| ᠬᠤᠨᠢ ᠶᠢ ᠰᠤᠩᠭᠤᠨ ᠠᠪᠬᠤ ᠳᠤ᠂ ᠡᠷᠬᠡᠪᠰᠢ ᠬᠤᠳᠠᠯᠳᠤᠨ ᠠᠪᠬᠤ ᠦᠶᠡ ᠳᠤ ᠪᠠᠨ ᠨᠠᠷᠢᠯᠢᠭ ᠠᠵᠢᠭᠯᠠᠬᠤ | ᠬᠡᠷᠡᠭᠲᠡᠶ᠄ ᠨᠢᠭᠡ᠂ ᠬᠤᠨᠢᠨ ᠤ ᠬᠦᠳᠡᠯᠦᠯ ᠪᠠᠷᠢᠯ ᠢ ᠠᠵᠢᠭᠯᠠᠨᠠ᠃ ᠡᠷᠡᠭᠦᠯ ᠬᠤᠨᠢᠨ ᠤ ᠬᠥᠳᠡᠯᠵᠦ ᠪᠠᠷᠢᠬᠤ ᠨᠢ | ᠪᠤᠰᠢᠭᠤ ᠱᠠᠯᠠᠮᠠᠭᠠᠢ᠂ ᠰᠤᠨᠤᠷ ᠨᠢ ᠰᠣᠷᠭᠤᠭ᠂ ᠨᠢᠳᠦ ᠨᠢ ᠭᠡᠷᠡᠯ ᠲᠠᠢ᠂ ᠪᠦᠷᠬᠦᠭᠦᠯ ᠦᠰᠦ ᠨᠢ ᠭᠢᠯᠠᠭᠠᠷ ᠪᠠᠶᠢᠳᠠᠭ᠃ | ᠬᠠᠷᠢᠨ ᠡᠪᠡᠳᠴᠢᠲᠡᠢ ᠬᠤᠨᠢ ᠨᠢ ᠬᠠᠷᠢᠭᠤ ᠳᠤᠰᠬᠠᠬᠤ ᠨᠢ ᠤᠳᠠᠭᠠᠨ᠂ ᠦᠷᠭᠦᠯᠵᠢ ᠲᠣᠯᠣᠭᠠᠶ ᠪᠠᠨ ᠪᠦᠯᠬᠦ᠋ᠢᠯᠭᠡᠨ᠂ | ᠴᠢᠬᠢ ᠪᠠᠨ ᠤᠨᠵᠢᠢᠯᠭᠠᠨ᠂ ᠵᠠᠷᠢᠮ ᠳᠤ ᠪᠠᠨ ᠬᠡᠪᠲᠡᠭᠡᠳ ᠪᠣᠰᠬᠤ ᠦᠭᠡᠢ᠂ ᠪᠦᠷᠬᠦᠭᠦᠯ ᠦᠰᠦ ᠨᠢ ᠥᠩᠭᠡ ᠭᠢᠯᠪᠠᠭᠠ | ᠦᠭᠡᠢ᠂ ᠨᠢᠰᠤ ᠨᠢᠯᠪᠤᠰᠤ ᠪᠠᠨ ᠭᠤᠭᠤᠵᠢᠭᠤᠯᠵᠤ᠂ ᠬᠡᠪᠢᠬᠦ ᠨᠢ ᠲᠠᠰᠤᠯᠳᠠᠬᠤ ᠪᠤᠶᠤ ᠬᠡᠪᠢᠬᠦ ᠦᠭᠡᠢ ᠪᠠᠶᠢᠳᠠᠭ᠃ | ᠬᠤᠶᠠᠷ᠂ ᠬᠤᠨᠢᠨ ᠤ ᠪᠠᠭᠠᠰᠤ ᠶᠢ ᠨᠢ ᠦᠵᠡᠨᠡ᠃ ᠡᠷᠡᠭᠦᠯ ᠬᠤᠨᠢᠨ ᠤ ᠪᠠᠭᠠᠰᠤ ᠨᠢ ᠪᠦᠯᠢᠶᠡᠨ᠂ ᠥᠩᠭᠡ ᠨᠢ | ᠭᠢᠯᠠᠭᠠᠷ ᠮᠦᠷᠲᠡᠭᠡᠨ ᠢᠳᠡᠰᠢᠯᠡᠭᠰᠡᠨ ᠲᠡᠵᠢᠭᠡᠯ ᠪᠤᠷᠳᠤᠭᠠᠨ ᠤ ᠥᠩᠭᠡ ᠲᠠᠢ ᠠᠳᠠᠯᠢᠪᠲᠤᠷ ᠪᠠᠶᠢᠳᠠᠭ᠃ ᠬᠠᠷᠢᠨ | ᠡᠪᠡᠳᠴᠢᠲᠡᠢ ᠬᠤᠨᠢᠨ ᠤ ᠪᠠᠭᠠᠰᠤ ᠨᠢ ᠬᠡᠲᠦᠷᠬᠡᠶ ᠬᠠᠭᠤᠷᠠᠶ ᠪᠤᠶᠤ ᠰᠢᠩᠭᠡᠨ᠂ ᠦᠨᠦᠷ ᠨᠢ ᠮᠠᠭᠤᠬᠠᠶ᠂ ᠵᠠᠷᠢᠮ ᠳᠤ ᠪᠠᠨ | ᠰᠠᠯᠢᠰᠤ᠂ ᠢᠳᠡᠭᠡ᠂ ᠴᠢᠰᠤ᠂ ᠬᠤᠷᠣᠬᠠᠶ ᠵᠡᠷᠭᠡ ᠬᠤᠯᠢᠯᠳᠤᠵᠤ ᠪᠠᠶᠢᠳᠠᠭ᠃ ᠭᠤᠷᠪᠠ᠂ ᠮᠠᠯ ᠤᠨ ᠡᠮᠴᠢ ᠪᠠᠷ ᠪᠤᠶᠤ | ᠥᠪᠡᠷ ᠢᠶᠠᠨ ᠬᠤᠨᠢᠨ ᠤ ᠰᠠᠯᠢᠰᠤᠲᠤ ᠪᠦᠷᠬᠦᠪᠴᠢ ᠶᠢ ᠪᠠᠶᠢᠴᠠᠭᠠᠨᠠ᠃ ᠬᠤᠷᠤᠭᠤ ᠪᠠᠷ ᠢᠶᠠᠨ ᠳᠡᠭᠡᠷᠡ ᠳᠣᠤᠷᠠ | ᠨᠢᠳᠦᠨ ᠵᠤᠪᠬᠢ ᠶᠢ ᠨᠢ ᠤᠷᠪᠠᠭᠤᠯᠤᠨ ᠥᠩᠭᠡ ᠶᠢ ᠨᠢ ᠦᠵᠡᠨᠡ᠂ ᠡᠷᠡᠭᠦᠯ ᠬᠤᠨᠢᠨ ᠤ ᠰᠠᠯᠢᠰᠤᠲᠤ ᠪᠦᠷᠬᠦᠪᠴᠢ ᠨᠢ | ᠭᠦᠢᠬᠡᠨ ᠤᠯᠠᠭᠠᠨ ᠥᠩᠭᠡ ᠲᠠᠢ᠂ ᠬᠠᠷᠢᠨ ᠡᠪᠡᠳᠴᠢᠲᠡᠢ ᠬᠤᠨᠢᠨ ᠤ ᠰᠠᠯᠢᠰᠤᠲᠤ ᠪᠦᠷᠬᠦᠪᠴᠢ ᠨᠢ ᠴᠠᠶᠢᠪᠤᠷ ᠪᠤᠶᠤ | ᠰᠢᠷᠠ ᠦᠩᠭᠡ ᠲᠠᠢ ᠪᠠᠶᠢᠳᠠᠭ᠃ ᠳᠠᠷᠠᠭᠠ ᠳᠤᠨᠢ ᠠᠮᠠᠨ ᠬᠥᠨᠳᠡᠶ ᠶᠢ ᠨᠢ ᠪᠠᠶᠢᠴᠠᠭᠠᠨᠠ᠂ ᠵᠠᠪᠠᠵᠢ ᠪᠠᠷ ᠨᠢ ᠳᠣᠯᠢᠶᠠᠪᠤᠷ | ᠬᠤᠷᠤᠭᠤ ᠪᠠ ᠳᠤᠮᠳᠠ ᠬᠤᠷᠤᠭᠤ ᠪᠠᠨ ᠠᠮᠠᠨ ᠬᠦᠨᠳᠡᠢ ᠳᠤ ᠨᠢ ᠤᠷᠤᠭᠤᠯᠤᠨ᠂ ᠬᠡᠯᠡ ᠶᠢ ᠨᠢ ᠲᠠᠲᠠᠨ ᠭᠠᠷᠭᠠᠵᠤ᠂ | ᠦᠩᠭᠦᠷ ᠢ ᠨᠢ ᠠᠵᠢᠭᠯᠠᠨᠠ᠃ ᠡᠷᠡᠭᠦᠯ ᠬᠤᠨᠢᠨ ᠤ ᠬᠡᠯᠡ ᠨᠢ ᠤᠯᠠᠭᠠᠨ᠂ ᠬᠥᠪᠳᠥ ᠦᠭᠡᠢ᠂ ᠠᠮᠠᠨ ᠠᠴᠠ ᠨᠢ | ᠮᠠᠭᠤᠬᠠᠢ ᠦᠨᠦᠷ ᠭᠠᠷᠬᠤ ᠦᠭᠡᠢ᠃ ᠡᠪᠡᠳᠴᠢᠲᠡᠢ ᠬᠤᠨᠢᠨ ᠤ ᠬᠡᠯᠡ ᠨᠢ ᠬᠠᠭᠤᠷᠠᠢ᠂ ᠦᠮᠡᠬᠡᠶ ᠦᠨᠦᠷ ᠲᠠᠢ᠂ | ᠬᠡᠯᠡᠨ ᠤ ᠦᠩᠭᠦᠷ ᠳᠡᠭᠡᠷᠡ ᠨᠢ ᠬᠦᠪᠲᠦ ᠲᠠᠢ ᠮᠦᠷᠲᠡᠭᠡᠨ ᠰᠢᠷᠠ ᠪᠤᠶᠤ ᠬᠠᠷᠠᠪᠲᠤᠷ ᠰᠢᠷᠠ ᠥᠩᠭᠡ ᠲᠠᠢ᠂ | ᠵᠠᠷᠢᠮ ᠳᠤ ᠪᠠᠨ ᠪᠠᠰᠠ ᠢᠳᠡᠭᠡᠯᠡᠵᠦ ᠢᠯᠵᠡᠷᠡᠭᠰᠡᠨ ᠪᠠᠶᠢᠳᠠᠯ ᠢᠯᠡᠷᠡᠳᠡᠭ᠃ |