| ᠪᠥᠬᠦᠯᠢ ᠰᠢᠭᠦᠰᠦ ᠶᠢ ᠡᠵᠡᠨ ᠪᠤᠭᠳᠠ ᠶᠢᠨ ᠲᠠᠬᠢᠯᠭᠠ᠂ ᠶᠡᠭᠡ ᠨᠠᠶᠢᠷ ᠬᠤᠷᠢᠮ᠂ ᠬᠦᠨᠳᠦᠲᠦ ᠵᠤᠴᠢᠨ ᠤ | ᠲᠠᠶᠢᠯᠠᠯᠭᠠ ᠵᠡᠷᠭᠡ ᠳᠤ ᠲᠠᠯᠪᠢᠳᠠᠭ ᠃ ᠦᠷᠦᠴᠡᠯᠡᠵᠦ ᠵᠠᠷᠤᠭᠰᠠᠨ ᠬᠤᠨᠢ ᠪᠠᠨ ᠠᠷᠠᠰᠤ ᠶᠢ ᠨᠢ ᠦᠪᠴᠢᠵᠦ | ᠪᠠᠷᠠᠭᠠᠳ ᠡᠪᠳᠡᠬᠦ ᠦᠶᠡᠰ ᠦᠷᠦᠴᠡᠯᠡᠭᠰᠡᠨ ᠨᠦᠬᠡ ᠪᠠᠷ ᠨᠢ ᠭᠤᠯᠳᠤ ᠬᠠᠭᠠᠯᠤᠨ ᠨᠡᠭᠡᠭᠡᠨᠡ᠃ ᠢᠩᠬᠢᠪᠡᠯ ᠤᠭᠤᠴᠠ | ᠨᠢ ᠬᠤᠷᠮᠤᠢ ᠰᠠᠶᠢᠳᠠᠢ ᠪᠤᠯᠵᠤ ᠰᠦᠷ ᠶᠡᠬᠡᠳᠡᠢ ᠬᠠᠷᠠᠭᠳᠠᠳᠠᠭ᠃ ᠲᠦᠷᠪᠡᠨ ᠮᠦᠴᠢ ᠶᠢ ᠨᠢ ᠮᠦᠴᠢᠯᠡᠵᠦ ᠪᠠᠭᠤᠯᠭᠠᠬᠤ | ᠳᠠᠭᠠᠨ ᠨᠦᠬᠡ ᠭᠠᠷᠭᠠᠬᠤ ᠦᠬᠡᠢ᠂ ᠤᠭᠤᠴᠠ᠂ ᠰᠡᠭᠡᠷ ᠵᠡᠷᠭᠡ ᠳᠤ ᠬᠠᠮᠢᠶᠠ ᠨᠠᠮᠢᠶᠠ ᠦᠬᠡᠢ ᠤᠭᠳᠤᠴᠢᠭᠰᠠᠨ | ᠤᠷᠤᠮ ᠮᠦᠷ ᠦᠯᠡᠳᠡᠭᠡᠬᠦ ᠦᠬᠡᠢ᠃ ᠪᠦᠬᠦᠯᠢ ᠲᠠᠯᠪᠢᠬᠤ ᠳᠤ ᠬᠤᠨᠢᠨ ᠤ ᠲᠤᠯᠤᠭᠠᠢ᠂ ᠤᠭᠤᠴᠠ᠂ ᠲᠦᠷᠪᠡᠨ | ᠮᠦᠴᠢ᠂ ᠰᠡᠭᠡᠷ᠂ ᠭᠤᠰ ᠵᠡᠷᠭᠡ ᠶᠢ ᠴᠢᠨᠠᠵᠤ ᠪᠡᠯᠡᠳᠭᠡᠨᠡ᠃ | ᠴᠢᠨᠠᠵᠤ ᠪᠤᠯᠭᠤᠭᠰᠠᠨ ᠪᠦᠬᠦᠯᠢ ᠰᠢᠬᠦᠰᠦ ᠪᠠᠨ ᠲᠠᠪᠠᠭᠯᠠᠬᠤ ᠳᠠᠭᠠᠨ ᠠᠮᠢᠳᠤ ᠬᠤᠨᠢ ᠬᠡᠪᠳᠡᠵᠦ ᠪᠠᠶᠢᠬᠤ | ᠶᠠᠩᠵᠤ ᠲᠠᠢ ᠲᠠᠯᠪᠢᠨᠠ᠃ ᠲᠠᠷᠤᠢ ᠲᠤᠤᠷᠠ ᠨᠢ ᠬᠤᠶᠠᠷ ᠬᠠ ᠬᠤᠶᠠᠷ ᠭᠤᠶᠠ ᠶᠢ ᠨᠤᠭᠤᠯᠤᠨ᠂ ᠭᠡᠪᠳᠡᠭᠰᠡᠨ | ᠮᠠᠶ᠋ᠢᠭ ᠢᠶᠠᠷ ᠲᠠᠯᠪᠢᠵᠤ᠂ ᠲᠤᠮᠳᠠ ᠨᠢ ᠰᠡᠭᠡᠷ ᠢ ᠭᠤᠯᠳᠤ ᠪᠠᠷ ᠰᠡᠷᠪᠡᠭᠡ ᠶᠢ ᠨᠢ ᠭᠠᠳᠠᠭᠰᠢ ᠬᠠᠨᠳᠤᠭᠤᠯᠤᠨ ᠢᠪᠡᠵᠦ᠂ | ᠲᠡᠭᠡᠷᠡ ᠠᠴᠠ ᠨᠢ ᠤᠭᠤᠴᠠ ᠪᠠᠨ ᠨᠢᠷᠤᠭᠤ ᠲᠠᠯᠠ ᠶᠢ ᠨᠢ ᠲᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠨᠦᠮᠦᠷᠭᠡᠨ ᠪᠦᠳᠡᠭᠡᠵᠦ᠂ | ᠲᠡᠬᠦᠨ ᠤ ᠲᠡᠭᠡᠷᠡ ᠨᠢ ᠲᠤᠯᠤᠭᠠᠢ ᠶᠢ ᠲᠠᠯᠪᠢᠨᠠ᠃ ᠵᠠᠷᠢᠮ ᠭᠠᠵᠠᠷ ᠲᠤ ᠪᠠᠰᠠ ᠬᠡᠳᠡᠰᠦ ᠲᠤᠳᠤᠷ ᠢ ᠭᠤᠰ ᠢᠶᠠᠷ | ᠲᠦᠯᠦᠬᠡᠯᠡᠬᠦᠯᠵᠦ᠂ ᠰᠡᠭᠡᠷ ᠲᠠᠢ ᠬᠠᠮᠳᠤ ᠭᠤᠰ ᠲᠠᠯᠪᠢᠳᠠᠭ ᠴᠤ ᠪᠤᠢ᠃ ᠲᠠᠶᠢᠹᠤᠰᠧ ᠤᠨ ᠬᠢᠨ ︽ᠡᠷᠡᠦ ᠬᠡᠯᠡ | ᠲᠠᠢ ᠨᠢ ᠲᠠᠯᠪᠢᠪᠠᠯ ᠬᠡᠯᠡ ᠠᠮᠠ ᠪᠤᠯᠤᠨᠠ︾ ᠬᠡᠮᠡᠨ ᠂ ᠪᠦᠬᠦᠯᠢ ᠲᠠᠯᠪᠢᠬᠤ ᠳᠠᠭᠠᠨ ᠪᠢᠳᠡᠬᠦᠦ ᠲᠤᠯᠤᠭᠠᠢ | ᠤᠷᠤᠭᠤᠯᠬᠤ ᠶᠢ ᠴᠡᠭᠡᠷᠯᠡᠵᠦ᠂ ᠡᠷᠡᠦ ᠦᠬᠡᠢ ᠲᠤᠯᠤᠭᠠᠢ ᠤᠷᠤᠳᠠᠭ᠃ ᠪᠦᠬᠦᠯᠢ ᠰᠢᠭᠦᠰᠦᠨ ᠳᠤ ᠬᠦᠵᠦᠬᠦᠦ᠂ | ᠡᠪᠴᠢᠬᠦᠦ᠂ ᠲᠤᠶᠢᠭ ᠱᠠᠭᠠ᠂ ᠪᠤᠭᠤᠨᠢ ᠬᠠᠪᠢᠰᠤ᠂ ᠲᠠᠯᠠᠨ ᠤ ᠮᠦᠭᠡᠷᠰᠦ ᠵᠡᠷᠭᠡ ᠤᠷᠤᠳᠠᠭ ᠦᠬᠡᠢ᠃ | ᠰᠢᠭᠦᠰᠦ ᠤᠷᠤᠭᠤᠯᠬᠤ ᠦᠶᠡ ᠳᠤ ᠭᠡᠷ ᠤᠨ ᠡᠵᠡᠨ ᠠᠴᠠ ᠳᠠᠶᠠᠭᠠᠷ ᠤᠯᠠᠨ ᠳᠤ ᠬᠡᠮ ᠰᠡᠷᠭᠦᠭᠡᠨ᠂ ᠶᠤᠰᠤ | ᠣᠴᠢᠷ ᠭᠦᠢᠴᠡᠳᠬᠡᠵᠦ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠰᠠᠶ᠋ᠢ ᠰᠢᠭᠦᠰᠦ ᠬᠥᠨᠳᠡᠬᠦ ᠵᠠᠩ ᠦᠢᠯᠡ ᠶᠢ ᠬᠦᠢᠴᠡᠳᠭᠡᠨᠡ᠃ | ᠡᠨᠡ ᠦᠶᠡ ᠳᠤ ᠢᠷᠦᠭᠡᠯᠴᠢ ᠠᠴᠠ ᠰᠢᠭᠦᠰᠦᠨ ᠤ ᠢᠷᠦᠭᠡᠯ ᠬᠡᠯᠡᠳᠡᠭ᠃ ᠵᠢᠱᠢᠶᠡᠯᠡᠪᠡᠯ ᠄ | ︽ᠴᠢᠩᠭᠢᠰ ᠪᠤᠭᠳᠠ ᠶᠢᠨ ᠲᠤᠭᠲᠠᠭᠰᠠᠨ ᠵᠢᠷᠣᠮ | ᠴᠢᠩ ᠵᠤᠷᠢᠭᠲᠦ ᠮᠤᠩᠭᠤᠯᠴᠣᠳ ᠤᠨ ᠵᠠᠩᠰᠢᠯ | ᠴᠢᠭᠴᠢ ᠦᠨᠡᠨ ᠰᠡᠳᠭᠢᠯ ᠤᠨ ᠮᠢᠨᠢ ᠪᠡᠯᠭᠡ | ᠴᠡᠪᠡᠷ ᠠᠷᠢᠭᠤᠨ ᠢᠳᠡᠭᠡᠨ ᠤ ᠮᠢᠨᠢ ᠳᠡᠭᠡᠵᠢ | ᠠᠯᠳᠠᠷ ᠴᠣᠣᠲᠦ ᠮᠤᠩᠭᠤᠯᠴᠣᠳ ᠤᠨ ᠮᠢᠨᠢ ᠵᠠᠩᠰᠢᠯ | ᠠᠮᠠ ᠴᠠᠭᠠᠨ ᠢᠷᠭᠡᠨ ᠤ ᠮᠢᠨᠢ ᠰᠢᠭᠦᠰᠦ | ᠠᠷᠢᠭᠤᠨ ᠣᠯᠠᠭᠠᠨ ᠵᠢᠷᠦᠬᠡᠨ ᠤ ᠪᠡᠯᠭᠡ | ᠠᠮᠰᠠᠨ ᠳᠡᠭᠡᠵᠢᠯᠡᠬᠦ ᠢᠳᠡᠭᠡᠨ ᠤ ᠮᠢᠨᠢ ᠳᠡᠭᠡᠵᠢ | ᠠᠭᠢ ᠲᠠᠭᠠᠨᠠ ᠶᠢᠨ ᠢᠳᠡᠰᠢ ᠲᠠᠢ | ᠷᠠᠰᠢᠶᠠᠨ ᠪᠣᠯᠠᠭ ᠤᠨ ᠣᠮᠳᠠ ᠲᠠᠢ | ᠠᠷᠢᠭᠤᠨ ᠢᠳᠡᠭᠡᠨ ᠤ ᠳᠡᠭᠡᠵᠢ | ᠠᠮᠠ ᠴᠠᠭᠠᠨ ᠢᠷᠬᠡ ᠶᠢᠨ ᠰᠢᠭᠦᠰᠦ ᠪᠠᠨ | ᠽᠠᠨᠳᠠᠨ ᠮᠤᠳᠤᠨ ᠳᠡᠪᠰᠢᠨ ᠳᠡᠭᠡᠨ ᠬᠢᠵᠦ | ᠵᠠᠩᠭᠠ ᠭᠡᠳᠡ ᠬᠢᠲᠤᠭᠠ ᠪᠠᠷ ᠬᠥᠨᠳᠡᠭᠡᠳ | ᠠᠶᠢᠯᠴᠢᠯᠠᠨ ᠢᠷᠡᠭᠰᠡᠨ ᠲᠠ ᠪᠥᠬᠦᠨ ᠳᠡᠭᠡᠨ | ᠠᠩᠬᠠ ᠶᠢᠨ ᠶᠤᠰᠤᠭᠠᠷ ᠡᠷᠭᠦᠨ ᠪᠠᠷᠢᠵᠦ ᠪᠠᠶᠢᠨᠠ | ᠪᠥᠭᠦᠳᠡᠭᠡᠷ ᠪᠠᠶᠠᠰᠣᠨ ᠵᠤᠭᠤᠭᠯᠠᠨ ᠵᠢᠷᠭᠠᠲᠣᠭᠠᠢ︾ ᠬᠡᠭᠦ ᠮᠡᠳᠦᠴᠢᠯᠡᠨ ᠢᠷᠦᠭᠡᠯ ᠬᠡᠯᠡᠵᠦ ᠪᠠᠷᠠᠭᠰᠠᠨ ᠤ | ᠳᠠᠷᠠᠭᠠ ᠰᠢᠬᠦᠰᠦ ᠪᠠᠨ ᠡᠬᠢᠯᠡᠵᠦ ᠬᠥᠨᠳᠡᠨᠡ ᠃ | ᠲᠠᠪᠠᠭ ᠲᠠᠢ ᠰᠢᠬᠦᠰᠦ ᠪᠠᠨ ᠰᠢᠷᠡᠭᠡᠨ ᠤ ᠲᠦᠪ ᠲᠤᠮᠳᠠ ᠲᠠᠯᠪᠢᠭᠠᠳ ᠭᠤᠤᠯ ᠵᠤᠴᠢᠨ ᠤ ᠵᠦᠭ | ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠭᠠᠳ ᠬᠦᠨᠳᠡᠨᠡ᠃ ᠰᠢᠬᠦᠰᠦ ᠬᠦᠨᠳᠡᠭᠴᠢ ᠨᠢ ᠲᠡᠪᠡᠯ ᠮᠠᠯᠠᠭᠠᠢ ᠪᠠᠨ ᠲᠡᠭᠰᠢ ᠰᠠᠶᠢᠬᠠᠨ | ᠡᠮᠦᠰᠴᠦ ᠵᠡᠬᠦᠭᠡᠳ᠂ ᠪᠠᠷᠠᠭᠤᠨ ᠬᠦᠯ ᠤᠨ ᠡᠪᠦᠳᠦᠭ ᠢᠶᠠᠨ ᠬᠠᠩᠵᠤᠨ ᠤ ᠢᠷᠮᠡᠭ ᠲᠡᠭᠡᠷᠡ ᠨᠤᠭᠤᠯᠤᠨ ︵ | ᠰᠦᠬᠦᠷᠡᠵᠦ ᠪᠠᠶᠢᠭᠠ ᠤᠬᠠᠭᠠᠨ ᠲᠠᠢ︶ ᠵᠤᠭᠰᠤᠵᠤ᠂ ᠣᠷᠢᠳᠠᠪᠡᠷ ︽ᠪᠠᠶᠠᠷ ᠮᠠᠩᠨᠠᠢ ᠡᠰᠭᠡᠨᠡ︾ ᠬᠡᠮᠡᠨ ᠬᠤᠨᠢᠨ | ᠲᠤᠯᠤᠭᠠᠢ ᠶᠢᠨ ᠮᠠᠩᠨᠠᠢ ᠲᠡᠭᠡᠷᠡ ᠨᠢ ᠦᠯᠵᠡᠢ ᠵᠠᠩᠬᠢᠶᠠ ᠶᠢᠨ ᠬᠡᠯᠪᠡᠷᠢ ᠲᠠᠢ ᠵᠢᠰᠢᠬᠦᠦ ᠭᠤᠷᠪᠠ ᠭᠤᠷᠪᠠ ᠵᠦᠰᠦᠵᠦ | ᠂ ᠬᠤᠨᠢᠨ ᠤ ᠰᠡᠭᠦᠯ ᠠᠴᠠ ᠭᠡᠳᠦᠨ ᠭᠡᠰᠡᠭ ᠨᠢᠮᠬᠡᠨ ᠵᠦᠰᠦᠮ ᠬᠠᠯᠢᠮᠯᠠᠨ ᠠᠪᠴᠤ ᠮᠠᠩᠨᠠᠢ ᠳᠡᠭᠡᠷᠡ ᠨᠢ ᠲᠠᠯᠪᠢᠬᠤ | ᠪᠤᠶᠤ ᠦᠷᠦᠮᠡ᠂ ᠰᠢᠷᠠ ᠲᠤᠰᠤ ᠮᠡᠳᠦ ᠶᠢᠨ ᠴᠠᠭᠠᠨ ᠢᠳᠡᠭᠡ ᠲᠠᠯᠪᠢᠵᠤ᠂ ᠬᠦᠭᠡ ᠲᠡᠭᠷᠢ ᠬᠦᠷᠦᠰᠦᠳᠦ ᠲᠡᠯᠡᠭᠡᠢ | ᠂ ᠦᠯᠵᠡᠶᠢᠳᠦ ᠨᠤᠳᠤᠭ ᠦᠷᠦᠰᠢᠶᠡᠯᠳᠦ ᠲᠡᠭᠡᠳᠦᠰ ᠲᠡᠭᠡᠨ ᠬᠡᠮᠡᠨ ᠡᠷᠭᠦᠭᠰᠡᠨ ᠤ ᠳᠠᠷᠠᠭᠠ᠂ ᠬᠤᠨᠢᠨ ᠤ ᠲᠤᠯᠤᠭᠠᠢ | ᠪᠠᠨ ᠬᠤᠶᠠᠷ ᠭᠠᠷ ᠢᠶᠠᠷ ᠲᠡᠭᠰᠢ ᠡᠷᠬᠦᠬᠦ ᠪᠤᠶᠤ ᠲᠠᠪᠠᠭ ᠳᠡᠭᠡᠷᠡ ᠲᠠᠯᠪᠢᠵᠦ᠂ ︽ᠲᠥᠭᠡᠨᠡ ᠶᠢ ᠲᠥᠮᠡᠨ ᠢᠶᠠᠷ ᠢᠶᠠᠨ︾ | ᠭᠡᠵᠦ ᠭᠤᠤᠯ ᠵᠤᠴᠢᠨ ᠪᠠ ᠠᠬᠠᠮᠠᠳ ᠤᠨ ᠰᠢᠷᠡᠭᠡᠨ ᠠᠴᠠ ᠡᠬᠢᠯᠡᠨ ᠰᠢᠷᠡᠭᠡ ᠲᠤᠭᠤᠷᠢᠵᠦ ᠠᠮᠰᠠᠭᠤᠯᠳᠠᠭ ᠂ ᠡᠬᠦᠨ | ᠢ ᠲᠦᠬᠡᠨᠡ ᠡᠷᠬᠦᠬᠦ ᠪᠤᠶᠤ ᠲᠦᠬᠡᠨᠡ ᠠᠮᠰᠠᠬᠤ ᠭᠡᠨᠡ᠃ ᠵᠤᠴᠢᠳ ᠬᠠᠷᠢᠯᠴᠠᠨ ᠨᠠᠶᠢᠷ ᠲᠠᠯᠪᠢᠨ ᠶᠠᠩᠨᠠᠯᠳᠤᠵᠤ ᠂ | ᠲᠦᠭᠡᠨᠡ ᠳᠤ ᠭᠠᠷ ᠢᠶᠠᠨ ᠬᠦᠷᠭᠡᠬᠦ ᠪᠤᠶᠤ ᠲᠡᠭᠡᠷᠡ ᠨᠢ ᠲᠠᠯᠪᠢᠭᠰᠠᠨ ᠢᠳᠡᠭᠡᠨ ᠠᠴᠠ ᠬᠢᠮᠤᠰᠤᠯᠠᠨ ᠠᠪᠴᠤ ᠲᠡᠭᠡᠭᠰᠢ | ᠡᠷᠬᠦᠨᠡ᠃ ᠡᠨᠡ ᠮᠡᠳᠦ ᠪᠠᠷ ᠭᠤᠤᠯ ᠵᠤᠴᠢᠨ ᠪᠤᠶᠤ ᠠᠬᠠᠮᠠᠳ ᠲᠤᠮᠤᠭᠠᠳᠠᠨ ᠡᠷᠬᠦᠵᠦ ᠪᠠᠷᠠᠪᠠᠯ᠂ ᠪᠤᠰᠤᠳ | ᠬᠦᠮᠦᠰ ᠶᠡᠷᠦᠩᠬᠡᠢ ᠳᠡᠭᠡᠨ ︽ᠵᠠ ᠵᠠ᠂ ᠲᠡᠭᠡᠰᠢ ᠪᠠᠨ︾ ᠬᠡᠵᠦ ᠶᠤᠰᠤᠷᠬᠠᠨ ᠦᠩᠭᠡᠷᠡᠭᠡᠨᠡ᠃ ᠲᠠᠶᠢᠹᠤᠰᠧ ᠳᠤ | ᠡᠮᠡᠭᠳᠡᠢ ᠬᠦᠮᠦᠨ ᠪᠠ ᠤᠷᠤᠭᠯᠠᠭᠠᠳᠤᠢ ᠬᠦᠮᠦᠰ᠂ ᠬᠡᠦᠭᠡᠳ ᠪᠠᠭᠠᠴᠤᠳ ᠲᠦᠭᠡᠨᠡ ᠠᠮᠰᠠᠳᠠᠭ ᠦᠬᠡᠢ᠃ | ᠲᠦᠭᠡᠨᠡ ᠠᠮᠰᠠᠭᠰᠠᠨ ᠤ ᠲᠠᠷᠠᠭᠠ᠂ ᠰᠢᠬᠦᠰᠦ ᠬᠦᠨᠳᠡᠭᠴᠢ ᠠᠴᠠ ᠤᠭᠤᠴᠠᠨ ᠤ ᠪᠠᠷᠠᠭᠤᠨ ᠵᠡᠬᠦᠨ ᠬᠤᠶᠠᠷ | ᠬᠠᠵᠠᠭᠤ ᠶᠢ ᠲᠤᠰᠪᠤᠷᠢ ᠡᠮᠦᠨᠡ ᠠᠴᠠ ᠬᠤᠶᠢᠰᠢ ᠴᠢᠭᠯᠡᠯ ᠢᠶᠠᠷ ᠳᠥᠷᠪᠡᠨ ᠬᠤᠷᠣᠭᠤ ᠬᠢᠷᠢᠲᠡᠢ ᠥᠷᠭᠡᠨ | ᠵᠦᠰᠦᠵᠦ ᠪᠠᠭᠤᠯᠭᠠᠭᠠᠳ ᠂ ᠤᠭᠤᠴᠠᠨ ᠤ ᠪᠠᠷᠠᠭᠤᠨ ᠵᠡᠬᠦᠨ ᠲᠠᠯᠠ ᠳᠤ ᠲᠤᠰᠪᠤᠷᠢ ᠲᠠᠷᠤᠵᠤ ᠲᠠᠯᠪᠢᠬᠤ ᠪᠦᠬᠡᠳ | ᠤᠭᠤᠴᠠᠨ ᠲᠠᠷᠤᠮᠠ ᠶᠢ ᠴᠤ ᠵᠦᠪ ᠲᠠᠯᠠ ᠠᠴᠠ ᠨᠢ ᠵᠦᠰᠦᠨ ᠪᠠᠭᠤᠯᠭᠠᠵᠤ ᠡᠮᠦᠨᠡ ᠲᠤᠤᠷᠠ ᠨᠢ | ᠰᠢᠷᠭᠤᠭᠤᠯᠤᠨ ᠲᠠᠷᠤᠵᠤ ᠲᠠᠯᠪᠢᠨᠠ᠃ ᠡᠬᠦᠨ ᠤ ᠲᠠᠷᠠᠭᠠ ᠪᠠᠷ ᠣᠭᠤᠷᠠᠭ ᠰᠡᠭᠦᠯ ᠢ ᠤᠭᠳᠤᠯᠤᠨ ᠠᠪᠴᠤ ᠠᠷᠤ | ᠲᠤᠤᠷᠠ ᠨᠢ ᠲᠠᠷᠤᠨᠠ ᠃ ᠡᠭᠦᠨ ᠢ ᠣᠭᠤᠴᠠ ᠪᠠᠭᠤᠯᠭᠠᠬᠤ ᠭᠡᠳᠡᠭ᠃ ᠤᠭᠤᠴᠠ ᠪᠠᠭᠤᠯᠭᠠᠬᠤ ᠳᠤ ᠬᠢᠳᠤᠭᠠᠨ | ᠤ ᠢᠷ ᠨᠢᠭᠡ ᠯᠡ ᠴᠢᠭᠯᠡᠯ ᠢᠶᠠᠷ ᠵᠦᠰᠦᠵᠦ ᠶᠠᠪᠤᠬᠤ ᠠᠴᠠ ᠪᠢᠰᠢ᠂ ᠪᠤᠴᠠᠵᠤ ᠶᠠᠪᠤᠳᠠᠭ ᠦᠭᠡᠢ᠃ ᠢᠩᠬᠢᠵᠦ | ᠪᠠᠷᠠᠭᠠᠳ ᠬᠢᠲᠤᠭᠠ ᠶᠢᠨ ᠡᠰᠢ ᠶᠢ ᠵᠤᠴᠢᠨ ᠤ ᠵᠦᠭ ᠬᠠᠨᠳᠣᠭᠤᠯᠣᠨ ᠬᠤᠶᠠᠷ ᠭᠠᠷ ᠢᠶᠠᠷ ᠤᠭᠤᠴᠠ ᠪᠠᠨ ᠡᠷᠬᠦᠵᠦ | ᠂ ︽ᠢᠳᠡᠭᠡ ᠵᠤᠭᠤᠭᠯᠠ︾᠂ ︽ᠰᠢᠬᠦᠰᠦ ᠵᠤᠭᠤᠭᠯᠠ︾ ᠬᠡᠮᠡᠨ ᠬᠢᠴᠢᠶᠡᠩᠬᠦᠶᠢᠯᠡᠨ ᠶᠠᠩᠨᠠᠨᠠ᠃ ᠶᠠᠩ ᠲᠤᠳᠠᠵᠤ | ᠶᠤᠰᠤ ᠠᠯᠳᠠᠬᠤ ᠠᠴᠠ ᠶᠡᠬᠡᠳᠡ ᠬᠢᠴᠢᠶᠡᠳᠡᠭ᠃ ᠭᠤᠤᠯ ᠵᠤᠴᠢᠨ ᠪᠤᠶᠤ ᠠᠬᠠᠮᠠᠳ ᠲᠤᠮᠤᠭᠠᠳᠠᠨ ᠨᠢ ᠬᠢᠲᠤᠭᠠ ᠶᠢ | ᠠᠪᠴᠦ ᠣᠭᠤᠴᠠ ᠠᠴᠠ ᠨᠢᠭᠡ ᠭᠡᠰᠡᠭ ᠢ ᠤᠭᠲᠣᠯᠣᠨ ᠭᠠᠯ ᠳᠤ ᠡᠷᠭᠦᠭᠰᠡᠨ ᠤ ᠳᠠᠷᠠᠭᠠ ᠰᠠᠶ᠋ᠢ ᠪᠥᠭᠦᠳᠡᠭᠡᠷ ᠢᠶᠠᠨ | ᠢᠳᠡᠵᠦ ᠡᠬᠢᠯᠡᠨᠡ ᠃ ᠤᠭᠤᠴᠠᠨ ᠬᠠᠵᠠᠭᠤ ᠶᠢᠨ ᠮᠢᠬᠠ ᠶᠢ ᠬᠡᠦᠬᠡᠳ ᠲᠤ ᠤᠭᠳᠤᠯᠤᠨ ᠲᠦᠭᠡᠭᠡᠳᠡᠭ᠃ |