| ᠤᠪᠤᠭᠠᠨ ᠲᠠᠬᠢᠯᠭᠠ ᠪᠤᠯ ᠲᠠᠶᠢᠹᠤᠰᠧ ᠵᠡᠬᠦᠨ ᠭᠠᠷ ᠤᠨ ᠡᠷᠳᠡ ᠲᠡᠭᠡᠳᠦ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠶᠤᠰᠤ | ᠵᠠᠩᠰᠢᠯ ᠪᠢᠯᠡ᠃ ᠭᠤᠷᠪᠠᠨ ᠵᠠᠭᠤᠨ ᠵᠢᠯ ᠤᠨ ᠡᠮᠦᠨᠡ ᠠᠳᠡ ᠲᠡᠨᠳᠡ ᠠᠴᠠ ᠴᠤᠭᠯᠠᠷᠠᠵᠤ᠂ ᠦᠬᠡᠷ ᠤᠨ ᠪᠦᠬᠡᠷᠡ | ᠮᠡᠳᠦ ᠪᠦᠬᠡᠮᠨᠡᠷᠡᠭᠰᠡᠨ ᠲᠠᠶᠢᠹᠤᠰᠧ ᠤᠨ ᠮᠤᠩᠭᠤᠯᠴᠤᠳ ᠨᠢ ᠤᠷᠤᠰᠢᠵᠤ ᠲᠤᠭᠳᠠᠨᠢᠭᠰᠠᠨ ᠤᠷᠤᠨ ᠨᠤᠳᠤᠭ ᠲᠠᠭᠠᠨ | ᠤᠪᠤᠭ ᠲᠦᠷᠦᠯ ᠤᠨ ᠤᠪᠤᠭᠠ ᠪᠤᠩᠬᠤᠨ ᠪᠤᠰᠬᠠᠵᠤ ᠰᠢᠳᠦᠨ ᠲᠠᠬᠢᠭᠰᠠᠭᠠᠷ ᠢᠷᠡᠵᠡᠢ᠃ ᠡᠨᠡ ᠪᠤᠯ ᠡᠵᠡᠨ ᠴᠢᠩᠬᠢᠰ | ᠤᠨ ᠦᠶᠡ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠤᠪᠤᠭ ᠲᠦᠷᠦᠯ ᠤᠨ ᠲᠡᠭᠡᠳᠦᠰ ᠤᠩᠭᠤᠳ ᠴᠠᠯᠢᠭ ᠨᠢ ᠬᠠᠮᠢᠭᠠ | ᠪᠠᠶᠢᠭᠰᠠᠨ ᠴᠤ ᠲᠡᠳᠡᠨ ᠢ ᠢᠪᠡᠭᠡᠨ ᠲᠡᠳᠬᠦᠳᠡᠭ ᠭᠡᠰᠡᠨ ᠢᠳᠡᠭᠡᠯ ᠪᠢᠰᠢᠷᠡᠯ ᠤᠨ ᠬᠢᠨᠢ ᠦᠷᠬᠦᠯᠵᠢᠯᠡᠯ ᠪᠦᠬᠡᠳ | ᠤᠪᠤᠭ ᠲᠦᠷᠦᠯ ᠢᠶᠠᠨ ᠡᠷᠬᠢᠮᠯᠡᠵᠦ᠂ ᠤᠭᠰᠠᠭᠠ ᠬᠡᠯᠬᠢᠶᠡ ᠪᠠᠨ ᠪᠠᠳᠤᠳᠬᠠᠨ᠂ ᠤᠳᠤᠮ ᠰᠤᠳᠤᠷ ᠢᠶᠠᠨ | ᠮᠠᠨᠳᠤᠭᠤᠯᠤᠨ ᠪᠠᠳᠠᠷᠠᠭᠤᠯᠬᠤ ᠠᠭᠤᠯᠭᠠ ᠪᠦᠬᠦᠢ ᠤᠳᠤᠮᠰᠢᠯᠳᠤ ᠵᠠᠩ ᠦᠢᠯᠡ ᠪᠤᠯᠤᠨᠠ᠃ ᠢᠯᠠᠩᠭᠤᠶᠠ ᠮᠠᠨᠵᠤ ᠶᠢᠨ | ᠬᠠᠭᠠᠨ ᠤ ᠮᠤᠩᠭᠤᠯᠴᠤᠳ ᠲᠤ ᠠᠪᠤᠭᠰᠠᠨ ︽ᠰᠠᠯᠭᠠᠨ ᠪᠤᠳᠠᠷᠠᠭᠠᠵᠤ ᠭᠡᠰᠡᠭᠯᠡᠨ ᠵᠠᠬᠢᠷᠬᠤ︾ ᠲᠦᠷᠦ ᠶᠢᠨ ᠪᠤᠳᠤᠯᠭᠠ | ᠶᠢᠨ ᠲᠤᠤᠷᠠ ᠡᠨᠡᠬᠦ ᠠᠵᠢᠯᠯᠠᠭᠠ ᠨᠢ ᠠᠬᠤᠶᠢᠴᠢ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ ᠪᠠᠶᠢᠭᠰᠠᠨ ᠠᠵᠢ᠃ ᠲᠠᠶᠢᠹᠤᠰᠧ ᠨᠤᠳᠤᠭ | ᠲᠤ ᠮᠠᠰᠢ ᠤᠯᠠᠨ ᠤᠪᠤᠭ ᠠᠶᠢᠮᠠᠭ ᠤᠨ ᠤᠨ ᠤᠪᠤᠭᠠ ᠪᠤᠩᠬᠤᠨ ᠪᠠᠶᠢᠭᠰᠠᠨ ᠶᠠᠪᠤᠳᠠᠯ ᠡᠬᠦᠨ ᠢ ᠭᠡᠷᠡᠴᠢᠯᠡᠨᠡ᠃ | ᠤᠪᠤᠭᠠᠨ ᠲᠠᠬᠢᠯᠭᠠ ᠶᠡᠷᠦᠩᠬᠡᠢ ᠳᠡᠭᠡᠨ ᠡᠪᠦᠯ ᠬᠠᠪᠤᠷ ᠤᠨ ᠵᠤᠳ ᠭᠠᠴᠢᠭ ᠢ ᠬᠡᠳᠦᠯᠦᠬᠡᠳ᠂ ᠤᠷᠢᠨ | ᠲᠤᠯᠠᠭᠠᠨ ᠪᠤᠯᠵᠤ ᠡᠪᠡᠰᠦ ᠨᠤᠭᠤᠭᠠ ᠦᠳᠭᠡᠷᠡᠨ᠂ ᠮᠠᠯ ᠰᠦᠷᠦᠭ ᠤᠨ ᠲᠠᠷᠭᠤ ᠬᠦᠴᠦ ᠨᠡᠮᠡᠭᠳᠡᠵᠦ᠂ ᠲᠠᠷᠠᠭ | ᠠᠶᠢᠷᠠᠭ ᠢᠰᠦᠭᠰᠡᠨ ᠲᠠᠪᠤ ᠵᠢᠷᠭᠤᠭᠠᠨ ᠰᠠᠷᠠ ᠳᠤ ᠶᠠᠪᠤᠭᠳᠠᠨᠠ᠃ ᠤᠪᠤᠭᠠᠨ ᠤ ᠲᠠᠬᠢᠯᠭᠠ ᠳᠤ ᠶᠠᠪᠤᠭᠴᠢᠳ ᠲᠡᠪᠡᠯ | ᠬᠤᠪᠴᠠᠰᠤ ᠪᠠᠨ ᠲᠡᠭᠰᠢ ᠰᠠᠶᠢᠬᠠᠨ ᠡᠮᠦᠰᠴᠦ᠂ ᠭᠠᠩᠭᠠᠩ ᠰᠠᠶᠢᠬᠠᠨ ᠡᠮᠡᠬᠡᠯ ᠬᠠᠵᠠᠭᠠᠷ ᠲᠠᠢ ᠮᠤᠷᠢᠳ ᠢᠶᠠᠨ | ᠤᠨᠤᠭᠠᠳ᠂ ᠵᠦᠭ ᠪᠦᠷᠢ ᠠᠴᠠ ᠬᠦᠷᠦᠯᠴᠡᠨ ᠢᠷᠡᠬᠦ ᠨᠢ ᠴᠠᠭ ᠰᠦᠯᠳᠡ ᠪᠠᠳᠠᠷᠠᠭᠤᠨ᠂ ᠰᠦᠷ ᠵᠢᠪᠬᠤᠯᠠᠩ | ᠲᠡᠬᠦᠯᠳᠡᠷ ᠪᠠᠶᠢᠳᠠᠭ᠃ | ᠤᠪᠤᠭᠠ ᠲᠠᠬᠢᠬᠤ ᠡᠳᠦᠷ ᠬᠦᠮᠦᠰ ᠤᠷᠭᠤᠬᠤ ᠨᠠᠷᠠ ᠲᠠᠢ ᠪᠤᠯᠢᠶᠠᠯᠳᠤᠨ ᠤᠪᠤᠭᠠᠨ ᠳᠠᠭᠠᠨ ᠭᠠᠷᠤᠨᠠ᠃ | ᠤᠪᠤᠭᠠᠨ ᠳᠠᠭᠠᠨ ᠲᠠᠪᠤᠨ ᠦᠩᠬᠡ ᠶᠢᠨ ᠬᠡᠶᠢᠮᠦᠷᠢ ᠲᠠᠷᠤᠵᠤ ᠵᠡᠯᠡ ᠲᠠᠳᠠᠨ ᠬᠡᠶᠢᠰᠭᠡᠵᠦ᠂ ᠤᠪᠤᠭᠠᠨ ᠤ ᠴᠢᠭᠠᠩ ᠳᠤ | ᠬᠠᠳᠠᠭ ᠡᠯᠬᠦᠨ᠂ ᠲᠠᠬᠢᠯ ᠤᠨ ᠲᠠᠪᠴᠠᠩ ᠳᠤ ᠪᠦᠬᠦᠯᠢ ᠬᠤᠨᠢᠨ ᠤ ᠰᠢᠬᠦᠰᠦ ᠬᠡᠳᠦ ᠶᠢ ᠵᠡᠷᠭᠡᠴᠡᠬᠦᠯᠦᠨ ᠲᠠᠯᠪᠢᠵᠤ᠂ | ᠲᠡᠬᠦᠨ ᠤ ᠬᠠᠵᠠᠭᠤ ᠪᠠᠷ ᠠᠶᠢᠯ ᠡᠷᠦᠬᠡ ᠶᠢᠨ ᠡᠷᠬᠦᠭᠰᠡᠨ ᠢᠳᠡᠭᠡᠨ ᠤ ᠲᠡᠭᠡᠵᠢ ᠰᠦ ᠴᠠᠭᠠᠨ ᠢᠳᠡᠭᠡ᠂ ᠵᠢᠮᠢᠰ ᠵᠡᠷᠭᠡ | ᠶᠢ ᠴᠤᠩᠬᠤᠷᠯᠠᠨ ᠲᠠᠬᠢᠵᠤ᠂ ᠰᠠᠩ ᠲᠠᠯᠪᠢᠨ ᠨᠤᠮ ᠤᠩᠰᠢᠵᠤ ᠲᠠᠬᠢᠯᠭᠠ ᠡᠬᠢᠯᠡᠳᠡᠭ ᠪᠦᠬᠡᠳ ᠪᠦᠬᠦᠳᠡᠭᠡᠷ ᠴᠢᠭᠠᠩ | ᠤᠨ ᠵᠦᠭ ᠬᠠᠨᠳᠤᠵᠤ᠂ ᠬᠤᠷᠮᠤᠢ ᠲᠡᠪᠢᠰᠦᠨ ᠮᠦᠷᠬᠦᠳᠡᠭ᠃ ᠮᠦᠷᠬᠦᠯ ᠲᠡᠬᠦᠰᠦᠭᠡᠳ ᠤᠪᠤᠭᠠ ᠪᠠᠨ ᠨᠠᠷᠠᠨ ᠵᠦᠪ | ᠭᠤᠷᠪᠠ ᠡᠷᠬᠢᠵᠦ᠂ ᠤᠪᠤᠭᠠᠨ ᠳᠠᠭᠠᠨ ᠰᠠᠴᠤᠯᠢ ᠰᠠᠴᠤᠨ ᠴᠢᠯᠠᠭᠤ ᠨᠡᠮᠡᠵᠦ᠂ ︽ᠬᠤᠷᠤᠢ ᠬᠤᠷᠤᠢ︾ ᠬᠡᠮᠡᠨ | ᠬᠤᠷᠤᠶᠢᠯᠠᠵᠠᠭᠠᠨᠠ᠃ ᠵᠠᠷᠢᠮ ᠬᠤᠳᠠ ᠤᠰᠤ ᠪᠤᠶᠤ ᠠᠶᠢᠯ ᠡᠷᠦᠬᠡ ᠶᠢᠨ ᠬᠢᠨ ᠪᠠᠰᠠ ᠤᠪᠤᠭᠠᠨ ᠲᠠᠬᠢᠯᠭᠠ ᠶᠢᠨ | ᠡᠳᠦᠷ ᠤᠳᠤᠮ ᠰᠠᠶᠢᠳᠠᠢ᠂ ᠦᠷᠡᠵᠢᠯ ᠰᠠᠶᠢᠳᠠᠢ ᠠᠵᠢᠷᠭᠠ ᠬᠡᠬᠦᠦ ᠪᠠᠨ ᠠᠪᠴᠢᠷᠠᠵᠤ ᠰᠡᠳᠡᠷ ᠵᠡᠬᠦᠯᠬᠡᠨ᠂ ᠠᠳᠤᠭᠤ | ᠮᠠᠯ ᠤᠨ ᠪᠤᠶᠠᠨ ᠭᠡᠰᠢᠭ ᠰᠤᠶᠤᠷᠬᠠᠬᠤ ᠶᠢ ᠭᠤᠶᠤᠨ ᠲᠠᠭᠠᠳᠬᠠᠳᠠᠭ᠃ ᠤᠪᠤᠭᠠᠨ ᠲᠠᠬᠢᠯᠭᠠ ᠪᠠᠷᠠᠮᠠᠭᠴᠠ ᠲᠠᠬᠢᠯᠭᠠ | ᠶᠢᠨ ᠰᠢᠬᠦᠰᠦᠨ ᠤ ᠤᠭᠤᠷᠠᠭ ᠰᠡᠬᠦᠯ᠂ ᠱᠠᠭᠠᠨᠳᠤ ᠴᠢᠮᠦᠬᠡ ᠪᠠ ᠴᠠᠭᠠᠨ ᠢᠳᠡᠭᠡᠨ ᠤ ᠲᠡᠭᠡᠵᠢ ᠶᠢ ᠦᠯᠡᠳᠡᠭᠡᠵᠦ᠂ | ᠪᠤᠰᠤᠳ ᠢ ᠨᠢ ᠪᠦᠷ ᠨᠠᠶᠢᠷ ᠤᠨ ᠲᠠᠯᠠᠪᠠᠢ ᠳᠤ ᠠᠪᠴᠢᠷᠠᠵᠤ ᠤᠪᠤᠭᠠᠨ ᠤ ᠨᠠᠶᠢᠷ ᠢᠶᠠᠨ ᠡᠬᠢᠯᠡᠨᠡ᠃ ᠤᠪᠤᠭᠠᠨ ᠤ | ᠲᠠᠬᠢᠯᠭᠠ ᠳᠤ ᠭᠡᠷᠡᠭᠯᠡᠬᠦ ᠰᠢᠬᠦᠰᠦ ᠶᠢ ᠲᠠᠬᠢᠵᠤ ᠪᠠᠶᠢᠭᠠ ᠭᠠᠴᠠᠭᠠ ᠨᠢᠬᠡᠴᠡ ᠬᠢᠭᠡᠳ ᠠᠶᠢᠯ ᠡᠷᠦᠬᠡ ᠤᠳ ᠡᠬᠡᠯᠵᠢ | ᠪᠠᠷ ᠭᠠᠷᠭᠠᠵᠤ ᠪᠡᠯᠡᠳᠭᠡᠨᠡ᠃ | ᠤᠪᠤᠭᠠᠨ ᠨᠠᠶᠢᠷ ᠢ ᠤᠪᠤᠭᠠᠨ ᠤ ᠪᠤᠩᠬᠤᠨ ᠤ ᠤᠶᠢᠷᠠᠯᠴᠠᠭᠠᠬᠢ ᠲᠡᠭᠰᠢ ᠠᠭᠤᠳᠠᠮ ᠲᠠᠯᠠᠪᠠᠢ ᠳᠤ | ᠪᠠᠶᠢᠷᠢᠯᠠᠭᠤᠯᠵᠤ᠂ ᠭᠤᠤᠯ ᠲᠤᠮᠳᠠ ᠲᠤᠮᠤ ᠴᠠᠴᠠᠷ ᠪᠤᠰᠬᠠᠨ᠂ ᠲᠡᠬᠦᠨ ᠤ ᠡᠰᠡᠷᠬᠦ ᠲᠠᠯᠠ ᠳᠤ ᠪᠦᠬᠡ ᠶᠢᠨ ᠰᠠᠶᠢᠳ | ᠤᠨ ᠮᠠᠶᠢᠬᠠᠨ ᠪᠠ ᠪᠦᠬᠡ ᠶᠢᠨ ᠮᠠᠶᠢᠬᠠᠨ ᠢ ᠨᠢᠭᠤᠷᠯᠠᠨ ᠪᠤᠰᠬᠠᠭᠠᠳ᠂ ᠡᠷᠬᠢᠨ ᠲᠤᠭᠤᠷᠢᠨ ᠳᠤᠨᠢ ᠬᠦᠷᠦᠯᠴᠡᠨ | ᠢᠷᠡᠭᠰᠡᠨ ᠬᠦᠮᠦᠨ ᠠᠷᠠᠳ ᠨᠢ ᠲᠤᠭᠤᠷᠢᠨ ᠰᠠᠭᠤᠵᠤ᠂ ᠰᠠᠭᠠᠯᠢ ᠶᠢᠨ ᠠᠷᠢᠬᠢ᠂ ᠠᠶᠢᠷᠠᠭ ᠴᠡᠭᠡ ᠪᠠᠨ ᠰᠦᠩᠨᠡᠨ᠂ | ᠴᠠᠭᠠᠨ ᠢᠳᠡᠭᠡ᠂ ᠰᠢᠬᠦᠰᠦ ᠮᠢᠬᠠ ᠪᠠᠨ ᠦᠷᠦᠵᠦ ᠲᠠᠯᠪᠢᠭᠠᠳ ᠨᠠᠶᠢᠷ ᠡᠬᠢᠯᠡᠳᠡᠭ᠃ ᠤᠪᠤᠭᠠᠨ ᠤ ᠨᠠᠶᠢᠷ ᠲᠡᠭᠡᠷᠡ | ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤᠨ ᠮᠦᠷᠦᠶᠢᠴᠡᠭᠡᠨ ᠶᠠᠪᠤᠭᠤᠯᠵᠤ᠂ ᠬᠦᠴᠦᠳᠦ ᠪᠦᠬᠡ᠂ ᠮᠡᠷᠭᠡᠨ ᠬᠠᠷᠪᠤᠭᠠᠴᠢ᠂ | ᠰᠢᠯᠢᠳᠡᠭ ᠤᠶᠠᠭᠠᠴᠢᠳ ᠴᠤᠭᠯᠠᠷᠠᠨ᠂ ᠦᠪᠡᠷ ᠦᠪᠡᠷ ᠤᠨ ᠡᠷᠳᠡᠮ ᠮᠡᠷᠭᠡᠵᠢᠯ᠂ ᠤᠬᠠᠭᠠᠨ ᠰᠢᠨᠳᠠᠰᠤ᠂ ᠰᠤᠷᠢᠭᠠ | ᠪᠤᠯᠪᠠᠰᠤᠷᠠᠯ ᠢᠶᠠᠨ ᠰᠢᠯᠭᠠᠳᠠᠭ ᠪᠢᠯᠡ ᠃ ᠤᠪᠤᠭᠠᠨ ᠤ ᠨᠠᠶᠢᠷ ᠦᠨᠳᠦᠷᠯᠡᠬᠦ ᠳᠤ ᠤᠪᠤᠭᠠᠨ ᠤ ᠭᠡᠰᠢᠭ ᠢ ᠢᠷᠡᠭᠰᠡᠨ | ᠪᠦᠬᠦᠨ ᠳᠤ ᠬᠦᠷᠳᠡᠭᠡᠳᠡᠭ᠃ ᠤᠪᠤᠭᠠ ᠲᠠᠬᠢᠭᠰᠠᠨ ᠬᠦᠮᠦᠨ ᠢᠶᠠᠨ ᠪᠤᠴᠠᠵᠤ ᠢᠷᠡᠬᠦ ᠳᠤ ᠭᠡᠷ ᠤᠨ ᠬᠢᠨ ︽ᠤᠪᠤᠭᠠᠨ | ᠲᠠᠬᠢᠯᠭᠠ ᠰᠠᠶᠢᠬᠠᠨ ᠪᠤᠯᠪᠠᠤ︾ ᠬᠡᠮᠡᠨ ᠮᠡᠨᠳᠦᠴᠢᠯᠡᠵᠦ ᠤᠭᠳᠤᠳᠠᠭ᠃ |