| ᠬᠠᠩᠭᠢᠨ ᠭᠤᠮᠪᠤᠵᠠᠪ — 1921 ᠤᠨ ᠤ ︵ᠴᠠᠭᠠᠬᠴᠢᠨ ᠲᠠᠬᠢᠶᠠ ᠵᠢᠯ︶ 4 ᠰᠠᠷᠠ ᠶᠢᠨ 3 ᠤ ᠡᠳᠦᠷ | ᠦᠪᠦᠷ ᠮᠤᠩᠭᠤᠯ ᠤᠨ ᠴᠠᠬᠠᠷ ᠤᠨ ᠲᠠᠶᠢᠫᠤᠰᠧ ᠵᠡᠭᠦᠨ ᠭᠠᠷ ᠰᠦᠷᠦᠭ ᠤᠨ ᠭᠦᠯᠦ ᠴᠠᠭᠠᠨ ᠬᠤᠰᠢᠭᠤᠨ ᠤ ᠦᠴᠢ | ᠤᠪᠤᠭᠠᠨ ᠤ ᠨᠢᠭᠡᠨ ᠰᠤᠷᠪᠤᠯᠵᠢᠳᠦ ᠡᠷᠦᠬᠡ ᠬᠠᠩᠭᠢᠨ ᠤᠪᠤᠬᠳᠤ ᠹᠦᠯᠧᠬᠡᠩᠭᠡ ᠂ ᠭᠠᠯᠢᠩᠳᠠᠷᠢ ᠤᠨ ᠬᠦᠪᠡᠭᠦᠨ | ᠪᠤᠯᠤᠨ ᠲᠦᠷᠦᠵᠡᠢ᠃ ᠲᠡᠷᠡ ᠬᠠᠷᠬᠠᠨ ᠪᠠᠭᠠ ᠠᠴᠠ ᠪᠠᠨ ᠰᠡᠴᠡᠨ ᠰᠡᠷᠭᠦᠯᠡᠩ ᠲᠤᠯᠠ 1937 ᠤᠨ ᠳᠤ ᠠᠷᠪᠠᠨ | ᠵᠢᠷᠭᠤᠭᠠᠨ ᠨᠠᠰᠤᠳᠠᠢ ᠳᠠᠭᠠᠨ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠪᠦᠬᠦ ᠬᠡᠴᠢᠶᠡᠯ ᠢ ᠰᠤᠷᠴᠦ ᠲᠡᠭᠦᠰᠦᠭᠡᠳ ᠶᠠᠫᠤᠨ | ᠤᠯᠤᠰ ᠲᠤ ᠬᠦᠷᠴᠦ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠮᠦᠵᠢᠯ ᠬᠦᠷᠳᠡᠵᠦ᠂1941 ᠤᠨ ᠳᠤ ᠶᠠᠫᠤᠨ ᠤ ᠬᠤᠺᠠᠺᠠᠶᠢᠳᠤ᠋ | ᠶᠡᠭᠡ ᠰᠤᠷᠭᠠᠭᠤᠯᠢ ︵北海道︶ ᠶᠢᠨ ᠤᠢ ᠰᠢᠭᠤᠢ ᠶᠢᠨ ᠮᠡᠷᠭᠡᠵᠢᠯ ᠤᠨ ᠰᠠᠯᠪᠤᠷᠢ ᠠᠴᠠ ᠲᠡᠭᠦᠰᠴᠦ᠂ | 1948 ᠤᠨ ᠤ11 ᠰᠠᠷᠠ ᠳᠤ ᠠᠮᠧᠷᠢᠺᠠ ᠤᠯᠤᠰ ᠲᠤ ᠬᠦᠷᠴᠦ ᠦᠷᠭᠦᠯᠵᠢᠯᠡᠨ ᠰᠤᠷᠤᠯᠴᠠᠵᠠᠢ᠃ ᠠᠮᠧᠷᠢᠺᠠ | ᠳᠤ ᠤᠴᠢᠬᠠᠰᠨ ᠬᠤᠶᠢᠨᠠ ᠲᠡᠭᠦᠨ ᠳᠤ ᠦᠭᠡ ᠬᠡᠯᠡ ᠨᠠᠪᠳᠡᠷᠡᠬᠦ ᠦᠭᠡᠢ ᠵᠡᠷᠭᠡ ᠮᠠᠰᠢ ᠤᠯᠠᠨ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ | ᠲᠤᠯᠭᠠᠷᠠᠬᠰᠠᠨ ᠪᠤᠯᠪᠠᠴᠤ ᠦᠪᠡᠷ ᠤᠨ ᠰᠢᠷᠭᠠᠭᠤ ᠴᠠᠷᠠᠮᠠᠶᠢᠯᠠᠭᠠ ᠪᠠᠷ ᠢᠶᠠᠨ ᠠᠯᠢᠪᠠ ᠬᠦᠴᠢᠷ ᠢ ᠢᠯᠠᠨ ᠲᠠᠪᠠᠵᠤ ᠂ | ᠨᠢᠭᠡ ᠲᠠᠯᠠ ᠪᠠᠷ ᠠᠵᠢᠯ ᠬᠢᠵᠦ ᠠᠮᠢᠳᠤᠷᠠᠯ ᠢᠶᠠᠨ ᠠᠷᠭᠠᠴᠠᠭᠠᠬᠤ ᠶᠢᠨ ᠲᠠᠭᠠᠭᠤ ᠺᠤᠯᠤᠮᠪᠢᠶᠠ ᠶᠡᠭᠡ ᠰᠤᠷᠭᠠᠭᠤᠯᠢ | ︵哥伦比亚大学︶ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠭᠠᠳ 1963 ᠤᠨ ᠳᠤ ᠮᠠᠰᠲ᠋ᠧᠷ（学士） | ᠴᠤᠯᠠ ᠤᠯᠵᠤ ᠲᠡᠭᠦᠰᠦᠭᠡᠳ᠂ ᠠᠯᠳᠠᠢ ᠬᠡᠯᠡᠨ ᠤ ᠰᠤᠳᠤᠯᠤᠭᠠᠨ ︵阿尔泰语系研究） | ᠢᠶᠠᠷ ᠢᠶᠠᠨ 1970 ᠤᠨ ᠳᠤ ᠢᠨᠳᠢᠶᠠᠨᠠ ᠶᠡᠭᠡ ᠰᠤᠷᠭᠠᠭᠤᠯᠢ ︵印第安纳大学︶ ᠶᠢᠨ ᠭᠦᠨ | ᠤᠬᠠᠭᠠᠨ ᠤ ᠳ᠋ᠤᠺᠲ᠋ᠤᠷ ︵ 博士 ︶ ᠴᠤᠯᠠ ᠬᠠᠮᠠᠭᠠᠯᠠᠵᠠᠢ᠃ 1971 ᠤᠨ ᠳᠤ ᠢᠨᠳᠢᠶᠠᠨᠠ ᠶᠡᠭᠡ | ᠰᠤᠷᠭᠠᠭᠤᠯᠢ ︵印第安纳大学︶ ᠶᠢᠨ ᠲᠤᠰᠬᠠᠢ ᠪᠠᠭᠰᠢ ᠪᠠᠷ ᠤᠷᠢᠬᠳᠠᠵᠤ ᠮᠤᠩᠭᠤᠯ ᠬᠡᠯᠡ᠂ | ᠮᠤᠩᠭᠤᠯ ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠡᠴᠢᠶᠡᠯ ᠢ ᠭᠤᠤᠯᠯᠠᠨ ᠵᠢᠭᠠᠬᠤ ᠶᠢᠨ ᠬᠠᠮᠳᠤ ᠠᠯᠳᠠᠢ ᠬᠡᠯᠡᠨ ᠤ ᠲᠤᠬᠠᠢ | ᠰᠤᠳᠤᠯᠭᠠᠨ ᠢᠶᠠᠨ ᠦᠷᠭᠦᠯᠵᠢᠯᠡᠨ ᠬᠢᠵᠡᠢ᠃ ᠲᠡᠷᠡᠢᠨᠳᠢᠶᠠᠨᠠ ᠶᠡᠭᠡ ᠰᠤᠷᠭᠠᠭᠤᠯᠢ ︵印第安纳大学 | ︶ ᠪᠦᠬᠦᠯᠢ ᠠᠷᠪᠠᠨ ᠶᠢᠰᠦᠨ ᠵᠢᠯ ᠪᠠᠭᠰᠢᠯᠠᠵᠤ1989 ᠤᠨ ᠤ 10 ᠰᠠᠷᠠ ᠶᠢᠨ 11 ᠤ ᠡᠳᠦᠷ ᠮᠤᠩᠭᠤᠯ ᠤᠯᠤᠰ | ᠤᠨ ᠤᠯᠠᠭᠠᠨᠪᠠᠭᠠᠳᠤᠷ ᠬᠤᠳᠠᠨ ᠲᠤ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠤᠷᠠᠯ ᠳᠤ ᠤᠷᠤᠯᠴᠠᠵᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ | ᠳᠠᠭᠠᠨ ᠦᠩᠭᠡᠷᠦ ᠶᠠᠳᠠᠷᠠᠬᠰᠠᠨ ᠠᠴᠠ ᠪᠤᠯᠵᠤ ᠲᠦᠷᠭᠡᠨ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ ᠪᠤᠯᠵᠠᠢ᠃ | ᠭᠤᠮᠪᠤᠵᠠᠪ 1961 ᠤᠨ ᠤ 11 ᠰᠠᠷᠠ ᠳᠤ ᠢᠨᠳᠢᠶᠠᠨᠠ ᠶᠡᠭᠡ ᠰᠤᠷᠭᠠᠭᠤᠯᠢ ︵印第安纳大学 | ︶ ᠳᠤ《 ᠮᠤᠩᠭᠤᠯᠴᠤᠳ ᠤᠨ ᠬᠤᠯᠪᠤᠭᠠ 》 ᠶᠢ ᠡᠭᠦᠰᠭᠡᠨ ᠪᠠᠶᠢᠭᠤᠯᠪᠠ᠃ ᠲᠤᠰ ᠬᠤᠯᠪᠤᠭᠠ ᠨᠢ ᠮᠤᠩᠭᠤᠯ | ᠤᠨ ᠲᠡᠦᠬᠡ᠂ ᠬᠡᠯᠡ᠂ ᠤᠳᠬᠠ ᠰᠤᠶᠤᠯ ᠢ ᠰᠤᠳᠤᠯᠠᠬᠤ ᠪᠠᠷ ᠭᠤᠤᠯ ᠡᠭᠦᠷᠭᠡ ᠪᠠᠨ ᠪᠤᠯᠭᠠᠵᠤ᠂ ᠡᠷᠳᠡᠮᠳᠡᠳ᠂ | ᠰᠤᠳᠤᠯᠭᠠᠳᠠᠨ ᠤ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤᠨ ᠦᠭᠦᠯᠡᠯ ᠢ ᠦᠪᠡᠷ ᠤᠨ《 ᠮᠠᠨᠳᠤᠬᠤ ᠮᠤᠩᠭᠤᠯ》 ᠰᠡᠳᠬᠦᠯ ᠳᠡᠭᠡᠨ | ᠨᠡᠶᠢᠳᠡᠯᠡᠳᠡᠭ ᠪᠠᠶᠢᠨᠠ᠃ ᠲᠡᠷᠡ ᠲᠤᠰ ᠨᠡᠶᠢᠭᠡᠮᠯᠢᠭ ᠢ ᠡᠬᠢᠯᠡᠨ ᠪᠠᠶᠢᠭᠤᠯᠤᠬᠰᠠᠨ ᠠᠴᠠ ᠠᠪᠤᠭᠠᠳ ᠨᠡᠶᠢᠭᠡᠮᠯᠢᠭ ᠤᠨ | ᠬᠡᠷᠡᠭ ᠮᠡᠳᠡᠭᠴᠢᠳ ᠤᠨ ᠲᠡᠷᠢᠭᠦᠯᠡᠭᠴᠢ ᠶᠢᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠵᠠᠢ᠃ ᠲᠤᠰ《 ᠮᠤᠩᠭᠤᠯᠴᠤᠳ ᠤᠨ | ᠬᠤᠯᠪᠤᠭᠠ 》ᠪᠠᠶᠢᠭᠤᠯᠤᠬᠳᠠᠬᠰᠠᠨ ᠠᠴᠠ ᠨᠠᠰᠢ 28 ᠵᠢᠯ ᠢ ᠦᠭᠭᠡᠷᠡᠭᠡᠭᠡᠳ ᠤᠯᠠᠨ ᠤᠯᠤᠰ ᠤᠨ ᠡᠷᠳᠡᠮ | ᠰᠢᠨᠵᠢᠯᠡᠭᠡᠨ ᠤ ᠡᠳᠡᠭᠡᠳ ᠤᠨ ᠠᠩᠬᠠᠷᠤᠯ ᠢ ᠲᠠᠳᠠᠵᠤ᠂ ᠬᠦᠨᠳᠦᠳᠬᠡᠯ ᠢ ᠤᠯᠤᠬᠰᠠᠨ ᠨᠢ ᠪᠦᠷ ᠭᠤᠮᠪᠤᠵᠠᠪ ᠠᠪᠤᠭᠠᠢ | ᠶᠢᠨ ᠤᠳᠤᠷᠢᠳᠤᠯᠭᠠ ᠪᠤᠯᠤᠨ ᠴᠠᠷᠢᠮᠠᠶᠢᠯᠠᠭᠠ ᠲᠠᠢ ᠰᠠᠯᠤᠰᠢ ᠦᠭᠡᠢ ᠶᠤᠮ᠃ | ᠭᠤᠮᠪᠤᠵᠠᠪ ᠫᠷᠤᠫᠧᠰᠰᠤᠷ ᠪᠤᠯ ᠨᠢᠭᠡᠨ ᠦᠷᠭᠡᠨ ᠮᠡᠳᠡᠯᠭᠡ ᠲᠠᠢ ᠤᠯᠠᠨ ᠪᠦᠳᠦᠭᠡᠯ ᠲᠠᠢ ᠡᠷᠳᠡᠮᠳᠡᠨ ᠶᠤᠮ᠃ | ᠲᠡᠷᠡ ᠬᠦᠨᠳᠦ ᠨᠦᠰᠦᠷ ᠵᠢᠭᠠᠨ ᠰᠤᠷᠭᠠᠬᠤ ᠡᠭᠦᠷᠭᠡ ᠠᠴᠠ ᠭᠠᠳᠠᠨᠠ ᠮᠠᠰᠢ ᠠᠷᠪᠢᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ | ᠦᠭᠦᠯᠡᠯ ᠨᠠᠶᠢᠳᠡᠯᠡᠵᠦ᠂ ᠨᠤᠮ ᠪᠢᠴᠢᠭ ᠬᠡᠪᠯᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠲᠡᠭᠦᠨ ᠤ ᠬᠡᠪᠯᠡᠭᠦᠯᠦᠭᠰᠡᠨ ᠰᠢᠨᠡ ᠬᠠᠭᠤᠴᠢᠨ | ᠮᠤᠩᠭᠤᠯ ᠬᠡᠯᠡᠨ ᠤ ᠲᠤᠯᠢ ᠪᠢᠴᠢᠭ ᠂ ᠮᠤᠩᠭᠤᠯ ᠠᠩᠭᠢᠯᠢ ᠲᠤᠯᠢ ᠪᠢᠴᠢᠭ ᠪᠠ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠷᠬᠤ ᠪᠢᠴᠢᠭ | ᠨᠢ ᠮᠤᠩᠭᠤᠯ ᠰᠤᠳᠤᠯᠤᠯ ᠬᠢᠵᠦ ᠪᠠᠶᠢᠭᠠ ᠪᠠ ᠠᠯᠳᠠᠢ ᠬᠡᠯᠡᠨ ᠤ ᠲᠤᠬᠠᠢ ᠰᠤᠳᠤᠯᠤᠭᠠᠴᠢᠳ ᠪᠤᠯᠤᠨ ᠠᠯᠳᠠᠢ ᠬᠡᠯᠡᠨ | ᠤ ᠰᠤᠳᠤᠯᠭᠠᠴᠢᠳ ᠤᠨ ᠲᠤᠳᠠᠬᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠬᠤᠪᠤᠷ ᠨᠠᠨᠳᠢᠨ ᠭᠠᠷ ᠠᠪᠤᠯᠭᠠ ᠶᠢᠨ ᠪᠢᠴᠢᠭ ᠨᠢ | ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ ᠲᠡᠭᠦᠨ ᠤ ᠭᠡᠨᠡᠳᠳᠡ ᠢᠶᠠᠷ ᠨᠠᠰᠤ ᠪᠤᠯᠤᠬᠰᠠᠨ ᠳᠤ ᠪᠦᠬᠦ ᠠᠮᠧᠷᠢᠺᠠ ᠶᠢᠨ ᠮᠤᠩᠭᠤᠯ ᠬᠡᠯᠡᠨ | ᠤ ᠰᠤᠳᠤᠯᠭᠠᠳᠠᠨ ᠨᠠᠷ ᠵᠢᠴᠢ ᠮᠤᠩᠭᠤᠯ᠂ ᠲᠤᠮᠳᠠᠳᠤ ᠵᠡᠷᠭᠡ ᠤᠯᠠᠨ ᠤᠯᠤᠰ ᠤᠨ ᠡᠷᠳᠡᠮᠳᠡᠨ ᠰᠤᠳᠤᠯᠭᠠᠳᠠᠨ ᠲᠤᠶᠢᠯ | ᠢᠶᠠᠷ ᠡᠮᠭᠢᠨᠢᠨ ᠬᠠᠰᠢᠭᠤᠳᠠᠵᠤ᠂ ᠲᠡᠭᠦᠨ ᠤ ᠱᠠᠷᠢᠯ ᠢ ᠮᠤᠩᠭᠤᠯ ᠤᠯᠤᠰ ᠤᠨ ᠠᠯᠳᠠᠨ ᠦᠯᠦᠭᠡᠢ ᠳᠤ ᠬᠦᠨᠳᠦᠳᠬᠡᠨ | ᠤᠷᠤᠰᠢᠭᠤᠯᠵᠠᠢ᠃ | ᠭᠤᠮᠪᠤᠵᠠᠪ ᠦᠳᠡᠯᠦᠬᠡ ᠨᠠᠰᠤᠨ ᠳᠠᠭᠠᠨ ᠡᠬᠡ ᠤᠯᠤᠰ᠂ ᠲᠦᠷᠦᠭᠰᠡᠨ ᠨᠤᠳᠤᠭ᠂ ᠲᠦᠷᠦᠯ ᠰᠠᠳᠤᠨ ᠢᠶᠠᠨ | ᠡᠷᠭᠢᠨ ᠦᠵᠡᠬᠦ ᠬᠡᠰᠡᠨ ᠤᠳᠠᠭᠠᠨ ᠵᠢᠯ ᠤᠨ ᠬᠦᠰᠡᠯ ᠨᠢ ᠪᠡᠶᠡᠯᠡᠭᠳᠡᠵᠦ᠂ ᠤᠯᠤᠰ ᠲᠠᠭᠠᠨ ᠢᠷᠡᠬᠦ ᠳᠤ ᠤᠯᠤᠰ ᠤᠨ | ᠲᠡᠳ᠋ ᠲᠡᠷᠢᠭᠦᠯᠡᠭᠴᠢ ᠤᠯᠠᠭᠠᠨᠬᠦᠦ ᠬᠦᠯᠢᠶᠠᠨ ᠠᠪᠠᠴᠤ ᠠᠭᠤᠯᠵᠠᠬᠰᠠᠨ ᠪᠦᠭᠡᠳ᠂ ᠤᠷᠤᠨ ᠤ ᠲᠦᠪ ᠬᠦᠬᠡᠬᠤᠳᠠᠨ | ᠳᠤ ᠮᠤᠩᠭᠤᠯ ᠡᠷᠳᠡᠮᠳᠡᠨ ᠨᠠᠷ ᠲᠠᠢ ᠠᠭᠤᠯᠵᠠᠨ ᠶᠠᠷᠢᠶᠠ ᠢᠯᠡᠳᠬᠡᠯ ᠬᠢᠵᠦ᠂ ᠡᠵᠡᠨ ᠪᠤᠬᠳᠠᠨ ᠴᠡᠩᠭᠢᠰ ᠤᠨ ᠤᠩᠭᠤᠨ | ᠢ ᠲᠠᠬᠢᠵᠦ᠂ ᠲᠦᠷᠦᠭᠰᠡᠨ ᠨᠤᠳᠤᠭ ᠭᠦᠨᠪᠤᠯᠠᠭ ᠲᠠᠭᠠᠨ ᠬᠦᠷᠴᠦ ᠲᠡᠭᠡᠳᠦᠰ ᠤᠨ ᠢᠶᠠᠨ ᠤᠪᠤᠭᠠ ᠪᠤᠩᠬᠠᠨ ᠶᠢᠨ | ᠲᠡᠬᠢᠵᠦ᠂ ᠤᠩᠭᠤᠨ ᠶᠠᠫᠠ ᠳᠠᠭᠠᠨ ᠮᠦᠷᠭᠦᠵᠦ᠂ ᠨᠠᠰᠤᠳᠠᠨ ᠲᠤᠮᠤᠭᠠᠳᠠᠨ᠂ ᠲᠦᠷᠦᠯ ᠰᠠᠳᠤᠨ ᠲᠠᠢ ᠪᠠᠨ ᠤᠴᠠᠷᠠᠵᠤ | ᠂ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠨᠠᠷ ᠲᠠᠢ ᠠᠭᠤᠯᠵᠠᠨ ᠶᠠᠷᠢᠶᠠ ᠢᠯᠡᠳᠬᠡᠯ ᠬᠢᠭᠰᠡᠨ ᠶᠤᠮ᠃ ᠨᠤᠳᠤᠭ ᠤᠨ ᠬᠢᠨᠢ ᠨᠠᠮ | ᠵᠠᠰᠠᠭ ᠤᠨ ᠤᠳᠤᠷᠢᠳᠤᠯᠭᠠ ᠡᠨᠡᠬᠦ ᠲᠡᠯᠡᠬᠡᠢ ᠵᠢᠨᠠᠯᠳᠠᠷᠳᠦ ᠡᠷᠳᠡᠮᠳᠡᠨ ᠢᠶᠠᠨ ᠡᠭᠦᠷᠢᠳᠡ ᠮᠦᠷᠦᠭᠡᠳᠡᠨ ᠲᠤᠷᠠᠰᠬᠠᠬᠤ | ᠶᠢᠨ ᠲᠦᠯᠦᠭᠡ ᠲᠡᠭᠦᠨ ᠤ ᠲᠦᠷᠦᠭᠰᠡᠨ ᠨᠤᠳᠤᠭ ᠭᠦᠨᠪᠤᠯᠠᠭ ᠰᠤᠮᠤᠨ ᠤ ᠦᠴᠢ ᠤᠪᠤᠭᠠ ᠭᠠᠴᠠᠭᠠᠨ ᠳᠤᠨᠢ《 | ᠭᠤᠮᠪᠤᠵᠠᠪ ᠤᠨ ᠲᠤᠷᠠᠰᠬᠠᠯ ᠤᠨ ᠤᠷᠳᠤᠨ》 ᠪᠠᠶᠢᠭᠤᠯᠠᠵᠤ᠂ ᠬᠦᠷᠡᠯ ᠱᠤᠭᠤᠮᠠᠯ ᠱᠤᠭᠤᠵᠤ᠂ ᠲᠤᠷᠠᠰᠬᠠᠯ ᠤᠨ | ᠤᠷᠳᠤᠨ ᠪᠠᠶᠢᠭᠤᠯᠠᠬᠳᠠᠵᠤ ᠡᠷᠦᠬᠡ ᠰᠡᠬᠦᠬᠦ ᠶᠤᠰᠤᠯᠠᠯ ᠳᠤ ᠪᠦᠬᠦ ᠤᠷᠤᠨ ᠳᠤ ᠡᠯᠡ ᠭᠠᠵᠠᠷ ᠤᠨ ᠡᠷᠳᠡᠮᠳᠡᠨ | ᠮᠡᠷᠭᠡᠳ ᠪᠤᠯᠤᠨ ᠲᠡᠭᠦᠨ ᠤ ᠤᠯᠤᠰ ᠤᠨ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠳᠤ ᠪᠠᠶᠢᠭᠠ ᠲᠦᠷᠦᠯ ᠰᠠᠳᠤᠨ ᠤᠷᠤᠯᠴᠠᠬᠰᠠᠨ | ᠪᠦᠭᠡᠨ ᠪᠠᠰᠠ ᠲᠤᠰᠬᠠᠶᠢᠯᠠᠨ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠬᠢᠵᠦ ᠲᠡᠭᠦᠨ ᠤ ᠠᠯᠳᠠᠷ ᠭᠠᠪᠢᠶᠠ ᠶᠢ ᠲᠤᠷᠰᠤᠨ | ᠲᠡᠮᠳᠡᠭᠯᠡᠭᠰᠡᠨ ᠪᠦᠭᠡᠳ ᠦᠪᠦᠷ ᠮᠤᠩᠭᠤᠯ ᠤᠨ ᠲᠧᠯᠢᠸᠢᠰ ᠬᠤᠷᠢᠶᠠ ᠲᠤᠰᠬᠠᠢ ᠫᠢᠯᠢᠮ ᠦᠢᠯᠳᠴᠤ ᠲᠤᠰᠬᠠᠢ | ᠨᠡᠪᠳᠡᠷᠭᠦᠯᠭᠡ ᠬᠢᠭᠰᠡᠨ ᠪᠠᠶᠢᠨᠠ᠃ ᠭᠦᠨᠪᠤᠯᠠᠬᠴᠤᠳ᠂ ᠭᠦᠨᠪᠤᠯᠠᠭ ᠤᠨ ᠲᠡᠦᠬᠡᠨ ᠬᠦᠬᠡ ᠰᠤᠳᠤᠷ《 ᠲᠠᠶᠢᠫᠤᠰᠧ | ᠵᠡᠭᠦᠨ ᠭᠠᠷ — ᠭᠦᠨᠪᠤᠯᠠᠭ》 ᠬᠡᠮᠡᠬᠦ ᠨᠤᠮ ᠳᠠᠭᠠᠨ ᠰᠤᠳᠤᠷᠯᠠᠵᠤ ᠲᠡᠭᠦᠨ ᠤ ᠠᠯᠳᠠᠷ ᠭᠠᠪᠢᠶᠠ ᠶᠢ ᠮᠦᠩᠬᠡᠯᠡᠭᠰᠡᠨ | ᠪᠠᠶᠢᠨᠠ᠃ |