ᠵᠠᠮᠢᠶᠠᠨᠵᠠᠮᠰᠤ ︵1908 —1984︶᠂ ᠲᠠᠶᠢᠹᠤᠰᠧ ᠵᠡᠬᠦᠨ ᠭᠠᠷ ᠰᠦᠷᠦᠭ ᠤᠨ ᠬᠦᠪᠡᠭᠡᠳᠦ ᠰᠢᠷᠠ | ᠬᠤᠰᠢᠭᠤᠨ ᠤ ᠠᠷᠤ ᠪᠤᠯᠠᠭ ᠭᠡᠳᠡᠭ ᠭᠠᠵᠠᠷ ᠲᠦᠷᠦᠵᠡᠢ᠃ ᠠᠪᠤ ᠡᠵᠢ ᠨᠢ ᠡᠷᠳᠡ ᠨᠠᠰᠤ ᠪᠠᠷᠠᠭᠰᠠᠨ ᠲᠤᠯᠠ ᠬᠠᠷᠠ | ᠪᠠᠭᠠ ᠠᠴᠠ ᠪᠠᠨ ᠠᠬᠠ ᠷᠠᠳᠨᠠᠪᠠᠽᠠᠷ ᠢᠶᠠᠨ ᠲᠠᠭᠠᠵᠤ ᠶᠠᠳᠠᠭᠤ ᠵᠦᠳᠡᠬᠦᠦ ᠠᠮᠢᠳᠤᠷᠠᠯ ᠢ ᠲᠤᠭᠤᠯᠤᠨ᠂ ᠠᠶᠢᠯ ᠳᠤ | ᠬᠤᠨᠢ ᠮᠠᠯ ᠬᠠᠷᠢᠭᠤᠯᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠰᠡᠬᠦᠯᠡᠷ ᠨᠢ ᠮᠠᠯᠠᠭᠠᠢ ᠶᠢᠨ ᠰᠦᠮᠡ ᠳᠤ ᠤᠴᠢᠨ᠂ ᠮᠤᠩᠭᠤᠯ ᠲᠦᠪᠡᠳ | ᠪᠢᠴᠢᠭ ᠲᠤ ᠨᠡᠪᠳᠡᠷᠡᠭᠰᠡᠨ ᠲᠤᠬᠤᠢ ᠶᠢᠨ ᠠ᠊ ᠬᠠᠮᠪᠤ ᠳᠤ ᠱᠠᠪᠢ ᠤᠷᠤᠵᠤ᠂ ᠨᠤᠮ ᠰᠤᠳᠤᠷ᠂ ᠠᠨᠠᠭᠠᠬᠤ ᠤᠬᠠᠭᠠᠨ᠂ | ᠡᠮ ᠤᠨ ᠵᠤᠷ ᠢ ᠬᠢᠴᠢᠶᠡᠩᠬᠦᠶᠢᠯᠡᠨ ᠰᠤᠷᠤᠭᠰᠠᠨ ᠪᠠᠶᠢᠨᠠ᠃ ᠡᠶᠢᠨ ᠬᠦ᠋᠂ ᠵᠠᠯᠠᠭᠤ ᠨᠠᠰᠤᠨ ᠳᠠᠭᠠᠨ ᠲᠦᠪᠡᠳ ᠨᠤᠮ | ᠳᠤ ᠨᠡᠯᠢᠶᠡᠳ ᠬᠦᠨ ᠨᠡᠪᠳᠡᠷᠡᠵᠦ᠂ ᠴᠢᠭᠡᠴᠢ ᠰᠡᠳᠬᠢᠯ ᠢᠶᠠᠷ ᠪᠢᠰᠢᠯᠭᠠᠯ ᠬᠢᠵᠦ᠂ ᠮᠢᠩᠭᠠᠨ ᠬᠤᠨᠤᠭ ᠤᠨ ᠨᠦᠩᠨᠡᠢ | ᠰᠠᠬᠢᠭᠠᠳ ︽ᠲᠢᠶᠠᠨᠴᠢ ᠮᠠᠮᠠ︾ ᠬᠡᠵᠦ ᠨᠡᠷᠡ ᠠᠯᠳᠠᠷᠰᠢᠭᠰᠠᠨ ᠪᠠᠶᠢᠪᠠ᠃ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠤ ᠲᠠᠷᠠᠭᠠ ᠨᠠᠮ | ᠵᠠᠰᠠᠭ ᠤᠨ ᠤᠷᠢᠶᠠᠯᠠᠭᠠ ᠶᠢ ᠲᠠᠭᠠᠨ᠂ ᠡᠮ ᠲᠠᠩ ᠢᠶᠠᠨ ᠠᠪᠴᠤ ᠬᠤᠷᠰᠢᠭᠰᠠᠨ ᠮᠤᠩᠭᠤᠯ ᠡᠮᠨᠡᠯᠬᠡ ᠶᠢᠨ | ᠬᠤᠷᠢᠶᠠ ᠳᠤ ᠠᠵᠢᠯᠯᠠᠵᠤ᠂ ᠮᠤᠷᠢ ᠪᠠᠨ ᠤᠨᠤᠵᠤ ᠪᠤᠭᠴᠤ ᠪᠠᠨ ᠡᠬᠦᠷᠦᠭᠡᠳ ᠂ ᠮᠠᠯᠴᠢᠨ ᠲᠦᠮᠡᠨ ᠤ ᠪᠠᠨ | ᠡᠪᠡᠳᠴᠢᠨ ᠲᠠᠬᠤᠯ ᠢ ᠡᠮᠴᠢᠯᠡᠵᠦ ᠪᠠᠶᠢᠪᠠ᠃ 1960 ᠤᠨ ᠳᠤ ᠨᠢᠭᠡᠳᠦᠯ ᠤᠨ ᠡᠮᠨᠡᠯᠬᠡ ᠶᠢᠨ ᠬᠤᠷᠢᠶᠠ ᠨᠢ ᠡᠮᠴᠢ | ᠪᠠᠨ ᠴᠦᠭᠡᠳᠭᠡᠬᠦ ᠳᠤ ᠭᠡᠷ ᠲᠡᠭᠡᠨ ᠬᠠᠷᠢᠭᠰᠠᠨ ᠪᠤᠯᠪᠠᠴᠤ᠂ ᠮᠦᠨ ᠯᠠ ᠡᠮ ᠪᠠᠷᠢᠵᠤ ᠡᠪᠡᠳᠴᠢᠨ ᠦᠵᠡᠵᠦ ᠤᠯᠠᠨ | ᠲᠦᠮᠡᠨ ᠳᠡᠭᠡᠨ ᠦᠢᠯᠡᠴᠢᠯᠡᠵᠦ ᠶᠠᠪᠤᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠨᠢᠬᠡ ᠬᠦᠮᠦᠨ ᠡᠪᠡᠳᠴᠢᠯᠡᠬᠡᠳ ᠶᠠᠮᠠᠷ ᠠᠷᠭᠠ | ᠠᠪᠤᠭᠰᠠᠨ ᠠᠤ ᠲᠤᠰᠠ ᠪᠤᠯᠬᠤ ᠦᠬᠡᠢ ᠰᠠᠨᠳᠤᠷᠭᠠᠵᠤ ᠪᠠᠶᠢᠬᠤ ᠳᠤ ︽ᠲᠢᠶᠠᠨᠴᠢ ᠮᠠᠮᠠ︾ ᠬᠤᠨᠢᠨ ᠤ ᠬᠠᠪᠢᠷᠭᠠᠨ | ᠶᠠᠰᠤᠨ ᠤ ᠱᠦᠯᠦ ᠪᠠᠷ ᠲᠠᠷᠤᠭᠤᠯᠵᠤ ᠤᠤᠭᠤᠳᠠᠭ ᠡᠮ ᠢ ᠠᠷᠪᠠᠭᠠᠳᠬᠠᠨ ᠲᠦᠩ ᠤᠤᠭᠤᠯᠭᠠᠭᠠᠳ᠂ ᠡᠪᠡᠳᠴᠢᠨ ᠢ | ᠡᠳᠡᠭᠡᠷᠡᠬᠦᠯᠵᠦ ᠲᠡᠩᠭᠡᠷᠡᠬᠦᠯᠦᠭᠰᠡᠨ ᠭᠡᠳᠡᠭ᠃ ᠪᠠᠰᠠ ᠨᠢᠬᠡ ᠬᠦᠮᠦᠨ ᠬᠤᠯᠤᠭᠠᠨᠠ ᠶᠢᠨ ᠡᠮ ᠳᠤ ᠬᠤᠤᠷᠳᠠᠭᠳᠠᠵᠤ᠂ | ᠴᠢᠭᠤᠯᠤᠯᠳᠤ ᠬᠠᠭᠠᠯᠭᠠ ᠶᠢᠨ 251 ᠴᠡᠷᠢᠭ ᠤᠨ ᠡᠮᠨᠡᠯᠬᠡ ᠳᠤ ᠬᠠᠭᠠᠰ ᠵᠢᠯ ᠡᠮᠨᠡᠬᠦᠯᠦᠭᠡᠳ ᠰᠠᠶᠢᠵᠢᠷᠠᠬᠤ ᠦᠬᠡᠢ᠂ | ᠬᠦᠮᠦᠨ ᠲᠦᠰᠢᠵᠦ ᠲᠤᠯᠬᠤ ᠦᠬᠡᠢ ᠪᠤᠯ ᠠᠮᠢᠰᠬᠤᠯ ᠨᠢ ᠴᠢᠬᠤᠯᠳᠠᠵᠤ᠂ ᠪᠤᠰᠴᠤ ᠰᠠᠭᠤᠬᠤ ᠳᠤ ᠪᠡᠷᠭᠡᠳᠡᠢ ᠪᠠᠶᠢᠪᠠ᠃ | ︽ᠲᠢᠶᠠᠨᠴᠢ ᠮᠠᠮᠠ︾ ᠬᠡᠳᠦᠨ ᠡᠳᠦᠷ ᠨᠢᠬᠳᠠᠯᠠᠨ ᠤᠷᠤᠯᠳᠤᠵᠤ ᠪᠠᠶᠢᠭᠠᠳ ᠲᠤᠰᠬᠠᠢ ᠡᠮ ᠨᠠᠶᠢᠷᠠᠭᠤᠯᠤᠨ ᠰᠠᠷᠠ | ᠢᠯᠡᠬᠦᠦ ᠤᠤᠭᠤᠯᠭᠠᠭᠰᠠᠨ ᠳᠤ᠂ ᠭᠡᠳᠡᠰᠦᠨ ᠤ ᠬᠠᠪᠤᠳᠠᠷ ᠨᠢ ᠬᠠᠷᠢᠵᠤ᠂ ᠠᠮᠢᠰᠬᠤᠯ ᠳᠤ ᠲᠡᠨᠢᠬᠦᠨ ᠪᠤᠯᠤᠭᠠᠳ᠂ | ᠪᠡᠶᠡ ᠨᠢ ᠡᠷᠡᠬᠦᠯ ᠬᠡᠪ ᠲᠡᠭᠡᠨ ᠤᠷᠤᠭᠰᠠᠨ ᠪᠠᠶᠢᠯᠠ᠃ ᠲᠤᠰ ᠬᠤᠰᠢᠭᠤᠨ ᠤ ᠰᠢᠩ ᠱᠧᠩ ᠰᠢᠶᠠᠩ ᠤᠨ ᠨᠠᠮ ᠤᠨ | ᠡᠬᠦᠷ ᠤᠨ ᠱᠦᠵᠢ ᠪᠠᠶᠢᠭᠰᠠᠨ ᠯᠢ ᠤᠪᠤᠭᠳᠤ ᠠᠷᠪᠠᠨ ᠨᠠᠰᠤᠨ ᠳᠠᠭᠠᠨ ᠠᠭᠤᠰᠬᠢᠨ ᠰᠦᠷᠢᠶᠡ ᠳᠤ ᠨᠡᠷᠪᠡᠭᠳᠡᠵᠦ | ᠪᠦᠭᠰᠢᠵᠦ ᠬᠠᠨᠢᠶᠠᠭᠠᠳ ᠠᠮᠢᠰᠬᠤᠯ ᠨᠢ ᠪᠦᠭᠯᠡᠷᠡᠵᠦ ᠰᠠᠨᠳᠤᠷᠬᠤᠯᠠᠷ ᠠᠪᠤ ᠨᠢ ︽ᠲᠢᠶᠠᠨᠴᠢ ᠮᠠᠮᠠ︾ ᠶᠢ ᠭᠤᠶᠤᠵᠤ | ᠦᠵᠡᠬᠦᠯᠵᠡᠢ᠃ ︽ᠲᠢᠶᠠᠨᠴᠢ ᠮᠠᠮᠠ︾ ᠰᠠᠷᠠ ᠢᠯᠡᠬᠦᠦ ᠶᠢᠨ ᠡᠮ ᠤᠤᠭᠤᠯᠭᠠᠵᠤ ᠤᠷᠬᠠᠭ ᠦᠬᠡᠢ ᠰᠠᠶᠢᠬᠠᠨ | ᠡᠳᠡᠭᠡᠷᠡᠬᠦᠯᠦᠭᠰᠡᠨ ᠳᠤ ᠯᠢ ᠤᠪᠤᠭᠳᠤ ᠪᠠᠶᠠᠷᠯᠠᠬᠤ ᠳᠠᠭᠠᠨ ᠦᠬᠢᠨ ᠳᠡᠭᠡᠨ ᠬᠠᠭᠤᠷᠠᠢ ᠠᠪᠤ ᠲᠠᠨᠢᠭᠤᠯᠤᠭᠰᠠᠨ | ᠪᠦᠬᠡᠳ ᠰᠡᠬᠦᠯᠡᠷ ᠨᠢ ᠮᠠᠮᠠ ᠶᠢ ᠬᠦᠨᠳᠦ ᠡᠪᠡᠳᠴᠢᠯᠡᠭᠡᠳ ᠪᠠᠶᠢᠬᠤ ᠳᠤ ᠠᠮᠢ ᠠᠪᠤᠷᠠᠭᠰᠠᠨ ᠠᠴᠢᠳᠤ ᠬᠦᠮᠦᠨ ᠬᠡᠮᠡᠨ | ᠂ ᠲᠤᠰᠬᠠᠶᠢᠯᠠᠨ ᠢᠷᠡᠵᠦ ᠠᠷᠪᠠᠭᠠᠳ ᠬᠤᠨᠤᠭ ᠠᠰᠠᠷᠠᠨ ᠰᠤᠪᠢᠯᠠᠵᠤ ᠪᠠᠶᠢᠭᠠᠳ ᠮᠤᠷᠢᠯᠠᠭᠤᠯᠤᠭᠰᠠᠨ ᠭᠡᠳᠡᠭ᠃ | ᠵᠠᠮᠢᠶᠠᠨᠵᠠᠮᠰᠤ 1963 ᠤᠨ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠱᠠᠰᠢᠨ ᠰᠤᠷᠳᠠᠬᠤᠨ ᠤ ᠠᠵᠢᠯ ᠤᠨ ᠬᠤᠷᠠᠯᠳᠤᠭᠠᠨ ᠳᠤ | ᠤᠷᠤᠯᠴᠠᠵᠤ ᠦᠩᠭᠡᠷᠡᠵᠡᠢ᠃ ᠨᠠᠰᠤ ᠪᠠᠷᠠᠭᠰᠠᠨ ᠤ ᠬᠢᠨᠢ ᠲᠠᠷᠠᠭᠠ ᠲᠡᠬᠦᠨ ᠤ ᠭᠡᠷᠢᠶᠡᠰ ᠶᠤᠰᠤᠭᠠᠷ᠂ ᠲᠠᠬᠢᠵᠤ | ᠪᠠᠶᠢᠭᠰᠠᠨ ᠠᠯᠳᠠᠨ ᠪᠤᠷᠬᠠᠨ᠂ ᠮᠦᠩᠬᠦᠨ ᠲᠠᠬᠢᠯ᠂ ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠰᠠᠨ ᠬᠤᠪᠤᠷ ᠴᠤᠬᠠᠭ ᠨᠤᠮ ᠰᠤᠳᠤᠷ᠂ ᠡᠮ | ᠤᠨ ᠵᠤᠷ ᠢ ᠨᠢ ᠪᠡᠭᠡᠵᠢᠩ ᠤᠨ ᠶᠦᠩ ᠾᠧ ᠬᠦᠩ ︵ᠨᠠᠶᠢᠷᠠᠯᠳᠤ ᠨᠠᠶᠢᠷᠠᠮᠳᠠᠬᠤ ᠰᠦᠮᠡ︶ ᠤᠨ ᠬᠡᠪᠬᠦᠢ ᠯᠠᠮᠠ | ᠲᠠᠮᠪᠠ ᠳᠤ ᠬᠦᠷᠭᠡᠵᠦ ᠦᠭᠬᠦᠭᠰᠡᠨ ᠪᠠᠶᠢᠨᠠ᠃ | |