| | ᠵᠧᠷᠰᠸᠢ ᠦᠬᠡᠷ ᠰᠦᠨ ᠬᠡᠷᠡᠭᠯᠡᠭᠦᠨᠲᠦ ᠡᠭᠦᠯᠳᠡᠷ ᠤᠨ ᠦᠬᠡᠷ ᠪᠤᠯᠬᠤ ᠪᠦᠭᠡᠳ ᠰᠦᠨ ᠤ ᠲᠤᠰᠤᠯᠢᠭ ᠤᠨ | ᠨᠤᠷᠮᠠ ᠨᠢ ᠦᠨᠳᠦᠷ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ 18 ᠳ᠋ᠤᠭᠠᠷ ᠵᠠᠭᠤᠨ ᠳᠤ ᠳᠠᠷᠤᠢ ᠳᠡᠯᠡᠬᠡᠢ ᠳᠤ ᠠᠯᠳᠠᠷᠰᠢᠵᠠᠢ᠃ ᠡᠨᠡ ᠬᠦ | ᠡᠭᠦᠯᠳᠡᠷ ᠤᠨ ᠦᠬᠡᠷ ᠨᠢ ᠠᠩᠭ᠍ᠯᠢ ᠶᠢᠨ ᠵᠧᠷᠰᠸᠢ ᠠᠷᠠᠯ ᠠᠴᠠ ᠤᠭ ᠭᠠᠷᠤᠯ ᠲᠠᠢ ᠶᠤᠮ᠃ ᠵᠧᠷᠰᠸᠢ ᠦᠬᠡᠷ ᠤᠨ | ᠦᠩᠭᠡ ᠵᠢᠰᠦᠮ ᠤᠨ ᠤᠨᠴᠠᠯᠢᠭ ᠨᠢ ᠭᠡᠪᠡᠯ᠂ ᠰᠦᠨ ᠬᠡᠷᠡᠭᠯᠡᠭᠦᠨᠲᠦ ᠦᠬᠡᠷ ᠤᠨ ᠨᠡᠶᠢᠲᠡᠯᠢᠭ ᠪᠡᠶᠡ ᠶᠢᠨ ᠬᠡᠯᠪᠡᠷᠢ | ᠳᠦᠷᠰᠦ ᠲᠠᠢ᠃ ᠪᠡᠶᠡ ᠪᠢᠯᠳᠠᠷ ᠨᠢ ᠬᠦᠩᠭᠡᠨ ᠪᠦᠭᠡᠳ ᠪᠠᠭᠠ᠂ ᠪᠤᠯᠴᠢᠩ ᠨᠢ ᠳᠦᠭᠦᠷᠡᠩ ᠪᠤᠰᠤ᠂ ᠲᠤᠯᠤᠭᠠᠢ ᠨᠢ | ᠪᠠᠭᠠ ᠮᠦᠷᠲᠡᠭᠡᠨ ᠬᠦᠩᠭᠡᠨ ᠭᠤᠸᠠᠯᠢᠭ᠂ ᠮᠠᠩᠨᠠᠢ ᠨᠢ ᠦᠷᠭᠡᠨ ᠪᠦᠭᠡᠳ ᠬᠦᠩᠬᠦᠷ᠂ ᠨᠢᠳᠤᠨ ᠤᠬᠤᠷᠬᠠᠢ ᠨᠢ | ᠭᠦᠳᠦᠭᠦᠷ᠂ ᠴᠡᠭᠡᠵᠢ ᠨᠢ ᠭᠦᠨ ᠪᠤᠯᠪᠠᠴᠤ ᠦᠷᠭᠡᠨ ᠪᠢᠰᠢ᠂ ᠳᠡᠯᠡᠩ ᠨᠢ ᠬᠦᠭᠵᠢᠯ ᠰᠠᠶᠢᠲᠠᠢ ᠪᠠᠶᠢᠳᠠᠭ᠃ ᠬᠠᠮᠠᠷ᠂ | ᠰᠡᠭᠦᠯ ᠪᠠ ᠡᠪᠡᠷ ᠤᠨ ᠦᠵᠦᠭᠦᠷ ᠨᠢ ᠬᠠᠷᠠ ᠦᠩᠭᠡᠲᠡᠢ᠂ ᠬᠦᠵᠦᠭᠦᠦ ᠪᠠ ᠳᠦᠷᠪᠡᠨ ᠮᠦᠴᠢ ᠨᠢ ᠨᠠᠷᠢᠨ᠂ | ᠨᠢᠷᠤᠭᠤ ᠨᠢ ᠤᠷᠲᠤ᠂ ᠬᠡᠪᠡᠯᠢ ᠨᠢ ᠪᠦᠳᠦᠭᠦᠨ᠂ ᠲᠠᠰᠢᠶᠠ ᠨᠢ ᠦᠷᠭᠡᠨ ᠲᠡᠭᠰᠢ᠂ ᠬᠤᠶᠢᠲᠤ ᠪᠡᠶᠡ ᠨᠢ ᠬᠦᠭᠵᠢᠯ | ᠰᠠᠶᠢᠲᠠᠢ᠂ ᠰᠦᠨ ᠤ ᠰᠤᠳᠠᠯ ᠤᠨ ᠮᠤᠷᠦ᠋ᠢᠯᠲᠠ ᠨᠢ ᠶᠡᠭᠡ ᠪᠦᠭᠡᠳ ᠲᠤᠳᠤᠷᠬᠠᠢ ᠪᠦᠳᠦᠭᠦᠨ ᠪᠠᠶᠢᠳᠠᠭ᠃ ᠵᠢᠰᠦᠮ ᠤᠨ | ᠭᠦᠨ ᠭᠦᠢᠬᠡᠨ ᠤ ᠵᠦᠷᠢᠶᠡ ᠨᠢ ᠨᠡᠯᠢᠶᠡᠳ ᠶᠡᠭᠡ ᠪᠠᠶᠢᠵᠤ᠂ ᠭᠦᠢᠬᠡᠨ ᠰᠢᠷᠠᠪᠲᠤᠷ ᠬᠦᠷᠡᠩ ᠠᠴᠠ ᠭᠦᠨ ᠬᠦᠷᠡᠩ ᠪᠤᠶᠤ | ᠬᠠᠷᠠ ᠬᠦᠷᠡᠩ ᠬᠦᠷᠲᠡᠯᠡ ᠪᠦᠷ ᠪᠠᠶᠢᠳᠠᠭ ᠪᠦᠭᠡᠳ ᠵᠠᠷᠢᠮ ᠨᠢ ᠪᠠᠰᠠ ᠴᠠᠭᠠᠨ ᠲᠤᠯᠪᠤ ᠲᠠᠢ ᠶᠤᠮ᠃ ᠵᠧᠷᠰᠸᠢ | ᠦᠬᠡᠷ ᠤᠨ ᠪᠡᠯᠭᠡ ᠶᠢᠨ ᠪᠤᠯᠪᠠᠰᠤᠷᠠᠯᠲᠠ ᠨᠢ ᠡᠷᠲᠡ᠂ ᠶᠡᠷᠦ ᠳᠡᠭᠡᠨ 24 ᠰᠠᠷᠠ ᠪᠤᠯᠪᠠᠯ ᠲᠤᠭᠤᠯᠯᠠᠳᠠᠭ᠃ ᠰᠦ | ᠱᠦᠭᠦᠷᠡᠯ ᠤᠨ ᠬᠤᠭᠤᠴᠠᠭᠠᠨ ᠳᠠᠬᠢ ᠵᠢᠯ ᠤᠨ ᠳᠤᠮᠳᠠᠴᠢ ᠰᠦᠨ ᠤ ᠭᠠᠷᠤᠯᠲᠠ ᠨᠢ 3000~ 4500 ᠺᠢᠯᠤᠭ᠍ᠷᠡᠮ | ᠪᠠᠶᠢᠵᠤ᠂ ᠰᠦᠨ ᠤ ᠲᠤᠰᠤᠯᠢᠭ ᠨᠤᠷᠮᠠ ᠨᠢ 5.5%~ 6% ᠪᠠᠶᠢᠳᠠᠭ᠂ ᠰᠦ ᠨᠢ ᠦᠳᠬᠡᠨ᠂ ᠰᠢᠷᠠᠪᠲᠤᠷ | ᠦᠩᠭᠡᠲᠡᠢ᠂ ᠦᠷᠦᠮᠡ ᠰᠠᠭᠤᠬᠤ ᠨᠢ ᠵᠤᠵᠠᠭᠠᠨ᠂ ᠲᠤᠰᠤᠨ ᠳᠤᠰᠤᠯ ᠨᠢ ᠶᠡᠭᠡ ᠪᠦᠭᠡᠳ ᠠᠮᠠᠷᠬᠠᠨ ᠢᠯᠭᠠᠷᠠᠬᠤ | ᠪᠤᠯᠬᠤᠷ ᠰᠢᠷᠠ ᠲᠤᠰᠤ ᠦᠢᠯᠡᠳᠪᠦᠷᠢᠯᠡᠬᠦ ᠳᠤ ᠮᠠᠰᠢ ᠲᠤᠬᠢᠷᠠᠮᠵᠢᠲᠠᠢ ᠶᠤᠮ᠃ ᠵᠧᠷᠰᠸᠢ ᠦᠬᠡᠷ ᠤᠨ ᠨᠠᠰᠤ | ᠭᠦᠢᠴᠡᠭᠰᠡᠨ ᠪᠤᠬᠠᠨ ᠤ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ 650~ 750 ᠺᠢᠯᠤᠭ᠍ᠷᠡᠮ᠂ ᠦᠨᠢᠶᠡᠨ ᠤ ᠬᠢᠨᠢ 350~ 450 | ᠺᠢᠯᠤᠭ᠍ᠷᠡᠮ ᠪᠠᠶᠢᠳᠠᠭ᠃ ᠦᠨᠢᠶᠡᠨ ᠤ ᠬᠢᠨᠢ ᠪᠡᠶᠡ ᠶᠢᠨ ᠦᠨᠳᠦᠷ ᠨᠢ 113 ᠰᠡᠨᠲ᠋ᠢᠮᠧᠳ᠋ᠷ᠂ ᠪᠡᠶᠡ ᠶᠢᠨ ᠤᠷᠲᠤ ᠨᠢ | 133 ᠰᠡᠨᠲ᠋ᠢᠮᠧᠳ᠋ᠷ᠂ ᠲᠦᠯ ᠤᠨ ᠬᠢᠨᠢ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ 23~ 28 ᠺᠢᠯᠤᠭ᠍ᠷᠡᠮ ᠪᠠᠶᠢᠳᠠᠭ᠃ ᠵᠧᠷᠰᠸᠢ | ᠦᠬᠡᠷ ᠤᠨ ᠪᠡᠶᠡ ᠴᠤᠭᠴᠠ ᠨᠢ ᠰᠤᠯᠠᠪᠲᠤᠷ᠂ ᠬᠠᠯᠠᠭᠤᠨ ᠳᠤ ᠲᠡᠰᠪᠦᠷᠢᠲᠡᠢ᠂ ᠡᠪᠡᠳᠴᠢᠨ ᠡᠰᠡᠷᠭᠦᠴᠡᠬᠦ ᠴᠢᠳᠠᠪᠤᠷᠢ ᠨᠢ | ᠴᠢᠩᠭᠠ ᠪᠠᠶᠢᠳᠠᠭ᠃ ᠮᠠᠨ ᠤ ᠤᠯᠤᠰ ᠵᠧᠷᠰᠸᠢ ᠦᠬᠡᠷ ᠢ ᠤᠷᠤᠭᠤᠯᠤᠭᠠᠳ ᠭᠤᠤᠯᠳᠠᠭᠤ ᠦᠨᠢᠶᠡᠨ ᠰᠦ᠂ ᠰᠢᠷᠠ | ᠲᠤᠰᠤ ᠦᠢᠯᠡᠳᠪᠦᠷᠢᠯᠡᠬᠦ ᠠᠴᠠ ᠭᠠᠳᠠᠨᠠ ᠪᠠᠰᠠ ᠰᠦᠨ ᠤ ᠲᠤᠰᠤᠯᠢᠭ ᠤᠨ ᠨᠤᠷᠮᠠ ᠪᠠᠷ ᠳᠤᠤᠷᠠ ᠡᠭᠦᠯᠳᠡᠷ ᠤᠨ | ᠦᠬᠡᠷ ᠢ ᠡᠷᠯᠢᠰᠡᠵᠢᠭᠦᠯᠦᠭᠡᠳ ᠦᠨᠢᠶᠡᠨ ᠰᠦᠨ ᠤ ᠲᠤᠰᠤᠯᠢᠭ ᠤᠨ ᠨᠤᠷᠮᠠ ᠶᠢ ᠨᠢ ᠳᠡᠭᠡᠭᠰᠢᠯᠡᠭᠦᠯᠵᠦ ᠪᠠᠶᠢᠬᠤ ᠶᠤᠮ᠃ | ︵ᠢᠷᠡᠯᠲᠡ᠄ ᠴᠧᠨ ᠪᠠᠭᠠᠲᠤᠷ᠂ ᠢ᠊ · ᠰᠤᠶᠤᠯᠲᠤ ᠨᠠᠷ ᠤᠨ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ ︽ᠰᠦᠨ ᠤ ᠦᠨᠢᠶᠡᠨ ᠤ | ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡ ᠶᠢᠨ ᠠᠷᠭᠠ ᠮᠡᠷᠭᠡᠵᠢᠯ︾ ᠭᠡᠬᠦ ᠨᠤᠮ ᠠᠴᠠ ᠰᠡᠶᠢᠷᠡᠭᠦᠯᠪᠡ᠃︶ |