| ᠭᠦᠨᠪᠤᠯᠠᠭ ᠰᠤᠮᠤᠨ ᠤ ᠪᠠᠷᠠᠭᠤᠨ ᠡᠮᠦᠨᠡ ᠵᠠᠬᠠ ᠳᠤ ᠪᠠᠶᠢᠷᠢᠯᠠᠵᠤ ᠪᠠᠶᠢᠭᠠ ᠨᠢᠭᠡᠨ ᠭᠠᠴᠠᠭᠠ ᠶᠢ ᠦᠴᠢ | ᠤᠪᠤᠭᠠ ᠭᠡᠳᠡᠭ ᠃ ᠲᠤᠰ ᠭᠠᠵᠠᠷ ᠢ ᠡᠷᠳᠡ ᠳᠡᠭᠡᠨ ︽ᠬᠠᠷᠠ ᠨᠢᠳᠦᠨ ᠬᠤᠳᠳᠤᠭ︾ ᠭᠡᠵᠦ ᠲᠠᠭᠤᠳᠠᠳᠠᠭ ᠨᠢ | ᠠᠶᠢᠯ ᠤᠨ ᠲᠤᠮᠳᠠ ᠬᠦᠮᠦᠨ ᠤ ᠬᠤᠤᠰ ᠨᠢᠳᠦ ᠰᠢᠭ ᠵᠡᠷᠭᠡᠴᠡᠭᠰᠡᠨ ᠬᠤᠶᠠᠷ ᠪᠤᠯᠠᠭ ᠪᠠᠶᠢᠳᠠᠭ ᠠᠴᠠ ᠢᠷᠡᠯ ᠲᠠᠢ᠃ | ᠡᠨᠡ ᠬᠤᠳᠳᠤᠭ ᠠᠴᠠ ᠤᠰᠤ ᠠᠪᠬᠤ ᠳᠤ ᠬᠤᠪᠤᠭᠤ ᠬᠡᠷᠡᠭᠯᠡᠬᠦ ᠦᠭᠡᠢ ᠂ ᠶᠠᠭ ᠭᠠᠨᠭ᠌ ᠰᠠᠪᠠ ᠠᠴᠠ ᠤᠰᠤ | ᠠᠪᠴᠤ ᠪᠠᠶᠢᠬᠤ ᠰᠢᠬ ᠰᠢᠨᠠᠭᠠ ᠪᠠᠷ ᠤᠳᠬᠤᠵᠤ ᠠᠪᠳᠠᠭ ᠪᠠᠶᠢᠵᠠᠢ᠃ ᠪᠤᠷᠤᠭᠠᠨ ᠬᠤᠷᠠ ᠰᠠᠶᠢᠨ ᠵᠢᠯ ᠪᠤᠯ ᠤᠰᠤ | ᠨᠢ ᠪᠤᠷᠬᠢᠯᠤᠨ ᠭᠠᠷᠴᠤ ᠤᠷᠤᠭᠰᠢ ᠪᠠᠨ ᠨᠠᠷᠢᠨ ᠰᠤᠪᠠᠭ ᠢᠶᠠᠷ ᠤᠷᠤᠰᠤᠨ᠂ ᠡᠮᠤᠨᠡᠬᠢ ᠲᠡᠯᠡ ᠭᠠᠵᠡᠷ ᠤᠨ ᠢᠶᠠᠨ | ᠪᠡᠯᠴᠢᠭᠡᠷ ᠢ ᠤᠮᠳᠡᠯᠡᠵᠤ ᠦᠩ ᠰᠢᠮᠡᠯᠢᠭ ᠪᠤᠯᠭᠠᠭᠠᠳ᠂ ᠪᠤᠷᠤᠭᠠᠨ ᠶᠡᠭᠡ ᠵᠢᠯ ᠪᠤᠯ ᠪᠦᠷ ᠪᠠᠶᠠᠨ ᠴᠠᠭᠠᠨ ᠨᠠᠭᠤᠷ | ᠲᠤ ᠬᠦᠷᠳᠡᠯᠡ ᠤᠷᠤᠰᠳᠠᠭ ᠭᠡᠵᠤ ᠬᠤᠳᠠ ᠤᠰᠤᠨ ᠤ ᠨᠠᠰᠤᠳᠠᠶᠢᠴᠤᠳ ᠶᠠᠷᠢᠳᠠᠭ᠃ ᠡᠪᠤᠯ ᠤᠨ ᠲᠡᠰᠬᠢᠮᠠ | ᠬᠦᠢᠳᠡᠨ ᠰᠦᠨᠢ ᠬᠤᠳᠳᠤᠭ ᠤᠨ ᠠᠮᠠ ᠬᠦᠯᠳᠡᠭᠡᠳ᠂ ᠲᠠᠷᠠᠭᠠ ᠦᠷᠯᠤᠭᠡ ᠨᠢ ᠴᠠᠷᠢᠯ ᠢᠶᠠᠷ ᠮᠦᠰᠤ ᠶᠢ ᠨᠢ | ᠴᠤᠭᠤᠯᠬᠤ ᠳᠤ ᠬᠤᠳᠳᠤᠭ ᠤᠨ ᠤᠰᠤ ᠨᠢ ᠭᠡᠳᠤᠨ ᠮᠧᠲᠷ ᠦᠨᠳᠤᠷ ᠴᠤᠷᠬᠢᠨ ᠭᠠᠷᠴᠤ᠂ ᠬᠢᠴᠢᠶᠡᠬᠦ ᠦᠭᠡᠢ ᠪᠤᠯ | ᠨᠢᠭᠤᠷ ᠴᠢᠷᠠᠢ᠂ ᠬᠤᠪᠴᠠᠰᠤ ᠬᠤᠨᠠᠷ ᠢ ᠪᠦᠷ ᠱᠠᠯ ᠤᠰᠤ ᠮᠦᠰᠤ ᠪᠤᠯᠭᠠᠳᠠᠭ ᠭᠡᠨᠡ᠃ ᠴᠤᠷᠬᠢᠵᠤ ᠭᠠᠷᠤᠭᠰᠠᠨ | ᠤᠰᠤ ᠨᠢ ᠡᠳᠤᠷ ᠤᠨ ᠤᠳᠠᠭᠠᠨ ᠳᠠᠭᠠᠨ ᠮᠦᠰᠤᠨ ᠤᠪᠤᠭᠠ ᠪᠤᠯᠵᠤ ᠬᠤᠯᠠ ᠠᠴᠠ ᠮᠤᠩᠭᠤᠯ ᠭᠡᠷ ᠰᠢᠭ | ᠬᠠᠷᠠᠭᠳᠠᠨᠠ᠃ ᠡᠨᠡ ᠬᠤᠳᠳᠤᠭ ᠤᠨ ᠤᠰᠤ ᠶᠢ ᠤᠤᠭᠤᠬᠤ ᠳᠤ ᠮᠠᠰᠢ ᠵᠦᠭᠡᠯᠡᠨ ᠪᠦᠭᠡᠳ ᠰᠠᠶᠢᠬᠠᠨ ᠠᠮᠳᠠᠳᠠᠢ᠃ | ᠲᠡᠦᠬᠡᠨ ᠲᠡᠮᠳᠡᠭᠯᠡᠯ ᠳᠤ《 ᠲᠠᠶᠢᠹᠤᠰᠧ ᠵᠡᠭᠦᠨ ᠭᠠᠷ ᠰᠦᠷᠦᠭ ᠠᠨᠤ ᠴᠢᠭᠤᠯᠤᠯᠳᠤ ᠬᠠᠭᠠᠯᠭᠠ ᠠᠴᠠ ᠵᠡᠭᠦᠨ | ᠬᠤᠶᠢᠰᠢ ᠪᠠᠨ ᠵᠠᠭᠤ ᠲᠦᠴᠢᠨ ᠭᠠᠵᠠᠷ ᠤᠨ ᠠᠯᠤᠰ ᠲᠠᠬᠢ ᠬᠠᠷᠠ ᠨᠢᠳᠦᠨ ᠬᠤᠳᠳᠤᠭ ᠲᠤ ᠪᠤᠢ》ᠭᠡᠵᠦ | ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠭ᠃ 1724 ᠤᠨ ᠳᠤ ᠵᠡᠭᠦᠨ ᠭᠠᠷ ᠰᠦᠷᠦᠭ ᠢ ᠡᠬᠢᠯᠡᠵᠦ ᠪᠠᠶᠢᠭᠤᠯᠬᠤ ᠦᠶᠡ ᠠᠴᠠ | ᠠᠪᠤᠭᠠᠳ ᠲᠠᠶᠢᠹᠤᠰᠧ ᠵᠡᠭᠦᠨ ᠭᠠᠷ ᠬᠤᠰᠢᠭᠤ ᠪᠠᠶᠢᠭᠤᠯᠤᠬᠳᠠᠬᠤ ᠪᠤᠯᠳᠠᠯᠠ ︵1936 ᠤᠨ︶ ᠪᠠᠷᠤᠭ ᠬᠤᠶᠠᠷ | ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ ᠲᠤᠷᠰᠢ ᠬᠤᠰᠢᠭᠤ ᠵᠠᠰᠠᠭ ᠤᠨ ᠭᠠᠵᠠᠷ ᠨᠢ ᠦᠴᠢ ᠤᠪᠤᠭᠠᠨ ᠳᠤ ᠪᠠᠶᠢᠵᠤ ᠂ ᠵᠡᠭᠦᠨ ᠭᠠᠷ | ᠲᠠᠶᠢᠹᠤᠰᠧ ᠤᠨ ᠤᠯᠤᠰ ᠲᠦᠷᠦ᠂ ᠴᠡᠷᠢᠭ ᠵᠠᠰᠠᠭ᠂ ᠠᠵᠤ ᠠᠬᠤᠢ᠂ ᠰᠤᠶᠤᠯ ᠤᠨ ᠲᠦᠪ ᠨᠢ ᠪᠤᠯᠵᠤ ᠪᠡᠭᠡᠵᠢᠩ | ᠠᠴᠠ ᠮᠤᠩᠭᠤᠯ᠂ ᠤᠷᠤᠰ ᠵᠢᠴᠢ ᠡᠸᠦ᠋ᠷᠦᠫᠠ ᠤᠨ ᠤᠯᠤᠰ ᠤᠳ ᠲᠤ ᠬᠦᠷᠬᠦ ᠬᠤᠳᠠᠯᠳᠤᠭᠠᠨ ᠪᠤᠯᠤᠨ ᠰᠤᠶᠤᠯ | ᠤᠨ ᠰᠤᠯᠢᠯᠴᠠᠭᠠᠨ ᠤ ᠭᠤᠤᠯ ᠵᠠᠮ ᠪᠤᠯᠵᠤ ᠪᠠᠶᠢᠵᠠᠢ᠃ |