ᠱᠠᠨᠵᠢᠮᠢᠳᠠᠪ ︵1870 — 1943︶᠂ ᠡᠷᠬᠦᠭᠰᠡᠨ ᠨᠡᠷᠡ ᡁᠢ ᠶᠤᠸᠠᠨ᠂ ᠭᠡᠷᠡᠶᠢᠳ ᠤᠪᠤᠭ ᠲᠠᠢ᠂ ᠲᠠᠶᠢᠹᠤᠰᠧ | ᠵᠡᠬᠦᠨ ᠭᠠᠷ ᠰᠦᠷᠦᠭ ᠤᠨ ᠬᠦᠯᠦ ᠬᠦᠬᠡ ᠬᠤᠰᠢᠭᠤᠨ ᠤ ᠬᠦᠮᠦᠨ ᠂ ᠲᠤᠰ ᠰᠦᠷᠦᠭ ᠤᠨ ᠬᠦᠪᠡᠭᠡᠳᠦ ᠰᠢᠷᠠ | ᠬᠤᠰᠢᠭᠤᠨ ᠤ ᠬᠤᠰᠠᠢ ᠳ᠋ᠠ ᠪᠠᠶᠢᠭᠰᠠᠨ ᠢᠶᠠᠨ 1929 ᠤᠨ ᠳᠤ ᠰᠠᠮᠳᠠᠨᠯᠾᠦ᠋ᠷᠦᠪ ᠠᠮᠪᠠᠨ ᠨᠠᠰᠤ ᠪᠠᠷᠠᠭᠰᠠᠨ ᠤ | ᠲᠠᠷᠠᠭᠠ ᠲᠠᠶᠢᠹᠤᠰᠧ ᠵᠡᠬᠦᠨ ᠭᠠᠷ ᠰᠦᠷᠦᠭ ᠤᠨ ᠠᠮᠪᠠᠨ ᠪᠤᠯᠵᠤ᠂ 1935 ᠤᠨ ᠪᠤᠯᠳᠠᠯᠠ ᠠᠮᠪᠠᠨ ᠤ ᠲᠤᠰᠢᠶᠠᠯ ᠢ | ᠬᠠᠷᠢᠭᠤᠴᠠᠵᠠᠢ᠃ ᠱᠠᠨᠵᠢᠮᠢᠳᠠᠪ ᠠᠮᠪᠠᠨ 1930 ᠤᠨ ᠳᠤ ᠦᠴᠢ ᠤᠪᠤᠭᠠᠨ ᠤ ᠣᠯᠤᠰ ᠠᠷᠠᠳ ᠤᠨ | ᠰᠤᠷᠭᠠᠭᠤᠯᠢ ᠶᠢ ᠬᠦᠨ ᠴᠠᠪ ᠲᠤ ᠰᠢᠯᠵᠢᠬᠦᠯᠦᠨ ᠠᠪᠴᠢᠷᠠᠵᠤ᠂ ᠭᠡᠷ ᠬᠦᠷᠢᠶᠡ ᠰᠢᠨᠡ ᠪᠠᠷ ᠪᠠᠶᠢᠭᠤᠯᠤᠭᠰᠠᠨ | ᠪᠦᠬᠡᠳ ᠰᠤᠷᠤᠭᠴᠢᠳ ᠤᠨ ᠠᠮᠢᠳᠤᠷᠠᠯ ᠰᠤᠷᠤᠯᠭᠠ ᠶᠢᠨ ᠰᠦᠢᠳᠭᠡᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠪᠠᠷ 150 ᠴᠢᠩ ᠭᠠᠵᠠᠷ | ᠬᠠᠭᠠᠯᠪᠤᠷᠢᠯᠠᠵᠤ ᠲᠠᠷᠢᠶᠠ ᠲᠠᠷᠢᠭᠰᠠᠨ ᠪᠠᠶᠢᠨᠠ᠃ ᠲᠡᠷᠡᠪᠡᠷ ᠶᠡᠭᠡ ᠬᠢᠨᠠᠭᠤᠷ ᠨᠢᠮᠪᠠᠢ ᠬᠦᠮᠦᠨ ᠪᠠᠶᠢᠵᠤ᠂ ᠰᠤᠷᠭᠠᠭᠤᠯᠢ | ᠶᠢᠨ ᠭᠡᠷ ᠬᠦᠷᠢᠶᠡ ᠶᠢ ᠪᠠᠶᠢᠭᠤᠯᠬᠤ ᠳᠤ ᠲᠤᠭᠳᠠᠭᠰᠠᠨ ᠬᠤᠭᠤᠴᠠᠭᠠ ᠲᠠᠢ ᠤᠴᠢᠵᠤ ᠪᠠᠶᠢᠴᠠᠭᠠᠨ ᠦᠵᠡᠳᠡᠭ ᠬᠡᠨᠡ᠃ | ᠮᠦᠨ ᠴᠤ ᠦᠨᠳᠦᠰᠦᠳᠡᠨ ᠤ ᠬᠡᠯᠡ ᠰᠤᠶᠤᠯ ᠳᠠᠭᠠᠨ ᠬᠠᠶᠢᠷᠠᠳᠠᠢ ᠬᠦᠮᠦᠨ ᠪᠤᠯᠬᠤᠷ ᠬᠦᠨ ᠴᠠᠪ ᠲᠠᠬᠢ | ᠰᠤᠷᠭᠠᠭᠤᠯᠢ ᠳᠤ ︽ᠦᠨᠳᠦᠰᠦᠳᠡᠨ ᠤ ᠦᠬᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠨ ᠬᠦᠨᠳᠦᠳᠭᠡᠨ ᠭᠡᠷᠡᠭᠯᠡᠵᠦ᠂ ᠮᠤᠩᠭᠤᠯ | ᠬᠡᠯᠡ ᠪᠢᠴᠢᠭ ᠢᠶᠠᠷ ᠭᠤᠤᠯᠳᠠᠯᠭᠠ ᠪᠤᠯᠭᠠᠬᠤ ᠭᠡᠷᠡᠭᠳᠡᠢ᠂ ᠦᠬᠡᠢ ᠪᠤᠯ ᠴᠢᠩᠭᠠ ᠰᠢᠳᠭᠡᠨᠡ︾ ᠬᠡᠵᠦ ᠵᠠᠷᠯᠢᠭ | ᠪᠠᠭᠤᠯᠭᠠᠭᠰᠠᠨ ᠭᠡᠳᠡᠭ᠃ ᠮᠦᠨ ᠨᠤᠳᠤᠭ ᠤᠰᠤ ᠪᠠᠨ ᠬᠠᠮᠭᠠᠯᠠᠬᠤ ᠶᠢᠨ ᠲᠦᠯᠦᠬᠡ᠂ ᠠᠷᠭᠠ ᠪᠦᠬᠦᠨ ᠢ | ᠰᠦᠪᠡᠭᠴᠢᠯᠡᠵᠦ᠂ ᠲᠤᠰᠬᠠᠢ ᠵᠤᠭᠤᠰ ᠮᠦᠩᠬᠦ ᠲᠠᠳᠠᠪᠤᠷᠢᠯᠠᠨ ᠴᠤᠭᠯᠠᠭᠤᠯᠵᠤ᠂ ᠫᠤᠤ ᠵᠡᠪᠰᠡᠭ ᠬᠤᠳᠠᠯᠳᠤᠨ ᠠᠪᠴᠤ᠂ | ᠦᠪᠡᠷᠳᠡᠭᠡᠨ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠠᠩᠬᠢ ᠪᠠᠶᠢᠭᠤᠯᠤᠭᠰᠠᠨ ᠪᠦᠬᠡᠳ ᠦᠴᠢ ᠤᠪᠤᠭᠠ ᠪᠠ ᠡᠮᠦᠨᠡ ᠵᠢᠷᠠᠨ ᠤᠰᠤᠨ | ᠳᠤ ᠭᠡᠷ ᠬᠦᠷᠢᠶᠡ ᠪᠠᠷᠢᠵᠤ ᠂ ᠫᠠᠷᠲ᠋ᠢᠽᠠᠨ ᠠᠩᠬᠢ ᠶᠢ ᠨᠡᠬᠦᠯᠬᠡᠨ ᠠᠪᠴᠢᠷᠠᠭᠰᠠᠨ ᠪᠠᠶᠢᠪᠠ᠃ ᠶᠠᠫᠤᠨᠴᠤᠳ ᠲᠤᠯᠤᠨ | ᠨᠤᠤᠷ ᠢ ᠲᠦᠷᠢᠮᠡᠭᠡᠶᠢᠯᠡᠨ ᠤᠷᠤᠵᠤ ᠢᠷᠡᠬᠦ ᠳᠤ᠂ ᠯᠢᠦ ᠬᠦᠢ ᠲᠠᠩ᠂ ᠲᠠᠩ ᠡᠯ ᠭᠡᠤ ᠶᠢᠨ ᠴᠡᠷᠢᠭ ᠸᠠᠨ ᠱᠸᠤ ᠲᠠᠨ | ᠢᠶᠠᠷ ᠲᠠᠭᠠᠷᠢᠨ ᠪᠠᠷᠠᠭᠤᠨᠰᠢ ᠲᠤᠳᠠᠭᠠᠬᠤ ᠳᠠᠭᠠᠨ ᠲᠡᠨᠳᠡ ᠪᠠᠶᠢᠭᠰᠠᠨ ᠲᠠᠶᠢᠹᠤᠰᠧ ᠤᠨ ᠠᠳᠤᠭᠤ ᠶᠢ ᠲᠡᠭᠡᠷᠡᠮᠳᠡᠵᠦ᠂ | ᠪᠠᠰᠠ ᠲᠠᠶᠢᠹᠤᠰᠧ ᠵᠡᠬᠦᠨ ᠭᠠᠷ ᠤᠨ ᠨᠤᠳᠤᠭ ᠲᠤ ᠴᠦᠮᠦᠷᠡᠨ ᠤᠷᠤᠬᠤ ᠠᠶᠤᠯ ᠲᠠᠢ ᠪᠠᠶᠢᠪᠠ᠃ ᠱᠠᠨᠵᠢᠮᠢᠳᠠᠪ ᠠᠮᠪᠠᠨ | ᠨᠢᠬᠡ ᠲᠠᠯᠠᠪᠠᠷ ᠴᠧᠨ ᠽᠢ ᠶᠤᠸᠠᠨ᠂ ᠲᠡᠯᠭᠡᠷ ᠵᠡᠷᠭᠡ ᠬᠦᠮᠦᠰ ᠢ ᠤᠴᠢᠭᠤᠯᠵᠤ᠂ ᠲᠠᠶᠢᠹᠤᠰᠧ ᠨᠤᠳᠤᠭ ᠲᠤ ᠤᠷᠤᠵᠤ | ᠢᠷᠡᠵᠦ ᠪᠤᠯᠬᠤ ᠦᠬᠡᠢ ᠬᠡᠮᠡᠨ ᠶᠠᠷᠢᠯᠴᠠᠭᠤᠯᠤᠭᠰᠠᠨ ᠤ ᠬᠠᠮᠳᠤ᠂ ᠨᠦᠬᠦᠬᠡ ᠲᠠᠯᠠᠪᠠᠷ ᠪᠦᠬᠦ ᠬᠤᠰᠢᠭᠤᠨ ᠤ ᠴᠡᠷᠢᠭ | ᠮᠤᠷᠢ ᠪᠠᠨ ᠲᠠᠶᠢᠴᠢᠯᠠᠨ᠂ ᠮᠠᠯᠠᠭᠠᠢ ᠶᠢᠨ ᠰᠦᠮᠡ ᠶᠢᠨ ᠤᠪᠤᠭᠠᠨ ᠲᠡᠭᠡᠷᠡ ᠭᠠᠷᠴᠤ ᠴᠠᠴᠠᠷ ᠮᠠᠶᠢᠬᠠᠨ ᠪᠤᠰᠬᠠᠨ᠂ | ᠰᠦᠷ ᠦᠵᠡᠬᠦᠯᠬᠦ ᠠᠷᠭᠠ ᠪᠠᠷ ᠲᠡᠨᠢᠬᠦᠯ ᠴᠡᠷᠢᠭ ᠤᠳ ᠢ ᠨᠤᠳᠤᠭ ᠤᠨ ᠢᠶᠠᠨ ᠵᠠᠬᠠ ᠪᠠᠷ ᠬᠠᠰᠢᠨ ᠭᠠᠷᠭᠠᠵᠤ᠂ | ᠲᠠᠶᠢᠹᠤᠰᠧ ᠨᠤᠳᠤᠭ ᠢᠶᠠᠨ ᠬᠠᠮᠠᠭᠠᠯᠠᠭᠰᠠᠨ ᠪᠠᠶᠢᠨᠠ᠃ 1936 ᠤᠨ ᠳᠤ ᠶᠠᠫᠤᠨ ᠴᠡᠷᠢᠭ ᠲᠤᠯᠤᠨ ᠨᠤᠤᠷ ᠢ | ᠡᠵᠡᠯᠡᠭᠡᠳ᠂ ᠲᠡᠬᠦᠨ ᠢ ᠲᠤᠯᠤᠨ ᠨᠤᠤᠷ ᠲᠤ ᠢᠷᠡ ᠬᠡᠮᠡᠨ ᠲᠠᠭᠤᠳᠠᠬᠤ ᠳᠤ ᠱᠠᠨᠵᠢᠮᠢᠳᠠᠪ ᠠᠮᠪᠠᠨ ᠡᠷᠡᠰ ᠲᠡᠪᠴᠢᠵᠦ | ᠤᠴᠢᠭᠰᠠᠨ ᠦᠬᠡᠢ ᠮᠦᠷᠳᠡᠭᠡᠨ ᠬᠤᠰᠢᠭᠤ ᠨᠤᠳᠤᠭ ᠤᠨ ᠢᠶᠠᠨ ᠨᠤᠶᠠᠳ ᠢ ᠴᠤᠭᠯᠠᠭᠤᠯᠵᠤ ︽ᠪᠢ ᠨᠢᠬᠡᠨᠳᠡ | ᠬᠦᠭᠰᠢᠷᠡᠵᠦ ᠴᠢᠳᠠᠪᠤᠷᠢ ᠮᠡᠬᠦᠰ ᠪᠤᠯᠵᠠᠢ᠂ ᠬᠠᠷᠢ ᠶᠢᠨ ᠬᠦᠮᠦᠨ ᠤ ᠲᠤᠤᠷᠠ ᠠᠯᠪᠠ ᠰᠢᠳᠭᠡᠬᠦ ᠦᠬᠡᠢ ᠨᠢ ᠲᠡᠭᠡᠷᠡ︾ | ᠬᠡᠮᠡᠨ ᠠᠮᠪᠠᠨ ᠲᠤᠰᠢᠶᠠᠯ᠂ ᠠᠯᠪᠠᠨ ᠲᠠᠮᠠᠭᠠ ᠪᠠᠨ ᠰᠡᠷᠡᠩᠨᠠᠮᠵᠢᠯ ᠳᠤ ᠲᠤᠰᠢᠶᠠᠭᠰᠠᠨ ᠪᠠᠶᠢᠪᠠ᠃ ᠱᠠᠨᠵᠢᠮᠢᠳᠠᠪ ᠠᠮᠪᠠᠨ | ᠭᠡᠳᠦᠶᠢᠪᠡᠷ ᠬᠠᠭᠤᠴᠢᠨ ᠴᠠᠭ ᠲᠤ ᠨᠤᠶᠠᠨ ᠰᠠᠭᠤᠵᠤ ᠵᠠᠰᠠᠭ ᠪᠠᠷᠢᠵᠤ ᠪᠠᠶᠢᠭᠰᠠᠨ ᠴᠤ ᠬᠠᠷᠢ ᠶᠢᠨ ᠲᠦᠷᠢᠮᠡᠬᠡᠶᠢᠯᠡᠯ | ᠤᠨ ᠡᠮᠦᠨᠡ ᠤᠯᠤᠰ ᠦᠨᠳᠦᠰᠦᠳᠡᠨ ᠤ ᠪᠠᠨ ᠨᠡᠷᠡ ᠬᠦᠨᠳᠦ ᠶᠢ ᠪᠤᠳᠤᠵᠤ᠂ ᠶᠠᠫᠤᠨᠴᠤᠳ ᠲᠤ ᠦᠢᠯᠡᠴᠢᠯᠡᠬᠦ ᠦᠬᠡᠢ | ᠪᠠᠶᠢᠭᠰᠠᠨ ᠤᠯᠤᠰ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠦᠵᠡᠯ ᠨᠢ ᠬᠤᠵᠢᠮ ᠤᠨ ᠬᠦᠮᠦᠰ ᠲᠤ ᠬᠤᠪᠤᠷ ᠨᠠᠨᠳᠢᠨ ᠤᠶᠤᠨ ᠰᠠᠨᠠᠭᠠᠨ ᠤ | ᠦᠪ ᠦᠯᠡᠳᠡᠭᠡᠵᠦ ᠦᠭᠬᠦᠭᠰᠡᠨ ᠪᠢᠯᠡ᠃ |