| ᠮ᠊ ᠤᠩᠭᠤᠯᠴᠤᠳ ᠨᠠᠰᠤᠳᠠᠨ ᠲᠤᠮᠤᠭᠠᠳᠠᠨ ᠢᠶᠠᠨ ᠬᠦᠨᠳᠦᠳᠬᠡᠨ ᠬᠠᠶᠢᠷᠠᠯᠠᠳᠠᠭ ᠪᠤᠯᠬᠤᠷ ᠲᠡᠳᠡᠨ ᠤ ᠪᠠᠨ ᠤᠷᠳᠤ | ᠨᠠᠰᠤᠯᠠᠵᠤ ᠤᠳᠠᠭᠠᠨ ᠵᠢᠷᠭᠠᠬᠤ ᠶᠢ ᠬᠦᠰᠡᠨ ᠪᠡᠯᠭᠡᠰᠢᠶᠡᠵᠦ᠂ ᠨᠠᠰᠤᠳᠠᠨ ᠪᠤᠭᠤᠷᠤᠯ ᠠᠴᠠ ᠪᠠᠨ ᠢᠷᠦᠭᠡᠯ | ᠬᠠᠶᠢᠷᠠᠯᠠᠬᠤ ᠶᠢ ᠬᠦᠰᠡᠨ ᠡᠷᠡᠮᠡᠯᠵᠡᠯᠡᠵᠦ ᠬᠢᠳᠡᠭ ᠨᠢᠬᠡ ᠵᠦᠢᠯ ᠤᠨ ᠬᠦᠨᠳᠦᠳᠭᠡᠯ ᠤᠨ ᠨᠠᠶᠢᠷ ᠢᠶᠠᠨ ᠨᠠᠰᠤᠨ ᠪᠠᠶᠠᠷ | ᠤᠨ ᠨᠠᠶᠢᠷ ᠪᠤᠶᠤ ᠵᠢᠯ ᠤᠷᠤᠭᠤᠯᠬᠤ ᠨᠠᠶᠢᠷ ᠬᠡᠵᠦ ᠬᠡᠯᠡᠳᠡᠭ᠃ | ᠲᠠᠶᠢᠹᠤᠰᠧ ᠳᠤ ᠨᠠᠰᠤᠨ ᠤ ᠪᠠᠶᠠᠷ ᠢ ᠶᠡᠭᠡ ᠦᠨᠳᠦᠷ ᠨᠠᠰᠤ ᠲᠠᠢ ᠬᠦᠮᠦᠨ ᠰᠠᠶ᠋ᠢ ᠬᠢᠨᠡ᠃ ᠨᠠᠰᠤᠳᠠᠨ ᠤ | ᠪᠠᠨ ᠵᠢᠯ ᠢ ᠲᠦᠷᠦᠬᠦᠦ ᠤᠨ ᠳᠤᠨᠢ ᠤᠭᠳᠤᠵᠤ ᠤᠷᠤᠭᠤᠯᠳᠠᠭ ᠵᠠᠩᠰᠢᠯ ᠲᠠᠢ᠃ ᠵᠢᠷᠠᠨ ᠨᠢᠬᠡᠨ ᠤ ᠨᠠᠰᠤᠨ ᠪᠠᠶᠠᠷ | ᠬᠢᠬᠦ ᠨᠢ ᠲᠤᠩ ᠬᠤᠪᠤᠷ ᠂ ᠲᠠᠯᠠᠨ ᠭᠤᠷᠪᠠ ᠪᠤᠶᠤ ᠨᠠᠶᠠᠨ ᠲᠠᠪᠤᠨ ᠤ ᠨᠠᠰᠤᠨ ᠪᠠᠶᠠᠷ ᠬᠡᠵᠦ ᠬᠢᠬᠦ ᠨᠢ ᠤᠯᠠᠨ᠃ | ᠨᠠᠰᠤᠨ ᠤ ᠪᠠᠶᠠᠷ ᠢ ᠶᠡᠬᠡᠩᠬᠢ ᠳᠡᠭᠡᠨ ᠵᠤᠨ ᠨᠠᠮᠤᠷ ᠤᠨ ᠪᠠᠶᠠᠨ ᠡᠯᠪᠡᠭ ᠴᠠᠭ ᠲᠤ ᠰᠠᠶᠢᠨ ᠡᠳᠦᠷ ᠰᠤᠩᠭᠤᠵᠤ ᠬᠢᠳᠡᠭ | ᠪᠦᠬᠡᠳ ᠴᠠᠭᠠᠨ ᠰᠠᠷᠠ ᠳᠠᠭᠠᠨ ᠨᠠᠰᠤ ᠨᠡᠮᠡᠬᠦ ᠶᠢᠨ ᠪᠠᠶᠠᠷ ᠢ ᠲᠤᠬᠢᠶᠠᠯᠳᠤᠭᠤᠯᠤᠨ ᠬᠢᠳᠡᠭ ᠴᠤ ᠪᠤᠢ᠃ ᠨᠠᠰᠤᠨ ᠤ | ᠪᠠᠶᠠᠷ ᠬᠢᠬᠦ ᠠᠶᠢᠯ ᠨᠢ ᠠᠶᠢᠯ ᠠᠶᠢᠮᠠᠭ᠂ ᠬᠤᠯᠠ ᠤᠶᠢᠷᠠ ᠶᠢᠨ ᠠᠬᠠ ᠲᠡᠬᠦᠦ ᠰᠠᠳᠤᠨ ᠳᠠᠭᠠᠨ ᠪᠦᠷ ᠤᠷᠢᠯᠭᠠ | ᠢᠯᠡᠭᠡᠨᠡ᠂ ᠪᠠᠶᠠᠷ ᠲᠤ ᠤᠴᠢᠬᠤ ᠬᠦᠮᠦᠰ ᠨᠢ ᠨᠠᠰᠤᠳᠠᠨ ᠳᠤ ᠲᠤᠷᠭᠠ ᠲᠤᠷᠳᠤᠩ᠂ ᠭᠡᠪ ᠤᠨ ᠴᠠᠢ᠂ ᠠᠷᠢᠬᠢ | ᠬᠠᠳᠠᠭ ᠵᠡᠷᠭᠡ ᠪᠡᠯᠡᠭ ᠲᠠᠢ ᠤᠴᠢᠬᠤ ᠪᠦᠬᠡᠳ ᠤᠶᠢᠷᠠ ᠲᠦᠷᠦᠯ ᠤᠨ ᠬᠢᠨ ᠪᠦᠬᠦᠯᠢ ᠰᠢᠬᠦᠰᠦ᠂ ᠴᠠᠭᠠᠨ ᠢᠳᠡᠭᠡ | ᠠᠶᠢᠷᠠᠭ᠂ ᠠᠷᠢᠬᠢ ᠬᠠᠳᠠᠭ ᠲᠠᠢ ᠤᠴᠢᠳᠠᠭ ᠴᠤ ᠪᠤᠢ᠃ ᠨᠠᠶᠢᠷ ᠲᠤ ᠤᠴᠢᠭᠰᠠᠳ ᠨᠠᠰᠤᠳᠠᠨ ᠳᠤ ᠪᠠᠶᠠᠷ ᠤᠨ | ᠬᠠᠳᠠᠭ ᠢᠶᠠᠨ ᠲᠡᠪᠰᠢᠬᠦᠯᠦᠭᠡᠳ ︽ᠨᠠᠰᠤᠨ ᠬᠤᠳᠤᠭ ᠭᠤᠶᠤᠶᠠ︾᠂ ︽ᠨᠠᠰᠤᠨ ᠲᠡᠭᠡᠷᠡ ᠨᠠᠰᠤ ᠨᠡᠮᠡᠳᠦᠬᠡᠢ︾ ᠬᠡᠬᠦ | ᠮᠡᠳᠦ ᠪᠠᠷ ᠮᠡᠨᠳᠦᠴᠢᠯᠡᠵᠦ ᠮᠦᠷᠬᠦᠭᠡᠳ ᠠᠷᠢᠬᠢ ᠪᠠᠷᠢᠨᠠ᠃ ᠨᠠᠰᠤᠳᠠᠨ ᠠᠷᠢᠬᠢ ᠶᠢ ᠠᠮᠰᠠᠭᠠᠳ ᠪᠤᠴᠠᠭᠠᠵᠤ᠂ | ᠬᠠᠷᠢᠭᠤ ᠳᠤᠨᠢ ︽ᠤᠷᠳᠤ ᠨᠠᠰᠤᠯᠠᠵᠤ ᠤᠳᠠᠭᠠᠨ ᠵᠢᠷᠭᠠ︾᠂ ︽ᠦᠨᠳᠦᠷ ᠨᠠᠰᠤ ᠪᠠᠨ ᠦᠭᠬᠦᠶᠡ︾ ᠬᠡᠬᠦᠴᠢᠯᠡᠨ | ᠢᠷᠦᠬᠡᠵᠦ ᠠᠶᠢᠷᠠᠭ ᠴᠡᠭᠡ ᠪᠤᠶᠤ ᠠᠷᠢᠬᠢ ᠬᠠᠶᠢᠷᠠᠯᠠᠨᠠ᠃ ᠨᠠᠰᠤᠳᠠᠨ ᠤ ᠪᠠᠷᠢᠭᠰᠠᠨ ᠵᠦᠬᠡᠯᠡᠨ ᠬᠡᠮ ᠢ ᠵᠠᠪᠠᠯ | ᠤᠤᠭᠤᠵᠤ ᠬᠦᠷᠳᠡᠳᠡᠭ ᠶᠤᠰᠤ ᠲᠠᠢ᠃ | ᠨᠠᠰᠤᠳᠠᠨ ᠳᠠᠭᠠᠨ ᠨᠠᠰᠤᠨ ᠤ ᠪᠠᠶᠠᠷ ᠬᠢᠬᠦ ᠠᠶᠢᠯ ᠤᠨ ᠦᠷᠡ ᠬᠡᠦᠭᠡᠳ ᠨᠢ ᠨᠠᠰᠤᠨ ᠪᠠᠶᠠᠷ ᠤᠨ ᠪᠡᠯᠡᠭ ᠢ | ᠨᠠᠶᠢᠷ ᠲᠤ ᠢᠷᠡᠬᠦ ᠬᠦᠮᠦᠨ ᠤ ᠲᠤᠭᠠ ᠪᠠᠷ ᠬᠦᠷᠦᠯᠴᠡᠭᠡ ᠲᠠᠢ ᠪᠡᠯᠡᠳᠭᠩᠰᠡᠨ ᠪᠠᠶᠢᠳᠠᠭ ᠂ ᠡᠬᠦᠨ ᠢ ᠬᠠᠷᠢᠭᠤ ᠪᠡᠯᠡᠭ | ᠬᠡᠮᠡᠨ᠂ ᠪᠠᠶᠠᠷ ᠬᠢᠵᠦ ᠪᠠᠶᠢᠭᠠ ᠨᠠᠰᠤᠳᠠᠨ ᠠᠴᠠ ᠪᠠᠶᠠᠷ ᠬᠦᠷᠭᠡᠬᠦ ᠪᠠᠷ ᠢᠷᠡᠭᠰᠡᠳ ᠲᠤ ᠦᠪᠡᠷ ᠢᠶᠠᠨ ᠭᠠᠷᠳᠠᠭᠤᠯᠤᠨ | ᠦᠭᠴᠦ ᠢᠷᠦᠬᠡᠨᠠ᠃ ᠪᠡᠯᠡᠭ ᠲᠤ ᠭᠤᠤᠯᠳᠠᠭᠤ ᠱᠠᠭᠠᠵᠠᠩ ᠠᠶᠠᠭᠠ᠂ ᠪᠤᠤᠪᠤ ᠪᠤᠭᠤᠷᠰᠤᠭ ᠪᠤᠶᠤ ᠴᠢᠪᠠᠭᠠ ᠰᠢᠬᠢᠷ | ᠵᠡᠷᠭᠡ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠨᠠᠰᠤᠨ ᠤ ᠦᠨᠳᠦᠷ ᠭᠡᠰᠢᠭ ᠢᠶᠠᠨ ᠦᠷᠦᠭᠡᠯ ᠪᠤᠰᠤᠳ ᠲᠤ ᠬᠠᠶᠢᠷᠠᠯᠠᠵᠤ᠂ ᠠᠮᠢᠳᠤ | ᠶᠢᠨ ᠵᠢᠷᠭᠠᠯ ᠢ ᠡᠳ᠋ᠯᠡᠨ᠂ ᠠᠯᠳᠠᠨ ᠠᠶᠠᠭᠠᠨ ᠤ ᠠᠮᠠᠰᠠᠷ ᠵᠠᠭᠤᠵᠤ ᠶᠠᠪᠤᠳᠤᠭᠠᠢ ᠭᠡᠰᠡᠨ ᠰᠠᠨᠠᠭᠠ ᠲᠠᠢ᠃ ᠨᠠᠰᠤᠨ | ᠪᠠᠶᠠᠷ ᠤᠨ ᠨᠠᠶᠢᠷ ᠲᠤ ᠤᠭᠤᠴᠠ ᠲᠠᠯᠪᠢᠨ᠂ ᠠᠶᠢᠷᠠᠭ ᠴᠡᠭᠡ ᠪᠤᠶᠤ ᠠᠷᠢᠬᠢ ᠪᠠᠷᠢᠵᠤ᠂ ᠲᠠᠭᠤᠤ ᠬᠦᠭᠵᠢᠮ | ᠡᠬᠦᠰᠭᠡᠨ ᠨᠠᠶᠢᠷᠯᠠᠵᠤ᠂ ᠠᠪᠤ ᠡᠵᠢ ᠶᠢᠨ ᠠᠴᠢ ᠭᠠᠪᠢᠶᠠ ᠶᠢ ᠲᠤᠷᠠᠰᠤᠨ ᠮᠠᠭᠳᠠᠬᠤ᠂ ᠠᠴᠢᠯᠠᠯ ᠡᠯᠪᠡᠷᠢᠯ ᠢᠶᠠᠷ | ᠠᠴᠢ ᠶᠢ ᠨᠢ ᠬᠠᠷᠢᠭᠤᠯᠬᠤ᠂ ᠠᠰᠢᠳᠠ ᠶᠢᠨ ᠪᠡᠯᠬᠡ ᠶᠢ ᠵᠦᠩᠨᠡᠬᠦ ᠠᠭᠤᠯᠭᠠ ᠪᠦᠬᠦᠢ ᠲᠠᠭᠤᠤ ᠲᠠᠭᠤᠯᠠᠵᠤ ᠨᠠᠰᠤᠳᠠᠨ | ᠢ ᠪᠠᠶᠠᠷᠯᠠᠭᠤᠯᠤᠨᠠ᠃ |