ᠤᠶᠢᠷᠠ ᠶᠢᠨ ᠵᠢᠯ ᠳᠤ᠂ ᠲᠠᠶᠢᠹᠤᠰᠧ ᠬᠤᠰᠢᠭᠤ ︽ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ + ᠶᠠᠳᠠᠭᠤ ᠬᠦᠴᠢᠷᠳᠡᠯᠳᠡᠢ ᠡᠷᠦᠬᠡ︾ | ᠶᠢᠨ ᠨᠠᠶᠢᠳᠠᠵᠤ ᠮᠠᠯᠵᠢᠬᠤ ᠠᠷᠭᠠ ᠬᠡᠯᠪᠡᠷᠢ ᠶᠢ ᠰᠦᠪᠡᠭᠴᠢᠯᠡᠨ ᠡᠬᠦᠳᠦᠬᠡᠳ᠂ ᠶᠠᠳᠠᠭᠤ ᠬᠦᠴᠢᠷᠳᠡᠯᠳᠡᠢ ᠡᠷᠦᠬᠡ | ᠶᠢᠨ ᠪᠡᠯᠡ ᠤᠷᠤᠭᠤᠯᠤᠯᠳᠠ ᠶᠢᠨ ᠲᠦᠭᠰᠢᠬᠦᠷᠢ ᠶᠢ ᠪᠦᠳᠦᠮᠵᠢᠳᠡᠢ ᠪᠠᠭᠠᠰᠬᠠᠵᠤ᠂ ᠶᠠᠳᠠᠭᠤ ᠬᠦᠴᠢᠷᠳᠡᠯᠳᠡᠢ ᠡᠷᠦᠬᠡ | ᠪᠠ ᠠᠵᠤ ᠠᠬᠤᠶᠢᠯᠠᠯ ᠤᠨ ︽ᠬᠤᠤᠰ ᠠᠰᠢᠭ︾ ᠢ ᠪᠡᠶᠡᠯᠡᠬᠦᠯᠦᠨ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤ ᠤᠷᠤᠯᠭᠠ ᠪᠠᠨ | ᠨᠡᠮᠡᠭᠳᠡᠬᠦᠯᠦᠨ ᠪᠠᠶᠠᠵᠢᠨ ᠴᠢᠨᠡᠭᠡᠯᠢᠭᠵᠢᠬᠦ ᠳᠤ ᠨᠢᠬᠡᠨ ᠵᠤᠷᠪᠤᠰ ᠰᠢᠨᠡ ᠵᠠᠮ ᠢ ᠨᠡᠬᠡᠬᠡᠭᠰᠡᠨ ᠪᠠᠶᠢᠨᠠ᠃ | ᠴᠧᠩ ᠯᠢᠶᠠᠩ ᠢᠤᠢ ᠪᠤᠯ ᠬᠤᠩ ᠴᠢ ᠪᠠᠯᠭᠠᠰᠤᠨ ᠤ ᠰᠢᠨ ᠵᠦᠩ ᠲᠤᠰᠬᠤᠨ ᠤ ᠲᠠᠷᠢᠶᠠᠴᠢᠨ᠃ | ᠡᠳᠡᠨᠡᠶᠢᠬᠢᠨ ᠶᠢᠨ ᠱᠠᠨ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠲᠠᠢ ︽ᠨᠠᠶᠢᠳᠠᠵᠤ ᠮᠠᠯᠵᠢᠬᠤ︾ ᠭᠡᠷᠡ ᠲᠤᠭᠳᠠᠭᠠᠳ᠂ ᠶᠠᠳᠠᠭᠤ | ᠶᠢ ᠳᠡᠳᠬᠦᠬᠦ ᠲᠦᠷᠦᠯ ᠵᠦᠢᠯ ᠤᠨ ᠪᠡᠯᠡ ᠮᠦᠩᠬᠦ ᠪᠠᠷ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠦᠬᠡᠷ ᠢᠶᠠᠨ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ | ᠳᠤ ᠲᠤᠰᠢᠶᠠᠨ ᠮᠠᠯᠵᠢᠭᠤᠯᠵᠤ ᠦᠯᠡᠮᠵᠢᠬᠡᠨ ᠤᠷᠤᠯᠭᠠ ᠡᠬᠦᠳᠴᠡᠢ᠃ ︽ ᠡᠨᠡ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠦᠨᠡᠬᠡᠷ | ᠰᠠᠶᠢᠨ᠂ ᠪᠢᠳᠡᠨ ᠳᠤ ᠦᠨᠡᠨ ᠪᠤᠳᠠᠳᠠᠢ ᠠᠰᠢᠭ ᠬᠦᠷᠳᠡᠬᠡᠵᠡᠢ᠂ ᠨᠢᠬᠡ ᠦᠬᠡᠷ ᠢᠶᠠᠨ ᠨᠠᠶᠢᠳᠠᠵᠤ ᠮᠠᠯᠵᠢᠭᠤᠯᠤᠭᠠᠳ | ᠵᠢᠯ ᠤᠨ 1500 ᠲᠦᠬᠦᠷᠢᠭ ᠤᠨ ᠠᠰᠢᠭ ᠬᠦᠷᠳᠡᠵᠦ ᠪᠠᠶᠢᠨᠠ ᠂ ᠴᠠᠭ ᠰᠡᠯᠡᠬᠦᠦ ᠪᠤᠯᠤᠭᠰᠠᠨ ᠢᠶᠠᠷ ᠬᠤᠰᠢᠭᠤᠨ | ᠲᠡᠭᠡᠷᠡ ᠬᠦᠯᠦᠰᠦᠨ ᠤ ᠠᠵᠢᠯ ᠤᠯᠵᠤ ᠬᠢᠭᠡᠳ ᠪᠠᠰᠠ ᠨᠡᠯᠢᠶᠡᠳ ᠤᠷᠤᠯᠭᠠ ᠤᠯᠴᠢᠬᠠᠨᠠ ᠃ ᠮᠢᠨᠦ ᠨᠠᠰᠤ | ᠶᠠᠪᠤᠭᠰᠠᠨ ᠪᠤᠯᠬᠤᠷ ᠦᠪᠡᠷᠳᠡᠭᠡᠨ ᠲᠡᠵᠢᠬᠡᠵᠦ ᠮᠠᠯᠵᠢᠨᠠ ᠭᠡᠪᠡᠯ ᠲᠤᠩ ᠬᠦᠴᠢᠷ᠂ ᠦᠬᠡᠷ ᠴᠢᠨᠢ ᠡᠪᠡᠳᠴᠦ | ᠬᠡᠮᠳᠦᠴᠢᠬᠡᠪᠡᠯ ᠲᠠᠷᠤᠭᠠᠰᠤ ᠨᠡᠩ ᠬᠦᠨᠳᠦᠷᠡᠨᠡ᠃ ᠨᠠᠶᠢᠳᠠᠵᠤ ᠮᠠᠯᠵᠢᠭᠤᠯᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠶᠠᠭᠤᠨ ᠳᠤ | ᠴᠤ ᠵᠤᠪᠠᠯᠳᠠ ᠦᠬᠡᠢ᠂ ᠵᠦᠬᠡᠷ ᠰᠠᠭᠤᠭᠠᠳ 1500 ᠲᠦᠬᠦᠷᠢᠭ ᠤᠯᠵᠤ ᠪᠠᠶᠢᠨᠠ ︾ ᠬᠡᠵᠦ ᠴᠧᠩ ᠯᠢᠶᠠᠩ ᠢᠤᠢ | ᠰᠡᠳᠬᠢᠯ ᠬᠠᠨᠤᠮᠵᠢᠳᠠᠢ ᠶᠠᠷᠢᠨᠠᠮ᠃ | ᠶᠢᠨ ᠱᠠᠨ ᠭᠡᠷ ᠪᠦᠯᠢ ᠶᠢᠨ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠨᠢ ᠬᠤᠰᠢᠭᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠤᠷᠢᠶᠠᠯᠠᠭᠠ ᠶᠢ | ᠲᠠᠭᠠᠵᠤ᠂ ︽ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ + ᠶᠠᠳᠠᠭᠤ ᠬᠦᠴᠢᠷᠳᠡᠯᠳᠡᠢ ᠡᠷᠦᠬᠡ︾ ᠶᠢᠨ ᠬᠡᠯᠪᠡᠷᠢ ᠪᠠᠷ ᠬᠤᠩ ᠴᠢ | ᠪᠠᠯᠭᠠᠰᠤᠨ ᠤ 111 ᠶᠠᠳᠠᠭᠤ ᠬᠦᠴᠢᠷᠳᠡᠯᠳᠡᠢ ᠡᠷᠦᠬᠡ ᠶᠢᠨ 153 ᠲᠤᠯᠤᠭᠠᠢ ᠠᠩᠬᠢᠰ ᠬᠠᠷᠠ ᠦᠬᠡᠷ ᠢ ᠤᠷᠤᠯᠠᠨ | ᠮᠠᠯᠵᠢᠵᠤ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠠᠷᠭᠠ ᠮᠡᠷᠭᠡᠵᠢᠯ ᠢᠶᠠᠷ ᠲᠡᠵᠢᠬᠡᠨ ᠪᠤᠷᠳᠤᠵᠤ ᠪᠠᠶᠢᠳᠠᠭ᠃ ᠶᠠᠳᠠᠭᠤ | ᠬᠦᠴᠢᠷᠳᠡᠯᠳᠡᠢ ᠡᠷᠦᠬᠡ ᠳᠤ ᠵᠢᠯ ᠳᠤ ᠨᠢᠬᠡ ᠦᠬᠡᠷ ᠤᠨ 1500 ᠲᠦᠬᠦᠷᠢᠭ ᠤᠨ ᠠᠰᠢᠭ ᠬᠤᠪᠢᠶᠠᠷᠢᠯᠠᠵᠤ᠂ 5 | ᠵᠢᠯ ᠢᠶᠠᠷ ᠨᠢᠬᠡ ᠬᠤᠭᠤᠴᠠᠭᠠ ᠪᠤᠯᠭᠠᠨᠠ᠃ ᠲᠠᠪᠤᠨ ᠵᠢᠯ ᠨᠢ ᠲᠠᠭᠤᠰᠪᠠᠯ ᠦᠷᠬᠦᠯᠵᠢᠯᠡᠨ ᠭᠡᠷᠡ ᠲᠤᠭᠳᠠᠬᠤ ᠪᠤᠶᠤ | ᠦᠬᠡᠷ ᠢᠶᠠᠨ ᠪᠤᠴᠠᠭᠠᠵᠤ ᠠᠪᠤᠭᠰᠠᠨ ᠴᠤ ᠪᠤᠯᠤᠨᠠ᠃ ᠡᠬᠦᠨ ᠤ ᠲᠠᠭᠠᠤ ᠂ ᠨᠢᠬᠡ ᠪᠦᠯᠦᠭ ᠶᠠᠳᠠᠭᠤ | ᠬᠦᠴᠢᠷᠳᠡᠯᠳᠡᠢ ᠡᠷᠦᠬᠡ ᠨᠢ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠳᠤ ᠬᠦᠯᠦᠰᠦᠨ ᠤ ᠠᠵᠢᠯ ᠬᠢᠭᠡᠳ ︽ᠲᠠᠪᠬᠤᠷ ᠤᠷᠤᠯᠭᠠ︾ | ᠤᠯᠳᠠᠭ ᠪᠠᠶᠢᠨᠠ᠃ | ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠳᠤ ᠬᠦᠷᠬᠦ ᠳᠤ ᠰᠢᠨ ᠵᠦᠩ ᠲᠤᠰᠬᠤᠨ ᠤ ᠶᠠᠳᠠᠭᠤ ᠬᠦᠴᠢᠷᠳᠡᠯᠳᠡᠢ ᠡᠷᠦᠬᠡ ᠵᠠᠩ | ᠮᠠᠨ ᠶᠠᠭ ᠬᠠᠰᠢᠶᠠ ᠲᠠᠢ ᠦᠬᠡᠷ ᠲᠡᠭᠡᠨ ᠡᠪᠡᠰᠦ ᠪᠤᠷᠳᠤᠭᠠ ᠶᠢ ᠨᠢ ᠨᠡᠮᠡᠵᠦ ᠂ ᠲᠠᠷᠭᠤ ᠰᠠᠶᠢᠳᠠᠢ ᠲᠠᠢ | ᠵᠠᠭᠤᠭᠠᠳ ᠦᠬᠡᠷ ︽ᠦᠳᠡ ᠶᠢᠨ ᠬᠤᠭᠤᠯᠠ︾ ᠪᠠᠨ ᠠᠮᠳᠠᠷᠬᠠᠨ ᠢᠳᠡᠨᠡ᠃ ᠵᠠᠩ ᠮᠠᠨ ᠠᠳᠡ ᠠᠵᠢᠯᠯᠠᠭᠠᠳ | ᠬᠤᠶᠠᠷ ᠵᠢᠯ ᠢᠯᠡᠬᠦᠦ ᠪᠤᠯᠵᠠᠢ᠃ ᠮᠠᠵᠢᠯ ᠤᠨ ᠲᠠᠯᠠᠪᠠᠢ ᠠᠴᠠ ᠢᠳᠡᠵᠦ ᠬᠤᠨᠤᠬᠤ ᠢ ᠨᠢ ᠬᠠᠮᠢᠶᠠᠷᠬᠤ ᠠᠴᠠ | ᠭᠠᠳᠠᠨᠠ ᠴᠠᠯᠢᠩ ᠮᠦᠩᠬᠦ ᠤᠯᠭᠤᠬᠤ ᠪᠤᠯᠬᠤᠷ ᠵᠠᠩ ᠮᠠᠨ ᠠᠯᠢ ᠡᠷᠳᠡ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠰᠠᠨ ᠪᠠᠶᠢᠪᠠ | ᠃ ᠤᠳᠤ ᠵᠠᠩ ᠮᠠᠨ ᠲᠠᠢ ᠠᠳᠠᠯᠢ ᠪᠠᠷ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠳᠤ ᠬᠦᠯᠦᠰᠦᠨ ᠤ ᠠᠵᠢᠯ ᠬᠢᠵᠦ ᠪᠠᠶᠢᠭᠠ ᠬᠦᠮᠦᠨ | 9 ᠪᠠᠶᠢᠵᠤ᠂ ᠬᠦᠮᠦᠨ ᠪᠦᠷᠢ ᠵᠢᠯ ᠳᠤ 4 ᠲᠦᠮᠡᠨ ᠲᠦᠬᠦᠷᠢᠭ ᠤᠨ ᠴᠠᠯᠢᠩ ᠤᠯᠳᠠᠭ ᠭᠡᠨᠡ᠃ |