| ᠱᠠᠭᠠ ᠰᠢᠬᠠᠳᠠᠵᠤ ᠨᠠᠭᠠᠳᠬᠤ — ᠱᠠᠭᠠ ᠰᠢᠬᠠᠳᠠᠵᠤ ᠨᠠᠭᠠᠳᠬᠤ ᠳᠤ ᠰᠢᠬᠠ ᠬᠡᠵᠦ ᠶᠢᠰᠦᠨ ᠭᠠᠤᠯᠢᠨ ᠵᠤᠭᠤᠰ | ᠢ ᠬᠠᠳᠠᠭ ᠢᠶᠠᠷ ᠭᠡᠯᠬᠢᠵᠦ᠂ ᠵᠠᠪᠰᠠᠷ ᠲᠤᠨᠢ ᠦᠩᠬᠡ ᠶᠢᠨ ᠲᠤᠷᠭᠠ ᠲᠤᠷᠳᠤᠩ ᠤᠨ ᠦᠬᠡᠳᠡᠰᠦ ᠬᠠᠪᠴᠢᠭᠤᠯᠵᠤ | ᠵᠠᠩᠬᠢᠳᠤᠭᠰᠠᠨ ᠲᠡᠭᠡᠭᠰᠢ ᠤᠷᠬᠢᠬᠤ ᠭᠡᠷᠡᠭᠰᠡᠯ ᠢ ᠭᠡᠷᠡᠭᠯᠡᠨᠡ᠃ ᠠᠶᠢᠯ ᠠᠶᠢᠯ ᠤᠨ ᠰᠢᠬᠠ ᠦᠪᠡᠷ ᠦᠪᠡᠷ ᠤᠨ | ᠤᠨᠴᠠᠯᠢᠭ ᠲᠠᠢ ᠪᠠᠶᠢᠵᠤ᠂ ᠲᠡᠬᠦᠨ ᠢᠶᠠᠨ ᠱᠠᠭᠠ ᠲᠠᠢ ᠪᠠᠨ ᠬᠠᠮᠳᠤ ᠬᠠᠳᠠᠭᠠᠯᠠᠳᠠᠭ᠃ ᠱᠠᠭᠠ ᠰᠢᠬᠠᠳᠠᠵᠤ ᠨᠠᠭᠠᠳᠬᠤ | ᠳᠤ ᠲᠡᠭᠰᠢ ᠰᠠᠶᠢᠬᠠᠨ ᠰᠢᠷᠢᠳᠡᠭ ᠪᠤᠶᠤ ᠤᠯᠪᠤᠭ ᠲᠡᠪᠢᠰᠦᠭᠡᠳ ᠨᠠᠭᠠᠳᠤᠨᠠ᠃ ᠮᠦᠷᠦᠶᠢᠴᠡᠭᠡᠨ ᠳᠤ ᠤᠷᠤᠯᠴᠠᠬᠤ | ᠬᠦᠮᠦᠰ ᠱᠠᠭᠠ ᠪᠠᠨ ᠠᠳᠠᠯᠢ ᠲᠤᠭᠠ ᠪᠠᠷ ᠬᠤᠪᠢᠳᠠᠨ ᠠᠪᠤᠭᠠᠳ᠂ ᠲᠡᠬᠦᠨ ᠤ ᠲᠤᠳᠤᠷᠠ ᠠᠴᠠ ᠠᠳᠠᠯᠢ ᠲᠤᠭᠠᠨ ᠤ | ᠱᠠᠭᠠ ᠭᠠᠷᠭᠠᠨ ᠬᠤᠪᠢ ᠨᠡᠶᠢᠯᠡᠬᠦᠯᠵᠦ᠂ ᠬᠤᠷᠤᠭᠤ ᠵᠢᠮᠡᠯᠴᠡᠵᠦ ᠬᠤᠨᠵᠢᠭᠰᠠᠨ ᠨᠢᠬᠡ ᠨᠢ ᠡᠬᠢᠯᠡᠭᠡᠳ᠂ ᠲᠠᠷᠠᠭᠠᠯᠠᠨ | ᠵᠦᠪ ᠡᠷᠬᠢᠵᠦ ᠡᠬᠡᠯᠵᠢᠯᠡᠨ ᠰᠢᠬᠠᠳᠠᠨᠠ᠃ ᠡᠬᠢᠯᠡᠵᠦ ᠰᠢᠬᠠᠳᠠᠬᠤ ᠬᠦᠮᠦᠨ ᠬᠤᠪᠢ ᠨᠡᠶᠢᠯᠡᠬᠦᠯᠦᠭᠰᠡᠨ ᠱᠠᠭᠠ ᠪᠠᠨ | ᠲᠡᠪᠢᠰᠭᠡᠷ ᠲᠡᠭᠡᠷᠡ ᠲᠠᠷᠬᠠᠭᠠᠵᠤ ᠤᠷᠬᠢᠭᠠᠳ᠂ ᠰᠢᠬᠠ ᠪᠠᠨ ᠲᠡᠭᠡᠭᠰᠢ ᠬᠠᠶᠠᠵᠤ ᠤᠷᠬᠢᠭᠰᠠᠨ ᠱᠠᠭᠠ ᠠᠴᠠ ᠰᠢᠬᠦᠷᠡᠨ | ᠠᠪᠴᠤ᠂ ᠨᠢᠬᠡ ᠶᠢ ᠴᠤ ᠤᠨᠠᠭᠠᠯ ᠦᠬᠡᠢ ᠪᠠᠷ ᠰᠢᠬᠠ ᠪᠠᠨ ᠲᠤᠰᠴᠤ ᠠᠪᠬᠤ ᠪᠦᠬᠡᠳ ᠱᠠᠭᠠ ᠰᠢᠬᠦᠷᠡᠬᠦ ᠳᠡᠭᠡᠨ | ᠠᠪᠬᠤ ᠱᠠᠭᠠ ᠠᠴᠠ ᠪᠤᠰᠤᠳ ᠱᠠᠭᠠ ᠶᠢ ᠬᠦᠨᠳᠡᠵᠦ ᠪᠤᠯᠬᠤ ᠦᠬᠡᠢ᠂ ᠪᠤᠰᠤᠳ ᠱᠠᠭᠠ ᠶᠢ ᠬᠦᠨᠳᠡᠬᠦ ᠪᠤᠶᠤ | ᠰᠢᠬᠦᠷᠡᠭᠰᠡᠨ ᠱᠠᠭᠠ ᠪᠠᠨ ᠠᠯᠳᠠᠬᠤ ᠳᠤ ᠬᠦᠷᠪᠡᠯ ᠰᠢᠬᠠᠳᠠᠬᠤ ᠡᠬᠡᠯᠵᠢ ᠪᠠᠨ ᠠᠯᠳᠠᠵᠤ᠂ ᠲᠠᠷᠠᠭᠠᠴᠢ ᠶᠢᠨ ᠬᠦᠮᠦᠨ | ᠳᠤ ᠰᠢᠬᠠ ᠪᠠᠨ ᠦᠭᠬᠦᠨᠡ᠃ ᠦᠪᠡᠷ ᠦᠪᠡᠷ ᠤᠨ ᠰᠢᠬᠠ ᠪᠠᠷ ᠢᠶᠠᠨ ᠨᠠᠭᠠᠳᠤᠭᠰᠠᠨ ᠴᠤ ᠪᠤᠯᠤᠨᠠ᠃ ᠱᠠᠭᠠ | ᠰᠢᠬᠠᠳᠠᠬᠤ ᠳᠤ ᠠᠳᠬᠤᠬᠤ᠂ ᠰᠢᠭᠤᠬᠤ᠂ ᠲᠡᠬᠦᠬᠦ᠂ ᠬᠤᠮᠤᠷᠭᠠᠯᠠᠬᠤ᠂ ᠬᠠᠨᠴᠤᠶᠢᠯᠠᠬᠤ ᠤᠯᠠᠨ ᠬᠡᠯᠪᠡᠷᠢ ᠪᠠᠶᠢᠳᠠᠭ᠃ | ᠰᠢᠬᠠ ᠪᠠᠨ ᠲᠡᠭᠡᠭᠰᠢ ᠰᠢᠳᠡᠭᠡᠳ ᠤᠶᠢᠷᠠᠯᠴᠠᠭᠠ ᠭᠡᠳᠦᠨ ᠱᠠᠭᠠ ᠶᠢ ᠠᠳᠬᠤᠵᠤ ᠠᠪᠬᠤ ᠶᠢ ᠠᠳᠬᠤᠬᠤ ᠬᠡᠵᠦ᠂ | ᠵᠡᠷᠭᠡᠴᠡᠭᠰᠡᠨ ᠱᠠᠭᠠ ᠨᠤᠭᠤᠳ ᠢ ᠵᠠᠬᠠ ᠠᠴᠠ ᠨᠢ ᠰᠢᠪᠳᠤᠷᠴᠤ ᠠᠳᠬᠤᠬᠤ ᠶᠢ ᠰᠢᠭᠤᠬᠤ ᠬᠡᠵᠦ᠂ ᠨᠢᠬᠡ ᠨᠢᠬᠡ ᠪᠠᠷ | ᠴᠢᠮᠬᠢᠵᠦ ᠠᠪᠬᠤ ᠶᠢ ᠲᠡᠬᠦᠬᠦ ᠬᠡᠵᠦ᠂ ᠨᠡᠯᠢᠶᠡᠳ ᠤᠯᠠᠨ ᠱᠠᠭᠠ ᠶᠢ ᠬᠤᠮᠢᠵᠤ ᠠᠳᠬᠤᠬᠤ ᠶᠢ ᠬᠤᠮᠤᠷᠭᠠᠯᠠᠬᠤ ᠬᠡᠵᠦ᠂ | ᠪᠦᠬᠡᠮ ᠱᠠᠭᠠ ᠶᠢ ᠠᠳᠬᠤᠬᠤ ᠶᠢᠨ ᠲᠠᠭᠠᠤ ᠬᠠᠨᠴᠤᠢ ᠳᠠᠭᠠᠨ ᠬᠢᠬᠡᠳ ᠰᠢᠬᠠ ᠪᠠᠨ ᠲᠤᠰᠬᠤ ᠶᠢ ᠬᠠᠨᠴᠤᠶᠢᠯᠠᠬᠤ | ᠭᠡᠨᠡ᠃ ᠱᠠᠭᠠ ᠴᠦᠬᠡᠨ ᠪᠤᠯ ᠭᠤᠤᠯᠳᠠᠭᠤ ᠴᠢᠮᠬᠢᠵᠦ ᠨᠠᠭᠠᠳᠤᠨᠠ᠃ ᠡᠨᠡ ᠮᠡᠳᠦ ᠪᠠᠷ ᠡᠬᠡᠯᠵᠢᠯᠡᠨ ᠰᠢᠬᠠᠳᠠᠵᠤ᠂ | ᠬᠡᠨ ᠨᠢ ᠤᠯᠠᠨ ᠱᠠᠭᠠ ᠤᠯᠤᠭᠰᠠᠨ ᠪᠤᠯ ᠱᠦᠬᠦᠵᠦ᠂ ᠬᠤᠪᠢᠳᠠᠭᠰᠠᠨ ᠱᠠᠭᠠ ᠪᠠᠨ ᠪᠠᠷᠠᠭᠰᠠᠨ ᠨᠢ ᠠᠯᠳᠠᠨᠠ᠃ | ᠰᠠᠶᠢᠨ ᠰᠢᠬᠠᠳᠠᠬᠤ ᠬᠦᠮᠦᠨ ᠤᠯᠪᠤᠭ ᠤᠨ ᠲᠦᠷᠪᠡᠨ ᠦᠨᠴᠦᠭ ᠲᠤ ᠲᠦᠷᠪᠡᠨ ᠱᠠᠭᠠ ᠲᠠᠯᠪᠢᠭᠠᠳ᠂ ᠨᠢᠬᠡᠯᠡ ᠰᠢᠬᠠ | ᠪᠠᠷ ᠪᠦᠬᠦᠳᠡ ᠶᠢ ᠲᠡᠬᠦᠵᠦ ᠠᠪᠳᠠᠭ ᠪᠠᠶᠢᠨᠠ᠃ ᠪᠠᠰᠠ ᠪᠦᠬᠦ ᠱᠠᠭᠠ ᠪᠠᠨ ᠤᠯᠠᠨ ᠤ ᠲᠤᠮᠳᠠ ᠠᠰᠬᠠᠵᠤ᠂ | ᠡᠬᠡᠯᠵᠢᠯᠡᠨ ᠰᠢᠬᠠᠳᠠᠵᠤ ᠲᠠᠭᠤᠰᠬᠠᠭᠠᠳ᠂ ᠤᠯᠤᠭᠰᠠᠨ ᠱᠠᠭᠠ ᠠᠴᠠ ᠬᠤᠪᠢ ᠨᠡᠶᠢᠯᠡᠬᠦᠯᠵᠦ ᠨᠠᠭᠠᠳᠤᠭᠰᠠᠨ ᠴᠤ | ᠪᠤᠯᠳᠠᠭ᠃ |