| ᠡᠩᠬᠡᠪᠠᠳᠦ᠂ 1882 ᠤᠨ ᠳᠤ ︵ᠬᠠᠷᠠ ᠮᠤᠷᠢᠨ ᠵᠢᠯ︶᠂ ᠲᠠᠶᠢᠹᠤᠰᠧ ᠵᠡᠭᠦᠨ ᠭᠠᠷ ᠰᠦᠷᠦᠭ ᠤᠨ | ᠭᠦᠯᠦ ᠴᠠᠭᠠᠨ ᠬᠤᠰᠢᠭᠤᠨ ᠤ ᠦᠴᠢ ᠤᠪᠤᠭᠠ ︵ᠤᠳᠤᠬᠢ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠲᠠᠶᠢᠹᠤᠰᠧ | ᠬᠤᠰᠢᠭᠤᠨ ᠤ ᠭᠦᠨᠪᠤᠯᠠᠭ ᠰᠤᠮᠤᠨ ᠤ ᠦᠴᠢ ᠤᠪᠤᠭᠠ ᠭᠠᠴᠠᠭᠠ︶ ᠳᠤ ᠬᠠᠩᠭᠢᠨ ᠤᠪᠤᠬᠳᠠᠢ ᠰᠤᠷᠪᠤᠯᠵᠢᠳᠤ | ᠠᠶᠢᠯ ᠳᠤ ᠲᠦᠷᠦᠵᠡᠢ᠃ ᠲᠡᠷᠡ ᠬᠠᠩᠭᠢᠨ ᠭᠤᠮᠪᠤᠵᠠᠪ ᠤᠨ ᠭᠤᠷᠪᠠᠳᠤᠭᠠᠷ ᠡᠪᠦᠭᠡ ᠠᠪᠤ ᠨᠢ ᠪᠤᠯᠳᠠᠭ᠃ ᠲᠡᠭᠦᠨ ᠤ | ᠮᠤᠩᠭᠤᠯ ᠨᠡᠷᠡ ᠨᠢ ᠡᠩᠬᠡᠪᠠᠳᠦ ᠂ ᠡᠷᠭᠦᠭᠰᠡᠨ ᠨᠡᠷᠠ ᠨᠢ ᠽᠢ ᠷᠦᠩ ᠃ ᠡᠩᠬᠡᠪᠠᠳᠦ ᠵᠠᠩ ᠠᠪᠤᠷᠢ ᠨᠢ ᠲᠤᠭᠤᠢ | ᠰᠢᠭ᠋᠂ ᠶᠡᠭᠡ ᠰᠡᠴᠡᠨ ᠰᠡᠷᠭᠦᠯᠡᠩ᠂ ᠪᠠᠭᠠ ᠠᠴᠠ ᠪᠠᠨ ᠬᠡᠯᠡ ᠠᠮᠨ ᠨᠢ ᠬᠤᠷᠴᠠ᠂ ᠶᠤᠰᠤ ᠶᠠᠷᠢᠬᠤ ᠲᠤᠷᠠᠳᠠᠢ | ᠪᠠᠶᠢᠳᠠᠭ᠃ 11 ᠨᠠᠰᠤᠳᠠᠢ ᠳᠠᠭᠠᠨ ᠮᠠᠯᠠᠭᠠᠢ ᠶᠢᠨ ᠰᠦᠮᠡ ᠶᠢᠨ ᠴᠤᠶᠢᠷ ᠤᠨ ᠮᠦᠷᠦᠶᠢᠴᠡᠭᠡᠨ ᠳᠤ ᠶᠡᠭᠡ ᠯᠠᠮᠠ | ᠲᠠᠢ ᠪᠠᠨ ᠴᠤᠶᠢᠷ ᠬᠡᠯᠡᠯᠴᠡᠵᠦ ᠢᠯᠠᠭᠠᠳ ᠨᠡᠷᠡ ᠭᠠᠷᠴᠦ ᠪᠠᠶᠢᠪᠠ᠃ 18 ᠨᠠᠰᠤᠳᠠᠢ ᠳᠠᠭᠠᠨ ᠪᠡᠭᠡᠵᠢᠩ ᠤᠨ ᠶᠦᠩ | ᠡᠾᠧ ᠬᠦᠩ ᠬᠡᠶᠢᠳ ᠲᠤ ᠤᠴᠢᠵᠤ ᠯᠠᠮᠠ ᠪᠤᠯᠤᠬᠰᠠᠨ ᠪᠦᠭᠡᠳ ᠲᠡᠷᠡ ᠦᠶᠡ ᠠᠴᠠ ᠡᠬᠢᠯᠡᠭᠡᠳ ᠬᠤᠪᠢᠰᠬᠠᠯ ᠤᠨ | ᠦᠵᠡᠯ ᠰᠠᠨᠠᠭᠠ ᠶᠢ ᠬᠦᠯᠢᠶᠡᠨ ᠠᠪᠤᠬᠰᠠᠨ ᠪᠠᠶᠢᠨᠠ᠃ | ᠡᠩᠬᠡᠪᠠᠳᠦ ᠪᠤᠯ ᠮᠤᠩᠭᠤᠯ ᠦᠨᠳᠡᠰᠦᠳᠡᠨ ᠤ ᠬᠦᠷᠦᠩᠭᠡᠳᠡᠨ ᠠᠩᠭᠢ ᠶᠢᠨ ᠠᠷᠠᠳᠴᠢᠯᠠᠬᠰᠠᠨ ᠤ᠊ | ᠬᠤᠪᠢᠰᠬᠠᠯᠴᠢᠳ ᠤᠨ ᠠᠬᠠᠮᠠᠳ ᠦᠶᠡ ᠶᠢᠨ ᠬᠢᠨ ᠤ ᠨᠢᠭᠡ ᠨᠢ ᠪᠤᠯᠤᠨᠠ᠃ ᠲᠡᠷᠡ ᠰᠦᠨ ᠵᠦᠩ ᠱᠠᠨ ᠤ | ᠰᠠᠨᠠᠭᠠᠴᠢᠯᠠᠬᠰᠠᠨ ᠠᠷᠠᠳᠴᠢᠯᠠᠬᠰᠠᠨ ᠬᠤᠪᠢᠰᠬᠠᠯ ᠤᠨ ᠦᠶᠡ ᠶᠢᠨ ᠮᠤᠩᠭᠤᠯᠴᠤᠳ ᠤᠨ ᠲᠤᠳᠤᠷᠠ ᠬᠠᠮᠤᠭ ᠤᠨ | ᠡᠷᠳᠡ ᠤᠬᠠᠭᠠᠷᠠᠭᠰᠠᠨ ᠪᠦᠭᠡᠳ ᠭᠤᠮᠢᠨᠳᠠᠩ ᠨᠠᠮ ᠪᠤᠯᠤᠨ ᠡᠪ ᠬᠠᠮᠳᠤ ᠨᠠᠮ ᠤᠨ ᠬᠠᠮᠳᠤᠷᠠᠯᠴᠠᠬᠤ ᠳᠤ ᠪᠠᠯᠡᠷᠠᠰᠢ | ᠦᠭᠡᠢ ᠭᠠᠪᠢᠶᠠ ᠵᠢᠳᠬᠦᠯ ᠪᠠᠶᠢᠭᠤᠯᠤᠬᠰᠠᠨ ᠶᠤᠮ᠃ ᠡᠩᠬᠡᠪᠠᠳᠦ ᠶᠢᠨ ᠦᠰᠴᠦ ᠪᠤᠶᠢᠵᠢᠬᠰᠠᠨ ᠶᠠᠪᠤᠴᠠ ᠨᠢ ᠲᠡᠭᠦᠨ | ᠤ ᠲᠦᠷᠦᠭᠰᠡᠨ ᠨᠤᠳᠤᠭ ᠪᠤᠯᠤᠨ ᠦᠰᠴᠦ ᠪᠤᠶᠢᠵᠢᠬᠰᠠᠨ ᠤᠷᠴᠢᠨ ᠲᠤᠭᠤᠷᠢᠨ ᠪᠠ ᠤᠨᠴᠠᠭᠠᠢ ᠲᠡᠦᠬᠡᠨ ᠠᠬᠤᠢ᠂ | ᠴᠠᠭ ᠲᠤᠬᠢᠶᠠᠯ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠳᠠᠨᠠ᠃ | 1911 ᠤᠨ ᠤ ᠡᠬᠢᠨ ᠳᠤ ᠲᠡᠷᠡᠪᠡᠷ ᠪᠤᠰᠤᠳ ᠬᠦᠮᠦᠨ ᠤ ᠲᠠᠨᠢᠯᠴᠠᠭᠤᠯᠭᠠ ᠪᠠᠷ ᠲᠠᠨᠢᠵᠦ ᠮᠠᠳᠠᠬᠦ ᠦᠭᠡᠢ | ᠡᠮᠦᠨᠡ ᠤᠷᠤᠨ ᠳᠤ ᠭᠠᠭᠴᠠᠭᠠᠷ ᠢᠶᠠᠨ ᠬᠦᠷᠴᠦ ᠂1912 ᠤᠨ ᠳᠤ ᠰᠦᠨ ᠵᠦ᠋ᠩ ᠱᠠᠨ ᠠᠪᠤᠭᠠᠢ ᠶᠢᠨ | ᠤᠳᠤᠷᠢᠳᠤᠬᠰᠠᠨᠲ᠋ᠦ᠋ᠩ ᠮᠧ ᠾᠦᠢ ᠡᠪᠯᠡᠯ ᠳᠤ ᠤᠷᠤᠵᠤ ᠂ ᠬᠤᠪᠢᠰᠬᠠᠯ ᠤᠨ ᠲᠦᠯᠦᠭᠡ ᠡᠳ᠋ ᠮᠦᠩᠭᠦ | ᠴᠤᠬᠯᠠᠭᠤᠯᠠᠬᠤ ᠡᠭᠦᠷᠭᠡ ᠶᠢ ᠲᠠᠭᠠᠭᠠᠵᠤ ᠠᠪᠤᠭᠰᠠᠨ ᠪᠠᠶᠢᠨᠠ᠃ ᠲᠡᠷᠡ ᠪᠠᠶᠠᠨ ᠬᠤᠳᠠᠯᠳᠤᠭᠠᠴᠢᠨ ᠢᠶᠠᠷ ᠤᠪᠯᠠᠵᠤ | ᠵᠠᠰᠠᠭᠠᠳ ᠵᠡᠭᠦᠨ ᠬᠤᠶᠢᠳᠤ ᠤᠷᠤᠨ᠂ ᠪᠠᠷᠠᠭᠤᠨ ᠬᠤᠶᠢᠳᠤ ᠤᠷᠤᠨ ᠵᠢᠴᠢ ᠪᠡᠭᠡᠵᠢᠩ᠂ ᠲᠢᠶᠠᠨᠵᠢᠨ ᠵᠡᠷᠭᠡ ᠭᠠᠵᠠᠷ | ᠤᠷᠤᠨ ᠢᠶᠠᠷ ᠬᠤᠪᠢᠰᠠᠬᠠᠯ ᠤᠨ ᠤᠴᠢᠷ ᠶᠤᠰᠤ ᠶᠢ ᠨᠢᠭᠤᠴᠠ ᠪᠠᠷ ᠤᠬᠠᠭᠤᠯᠤᠨ ᠶᠠᠪᠤᠬᠰᠠᠨ ᠢᠶᠠᠷ ᠮᠤᠩᠭᠤᠯ | ᠰᠡᠬᠡᠭᠡᠳᠡᠳ ᠤᠨ ᠲᠤᠮᠳᠠ ᠮᠠᠰᠢ ᠶᠡᠭᠡ ᠨᠦᠯᠦᠭᠡ ᠲᠠᠢ ᠪᠤᠯᠵᠤ᠂ ᠦᠪᠦᠷ ᠮᠤᠩᠭᠤᠯ ᠤᠷᠤᠨ ᠳᠠᠭᠠᠨ ᠨᠡᠷᠡᠳᠡᠢ | ᠬᠦᠷᠦᠩᠬᠡᠳᠡᠨ ᠠᠩᠭᠢ ᠶᠢᠨ ᠠᠷᠠᠳᠴᠢᠯᠠᠬᠰᠠᠨ ᠬᠤᠪᠢᠰᠬᠠᠯᠴᠢ ᠪᠤᠯᠵᠠᠢ᠃ ᠲᠡᠭᠦᠨ ᠤ ᠡᠨᠡᠬᠦ ᠴᠦᠬᠦᠷᠡᠰᠢ ᠦᠭᠡᠢ | ᠴᠠᠷᠮᠠᠶᠢᠯᠠᠭᠠ ᠨᠢ ᠰᠦᠨ ᠵᠦ᠋ᠩ ᠱᠠᠨ ᠳᠤ ᠶᠡᠬᠡᠳᠡ ᠲᠤᠭᠤᠬᠳᠠᠵᠤ᠂ ᠰᠦᠨ ᠵᠦᠩ ᠱᠠᠨ ᠲᠡᠭᠦᠨ ᠢ 《 ᠤᠷᠳᠤ | ᠬᠤᠭᠤᠴᠠᠭᠠ ᠪᠠᠷ ᠨᠢᠭᠤᠴᠠ ᠠᠵᠢᠯ ᠬᠢᠭᠰᠡᠨ᠂ ᠶᠡᠷᠦ ᠠᠴᠠ ᠨᠡᠷᠡ ᠠᠰᠢᠭ ᠢ ᠬᠦᠭᠡᠭᠡᠴᠡᠯᠳᠦᠳᠡᠭ ᠦᠭᠡᠢ ᠂ | ᠤᠯᠳᠠᠬᠤᠶᠡ ᠪᠡᠷᠭᠡ ᠰᠠᠶᠢᠨ ᠨᠦᠭᠦᠷ》 ᠭᠡᠵᠦ ᠦᠨᠡᠯᠡᠵᠤ ᠪᠠᠶᠢᠪᠠ᠃ | ᠡᠩᠬᠡᠪᠠᠳᠤ ᠰᠦᠩ ᠵᠦᠩ ᠱᠠᠨ ᠤ ᠲᠤᠷᠳᠤᠬᠰᠠᠨ 《 ᠵᠦᠪᠯᠡᠯᠳᠦ ᠬᠤᠯᠪᠤᠭᠠᠳᠤ ᠤᠯᠤᠰ ᠲᠠᠢ ᠬᠤᠯᠪᠤᠭᠠᠯᠠᠬᠤ | ᠂ ᠡᠪ ᠬᠠᠮᠳᠤ ᠨᠠᠮ ᠲᠠᠢ ᠬᠤᠯᠪᠤᠭᠠᠯᠠᠬᠤ᠂ ᠠᠵᠢᠯᠴᠢᠨ ᠲᠠᠷᠢᠶᠠᠴᠢᠨ ᠢ ᠲᠡᠮᠵᠢᠨ ᠲᠡᠳᠬᠦᠬᠦ 》ᠭᠤᠷᠪᠠᠨ ᠶᠡᠭᠡ | ᠪᠤᠳᠤᠯᠭᠠ ᠶᠢ ᠡᠷᠡᠰ ᠬᠦᠷᠢᠶᠡᠯᠡᠨ᠂ ᠰᠦᠨ ᠵᠦᠩ ᠱᠠᠨ ᠪᠤᠯᠤᠨ ᠯᠢ ᠳ᠋ᠠ ᠵᠤᠤ ᠬᠤᠶᠠᠷ ᠤᠨ ᠬᠤᠭᠤᠷᠤᠨᠳᠡᠬᠢ | ᠬᠤᠯᠪᠤᠭᠠᠴᠢᠨ ᠪᠤᠯᠵᠤ᠂ ᠤᠯᠠᠨ ᠤᠳᠠᠭᠠ ᠲᠡᠳᠡᠨ ᠤ ᠬᠤᠭᠤᠷᠤᠩᠳᠤ ᠵᠠᠬᠢᠳᠠᠯ ᠴᠢᠮᠡᠭᠡ ᠲᠠᠮᠵᠢᠭᠤᠯᠵᠤ ᠦᠭᠴᠡᠢ᠃ | ᠡᠨᠡ ᠮᠡᠳᠦᠴᠢᠯᠡᠨ ᠭᠠᠷᠠᠮᠭᠠᠢ ᠠᠵᠢᠯᠯᠠᠬᠰᠠᠨ ᠠᠴᠠ᠂ 1924 ᠤᠨ ᠳᠤ ᠭᠤᠮᠢᠨᠳᠠᠩ ᠨᠠᠮ ᠤᠨ ᠠᠩᠬᠠᠳᠤᠭᠠᠷ | ᠬᠤᠭᠤᠴᠠᠭᠠᠨ ᠤ ᠪᠦᠬᠦ ᠤᠯᠤᠰ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠤᠨ ᠶᠡᠭᠡ ᠬᠤᠷᠠᠯ ᠭᠤᠸᠠᠩᠵᠸᠦ ᠳᠤ ᠬᠤᠷᠠᠯᠳᠤᠬᠤ ᠳᠤ | ᠰᠦᠨ ᠵᠦᠩ ᠱᠠᠨᠦᠪᠡᠷ ᠤᠨ ᠪᠡᠶᠡ ᠪᠠᠷ ᠨᠡᠷᠡ ᠲᠤᠷᠠᠳᠴᠤ᠂ ᠡᠩᠬᠡᠪᠠᠳᠤ᠂ ᠯᠢ ᠳ᠋ᠠ ᠵᠤᠤ ᠵᠡᠷᠭᠡ ᠲᠡᠪᠤᠨ ᠬᠦᠮᠦᠨ | ᠢ ᠤᠮᠠᠷᠠᠳᠤ ᠤᠷᠤᠨ ᠤ ᠲᠦᠯᠦᠭᠡᠯᠡᠭᠴᠢ ᠪᠠᠷ ᠲᠤᠰ ᠬᠤᠷᠠᠯ ᠳᠤ ᠤᠷᠤᠯᠴᠠᠭᠤᠯᠵᠠᠢ ᠃ ᠡᠨᠡ ᠬᠤᠷᠠᠯ ᠲᠡᠭᠡᠷᠡ | ᠡᠩᠬᠡᠪᠡᠳᠤ ᠲᠦᠪ ᠬᠤᠷᠢᠶᠠᠨ ᠤ ᠭᠦᠢᠴᠡᠳᠬᠡᠬᠦ ᠵᠦᠪᠯᠡᠯ ᠤᠨ ᠬᠡᠰᠢᠭᠦᠨ ᠢᠶᠠᠷ ᠰᠤᠩᠭᠤᠬᠳᠠᠪᠠ᠃ | 1925 ᠤᠨ ᠳᠤ᠂ ᠰᠦᠨ ᠵᠦᠩ ᠱᠠᠨ ᠤᠮᠠᠷᠠᠰᠢ ᠵᠤᠷᠢᠬᠤ ᠦᠶᠡ ᠳᠤ ᠡᠩᠬᠡᠪᠠᠳᠤ ᠤᠷᠢᠳᠴᠢᠯᠠᠨ ᠬᠦᠷᠴᠦ | ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠵᠡᠷᠭᠡ ᠠᠵᠢᠯ ᠢ ᠪᠠᠶᠢᠷᠢᠯᠭᠤᠯᠪᠠ᠃ ᠲᠤᠰ ᠵᠢᠯ ᠨᠢ ᠰᠦᠨ ᠵᠦᠩ ᠱᠠᠨ ᠪᠡᠭᠡᠵᠢᠩ ᠳᠤ ᠨᠠᠰᠤ | ᠪᠠᠷᠠᠬᠰᠠᠨ ᠲᠠᠷᠠᠭᠠ ᠡᠩᠬᠡᠪᠠᠳᠤ ᠯᠢᠶᠤᠤ ᠵᠦᠩ ᠺᠠᠢ᠂ ᠲᠠᠨ ᠶᠠᠨ ᠺᠠᠢ ᠵᠡᠷᠭᠡ ᠬᠦᠮᠦᠰ ᠲᠠᠢ ᠬᠠᠮᠵᠢᠯᠴᠢᠨ | ᠭᠤᠮᠢᠨᠳᠠᠩ ᠤᠨ ᠨᠠᠮ ᠤᠨ ᠠᠵᠢᠯ ᠪᠠ ᠲᠤᠳᠤᠭᠠᠳᠤ ᠳᠠᠬᠢ ᠪᠦᠯᠬᠦᠮᠳᠡᠯ ᠤᠨ ᠠᠵᠢᠯ ᠢ ᠴᠠᠷᠮᠠᠶᠢᠨ ᠭᠦᠢᠴᠡᠳᠬᠡᠵᠦ | ᠢᠷᠡᠵᠡᠢ᠃ ᠲᠤᠰ ᠵᠢᠯ ᠨᠢ ᠲᠡᠷᠡᠪᠡᠷ《 ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠳᠤ ᠨᠠᠮ》 ᠢ ᠪᠠᠶᠢᠭᠤᠯᠬᠤ | ᠠᠵᠢᠯ ᠳᠤ ᠤᠷᠤᠯᠴᠠᠪᠠ᠃ 1926 ᠤᠨ ᠤ 1 ᠰᠠᠷᠠ ᠳᠤ ᠭᠤᠮᠢᠨᠳᠠᠩ ᠨᠠᠮ ᠤᠨ ᠬᠤᠶᠠᠳᠤᠭᠠᠷ ᠤᠳᠠᠭᠠᠨ ᠤ | ᠪᠦᠬᠦ ᠤᠯᠤᠰ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠤᠨ ᠶᠡᠭᠡ ᠬᠤᠷᠠᠯ ᠲᠡᠭᠡᠷᠡ ᠡᠩᠬᠡᠪᠠᠳᠤ ᠲᠡᠷᠢᠭᠦᠯᠡᠭᠴᠢᠳ ᠤᠨ ᠪᠦᠯᠬᠦᠮ ᠤᠨ | ᠲᠤᠯᠤᠭᠠᠨ ᠬᠡᠰᠢᠭᠦᠨ ᠤ ᠨᠢᠭᠡ ᠪᠠᠷ ᠰᠤᠩᠭᠤᠬᠳᠠᠵᠤ᠂ ᠲᠦᠪ ᠬᠤᠷᠢᠶᠠᠨ ᠤ ᠭᠦᠢᠴᠡᠳᠬᠡᠬᠦ ᠵᠦᠪᠯᠡᠯ ᠤᠨ ᠬᠡᠰᠢᠭᠦᠨ | ᠤ ᠡᠭᠦᠷᠭᠡ ᠶᠢ ᠦᠷᠭᠦᠯᠵᠢᠯᠡᠨ ᠬᠠᠷᠢᠭᠤᠴᠠᠬᠰᠠᠨ ᠪᠦᠭᠡᠳ ᠲᠡᠷᠡ ᠦᠶᠡ ᠠᠴᠠ ᠡᠬᠢᠯᠡᠨ ᠭᠤᠮᠢᠨᠳᠠᠩ ᠨᠠᠮ ᠤᠨ | ᠤᠮᠠᠷᠡᠳᠤ ᠤᠷᠤᠨ ᠤ ᠬᠠᠷᠢᠭᠤᠴᠠᠯᠭᠠᠳᠠᠨ ᠤ ᠨᠢᠭᠡ ᠨᠢ ᠪᠤᠯᠵᠤ ᠨᠠᠮ ᠤᠨ ᠠᠵᠢᠯ ᠢ ᠭᠤᠤᠯᠠᠯᠨ᠂ ᠡᠷᠬᠢᠯᠡᠬᠦ ᠶᠢᠨ | ᠬᠠᠮᠳᠤ ᠪᠠᠰᠠ ᠲᠦᠪ ᠤᠨ ᠬᠢᠨᠠᠨ ᠪᠠᠶᠢᠴᠠᠭᠠᠬᠤᠰ ᠵᠦᠪᠯᠡᠯ ᠤᠨ ᠬᠡᠰᠢᠭᠦᠨ ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ ᠡᠨᠡ | ᠬᠤᠭᠤᠴᠠᠭᠠᠨ ᠳᠤ ᠡᠩᠭᠡᠪᠠᠳᠤ ᠤᠮᠠᠷᠠᠳᠤ ᠤᠷᠤᠨ ᠤ ᠨᠠᠮ ᠤᠨ ᠠᠵᠢᠯ ᠤᠨ ᠭᠤᠤᠯ ᠬᠠᠷᠢᠭᠤᠴᠠᠯᠭᠠᠳᠠᠨ ᠪᠤᠯᠤᠭᠰᠠᠨ | ᠤ ᠬᠤᠪᠢ ᠳᠤ ᠦᠷᠭᠦᠯᠵᠢ ᠡᠮᠦᠨᠡᠰᠢ ᠤᠮᠠᠷᠠᠰᠢ ᠪᠠᠨ ᠨᠠᠰᠢ ᠴᠠᠰᠢ ᠬᠦᠶᠦᠵᠦ᠂ ᠡᠪ ᠬᠠᠮᠳᠤ ᠨᠠᠮ ᠪᠤᠯᠤᠨ | ᠭᠤᠮᠢᠨᠳᠠᠩ ᠨᠠᠮ ᠤᠨ ᠬᠤᠯᠪᠤᠭᠠᠯᠠᠯ ᠢ ᠠᠬᠢᠭᠤᠯᠬᠤ ᠠᠵᠢᠯ ᠳᠤ ᠰᠢᠮᠳᠠᠵᠤ ᠪᠠᠶᠢᠵᠠᠢ᠃ | 1927 ᠤᠨ ᠳᠤ ᠵᠢᠶᠠᠩ ᠵᠢᠶᠧ ᠱᠢ ᠬᠤᠪᠢᠰᠬᠠᠯ ᠠᠴᠠ ᠤᠷᠪᠠᠨ ᠲᠡᠷᠰᠡᠯᠡᠭᠰᠡᠨ ᠤ ᠲᠠᠷᠠᠭᠠ᠂ ᠡᠩᠬᠡᠪᠠᠳᠤ | ᠮᠠᠤ ᠽᠧ ᠳ᠋ᠦᠩ᠂ ᠰᠦᠩ ᠴᠢᠩ ᠯᠢᠨ ᠵᠡᠷᠭᠡ ᠬᠤᠷᠢᠨ ᠬᠤᠶᠠᠷ ᠬᠦᠮᠦᠨ ᠲᠠᠢ ᠬᠤᠯᠪᠤᠭᠠᠯᠠᠨ《 ᠲᠦᠪ ᠬᠤᠷᠢᠶᠠᠨ | ᠤ ᠬᠡᠰᠢᠭᠦᠳ ᠤᠨ ᠲᠤᠩᠬᠠᠭ》 ᠲᠡᠭᠡᠷᠡ ᠭᠠᠷ ᠤᠨ ᠦᠰᠦᠭ ᠵᠢᠷᠤᠵᠤ᠂ ᠵᠢᠶᠠᠩ ᠵᠢᠶᠧ ᠱᠢ ᠶᠢᠨ ᠬᠤᠪᠢᠰᠬᠠᠯ | ᠠᠴᠠ ᠲᠡᠷᠡᠰᠯᠡᠭᠰᠡᠨ ᠠᠵᠢᠯᠯᠠᠭᠠ ᠶᠢ ᠪᠤᠷᠤᠭᠤᠰᠢᠶᠠᠨ᠂ ᠭᠤᠮᠢᠨᠳᠠᠩ ᠨᠠᠮ ᠤᠨ ᠬᠤᠪᠢᠰᠬᠠᠯ ᠤᠨ ᠵᠦᠪᠯᠡᠯ | ᠪᠠᠶᠢᠭᠤᠯᠠᠬᠤ ᠶᠢ ᠬᠦᠷᠢᠶᠡᠯᠡᠵᠤ ᠪᠠᠶᠢᠬᠤ ᠪᠠᠨ ᠢᠯᠡᠳᠬᠡᠵᠡᠢ᠃ 1928 ᠤᠨ ᠤ 4 ᠰᠠᠷᠠ ᠳᠤ᠂ ᠵᠡᠭᠦᠨ ᠬᠤᠶᠢᠳᠤ | ᠶᠢᠨ ᠴᠡᠷᠢᠭ ᠤᠨ ᠡᠷᠬᠡᠳᠡᠨ ᠵᠠᠩ ᠽᠦᠸᠧ ᠯᠢᠨ 300 ᠭᠠᠷᠤᠢ ᠴᠡᠷᠢᠭ ᠴᠠᠬᠳᠠᠭᠠ ᠲᠤᠮᠢᠯᠠᠨ᠂ ᠭᠠᠳᠠᠭᠠᠳᠤ ᠶᠢᠨ | ᠡᠯᠴᠢᠨ ᠤ ᠪᠦᠯᠦᠭᠯᠠᠯ ᠲᠠᠢ ᠰᠦᠯᠪᠡᠭᠡᠯᠡᠵᠦ ᠪᠠᠶᠢᠭᠠᠳ ᠪᠡᠭᠡᠵᠢᠩ ᠬᠤᠳᠠ ᠶᠢᠨ ᠵᠡᠭᠦᠨ ᠲᠤᠭᠤᠷᠢᠭ ᠳᠠᠬᠢ ᠵᠦᠪᠯᠡᠯᠳᠦ | ᠬᠤᠯᠪᠤᠭᠠᠳᠤ ᠤᠯᠤᠰ ᠤᠨ ᠡᠯᠴᠢᠨ ᠰᠠᠶᠢᠳ ᠤᠨ ᠶᠠᠮᠤᠨ ᠢ ᠪᠦᠰᠡᠯᠡᠵᠦ᠂ ᠯᠢ ᠳ᠋ᠠ ᠵᠤᠤ ᠵᠡᠷᠭᠡ 10 ᠬᠦᠮᠦᠨ ᠢ | ᠬᠠᠤᠯᠢ ᠪᠤᠰᠤ ᠪᠠᠷ ᠪᠠᠷᠢᠪᠴᠢᠯᠠᠪᠠ᠃ ᠲᠤᠰ ᠭᠡᠷᠡᠭ ᠤᠨ ᠲᠠᠷᠠᠭᠠᠬᠨ ᠤᠷᠪᠠᠭᠴᠢ ᠨᠢᠭᠤᠴᠠ ᠶᠢ ᠵᠠᠳᠠᠷᠠᠭᠤᠯᠤᠬᠰᠠᠨ | ᠠᠴᠠ ᠡᠩᠭᠡᠪᠠᠳᠤ ᠪᠠᠰᠠ ᠪᠠᠷᠢᠪᠴᠢᠯᠠᠬᠳᠠᠵᠤ ᠪᠡᠭᠡᠵᠢᠩ ᠤᠨ ᠳ᠋ᠢ ᠠᠨ ᠮᠧᠨ ᠬᠦᠭᠦᠷᠭᠡ ᠶᠢᠨ ᠲᠡᠷᠭᠡᠳᠡᠬᠢ ᠮᠤᠤ ᠡᠯ | ᠭᠤᠳᠤᠮᠵᠢᠨ ᠳᠤ ᠬᠤᠷᠢᠬᠳᠠᠵᠠᠢ᠃ ᠲᠡᠭᠦᠨ ᠢ ᠤᠯᠠᠨ ᠤᠳᠠᠭᠠ ᠡᠷᠡᠬᠦᠳᠡᠨ ᠲᠠᠮᠤᠯᠤᠬᠰᠠᠨ ᠪᠤᠯᠪᠠᠴᠤ ᠦᠴᠢᠭ | ᠢᠶᠠᠨ ᠦᠭᠭᠦᠭᠰᠡᠨ ᠦᠭᠡᠢ᠂ ᠦᠪᠡᠷ ᠢ ᠢᠶᠠᠨ ᠠᠷᠠᠯᠵᠢᠶᠠᠴᠢᠨ ᠭᠡᠳᠡᠭ ᠢᠶᠠᠨ ᠡᠷᠡᠰ ᠪᠠᠷᠢᠮᠳᠠᠯᠠᠵᠤ ᠪᠠᠶᠢᠪᠠ᠃ ᠰᠡᠭᠦᠯᠡᠷ | ᠨᠢ ᠭᠤᠮᠢᠨᠳᠠᠩ ᠨᠠᠮ ᠤᠨ ᠴᠠᠷᠮᠠᠶᠢᠯᠠᠭᠠ ᠪᠠᠷ ᠭᠢᠨᠳᠠᠨ ᠠᠴᠠ ᠠᠪᠤᠷᠬᠳᠠᠵᠤ ᠡᠮᠦᠨᠡᠳᠦ ᠤᠷᠤᠨ ᠳᠤ ᠤᠴᠢᠵᠦ ᠰᠢᠷᠬᠠ | ᠪᠠᠨ ᠰᠤᠪᠢᠯᠠᠵᠠᠢ᠃ | ᠡᠩᠬᠡᠪᠠᠳᠦ ᠶᠢᠨ ᠬᠤᠪᠢᠰᠬᠠᠯᠳᠤ ᠠᠵᠢᠯᠯᠠᠭᠠ ᠨᠢ ᠲᠡᠭᠦᠨ ᠤ ᠭᠡᠷ ᠤᠨ ᠬᠦᠮᠦᠰ ᠪᠤᠯᠤᠨ ᠠᠬᠠ ᠲᠡᠭᠦᠦ ᠨᠠᠷ | ᠲᠠᠭᠠᠨ ᠭᠦᠨ ᠨᠦᠯᠦᠭᠡ ᠦᠭᠴᠡᠢ᠃ ᠡᠩᠬᠡᠪᠠᠳᠦ ᠶᠢᠨ ᠶᠡᠭᠡ ᠠᠬᠠ ᠰᠡᠷᠡᠩᠳᠤᠩᠷᠤᠪ ︵ᠬᠠᠩ ᠶᠢᠨ ᠱᠸᠦ︶ ᠪᠤᠯ | ᠲᠠᠶᠢᠹᠤᠰᠧ ᠵᠡᠭᠦᠨ ᠭᠠᠷ ᠰᠦᠷᠦᠭ ᠤᠨ ᠠᠮᠪᠠᠨ ᠨᠤᠶᠠᠨ ᠪᠠᠶᠢᠬᠰᠠᠨ ᠲᠤᠯᠠ ᠲᠡᠭᠦᠦ ᠡᠩᠬᠡᠪᠠᠳᠤ ᠶᠢᠨ ᠢᠶᠠᠨ ᠰᠦᠨ | ᠵᠦᠩ ᠱᠠᠨ ᠢ ᠲᠠᠭᠠᠵᠤ ᠬᠤᠪᠢᠰᠬᠠᠯ ᠤᠨ ᠠᠵᠢᠯᠯᠠᠭᠠ ᠳᠤ ᠤᠷᠤᠯᠴᠠᠬᠤ ᠳᠤ ᠦᠵᠡᠯ ᠰᠠᠨᠠᠭᠠ ᠪᠠ ᠠᠵᠤ ᠠᠬᠤᠢ | ᠶᠢᠨ ᠲᠠᠯᠠᠪᠠᠷ ᠬᠦᠴᠦᠳᠡᠢ ᠲᠡᠮᠵᠢᠯᠭᠡ ᠦᠭᠭᠦᠭᠰᠡᠨ ᠪᠦᠭᠡᠳ ᠦᠪᠡᠷᠳᠡᠭᠡᠨ ᠪᠠᠰᠠ ᠭᠤᠮᠢᠨᠳᠠᠩ ᠨᠠᠮ ᠳᠤ ᠤᠷᠤᠬᠰᠠᠨ | ᠶᠤᠮ᠃ 1926 ᠤᠨ ᠳᠤ ᠰᠡᠷᠡᠩᠳᠤᠩᠷᠤᠪ ᠪᠡᠭᠡᠵᠢᠩ ᠳᠤ《 ᠮᠤᠩᠭᠤᠯ ᠭᠠᠷᠠᠭ ᠤᠨ ᠰᠤᠨᠢᠨ 》 ᠢ ᠡᠬᠦᠰᠬᠡᠨ | ᠡᠷᠬᠢᠯᠡᠵᠦ ᠂ ᠰᠦᠨ ᠵᠦᠩ ᠱᠠᠨ ᠤ《 ᠰᠠᠨ ᠮᠢᠨ ᠦᠵᠡᠯ ︾ ᠢ ᠢᠳᠡᠪᠬᠢᠳᠡᠢ ᠤᠬᠠᠭᠤᠯᠤᠬᠰᠠᠨ ᠪᠠᠶᠢᠨᠠ᠃ ᠲᠤᠰ | ᠰᠤᠨᠢᠨ ᠨᠢ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠰᠡᠬᠡᠭᠡᠳᠡᠳ ᠤᠨ ᠲᠤᠮᠳᠠ ᠮᠠᠰᠢ ᠶᠡᠭᠡ | ᠨᠦᠯᠦᠭᠡ ᠦᠵᠡᠬᠦᠯᠵᠦ᠂《 ᠰᠠᠨ ᠮᠢᠨ ᠦᠵᠡᠯ》 ᠢ ᠬᠦᠮᠦᠨ ᠪᠦᠬᠦᠨ ᠳᠤ ᠲᠠᠨᠢᠭᠤᠯᠤᠭᠠᠳ᠂ ᠰᠡᠷᠡᠩᠳᠤᠩᠷᠤᠪ | ᠴᠦ ᠢᠷᠭᠡᠨ ᠤᠯᠤᠰ ᠠᠴᠠ ᠨᠠᠰᠢᠬᠢ ᠬᠠᠮᠤᠭ ᠠᠩᠬᠠᠨ ᠤ ᠮᠤᠩᠭᠤᠯ ᠰᠤᠨᠢᠨ ᠡᠷᠬᠢᠯᠡᠭᠰᠡᠨ ᠬᠦᠮᠦᠨ ᠪᠤᠯᠵᠠᠢ᠃ ᠲᠡᠭᠦᠨ | ᠤ ᠬᠤᠶᠠᠷ ᠠᠬᠠ ᠨᠢ ᠴᠤ ᠲᠡᠭᠦᠦ ᠶᠢᠨ ᠪᠠᠨ ᠬᠤᠪᠢᠰᠬᠠᠯᠳᠤ ᠠᠵᠢᠯᠯᠠᠭᠠ ᠶᠢ ᠦᠵᠡᠯ ᠰᠠᠨᠠᠭᠠ ᠪᠠ ᠠᠵᠤ ᠠᠬᠤᠢ | ᠶᠢᠨ ᠲᠠᠯᠠ ᠪᠠᠷ ᠮᠠᠰᠢ ᠶᠡᠭᠡ ᠬᠠᠪᠰᠤᠷᠤᠨ ᠲᠡᠮᠵᠢᠵᠦ ᠪᠠᠶᠢᠵᠠᠢ᠃ | ᠡᠩᠬᠡᠪᠠᠳᠤ 1929 ᠤᠨ ᠳᠤ ᠭᠤᠮᠢᠨᠳᠠᠩ ᠨᠠᠮ ᠤᠨ ᠲᠦᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨ ᠤ ᠲᠦᠪ ᠬᠤᠷᠢᠶᠠᠨ ᠤ | ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠤ ᠬᠡᠰᠢᠭᠦᠨ᠂ ᠤᠯᠤᠰ ᠠᠷᠠᠳ ᠤᠨ ᠵᠠᠰᠠᠭ ᠶᠠᠪᠤᠭᠤᠯᠬᠤ ᠬᠤᠷᠢᠶᠠᠨ ᠤ ᠬᠡᠰᠢᠭᠦᠨ ᠪᠤᠯᠵᠤ᠂ | 1931 ᠤᠨ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠡᠯᠡ ᠬᠤᠰᠢᠭᠤᠳ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠲᠠᠢ ᠬᠠᠮᠳᠤ ᠨᠠᠨᠵᠢᠩ | ᠬᠦᠷᠴᠦ ᠢᠷᠭᠡᠨ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠲᠤ《 ᠸᠠᠩ ᠭᠦᠩ ᠤᠨ ᠲᠦᠷᠮ ᠢ ᠦᠭᠡᠶᠢᠰᠬᠡᠵᠦ᠂ ᠦᠪᠦᠷ | ᠮᠤᠩᠭᠤᠯ ᠳᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠲᠦᠷᠢᠮ ᠢ ᠬᠡᠷᠡᠭᠵᠢᠭᠦᠯᠬᠦ ᠲᠤᠬᠠᠢ》 ᠡᠷᠭᠦᠳᠡᠯ ᠭᠠᠷᠭᠠᠵᠠᠢ᠃ 1934 ᠤᠨ | ᠳᠤ ᠮᠤᠩᠭᠤᠯ ᠤᠷᠤᠨ ᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠵᠠᠰᠠᠭ ᠤᠨ ᠶᠠᠪᠤᠳᠠᠯ ᠤᠨ ᠵᠦᠪᠯᠡᠯ ᠤᠨ ᠬᠡᠰᠢᠭᠦᠨ ᠪᠤᠯᠵᠤ᠂ | 1937 ᠤᠨ ᠳᠤ ᠲᠤᠮᠳᠠᠳᠤ ᠢᠷᠭᠡᠨ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠲᠤᠮᠢᠯᠠᠯᠳᠠ ᠪᠠᠷ ᠪᠡᠭᠡᠵᠢᠩ ᠳᠤ | ᠤᠴᠢᠵᠤ ᠠᠵᠢᠯᠯᠠᠨ᠂ 1939 ᠤᠨ ᠳᠤ ᠭᠤᠮᠢᠨᠳᠠᠩ ᠨᠠᠮ ᠤᠨ ᠲᠤᠮᠢᠯᠠᠯᠳᠠ ᠪᠠᠷ ᠨᠠᠨᠵᠢᠩ ᠳᠤ ᠬᠦᠷᠴᠦ | ᠬᠠᠭᠤᠷᠮᠠᠭ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠬᠡᠰᠢᠭᠦᠨ ᠪᠤᠯᠤᠭᠰᠠᠨ ᠪᠦᠭᠡᠳ ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ᠤᠷᠳᠤᠰ ᠵᠡᠭᠦᠨ | ᠬᠤᠰᠢᠭᠤᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠲᠤᠰᠯᠠᠬᠴᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ 1944 ᠤᠨ ᠳᠤ ᠶᠠᠫᠤᠨ ᠢ | ᠡᠰᠡᠷᠭᠦᠴᠢᠬᠦ ᠲᠠᠶᠢᠨ ᠲᠡᠭᠦᠰᠬᠦ ᠠᠴᠠ ᠡᠮᠦᠨᠡᠬᠡᠨ ᠡᠩᠬᠡᠪᠠᠳᠤ 62 ᠨᠠᠰᠤᠨ ᠳᠠᠭᠠᠨ ᠨᠠᠨᠵᠢᠩ ᠳᠤ ᠨᠠᠰᠤ ᠪᠠᠷᠠᠵᠠᠢ᠃ | ᠡᠩᠬᠡᠪᠠᠳᠤ ᠬᠡᠳᠦᠶᠢᠪᠡᠷ ᠨᠤᠳᠤᠭ ᠤᠷᠤᠨ ᠳᠠᠭᠠᠨ ᠠᠵᠢᠯᠯᠠᠬᠰᠠᠨ ᠦᠭᠡᠢ ᠪᠤᠯᠪᠠᠴᠤ᠂ ᠲᠡᠭᠦᠨ ᠤ ᠨᠢᠭᠡᠨ ᠨᠠᠰᠤᠨ ᠤ | ᠬᠢᠨᠢ ᠦᠢᠯᠡ ᠶᠠᠪᠤᠳᠠᠯ ᠨᠢ ᠬᠤᠶᠠᠷ ᠠᠬᠠ ᠪᠤᠯᠤᠨ ᠭᠤᠮᠪᠤᠵᠠᠪ ᠵᠡᠷᠭᠡ ᠬᠤᠶᠢᠴᠢ ᠦᠶᠡ ᠶᠢᠨ ᠬᠢᠨ ᠵᠢᠴᠢ | ᠲᠠᠶᠢᠹᠤᠰᠧ ᠵᠡᠭᠦᠨ ᠭᠠᠷ ᠤᠨ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠮᠠᠰᠢ ᠤᠯᠠᠨ ᠰᠡᠬᠡᠭᠡᠳᠡᠨ ᠪᠤᠯᠤᠨ ᠲᠡᠭᠡᠳᠦ ᠲᠠᠪᠬᠤᠷᠭᠠᠳᠠᠨ ᠤ | ᠦᠵᠡᠯ ᠰᠠᠨᠠᠭᠠᠨ ᠤ ᠭᠦᠨ ᠨᠦᠯᠦᠭᠡ ᠦᠭᠭᠦᠭᠰᠡᠨ ᠪᠠᠶᠢᠨᠠ ᠃ |