︵ᠮᠤᠩᠭᠤᠯᠴᠤᠳ ᠪᠤᠯ ᠨᠢᠭᠡᠨ ᠠᠭᠤᠤ ᠶᠡᠭᠡ ᠦᠨᠳᠦᠰᠦᠳᠡᠨ ᠮᠦᠨ᠃ ᠮᠤᠩᠭᠤᠯᠴᠤᠳ ᠲᠤ ᠲᠡᠯᠡᠬᠡᠢ | ᠶᠢᠨ ᠦᠳᠦᠰᠦᠳᠡᠨ ᠶᠠᠰᠤᠳᠠᠨ ᠲᠠᠢ ᠴᠤᠭᠭᠠᠷ ᠤᠷᠴᠢᠯᠠᠩ ᠶᠢᠷᠳᠢᠨᠴᠦ ᠳᠤ ᠡᠬᠦᠰᠦᠨ ᠪᠤᠶᠢᠵᠢᠵᠦ᠂ ᠤᠷᠤᠰᠢᠨ | ᠲᠤᠭᠳᠠᠨᠢᠵᠤ᠂ ᠬᠦᠭᠵᠢᠵᠦ ᠬᠦᠴᠦᠷᠭᠡᠭᠵᠢᠭᠰᠡᠨ ᠲᠡᠤᠬᠡ ᠲᠠᠢ ᠶᠤᠮ᠃ ᠨᠡᠩ ᠴᠤ ᠳᠡᠳᠡᠨ ᠲᠠᠢ ᠬᠠᠮᠳᠤ ᠬᠦᠮᠦᠨ | ᠲᠦᠷᠦᠯᠬᠢᠳᠠᠡ ᠤ ᠬᠦᠭᠵᠢᠯ ᠤᠨ ᠲᠡᠦᠭᠡ ᠶᠢ ᠲᠤᠭᠤᠯᠵᠤ᠂ ᠲᠡᠯᠡᠭᠡᠢ ᠶᠢᠨ ᠲᠡᠦᠬᠡ᠂ ᠰᠤᠶᠤᠯ ᠢ ᠬᠠᠮᠲᠤᠪᠠᠷ | ᠪᠦᠳᠦᠭᠡᠭᠰᠡᠨ ᠤᠯᠨ ᠮᠦᠷ ᠲᠠᠢ ᠶᠤᠮ᠃ ᠡᠬᠦᠨ ᠤ ᠵᠡᠷᠭᠡᠪᠡᠷ᠂ ᠲᠡᠳᠡ ᠨᠢᠭᠡᠨᠳᠡ ᠡᠬᠡ ᠲᠡᠯᠡᠭᠡᠢ ᠠᠴᠠ | ᠦᠪᠯᠡᠬᠦᠯᠦᠭᠰᠡᠨ ᠠᠽᠢᠶᠠ ᠲᠢᠪ ᠤᠨ ᠡᠯᠢᠭᠡᠨ ᠳᠤ ᠨᠢᠬᠡᠨ ︽ᠮᠤᠩᠭᠤᠯ︾ ᠬᠡᠳᠡᠭ ᠪᠤᠰᠤᠳ ᠦᠨᠳᠦᠰᠦᠳᠡᠨ | ᠬᠡᠯᠡᠳᠡᠨ ᠠᠴᠠ ᠢᠯᠭᠠᠭᠳᠠᠬᠤ ᠲᠤᠰᠠᠭᠠᠷ ᠦᠨᠳᠦᠰᠦᠳᠡᠨ ᠢ ᠪᠦᠷᠢᠯᠳᠦᠬᠦᠯᠦᠭᠰᠡᠨ ᠤ ᠬᠤᠪᠢ ᠳᠤ ᠪᠠᠰᠠᠴᠤ | ᠦᠪᠡᠷᠦᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠪᠦᠬᠦᠢ ᠲᠡᠦᠬᠡ᠂ ᠰᠤᠶᠤᠯ ᠢ ᠪᠦᠳᠦᠭᠡᠭᠰᠡᠨ ᠪᠠᠶᠢᠨᠠ᠃ ᠡᠨ᠋ᠨ ᠲᠡᠦᠬᠡ᠂ ᠰᠣᠶᠤᠯ | ᠢ ᠲᠠᠶᠠᠩ ᠲᠡᠯᠡᠬᠡᠢ ᠳᠤ ᠮᠤᠩᠭᠤᠯ ᠲᠡᠦᠬᠡ — ᠮᠤᠩᠭᠤᠯ ᠰᠤᠶᠤᠯ ᠭᠡᠳᠡᠭ᠃ ᠪᠠᠰᠠ ᠲᠡᠬᠦᠨ ᠤ ᠠᠵᠤ ᠠᠬᠤᠢ | ᠶᠢᠨ ᠲᠦᠷᠦᠯ᠂ ᠦᠢᠯᠡᠳᠪᠦᠷᠢᠯᠡᠯ ᠡᠵᠡᠩᠨᠡᠯᠳᠡ ᠶᠢᠨ ᠬᠡᠯᠪᠡᠷᠢ ᠪᠠᠷ ᠨᠢ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠰᠤᠶᠤᠯ᠂ | ᠨᠡᠭᠦᠳᠡᠯ ᠤᠨ ᠰᠤᠶᠤᠯ᠂ ᠮᠤᠷᠢᠨ ᠨᠢᠷᠤᠭᠤᠨ ᠤ ᠰᠤᠶᠤᠯ ᠭᠡᠳᠡᠭ᠃ ᠶᠠᠭᠤ ᠪᠤᠯᠤᠭᠰᠠᠨ ᠴᠤ᠂ ᠪᠦᠬᠦ ᠲᠡᠯᠡᠬᠡᠢ | ᠳᠤ ᠢᠰᠡᠭᠡᠢ ᠲᠤᠭᠤᠷᠭᠠᠳᠠᠨ ᠤ ᠮᠤᠩᠭᠤᠯ ᠰᠤᠶᠤᠯ ᠨᠢ ᠪᠡᠶᠡ ᠪᠠᠨ ᠲᠠᠭᠠᠭᠠᠭᠰᠠᠨ ᠲᠤᠮᠤ ᠰᠤᠶᠤᠯ ᠪᠠᠷ ᠪᠤᠰᠴᠤ᠂ | ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠬᠡᠢ ᠮᠡᠳᠡᠷᠡᠭᠳᠡᠵᠠᠢ᠃︶ | ᠠᠵᠢᠯᠴᠢ ᠮᠤᠩᠭᠤᠯ ᠶᠠᠰᠤᠳᠠᠨ ᠤ ᠨᠢᠭᠡ ᠰᠠᠯᠠᠭᠠ ᠪᠤᠯᠬᠤ ᠵᠡᠬᠦᠨ ᠭᠠᠷ ᠲᠠᠶᠢᠹᠤᠰᠧ — ᠤᠳᠤᠬᠢ | ᠬᠦᠨᠪᠤᠯᠠᠭ ᠤᠨ ᠮᠤᠩᠭᠤᠯᠴᠤᠳ ᠤᠷᠳᠤ ᠬᠤᠭᠤᠴᠠᠭᠠᠨ ᠤ ᠬᠦᠭᠵᠢᠯ ᠤᠨ ᠶᠠᠪᠤᠴᠠ ᠳᠠᠭᠠᠨ ᠲᠡᠳᠡᠨ ᠤ | ᠤᠷᠤᠰᠢᠨ ᠰᠠᠭᠤᠭᠰᠠᠨ ᠭᠠᠵᠠᠷ ᠵᠦᠢ ᠶᠢᠨ ᠪᠠᠶᠢᠷᠢᠰᠢᠯ ᠳᠠᠭᠠᠨ ᠰᠠᠭᠤᠷᠢᠯᠠᠨ᠂ ᠡᠷᠬᠢᠯᠡᠵᠦ ᠡᠵᠡᠩᠨᠡᠭᠰᠡᠨ ᠠᠵᠤ | ᠠᠬᠤᠢ ᠶᠢᠨ ᠲᠦᠷᠦᠯ ᠵᠦᠢᠯ ᠂ ᠡᠰᠡᠨᠢᠵᠦ ᠦᠭᠡᠳᠡᠯᠡᠬᠦ ᠠᠮᠢᠳᠤᠷᠠᠯ ᠤᠨ ᠨᠦᠬᠦᠴᠡᠯ᠂ ᠭᠡᠪᠰᠢᠵᠦ ᠲᠤᠭᠳᠠᠨᠢᠭᠰᠠᠨ | ᠵᠠᠩ ᠲᠠᠳᠬᠠᠯ ᠤᠨ ᠪᠠᠷᠢᠮᠵᠢᠶᠠ ᠵᠡᠷᠭᠡ ᠠᠴᠠ ᠪᠤᠯᠵᠤ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠴᠠᠭᠠᠨ ᠢᠳᠡᠭᠡᠨ ᠤ | ᠬᠡᠪ ᠨᠠᠮᠪᠠ ᠶᠢ ᠪᠦᠷᠢᠨ ᠬᠠᠳᠠᠭᠠᠯᠠᠭᠰᠠᠨ ᠪᠦᠭᠡᠳ ᠠᠮᠢᠵᠢᠷᠠᠯ ᠤᠨ ᠵᠠᠮ ᠳᠠᠭᠠᠨ ᠴᠢᠨᠠᠭᠰᠢᠳᠠ ᠳᠡᠬᠦᠯᠳᠡᠷᠵᠢᠨ | ᠦᠷᠭᠡᠵᠢᠭᠰᠡᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠪᠦᠬᠦᠢ ᠲᠠᠶᠢᠹᠤᠰᠧ ᠴᠠᠭᠠᠨ ᠢᠳᠡᠭᠡ ᠶᠢ ᠡᠬᠦᠳᠦᠨ ᠦᠢᠯᠡᠳᠦᠭᠰᠡᠨ ᠪᠠᠶᠢᠨᠠ᠃ | ᠲᠡᠭᠡᠪᠡᠯ ᠠᠳᠡ ᠲᠠᠶᠢᠹᠤᠰᠧ ᠴᠠᠭᠠᠨ ᠢᠳᠡᠭᠡᠨ ᠤ ᠲᠤᠳᠤᠭᠠᠳᠤ ᠪᠦᠳᠦᠴᠡ ᠳᠠᠬᠢ ᠲᠤᠰ ᠲᠤᠰ ᠤᠨ ᠨᠡᠷᠡᠶᠢᠳᠦᠯ᠂ | ᠬᠤᠭᠤᠷᠤ ᠬᠤᠭᠤᠷᠤᠨᠳᠤ ᠶᠢᠨ ᠬᠤᠯᠪᠤᠭᠠ ᠢᠯᠭᠠᠭᠠ ᠵᠢᠴᠢ ᠦᠢᠯᠡᠳᠪᠦᠷᠢᠯᠡᠬᠦ ᠠᠷᠭᠠ ᠮᠠᠶ᠋ᠢᠭ ᠢ ᠲᠠᠶᠢᠹᠤᠰᠧ | ᠰᠤᠶᠤᠯ ᠤᠨ ᠬᠤᠪᠢ ᠪᠠᠷ ᠲᠤᠪᠴᠢ ᠲᠠᠨᠢᠯᠴᠠᠭᠤᠯᠤᠶᠠ᠃ | ᠰᠦ ᠰᠠᠭᠠᠯᠢ ᠪᠤᠯᠪᠠᠰᠤᠷᠠᠭᠤᠯᠬᠤ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠭᠡᠷ ᠪᠦᠯᠢ ᠶᠢᠨ ᠭᠠᠷ ᠦᠢᠯᠡᠳᠪᠦᠷᠢᠯᠡᠯ ᠤᠨ | ᠴᠢᠬᠤᠯᠨ ᠨᠢᠭᠡᠨ ᠪᠦᠷᠢᠯᠳᠦᠬᠦᠨ ᠪᠤᠯᠤᠨᠠ᠃ ᠲᠠᠶᠢᠹᠤᠰᠧᠴᠤᠳ ᠴᠠᠭᠠᠨ ᠢᠳᠡᠭᠡ ᠶᠢ ᠮᠠᠰᠢ ᠴᠡᠪᠡᠷ ᠨᠠᠷᠢᠯᠢᠭ | ᠪᠤᠯᠪᠠᠰᠤᠷᠠᠭᠤᠯᠳᠠᠭ ᠢᠶᠠᠷ ᠢᠶᠠᠨ ᠠᠯᠳᠠᠷᠳᠠᠢ ᠵᠤᠮ᠃ ᠴᠠᠭᠠᠨ ᠢᠳᠡᠭᠡ ᠶᠢ ᠤᠮᠳᠠᠭᠠᠨ ᠤ ᠵᠦᠢᠯ ᠪᠠ ᠢᠳᠡᠭᠡᠨ ᠤ | ᠵᠦᠢᠯ ᠬᠡᠵᠦ ᠬᠤᠶᠠᠷ ᠠᠩᠬᠢᠯᠠᠨᠠ᠃ ᠤᠮᠳᠠᠭᠠᠨ ᠤ ᠵᠢᠯ ᠳᠤ ᠤᠭᠤᠷᠠᠭ᠂ ᠲᠠᠷᠠᠭ᠂ ᠠᠶᠢᠷᠠᠭ᠂ ᠴᠡᠭᠡ᠂ | ᠬᠤᠭᠤᠷᠮᠠᠭ᠂ ᠡᠰᠭᠡ᠂ ᠠᠷᠢᠬᠢ ᠵᠡᠷᠭᠡ ᠪᠠᠭᠳᠠᠵᠤ᠂ ᠢᠳᠡᠭᠡᠨ ᠤ ᠵᠦᠢᠯ ᠳᠤ ᠬᠤᠷᠤᠳ᠂ ᠪᠢᠰᠢᠯᠠᠭ᠂ ᠵᠦᠬᠡᠬᠡᠢ᠂ | ᠰᠢᠷᠠ ᠴᠠᠭᠠᠨ ᠲᠤᠰᠤ᠂ ᠴᠦᠴᠦᠬᠡᠢ᠂ ᠦᠷᠦᠮᠡ᠂ ᠴᠠᠭᠠ᠂ ᠠᠭᠠᠷᠴᠠ ᠠᠭᠠᠷᠤᠤᠯ᠂ ᠠᠭᠠᠷᠴᠠᠨ ᠬᠤᠷᠤᠳ᠂ ᠴᠤᠷᠠ | ︵ᠡᠭᠡᠵᠡᠬᠡᠢ︶ ᠵᠡᠷᠭᠡ ᠪᠠᠭᠳᠠᠨᠠ᠃ | ᠤᠭᠤᠷᠠᠭ — ᠮᠠᠯ ᠲᠦᠯᠯᠡᠭᠰᠡᠨ ᠤ ᠲᠠᠷᠠᠭᠠ ᠭᠠᠷᠬᠤ ᠦᠳᠭᠡᠨ ᠰᠢᠷᠠ ᠰᠦ ᠶᠢ ᠤᠭᠤᠷᠠᠭ ᠬᠡᠨᠡ᠃ 1 | — 2 ᠬᠤᠨᠤᠭ ᠤᠨ ᠲᠤᠳᠤᠷᠠᠬᠢ ᠶᠢ ᠯᠠᠭ ᠤᠭᠤᠷᠠᠭ ᠬᠡᠵᠦ᠂ 3 —5 ᠬᠤᠨᠤᠭ ᠤᠨ ᠲᠤᠳᠤᠷᠠᠬᠢ ᠶᠢ ᠬᠡᠯᠡᠬᠡᠢ | ᠤᠭᠤᠷᠠᠭ ᠭᠡᠨᠡ᠃ ᠤᠭᠤᠷᠠᠭ ᠢ ᠰᠠᠭᠠᠵᠤ ᠠᠪᠤᠭᠠᠳ ᠪᠤᠳᠠᠭᠠ ᠰᠠᠮᠤᠷᠤᠨ ᠤᠷᠭᠢᠭᠠᠭᠠᠵᠤ ᠤᠤᠭᠤᠬᠤ ᠳᠤ ᠲᠤᠩ | ᠠᠮᠳᠠᠳᠠᠢ ᠪᠦᠭᠡᠳ ᠦᠯ ᠲᠠᠢ᠃ ᠤᠭᠤᠷᠠᠭ ᠢ ᠠᠭᠰᠢᠭᠤᠯᠤᠨ ᠠᠪᠴᠤ ᠬᠠᠳᠠᠭᠠᠭᠠᠳ ᠢᠳᠡᠵᠦ ᠪᠠᠰᠠ ᠪᠤᠯᠳᠠᠭ᠃ | ᠲᠠᠷᠠᠭ — ᠲᠠᠷᠠᠭ ᠢ ᠬᠢᠬᠦ ᠳᠤ ᠲᠦᠬᠦᠭᠡᠢ ᠪᠤᠶᠤ ᠪᠤᠯᠤᠭᠰᠠᠨᠰᠦ᠋ ᠳᠤ ᠢᠰᠭᠡᠯ ᠪᠠ ᠠᠶᠢᠷᠠᠭ ᠣᠨᠬᠦ᠋ᠷᠦᠩᠬᠡ | ᠬᠤᠯᠢᠵᠤ ᠲᠤᠯᠠᠭᠠᠨ ᠭᠠᠵᠠᠷ ᠪᠦᠷᠢᠵᠦ ᠲᠠᠯᠪᠢᠨᠢᠰᠬᠡᠵᠦ ᠬᠢᠨᠡ᠃ ᠲᠠᠷᠠᠭ ᠢ ᠠᠶᠢᠷᠠᠭ ᠮᠡᠳᠦ ᠬᠦᠴᠦᠳᠠᠢ ᠢᠰᠬᠡᠵᠦ | ᠪᠤᠯᠬᠤ ᠦᠬᠡᠢ ᠪᠦᠭᠡᠳ ᠬᠡᠵᠢᠶᠡᠳᠡ ᠢᠰᠬᠦᠯᠡᠩ ᠠᠮᠳᠠ ᠪᠠᠨ ᠬᠠᠳᠠᠭᠠᠯᠠᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ ᠲᠠᠷᠠᠭ ᠪᠤᠯ | ᠰᠢᠮᠡ ᠲᠡᠵᠢᠭᠡᠯ ᠲᠡᠭᠦᠯᠳᠡᠷ ᠠᠮᠳᠠᠳᠤ ᠰᠠᠶᠢᠬᠠᠨ ᠤᠮᠳᠠᠭᠠᠨ ᠪᠦᠭᠡᠳ ᠰᠢᠩᠭᠡᠭᠡᠯᠳᠡ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠪᠠ | ᠡᠪᠡᠳᠴᠢᠨ ᠬᠡᠮ ᠢ ᠴᠤ ᠵᠠᠰᠠᠬᠤ ᠦᠢᠯᠡᠳᠦᠯ ᠲᠠᠢ ᠶᠤᠮ᠃ | ᠠᠶᠢᠷᠠᠭ — ᠠᠶᠢᠷᠠᠭ ᠪᠤᠯ ᠠᠷᠢᠬᠢ ᠨᠡᠷᠡᠬᠦ ᠬᠦᠷᠦᠩᠬᠡ ᠮᠦᠨ᠃ ᠠᠶᠢᠷᠠᠭ ᠢ ᠦᠨᠢᠶᠡᠨ ᠰᠦ ᠪᠠ ᠬᠡᠬᠦᠦ | ᠶᠢᠨ ᠰᠦ ᠪᠠᠷ ᠢᠰᠭᠡᠳᠡᠭ᠃ ᠠᠶᠢᠷᠠᠭ ᠢ ᠢᠰᠭᠡᠬᠦ ᠳᠤ ᠢᠰᠭᠡᠯ ᠪᠤᠶᠤ ᠠᠶᠢᠷᠠᠭ ᠤᠨ ᠬᠦᠷᠦᠩᠭᠡ ᠶᠢ ᠬᠡᠷᠡᠭᠯᠡᠨᠡ | ᠃ ᠢᠰᠭᠡᠭᠰᠡᠨ ᠠᠶᠢᠷᠠᠭ ᠲᠠᠭᠠᠨ ᠡᠳᠦᠷ ᠪᠦᠷᠢ ᠰᠦ ᠨᠡᠮᠡᠵᠦ ᠤᠯᠠᠨ ᠤᠳᠠᠭᠠ ᠪᠦᠯᠢᠨᠡ᠃ ᠠᠶᠢᠷᠠᠭ ᠢ | ᠲᠠᠭᠠᠷᠠᠭᠤᠯᠬᠤ ᠠᠴᠠ ᠬᠢᠴᠢᠶᠡᠵᠦ ᠠᠶᠢᠷᠠᠭ ᠤᠨ ᠭᠠᠩ ᠢ ᠢᠰᠡᠭᠡᠢ ᠪᠠᠷ ᠪᠦᠷᠢᠭᠰᠡᠨ ᠪᠠᠶᠢᠳᠠᠭ᠃ ᠠᠶᠢᠷᠠᠭ ᠢ | ᠪᠦᠯᠢᠬᠦ ᠳᠤ ᠬᠦᠭᠡᠰᠦᠷᠡᠬᠦ ᠦᠬᠡᠢ ᠪᠠᠶᠢᠪᠠᠯ ᠲᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠪᠠᠭᠠᠳᠠᠭᠰᠠᠨ ᠪᠤᠶᠤ ᠰᠦ ᠶᠢᠨ ᠨᠡᠮᠡᠯᠳᠡ | ᠶᠠᠭᠡᠳᠴᠦ᠂ ᠪᠦᠯᠢᠯᠳᠡ ᠶᠢᠨ ᠲᠤᠭᠠ ᠴᠦᠬᠡᠳᠡᠭᠰᠡᠨ ᠤ ᠰᠢᠯᠳᠠᠭᠠᠨ᠃ ᠭᠡᠷᠪᠡ ᠬᠠᠭ᠋ᠠᠷᠠᠭᠠᠳ ᠦᠨᠦᠷ ᠭᠠᠷᠴᠤ | ᠬᠦᠭᠡᠰᠦᠷᠡᠬᠦ ᠦᠭᠡᠢ ᠪᠠᠶᠢᠪᠠᠯ ᠲᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠶᠡᠭᠡᠳᠴᠦ᠂ ᠰᠦᠨ ᠤ ᠨᠡᠮᠡᠯᠳᠡ ᠪᠠᠭᠠᠳᠠᠭᠰᠠᠨ ᠤ ᠰᠢᠨᠵᠢ | ᠪᠤᠯᠤᠨᠠ᠃ ᠪᠦᠯᠢᠭᠡᠳ ᠢᠷᠡᠬᠦ ᠳᠤ ᠬᠦᠭᠡᠰᠦᠷᠡᠨ ᠱᠤᠤᠭᠢᠵᠦ ᠪᠠᠶᠢᠪᠠᠯ ᠠᠶᠢᠷᠠᠭ ᠤᠨ ᠢᠰᠦᠯᠳᠡ ᠬᠦᠢᠴᠡᠨᠡ ᠃ | ᠢᠰᠦᠯᠳᠡ ᠨᠢ ᠬᠦᠢᠴᠡᠪᠡᠯ ᠠᠷᠢᠬᠢ ᠨᠡᠷᠡᠵᠦ ᠪᠤᠯᠤᠨᠠ᠃ ᠢᠰᠦᠯᠳᠡ ᠰᠠᠶᠢᠳᠠᠢ ᠠᠶᠢᠷᠠᠭ ᠢᠶᠠᠷ ᠨᠡᠷᠡᠭᠰᠡᠨ ᠠᠷᠢᠬᠢ | ᠢᠳᠡ ᠬᠦᠴᠦ ᠶᠡᠭᠡᠳᠠᠢ ᠪᠠᠶᠢᠳᠠᠭ᠃ ᠠᠶᠢᠷᠠᠭ ᠪᠤᠯ ᠬᠤᠤᠷ ᠲᠠᠶᠢᠯᠬᠤ ᠴᠢᠳᠠᠯ ᠲᠠᠢ ᠤᠮᠳᠠᠭᠠᠨ ᠃ ᠠᠶᠢᠷᠠᠭ ᠤᠨ | ᠦᠩᠬᠦᠷ ᠢ ᠪᠢᠳᠠᠬᠦᠦ ᠬᠠᠪᠤᠳᠠᠷ ᠲᠤ ᠲᠦᠷᠬᠢᠪᠡᠯ ᠮᠦᠨ ᠬᠤᠤᠷ ᠢ ᠲᠠᠶᠢᠯᠵᠤ ᠴᠢᠳᠠᠨᠠ᠃ | ᠴᠡᠭᠡ — ᠴᠡᠭᠡ ᠪᠤᠯ ᠬᠡᠬᠦᠦ ᠶᠢᠨ ᠰᠦ ᠶᠢ ᠢᠰᠭᠡᠵᠦ ᠬᠢᠭᠰᠡᠨ ᠤᠮᠳᠠᠭᠠᠨ᠃ ᠢᠰᠭᠡᠬᠦ ᠠᠷᠭᠠ ᠨᠢ | ᠦᠨᠳᠦᠰᠦᠨ ᠳᠡᠭᠡᠨ ᠠᠶᠢᠷᠠᠭ ᠲᠠᠢ ᠠᠳᠠᠯᠢ᠂ ᠬᠡᠪᠡᠴᠦ ᠰᠡᠷᠢᠬᠦᠨ ᠭᠠᠵᠠᠷ ᠲᠠᠯᠪᠢᠵᠦ ᠢᠰᠭᠡᠨᠡ᠃ ᠶᠡᠷᠦ ᠠᠴᠠ ᠬᠡᠷ | ᠤᠨ ᠵᠡᠬᠦᠨ ᠲᠠᠯᠠ ᠳᠤ ᠲᠠᠯᠪᠢᠳᠠᠭ ᠪᠠᠶᠢᠨᠠ᠃ ᠬᠠᠯᠠᠭᠤᠨ ᠴᠠᠭ ᠲᠤ ᠪᠠᠰᠠ ᠰᠠᠪᠠᠨ ᠲᠡᠭᠡᠷᠡ ᠨᠢ ᠬᠦᠢᠳᠡᠨ | ᠰᠦᠷᠴᠢᠬᠦ ᠬᠡᠷᠡᠭᠳᠡᠢ᠃ ᠴᠡᠭᠡ ᠪᠤᠯ ᠠᠩᠬᠢᠯᠤᠮᠠ ᠰᠠᠶᠢᠬᠠᠨ ᠦᠨᠦᠷᠳᠡᠢ᠂ ᠰᠢᠬᠢᠷᠯᠢᠭ ᠮᠦᠷᠳᠡᠭᠡᠨ ᠬᠦᠴᠦᠯᠢᠭ ᠠᠮᠳᠠ | ᠲᠠᠢ᠂ ᠨᠠᠶᠢᠷ ᠬᠤᠷᠢᠮ ᠬᠤᠷᠠᠯ ᠴᠤᠭᠯᠠᠭᠠᠨ ᠳᠤ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠬᠡᠢ ᠲᠠᠪᠠᠳᠠᠢ ᠰᠡᠷᠢᠬᠦᠨ ᠤᠮᠳᠠᠭᠠᠨ | ᠪᠦᠭᠡᠳ ᠮᠦᠭᠡᠷᠰᠦᠨ ᠬᠤᠭᠤᠯᠠᠢ ᠶᠢᠨ ᠦᠷᠪᠢᠰᠦᠯ᠂ ᠬᠤᠳᠤᠭᠤᠳᠤ ᠭᠡᠳᠡᠰᠦᠨ ᠤ ᠠᠷᠬᠠᠭ᠂ ᠴᠢᠰᠤ | ᠲᠤᠳᠠᠭᠳᠠᠬᠤ ᠵᠡᠷᠭᠡ ᠡᠪᠡᠳᠴᠢᠨ ᠭᠡᠮ ᠢ ᠠᠨᠠᠭᠠᠨ ᠵᠠᠰᠠᠬᠤ ᠬᠦᠴᠦᠨ ᠴᠢᠳᠠᠯ ᠲᠠᠢ ᠪᠠᠶᠢᠵᠤ ᠤᠨᠴᠠᠭᠠᠶᠢᠯᠠᠨ | ᠠᠭᠤᠰᠬᠢᠨ ᠰᠦᠷᠢᠶᠡ ᠳᠤ ᠮᠡᠳᠡᠭᠳᠡᠮᠡ ᠲᠤᠰᠠᠳᠠᠢ ᠪᠠᠶᠢᠳᠠᠭ᠃ ᠴᠡᠭᠡ ᠶᠢ ᠰᠠᠶᠢᠳᠤᠷ ᠢᠰᠭᠡᠵᠦ ᠪᠠᠶᠢᠭᠠᠳ ᠮᠦᠨ | ᠠᠷᠢᠬᠢ ᠨᠡᠷᠡᠵᠦ ᠪᠤᠯᠤᠨᠠ᠃ | ᠴᠠᠭᠠ — ᠠᠶᠢᠷᠠᠭ ᠢᠶᠠᠨ ᠪᠤᠴᠠᠯᠭᠠᠵᠤ ᠠᠷᠢᠬᠢ ᠨᠡᠷᠡᠵᠦ ᠠᠪᠤᠭᠠᠳ ᠦᠯᠡᠳᠡᠭᠰᠡᠨ ᠢ ᠴᠠᠭᠠ ᠬᠡᠨᠡ᠃ | ᠲᠡᠭᠦᠨ ᠢᠶᠠᠷ ᠭᠤᠤᠯᠳᠠᠭᠤ ᠠᠭᠠᠷᠤᠤᠯ᠂ ᠠᠭᠠᠷᠴᠠᠨ ᠬᠤᠷᠤᠳ᠂ ᠬᠤᠭᠤᠷᠮᠠᠭ ᠬᠢᠨᠡ᠃ ᠴᠠᠭᠠ ᠪᠤᠯ ᠬᠦᠴᠦᠯᠢᠭ | ᠠᠮᠳᠠᠳᠠᠢ ᠰᠠᠶᠢᠬᠠᠨᠤᠮᠳᠠᠭᠠᠨ ᠪᠦᠬᠡᠳ ᠱᠦᠯᠦ ᠲᠠᠢ ᠬᠤᠭᠤᠯᠠᠨ ᠳᠤ ᠭᠤᠶᠤ ᠰᠠᠶᠢᠬᠠᠨ ᠠᠮᠳᠠ ᠰᠢᠮᠳᠡ | ᠤᠷᠤᠭᠤᠯᠳᠠᠭ ᠪᠠᠶᠢᠨᠠ᠃ | ᠬᠤᠭᠤᠷᠮᠠᠭ — ᠬᠤᠭᠤᠷᠮᠠᠭ ᠪᠤᠯ ᠪᠤᠶᠤ ᠭᠤᠤᠯᠳᠠᠭᠤ ᠠᠭᠠᠷᠴᠠ ᠶᠢ ᠬᠠᠯᠠᠭᠤᠨ ᠰᠦ ᠲᠠᠢ ᠬᠤᠳᠬᠤᠵᠤ | ᠲᠦᠷ ᠢᠰᠭᠡᠵᠦ ᠬᠢᠭᠰᠡᠨ ᠤᠮᠳᠠᠭᠠᠨ ᠪᠤᠯᠤᠨᠠ᠃ ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠳᠤ ᠢᠰᠭᠡᠬᠦ ᠦᠬᠡᠢ ᠪᠠᠷ ᠰᠠᠶ᠋ᠢ | ᠰᠠᠭᠠᠭᠰᠠᠨ ᠰᠦ ᠪᠠᠷ ᠬᠤᠳᠬᠤᠵᠤ ᠤᠤᠭᠤᠭᠰᠠᠨ ᠴᠤ ᠪᠤᠯᠤᠨᠠ᠃ | ᠡᠰᠭᠡ — ᠦᠭᠡᠷᠡ ᠨᠡᠷᠡ ᠨᠢ ᠮᠤᠷᠫᠢᠰ᠃ ᠲᠠᠶᠢᠹᠤᠰᠧ ᠵᠡᠭᠦᠨ ᠭᠠᠷ ᠨᠤᠳᠤᠭ ᠤᠨ ᠭᠠᠷᠤᠯᠳᠠ᠃ ᠡᠰᠭᠡ | ᠬᠢᠬᠦ ᠪᠤᠯ ᠭᠠᠳᠠᠭᠠᠳᠤ ᠠᠴᠠ ᠤᠷᠤᠵᠤ ᠢᠷᠡᠭᠰᠡᠨ ᠮᠡᠷᠭᠡᠵᠢᠯ ᠶᠤᠮ᠃ ᠲᠠᠶᠢᠹᠤᠰᠧ ᠨᠤᠳᠤᠭ ᠡᠰᠭᠡ | ᠪᠤᠯᠪᠠᠰᠤᠷᠠᠭᠤᠯᠤᠭᠠᠳ ᠵᠠᠭᠤ ᠰᠢᠬᠠᠮ ᠵᠢᠯ ᠤᠨ ᠲᠡᠤᠬᠡ ᠲᠠᠢ ᠪᠤᠯᠵᠤ ᠪᠠᠶᠢᠨᠠ᠃ ᠡᠰᠭᠡ ᠶᠢ ᠰᠦ ᠪᠠᠷ ᠭᠤᠤᠯ | ᠮᠠᠲ᠋ᠧᠷᠢᠶᠠᠯ ᠪᠤᠯᠭᠠᠵᠤ ᠵᠤᠬᠢᠬᠤ ᠬᠠᠷᠢᠴᠠᠯ ᠤᠨ ᠴᠠᠭᠠᠨ ᠱᠠᠳᠠᠩ᠂ ᠨᠢᠮᠪᠡᠭᠡ ᠶᠢᠨ ᠬᠦᠴᠢᠯ ᠲᠠᠢ ᠨᠠᠶᠢᠷᠠᠭᠤᠯᠵᠤ | ᠬᠢᠳᠡᠭ᠃ ᠪᠤᠯᠪᠠᠰᠤᠷᠠᠭᠤᠯᠬᠤ ᠳᠠᠭᠠᠨ ᠦᠨᠢᠶᠡᠨ ᠰᠦ ᠪᠠᠨ ᠮᠠᠰᠢᠨ ᠳᠤ ᠡᠷᠬᠢᠬᠦᠯᠵᠦ᠂ ᠲᠤᠰᠤᠯᠢᠭ ᠶᠢ ᠨᠢ | ᠢᠯᠭᠠᠷᠠᠭᠤᠯᠤᠨ ᠠᠪᠤᠭᠠᠳ᠂ ᠰᠦ ᠳᠤᠨᠢ ᠱᠠᠳᠠᠩ᠂ ᠨᠢᠮᠪᠡᠭᠡ ᠶᠢᠨ ᠬᠦᠴᠢᠯ ᠬᠤᠯᠢᠵᠤ ᠰᠠᠶᠢᠳᠤᠷ ᠪᠦᠯᠢᠵᠦ | ᠨᠠᠶᠢᠷᠠᠭᠤᠯᠤᠨ ᠰᠢᠯ ᠯᠤᠩᠬᠤ ᠳᠤ ᠰᠠᠪᠠᠯᠠᠵᠤ᠂ ᠠᠮᠠᠰᠠᠷ ᠶᠢ ᠨᠢ ᠴᠢᠩᠭᠠ ᠪᠢᠳᠡᠭᠦᠮᠵᠢᠯᠡᠨᠡ᠃ ᠡᠰᠭᠡ ᠪᠤᠯ ᠰᠦᠨ | ᠤ ᠴᠢᠨᠠᠷ ᠢ ᠬᠠᠳᠠᠭᠠᠯᠠᠭᠰᠠᠨ ᠪᠦᠬᠡᠳ ᠫᠢᠸᠤ᠋ ᠶᠢᠨ ᠰᠢᠨᠵᠢ ᠶᠢ ᠪᠦᠷᠢᠯᠳᠦᠬᠦᠯᠦᠭᠰᠡᠨ ᠬᠠᠪᠤᠳᠠᠢ ᠰᠡᠷᠢᠬᠦᠨ | ᠤᠮᠳᠠᠭᠠᠨ ᠶᠤᠮ᠃ ᠲᠠᠶᠢᠹᠤᠰᠧᠴᠣᠳ ᠴᠡᠭᠡ ᠶᠢᠨ ᠤᠬᠢ ᠶᠢ ᠨᠡᠷᠡᠯᠡᠳᠡᠭ ᠡᠰᠦᠭ ᠬᠡᠮᠡᠬᠦ ᠨᠡᠷᠡ ᠶᠢᠨ ᠤᠳᠬᠠ ᠶᠢ | ᠤᠯᠠᠮᠵᠢᠯᠠᠨ ᠡᠨᠡᠬᠦ ᠤᠮᠳᠠᠭᠠᠨ ᠢᠶᠠᠨ ᠡᠰᠭᠡ ᠬᠡᠵᠦ ᠨᠡᠷᠡᠯᠡᠭᠰᠡᠨ ᠪᠠᠶᠢᠨᠠ᠃ | ᠮᠤᠩᠭᠤᠯ ᠠᠷᠢᠬᠢ — ᠪᠠᠰᠠ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠭᠡᠨᠡ᠃ ᠲᠡᠭᠦᠨ ᠢ ᠢᠰᠦᠯᠳᠡ ᠬᠦᠢᠴᠡᠭᠰᠡᠨ | ᠦᠨᠢᠶᠡᠨ ᠰᠦᠨ ᠤ ᠠᠶᠢᠷᠠᠭ ᠪᠠ ᠭᠡᠬᠦᠦ ᠶᠢᠨ ᠰᠦᠨ ᠤ ᠠᠶᠢᠷᠠᠭ ︵ᠴᠡᠭᠡ︶ ᠢᠶᠠᠷ ᠨᠡᠷᠡᠵᠦ ᠠᠪᠳᠠᠭ᠃ ᠠᠶᠢᠷᠠᠭ | ᠤᠨ ᠢᠰᠦᠯᠳᠡ ᠪᠤᠯ ᠰᠠᠶᠢᠨ ᠠᠷᠢᠬᠢ ᠨᠡᠷᠡᠵᠦ ᠴᠢᠳᠠᠬᠤ ᠡᠰᠡᠬᠦ ᠶᠢᠨ ᠵᠠᠩᠬᠢᠯᠠᠭᠠ ᠪᠤᠯᠤᠨᠠ᠃ ᠬᠡᠬᠦᠦ ᠶᠢᠨ ᠰᠦ | ᠪᠠᠷ ᠨᠡᠷᠡᠭᠰᠡᠨ ᠠᠷᠢᠬᠢ ᠶᠢ ᠭᠡᠬᠦᠨ ᠤ ᠠᠷᠢᠬᠢ ᠭᠡᠵᠦ᠂ ᠦᠨᠢᠶᠡᠨ ᠰᠦ ᠪᠠ ᠭᠡᠬᠦᠦ ᠶᠢᠨ ᠰᠦ ᠶᠢ ᠬᠤᠯᠢᠵᠦ | ᠨᠡᠷᠡᠭᠰᠡᠨ ᠠᠷᠢᠬᠢ ᠶᠢ ᠪᠡᠰᠡᠷᠡᠭ ᠠᠷᠢᠬᠢ ᠭᠡᠳᠡᠭ ᠂ ᠨᠡᠷᠡᠬᠦ ᠠᠷᠭᠠ ᠨᠢ ᠠᠳᠠᠯᠢ᠃ ᠠᠷᠢᠬᠢ ᠨᠡᠷᠡᠭᠦ ᠳᠤ ᠬᠤᠩᠬᠤ᠂ | ᠪᠦᠷᠬᠦᠭᠡᠷ᠂ ᠪᠦᠷᠬᠦᠭᠡᠷ ᠤᠨ ᠤᠷᠢᠶᠠᠯᠳᠠ᠂ ᠵᠢᠯᠡᠪᠴᠢ᠂ ᠸᠠᠭᠠᠷ ᠵᠡᠷᠭᠡ ᠪᠠᠭᠠᠵᠢ ᠰᠠᠪᠠ ᠶᠢ ᠬᠡᠷᠡᠭᠯᠡᠨᠡ᠃ ᠬᠤᠩᠬᠤ | ᠳᠠᠭᠠᠨ ᠠᠶᠢᠷᠠᠭ ᠢᠶᠠᠨ ᠬᠢᠭᠡᠳ ᠲᠡᠭᠡᠷᠡ ᠨᠢ ᠪᠦᠷᠬᠦᠭᠡᠷ ᠢᠶᠠᠨ ᠰᠠᠭᠤᠯᠭᠠᠵᠤ᠂ ᠪᠦᠷᠬᠦᠭᠡᠷ ᠤᠨ ᠴᠢᠬᠢᠨ ᠠᠴᠠ | ᠬᠤᠶᠠᠷ ᠲᠠᠯᠠ ᠳᠠᠭᠠᠨ ᠪᠢᠳᠡᠬᠦᠦ ᠤᠭᠤᠰᠤᠷ ᠪᠦᠬᠦᠢ ᠸᠠᠭᠠᠷ ᠢ ᠪᠦᠷᠬᠦᠭᠡᠷ ᠤᠨ ᠭᠤᠤᠯ ᠳᠤ ᠲᠡᠬᠦᠵᠢᠯᠡᠨᠡ᠃ | ᠪᠦᠷᠬᠦᠭᠡᠷ ᠳᠡᠭᠡᠷᠡ ᠪᠠᠨ ᠵᠢᠯᠡᠪᠴᠢ ᠪᠠᠨ ᠰᠠᠭᠤᠯᠭᠠᠭᠠᠳ ᠲᠤᠳᠤᠷᠠ ᠨᠢ ᠴᠡᠯ ᠬᠦᠢᠳᠡᠨ ᠤᠰᠤ ᠬᠢᠨᠡ᠃ ᠪᠦᠷᠬᠦᠭᠡᠷ | ᠤᠨ ᠢᠷᠤᠭᠠᠷ ᠤᠨ ᠬᠤᠩᠬᠤ ᠳᠤ ᠰᠠᠭᠤᠭᠰᠠᠨ ᠭᠡᠰᠡᠭ ᠪᠠ ᠳᠡᠭᠡᠷᠡᠬᠢ ᠵᠢᠯᠡᠪᠴᠢ ᠰᠠᠭᠤᠯᠭᠠᠭᠰᠠᠨ ᠭᠡᠰᠡᠭ ᠢ | ᠪᠦᠷᠬᠦᠭᠡᠷ ᠶᠢᠨ ᠤᠷᠢᠶᠠᠯᠳᠠ ︵ᠪᠦᠰ ᠢᠶᠠᠷ ᠭᠠᠳᠠᠷᠯᠠᠭᠰᠠᠨ ᠤᠭᠤᠰᠤᠷ ᠲᠠᠢ ᠨᠠᠷᠢᠨ ᠤᠷᠳᠤ ᠢᠰᠡᠭᠡᠢ︶ ᠪᠠᠷ | ᠰᠠᠶᠢᠳᠤᠷ ᠪᠢᠳᠡᠬᠦᠯᠡᠨ ᠤᠷᠢᠶᠠᠵᠤ᠂ ᠲᠡᠭᠦᠪᠡᠷ ᠠᠭᠤᠷ ᠭᠠᠷᠬᠤ ᠶᠢ ᠰᠡᠷᠭᠡᠶᠢᠯᠡᠨᠡ᠃ ᠲᠡᠭᠡᠭᠡᠳ ᠠᠶᠢᠷᠠᠭ ᠢᠶᠠᠨ | ᠪᠤᠴᠠᠯᠭᠠᠪᠠᠯ ᠠᠶᠢᠷᠠᠭ ᠤᠨ ᠠᠭᠤᠷ ᠵᠢᠯᠡᠪᠴᠢ ᠶᠢᠨ ᠬᠦᠢᠳᠡᠨ ᠢᠷᠤᠭᠠᠷ ᠲᠤ ᠬᠦᠷᠴᠦ ᠮᠦᠬᠦᠯᠢᠭᠵᠢᠭᠡᠳ ᠵᠢᠯᠡᠪᠴᠢ | ᠶᠢᠨ ᠬᠦᠢᠰᠦ ᠶᠢ ᠳᠠᠭᠠᠵᠤ ᠸᠠᠭᠠᠷ ᠲᠤ ᠭᠤᠭᠤᠵᠢᠬᠤ ᠪᠤᠯᠤᠨᠠ ᠂ ᠡᠨ᠋ᠨ ᠪᠤᠯ ᠲᠠᠷᠤᠢ ᠠᠷᠢᠬᠢ ᠮᠦᠨ᠃ ᠵᠢᠯᠡᠪᠴᠢ | ᠶᠢᠨ ᠤᠰᠤ ᠪᠦᠯᠢᠶᠡᠰᠪᠡᠯ ᠲᠠᠬᠢᠵᠤ ᠬᠦᠢᠳᠡᠨ ᠤᠰᠤ ᠰᠤᠯᠢᠨᠠ ᠂ ᠢᠩᠬᠢᠵᠦ ᠬᠤᠶᠠᠷ᠂ ᠭᠤᠷᠪᠠ ᠤᠳᠠᠭᠠ | ᠰᠤᠯᠢᠭᠰᠠᠨ ᠤ ᠲᠠᠷᠠᠭᠠ ᠪᠦᠷᠬᠦᠭᠡᠷ ᠢᠶᠠᠨ ᠵᠠᠳᠠᠯᠵᠤ ᠸᠠᠭᠠᠷ ᠲᠠᠢ ᠠᠷᠢᠬᠢ ᠪᠠᠨ ᠲᠠᠷᠤᠶᠢᠬᠠᠨ ᠪᠢᠳᠡᠭᠦᠯᠡᠨ | ᠪᠦᠳᠡᠭᠡᠵᠦ ᠠᠪᠤᠨᠠ᠃ ᠬᠠᠯᠠᠭᠤᠨ ᠠᠷᠢᠬᠢᠨ ᠤ ᠪᠦᠳᠡᠭᠡᠯᠭᠡ ᠶᠢ ᠰᠡᠬᠦᠵᠦ ᠰᠢᠳᠠᠭᠠᠵᠤ ᠦᠵᠡᠬᠦ ᠳᠤ ᠫᠦᠷᠳ᠋᠊ ᠬᠢᠳᠡᠯᠡ | ᠰᠢᠳᠠᠵᠤ ᠪᠠᠶᠢᠪᠠᠯ ᠤᠬᠢ ᠰᠠᠶᠢᠨ ᠠᠷᠢᠬᠢ ᠭᠠᠷᠤᠭᠰᠠᠨ ᠤ ᠲᠡᠮᠳᠡᠭ ᠮᠦᠨ ᠂ ᠬᠤᠶᠠᠷ ᠳᠤᠭᠤᠭᠠᠨ ᠤ ᠠᠷᠢᠬᠢ ︵ | ᠬᠤᠶᠠᠷ ᠤᠳᠠᠭᠠ ᠤᠰᠤ ᠰᠤᠯᠢᠭᠰᠠᠨ︶ ᠤᠯᠠᠩᠬᠢ ᠳᠠᠭᠠᠨ ᠡᠶᠢᠮᠦ ᠪᠠᠶᠢᠳᠠᠭ ᠶᠤᠮ᠃ ᠤᠯᠠᠨ ᠤᠳᠠᠭᠠ ᠤᠰᠤ | ᠰᠤᠯᠢᠪᠠᠯ ᠠᠷᠢᠬᠢ ᠰᠣᠯᠠᠷᠠᠨᠠ᠃ ᠠᠷᠢᠬᠢ ᠶᠢ ᠪᠤᠳᠤᠩ ᠳᠤ ᠠᠭᠤᠳᠠᠯᠠᠵᠤ᠂ ᠠᠮᠠᠰᠠᠷ ᠶᠢ ᠨᠢ ᠨᠢᠬᠳᠠ | ᠪᠢᠳᠡᠭᠦᠮᠵᠢᠯᠡᠨ᠂ ᠬᠤᠨᠢᠨ ᠬᠤᠷᠤᠭᠠᠨ ᠤ ᠬᠦᠷᠵᠡᠩ ᠲᠤᠤᠷᠠ ᠪᠤᠯᠠᠭᠠᠳ ᠵᠢᠯ ᠦᠨᠵᠢᠪᠡᠯ ᠬᠤᠷᠰᠢᠭᠠᠮᠠᠯ ᠰᠠᠶᠢᠨ | ᠠᠷᠢᠬᠢ ᠪᠤᠯᠤᠨᠠ᠃ ᠡᠬᠦᠨ ᠢ ᠵᠢᠯ ᠤᠨ ᠲᠤᠭᠠ ᠪᠠᠷ ᠨᠢ ᠰᠢᠳᠦᠯᠡᠩ ᠠᠷᠢᠬᠢ᠂ ᠬᠢᠵᠠᠯᠠᠩ ᠠᠷᠢᠬᠢ᠂ ᠰᠤᠶᠤᠯᠠᠩ | ᠠᠷᠢᠬᠢ ᠬᠡᠵᠦ ᠨᠡᠷᠡᠯᠡᠳᠡᠭ᠃ ᠠᠶᠢᠷᠠᠭ ᠳᠡᠭᠡᠷᠡ ᠪᠠᠨ ᠠᠷᠢᠬᠢ ᠨᠡᠮᠡᠵᠦ ᠂ ᠲᠠᠬᠢᠵᠦ ᠲᠡᠭᠡᠷᠡᠬᠢ ᠠᠷᠭᠠ ᠪᠠᠷ ᠨᠡᠷᠡᠵᠦ | ᠠᠪᠤᠭᠰᠠᠨ ᠠᠷᠢᠬᠢ ᠶᠢ ᠬᠠᠷᠢᠭᠤᠯᠭᠠ ᠭᠡᠨᠡ᠃ ᠠᠷᠢᠬᠢ ᠪᠠᠨ ᠬᠠᠷᠢᠭᠤᠯᠵᠤ ᠨᠡᠷᠡᠭᠰᠡᠨ ᠢ ᠠᠷᠠᠵᠠ ᠬᠡᠵᠦ᠂ ᠠᠷᠠᠵᠠ | ᠪᠠᠨ ᠬᠠᠷᠢᠭᠤᠯᠵᠤ ᠨᠡᠷᠡᠭᠰᠡᠨ ᠢ ᠰᠢᠷᠠᠵᠠ ᠬᠡᠵᠦ᠂ ᠰᠢᠷᠠᠵᠠ ᠪᠠᠨ ᠬᠠᠷᠢᠭᠤᠯᠵᠤ ᠨᠡᠷᠡᠭᠰᠡᠨ ᠢ ᠬᠤᠷᠠᠵᠠ ᠬᠡᠨᠡ᠃ | ᠮᠤᠩᠭᠤᠯ ᠠᠷᠢᠬᠢ ᠢᠯᠠᠩᠭᠤᠶᠠ ᠬᠡᠭᠦᠨ ᠰᠦᠨ ᠤ ᠠᠷᠢᠬᠢ ᠪᠤᠯ ᠰᠢᠩᠬᠡᠭᠡᠯᠳᠡ ᠰᠠᠶᠢᠵᠢᠷᠠᠭᠤᠯᠬᠤ᠂ ᠰᠠᠯᠬᠢ ᠴᠢᠬᠢᠭ | ᠠᠴᠠ ᠪᠤᠯᠤᠭᠰᠠᠨ ᠬᠦᠯ ᠨᠢᠷᠤᠭᠤᠨ ᠤ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠪᠠ ᠪᠡᠶᠡ ᠲᠠᠮᠢᠷᠵᠢᠭᠤᠯᠵᠤ ᠡᠪᠡᠳᠴᠢᠨ ᠢ | ᠡᠰᠡᠷᠬᠦᠴᠡᠬᠦ ᠴᠢᠳᠠᠯ ᠢ ᠨᠡᠮᠡᠭᠳᠡᠬᠦᠯᠬᠦ ᠦᠢᠯᠡᠳᠦᠯ ᠲᠠᠢ᠃ ᠠᠷᠢᠬᠢ ᠨᠡᠷᠡᠬᠦ ᠳᠤ ᠤᠷᠢᠶᠠᠯᠳᠠ ᠶᠢᠨ ᠪᠠᠬᠢ ᠦᠬᠡᠢ | ᠪᠤᠶᠤ ᠪᠦᠷᠬᠦᠭᠡᠷ ᠤᠨ ᠬᠠᠭᠰᠠᠭᠰᠠᠨ ᠠᠴᠠ ᠪᠤᠯᠵᠤ ᠠᠭᠤᠷ ᠭᠠᠳᠠᠭᠰᠢᠯᠠᠪᠠᠯ ᠠᠷᠢᠬᠢ ᠬᠦᠴᠦ ᠮᠠᠭᠤᠳᠠᠢ ᠪᠤᠯᠤᠨᠠ ᠂ | ᠡᠬᠦᠨ ᠢ ᠰᠤᠪᠰᠤ ᠭᠡᠳᠡᠭ᠃ ᠮᠤᠩᠭᠤᠯ ᠠᠷᠢᠬᠢ ᠪᠤᠯ ᠠᠮᠳᠠ ᠳᠡᠬᠦᠯᠳᠡᠷ ᠢᠳᠡᠭᠡᠨ ᠤ ᠳᠡᠭᠡᠵᠢ ᠪᠦᠬᠡᠳ ᠬᠤᠷᠢᠮ | ᠨᠠᠶᠢᠷ ᠪᠠᠶᠠᠷ ᠴᠡᠩᠬᠡᠯ ᠤᠨ ᠲᠡᠭᠡᠳᠦ ᠤᠮᠳᠠᠭᠠᠨ ᠪᠤᠯᠤᠨᠠ᠃ | ᠵᠦᠬᠡᠭᠡᠢ — ᠵᠦᠬᠡᠭᠡᠢ ᠪᠤᠯ ᠰᠦᠨ ᠤ ᠲᠤᠰᠤᠯᠢᠭ ᠢᠳᠡᠭᠡᠨ ᠪᠤᠯᠤᠨᠠ᠃ ᠵᠤᠨ ᠤ ᠴᠠᠭ ᠲᠤ | ᠰᠠᠭᠠᠭᠰᠠᠨ ᠰᠦ ᠪᠠᠨ ᠸᠠᠭᠠᠷ ᠰᠠᠪᠠᠨ ᠳᠤ ᠬᠢᠵᠦ ᠰᠡᠷᠢᠬᠦᠨ ᠭᠠᠵᠠᠷ ᠬᠦᠳᠡᠯᠭᠡᠯ ᠦᠬᠡᠢ ᠲᠠᠯᠪᠢᠪᠠᠯ ᠪᠠᠷᠤᠭ48 ᠴᠠᠭ | ᠤᠨ ᠲᠤᠳᠤᠷᠠ ᠰᠦ ᠡᠭᠡᠳᠡᠨᠡ᠂ ᠡᠭᠡᠳᠡᠭᠰᠡᠨ ᠰᠦᠨ ᠤ ᠲᠡᠭᠡᠷᠡ ᠲᠠᠯᠠ ᠳᠤ ᠦᠳᠭᠡᠨ ᠲᠤᠰᠤᠯᠢᠭ ᠨᠢ ᠢᠯᠭᠠᠷᠠᠨ | ᠭᠠᠷᠬᠤ ᠦᠶᠡᠰ ᠲᠡᠭᠦᠨ ᠢ ᠰᠦᠨ ᠠᠴᠠ ᠨᠢ ᠳᠡᠭᠡᠭᠦᠷ ᠬᠠᠮᠤᠵᠤ ᠠᠪᠤᠭᠰᠠᠨ ᠢ ᠵᠦᠬᠡᠬᠡᠢ ᠬᠡᠨᠡ᠃ ᠵᠦᠬᠡᠭᠡᠢ ᠪᠤᠯ | ᠰᠢᠷᠠ ᠴᠠᠭᠠᠨ ᠲᠤᠰᠤᠨ ᠤ ᠡᠬᠢ ᠮᠠᠲ᠋ᠧᠷᠢᠶᠠᠯ ᠪᠤᠯᠬᠤ ᠪᠦᠭᠡᠳ ᠴᠠᠢ ᠨᠡᠶᠢᠯᠡᠬᠦᠯᠵᠦ᠂ ᠪᠤᠤᠪᠤ ᠪᠤᠭᠤᠷᠰᠤᠭ ᠲᠦᠷᠢᠵᠦ | ᠢᠳᠡᠬᠦ ᠮᠡᠳᠦ ᠪᠠᠷ ᠲᠡᠷᠡ ᠬᠡᠪ ᠢᠶᠠᠷ ᠨᠢ ᠬᠡᠷᠡᠭᠯᠡᠵᠦ ᠴᠤ ᠪᠤᠯᠤᠨᠠ᠃ ᠵᠦᠭᠡᠭᠡᠢ ᠲᠠᠢ ᠪᠤᠳᠠᠭᠠ ᠵᠢᠭᠤᠷᠠᠵᠤ ᠢᠳᠡᠬᠦ | ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠢᠳᠡᠭᠡᠨ ᠤ ᠳᠡᠭᠡᠳᠦ ᠶᠢᠨ ᠨᠢᠭᠡ ᠪᠤᠯᠤᠨᠠ᠂ ᠬᠢᠬᠦ ᠠᠷᠭᠠ ᠨᠢ᠄ ᠲᠤᠮᠳᠠᠭᠤᠷ ᠠᠶᠠᠭᠠ | ᠬᠢᠷᠢᠳᠠᠢ ᠬᠠᠭᠤᠷᠤᠭᠰᠠᠨ ᠪᠤᠳᠠᠭᠠ ︵ᠬᠠᠭᠤᠷᠠᠢ ᠪᠤᠳᠠᠭᠠ︶ ᠶᠢ ᠪᠤᠴᠠᠯᠤᠭᠰᠠᠨ ᠤᠰᠤᠨ ᠳᠤ ᠵᠠᠶᠢᠯᠠᠵᠤ | ᠳᠡᠪᠳᠦᠭᠡᠭᠰᠡᠨ ᠤ ᠲᠠᠷᠠᠭᠠ ᠤᠰᠤ ᠶᠢ ᠨᠢ ᠰᠢᠪᠬᠠᠷᠠᠨ ᠠᠰᠬᠠᠵᠤ ᠂ ᠲᠡᠭᠡᠷᠡ ᠨᠢ ᠬᠤᠷᠤᠭᠤ ᠵᠤᠵᠠᠭᠠᠨ ᠬᠦᠰᠢᠭᠰᠡᠨ | ᠵᠦᠭᠡᠭᠡᠢ ᠪᠠᠨ ᠰᠢᠨᠠᠭᠠ ᠰᠢᠬᠠᠮ ᠬᠢᠵᠦ ᠵᠢᠭᠤᠷᠠᠪᠠᠯ ᠪᠤᠯᠴᠢᠬᠠᠨᠠ᠂ ᠠᠮᠳᠠᠳᠠᠢ ᠢᠳᠡᠬᠦ ᠭᠡᠪᠡᠯ ᠪᠤᠷᠠᠮ᠂ ᠱᠠᠳᠠᠩ | ᠬᠢᠵᠦ ᠬᠤᠳᠬᠤᠨᠠ᠃ ᠡᠭᠡᠳᠡᠭᠰᠡᠨ ᠰᠦ ᠪᠠ ᠵᠦᠬᠡᠭᠡᠢ ᠶᠢᠨ ᠵᠠᠪᠰᠠᠷ ᠲᠠᠬᠢ ᠰᠦ ᠵᠦᠬᠡᠭᠡᠢ ᠶᠢᠨ ᠬᠤᠯᠢᠮᠠᠭ ᠢ | ᠰᠢᠩᠭᠡ ᠬᠡᠳᠡᠭ᠂ ᠮᠦᠨᠴᠦ ᠰᠠᠶᠢᠬᠠᠨ ᠰᠡᠷᠢᠬᠦᠨ ᠤᠮᠳᠠᠭᠠᠨ ᠶᠤᠮ᠃ | ᠰᠦᠨ ᠬᠤᠷᠤᠳ — ᠰᠦᠨ ᠬᠤᠷᠤᠳ ᠪᠤᠯ ᠲᠠᠶᠢᠹᠤᠰᠧ ᠨᠤᠳᠤᠭ ᠤᠨ ᠮᠠᠯᠴᠢᠨ ᠡᠷᠦᠬᠡ ᠪᠦᠬᠦᠨ ᠤ | ᠨᠡᠶᠢᠳᠡᠮ ᠬᠢᠵᠦ ᠬᠡᠷᠡᠭᠯᠡᠳᠡᠭ ᠭᠤᠤᠯ ᠴᠠᠭᠠᠨ ᠢᠳᠡᠭᠡ ᠮᠦᠨ᠃ ᠵᠦᠭᠡᠭᠡᠢ ᠶᠢ ᠬᠠᠮᠤᠵᠤ ᠠᠪᠤᠭᠰᠠᠨ ᠤ ᠲᠠᠷᠠᠭᠠ | ᠦᠯᠡᠳᠡᠭᠰᠡᠨ ᠰᠦᠨ ᠤ ᠡᠭᠡᠳᠡᠮ ︵ᠡᠭᠡᠳᠡᠭᠰᠡᠨ ᠰᠦ︶ ᠢᠶᠠᠨ ᠲᠤᠭᠤᠭᠠᠨ ᠳᠤ ᠬᠢᠵᠦ ᠵᠦᠬᠡᠯᠡᠨ ᠭᠠᠯ ᠢᠶᠠᠷ | ᠪᠤᠴᠠᠯᠭᠠᠪᠠᠯ ᠰᠢᠷᠠ ᠤᠰᠤ ᠪᠤᠯᠤᠨ ᠡᠭᠡᠵᠡᠭᠡᠢ ᠨᠢ ᠢᠯᠭᠠᠷᠠᠨᠠ᠃ ᠰᠢᠷᠠ ᠤᠰᠤ ᠶᠢ ᠨᠢ ᠰᠠᠶᠢᠳᠤᠷ ᠱᠦᠬᠦᠵᠦ | ᠠᠪᠤᠭᠠᠳ ᠦᠯᠡᠳᠡᠭᠰᠡᠨ ᠡᠭᠡᠵᠡᠭᠡᠢ ᠶᠢ ᠰᠠᠶᠢᠳᠤᠷ ᠨᠤᠬᠤᠨ ᠨᠡᠶᠢᠴᠡᠬᠦᠯᠵᠦ᠂ ᠤᠷᠠᠯᠢᠭ ᠰᠠᠶᠢᠬᠠᠨ ᠰᠡᠶᠢᠯᠦᠭᠰᠡᠨ | ᠶᠠᠩᠵᠤ ᠪᠦᠷᠢ ᠶᠢᠨ ᠬᠡᠪ ᠲᠤ ᠲᠠᠷᠤᠰᠢᠭᠤᠯᠵᠤ ᠠᠪᠬᠤ ᠪᠤᠶᠤ ᠬᠠᠪᠳᠠᠭᠠᠶᠢᠯᠠᠨ ᠲᠠᠷᠤᠵᠤ ᠡᠭᠡᠷᠡᠭᠡᠭᠡᠳ ᠭᠡᠷᠴᠢᠵᠦ | ᠬᠠᠳᠠᠭᠠᠪᠠᠯ ᠰᠦᠨ ᠬᠤᠷᠤᠳ ᠪᠤᠯᠤᠨᠠ᠃ ᠬᠡᠪᠯᠡᠭᠰᠡᠨ ᠶᠢ ᠬᠡᠪ ᠤᠨ ᠬᠤᠷᠤᠳ ᠬᠡᠵᠦ ᠂ ᠭᠡᠷᠴᠢᠵᠦ ᠬᠠᠳᠠᠭᠠᠭᠰᠠᠨ | ᠢ ᠭᠡᠷᠴᠢᠮᠡᠯ ᠬᠡᠳᠡᠭ᠃ ᠬᠤᠷᠤᠳ ᠢ ᠲᠤᠭᠤᠭᠠᠨ ᠳᠤ ᠨᠤᠬᠤᠬᠤ ᠦᠶᠡ ᠳᠡᠭᠡᠨ ᠰᠢᠬᠢᠷ ᠪᠤᠶᠤ ᠪᠤᠷᠠᠮ ᠬᠤᠯᠢᠵᠤ | ᠬᠢᠪᠡᠯ ᠢᠳᠡᠬᠦ ᠳᠤ ᠠᠮᠳᠠᠳᠠᠢ ᠪᠦᠭᠡᠳ ᠠᠶᠢᠬᠤᠪᠳᠤᠷ ᠬᠠᠳᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠬᠤᠷᠤᠳ ᠢ ᠭᠤᠤᠯᠳᠠᠭᠤ ᠴᠠᠢ | ᠳᠤ ᠲᠡᠪᠳᠦᠭᠡᠵᠦ ᠢᠳᠡᠬᠦ ᠪᠤᠶᠤ ᠰᠢᠭᠤᠳ ᠢᠳᠡᠭᠰᠡᠨ ᠴᠤ ᠪᠤᠯᠤᠨᠠ ᠃ | ᠪᠢᠰᠢᠯᠠᠭ — ᠪᠢᠰᠢᠯᠠᠭ ᠲᠤ ᠪᠤᠯᠤᠭᠰᠠᠨ ᠰᠦᠨ ᠤ ᠪᠢᠰᠢᠯᠠᠭ᠂ ᠲᠦᠬᠦᠭᠡᠢ ᠰᠦᠨ ᠤ ᠪᠢᠰᠢᠯᠠᠭ ᠬᠡᠵᠦ | ᠬᠤᠶᠠᠷ ᠵᠦᠢᠯ ᠪᠤᠢ᠃ ᠦᠷᠦᠮᠡ ᠬᠦᠭᠡᠷᠦᠬᠦᠯᠵᠦ ᠠᠪᠤᠭᠰᠠᠨ ᠪᠤᠯᠤᠭᠰᠠᠨ ᠰᠦᠨ ᠤ ᠡᠭᠡᠳᠡᠮ ᠢᠶᠠᠷ ᠰᠢᠬᠠᠭᠰᠠᠨ ᠢ | ᠪᠤᠯᠤᠭᠰᠠᠨ ᠰᠦᠨ ᠤ ᠪᠢᠰᠢᠯᠠᠭ ᠬᠡᠵᠦ᠂ ᠡᠭᠡᠳᠡᠭᠰᠡᠨ ᠰᠦ ᠬᠤᠯᠢᠵᠤ ᠰᠢᠬᠠᠭᠰᠠᠨ ᠢ ᠲᠦᠬᠦᠭᠡᠢ ᠰᠦᠨ ᠤ ᠪᠢᠰᠢᠯᠠᠭ | ᠭᠡᠨᠡ᠃ ᠪᠢᠰᠢᠯᠠᠭ ᠢ ᠮᠦᠨ ᠬᠤᠷᠤᠳ ᠬᠢᠬᠦ ᠲᠠᠢ ᠠᠳᠠᠯᠢ ᠪᠤᠴᠠᠯᠭᠠᠵᠤ᠂ ᠡᠭᠡᠳᠡᠮ ᠦᠳᠭᠡᠷᠡᠬᠦ ᠦᠶᠡᠰ ᠴᠡᠪᠡᠷ | ᠴᠠᠭᠠᠨ ᠪᠦᠰᠡᠨ ᠳᠡᠭᠡᠷᠡ ᠱᠦᠬᠦᠵᠦ ᠭᠠᠷᠭᠠᠭᠠᠳ᠂ ᠰᠢᠷᠠ ᠤᠰᠤ ᠶᠢ ᠨᠢ ᠰᠠᠶᠢᠳᠤᠷ ᠰᠢᠪᠬᠠᠵᠤ ᠬᠠᠪᠳᠠᠭᠠᠶᠢᠯᠠᠨ | ᠭᠡᠪᠰᠢᠬᠦᠯᠦᠭᠡᠳ᠂ ᠲᠤᠰᠬᠠᠢ ᠪᠡᠯᠡᠳᠭᠡᠭᠰᠡᠨ ᠬᠤᠶᠠᠷ ᠮᠤᠳᠤᠨ ᠬᠠᠪᠳᠠᠰᠤ ᠶᠢᠨ ᠵᠠᠪᠰᠠᠷ ᠲᠠᠯᠪᠢᠵᠦ ᠲᠡᠭᠡᠷᠡ ᠠᠴᠠ ᠨᠢ | ᠴᠢᠯᠠᠭᠤ ᠵᠡᠷᠭᠡ ᠬᠦᠨᠳᠦ ᠶᠠᠭᠤᠮᠠ ᠪᠠᠷ ᠲᠠᠷᠤᠵᠤ ᠤᠰᠤ ᠶᠢ ᠪᠦᠷᠢᠨ ᠰᠢᠪᠬᠠᠷᠠᠭᠠᠵᠤ ᠠᠪᠤᠨᠠ᠃ ᠪᠢᠰᠢᠯᠠᠭ ᠤᠨ | ᠦᠩᠭᠡ ᠨᠢ ᠰᠢᠷᠠ᠂ ᠠᠮᠳᠠ ᠨᠢ ᠰᠢᠬᠢᠷᠯᠢᠭ᠂ ᠨᠤᠶᠢᠳᠠᠨ ᠢᠶᠠᠷ ᠵᠦᠰᠦᠵᠦ ᠢᠳᠡᠬᠦ ᠳᠤ ᠲᠤᠩ ᠰᠠᠶᠢᠬᠠᠨ ᠠᠮᠳᠠᠳᠠᠢ᠂ | ᠵᠤᠨ ᠤ ᠴᠠᠭ ᠲᠤ ᠪᠠᠷᠢᠨ ᠢᠳᠡᠵᠦ ᠪᠤᠯᠬᠤ ᠪᠦᠭᠡᠳ ᠴᠠᠢ ᠶᠢᠨ ᠬᠢᠴᠡ ᠳᠤ ᠲᠤᠩ ᠲᠤᠬᠢᠷᠠᠮᠵᠢᠳᠠᠢ᠃ | ᠰᠢᠷᠠ ᠴᠠᠭᠠᠨ ᠲᠤᠰᠤ — ᠵᠦᠭᠡᠭᠡᠢ ᠪᠠᠨ ᠸᠠᠭᠠᠷ ᠰᠠᠪᠠᠨ ᠳᠤ ᠬᠢᠵᠦ ᠬᠤᠳᠬᠤᠪᠠᠯ ᠲᠤᠰᠤ ᠨᠢ | ᠪᠦᠭᠡᠮᠨᠡᠷᠡᠵᠦ ᠢᠯᠭᠠᠷᠠᠨ ᠭᠠᠷᠤᠨᠠ᠂ ᠡᠬᠦᠨ ᠢ ᠴᠠᠭᠠᠨ ᠲᠤᠰᠤ ᠭᠡᠳᠡᠭ᠃ ᠢᠯᠭᠠᠷᠠᠨ ᠭᠠᠷᠤᠭᠰᠠᠨ ᠰᠦᠮᠦᠰᠦ ᠶᠢ | ᠮᠦᠨ ᠰᠢᠩᠭᠡ ᠬᠡᠵᠦ᠂ ᠡᠭᠦᠨ ᠢ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠶᠢᠨ ᠬᠦᠷᠦᠩᠭᠡ ᠪᠤᠯᠭᠠᠵᠤ ᠪᠤᠯᠤᠨᠠ᠃ ᠴᠠᠭᠠᠨ ᠲᠤᠰᠤ | ᠶᠢ ᠲᠡᠷᠨ ᠭᠡᠪ ᠢᠶᠠᠷ ᠨᠢ ᠢᠳᠡᠵᠦ ᠭᠡᠷᠡᠭᠯᠡᠬᠦ ᠪᠠ ᠬᠠᠳᠠᠭᠠᠯᠠᠵᠤ ᠪᠤᠯᠤᠨᠠ᠃ ᠬᠠᠳᠠᠭᠠᠯᠠᠬᠤ ᠲᠠᠭᠠᠨ ᠰᠦᠮᠦᠰᠦ ᠶᠢ | ᠨᠢ ᠰᠠᠶᠢᠳᠤᠷ ᠰᠢᠪᠬᠠᠷᠠᠭᠠᠭᠠᠳ ᠪᠠᠭᠠ ᠬᠡᠮᠵᠢᠶᠡᠨ ᠤ ᠨᠠᠷᠢᠯᠢᠭ ᠲᠠᠪᠤᠰᠤ ᠬᠤᠯᠢᠵᠤ ᠂ ᠰᠠᠶᠢᠳᠤᠷ ᠨᠤᠬᠤᠵᠤ | ᠨᠡᠶᠢᠴᠡᠭᠦᠯᠦᠨ ᠰᠡᠷᠢᠬᠦᠨ ᠭᠠᠵᠠᠷ ᠲᠠᠯᠪᠢᠵᠤ ᠬᠠᠳᠠᠭᠠᠯᠠᠨᠠ᠃ ᠴᠠᠭᠠᠨ ᠲᠤᠰᠤ ᠪᠠᠨ ᠪᠤᠴᠠᠯᠭᠠᠨ ᠬᠠᠶᠢᠯᠠᠭᠤᠯᠵᠤ ᠰᠢᠷᠠ | ᠲᠤᠰᠤ ᠪᠤᠯᠪᠠᠰᠤᠷᠠᠭᠤᠯᠤᠨ ᠠᠪᠤᠨᠠ᠃ ᠰᠢᠷᠠ ᠲᠤᠰᠤ ᠪᠤᠯ ᠬᠦᠮᠦᠨ ᠤ ᠪᠡᠶᠡ ᠳᠤ ᠲᠡᠵᠢᠭᠡᠯ ᠰᠠᠶᠢᠳᠠᠢ ᠪᠦᠬᠡᠳ | ᠢᠳᠡ ᠢᠯᠴᠢ ᠶᠢ ᠨᠡᠮᠡᠭᠳᠡᠬᠦᠯᠬᠦ ᠴᠢᠳᠠᠯ ᠲᠠᠢ ᠤᠬᠢ ᠰᠠᠶᠢᠨ ᠢᠳᠡᠭᠡᠨ ᠮᠦᠨ᠃ ᠰᠢᠷᠠ ᠲᠤᠰᠤ ᠲᠠᠢ᠂ ᠪᠤᠳᠠᠭᠠ | ᠲᠠᠢ ᠴᠠᠢ ᠤᠤᠭᠤᠬᠤ ᠪᠤᠯ ᠮᠤᠩᠭᠤᠯᠴᠣᠳ ᠤᠨ ᠪᠠᠰᠠ ᠨᠢᠭᠡ ᠤᠨᠴᠠᠯᠢᠭᠳᠤ ᠢᠳᠡᠭᠡᠨ᠃ ᠰᠢᠷᠠ ᠲᠤᠰᠤ ᠶᠢ ᠪᠠᠰᠠ | ᠴᠠᠢ ᠬᠤᠭᠤᠯᠠᠨ ᠳᠠᠭᠠᠨ ᠰᠠᠮᠤᠷᠴᠤ ᠠᠮᠳᠠ ᠤᠷᠤᠭᠤᠯᠵᠤ ᠪᠤᠯᠤᠨᠠ᠂ ᠶᠢᠤᠮᠠᠢ ᠶᠢᠨ ᠭᠤᠯᠢᠷ ᠲᠠᠢ ᠵᠢᠭᠤᠷᠠᠵᠤ | ᠢᠳᠡᠵᠦ ᠪᠤᠯᠤᠨᠠ᠂ ᠵᠤᠯᠨ ᠠᠰᠠᠭᠠᠵᠤ ᠪᠤᠯᠤᠨᠠ᠂ ᠡᠮ ᠤᠨ ᠬᠦᠯᠭᠡ ᠳᠤ ᠤᠷᠤᠵᠤ ᠡᠪᠡᠳᠴᠢᠨ ᠡᠮᠭᠡᠭ ᠢ ᠪᠠᠰᠠ | ᠵᠠᠰᠠᠳᠠᠭ᠂ ᠰᠢᠮᠡ ᠲᠡᠵᠢᠭᠡᠯ ᠶᠡᠬᠡᠳᠠᠢ ᠪᠤᠯᠬᠤᠷ ᠤᠰᠤᠭᠤᠵᠤ ᠪᠡᠭᠡᠷᠡᠭᠰᠡᠨ ᠬᠦᠮᠦᠨ ᠮᠠᠯ ᠳᠤ ᠰᠢᠷᠠ ᠲᠤᠰᠤ | ᠴᠢᠳᠬᠤᠵᠤ ᠦᠭᠪᠡᠯ ᠢᠯᠴᠢ ᠨᠡᠮᠡᠭᠳᠡᠵᠦ ᠲᠠᠷᠤᠢ ᠲᠡᠩᠭᠡᠷᠡᠳᠡᠭ ᠪᠠᠶᠢᠨᠠ᠃ ᠰᠢᠷᠠ ᠴᠠᠭᠠᠨ ᠲᠤᠰᠤ ᠶᠢ ᠬᠤᠨᠢᠨ ᠤ | ᠤᠯᠤᠭᠠᠢ ᠬᠦᠵᠡᠭᠡ ᠪᠤᠶᠤ ᠰᠢᠯ ᠱᠠᠭᠠᠵᠠᠩ᠂ ᠸᠠᠭᠠᠷ ᠪᠤᠳᠤᠩ ᠳᠤ ᠰᠠᠪᠠᠯᠠᠵᠤ ᠲᠦᠷᠪᠡᠨ ᠤᠯᠠᠷᠢᠯ ᠳᠤ | ᠬᠠᠳᠠᠭᠠᠯᠠᠵᠤ ᠭᠡᠷᠡᠭᠯᠡᠵᠦ ᠪᠤᠯᠤᠨᠠ ᠃ | ᠴᠦᠴᠦᠭᠡᠢ — ᠰᠢᠷᠠ ᠲᠤᠰᠤ ᠢᠯᠭᠠᠷᠠᠭᠤᠯᠤᠨ ᠪᠤᠯᠪᠠᠰᠤᠷᠠᠭᠤᠯᠵᠤ ᠭᠠᠷᠭᠠᠭᠰᠠᠨ ᠰᠢᠭᠠᠷᠤ ᠶᠢ ᠴᠦᠴᠦᠭᠡᠢ | ᠬᠡᠨᠡ᠃ ᠴᠦᠴᠦᠭᠡᠢ ᠪᠤᠯ ᠮᠦᠨ ᠴᠤ ᠬᠦᠴᠦᠯᠢᠭ ᠠᠮᠳᠠᠳᠠᠢ ᠰᠠᠶᠢᠬᠠᠨ ᠢᠳᠡᠭᠡᠨ ᠪᠤᠯᠤᠨᠠ ᠃ ᠡᠬᠦᠨ ᠠᠴᠠ | ᠭᠠᠳᠠᠨᠠ ᠠᠶᠢᠷᠠᠭ ᠤᠨ ᠲᠤᠰᠤ᠂ ᠴᠠᠭᠠᠨ ᠲᠤᠰᠤ ᠢᠯᠭᠠᠷᠠᠭᠤᠯᠵᠤ ᠦᠯᠡᠳᠡᠭᠰᠡᠨ ᠵᠦᠬᠡᠭᠡᠢ ᠶᠢᠨ ᠰᠦᠮᠦᠰᠦ ︵ | ᠰᠢᠩᠭᠡ︶ ᠵᠡᠷᠭᠡ ᠶᠢ ᠪᠤᠴᠠᠯᠭᠠᠵᠤ ᠴᠦᠴᠦᠬᠡᠢ ᠪᠤᠯᠭᠠᠨ ᠠᠪᠤᠨᠠ᠃ ᠡᠭᠦᠨ ᠢ ᠴᠠᠭᠠᠨ ᠴᠦᠴᠦᠬᠡᠢ ᠪᠤᠶᠤ | ᠬᠦᠴᠦᠳᠠᠢ ᠴᠦᠴᠦᠬᠡᠢ ᠭᠡᠳᠡᠭ᠃ ᠴᠦᠴᠦᠬᠡᠢ ᠳᠤ ᠰᠢᠬᠢᠷ ᠪᠤᠷᠠᠮ ᠬᠤᠯᠢᠵᠤ ᠰᠠᠶᠢᠳᠤᠷ ᠨᠤᠬᠤᠵᠤ ᠠᠮᠳᠠᠳᠠᠢ | ᠴᠦᠴᠦᠬᠡᠢ ᠪᠤᠯᠭᠠᠨ ᠭᠡᠪᠰᠢᠬᠦᠯᠵᠦ ᠠᠪᠳᠠᠭ ᠴᠤ ᠪᠠᠶᠢᠨᠠ᠃ | ᠴᠤᠷᠠ — ᠴᠤᠷᠠ ᠪᠤᠯ ᠬᠤᠷᠤᠳ ᠬᠢᠬᠦ ᠲᠠᠢ ᠠᠳᠠᠯᠢ ᠡᠭᠡᠳᠡᠮ ᠢ ᠪᠤᠴᠠᠯᠭᠠᠵᠤ ᠰᠢᠷᠠ ᠤᠰᠤ ᠨᠢ | ᠢᠯᠭᠠᠷᠠᠭᠰᠠᠨ ᠬᠤᠶᠢᠨᠠ ᠱᠦᠬᠦᠵᠦ ᠠᠪᠤᠭᠠᠳ ᠬᠠᠳᠠᠭᠠᠭᠰᠠᠨ ᠢᠳᠡᠭᠡᠨ ᠮᠦᠨ ᠂ ᠪᠠᠰᠠ ᠡᠭᠡᠵᠡᠬᠡᠢ ᠭᠡᠳᠡᠭ᠃ ᠡᠨ᠋ᠨ | ᠨᠢ ᠦᠨᠡᠨᠳᠡᠭᠡᠨ ᠲᠤᠳᠠᠭᠤ ᠪᠤᠯᠪᠠᠰᠤᠷᠠᠭᠤᠯᠤᠯᠳᠠ ᠶᠤᠮ ᠂ ᠲᠠᠶᠢᠹᠤᠰᠧᠴᠤᠳ ᠲᠡᠮᠡᠢ ᠬᠢᠳᠡᠭ ᠦᠬᠡᠢ᠃ ᠴᠤᠷᠠ ᠪᠤᠯ | ᠬᠠᠳᠠᠬᠤ ᠨᠢ ᠲᠦᠷᠭᠡᠨ᠃ ᠬᠠᠳᠠᠭᠠᠯᠠᠬᠤ ᠳᠤ ᠰᠠᠶᠢᠨ ᠪᠠᠶᠢᠳᠠᠭ ᠠᠴᠠ ᠤᠷᠢᠳᠤ ᠨᠡᠬᠦᠳᠠᠯ ᠠᠮᠢᠳᠤᠷᠠᠯ ᠤᠨ ᠦᠶᠡ | ᠳᠤ ᠠᠷᠠᠰᠤᠨ ᠲᠤᠯᠤᠮ ᠳᠤ ᠬᠢᠭᠡᠳ ᠳᠡᠭᠡᠷᠡ ᠨᠢ ᠪᠠᠭᠠ ᠤᠰᠤ ᠬᠢᠵᠦ ᠮᠤᠷᠢᠨ ᠳ᠋ᠠᠭᠠᠨᠭᠠᠨᠵᠤᠭᠠᠯᠠᠵᠤ ᠶᠠᠪᠤᠪᠠᠯ᠂ | ᠤᠷᠤᠢ ᠶᠢᠨ ᠪᠠᠭᠤᠳᠠᠯ ᠳᠠᠭᠠᠨ ᠬᠦᠷᠬᠦ ᠦᠶᠡᠰ ᠲᠡᠷᠨ ᠨᠢ ᠬᠠᠶᠢᠯᠵᠤ ᠬᠤᠭᠤᠷᠮᠠᠭ ᠪᠤᠯᠤᠭᠠᠳ ᠬᠤᠭᠤᠯᠨ | ᠤᠮᠳᠠᠬᠤᠤᠰᠯᠠᠭᠰᠠᠨ ᠠᠮᠳᠠᠳᠤ ᠢᠳᠡᠭᠡᠨ ᠪᠤᠯᠳᠠᠭ ᠪᠠᠶᠢᠨᠠ᠃ | ᠠᠭᠠᠷᠴᠠ᠂ ᠠᠭᠠᠷᠤᠤᠯ᠂ ᠠᠭᠠᠷᠴᠠᠨ ᠬᠤᠷᠤᠳ — ᠠᠶᠢᠷᠠᠭ ᠢᠶᠠᠷ ᠠᠷᠢᠬᠢ ᠨᠡᠷᠡᠵᠦ ᠦᠯᠡᠳᠡᠭᠰᠡᠨ ᠴᠠᠭᠠ | ᠪᠠᠨ ᠪᠦᠰ ᠤᠭᠤᠳᠠᠨ ᠳᠤ ᠰᠠᠪᠠᠯᠠᠵᠤ ᠠᠪᠤᠭᠠᠳ ᠰᠢᠷᠠ ᠤᠰᠤ ᠶᠢ ᠨᠢ ᠱᠦᠬᠦᠷᠡᠬᠦᠯᠵᠦ ᠲᠠᠷᠤᠵᠤ ᠡᠭᠰᠢᠬᠡᠭᠰᠡᠨ ᠢ | ᠠᠭᠠᠷᠴᠠ ᠭᠡᠨᠡ᠃ ᠠᠭᠠᠷᠴᠠ ᠶᠢ ᠪᠠᠵᠠᠵᠤ ᠬᠡᠮᠭᠡᠴᠢᠵᠦ ᠬᠠᠳᠠᠭᠠᠭᠰᠠᠨ ᠢ ᠠᠭᠠᠷᠤᠤᠯ ᠭᠡᠵᠦ᠂ ᠠᠭᠠᠷᠴᠠ ᠪᠠᠨ | ᠪᠦᠭᠡᠮᠯᠡᠨ ᠪᠠᠷᠢᠬᠤ ᠪᠤᠶᠤ ᠬᠢᠯᠭᠠᠰᠤ ᠪᠠᠷ ᠵᠦᠰᠦᠵᠦ ᠬᠠᠳᠠᠭᠠᠭᠰᠠᠨ ᠢ ᠠᠭᠠᠷᠴᠠᠨ ᠬᠤᠷᠤᠳ ᠬᠡᠨᠡ᠃ ᠬᠡᠬᠦᠨ | ᠰᠦᠨ ᠤ ᠠᠶᠢᠷᠠᠭ ᠢᠶᠠᠷ ᠳᠡᠭᠡᠷᠡᠬᠢ ᠮᠡᠳᠦ ᠦᠢᠯᠡᠳᠦᠭᠰᠡᠨ ᠢ ᠭᠡᠬᠦᠨ ᠰᠦᠨ ᠤ ᠠᠭᠠᠷᠴᠠᠨ ᠬᠤᠷᠤᠳ ᠬᠡᠨᠡ᠃ | ᠠᠭᠠᠷᠴᠠᠨᠬᠤᠷᠤᠳ᠂ ᠠᠭᠠᠷᠤᠤᠯ ᠪᠤᠯ ᠬᠠᠳᠠᠭᠠᠯᠵᠤ ᠢᠳᠡᠬᠦ ᠳᠤ ᠵᠤᠬᠢᠮᠵᠢᠳᠠᠢ᠂ ᠠᠶᠢᠬᠤᠪᠳᠤᠷ ᠬᠦᠴᠦᠯᠢᠭ ᠠᠮᠳᠠᠳᠠᠢ | ᠂ ᠴᠠᠢ ᠶᠢᠨ ᠰᠠᠶᠢᠨ ᠬᠤᠯᠢᠴᠠ ᠢᠳᠡᠭᠡᠨ ᠮᠦᠨ᠃ | ᠦᠷᠦᠮᠡ — ᠦᠷᠦᠮᠡ ᠪᠤᠯ ᠰᠦ ᠶᠢ ᠬᠦᠭᠡᠷᠦᠬᠦᠯᠵᠦ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠢᠳᠡᠭᠡᠨ᠃ ᠨᠠᠮᠤᠷ | ᠤᠨ ᠰᠡᠬᠦᠯᠴᠢ ᠪᠠᠷ ᠰᠦ ᠦᠳᠭᠡᠷᠡᠬᠦ ᠦᠶᠡᠰ ᠦᠷᠦᠮᠡ ᠬᠦᠭᠡᠷᠦᠬᠦᠯᠵᠦ ᠠᠪᠤᠨᠠ᠂ ᠢᠩᠬᠢᠪᠡᠯ ᠦᠷᠦᠮᠡ ᠨᠢ | ᠲᠤᠰᠤᠯᠢᠭ ᠵᠤᠵᠠᠭᠠᠨ ᠪᠤᠯᠳᠠᠭ᠃ ᠦᠷᠦᠮᠡ ᠬᠦᠭᠡᠷᠦᠬᠦᠯᠬᠦ ᠳᠤ ᠰᠦ ᠪᠠᠨ ᠲᠤᠭᠤᠭᠠᠨ ᠳᠤ ᠬᠢᠵᠦ | ᠬᠦᠭᠡᠷᠦᠬᠦᠯᠦᠭᠡᠳ ᠤᠯᠠᠨ ᠤᠳᠠᠭᠠ ᠰᠠᠮᠤᠷᠤᠨᠠ᠂ ᠭᠠᠯ ᠤᠨ ᠢᠯᠴᠢ ᠪᠠᠭᠤᠷᠠᠬᠤ ᠶᠢ ᠲᠠᠭᠠᠨ ᠬᠦᠭᠡᠰᠦ ᠨᠢ | ᠵᠠᠮᠬᠠᠷᠠᠵᠤ ᠴᠤᠬᠤᠷᠳᠠᠨ ᠬᠦᠷᠦᠰᠦᠯᠡᠨᠡ᠂ ᠡᠨ᠋ᠨ ᠦᠶᠡ ᠳᠤ ᠭᠠᠯ ᠤᠨ ᠬᠦᠴᠦ ᠶᠢ ᠪᠠᠭᠠᠰᠬᠠᠨᠠ᠂ ᠲᠤᠰᠤᠯᠢᠭ ᠢ | ᠨᠢ ᠵᠤᠵᠠᠭᠠᠷᠠᠭᠤᠯᠬᠤ ᠶᠢᠨ ᠲᠦᠯᠦᠬᠡ ᠲᠤᠭᠤᠭᠠᠨ ᠳᠤ ᠨᠠᠭᠠᠯᠳᠤᠭᠰᠠᠨ ᠬᠦᠪᠡᠭᠡ ᠶᠢ ᠨᠢ ᠬᠤᠰᠤᠭᠤᠷ ᠢᠶᠠᠷ | ᠰᠠᠯᠭᠠᠨ ᠡᠳᠦᠷ ᠲᠤ ᠬᠡᠳᠦ ᠤᠳᠠᠭᠠ ᠰᠦ ᠨᠡᠮᠡᠨᠡ᠂ ᠰᠦ ᠤᠯᠠᠨ ᠨᠡᠮᠡᠪᠡᠯ ᠦᠷᠦᠮᠡ ᠵᠤᠵᠠᠭᠠᠨ ᠪᠤᠯᠤᠨᠠ᠃ | ᠪᠠᠷᠤᠭ24 ᠴᠠᠭ ᠴᠠᠷᠴᠠᠭᠠᠭᠰᠠᠨ ᠤ ᠲᠠᠷᠠᠭᠠ ᠪᠦᠬᠦᠯᠢ ᠪᠠᠷ ᠨᠢ ᠠᠪᠴᠤ ᠨᠤᠭᠤᠯᠵᠤ ᠲᠠᠯᠪᠢᠭᠠᠳ ᠬᠠᠳᠠᠭᠠᠨᠠ᠃ | ᠨᠤᠶᠢᠳᠠᠨ ᠦᠷᠦᠮᠡ ᠶᠢ ᠰᠢᠷᠭᠠᠭᠠᠪᠠᠯ ᠮᠦᠨ ᠰᠢᠷᠠ ᠲᠤᠰᠤ ᠪᠠ ᠴᠦᠴᠦᠭᠡᠢ ᠭᠠᠷᠤᠨᠠ᠃ ᠦᠷᠦᠮᠡ ᠪᠤᠯ ᠴᠠᠭᠠᠨ | ᠢᠳᠡᠭᠡᠨ ᠤ ᠪᠤᠯᠪᠠᠰᠤᠷᠠᠭᠤᠯᠤᠯᠳᠠ ᠶᠢᠨ ᠨᠡᠯᠢᠶᠡᠳ ᠨᠠᠷᠢᠨ ᠬᠢᠴᠡᠳᠠᠢ ᠲᠤᠰᠤᠯᠢᠭ ᠢᠳᠡᠭᠡᠨ ᠪᠦᠭᠡᠳ ᠰᠦ ᠲᠤᠰᠤᠨ | ᠤ ᠠᠮᠳᠠ ᠶᠢ ᠪᠦᠷᠢᠨ ᠬᠠᠳᠠᠭᠠᠯᠠᠭᠰᠠᠨ᠂ ᠠᠮᠳᠠ ᠭᠤᠶᠤ᠂ ᠴᠢᠨᠠᠷ ᠰᠠᠶᠢᠨ᠂ ᠲᠡᠵᠢᠭᠡᠯ ᠦᠨᠳᠦᠷ ᠰᠣᠳᠣᠨᠰᠠᠶᠢᠨ | ᠴᠠᠭᠠᠨ ᠢᠳᠡᠭᠡ ᠪᠤᠯᠤᠨᠠ᠃ ᠦᠷᠦᠮᠡ ᠶᠢ ᠨᠤᠶᠢᠳᠠᠨ ᠢᠶᠠᠷ ᠨᠢ ᠬᠠᠮᠤᠵᠤ ᠠᠪᠤᠭᠠᠳ ᠵᠦᠬᠡᠭᠡᠢ ᠰᠢᠭ ᠪᠤᠳᠠᠭᠠ | ᠵᠢᠭᠤᠷᠠᠵᠤ ᠢᠳᠡᠵᠦ ᠪᠤᠯᠤᠨᠠ᠂ ᠪᠠᠰᠠ ᠴᠠᠭᠠᠨ ᠢᠳᠡᠭᠡᠨ ᠤ ᠦᠩᠭᠡ ᠲᠠᠯᠪᠢᠬᠤ᠂ ᠴᠠᠢ ᠳᠤ ᠬᠢᠵᠦ ᠤᠤᠭᠤᠬᠤ᠂ | ᠵᠤᠴᠢᠨ ᠲᠠᠶᠢᠯᠠᠬᠤ ᠳᠤ ᠬᠡᠷᠡᠭᠯᠡᠨᠡ᠃ | ᠰᠢᠷᠠ ᠤᠰᠤ — ᠴᠠᠭᠠᠨ ᠢᠳᠡᠭᠡᠨ ᠤ ᠳᠠᠭᠠᠯᠳᠤᠪᠤᠷᠢ ᠵᠦᠢᠯ ᠂ ᠤᠷᠢᠳᠤ ᠶᠠᠭᠤᠮᠠ ᠬᠤᠪᠤᠷ ᠦᠶᠡᠰ | ᠰᠢᠷᠠ ᠤᠰᠤ ᠶᠢ ᠲᠤᠩᠭᠠᠨ ᠪᠤᠴᠠᠯᠭᠠᠵᠤ ᠰᠢᠷᠠ ᠤᠰᠤᠨ ᠤ ᠬᠤᠷᠤᠳ ᠪᠠᠰᠠ ᠬᠢᠳᠡᠭ᠃ ᠬᠤᠷᠤᠳ ᠬᠢᠬᠦ ᠳᠤ | ᠭᠠᠷᠤᠭᠰᠠᠨ ᠰᠢᠷᠠ ᠤᠰᠤ ᠶᠢ ᠠᠶᠢᠷᠠᠭ ᠢᠰᠭᠡᠬᠦ ᠳᠤ ᠬᠡᠷᠡᠭᠯᠡᠵᠦ ᠪᠤᠯᠬᠤ ᠪᠠ ᠭᠤᠯᠢᠷ ᠢᠰᠭᠡᠬᠦ ᠳᠤ ᠬᠡᠷᠡᠭᠯᠡᠨᠡ᠃ | ᠰᠢᠷᠠ ᠣᠰᠣ ᠪᠠᠷ ᠶᠠᠳᠠᠷ ᠲᠤᠷᠤᠢ ᠮᠠᠯ ᠢ ᠤᠰᠤᠯᠠᠪᠠᠯ ᠲᠦᠷᠭᠡᠨ ᠲᠡᠩᠭᠡᠷᠡᠬᠦ ᠪᠦᠭᠡᠳ ᠮᠠᠯ ᠤᠨ ᠬᠠᠮᠠᠭᠤ ᠡᠪᠳᠴᠢᠨ | ᠢ ᠤᠬᠢᠶᠠᠪᠠᠰᠤ ᠤᠷᠬᠠᠭ ᠦᠬᠡᠢ ᠡᠳᠡᠭᠡᠷᠡᠨᠡ᠃ | | | | | | | | |