᠡᠷᠡᠭᠯᠡᠵᠤ ᠪᠤᠯᠤᠨᠠ᠃ ᠳᠠᠷᠠᠭᠠ ᠨᠢ ᠮᠠᠨ ᠤ ᠤᠯᠠᠮᠵᠢᠯᠠᠯᠳᠤ ᠵᠠᠰᠠᠯ ᠤᠨ ᠠᠷᠭᠠ᠃ | ᠤᠯᠠᠮᠵᠢᠯᠠᠯᠳᠤ ᠵᠠᠰᠠᠯ ᠤᠨ ᠠᠷᠭᠠ ᠳᠤ ᠪᠤᠯ ᠰᠠᠮ ᠰᠤᠷᠤᠭᠤᠯ ᠵᠠᠰᠠᠯ᠂ ᠢᠯᠢᠵᠤ ᠨᠤᠬᠤᠯᠠᠬᠤ ᠵᠠᠰᠠᠯ᠂ ᠵᠡᠬᠦᠤ ᠵᠠᠰᠠᠯ | ᠭᠡᠳ ᠤᠯᠠᠨ ᠵᠠᠰᠠᠯ ᠤᠨ ᠠᠷᠭᠠ ᠪᠠᠶᠢᠳᠠᠬ᠃ ᠡᠨᠡ ᠨᠢ ᠪᠢᠳᠡ ᠳᠤᠬᠢᠷᠠᠮᠵᠢᠳᠡᠢ ᠪᠠᠭᠠᠵᠢ ᠶᠢ ᠬᠡᠷᠡᠭᠯᠡᠵᠤ ᠪᠤᠯᠴᠢᠩ ᠢ | ᠵᠦᠭᠡᠯᠡᠷᠡᠬᠦᠯᠬᠦ ᠪᠠᠷ ᠳᠠᠮᠵᠢᠨ ᠪᠤᠯᠴᠢᠩ ᠤᠨ ᠠᠪᠴᠢᠯᠳᠠ ᠰᠡᠷᠭᠦᠭᠡᠯᠳᠡ ᠶᠢ ᠰᠡᠷᠬᠦᠬᠡᠨ ᠪᠤᠯᠴᠢᠩ ᠤᠨ ᠴᠢᠳᠠᠪᠬᠢ ᠶᠢ | ᠰᠠᠶᠢᠵᠢᠷᠠᠭᠤᠯᠬᠤ ᠪᠠᠷ ᠳᠠᠮᠵᠢᠨ ᠡᠳᠡᠭᠡᠭᠡᠳᠡᠭ᠃ ᠬᠠᠮᠤᠭ ᠰᠡᠬᠦᠯ ᠳᠤ ᠨᠢ ᠬᠦᠳᠡᠯᠬᠡᠬᠡᠨ ᠢᠶᠠᠷ ᠵᠠᠰᠠᠬᠤ ᠠᠷᠭᠠ᠂ ᠮᠢᠨᠤ | ᠳᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠶᠢᠨ ᠬᠤᠷᠶᠠᠩᠭᠤᠢᠢᠯᠠᠯ ᠠᠴᠠ ᠦᠵᠡᠪᠡᠯ ᠬᠦᠳᠡᠯᠬᠡᠬᠡᠨ ᠢᠶᠠᠷ ᠤᠴᠢᠵᠤ ᠬᠦᠵᠦᠬᠦᠨ ᠤ | ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠨᠢ ᠡᠮᠴᠢᠯᠡᠬᠡᠨ ᠤ ᠦᠷᠠ ᠳ᠋ᠦᠡᠭ ᠬᠠᠮᠤᠭ ᠰᠠᠶᠢᠨ ᠠᠷᠭᠠ ᠪᠤᠯᠤᠨᠠ ᠭᠡᠵᠤ ᠦᠵᠡᠵᠤ ᠪᠠᠶᠢᠨᠠ᠃ | ᠬᠦᠮᠦᠨ ᠡᠳᠤᠷ ᠪᠦᠷᠢ ᠳᠤᠬᠳᠠᠮᠠᠯ ᠬᠤᠭᠤᠴᠠᠭᠠ ᠲᠠᠢ ᠬᠦᠳᠡᠯᠭᠡᠭᠡᠨ ᠬᠢᠬᠦ ᠶᠢ ᠪᠠᠷᠢᠮᠳᠠᠯᠠᠪᠠᠯ ᠪᠤᠯᠴᠢᠩ ᠤᠨ | ᠬᠦᠴᠤ ᠶᠢ ᠨᠡᠮᠡᠭᠳᠡᠬᠦᠯᠵᠤ᠂ ᠴᠢᠳᠠᠪᠬᠢ ᠶᠢ ᠠᠬᠢᠭᠤᠯᠵᠤ ᠪᠠᠶᠢᠳᠠᠬ ᠠᠴᠠ ᠡᠯ ᠠ ᠵᠦᠢᠯ ᠤᠨ ᠬᠦᠵᠦᠬᠦᠨ ᠤ | ᠡᠪᠡᠳᠴᠢᠨ ᠤ ᠡᠬᠦᠰᠤᠯᠳᠡ ᠶᠢ ᠪᠦᠷ ᠬᠤᠷᠢᠬᠯᠠᠵᠤ ᠳᠡᠶᠢᠯᠬᠦ ᠪᠠᠷ ᠪᠠᠷᠠᠬᠤ ᠦᠬᠡᠢ ᠪᠠᠰᠠ ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ | ᠬᠦᠷᠦᠭᠰᠡᠨ ᠪᠠᠶᠢᠪᠠᠯ ᠡᠳᠡᠭᠡᠭᠡᠵᠤ ᠳᠡᠶᠢᠯᠬᠦ ᠪᠤᠯᠤᠨᠠ᠃ ᠡᠶᠢᠮᠤ ᠠᠴᠠ ᠪᠢᠳᠡ ᠶᠠᠮᠠᠷᠪᠠ ᠨᠠᠰᠤᠨ ᠤ ᠬᠦᠮᠦᠰ ᠴᠤ ᠭᠡᠰᠡᠨ | ᠡᠳᠤᠷᠵᠢᠨ ᠰᠠᠭᠤᠵᠤ ᠬᠡᠪᠳᠡᠭᠡᠳ ᠪᠠᠶᠢᠵᠤ ᠪᠤᠯᠬᠤ ᠦᠬᠡᠢ ᠵᠠᠪᠠᠯ ᠳᠤᠬᠢᠷᠠᠮᠵᠢᠳᠡᠢ ᠬᠦᠳᠡᠯᠬᠡᠬᠡᠨ ᠬᠢᠬᠦ᠂ ᠳᠠᠷᠤᠢ | ᠬᠦᠵᠦᠬᠦᠤ ᠮᠦᠷᠤ ᠪᠠᠨ ᠬᠦᠳᠡᠯᠭᠡᠬᠦ ᠵᠡᠷᠭᠡ ᠪᠡᠶᠡᠨ ᠳᠤ ᠪᠠᠨ ᠳᠤᠬᠢᠷᠠᠬᠰᠠᠨ ᠬᠦᠵᠤᠬᠦᠨ ᠤ ᠦᠶᠠ ᠶᠠᠰᠤ ᠪᠤᠯᠴᠢᠩ | ᠰᠢᠷᠪᠦᠰᠤ ᠶᠢᠨ ᠬᠦᠳᠡᠯᠬᠡᠬᠡᠨ ᠢ ᠪᠠᠷᠢᠮᠳᠠᠯᠠᠵᠤ ᠪᠠᠶᠢᠪᠠᠯ ᠡᠨᠡ ᠬᠦ ᠬᠦᠵᠦᠬᠦᠨ ᠤ ᠡᠪᠡᠳᠴᠢᠨ ᠠᠴᠠ ᠪᠦᠷ ᠵᠠᠶᠢᠯᠠᠰᠬᠢᠵᠤ | ᠪᠤᠯᠤᠨᠠ ᠭᠡᠵᠤ ᠦᠵᠡᠵᠤ ᠪᠠᠶᠢᠨᠠ᠃ |