| ᠬᠦᠨᠪᠤᠯᠠᠭ ᠰᠤᠮᠤᠨ ᠤ ᠲᠦᠪ ᠫᠤᠤᠲ᠋ᠠᠶᠢᠶ᠋ᠢᠩᠽᠢ ᠠᠴᠠ ᠪᠠᠷᠠᠭᠤᠨᠰᠢ ᠲᠡᠮᠡᠢ ᠬᠤᠯᠠ ᠦᠬᠡᠢ ᠨᠢᠬᠡᠨ ᠪᠠᠭᠠ | ᠲᠤᠭᠤᠷᠢᠮ ᠨᠠᠭᠤᠷ ᠪᠤᠢ᠃ ᠬᠤᠷᠠ ᠲᠠᠢ ᠵᠢᠯ ᠪᠤᠯ ᠮᠡᠯᠮᠡᠷᠡᠨ ᠮᠡᠯᠳᠡᠭᠡᠨᠡᠭᠡᠳ᠂ ᠭᠠᠩ ᠲᠠᠢ ᠵᠢᠯ ᠳᠤ ᠴᠤ ᠭᠡᠰᠡᠨ | ᠨᠠᠭᠤᠷ ᠤᠨ ᠭᠤᠤᠯ ᠨᠢ ᠬᠡᠵᠢᠶᠡᠳᠡ ᠰᠢᠷᠬᠢᠳᠡᠭ ᠦᠬᠡᠢ᠃ ᠡᠨᠡ ᠪᠠᠭᠠᠠᠬᠠᠨ ᠨᠠᠭᠤᠷ ᠢ ᠨᠤᠳᠤᠭ ᠤᠨ ᠬᠢᠨ ᠬᠦᠨ | ᠴᠠᠪ ᠭᠡᠳᠡᠭ ᠶᠤᠮ᠃ ᠡᠷᠳᠡᠨ ᠳᠠᠭᠠᠨ ᠡᠨᠡ ᠨᠠᠭᠤᠷ ᠨᠢ ᠬᠡᠵᠢᠶᠡᠳᠡ ᠬᠠᠳᠠᠬᠤ ᠦᠬᠡᠢ ᠮᠡᠯᠮᠡᠯᠵᠡᠵᠦ᠂ ᠵᠤᠨ ᠤ | ᠤᠯᠠᠷᠢᠯ ᠳᠤ ᠵᠦᠢᠯ ᠤᠨ ᠰᠢᠪᠠᠭᠤᠳ ᠨᠠᠭᠤᠷ ᠢ ᠴᠢᠮᠡᠭᠡᠳ᠂ ᠠᠳᠤᠭᠤ ᠮᠠᠯ ᠴᠤ ᠭᠤᠤᠯ ᠳᠤᠨᠢ ᠤᠴᠢᠵᠤ ᠴᠢᠳᠠᠳᠠᠭ | ᠦᠬᠡᠢ ᠬᠦᠨ ᠨᠠᠭᠤᠷ ᠪᠠᠶᠢᠭᠰᠠᠨ ᠢᠶᠠᠷ ᠢᠶᠠᠨ ︽ᠬᠦᠨ ᠴᠠᠪ ︾ ᠨᠡᠷᠡ ᠶᠢ ᠤᠯᠤᠭᠰᠠᠨ ᠪᠠᠶᠢᠵᠠᠢ᠃ ᠬᠦᠨ ᠴᠠᠪ | ᠨᠠᠭᠤᠷ ᠤᠨ ᠪᠠᠷᠠᠭᠤᠨ ᠬᠦᠪᠡᠭᠡ ᠲᠡᠭᠡᠷᠡᠬᠢ ᠨᠤᠳᠤᠭ ᠪᠤᠯ ᠲᠠᠷᠤᠢ ᠮᠤᠩᠭᠤᠯ ᠨᠤᠳᠤᠭ ᠢ ᠰᠦᠷᠳᠡᠬᠦᠯᠵᠦ ᠪᠠᠶᠢᠭᠰᠠᠨ | ᠪᠠᠶᠢᠭᠰᠠᠨ ︽ᠵᠢᠭᠠᠰᠤᠨ ᠱᠠᠨᠳᠦ᠋ᠩ︾ ᠭᠡᠮᠡᠬᠦ ᠲᠡᠭᠡᠷᠡᠮ ᠤᠨ ᠪᠦᠯᠦᠭ ᠢ ᠤᠰᠠᠳᠬᠠᠭᠰᠠᠨ ︽ᠪᠤᠤ ᠳ᠋ᠠ ᠷᠧᠨ︾ ︵ | ᠪᠤᠷᠬᠢᠯ ︶ ᠤ ᠪᠠᠶᠢᠭᠤᠯᠤᠭᠰᠠᠨ ᠭᠡᠷ ᠬᠦᠷᠢᠶᠡ — ︽ᠸᠠ ᠹᠠᠩ ᠶᠢᠩᠽᠢ︾ ᠪᠤᠯᠤᠨᠠ᠃ | ᠲᠠᠶᠢᠹᠤᠰᠧ ᠵᠡᠬᠦᠨ ᠭᠠᠷ ᠰᠦᠷᠦᠭ ᠤᠨ ᠠᠩᠬᠠᠳᠤᠭᠴᠢ ᠤᠯᠤᠰ ᠠᠷᠠᠳ ᠤᠨ ᠰᠤᠷᠭᠠᠭᠤᠯᠢ ᠢᠷᠭᠡᠨ ᠤᠯᠤᠰ | ᠤᠨ ᠲᠠᠪᠤᠳᠤᠭᠠᠷ ᠤᠨ ︵1916 ᠤᠨ︶ ᠳᠤ ᠸᠠᠰᠠ ᠶᠢᠨ ᠡᠩᠬᠡᠷ ᠭᠡᠮᠡᠬᠦ ᠭᠠᠵᠠᠷ ᠲᠤ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠢᠶᠠᠨ | 1920 ᠤᠨ ᠤ ᠦᠶᠡᠰ ᠳᠠᠶᠢᠹᠦᠰᠧ ᠵᠡᠭᠦᠨ ᠭᠠᠷ ᠬᠤᠰᠢᠭᠤᠨ ᠤ ᠳᠦᠪ ᠪᠠᠶᠢᠭᠰᠠᠨ ᠦᠴᠢ ᠶᠢᠨ ᠤᠪᠤᠭᠠᠨ ᠳᠤ | ᠰᠢᠯᠵᠢᠭᠡᠳ᠂ 1930 ᠤᠨ ᠳᠤ ᠬᠦᠨ ᠴᠠᠪ ᠤᠨ ᠪᠠᠷᠠᠭᠤᠨ ᠡᠷᠬᠢ ᠲᠡᠭᠡᠷᠡ ᠨᠡᠬᠦᠭᠰᠡᠨ ᠪᠠᠶᠢᠪᠠ᠃ ᠲᠤᠬᠠᠢ ᠶᠢᠨ | ᠦᠶᠡ ᠳᠤ᠂ ᠦᠴᠢ ᠤᠪᠤᠭᠠᠨ ᠤ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠷ ᠬᠦᠷᠢᠶᠡ ᠶᠢ ᠪᠠᠭᠤᠯᠭᠠᠨ ᠠᠪᠴᠢᠷᠠᠵᠤ᠂ ᠬᠢᠴᠢᠶᠡᠯ ᠤᠨ | ᠭᠡᠷ ᠪᠠ ᠰᠤᠷᠤᠭᠴᠢ ᠶᠢᠨ ᠪᠠᠶᠢᠷᠢ ᠲᠤᠰᠪᠤᠷᠢ ᠵᠢᠷᠭᠤᠭᠠᠨ ᠲᠠᠰᠤᠯᠭᠠ᠂ ᠪᠠᠭᠰᠢ ᠶᠢᠨ ᠪᠠᠶᠢᠷᠢ ᠪᠠ ᠬᠤᠭᠤᠯᠠᠨ ᠭᠡᠷ | ᠲᠤᠰᠪᠤᠷᠢ ᠭᠤᠷᠪᠠᠨ ᠲᠠᠰᠤᠯᠭᠠ ᠪᠠᠶᠢᠭᠤᠯᠤᠭᠰᠠᠨ ᠪᠦᠬᠡᠳ ᠠᠮᠤᠷ ᠲᠦᠪᠰᠢᠨ ᠢ ᠪᠤᠳᠤᠯᠬᠢᠯᠠᠨ ᠰᠤᠷᠭᠠᠭᠤᠯᠢ ᠶᠢᠨ | ᠡᠷᠬᠢᠨ ᠲᠤᠭᠤᠷᠢᠨ ᠦᠨᠳᠦᠷ ᠭᠡᠷᠡᠮ ᠴᠤᠭᠴᠠᠯᠠᠵᠤ᠂ ᠪᠠᠳᠤ ᠪᠠᠬᠢ ᠡᠬᠦᠳᠡ ᠬᠠᠭᠠᠯᠭᠠ ᠬᠢᠯᠬᠡᠵᠡᠢ᠃ ᠰᠤᠷᠭᠠᠭᠤᠯᠢ | ᠳᠠᠭᠠᠨ ᠲᠦᠴᠢ ᠭᠠᠷᠤᠢ ᠰᠤᠷᠤᠭᠴᠢ ᠲᠠᠢ᠂ ᠲᠦᠷᠪᠡᠨ ᠠᠩᠬᠢ ᠬᠤᠪᠢᠶᠠᠨ᠂ ᠲᠠᠪᠬᠤᠷ ᠪᠦᠯᠦᠭ ᠢᠶᠠᠷ ᠬᠢᠴᠢᠶᠡᠯᠯᠡᠳᠡᠭ | ᠪᠠᠶᠢᠪᠠ᠃ ᠮᠤᠩᠭᠤᠯ ᠬᠡᠯᠡ ᠪᠠᠷ ᠭᠤᠤᠯ ᠪᠤᠯᠭᠠᠨ᠂ ᠬᠢᠳᠠᠳ ᠬᠡᠯᠡ ᠂ ᠲᠤᠭᠠ ᠪᠤᠳᠤᠯᠭᠠ ᠤᠷᠤᠳᠠᠭ ᠪᠠᠶᠢᠭᠰᠠᠨ | ᠢᠶᠠᠨ 1939 ᠤᠨ ᠳᠤ ᠶᠠᠫᠤᠨ ᠬᠡᠯᠡ ᠪᠠᠷ ᠬᠢᠳᠠᠳ ᠬᠡᠯᠡ ᠶᠢ ᠤᠷᠤᠯᠠᠭᠤᠯᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ | ᠰᠦᠷᠦᠭ ᠤᠨ ᠠᠮᠪᠠᠨ ᠱᠠᠨᠵᠢᠨᠮᠢᠳᠤᠪ ᠭᠡᠮᠡᠭᠴᠢ ᠦᠨᠳᠦᠰᠦᠳᠡᠨ ᠤ ᠬᠡᠯᠡ ᠰᠤᠶᠤᠯ ᠳᠠᠭᠠᠨ ᠬᠠᠶᠢᠷᠠᠳᠠᠢ ᠬᠦᠮᠦᠨ | ᠪᠤᠯᠬᠤᠷ ︽ ᠡᠷᠭᠡᠪᠰᠢ ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭ ᠢᠶᠠᠷ ᠭᠤᠤᠯᠳᠠᠯᠭᠠ ᠪᠤᠯᠭᠠᠬᠤ ᠭᠡᠷᠡᠭᠳᠡᠢ᠂ ᠬᠢᠳᠠᠳ ᠬᠡᠯᠡ ᠪᠢᠴᠢᠭ | ᠢᠶᠠᠷ ᠭᠤᠤᠯᠳᠠᠯᠭᠠ ᠪᠤᠯᠭᠠᠪᠠᠯ ᠬᠠᠤᠯᠢ ᠶᠤᠰᠤ ᠪᠠᠷ ᠰᠢᠳᠭᠡᠨᠡ︾ ᠬᠡᠵᠦ ᠵᠠᠷᠯᠢᠭ ᠪᠠᠭᠤᠯᠭᠠᠭᠰᠠᠨ ᠭᠡᠳᠡᠭ᠃ ᠬᠦᠨ | ᠴᠠᠪ ᠤᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢ ᠪᠠᠰᠠ ᠰᠤᠷᠭᠠᠭᠤᠯᠢ ᠶᠢᠨ ᠲᠠᠭᠤᠤ ᠵᠤᠬᠢᠶᠠᠵᠤ ᠲᠠᠭᠤᠯᠠᠳᠠᠭ ᠪᠠᠶᠢᠵᠠᠢ᠃ ᠲᠠᠭᠤᠤ | ᠶᠢᠨ ᠦᠬᠡ ᠶᠢ ᠰᠡᠶᠢᠷᠡᠬᠦᠯᠪᠡᠯ᠄ | ᠬᠦᠨ ᠴᠠᠪ ᠤᠨ ᠪᠠᠷᠠᠭᠤᠨ ᠲᠡᠭᠡᠷᠡ | ᠬᠦᠴᠦᠷᠭᠡᠭ ᠵᠠᠯᠠᠭᠤᠰ ᠢ ᠰᠤᠶᠤᠭᠠᠪᠠᠢ | ᠬᠦᠬᠡ ᠮᠤᠩᠭᠤᠯ ᠤᠨ ᠦᠷᠡᠰ ᠪᠢᠳᠡᠨᠡᠷ | ᠬᠦᠴᠦᠯᠡᠨ ᠴᠢᠷᠮᠠᠶᠢᠵᠤ ᠪᠤᠯᠪᠠᠰᠤᠷᠠᠶᠠ | ᠨᠠᠷᠢᠨ ᠰᠢᠷᠡᠭᠡᠨ ᠤ ᠵᠡᠬᠦᠨ ᠲᠡᠭᠡᠷᠡ | ᠨᠡᠶᠢᠯᠡᠨ ᠴᠤᠭᠯᠠᠷᠠᠭᠰᠠᠨ ᠲᠤᠬᠠᠢ ᠳᠠᠭᠠᠨ | ᠨᠠᠶᠢᠷ ᠲᠠᠢ ᠡᠪ ᠢ ᠡᠷᠬᠢᠮᠯᠡᠵᠦ | ᠨᠢᠯᠬᠠᠰ ᠤᠨ ᠮᠤᠩᠬᠠᠭ ᠢ ᠰᠡᠷᠬᠦᠬᠡᠶᠡ | ᠪᠠᠷᠠᠯᠠᠨ ᠬᠠᠷᠠᠭᠳᠠᠬᠤ ᠠᠭᠤᠯᠠ ᠶᠢᠨ ᠠᠷᠤ ᠲᠡᠭᠡᠷᠡ | ᠪᠠᠭᠠᠳᠤᠷ ᠲᠠᠳᠬᠠᠯ ᠢ ᠰᠤᠷᠤᠯᠴᠠᠭᠠᠳ | ᠪᠠᠭᠴᠠ ᠪᠦᠯᠬᠦᠮ ᠦᠬᠡᠢ ᠤᠯᠤᠰ ᠲᠠᠭᠠᠨ | ᠪᠠᠶᠢᠭᠤᠯᠤᠨ ᠪᠦᠳᠦᠭᠡᠬᠦ ᠲᠤᠯᠭᠠᠭᠤᠷᠢ ᠪᠤᠯᠵᠠᠭᠠᠶᠠ᠃ |