| ᠪᠡᠷᠢ ᠭᠤᠶᠤᠬᠤ — ᠪᠡᠷᠢ ᠭᠤᠶᠤᠬᠤ ᠶᠠᠪᠤᠴᠠ ᠪᠤᠯ ᠶᠡᠷᠦᠨᠢ ᠬᠦᠦ ᠲᠠᠯᠠ ᠶᠢᠨ ᠬᠢᠨ ᠶᠠᠮᠠᠷ ᠠᠶᠢᠯ ᠤᠨ ᠬᠡᠦᠬᠡᠨ | ᠢ ᠬᠦᠦ ᠳᠡᠭᠡᠨ ᠭᠤᠶᠤᠬᠤ ᠪᠠᠷ ᠵᠢᠱᠢᠵᠦ ᠲᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠤᠷᠢᠳᠠᠪᠠᠷ ᠠᠶᠢᠯ ᠤᠰᠤᠨ ᠤ ᠪᠠᠨ ᠬᠦᠨᠳᠦᠳᠦ | ᠲᠤᠮᠤᠭᠠᠳᠠᠨ᠂ ᠡᠯᠢᠬᠡ ᠪᠦᠳᠦᠨ ︵ᠡᠷᠡᠭᠳᠡᠢ ᠡᠮᠡᠭᠳᠡᠢ ᠬᠤᠶᠠᠭᠤᠯᠠ ᠪᠠᠨ ᠪᠠᠶᠢᠭᠠ︶ ᠬᠦᠮᠦᠨ ᠢ ᠭᠤᠶᠤᠵᠤ | ᠵᠠᠭᠤᠴᠢ ᠪᠤᠯᠭᠠᠨ᠂ ᠦᠯᠵᠡᠢ ᠪᠡᠯᠭᠡ ᠲᠠᠢ ᠰᠠᠶᠢᠨ ᠡᠳᠦᠷ ᠢ ᠰᠤᠩᠭᠤᠵᠤ ᠬᠡᠦᠬᠡᠨ ᠤ ᠭᠡᠷ ᠲᠤ ᠤᠴᠢᠭᠤᠯᠤᠨ᠂ | ᠰᠠᠨᠠᠭᠠ ᠪᠠᠨ ᠶᠤᠰᠤᠷᠬᠠᠭ ᠰᠠᠶᠢᠬᠠᠨ ᠢᠶᠠᠷ ᠢᠯᠡᠳᠭᠡᠨᠡ᠃ ᠡᠬᠦᠨ ᠢ ᠵᠠᠷᠢᠮ ᠭᠠᠵᠠᠷ ᠲᠤ ᠪᠠᠰᠠ ︽ᠪᠡᠷᠢ | ᠲᠤᠷᠠᠰᠬᠤ︾ ᠭᠡᠵᠦ ᠬᠡᠯᠡᠳᠡᠭ᠃ ᠬᠡᠦᠬᠡᠨ ᠲᠠᠯᠠ ᠶᠢᠨ ᠬᠢᠨ ᠨᠢᠬᠡᠯᠡ ᠲᠡᠭᠡᠷᠡ ᠵᠦᠪᠰᠢᠶᠡᠷᠡᠬᠦ ᠡᠰᠡᠬᠦ ᠪᠠᠨ | ᠢᠯᠡᠳᠭᠡᠳᠡᠭ ᠦᠬᠡᠢ᠂ ᠬᠠᠷᠢᠨ ︽ ᠠᠪᠠᠭᠠ ᠨᠠᠭᠠᠴᠤ ᠨᠠᠷ ᠠᠴᠠ ᠨᠢ ᠠᠰᠠᠭᠤᠵᠤ ᠪᠠᠶᠢᠭᠠᠳ ᠦᠵᠡᠶᠡ᠂ ᠠᠬᠠᠮᠠᠳ | ᠲᠤᠮᠤᠭᠠᠳᠠᠨ ᠲᠠᠢ ᠪᠠᠨ ᠶᠠᠷᠢᠯᠴᠠᠵᠤ ᠪᠠᠶᠢᠭᠠᠳ ᠪᠤᠯᠤᠶᠠ︾ ᠭᠡᠬᠦ ᠮᠡᠳᠦ ᠶᠢᠨ ᠰᠢᠯᠳᠠᠭ ᠬᠡᠯᠡᠵᠦ ᠶᠠᠪᠤᠭᠤᠯᠳᠠᠭ᠃ | ᠡᠬᠦᠨ ᠠᠴᠠ ᠡᠬᠢᠯᠡᠨ ︽ᠬᠠᠳᠠᠭ ᠲᠠᠯᠪᠢᠬᠤ︾ ᠬᠦᠷᠳᠡᠯᠡ ᠵᠠᠭᠤᠴᠢ ᠨᠢ ᠭᠡᠳᠦ ᠬᠡᠳᠦᠨ ᠤᠳᠠᠭᠠ ᠭᠡᠦᠬᠡᠨ ᠤ ᠭᠡᠷ | ᠲᠤ ᠤᠴᠢᠵᠤ᠂ ᠬᠦᠦ ᠶᠢᠨ ᠲᠠᠯᠠ ᠶᠢ ᠲᠠᠨᠢᠯᠴᠠᠭᠤᠯᠬᠤ ᠪᠠ ᠤᠶᠢᠯᠠᠭᠠᠯᠴᠠᠭᠤᠯᠳᠠᠭ᠃ ᠵᠠᠭᠤᠴᠢ ᠬᠦᠮᠦᠨ ︽ᠮᠤᠷᠢ | ᠡᠴᠡᠵᠦ ᠵᠠᠮ ᠭᠠᠷᠳᠠᠯᠠ ᠶᠠᠪᠤᠨᠠ︾ ᠭᠡᠳᠡᠭ ᠨᠢ ᠡᠬᠦᠨ ᠢ ᠭᠡᠯᠡᠭᠰᠡᠨ ᠪᠠᠶᠢᠬᠠ᠃ | ᠬᠡᠦᠬᠡᠨ ᠲᠠᠯᠠ ᠠᠴᠠ ᠬᠦᠦ ᠲᠠᠯᠠ ᠶᠢᠨ ᠭᠤᠶᠤᠴᠢᠯᠠᠯ ᠢ ᠵᠦᠪᠰᠢᠶᠡᠷᠡᠭᠰᠡᠨ ᠤ ᠲᠠᠷᠠᠭᠠ ︽ᠬᠠᠳᠠᠭ ᠲᠠᠯᠪᠢᠬᠤ | ︾ ᠶᠠᠪᠤᠴᠠ ᠪᠠᠶᠢᠳᠠᠭ᠃ ︽ᠬᠠᠳᠠᠭ ᠲᠠᠯᠪᠢᠬᠤ︾ ᠪᠤᠯ ᠬᠦᠦ ᠲᠠᠯᠠ ᠶᠢᠨ ᠨᠢᠬᠡ ᠠᠬᠠᠮᠠᠳ ᠲᠤᠮᠤᠭᠠᠳᠠᠨ ᠪᠠ | ᠵᠠᠭᠤᠴᠢ ᠨᠢ ᠬᠦᠦ ᠶᠢ ᠲᠠᠭᠠᠭᠤᠯᠵᠤ ᠬᠡᠦᠬᠡᠨ ᠤ ᠭᠡᠷ ᠲᠤ ᠬᠠᠳᠠᠭ᠂ ᠠᠷᠢᠭᠢ᠂ ᠰᠢᠬᠦᠰᠦ ᠵᠡᠷᠭᠡ ᠪᠡᠯᠡᠭ ᠰᠠᠯᠳᠠ | ᠠᠪᠴᠤ ᠤᠴᠢᠨ᠂ ᠪᠤᠷᠬᠠᠨ ᠳᠤᠨᠢ ᠵᠤᠯᠠ ᠬᠦᠵᠢ ᠬᠠᠳᠠᠭ ᠲᠠᠢ ᠪᠠᠷᠢᠵᠤ ᠂ ᠠᠬᠠᠮᠠᠳ ᠲᠤᠨᠢ ᠬᠠᠳᠠᠭ ᠲᠠᠯᠪᠢᠨ | ᠠᠷᠢᠬᠢ ᠪᠠᠷᠢᠵᠤ ᠶᠤᠰᠤ ᠵᠦᠢ ᠪᠠᠨ ᠬᠦᠢᠴᠡᠳᠭᠡᠬᠦ ᠶᠢ ᠬᠡᠯᠡᠨᠡ᠃ ᠡᠨᠡ ᠤᠳᠠᠭᠠ ᠬᠦᠦ ᠲᠠᠯᠠ ᠠᠴᠠ ᠰᠤᠩᠭᠤᠨ | ᠲᠤᠭᠳᠠᠭᠠᠭᠰᠠᠨ ᠡᠳᠦᠷ ᠰᠠᠷᠠ ᠪᠠᠨ ᠮᠡᠳᠡᠭᠳᠡᠵᠦ᠂ ᠪᠡᠷᠢ ᠲᠤᠰᠴᠤ ᠬᠦᠷᠭᠡᠬᠦ ᠬᠦᠮᠦᠨ ᠤ ᠲᠤᠭᠠ ᠵᠡᠷᠭᠡ ᠪᠤᠳᠠᠳᠠᠢ | ᠵᠦᠢᠯ ᠢᠶᠠᠨ ᠬᠡᠯᠡᠯᠴᠡᠨ ᠲᠤᠭᠳᠠᠳᠠᠭ ᠃ ᠤᠯᠠᠩᠬᠢ ᠳᠠᠭᠠᠨ ᠬᠦᠦ ᠲᠠᠯᠠ ᠠᠴᠠ 5 — 7 ᠬᠦᠮᠦᠨ ᠪᠡᠷᠢ ᠲᠤᠰᠬᠤ | ᠪᠠᠷ ᠤᠴᠢᠵᠤ᠂ ᠬᠡᠦᠬᠡᠨ ᠲᠠᠯᠠ ᠠᠴᠠ 7 — 9 ᠬᠦᠮᠦᠨ ᠬᠡᠦᠬᠡᠨ ᠢᠶᠠᠨ ᠬᠦᠷᠭᠡᠳᠡᠭ᠃ ᠬᠤᠶᠠᠷ ᠲᠠᠯᠠ ᠶᠢᠨ | ᠬᠦᠮᠦᠨ ᠤ ᠲᠤᠭᠠ ᠨᠢ ᠲᠤᠰ ᠲᠤᠰ ᠦᠷᠦᠭᠡᠰᠦᠨ ᠲᠤᠭᠠ ᠪᠠᠶᠢᠵᠤ᠂ ᠬᠠᠮᠳᠤᠷᠠᠭᠠᠳ ᠬᠤᠤᠰ ᠲᠤᠭᠠ ᠪᠤᠯᠵᠤ | ᠬᠦᠷᠭᠡᠨ ᠤ ᠳᠤ ᠢᠷᠡᠳᠡᠭ ᠶᠤᠰᠤ ᠲᠠᠢ᠃ ᠪᠡᠷᠢ ᠲᠤᠰᠬᠤ ᠳᠤ ᠡᠮᠡᠭᠳᠡᠢ ᠬᠦᠮᠦᠨ ᠤᠴᠢᠳᠠᠭ ᠦᠬᠡᠢ᠃ ᠬᠡᠦᠬᠡᠨ | ᠬᠦᠷᠬᠡᠬᠦ ᠳᠤ ᠬᠤᠳᠠᠭᠠᠢ᠂ ᠪᠡᠷᠭᠡᠨ ᠵᠠᠪᠠᠯ ᠬᠦᠷᠭᠡᠬᠦ ᠭᠡᠷᠡᠭᠳᠡᠢ ᠪᠦᠬᠡᠳ ᠬᠡᠦᠬᠡᠨ ᠲᠡᠬᠦᠦᠨᠡᠷ ᠨᠢ ᠴᠤ ᠬᠦᠷᠭᠡᠳᠡᠭ ᠃ | ᠤᠷᠢᠳᠤ ᠴᠠᠭ ᠲᠤ ᠬᠠᠳᠠᠭ ᠲᠠᠯᠪᠢᠬᠤ ᠦᠶᠡᠰ᠂ ᠪᠠᠶᠠᠨ ᠠᠶᠢᠯ ᠤᠨ ᠬᠢᠨ ᠪᠠᠰᠠ ᠪᠤᠳᠠ ᠪᠤᠭ ᠮᠠᠯ ᠲᠡᠷᠢᠬᠦᠳᠡᠢ | ᠶᠢᠰᠦ ᠶᠢᠰᠦ ᠶᠢᠨ ᠪᠡᠯᠡᠭ ᠰᠠᠯᠳᠠ ᠠᠪᠴᠤ ᠦᠭᠬᠦ ᠪᠠᠨ ᠬᠠᠷᠢᠯᠴᠠᠨ ᠶᠠᠷᠢᠯᠴᠠᠵᠤ ᠲᠤᠭᠳᠠᠬᠤ ᠪᠠᠶᠢᠳᠠᠯ ᠴᠤ | ᠵᠦᠩᠳᠡᠭᠡᠨ ᠬᠠᠷᠠᠭᠳᠠᠳᠠᠭ᠃ ᠬᠡᠪᠡᠴᠦ ᠡᠬᠡᠯ ᠠᠷᠠᠳ ᠪᠤᠯ ᠬᠠᠷᠢᠨ ︽ᠠᠳᠤᠭᠤᠨ ᠤ ᠪᠠᠨ ᠬᠢᠷᠢ ᠪᠠᠷ ᠢᠰᠭᠡᠷᠴᠦ᠂ | ᠬᠦᠨᠵᠢᠯᠡ ᠶᠢᠨ ᠢᠶᠠᠨ ᠬᠢᠷᠢ ᠪᠠᠷ ᠢᠰᠬᠦᠯᠦᠨᠡ︾ ᠬᠡᠮᠡᠨ ᠡᠳ᠋ ᠮᠦᠩᠬᠦ ᠶᠢᠨ ᠶᠡᠭᠡ ᠪᠠᠭᠠ ᠶᠢ ᠬᠦᠭᠡᠭᠡᠴᠡᠯᠳᠦᠵᠦ | ᠮᠦᠴᠡᠭᠡᠷᠭᠡᠳᠡᠭ ᠦᠬᠡᠢ ᠃ |